Noka.

Բարև Ձեզ։ Խնդրում եմ օգնել լուծել հաշվապահական խնդիր․

Մարտի 1-ի դրությամբ նյութի մնացորդը կազմել է 40 միավոր 450 դ-ով։

Մարտի 10-ին ձեռք է բերվել 30 միավոր 500 դ-ով
Մարտի 12-ին ձեռք է բերվել 20 միավոր 400 դ-ով
Մարտի 15-ին ձեռք է բերվել 10 միավոր 350 դ-ով

Վաճառվել է․

Մարտի 16-ին 15 միավոր
Մարտի 20-ին 35 միավոր
Մարտի 25-ին 25 միավոր

Հաշվարկել վաճառքի ինքնարժեքը՝ օգտվելով ՎՄԱԵ (LIFO), ԱՄԱԵ (FIFO) և միջին կշռված մեթոդներից:

Դիտել այլ հաշվապահական խնդիրներ

Դիանա․

Բարի երեկո։ Եթե անձը ֆիզ. արձակուրդում է, կազմակերպությունը լուծարվում է.

1) Երեխայի խնամքի նպաստը դադարեցնու՞մ են փոխանցել

2) Եվ եթե մյուս աշխատակցի վճարվող արձակուրդն ավարտվել է (2 տարին), 1 տարի հետո պետք է վերադառնար աշխատանքի, վերջնահաշվարկ ունի՞ ստանալու

Շնորհակալ եմ։

Էմմա․

Բարև ձեզ։ Հարցս վերաբերվում է ՀՀ ԱՕ 176-րդ հոդվածին: Կարո՞ղ եմ աշխատողին տրամադրել չվճարվող արձակուրդ՝ առանց 176-րդ հոդվածի 1-ին մասում նշված հիմքերի: Կանխավ շնորհակալություն:

Աննա․

Բարև Ձեզ, հարգելի գործընկերներ։ Մի հարց. Հանդիսությունների կազմակերպում գործունեությունը կարո՞ղ է միկրոյի դաշտում աշխատել (նշեմ, որ ընկերությունը հաճախորդից գումարը վերցնում է, և տարբեր ծառայությունների համար վճարում, որից իր եկամուտը կկազմի Х%, ծառայությունները կարող է վճարվել ինչպես քաղաքացիաիրավական պայմանագրով, այնպես էլ հաշվարկային փաստաթուղթ դուրս գրելու հիման վրա)։ Իսկ հանդիսության ծառայությունները լինում են՝ ֆոտո նկարահանում, երաժշտություն, դիզայն, մեքենաների վարձույթ։

Վալենտինա․

Բարև ձեզ։ Խնդրում եմ օգնեք ձևակերպել վաճառքի հետ կապված գործառնությունները և որոշել վաճառքից ստացված շահույթը կամ վնասը։

Խնդիր. Կարի ֆաբրիկան դուրս է գրել շահագործումից կարի մեքենաներ վաճառելու նպատակով։ Երկու ամիս անց մեքենաները վաճառվել են 540 000 դրամով, ներառյալ ԱԱՀ-ն։ Դուրս գրման պահի դրությամբ մեքենաների սկզբնական արժեքը կազմել է 980 000 դրամ, կուտակված մաշվածությունը` 520 000 դրամ։ Մեքենաների ապատեղակայման և տեղափոխման համար կատարվել են հետևյալ ծախսումները` ա) հաշվարկվել է աշխատավարձ բանվորներին՝ 60 000 դրամ, բ) տրանսպարտային կազմակերպության կողմից կատարվել են կարի մեքենաների տեղափոխման ծառայությունները 25 000 դրամ։ Գնորդի կողմից վճարումը կատարվելու է 2 ամսվա ընթացքում։

Կանխավ շնորհակալություն։

Դիտել այլ հաշվապահական խնդիրներ

Գայանե․

Բարև Ձեզ, հարգելի հաշվապահներ։ ՍՊԸ-ն գործում է շրջհարկով, էլեկտրական մոնտաժման աշխատանքներ է իրականացնում, կան գրանցված երկու աշխատող և տնօրեն։ Հարցս հետևյալն է՝ բացի աշխատավարձերի հարկերից, շրջանառության հարկից բացի, պե՞տք է ամեն ամիս 5 000 դրամ սոցիալական վճար և 5 000 դրամ շահութահարկ վճարվի։ Նախապես շնորհակալ եմ։

