
Գրանցման հայտը չի ներկայացվել
Ռուզան.
Ողջույն:
ՍՊԸ-ի աշխատողը իր դիմումի համաձայն գտնվում է իր հաշվին արձակուրդում, բայց գրանցման հայտը չեմ ներկայացրել: Եկամտային հարկի հաշվետվության մեջ աշխատավարձը 0 է: Պատասխանատվություն կա՞: Իսկ եթե հիմա ուղարկե՞մ:

Ի՞նչ հարկատեսակներով է հարկվում և ի՞նչ հաշվետվություններ է ներկայացնում ԱՁ-ն
Լյուսի.
Բարև ձեզ: Խնդրում եմ, ասեք՝ ի՞նչ հարկատեսակներով է հարկվում և ի՞նչ հաշվետվություններ է ներկայացնում ԱՁ-ն, որը հանդիսանում է պարարվեստի դպրոց։

Հաշվետվությունների ներկայացման էլեկտրոնային համակարգ
Հայկ.
Հարգելի գործընկերներ, լիազորի գրանցումից հետո մուտք եմ գործում հաշվետվությունների ներկայացման էլեկտրոնային համակարգ, սակայն այնտեղ բացակայում է «հաշվետվություններ» պատուհանը: Վերջին պատուհանը «օգնություն» պատուհանն է: Ի՞նչ անել: Խնդրում եմ օգնել:

Ձևակերպում
Սյուզաննա.
Խնդրում եմ օգնել տալ ճիշտ հաշվապահական ձևակերպում: Հաճախորդը վերադարձրել է ապրանք, որի արժեքի մի մասը վճարվել է բոնուսային քարտի կուտակումների միջոցով: Ապրանքի գինը եղել է 11 000 դրամ, առձեռն վճարվել էր 9 900 դրամ: Կազմակերպությունը աշխատում է ԱԱՀ-ով:

Ա/Ձ-ն գործունեություն չի ծավալել
Սամվել.
Բարև ձեզ: Ես ֆիզիկական անձ եմ և դարձել եմ Ա/Ձ: Սակայն, հանգամանքներից ելնելով, ոչ մի գործունեություն չեմ ծավալել և ոչ մի պայմանագիր չեմ կնքել: Եվ հիմա ցանկանում եմ կասեցնել: Խնդրում եմ, ինձ ասեք՝ ես կասեցման դեպքում պարտավորություն ունե՞մ ինչ-որ մուծումներ կատարել, և եթե այո, խնդրում եմ ասել՝ որտեղ և ինչ չափով: Իմ անունով Ա/Ձ հանելուց հետո չի անցել 20 օր, սակայն ամիս է փոխվել:

ԱՁ-ն չունի ՀԴՄ և դրամարկղային գիրք
Մարիամ.
Խնդրում եմ օգնել: Եթե ունեմ ԱՁ, որը աշխատում է շրջ. հարկով և հաշիվ վավերագիր եմ գրել ֆիզիկական անձին, ինչպե՞ս է կատարվում վճարումը, եթե ԱՁ-ն չունի ՀԴՄ և ոչ էլ դրամարկղային գիրք։ Կանխավ շնորհակալ եմ։

Ինչպե՞ս ձևակերպել դիմումը
Հեղինե․
Ունեմ մեկ տարեկան երեխա, 4 ամսականից վերադարձել եմ աշխատանքիս, սակայն ցանկություն ունեմ կրկին ֆիզ. արձակուրդ գնալ: Ինչպե՞ս ձևակերպեմ դիմումս։

Գործունեություն հանրային սննդի ոլորտում
Անահիտ.
Հարգելի հաշվապահներ,
եթե հանրային սննդի օբյեկտում (ռեստորանում) թխվում է հաց միայն տվյալ ռեստորանում մատուցելու համար, դա արդյո՞ք համարվում է այլ գործունեություն և հարկվում 20 % շրջ. հարկով, թե՞ հանրային սննդի գործունեություն է։

