Վահե․

Ողջույն, հարգելի հաշվապահներ։ Ա կազմնակերպության սեփականատերերը ցանկանում են Ա կազմակերպության իրենց բաժնեմասին համապատասխան հաստոցները Ա կազմակերպությունից դուրս գալով ներդնել Բ կազմակերպությունում: Ա կազմակերպության հիմնադիրները նաև հանդիսանում են Բ կազմակերպության հիմնադիրներ: ։նդրում եմ հայտնել Ձեր կարծիքը այս գործառույթի հետ կապված, և քայլերի հերթականությունը և նպատակահարմարությունը հարկերի առաջացման առումով:

Հերմինե․

Բարև Ձեզ: ԱՁ-ն աշխատում է միկրոյով, և մատակարարում է ձուկ, կարո՞ղ է արդյոք հաշիվ դուրս գրել այն կազմակերպությանը, ում ապրանք է մատակարարել։ Նշեմ, տվյալ ԱՁ-ն ասել է միայն կարող են քարտային հաշվեհամարին գումար փոխանցել։ Արդյո՞ք դա խնդիր չի առաջացնի ապրանքները ձեռք բերող կազմակերպության համար։

Էդուարդ․

Բարև Ձեզ։ Կխնդրեմ ասեք՝ թափոնները որպես ծախս շահութահարկով նվազեցվու՞մ են, թե՞ ոչ, և քանի՞ տոկոսի չափով։ Կխնդրեի հղում տալ ՀՕ հոդվածին։

Անի․

Կազմակերպությունը ապառիկ վաճառել է համակարգիչ, որի սկզբնական արժեքը 800 000 դրամ է, վաճառքի պահին կուտակված մաշվածությունը` 400 000 դրամ: Համակարգիչը վաճառվելէ 720 000 դրամով, ներառյալ` ԱԱՀ-ն: Վաճառքից գումարը ստացվելու է առաջիկա ամսվա ընթացքում: Պահանջվում է կատարել անհրաժեշտ հաշվարկները, որոշել ֆինանսական արդյունքը՝ կազմելով համապատասխան թղթակցությունները:

Այլ հաշվապահական խնդիրներ

Նարեկ․

Բարև Ձեզ։

Կազմակերպությունը հաշվեկշռում ունի ապրանքներ, որոնք տալիս է մեկ այլ կազմակերպության, սակայն այդ կազմակերպությունը որպես փոխհատուցում մարքեթինգային գործիքների միջոցով խթանելու է այդ կազմակերպության գործունեությունը։ Ի՞նչ գործարքներ պետք է անել և ինչպե՞ս փաստաթղթավորել գործարքը։

Շուշան․

Բարև Ձեզ, խնդրում եմ ասեք․ ես խորհրդատվական ծառայություն եմ մատուցելու արտերկրում գործող կազմակերպությանը, որի համար պետք է բացեմ ԱՁ, բայց նաև ունեմ մեկ այլ գրանցված աշխատանք, որտեղ բոլոր հարկերը վճարվում են, պե՞տք է արդյոք ԱՁ բացելուց հետո միևնույն է վճարեմ եկամտային հարկ և սոց․ վճար։

Հռիփսիմե․

Բարև Ձեզ: Հարգելիներս, Ա/Ձ -ն, որն աշխատում է միկրոյի դաշտում, ունի տարածք, և ուզում է վարձով տալ կարի արտելի, որը գրանցված չէ հարկային դաշտում: Խնդրում եմ կասեք իմ և իր պարտականությունները վարձակալության պահով՝ ի՞նչ պետք է արվի, և հարկային դաշտում ի՞նչ վճարումներ պետք է արվի : Շնորհակալություն։

Կարեն․

Ողջույն։ Շահութահարկ վճարողի համար արդյո՞ք ծախս է համարվում բանկային հաշվից գողացված գումարը։ Կանխավ շնորհակալ եմ։