Արաքսյա․

Բարև ձեզ։ ՍՊԸ-ն իրականացնում է ապրանքի, մասնավորապես հողաթափերի մեծածախ վաճառք, ունի 2023թ-ին դուրս գրված հակային հաշիվներ, որոնց մասով պետք է վերադարձ լինի։ Հարցս էսպիսին է՝ արդյո՞ք տնտեսական ապրանքի մասով կարելի է ճշգրտող հաշիվ ուղարկել, եթե չունի ժամկետ:

Տաթև․

Բարև Ձեզ, խնդրում եմ ասեք՝ եթե քաղաքացիաիրավական պայմանագրով աշխատակցի պայմանագիրը մինչև 29/12/2023թ․ է գործել, բայց գրանցման հայտը չի ներկայացվել, ի՞նչ կարելի է անել։ Եթե հայտը հիմա ներկայացնեմ, ի՞նչ կարող է լինել։

Եվա․

Կասե՞ք՝ եթե աշխատակցին տնօրենը լիազորագիր է տալիս պայմանագրերում իր փոխարեն ստորագրելու համար, և լիազորագիրը առանց նոտար է, դա նորմա՞լ է, թե՞ կարող ենք հետագայում խնդիրներ ունենալ։

Նելլի․

Բարև Ձեզ։ Խնդրում եմ օգնել ինձ տալ աշխատավարձի ավանսի ճիշտ ձևակերպումները։

Վահագն․

Բարև Ձեզ։ Անհատ Ձեռնարկատերը, որն աշխատում է շրջանառության հարկի դաշտում, տարվա վերջին հաշվարկից հետո ստացված իր մաքուր եկամուտը ԱՁ-ի հաշվից կամ դրամարկղից վերցնելու դեպքում այդ եկամուտը ենթակա՞ է հարկման որպես ֆիզ․ անձի ստացած եկամուտ, թե՞ ԱՁ-ի վճարած շրջանառության հարկը, եկամտային հարկը և սոց վճարը համարվում է վերջնական հարկում։

Սուսաննա․

Բարև Ձեզ: Խնդրում եմ պատասխանել մի հարցիս: ՍՊԸ-ն բացելիս բանկում 2 հաշվեհամար են տվել, որից մեկը ընթացիկ հաշիվ, որը բացված է տնօրենի անունով, ու տվել են տնօրենին այդ հաշվեհամարի բիզնես քարտը: Հիմա կարո՞ղ եմ այդ հաշվեհամարին տնօրենի աշխատավարձը փոխանցել, թե՞ դա ՍՊԸ-ինն է, և տնօրենը պետք է իր համար առանձին հաշվեհամար բացի։

Քրիստինա․

Բարև ձեզ, հարգելի կոլեգաներ, կասե՞ք՝ եթե ՍՊԸ-ն ֆիզ․ անձի հետ պայմանագրի հիման վրա գործարք է անում, ֆիզ․ անձը պետք շինարարական ծառայություններ մատուցի ՍՊԸ-ին, հիմա հարցս՝ եկամտային հարկը քանի՞ տոկոս կկազմի, և հաշվետվության մեջ եկամտայինի 2-րդ բաժնի ո՞ր կոդի տակ պետք է ցույց տալ։

Քրիստինե․

Բարև ձեզ, ժողովուրդ, խնդրում եմ ինձ էլ կուղարկեք ներքին կանոնակարգի օրինակ grigoryan_qristine@inbox.ru

Գայանե․

Բարև Ձեզ: Ասացեք խնդրեմ՝ եթե անցյալ տարի հանձնել եմ գործունեությունը դադարեցրած կազմակերպության համար իրական շահառուի հայտարարագիր, ու այս տարի կարգավիճակը չի փոփոխվել, արդյո՞ք այս տարի կրկին պետք է հանձնել: Կանխավ շնորհակալ եմ։

Հայկ․

Բարև Ձեզ: 2023թ. ընթացքում ՍՊԸ-ի հիմնադրին վճարել եմ շահաբաժին, սակայն փաստացի գումար չեմ տվել, այլ հիմնադրին վճարման ենթակա շահաբաժինների հաշվանց եմ կատարել նույն հիմնադրին տրված փոխառությունների հաշվին: Այժմ 165 ձևը պե՞տք է ներկայացնել: Եվ արդյո՞ք ժամկետը մինչև ապրիլի 20-ն է: Շնորհակալություն։