Անձը ցանկանում է թխվածք պատրաստել և վաճառել
Պետրոս.
Ի՞նչ է հարկավոր անել, եթե ֆիզիկական անձը ուզում է տանը թխվածք պատրաստել և հանձնել վաճառքի մթերային խանութում (ամսական 30-40 հազար դրամի սահմաններում):

Կարո՞ղ է շրջ. հարկով աշխատող ՍՊԸ-ն վճարումներ ընդունել կանխիկ՝ առանց ՀԴՄ ապարատի
Հասմիկ.
Բարև ձեզ: Կասե՞ք՝ շրջ. հարկով աշխատող ՍՊԸ-ն կարո՞ղ է վճարումներ ընդունել կանխիկ՝ առանց ՀԴՄ ապարատի: Եթե այո, այդ դեպքում միայն դրամարկղի գիրք պետք է լրացվի՞ և տրվի դրամարկղի մուտքի օրդեր:
Կանխավ շնորհակալություն:

Ինչպե՞ս է որոշվում միջին օրական աշխատավարձը
Անուշ.
Եթե աշխատանքային գրաֆիկը հերթափոխով է, ինչպե՞ս է որոշվում միջին օրական աշխատավարձը։
Ըստ ԱՕ 195-րդ հոդվածի 3-րդ մասի՝
Հնգօրյա աշխատանքային շաբաթվա դեպքում միջին օրական աշխատավարձի չափը որոշվում է՝ միջին ամսական աշխատավարձը բաժանելով 21-ի: Վեցօրյա աշխատանքային շաբաթվա դեպքում միջին օրական աշխատավարձի չափը որոշվում է՝ միջին ամսական աշխատավարձը բաժանելով 25-ի։

Անձինք ցանկանում են շինարարական աշխատանքների ծառայություններ մատուցել
Արմեն.
Բարև ձեզ: Ես և ընկերս ցանկանում ենք շինարարական աշխատանքների ծառայություններ մատուցել օրինական դաշտում: Որ խնդրեմ, կասե՞ք՝ ինչ պետք է անենք, քայլերի հաջորդականությունը:

Ի՞նչ փաստաթուղթ պետք է լրացնել
Վիլեն․
Բարև ձեզ: Խնդրեմ, կասե՞ք՝ գործուղված անձանց օրապահիկ և գիշերավարձ վճարելու վերաբերյալ ի՞նչ փաստաթուղթ պետք է լրացնել:

Ուղևորափոխադրումներ իրականացնելու համար
Սոնա.
Բարև ձեզ, հարգելի գործընկերներ: Խնդրում եմ, պատասխանեք իմ հետևյալ հարցին: Միկրոավտոբուսով կանոնավոր ուղևորափոխադրումներ կատարելու համար որտեղի՞ց և ինչպե՞ս կարելի է ձեռք բերել արտոնագիր և ինչպե՞ս վճարել արտոնագրային հարկ: Կանխավ շնորհակալություն:

ՀԿ-ն տարածքի վարձակալության համար գումար է ստացել
Էմմա.
Հարգելի գործընկերներ,
խնդրում եմ, կասե՞ք՝ եթե ՀԿ-ն տարածքի վարձակալության համար գումար է ստացել, ի՞նչ հարկային պարտավորություններ ունի:

Գործուղման ծախսերը հաստատող փաստաթղթեր չեն ներկայացվել
Սաթեն.
Բարև ձեզ: Խնդրում եմ, հուշեք՝ ինչպես են հաշվարկվում ՀՀ տարածքում ՍՊԸ-ի միջոցներից հատկացվող գործուղման ծախսերը, եթե գործուղումից վերադառնալուց և աշխատանքի ներկայանալուց հետո գործուղման ծախսերը հաստատող փաստաթղթեր չեն ներկայացվել: Եվ եթե կարելի է, խնդրում եմ, փաստացի օրինակով՝ քաղաքացին գործուղվել է ՀՀ տարածքում, վճարումը նախապես է կատարվել, վերադառնալուց հետո չի ներկայացրել ծախսերը հիմնավորող փաստաթղթեր: Որքա՞ն կկազմի գործուղման նվազագույն վճարը:

Ինչպե՞ս է կատարվելու վերջնահաշվարկը
Սոնա.
Բարև ձեզ: Կխնդրեմ օգնել: Եթե աշխատել եմ 2 ամիս՝ ամսական 15 օր և 12-ժամյա գրաֆիկով (նաև ցերեկային և գիշերային հերթափոխերով), ինչպե՞ս է կատարվելու վերջնահաշվարկը:
Կանխավ շնորհակալ եմ։

Եթե ֆիզ. անձը ծառայություն է մատուցել ոչ ռեզիդենտ կազմակերպությանը
Անի.
Խնդրում եմ, օգնեք: Եթե ֆիզ. անձը ծառայություն է մատուցել ոչ ռեզիդենտ կազմակերպությանը, պե՞տք է ԱՁ բացի, թե՞ գրանցվի որպես եկամուտ վճարող ֆիզիկական անձ: Ո՞ր դեպքում ինչ հարկային պարտավորություններ են առաջանում:

Անձը ցանկանում է կրպակ բացել և սուրճ վաճառել
Հերմինե.
Բարև ձեզ: Ես ցանկանում եմ բացել կրպակ և սուրճ վաճառել, նաև այն տալ խանութներին։ Ասացեք, խնդրեմ, ինչպե՞ս բացել ԱՁ, և եթե աշխատող ունենամ, հարկային դաշտում ինչքա՞ն պետք Է վճարեմ։ Կամ եթե գնել եմ սուրճը և ցանկանում եմ այն նոր անուն դնել և հասցե, ի՞նչ պետք է անեմ և ի՞նչ պետք է վճարեմ։ Եվ ինչպե՞ս կարող եմ ֆակտուրա հանել և տալ խանութներին։
Նախապես շնորհակալություն։

Վերջնահաշվարկ կատարելիս
Նարինե.
Բարև ձեզ։ Վերջնահաշվարկից եկամտային հարկ և սոց. վճար պահվու՞մ է, թե՞ ոչ:

ՀԿ-ն քաղիրավական պայմանագիր է կնքել ֆիզ. անձի հետ
Ժաննա.
ՀԿ-ն քաղաքացիաիրավական պայմանագիր է կնքել ֆիզ. անձի հետ, վերջինս պետք է մատուցի վճարովի ծառայություններ ՀԿ-ին։ ՀԿ-ն պե՞տք է վճարի այդ մասնագետի համար շահութահարկ, և եթե այո, ի՞նչ դրույքաչափերով և ի՞նչ ընթացակարգով։ Ուրիշ ի՞նչ հարկեր ունի վճարելու այդ մասով ՀԿ-ն, եթե այդ վճարովի ծառայությունները 3֊րդ կողմին կրկին վճարովի հիմունքներով են մատուցվելու (կրթական ծառայություններ, որի համար մասնակիցները վճարելու են ՀԿ-ին, վերջինս էլ՝ իր մասնագետին ծառայությունների մատուցման համար՝ քաղաքացիաիրավական պայմանագրի համաձայն):

Որքա՞ն է լիցենզիայի համար վճարվող պետական տուրքը
Անի.
Որքա՞ն է լիցենզիայի համար սահմանված պետական դրույքաչափը։

Ա/Ձ-ի հարկային պարտավորությունների վերաբերյալ
Վարսիկ.
Բարև ձեզ։ Ա/Ձ-ն ինչպե՞ս կարող է տեսնել, թե ինչքան պարտք ունի հարկայինում։

Կազմակերպությունը զբաղվում է օտար լեզուների ուսուցմամբ
Աշոտ.
Կազմակերպությունը զբաղվում է օտար լեզուների ուսուցմամբ, այս գործունեությունը պահանջու՞մ է լիցենզիա կամ որևէ թույլտվություն:

Պարտավորությունների հաշվառում
Երազիկ.
Բարև ձեզ: «Պարտավորությունների հաշվառում» թեմայի մասին նյութեր են հարկավոր, որտեղի՞ց կարող եմ օգտվել:

Ներմուծվում է մանկական հագուստ և կոսմետիկա
Մելինե.
Բարև ձեզ։
ԱՄՆ-ից և Անգլիայից ներկրում ենք մանկական հագուստ և կոսմետիկա։ 2020թ.-ից ցանկանում ենք բացել փոքրիկ կրպակ։ Որպես ի՞նչ է ճիշտ գրանցել՝ ԱՁ՞, թե՞ ընտանեկան ձեռնարկատիրություն։ Շատ փոքր բիզնես է։ Մեկի և մյուսի դեպքում ի՞նչ հարկեր են կիրառվում։

Ի՞նչ հարկատեսակով է աշխատելու վարսավիրանոցը 2020թ․ հունվարի 1-ից հետո
Հասմիկ․
Բարև ձեզ: Կասե՞ք, խնդրեմ, 2020թ.-ից վարսավիրանոցը (միայն Ա/Ձ-ն է) ի՞նչ հարկատեսակով է աշխատելու։

Ինչպե՞ս ձևակերպել արձակուրդայինը
Կարինե.
Բարև ձեզ: Խնդրում եմ ինձ օգնել: Աշխատողը ընդունվել է աշխատանքի 2005թ.-ից և մինչ օրս չի գնացել արձակուրդ, իսկ 2019թ. ապրիլից էլ գտնվում է բյուլետենի մեջ (հիվանդության պատճառով): Ինչպե՞ս պետք է ձևակերպել արձակուրդայինը և ազատել աշխատանքից:

Լիազորագիր տալու վերաբերյալ
Հեղինե.
Բարև ձեզ: ՀՈԱԿ-ի տնօրենը կարո՞ղ է պատահական մարդու (ոչ իր աշխատակցի) լիազորագիր տալ իր հիմնարկի գործունեության համար անհրաժեշտ ձևաթղթեր ստանալու համար:
Կանխավ շնորհակալություն:

Եթե Ա/Ձ-ն գործունեություն չի իրականացրել
Կառլեն.
Բարև ձեզ: Ես Նոր Ա/Ձ եմ գրանցվել, կուզենայի ճշտել՝ եթե դեռ չեմ սկսել իմ գործունեությունը, կա՞ արդյոք հնարավորություն ամսական սոց. վճարումներ չիրականացնելու։

Գործուղման վերաբերյալ
Անի.
Բարև ձեզ: Հարցս հետևյալն է՝ նոյեմբերի 17-ին, ժամը 14:30-ին մեկնում եմ Մինսկ գործուղման և վերադառնում եմ նոյեմբերի 21-ի գիշերը, ժամը 02:45-ին։ Քանի՞ օր եմ համարվում գործուղման մեջ, նոյեմբերի 21-ի համար գործատուն պե՞տք է վճարի օրապահիկ, թե՞ ոչ, և նոյեմբերի 21-ին ես պարտավո՞ր եմ ներկայանալ աշխատանքի։

Աշխատանքային գրքույկը լրացնելու վերաբերյալ
Անուշ.
Եթե առաջին գործատուն չի լրացրել աշխատանքային գրքույկում ո՛չ միջին ուսումնական հաստատությունում սովորելու ստաժը, ո՛չ անհատ ձեռնարկատեր լինելու փաստը, ի՞նչ անել, և ինչպե՞ս ու ո՞վ պետք է լրացնի:

ՍՊԸ բացելու դեպքում
Սոնա Ղազարյան.
Եթե ունենք արդեն ԱՁ, աշխատում ենք շրջ. հարկով, ապա նոր ՍՊԸ բացելու դեպքում, որը աշխատելու Է ԱԱՀ-ով, ինչպե՞ս կազդի դա ԱՁ-ի հարկատեսակի վրա: Արդյո՞ք երկուսն էլ կտեղափոխվեն ԱԱՀ-ի դաշտ:

Ի՞նչ հարկային պարտավորություններ են առաջանում
Գեղամ․
Բարև ձեզ։ Միրգ-բանջարեղենի խանութի համար ի՞նչ հարկեր պետք է վճարվեն։

Կազմակերպությունը Ռուսաստանից ապրանք է ներմուծում
Դավիթ.
Բարև ձեզ: Կազմակերպությունը Ռուսաստանից ապրանք է ներմուծում, բեռնափոխադրող ընկերությունը հայկական ընկերություն է և բեռնափոխադրման համար մեզ հաշիվ է դուրս գրելու: Կասե՞ք՝ ինչպես է հաշվարկելու ԱԱՀ-ն և մաքսատուրքը:

Կարելի՞ է արդյոք երթուղային թերթիկը փոխարինել այլ փաստաթղթով
Գեղամ.
Խնդրում եմ, օգնեք: Արդյո՞ք կարելի է ավտոմեքենայի երթուղային թերթիկի փոխարեն, կախված աշխատանքի բնույթից, կազմել այլ փաստաթուղթ, օրինակ՝ ակտ, որտեղ կլրացվեն բոլոր վավերապայմանները, ինչ պահանջում են ուղեգրերը, և եթե ոչ, ապա ո՞ր օրեքով է պարտադրվում:

Եթե ՀԿ-ն իրականացնում է առևտրային գործարք կամ մատուցում է ծառայություն
Արմեն․
Հարգելի գործընկերներ, եթե ՀԿ-ն իրականացնում է առևտրային գործարք կամ մատուցում է ծառայություն վարձատրության դիմաց, իսկ շրջանառության հարկ վճարող համարվելու դիմում չի ներկայացրել, արդյո՞ք այդ դեպքում տվյալ գործարքը հարկվում է ԱԱՀ-ով, և այդ մասով պե՞տք է դուրս գրել հարկային հաշիվ։ Շնորհակալություն։

Ուսումնական կենտրոն բացելու համար
Գայանե.
Ուսումնական կենտրոն բացելու համար լիցենզիա անհրաժե՞շտ է: ՍՊԸ բացելու համար ի՞նչ է անհրաժեշտ:

ԱՁ-ն ֆիզ. անձից ստանում է կաթնամթերք
Սյուզաննա.
Խնդրում եմ օգնել մի հարցում. շրջ. հարկով աշխատող ԱՁ-ն ֆիզ. անձից վաճառքի նպատակով ստանում է կաթնամթերք: Արդյո՞ք այստեղ կա օրենքի որևէ խախտում, և եթե այո, ապա ի՞նչ պատասխանատվություն է նախատեսված, քանի որ ապրանքները դրոշմապիտակ չունեն:
Կանխավ շնորհակալություն:

Դրամարկղային գիրքը լրացնելու վերաբերյալ
Լիզա.
Քանի՞ օրը մեկ կարող ենք լրացնել դրամարկղային գիրքը, կախվա՞ծ է գումարի չափից:
Նախօրոք շնորհակալություն:

Պարտադի՞ր է կնքել ավտոմեքենայի երթուղային թերթիկը
Արտակ.
Արդյո՞ք պարտադիր է կնքել ավտոմեքենայի երթուղային թերթիկը:

Ճշգրտող հաշիվ դուրս գրելու վերաբերյալ
Սյուզաննա.
Բարև ձեզ: Խնդրում եմ ասել՝ կարելի՞ է արդյոք ճշգրտող հաշիվ դուրս գրել ապրանքի մատակարարումից մեկ տարի անց, կա՞ արդյոք ապրանքի վերադարձի ժամանակի սահմանափակում:
Կանխավ շնորհակալություն:

Ինչպե՞ս է հարկվելու գործունեությունը
Արմեն.
Ունեմ խնձորի այգի և տարեկան 300 լ մրգային օղի արտադրելու հնարավորություն։ Խնդրում եմ հուշել գործունեության ամենամատչելի ձևը և հարկման տեսակները։ Կանխավ շնորհակալ եմ։