Աննա․

Հարգելի հաշվապահներ, կասե՞ք խնդրեմ՝ ԱՁ եմ գրանցվել միկրոձեռնարկատիրության համակարգում, և ցանկանում եմ խմորեղեներ պատրաստել և վաճառել։ Կասե՞ք խնդրեմ՝ ի՞նչ պարտավորություններ կառաջանան, և «Տեղական» մակագրությամբ ակցիզային դրոշմանիշների և (կամ) դրոշմապիտակների տրամադրման հաշվետվություն էլ պետք է հանձնվի, թե՞ ոչ: Կանխավ շնորհակալ եմ։

Աննա․

Հարգելի հաշվապահներ, կասե՞ք խնդրեմ, այս պարագայում էլեկտրոնային հարթակը ինչ է նշանակում, ուզում եմ հասկանալ սա որ դեպքում է:

Ուղևորափոխադրումները էլեկտրոնային հարթակով ուղևորափոխադրման ծառայության միջոցով ստացված պատվերով իրականացվելու դեպքում յուրաքանչյուր ուղևորափոխադրման համար սույն հոդվածի 2-րդ մասում նշված չափով պետական տուրքը գանձում և պետական բյուջե է վճարում էլեկտրոնային հարթակով ուղևորափոխադրման ծառայություն մատուցող կազմակերպությունը կամ անհատ ձեռնարկատերը:

3. Սույն հոդվածի կիրառության իմաստով` 1) ավտոբուս է համարվում այն ավտոմոբիլը, որի նստատեղերի քանակը, բացառությամբ վարորդի նստատեղի, գերազանցում է տասնյոթը. 2) միկրոավտոբուս է համարվում իննից մինչև տասնյոթ նստատեղ ունեցող (առանց վարորդի նստատեղի) ավտոմոբիլը։

Անի․

Բարև Ձեզ, հարցս հետևյալն է․ ցանկանում ենք բացել հագուստի վարձակալման սրահ Հրազդան քաղաքում։ Ի՞նչ քայլեր է հարկավոր անել։

Հովհաննես․

Բարև ձեզ։ Ունեմ հետևյալ խնդիրը․ ունեցել եմ ԱՁ, զբաղվել եմ ֆրեշների վաճառքով, աշխատել եմ շրջանառության հարկով։ Բիզնեսը լուծարվել է և հարկային պարտավորություն է առաջացել 500.000֏-ի չափով։ Ի՞նչ պարագայում կարող եմ չվճարել։ Կանխավ շնհորակալություն։

Արամ․

Բարև Ձեզ: ՀՀ-ում գրանցված անհատ ձեռներեցը կարո՞ղ է փորձնակ/պրակտիկանտ ընդունել: Եթե այո, կարո՞ղ է պրակտիկանտը կամավոր կարգով աշխատել, այսինքն առանց աշխատավարձի, և ի՞նչ պայմաններ պետք է ապահովի ԱՁ-ն պրակտիկանտի համար: Նաև կարո՞ղ է ԱՁ-ն փորձնակին պրակտիկայի վերջում ինքնուրույն սերտիֆիկատ ստեղծել և տալ, թե՞ վալիդ, այլ ինստիտուտների կողմիղ ճանաչվող սերտիֆիկատ ստեղծելու համար ինչ-որ պաշտոնական մեխանիզմներ կան: Շնորհակալություն:

Արման․

«ՎԱՅԼԴԲԵՐՐԻԶ» Սահմանափակ պատասխանատվությամբ ընկերություն (ՍՊԸ) ից ստացել եմ հաշիվ՝ հանձնակատարի ծառայության, սա կապ ունի՞ կոմիսիայի, լոգիստիկայի հետ։

Հայկ․

Բարև Ձեզ: Աշխատողին հոկտեմբեր ամսվա համար աշխատավարձի կանխավճար էի փոխանցել, սակայն ամբողջ ամիս չի աշխատել և ազատվել է աշխատանքից: Վերջնահաշվարկի արդյունքում պարզվեց, որ ավել վճարված մասը նա պետք է հետ փոխանցի: Աշխատողը փոխանցումը արել է տերմինալով, այլ ոչ թե իր բանկային հաշվից: Նպատակն էլ նշել է հաշվի համալրում: Սա խնդիրներ կառաջացնի՞ արդյոք: Շնորհակալություն։