Արմինե․

Բարև Ձեզ։ Ես փետրվար ամիսը փակել չեմ տվել՝ մտածելով, որ էլի ավտոմատ կփակվի, բայց չի փակվել: Մարտ ամսով փաստաթուղթ չի թողնում ստեղծել: Խնդրում եմ եթե կարող եք օգնեք:

Քրիստինե․

Բարև բոլորին, մի հարց տամ․ եթե գնել ենք օգտագործված ավտոմեքենա, մաշվածք հաշվարկվու՞մ է, թե՞ ոչ։ Կազմակերպությունը աշխատում է ԱԱՀ-ի դաշտում։ Եթե հաշվարկվում է, օգտակար ծառայության ժամկետը քանի՞ տարի է, բեռնատար ֆորդ է։ Նախապես շնորհակալ եմ։

Լիլիթ․

Բարև Ձեզ։ Խնդրում եմ պատասխանել․ ընկերությունը կարո՞ղ է արդյոք իր հետ կապ չունեցող ֆիզանձին տրամադրել փոխառություն:

Էդուարդ․

Ողջույն։ Նորաբաց ՍՊԸ է, գրանցման ամսաթիվ 20.02.24, կանոնադրական կապիտալ 3դր: Միակ հիմնադիրն ու գործադիր տնօրենը ես եմ, տնօրենի աշխատանքային գրանցումը 21.02.24, շաբաթական աշխատաժամանակը 6 ժամ: Գործունեություն և եկամուտ դեռևս չկա: Փետրվարի համար պետք է տամ ինձ 9 օրվա աշխատավարձ, աշխատավարձը պետք է տամ` ՍՊԸ-ին փոխառություն տալով: Օգնեք հասկանալ ողջ գործընթացը:

Հարց 1․ ո՞նց եմ իրականացնելու փոխառությունը
Հարց 2․ ո՞նց և նվազագույնը ինչքա՞ն գումար կարող եմ փոխանցել ինձ որպես աշխատավարձ Հարց 3․ ո՞նց և ե՞րբ եմ կատարելու փոխանցված աշխատավարձի համար հարկերի վճարումը (եկամտային հարկ, սոցիալական վճար և դրոշմանիշային վճար)

Կարմեն․

Բարև ձեզ, հարգելի հաշվապահներ։ Հարցս հետևյալն է՝ գյուղում սեփական տան բակում կա շոգեբաղնիք, խորովածանոց, լողավազան: Ժամանակ առ ժամանակ հայտարարությունների հիման վրա տրվում է վարձով: Ի՞նչ պետք է անի տան տերը իր գործունեությունը օրինականացնելու համար և ինչպիսի՞ հարկատեսակով պիտի հարկվի: Նախապես շնորհակալ եմ։

Վահան․

Ողջույն, հարգելիներս։ Երեկ դրամարկղի գիրքը չեմ փակել, այսօր արդեն չկա փակել ամիսը հրահանգը: Կարո՞ղ եք ասել՝ ի՞նչ պետք է անեմ, կամ անեի, որ չեմ արել, կանխավ շնորհակալություն։

Կարեն․

Հարգելիներ, ընկերության քարտային հաշվից հակերները գումար են գողացել, որը հնարավոր չեղավ հետ բերել։ Խնդրում եմ հուշել հաշվապահական ձևակերպումը։

Սամվել․

Բարև Ձեզ։ ՀՀ ռեզիդենտ կազմակերպությունը աշխատում է ԱԱՀ-ի դաշտում։ Կազմակերպությունը ցանկանում է ավտոմեքենա ներմուծել այլ երկրից դեպի Վրաստան և վաճառել հենց Վրաստանում։ Ինչ որ խնդիր չի՞ առաջանա, երբ ներմուծումը ՀՀ տարածք չի իրականացվում։ Այս դեպքում ի՞նչ հարկեր կառաջանան։