Ա/Ձ-ն չի ներկայացրել գործունեությունը վերսկսելու հայտարարություն
Արթուր.
Խնդրում եմ, շտապ է: Եթե Ա/Ձ-ն դադարեցման հայտարարություն ունի չաշխատելու մասին, մի քանի ամիս հետո սկսել է աշխատել առանց վերսկսելու հայտարարություն ներկայացնելու, բայց հաշվետվություն ներկայացրել է, ի՞նչ պետք է անի, ներկայացնի հայտարարություն հետին թվո՞վ, թե՞ այսօրով, վարչական կա՞ այս դեպքում:

Կազմակերպությունն արտադրում է 3 տեսակի արտադրանք
Արմինե.
Կազմակերպությունն արտադրում է 3 տեսակի արտադրանք, մեկ միավորի վերաբերյալ տվյալներն են՝ ինքնարժեք՝ 12 000 դրամ, վաճառքի ակնկալվող գին՝ 15 000 դրամ, իրացման սպասվող ծախսեր՝ 1 000 դրամ, մնացորդ՝ 200 դրամ, որոշել՝ ինչ արժեքով կարտացոլվեն պաշարները հաշվեկշռում:

Անձը ցանկանում է Ա/Ձ բացել և տարածք վարձակալել
Թինե.
Բարև ձեզ: Ես ունեմ խմբակ, աշխատում եմ երեխաների հետ: Ինչպե՞ս պետք է մտնեմ հարկային դաշտ, և ինչքա՞ն են կազմելու իմ վճարումները: Ուզում եմ Ա/Ձ բացել և տարածք վարձակալել: Էլ ի՞նչ պետք է անեմ, և որքա՞ն են լինելու իմ պարտավորությունները:

Անձը ցանկանում է մեղր վաճառել
Արամ.
Բարև ձեզ: Մտադիր եմ վարձակալել փոքր տարածք՝ մոտ երեք քառակուսի, ու վաճառել մեղր Հայաստանի տարբեր մարզերից: Վաճառելու եմ ինքս, ուրիշ աշխատող չի լինելու: Պետ. ռեգիստրում անհատ ձեռներեց գրանցվելուց հետո, ինչքան հասկանում եմ, պետք է հաշվառվել հարկայինում: Չե՞ք հուշի՝ ինչ հարկեր պետք է վճարեմ:

ԱՁ-ն զբաղվում է առևտրային գործունեությամբ
Սիմոն.
Եթե ԱՁ-ն ունի կրպակ, զբաղվում է առևտրային գործունեությամբ, որի շրջանառությունը չի գերազանցում 24.0 մլն. դրամը, և միաժամանակ կրպակում ունի խաղային ավտոմատ (որը մինչև տարվա վերջ հարկվում է արտոնագրային հարկով) 2020 թվականի հունվարի 1-ից հետո այս երկու գործունեության տեսակները ի՞նչ հարկով են հարկվելու:

Երրորդ անձին լիազորելու վերաբերյալ
Բարև ձեզ: ՍՊԸ-ի տնօրենը իրավունք ունի՞ իր կողմից, առանց նոտարի, երրորդ անձին լիազորելու ՍՊԸ-ի կողմից պետական մարմնի հետ պայմանագիր կնքելու:

Ի՞նչ հաշվետվություն պետք է ներկայացնել
Հռիփսիմե.
ՍՊԸ-ն պետական գրանցում է ստացել 20.09.2019թ.: Մինչ օրս չի սկսել որևէ գործունեություն իրականացնել: Շրջանառության հարկ վճարելու մասին դիմում չի ներկայացվել: Արդյո՞ք պետք է ներկայացնել այս տարվա 3-րդ եռամսյակի հարկային հաշվետվություն: Եթե այո, ի՞նչ հաշվետվություն է պետք ներկայացնել, թե՞ կա հնարավորություն գործունեությունը չսկսելու կամ կասեցնելու մասին հայտարարություն ներկայացնելու:
Կանխավ շնորհակալություն:
Վերջին մեկնաբանություններ