Գոհար․

Բարև ձեզ։ Եթե ՀՈԱԿ-ը չի վարել/չունի գույքի արժեքի, մաշվածության մատյան, ( առկա է միայն հիմնական միջոցների, արագամաշ առարկաների ցանկը), խնդիր չի՞ առաջանա, եթե վերագնահատող ծառայություն մատուցող կազմակերպությանը դիմի և ի՞նչ կարժենա։

Վիկտորիա․

Բարև Ձեզ, ցանկանում եմ Ա/Ձ գրանցել, քանի որ ՀՀ-ում հեռահար աշխատում եմ, սակայն այս պահին ֆիզիկապես չեմ կարող գալ ՀՀ։ Հնարավո՞ր է լիազորագրի միջոցով բացել ԱՁ-ն։ Ինչպես նաև բանկային հաշվեհամար, կարծում եմ Ամերիան այդ հնարավորությունն ունի, այնպես չէ՞։

Դավիթ․

Բարև Ձեզ, ԱՁ աշխատում է առևտրով Երևան քաղաքում, հետևաբար շրջհարկով։ Որ խնդրեմ կասե՞ք՝ չհիմնավորված փաստաթղթերով ձեռք բերված ապրանքների համար ի՞նչ հարկեր են վճարվելու։

Գոռ․

Բարև Ձեզ։ Բացի ալկոհոլային խմիչքներից և ծխախոտից այլ ապրանքներ կա՞ն, որոնք պարտադիր պետք է QR կոդով վաճառվեն։

Հերմինե․

Բարև ձեզ։ ՍՊԸ-ն իր հետ համագործակցող ԱՁ-ներին ցանկանում է տալ նվերներ, օրինակ, հենց մեր պահեստից հագուստ, հեռախոս և այլն, ինչպես նաև գնված այլ նվերներ։ Խնդրում եմ ասեք՝ հանձնման-ընդունման ակտ պետք կգա՞։ Հղում կտաք ինչ որ օրենքի՝ ավելի լավ ուսումնասիրեմ։ Սկսնակ եմ։ Շատ շնորհակալ եմ։

Հերմինե․

Բարև ձեզ։ Օտարերկրյա գործուղման դեպքում կառավարության կողմից սահմանված օրապահիկից բացի, այլ հիմնավորված ծախսեր կարելի՞ է նվազեցնել շահութահարկից։ Օրինակ բերեմ՝ Օրապահիկ է տրվել 74$ 5 օրվա համար։ Փաստացի սննդի ծախսերը կազմել են 100$ օրեկան։ Հասկանում եմ, որ ավել մասով եկամտային հարկ կձևավորվի։ Բացի դրանից, 70$ այլ ծախսեր են եղել, օրինակ՝ ճանապարհածախս և այլն։ Ո՞ր մասի համար կձևավորվի եկամտային հարկ, և ինչքա՞նը կարող եմ նվազեցնել։ Գիտեմ, որ համախառն եկամտի 5 տոկոսը չեն գերազանցելու:

Արփի․

Բարև Ձեզ։ Ցանկանում ենք քաղաքացու հետ կնքել մասնագիտական ուսուցման պայմանագիր, մինչև աշխատանքի ընդունվելը հաստիքի գործառություների, մոտեցումների, մասնագիտական տեղեկատվությունը յուրացնելու վերաբերյալ։ Արդյո՞ք պայմանագիրը ծառայությունների կամ փորձնակության պայմանագիր է ենթադրում, և խնդրում եմ տրամադրել պայմանագրի օրինակ հենց մասնագիտական ուսուցում անցնելու մասով։