Սերգեյ․

Բարև ձեզ։ Ես ԱՁ եմ, աշխատում եմ միկրոյով, երրորդ երկրից ներմուծման պատվեր ունեմ (գրանտային ծրագրով)։ Ազատված եմ ԱԱՀ և մաքսայինից։
Հարց.
1. Ներմուծման ծախս եմ հաշվելու սարքավորումների արժեքը և բեռնափոխադրման վճարը, իսկ մնացածի համար վճարում եմ 18%՞
2. եթե ուզում եմ մարդ վարձել, որ գնա արտասահման ու ստուգի սարքավորումների սարքինությունը և հետևի բարձման գործընթացին, ապա կարո՞ղ եմ դա ծախս ներկայացնել։ Եթե այո, ապա թղթաբանորեն ինչպե՞ս ձևակերպել

Կանխավ շնորհակալություն։

Էդգար․

Բարև ձեզ։ Ունեմ ԱՁ՝ բացված 2021թ-ից, բայց գործունեություն ծավալված չէ, ուզում եմ փակել։ Ինչպե՞ս է դա տեղի ունենում, որտե՞ղ պետք է մոտենամ, և միայն ID քարտով հնարավո՞ր է, թե՞ ոչ։
Շնորհակալություն։

Անդրանիկ․

Բարև Ձեզ։ Ինչպե՞ս իմանալ սուշիի ԱՏԳԱԱ-ն։

Տիգրան․

Հարգելի հաշվապահներ, եթե ունեք փորձ վարելու Wildberries վաճառքներ իրականացնող անձի հաշվառումը, խնդրում եմ տրամադրեք տեղեկատվություն՝ ու՞մ պետք է դուրս գրվեն ապրանքների մատակարարման հաշվարկային փաստաթղթերը։ Wildberries օֆերտան սահմանում է, որ վաճառողը պետք է փոխանցի սեփականության իրավունքը Wildberries – ին։ Արդյո՞ք հաշվարակային փաստաթուղթը պետք է դուրս գրվի ՀՀ ում գրանցված Վայլդբերիզ ՍՊԸ-ին։ Խնդրում եմ նաև տրամադրել տեղեկատվություն, ստանու՞մ եք արդյոք Վայլդբերիզից հաշիվներ իրենց կողմից մատուցած ծառայությունների համար, թե՞ Ձեր կողմից դուրս գրվող հաշվարկային փաստաթղթերը դուրս եք գրում Վայլդբերիզի գանձած կամիսիայով պակաս թվով։

Դիանա․

Հարգելի հաշվապահներ, շնորհակալ կլինեմ, եթե արձագանքեք։ Եթե ֆիզ. արձակուրդից ֆիզ. եմ գնացել և մի քանի ամսից ավարտվում է արձակուրդը․
1) առանց գրավոր ծանուցելու չեն կարող ազատել աշխատանքից, այդ դեպքում որո՞նք են իմ անելիքները (բանավոր ուղղակի ասել են, որ առայժմ աշխատողի կարիք չունեն)
2) եթե ժամկետը լրանա, ու ինձ չընդունեն աշխատանքի, ես վերջնահաշվարկ ունե՞մ ստանալու, եթե ֆիզից ֆիզ եմ գնացել ու այդ ընթացքում չեմ աշխատել
3) ինչպե՞ս կարող եմ իմանալ՝ արձակուրդային չօգտագործված օրեր ունե՞մ

Կանխավ շնորհակալ եմ։

Էմմա․

Բարև բոլորին։ Մի էսպիսի հարց ունեմ․ եթե Աշխատողը դիմում է ներկայացրել 26.02-ին, որ 01.03-ից ցանկանում է ազատվել աշխատանքից, և Գործատուն չի առարկում: Կարող եմ չէ՞ իրեն ազատել ՀՀ աշխատանքային օրենսգրքի 112-րդ հոդվածի 2.1. մասով: Կանխավ շնորհակալություն:

Գայանե․

Բարև Ձեզ, հարգելի հաշվապահներ։ Խնդրում եմ օգնել հետևյալ հարցում․ ԱՁ է բացվել հանրային սննդի, մարզում է, ներկայացվել է միկրոյի հայտարարություն։ Կասե՞ք՝ բացի աշխատողների 189 ձևից ի՞նչ հաշվետվություններ կան հանձնելու։ ՀԴՄ-ն POS ծառայությունով է։ Եվ կասե՞ք՝ երբ սննդամթերք ենք գնում, պարտադի՞ր պետք է հաշիվ գրեն, և եթե փաստաթղթով ձեռք չբերենք, ապրանքը պետք է 20 % եկամտային հարկ վճարե՞նք։ Երբվանից է գործում այդ օրենքը։ Խնդրում եմ օրենքի հղում տալ։ Նախապես շաաատ շնորհակալ եմ, հարգելիներս։

