
Արդյո՞ք գործունեությունը կհամարվի միկրոձեռնարկատիրություն
Անահիտ.
Հրատարակչական այլ գործունեությամբ ԱՁ-ն՝ J.58.19.0 դասիչով, միկրոձեռնարկատիրություն համարվելու՞ է, թե՞ ոչ:

Ի՞նչ հաշվետվություններ պետք է ներկայացնել
Մելինե.
Շրջանառության հարկով հարկվելու դեպքում բացի եռամսյակային հաշվետվություններից տարին ամփոփելիս էլ ի՞նչ հաշվետվություններ պետք է ներկայացնել, նույնը ԱԱՀ-ի մասով (բացի ամսական հաշվետվություններից):
Կանխավ շնորհակալություն:

Որքա՞ն է ուսուցչի շաբաթական աշխատաժամանակը
Լուսինե․
Բարև ձեզ։ Խնդրում եմ, ինձ շտապ պետք է գտնել հարցիս պատասխանը, եթե օգնեք, շատ շնորհակալ կլինեմ։
Ուզում եմ իմանալ՝ ուսուցիչների աշխատաժամանակի հաշվարկն ինչպես է կատարվում, արդյոք կա՞ որևէ հիմք հանդիսացող աղյուսակ (կողմնորոշիչ աղյուսակ)։ Օրինակ՝ եթե ուսուցիչն ունի շաբաթական 18 ժամ ծանրաբեռնվածություն և նաև դասղեկ է, որքա՞ն է նրա շաբաթական աշխատաժամանակը։

Առաջանու՞մ է արդյոք ոչ ռեզիդենտի հարկ
Սաթեն.
Խնդրում եմ, պատասխանեք՝ շրջ. հարկով աշխատող կազմակերպությունը արտասահմանյան կազմակերպությանը 600 $ գումար է փոխանցել (ինվոյսի հիման վրա) նրանց ինտերնետային կայքում կազմակերպության գործունեության վերաբերյալ հայտարարություն տեղադրելու իրավունք ունենալու համար: Ոչ ռեզիդենտի հարկ առաջանու՞մ է: Ինչպե՞ս ձևակերպեմ՝ ծառայությու՞ն, թե՞...:

Կարո՞ղ է արդյոք գործունեությունը համարվել միկրոձեռնարկատիրություն
Մարինե.
Կազմակերպության շրջանառությունը չի գերազանցում 24 մլն դրամը, այսինքն՝ շրջանառության չափը թույլ է տալիս լինել միկրոձեռնարկատիրության սուբյեկտ, սակայն քանի որ գործունեությունը առք ու վաճառքն է, ուստի չի կարող այդ մասով հանդիսանալ միկրոձեռնարկատիրություն: Հարցս այսպիսին է՝ իսկ կարո՞ղ է արդյոք մանկական կարուսելների ծառայության գործունեության համար համարվել միկրոձեռնարկատիրության սուբյեկտ (կարուսելների աշխատանքը բացօթյա է, այսինքն՝ սեզոնային է):

Եթե կազմակերպությունը հոգում է օտարերկրյա հյուրերի հյուրանոցային ծախսերը
Արփի.
Բարև ձեզ:
Եթե կազմակերպությունը հոգում է օտարերկրյա հյուրերի հյուրանոցային ծախսերը, արդյո՞ք սա դիտվում է որպես մյուս կողմից տրված եկամուտ և հարկվում է եկամտային հարկի դրույքաչափերին համապատասխան:
Կանխավ շնորհակալություն:

Ընկերությունում իրականացվել է գույքագրում
Վարդան.
Բարև ձեզ:
Ընկերությունում իրականացվել է գույքագրում, և հայտնաբերվել են ավելցուկներ և պակասորդներ: Բացակայում է պահեստից մոտ 100 000 դրամի ապրանք: Պակասորդներն ու ավելցուկներն ամենայն հավանականությամբ «պահեստից դուրսգրումները» թղթաբանությանը համապատասխան չեն իրականացվել... փաստաթղթով դուրս է գրվել XY-20, իսկ իրականում պահեստից բաց է թողնվել XY-25, արդյունքում պակասում է XY-25-ը, իսկ XY-20-ը ավելցուկ է:
Ինչպե՞ս վարվել նման պարագայում, որո՞նք են ընկերությունում հաջորդ քայլերը:

Ընտանեկան ձեռնարկատիրությամբ զբաղվող ԱՁ-ն ի՞նչ հաշվետվություններ է հանձնելու
Շուշան.
Ընտանեկան ձեռնարկատիրությամբ զբաղվող ԱՁ-ն ի՞նչ հաշվետվություններ է տալու հարկային մարմնին՝ տարեկան կամ եռամսյակային, եթե չունի գրանցված աշխատող: Կանխավ շնորհակալ եմ ձեր արձագանքի համար:

Անձը ցանկանում է զբաղվել անվտանգության սպասարկման գործով
Արթուր.
Բարև ձեզ: Ես ուզում եմ զբաղվել էլիտար բնակարանների անվտանգության սպասարկման գործով, ինձ հարկավոր է ՍՊԸ բացե՞լ, թե՞ ԱՁ-ն բավական է, և ո՞րը խորհուրդ կտաք ու ինչի՞ համար, մի խոսքով՝ մանրամասն: Կանխավ շատ շնորհակալ եմ:

ՀԴՄ տրամադրող Ա/Ձ-ի համար
Արտավազդ.
Բարև ձեզ: ՀԴՄ տրամադրող Ա/Ձ-ի համար կա՞ ինչ-որ տարբերություն ՀԴՄ-ում գնորդի ՀՎՀՀ-ն գրելու և չգրելու դեպքում:

Դաշտային պայմաններում կամ տեղափոխման (տեղաշարժման) բնույթ կրող աշխատանքներում աշխատողների կողմից կատարվող ծախսերը
Կարեն.
Բարև ձեզ: ՀՀ կառավարության 711-Ն որոշման համաձայն՝ դաշտային պայմաններում կամ տեղաշարժման աշխատանքներում աշխատողների կողմից կատարվող ծախսերը նվազեցվում են: Հարցս հետևյալն է՝ նշված ծախսերը ո՞ր փաստաթղթերում պետք է արտացոլվեն:

Ո՞ր կատեգորիայի աշխատողները կարող են հրաժարվել աշխատավարձը անկանխիկ ստանալու եղանակից
Մագա.
Բարև ձեզ: Տեղեկացել եմ, որ 2020թ. հունվարի 1-ից ուժի մեջ է մտնելու անկանխիկ եղանակով աշխատավարձի վճարման մասին օրենքը, որը վերաբերելու է միայն Երևան քաղաքին: Գիտեմ նաև, որ աշխատողը կարող է հրաժարվել վճարման նման եղանակից և ընտրել կանխիկով վճարումը: Խնդրում եմ, պարզաբանեք՝ ո՞ր կատեգորիայի աշխատողները կարող են, թե՞ համատարած բոլորը:

Անձը ցանկանում է ՍՊԸ հիմնադրել
Արման Հարությունյան.
Բարև ձեզ: Ես ցանկանում եմ հիմնել ՍՊԸ, որը զբաղվելու է դասավանդումներով և կոնֆերանսների կազմակերպմամբ:
1. Արդյո՞ք կարող եմ որպես օֆիս նշել Co working տարածքը:
2. Աշխատակից գրանցելուց ի՞նչ պետք է անեմ:
3. Եվ ի՞նչ հարկատեսակ է կիրառվելու այս դեպքում և ի՞նչ դրույքաչափով:

Արդյո՞ք կազմակերպությունը կարող է համարվել միկրոձեռնարկատիրության սուբյեկտ
Արամ.
Հարգելի հաշվապահներ, եթե կազմակերպությունը 2019թ.-ին գերազանցել է 18 մլն. դրամը, իսկ 24 մլն. դրամը չի գերազանցել, արդյո՞ք 2020թ.-ին կարող է համարվել միկրոձեռնարկատիրության սուբյեկտ: Շնորհակալություն:

Հաշվապահական խնդիր․ ինչպիսի՞ ձևակերպումներ պետք է տալ
Մարիամ.
1) Կասե՞ք՝ ինչպես ձևակերպեմ՝ նվիրատվությամբ ստացվել են հաստոցներ՝ 350 000 դրամ:
2) Կօգնե՞ք՝ լուծեմ հետևյալ խնդիրը՝ ՍՊԸ-ն վաճառել է սարքավորումներ, որոնց սկզբնական արժեքը վաճառքի պահի դրությամբ կազմել է 800 000 դրամ, իսկ կուտակված մաշվածությունը՝ 350 000 դրամ: Սարքավորումները վաճառվել են 600 000 դրամով՝ գումարած ԱԱՀ: Սարքավորումների ապատեղակայման և տեղափոխման համար հաշվարկվել է աշխատավարձ բանվորներին՝ 15 000 դրամ, տրանսպորտային ծախսեր՝ 20 000 դրամ: Գնորդի կողմից վճարումը կատարվելու է 1 ամսվա ընթացքում: Պահանջվում է ձևակերպել հիմնական միջոցների վաճառքի գործառնությունները: Որոշել և ձևակերպել հիմնական միջոցների վաճառքից ստացված շահույթը կամ վնասը:

Ի՞նչ պետք է արվի ապրանքային մնացորդի հետ ԱՁ-ն փակելու դեպքում
Նաիրա.
Ա/Ձ-ն զբաղվել է առևտրային գործունեությամբ: Փակելու դեպքում ի՞նչ պետք է արվի ապրանքի մնացորդի հետ:

Ի՞նչ փաստաթղթեր են անհրաժեշտ ընտանեկան բիզնեսի գրանցման համար
Լիլիթ.
Բարև ձեզ: Կասե՞ք՝ ինչ փաստաթղթեր են անհրաժեշտ ընտանեկան բիզնեսի գրանցման համար:

Չօգտագործված արձակուրդի քանի՞ օր ունի աշխատակիցը
Արսեն.
Ողջույն: Ընդհանրապես շաբաթական 5-օրյա աշխատանքի դեպքում տրամադրվում է 20 աշխատանքային օր արձակուրդ: Ես աշխատել եմ 1,5 տարի և հիմա որոշել եմ ազատվել աշխատանքից: Արձակուրդից օգտվել եմ վերջերս և գնացել եմ 25 աշխատանքային օր արձակուրդ: Այս պահին ես դեռ քանի՞ օր ունեմ արձակուրդային, այսինքն՝ վերջնահաշվարկին քանի՞ օր կհաշվարկվի: Շնորհակալություն:

Աշխատակիցը պետք է մեկնի հղիության և ծննդաբերության արձակուրդ
Հայկ.
Բարև ձեզ: Կխնդրեի օգնել:
Եթե աշխատակիցը պետք է գնա հղիության և ծննդաբերության արձակուրդ, նրա նպաստի հաշվարկման համար նախորդող 12 ամիսները չեն ձևավորվում, քանի որ ընդունվել է աշխատանքի 6 ամիս առաջ, ապա միջին աշխատավարձի հաշվարկման համար հանրագումարը բաժանում ենք 12-ի՞, թե՞ 6-ի: Եվ նաև կուզեի իմանալ՝ միջին օրական աշխատավարձը բազմապատկում ենք աշխատանքային օրերի թվո՞վ, թե՞ օրացուցային օրերով: Եթե կարելի է, գրեք ամենավերջին փոփոխությունը օրենքի հղումով: Նախապես շնորհակալություն:

Ինչպե՞ս է կատարվելու աշխատավարձի հաշվարկը 2020թ․ հունվարի 1-ից հետո


Որքա՞ն կկազմի աշխատավարձը
Մուշեղ.
Բարև ձեզ: Աշխատավարձս առանց հարկման կազմում է 195 000 դրամ + 45 % հավելավճար, ամսվա ընթացքում հինգ օր եղել եմ վատառողջ և ներկայացրել եմ անաշխատունակության թերթիկ, որքա՞ն պետք է լինեն պահումները, և որքա՞ն աշխատավարձ պետք է ստանամ:

Ինչպե՞ս է իրականացվում ԱՁ-ի փակման գործընթացը
Նարինե.
Բարև: Ինչպե՞ս է իրականացվում ԱՁ-ի փակման գործընթացը: Կա՞ արդյոք որևէ վճար: Հնարավո՞ր է դա իրականացնել առցանց եղանակով:

Արդյո՞ք ինկոտերմսերը կիրառելի են ինքնարժեքը հաշվարկելու ժամանակ


Ո՞վ պետք է վճարի դրոշմանիշային վճարը
Աննա.
Բարև ձեզ, հարգելի հաշվապահներ: Խնդրում եմ պատասխանել մի հարցի՝ եթե աշխատողը լրիվ դրույքով չի աշխատում, և մաքուր աշխատավարձը ցածր է 55 000 դրամից, այս դեպքում ո՞վ պետք է դրոշմանիշային վճարը վճարի՝ աշխատողը՞, թե՞ գործատուն: Նշեմ նաև, որ լրիվ դրույքով աշխատելու դեպքում նրա աշխատավարձը կլինի նվազագույնը:

Տրանսֆերային գնագոյացման շրջանակներում փոխկապակցված համարվող անձինք
Մարինե.
Բարև ձեզ: Ես անհատ ձեռներեց եմ, 2019թ.-ին ծառայություն եմ մատուցել միայն մեկ կազմակերպության: Խնդրում եմ պատասխանել՝ արդյո՞ք ՀՕ-ի 73-րդ գլխի 362-րդ հոդվածի համաձայն (օրենքը գործելու է 2020 թվականից)՝ աշխատելու եմ ԱԱՀ-ի դաշտում, թե՞ այդ օրենքը կկիրառվի 2021թ.-ին:

Կազմակերպությունը վճարել է, սակայն չի ստացել նոր սերնդի ՀԴՄ
Արտակ.
Ողջույն:
Բանկում վճարում կատարելուց հետո ՊԵԿ-ի համակարգով դիմել ենք նոր սերնդի ՀԴՄ ստանալու համար, բայց մի քանի ամիս հայտը անպատասխան թողնելուց հետո հիմա դա ընդհանրապես չի երևում ՀԴՄ դիմումների բաժնում: Որևէ մեկը կարո՞ղ է ասել, թե ինչպես և ում է պետք դիմել կատարված վճարումը հետ ստանալու համար, քանի որ նոր սերնդի ՀԴՄ, կարծես, առաջիկայում չեն էլ տրամադրվելու, ու նորից դիմելու իմաստ չկա:

Որքան կկազմի արձակուրդայինի գումարը
Հեղինե.
Բարև ձեզ: Խնդրում եմ ասեք՝ եթե աշխատավարձը կազմում է 98 000 դրամ, իսկ դեկտեմբեր ամսին, որը արձակուրդային ամիսների հաշվարկի մեջ է, ստացել է պարգևատրում՝ 50 000 դրամ, արձակուրդայինի գումարը ինչքա՞ն կլինի:

Շրջանառության հարկի ո՞ր դրույքաչափն է կիրառելի
Դավիթ.
Բարև ձեզ: ԱՁ-ն աշխատում է շրջանառության հարկով, կասե՞ք՝ քանի տոկոս շրջ. հարկ պետք է տա, և եկամտային ու սոց. վճարը ինչքան է կազմում, և եթե կա գրանցված աշխատող, նրանց համար եկամտային և սոց. վճարի հաշվարկը ինչ ձևով է իրականացվում: Եվ պե՞տք է արդյոք ունենալ դրամարկղային գիրք: Շնորհակալություն:

Կազմակերպությունը համագործակցում է Yandex տաքսիի հետ
Անի.
Բարև ձեզ: Հարցս վերաբերում է միջնորդ կազմակերպությանը, որը համագործակցում է Yandex տաքսիի հետ: Աշխատում են առանց պայմանագրի, անկանխիկ վճարումներով: Մատուցված ծառայության դիմաց չկա հ/ա, բայց կա հաշվետվության ձև հենց իրենց ծրագրից, որը պետք է ուղարկվի հարկային, որ կարողանանք եկամուտը ցույց տալ: Հարցս հետևյալն է՝ ի՞նչ տարբերակով պետք է ուղարկեմ հարկային, որ դա երևա իրենց մոտ:

Կազմակերպությունը լուծարվում է
Մարինե․
Բարև ձեզ, հարգելի հաշվապահներ: Հարցերս շտապ են, խնդրում եմ հնարավորության դեպքում պատասխանել հետևյալ հարցերիս՝
Հարց 1․ Կազմակերպությունը լուծարվում է 2020թ. հունվար ամսին, այսինքն՝ վերջին աշխատանքային օր է համարվում 2019թ. դեկտեմբերի 31-ը: Արձակման նպաստը, համաձայն Աշխատանքային օրենսգրքի, վճարվում է աշխատողի մեկ ամսվա միջին աշխատավարձի չափով: Ինչպե՞ս հաշվարկել միջին աշխատավարձը, դեկտեմբեր ամիսը ներառե՞լ միջին աշխատավարձի հաշվարկում, թե՞ ոչ:
Հարց 2․ Կազմակերպության գործունեությունը համարվում է միկրոավտոբուսով ուղևորափոխադրումը, աշխատում է առավոտյան 07:00-ից մինչև 19:00-ն: Աշխատաժամանակի առավելագույն տևողությունը, ներառյալ՝ արտաժամյա աշխատանքը, չի կարող գերազանցել շաբաթական 48 ժամը։ Արտաժամյա աշխատաժամանակի տևողությունը տարվա ընթացքում չպետք է գերազանցի 180 ժամը, 2 իրար հաջորդող օրերի համար չի կարող գերազանցել 4 ժամը: Խնդրում եմ պատասխանել, թե ինչպես կազմել աշխատանքային գրաֆիկը, որպեսզի չխախտենք օրենքը, և ինչպես լրացնենք աշխատաժամանակի հաշվարկի տեղեկագիրը:

Ձևակերպում
Աննա.
Բարև ձեզ: Կօգնե՞ք տալ տվյալ գործառնության հաշվապահական ձևակերպումը՝ հաշվետու անձի կողմից նյութերի վաճառքի համար վճարվել է միջնորդավճար՝ 8 000 դրամի չափով:

Գույքահարկի վճարման վերաբերյալ
Նարինե․
Բարև ձեզ։ Կներեք, ես ունեմ 2008-2012թթ․ գույքահարկ՝ 60 000 դրամ, արդյո՞ք պետք է դա վճարեմ: Շնորհակալություն։

Անձը ցանկանում է զբաղվել պատճենահանմամբ
Թամարա․
Բարև ձեզ: Ուզում եմ ԱՁ բացեմ և զբաղվեմ պատճենահանմամբ: Խնդրում եմ, ասեք՝ ի՞նչ վճարումներ պետք է կատարեմ, և արդյո՞ք ՀԴՄ սարքը պարտադիր է: Նախապես շնորհակալություն:

Սոցիալական վճարի հաշվին պետք է հատուցվի 25 000 դրամ
Խաթուն.
Բարև ձեզ: Աշխատողը մահացել է, հարազատներին ասել են, որ սոց. վճարից պետք է հատուցվի 25 000 դրամի չափով: Ինչպե՞ս է դա կատարվելու այն դեպքում, երբ աշխատակիցը սոց. վճար վճարող չէր: Խնդրում եմ տալ օրենքի հղում:

Կազմակերպությունը հրաժարվում է վերջնահաշվարկ կատարել աշխատողի հետ
Վարդուհի․
Բարև ձեզ: Հարցս հետևյալն է՝ եթե կազմակերպությունը հրաժարվում է վերջնահաշվարկ վճարել, կա՞ արդյոք այնպիսի կազմակերպություն, որը կարող է լուծել այդ հարցը:
Կանխավ շնորհակալություն:

Օտարերկրյա պետություններ գործուղման գումարների չափեր
Աննա.
Բարև ձեզ: Կարո՞ղ եմ մի հարց տալ՝ օտարերկրյա պետություններ գործուղման գումարների չափի մասին որտե՞ղ կարող եմ կարդալ: Շնորհակալություն:

Կազմակերպությունը ձեռք է բերել ձմեռային անվադողեր իրեն պատկանող ավտոմեքենայի համար
Արմինե.
Հարգելի մասնագետներ, կազմակերպությունը ձեռք է բերել ձմեռային անվադողեր իրեն պատկանող ավտոմեքենայի համար: Արդյո՞ք այդ անվադողերի համար վճարվող գումարը կարելի է ծախսագրել, թե՞ դա պետք է գումարել (կապիտալացնել) հիմնական միջոցի արժեքին և ամորտիզացնել: Եվ ինչպե՞ս է որոշվում, թե որ տարբերակով պետք է ձևակերպել: Շնորհակալություն:

ՀԴՄ կտրոնի վրա չի նշվել գնորդի ՀՎՀՀ-ն


Կազմակերպությունը ներմուծել է մարդատար տրանսպորտային միջոց ոչ ԵՏՄ անդամ պետությունից
Քրիստինե.
Բարև ձեզ: Ներեցեք, կօգնե՞ք ձևակերպել՝ կազմակերպությունը ներմուծել է մարդատար տրանսպորտային միջոց ոչ ԵՏՄ անդամ պետությունից, որի գնման գինը՝ 600 000 դրամ, չի վճարվել: Շնորհակալություն:

Որքա՞ն են ՀՀ տարածքում վճարվող գործուղման ծախսերը


Արդյո՞ք տրված ձևակերպումները ճիշտ են
Ելենա.
Հաշվարկային հաշիվ է մուտքագրվել նյութերի վաճառքից հատուցումը, ձևակերպումը կլինի այսպե՞ս՝ դտ 252 - կտ 221, իսկ արտադրամասից մուտքագրվել են վերադարձվող նյութերը, այսպե՞ս՝ դտ 211 - կտ 811:

Տնօրենը գումար է կանխիկացրել ՌԴ-ում գործուղման ժամանակ
Հայկ.
Բարև ձեզ: Եթե կարող եք, օգնեք, շատ կարևոր է:
ՍՊԸ-ի տնօրենը մի քանի օր գտնվել է Ռուսաստանում գործուղման մեջ, այդ ընթացքում ընկերության վճարային քարտով այնտեղից պարբերաբար կանխիկացրել է գումար՝ ռուբլով, որոնք բանկի քաղվածքներում արդեն երևում են թե՛ ռուբլով, թե՛ դրամով՝ հաշվարկված օրվա կուրսով: Հարցս հետևյալն է՝ ինչպե՞ս ձևակերպեմ այդ կանխիկացումները, քանի որ չեմ կարող մեկ բանկային օրվա ընթացքում մուտք անել դրամարկղ:

Հաշվետվության ո՞ր ձևը պետք է հանձնել
Մարիամ.
Մի հարց, եթե կարելի է՝
1. եթե աշխատակիցը taxservise-ում գրանցվել է նոյեմբերի 25-ին, իսկ աշխատելու է 26-ից, ապա նոյեմբեր ամսվա համար պետք է հաշվարկենք նույն 23 տոկոս եկամտային հարկ և 5 տոկոս սոց. վճա՞ր, թե՞ պետք է հաշվենք 1 օրվա կտրվածքով և բազմապատկենք աշխատած օրերի թվով:
2. taxservise-ում կան եկամտային հարկի և սոցիալական վճարի հաշվետվության տարբեր օրինակներ, կասե՞ք՝ որ ձևը պետք է օգտագործի ԱՁ-ն, որը շրջանառության հարկ վճարող է:
Շնորհակալություն:

Ինչպե՞ս հաշվարկել շինության մաշվածությունը
Անահիտ Հարոյան.
Բարև ձեզ: Խնդրում եմ, ասեք՝ երկաթ-բետոնյա շինության մաշվածության տոկոսը ինչպե՞ս պետք է որոշենք:
Կանխավ շնորհակալություն:

Անձը ցանկանում է զբաղվել զգեստների վարձակալությամբ
Աննա.
Բարև ձեզ: Ես ցանկանում եմ բացել ԱՁ և վարձակալությամբ տրամադրել զգեստներ, ինչպիսի՞ հարկեր են նախատեսված նման դեպքում:

Նոր աշխատող գրանցելու վերաբերյալ
Մարիամ.
Բարև ձեզ: Մեր ընկերությունը ԱՁ է, հարկվում է շրջանառության հարկով:
Եթե taxservise-ում աշխատող ենք գրանցում՝
1.աշխատողին գրանցում ենք այսօրվա ամսաթվով, նա կարո՞ղ է այսօր անցնել աշխատանքի:
2.taxservise-ում գրանցելիս աշխատավարձի չափը գրանցում ենք 55 000 դրա՞մ, թե՞ ավելի մեծ գումար, որ պահումները հանած ստացվի 55 000 դրամ:
3.Կարո՞ղ ենք գումարը առձեռն վճարել աշխատողին:
4.Այդ դեպքում հարկային պարտավորությունները ինչպե՞ս ենք փոխանցում:
Շնորհակալություն:

Արդյո՞ք օրապահիկի գումարը ենթակա է հետգանձման
Մովսեսյան Կարինե.
Բարև ձեզ: 2017թ. հիմնարկի աշխատակիցներին տրամադրվել է գործուղում առանց գիշերելու 100 կմ ավելի հեռավորության վրա: Նրանց հատկացվել է օրապահիկ: Արդյո՞ք այժմ գործուղման օրապահիկի գումարը ենթակա է հետգանձման: Շնորհակալություն:

Շրջանառության հարկի հաշվարկ միջնորդային պայմանագրի դեպքում


Ձևակերպում


Ավիատոմսերի վաճառքով զբաղվելու համար
Կարեն.
Բարի օր: ԱՁ ունեմ: Ավիատոմսերի վաճառքով զբաղվելու համար որտե՞ղ պետք է դիմեմ: Կարո՞ղ եմ արդյոք առանց որևէ տեղ դիմելու կամ համագործակցելու օնլայն կայքերից գնել ու վաճառել հաճախորդներին:
Վերջին մեկնաբանություններ