Մելինե․

Հարգելի հաշվապահներ, խնդրում եմ ուղղորդել. ՍՊԸ-ն 2020թ ունեցել է շահույթ ՝ 350 000 դրամ, 2021-ին վնաս ՝ 6 400 000 դրամ, իսկ 2022-ին շահույթ ՝ 4 200 000 դրամ, 2023ին էլ շահույթ ՝ 2 400 000։ Հիմա ես վնասից հետո իրավունք ունե՞մ 2022 և 2023 թթ-ի շահույթը բաշխել, թե՞ ոչ:

Հասմիկ․

Բարև ձեզ, հարցս այսպիսին է․ հայրն ունի Ա/Ձ և զբաղվում է տպագրությամբ։ Եթե տղան ևս Ա/Ձ բացի և զբաղվի ֆրեշի և սուրճի վաճառքով, այդ դեպքում երկու Ա/Ձ-ները կհամարվե՞ն փոխկապակցված, թե՞ ոչ։

Ռուզաննա․

Հարգելի հաշվապահներ, ՍՊԸ-ն իրավաբանական ծառայություն է մատուցելու ոչ ռեզիդենտ ֆիզ անձին, որի դիմաց վճարումը կատարելու է վերջինիս գործատուն, որը հանդիսանում է ոչ ռեզիդենտ իրավաբանական անձ: Այս պարագայում արդյո՞ք ՍՊԸ-ն պետք է էլեկտրոնային եղանակով դուրս գրի հաշիվը ոչ ռեզիդենտ իրավաբանական անձի անունով:

Հարություն․

Բարև Ձեզ: ՍՊԸ-ն գործում է հարկման ընդհանուր համակարգում: Ֆիզիկական անձից ձեռք ենք բերել գյուղատնտեսական նշանակության հողակտոր առանց շինության 16 մլն. դրամով: Արդյո՞ք ԱԱՀ-ի հաշվետվության 18-րդ տողում այդ գումարը պետք է ցույց տալ: Հարց 2․ Նույն ՍՊԸ-ն ֆիզ. անձից վարձակալում է մարդատար ավտոմեքենա ամսական 200 հազար դրամով: Արդյո՞ք ԱԱՀ-ի հաշվետվության 18-րդ տողում այդ գումարը պետք է ցույց տալ: Կանխավ շնորհակալություն:

Նարեկ․

Ես նախատեսում եմ Ռուսաստանից ներկրել էլեկտրական ծխախոտներ։ Խնդրում եմ պարզաբանել հետևյալը՝ ինչպիսի՞ փաստաթղթեր և թույլտվություններ են անհրաժեշտ ներմուծման գործընթացի համար։ Ի՞նչ տեսակի հարկեր կառաջանան ներմուծման ժամանակ (Ներմուծման մաքսատուրք, ԱԱՀ և այլ հարկեր)։ Ի՞նչ հիմունքներով են հաշվարկվում մաքսային վճարները և հարկերը։ Կա՞ն արդյոք որևէ հատուկ սահմանափակումներ կամ կարգավորումներ, որոնք վերաբերում են էլեկտրոնային ծխախոտների ներմուծմանը, որ պետք է հաշվի առնեմ։

Նարե․

Բարև Ձեզ։ Հարգելի հաշվապահներ, ԱԱՀ–ով աշխատող ՍՊԸ-ն առաջին անգամ պետք է գովազդային ծառայություն մատուցի ՌԴ-ում գրանցված կազմակերպությանը։ Խնդրում եմ ասել՝ ի՞նչ պետք է անել գործարքը ճիշտ իրականացնելու համար, եթե ծառայությունների մատուցման վայրը ՀՀ-ն է։

Ալլա․

Բարև Ձեզ։ Եթե շրջանառության հարկով աշխատող ԱՁ-ի շրջանառությունը անցել է 115 մլն ԱԱՀ շեմը, հանձնել է 262 ձև-ը, այս դեպքում 20 %-ով պետք է հարկվի մինչև այս տարվա վերջ, թե՞ 2025թ-ին էլ կհամարվի ԱԱՀ վճարող։