Քրիստինե․

Բարև բոլորին։ Խնդրում եմ օգնեք։ Կազմակերպությունը իր արտադրած կահույքը վաճառելու է ֆիզիկական անձի, ով գտնվում է Իտալիայում։ Ինչպե՞ս պետք է կազմակերպենք արտահանումը, և ի՞նչ հարկեր ու վճարներ են առաջանալու։

Գայանե․

Բարև Ձեզ, ես զբաղվում եմ ձեռագործ իրերի պատրաստումով, աշխատող չունեմ, ուզում եմ համագործակցեմ խանութների հետ և օնլայն խանութների հետ (նաև արտերկրի)։ Կարո՞ղ եմ գրանցվել որպես Ա/Ձ միկրոձեռնարկատեր և իրականացնել վաճառքներ։ Եթե ոչ, ո՞ր տեսակը պետք է բացել։

Աննա․

Բարև ձեզ, հարցը հետևյալն է․ ձեռք եմ բերել հիմնական միջոց շենք կադաստրային արժեքից ցածր գնով աճուրդով մի քանի անգամ մասնակցելուց հետո հրապարակած արժեքից բարձր։ Հարկայինը հղում է անում 109 հոդվածին, շահութահարկ վճարելու համար գործարքը 2022թ-ին է եղել։ Հիմա վաճառում եմ հիմնական միջոցը։ Ես 2024թ․ շահութահարկի հաշվարկում որպես պակասեցում ո՞ր արժեքն եմ վերցնելու, ճի՞շտ եմ, որ կադաստրային արժեքի 80 տոկոսը հանած ԱԱՀ։

Բարև Ձեզ, որ խնդրեմ կասե՞ք՝ արդյոք օրենքի խաղտում է, որ աշխատողի ազատման հայտը ազատման օրվանից ավելի շուտ է հանձնվել հարկային։

Հովհաննես․

Բարև Ձեզ, հարգելի հաշվապահներ։ Մի այսպիսի հարց ունեմ՝ արդյո՞ք ճիշտ է, որ ՍՊԸ բանկային հաշիվներից ելքագրվող գումարների համար պետք է ներկայացնել հաշվետվություն, թե դրանք ինչի համարեն ծախսվում, և եթե այո ապա, ո՞ր հաշվետվության ձևի մասին է խոսքը և ի՞նչ պարբերականությամբ պետք է իրականացվի։

Աստղիկ․

Բարև բոլորին։ Այսպիսի հարց ունեմ։ Ես պետք է տարեկան հաշվետվություն ներկայացնեմ, սակայն ներկայացնելու համար նախատեսված ժամկետը անցել է։ Խոսքը այս հաշվետվության մասին է` «ՋՐՕԳՏԱԳՈՐԾՄԱՆ ՄԱՍԻՆ» ՁԵՎ N 2-ՏԱ (ՋՈՒՐ) (ՏԱՐԵԿԱՆ) ՎԱՐՉԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ, որի ներկայացման ժամկետը մինչև փետրվարի 25-ն է, ընդ որում վաղն ենք (28) ներկայացնելու, ուզում էի իմանալ՝ վարչական տուգա՞նք է գալու դրա համար և եթե այո, կգա, ապա որքա՞ն գումարի սահմանում։

Դավիթ․

Հարգելի գործընկերներ, ՍՊԸ-ն ունի 1 հիմանդիր, և ունի վարկ, որով կատարում է շենքի շինարարություն: Հողատարածքը և շենքը փաստացի գրավադրված են: Հիմա հիմնադիրը ցանկանում է 50% բաժնեմասը նվիրատվություն կատարել մեկ այլ անձի: Արդյո՞ք վարկի առկայությունը խոչընդոտ է այս դեպքում, ինչպիսի՞ բարդությունների կարող ենք հանդիպել: Շնորհակալություն:

Գալինա․

Բարի լույս, խնդրում եմ բացատրեք, թե ինչպիսի հարկեր պետք է վճարի որպես ՍՊԸ գործող տուրիստական ​​գործակալությունը: Շնորհակալություն։

Եվա․

Եթե ԱԱՀ վճարող կազմակերպությունը ներմուծում է ապրանք, որի համար վճարում է բնապահպանական հարկ, դա ներառվու՞մ է ինքնարժեքի մեջ։