Լուսինե․

Բարև Ձեզ։ Կազմակերպության տնօրենը գործուղման նպատակով Ֆլայ Դուբայի կայքից օնլայն ձեռք է բերել ավիատոմս, վճարել է 450 ԱՄՆ դոլար կազմակերպության դրամային բիզնես քարտով (օրվա կուրսով հաշվել է, ավտոմատ փոխարկվել է)։ Ֆլայ Դուբայի կայքը տրամադրել է միայն ավիատոմսի ամրագրման և հաստատման փաստաթուղթը, որտեղ երևում է նաև ավիատոմսի արժեքը։

Հարց 1․ Արդյո՞ք այս մասով պետք է գրվի ինքնահաշիվ

2․ Արդյո՞ք այս մասով առաջանում է ոչ ռեզիդենտի շահութահարկ։

Հ․Գ․ նշեմ նաև, որ Ֆլայ Դուբայից ստացված նամակով տեղեկացնում են, որ առանձին ինվոյս իրենք չեն տրամադրում, ավիատոմսի փաստաթուղթը ինքնին համարվում է նաև ինվոյս։

Սուսաննա․

Խնդրում եմ օգնեք․ եթե ֆիզիկական անձը ցանկանում է անհատույց օգտագործման սպորտային հագուստ և խմբակի սպորտային գույք տրամադրել խմբակին, մասնավորապես ԱՁ -ի մոտ հարկային դաշտում պարտավորություններ չեն առաջանում, եթե վերջինս աշխատում է ԱԱՀ-ով։ Արդյո՞ք շահութահարկի գծով Ա/Ձ պարտավորություններ կունենա։

Գայանե․

Բարև Ձեզ, հարգելի հաշվապահներ։ ԱՁ մարզում է և գործում է շրջհարկով, գովազդային վահանակներ է արտադրում, նաև ունի սուրճի ապարատ, որը համայնքապետարանով թույլտվություն ունի։ Կասե՞ք՝ սուրճի ապարատի համար էլ է պետք շրջանառություն ցույց տալ, և ինչպե՞ս է դա իրականացվում։ Կանխավ շնորհակալ եմ։

Արամ․

Բարև ձեզ, հարգելի հաշվապահներ: ԱԱՀ-ով աշխատող Ա/Ձ-ն զբաղվում է միրգ – բանջարեղենի գնմամբ գյուղացիներից և մեծածախ վաճառքով: Կասե՞ք խնդրում եմ՝ գյուղացիներից ի՞նչ փաստաթղթեր, տեղեկանքներ է անհրաժեշտ վերցնել, որպեսզի ԱԱՀ դեբետագրվի, ամսվա վերջում հաշվանցելու նպատակով: Կանխավ շնորհակալ եմ:

Ռոզա․

Բարև Ձեզ։ ԱԱՀ-ով աշխատող ԱՁ-ն ցանկանում է հաշվարկային հաշվից գումար փոխանցել իր անձնական քարտին, արդյո՞ք դա դիտվում է որպես կանխիկացում և պետք է գրանցվի էլ. դրամարկղի գրքում:

Հայկ․

Բարև բոլորին: Հարցս հետևյալն է. ԱՁ-ն բացվել է 2024թ. օգոստոսին, սակայն հարկային համակարգում չի գրանցվել, և քանի որ չի ընտրել հարկման հատուկ համակարգ, ավտոմատ դարձել է ԱԱՀ վճարող: Օգոստոսին ներմուծել է ֆոտո տպիչ, և այլևս գործունեություն չի ունեցել: Հիմա ցանկանում է դադարեցնել գործունեությունը: Այսօր արդեն գրանցել եմ համակարգում, բայց դե ԱԱՀ-ի ամսական զրոյական հաշվարկներն էլ չի ուղարկվել: Ճի՞շտ կլինի հիմա ուղարկել 2 ամիսների հաշվարկը, հետո գործունեությունը դադարեցնելու դիմումը: Ի՞նչ պատասխանատվություն է նախատեսվում խախտման համար։

Գայանե․

Բարև Ձեզ, հարգելի հաշվապահներ։ Խնդրում եմ օգնել հետևյալ հարցում։ ՍՊԸ-ն գործում է շրջհարկով, ՍՊԸ-ի անունից ապրիլ ամսում մեքենա են ձեռք բերել 4 միլիոնի։ Հարկայինից ծանուցում են ստանում, որ ապրիլ ամսվա եկամտային հաշվետվության մեջ ցույց չենք տվել։ Ճշտում տվեցի և 4 միլիոնը ցույց տվեցի, նշեմ, որ մեքենան վարկով են ձեռք բերել։ 10% պետք է մուծե՞նք։ Եթե այո, կա՞ արդյոք ժամկետ, և խնդրում եմ կասե՞ք՝ ի՞նչ այլ հաշվետվություններ և պարտավորություններ ունի ՍՊԸ-ն։ Արվեստի բնագավառ է։ Կանխավ շնորհակալություն:

Լուսինե․

Շրջանառության հարկով աշխատող ԱՁ-ն ապրանք սարքավորումներ է ներմուծում Չինաստանից վաճառքի նպատակով։ Ի՞նչ հաշվետվություններ պետք է ներկայացնի և ո՞ր ծախսերը պետք է նվազեցնի։ Շնորհակալ եմ։

Արմեն․

Հարգելի հաշվապահներ, խնդրեմ մի քանի հարցով խորհուրդ տաք լոգիստիկ ծառայություններ մատուցող ընկերության հաշվապահության վերաբերյալ (Ռուսաստանից բեռնափոխադրում դեպի Հայաստան):

1) Միկրո/շրջհարկ կարո՞ղ է աշխատել, թե՞ միայն ԱԱՀ

2) Եթե կազմակերպության սեփականության իրավունքով բեռնատարներ չունի, և վարձով էլ չի վերձնում, այլ Ռուսաստանի բեռնափոխադրող ընկերության հետ կամ անհատ վարորդի հետ է պայմանավորվում(իրենց մեքենայով), որ իրենք ՌԴ-ից ապրանքը բարձեն և բերեն Հայաստան, արդյո՞ք էս իրավիճակում մենք համարվում ենք միջնորդական ծառայություն մատուցած, թե՞ համարվում է, որ բեռնափոխադրումը մեր կազմակերպությունը կատարեց, այսինքն եթե բեռնափոխադրման հաշիվ դուրս գրենք ԱԱՀ-ով աշխատելու դեպքում, գործարքը կլինի ԱԱՀ-ից ազատված:

3) Եթե ՌԴ կազմակերպություն է մատուցում մեզ բեռնափոխադրման ծառայությունը, և ունենք իրենց ռեզիդենտության տեղեկանք (ՌԴ-ի), ապա ոչ ռեզիդենտի շահութահարկ չի առաջանում այո՞, բայց ինքնահաշիվ պե՞տք է գրել։ Եվ եթե դրսի գործընկերը ոչ թե կազմակերպություն/ԱՁ է, այլ ֆիզ անձ իր մեքենայով, էս դեպքում իրեն վճարումը և գործարքի փաստաթղթավորումները և առաջացող հարկերը ինչպե՞ս են կազմակերպվում:

Նախապես շնորհակալություն Ձեր տրամադրած ժամանակի համար:

Լուսինե․

Բարև Ձեզ։ Շրջհարկով աշխատող ԱՁ-ն 24 մլն անցել է։ Խնդրում եմ ասել՝ ՀԴՄ-ն անվանացանկով դառնում է 2025թ․-ի հունվարի 1-ի՞ց, թե՞ այս պահից սկսած։

Վահագն․

Բարև Ձեզ։ Ավտոտեխսպասարկման կետը, բացի ավտոմեքենաների վերանորոգումից, կատարում է նաև յուղի փոխարինում և վաճառք և նաև որոշ պահեստամասերի վաճառք։ Ճիշտ կլինի՞ յուղի վաճառքի համար նշել G47.30.3, իսկ պահեստամասի վաճառքի համար G45.32.0 դասակարգիչները և եթե ոչ՝ ի՞նչ դասակարգիչ նշել հաշվետվություններում։

Նարինե․

Բարև ձեզ։ ՍՊԸ-ն նոր է բացվելու, աշխատելու է շրջհարկով, զբաղվելու է դռների արտադրությամբ և արտադրած դռների վաճառքով։ Խնդրում եմ ասեք՝ սկզբի համար ի՞նչ է պետք անել։

Տաթև․

Բարև ձեզ։ Ֆիզ․ անձը մատուցում է փափուկ կահույքի քիմմաքրման ծառայություններ, եթե գրանցվի որպես ԱՁ-ը, ի՞նչ հարկատեսակով կարող է աշխատել՝ միկրոյով, թե՞ շրջհարկով, և ի՞նչ հարկեր պետք է վճարի, և կարո՞ղ է հաշիվ գրել այն կազմակերպություններին, ում մատուցում է ծառայությունը։ Շնորհակալություն։

Միշել․

Ողջույն, սիրելի հաշվապահներ։ Պետք է Ա/Ձ գրանցեմ՝ որպես օտարերկրյա ընկերության մարքեթինգային ծառայություններ մատուցող մասնագետ։ Կարո՞ղ եք հուշել՝ ո՞ր հարկային դաշտն է առավել օպտիմալ։

Աննա․

Հարգելի հաշվապահներ, ԱՁ աշխատում է միկրո համակարգում, գործունեության տեսակը՝ հացի արտադրություն մարզում, ապրանքը՝ հացը առաքում է խանութներին։ Կասե՞ք խնդրեմ՝ կարո՞ղ է հաշիվ վավերագիր դուրս գրել խանութներին, կանխավ շնորհակալ եմ։

Լիլիթ․

Բարև ձեզ։ Նախորդ ամսվա դրամարկղային գիրքը սխալ է լրացվել, 30․09-ի թիվը հաջորդ օրը մինչև կեսօր չի արտացոլվել, հետևաբար սեպտեմբեր ամսում չի նշվել։ Ի՞նչպես կարելի է դա շտկել, այս ամսվա սկզբին գրած գումարը խմբագրելով։ Նախապես շնորհակալություն։

Նելլի․

Բարև Ձեզ։ Կարո՞ղ է հիմնադիրը իր սեփականություն համարվող անշարժ գույքը տա վարձակալության, իր իսկ ՍՊԸ-ին, որը աշխատում է շրջանառության հարկով։ Եվ այդ դեպքում վարձակալության եկամտային հարկը կրկի՞ն կազմում է 10%։

Դավիթ․

Բարև Ձեզ։ Ես Ա/Ձ եմ ուզում բացել Wildberries հարթակում ապրանքներ վաճառելու նպատակով։ Խնդրեմ ասել՝ ի՞նչ հարկեր եմ վճարելու, ՀԴՄ սարք անհրաժե՞շտ է, և ապրանքները դրսից է բերվելու վաճառքի համար։

Рипи.

Ինձ պետք է ուղեցույց, թե ինչպես քայլ առ քայլ գրանցեմ բրենդս։ Կարո՞ղ եք մանրամասն ուղղորդել։

Զավեն․

Բարև ձեզ։ Ունեմ հաշվիս վրա կալանք հարկադիր մարմնի կողմից, բայց ցանկանում եմ բացել ԱՁ։ Արդյո՞ք հնարավոր է։

Աշոտ․

Բարև ձեզ։ Եթե Աշխատողն ունի կուտակված արձակուրդի օրեր, օրինակ՝ 20 օր, որից 10 օրը գնում է արձակուրդ, օրինակ սեպտեմբեր ամսին, սեպտեմբեր ամսվա եկամտային հարկի հաշվարկում աշխատած օրերի քանակը և աշխատավարձը հաշվարկվում է մնացած 11 օրվա համար, թե՞ 21 օրվա համար։