Արմինե․

Բարև Ձեզ, հարգելի՛ ոլորտի մասնագետներ, խնդրում եմ պատասխանել հետևյալ հարցին. եթե մասնավոր պահնորդական ծառայության անվտագության աշխատակիցը աշխատում է 21:00-09:00 մեկ օր հանգստյան օր, կամ 2 օր իրար հաջորդող 21:00-09:00 և 2 օր հանգստյան օրեր ընդհանուր յուրաքանչյուր հերթափոխային օր 12 ժամ և ընդմիջումը ներառյալ վճարվում է, ամսվա կտրվածքով լինում է 15 կամ 16 օր, և ընդհանուր 168 կամ 192 ժամ, ուստի այս աշխատաժամանակը աշխատանքային պայմանագրում ո՞ր ռեժիմի տակ պետք է ամրագրել, արդյո՞ք համարվում է աշխատաժամանակի գումարային հաշվարկ: Նախապես շնորհակալություն։

Մարիամ․

Ողջույն բոլորին։ Քանի որ բացարձակ գիտելիքներ չունեմ այս ոլորտից, խնդրում եմ ուղղորդեք ճիշտ քայլեր ձեռնարկել։

Գործունեություն պետք է ծավալեմ Upwork-ում, խնդրում եմ նշեք՝ որպես ի՞նչ գրանցվել հարկայինում, որպեսզի հնարավորինս քիչ վճարեմ հարկ, և եթե վճարումը ստանալու եմ Paypal-ով, ապա ինչպե՞ս են հարկայինից վերահսկելու եկամուտը։ Եվ եթե այնպես ստացվի, որ որոշ ամիսներ եկամուտ չլինի, միևնույնն է պե՞ տք է վճարումներ կատարեմ պետությանը։

Անահիտ․

Բարև ձեզ, խնդրում եմ օգնել՝ որտե՞ղ կարող եմ ծանոթանալ հիմնադրամների մասին օրենքին, հարկման համակարգին։

Նելլի․

Բարև ձեզ, հարգելի հաշվապահներ։ Եթե կազմակերպությունը ունի դեբիտորական պարտքեր, որոնք չեն մարվել արդեն 3-4 տարի, կարո՞ղ եմ լրիվ դուրս գրել և շահութահարկով ծախս ճանաչել։ Ասեմ, որ ոչ մի տարում պահուստային ֆոնդ չի եղել ստեղծված։ Շնորհակալություն։

Ջուլիա․

Բարև ձեզ, հարգելի հաշվապահներ։ ՍՊԸ փետրվար ամսին գնել է լիզինգով էլէկտրոմոբիլ և հիմա ցանկանում է ամբողջությամբ փակել լիզինգը.

1. Ե՞րբ մեքենան կհարմարվի ընկերության սեփականությունը

2. Հնարավո՞ր է արդյոք կատարել այսպիսի գործարք ֆիզ․ անձի և ընկերության մեջ՝ փոխանակելով մեքենան համարժեք մեքենայի հետ, թե՞ միևնույն է դա դիտարկվում է որպես օտարում, և այդ պարագայում պետք է դուրս գրել հաշիվ վավերագիր և վճարել 5% հարկը (Ընկերությունն աշխատում է շրջհարկի դաշտում)։

Աշոտ․

Բարև ձեզ։ Կազմակերպությունը ֆիզ․ անձից շինություն է ձեռք բերում, որը կառուցել է հենց վաճառողը, բայց մոտ 20 տարի առաջ։ Եկամտային հարկը 20% է լինելու, թե՞ 10։

Մարիամ․

Ողջույն, խնդրում եմ ասել՝ ինչպե՞ս և որտե՞ղ նոր բացված ԱՁ-ն տա շրջանառության հարկի դիմումը։ Թաքսսերվիսի կայքում չի թողնում ֆայլը ներբեռնել, բոլոր տվյալները ճիշտ են լրացված։ ՊԵԿ պե՞տք է գնալ և դիմում գրել։

Դավիթ.

Բարև Ձեզ։ ԱՁ-ն աշխատանքի համար պետք է պատվիրի էժան համակարգիչ, մոտ 450$ արժեքով, ԱՁ-ի քարտով: Աշխատում է շրջ. հարկով: Հաշվի առնելով, որ մաքսային պարտավորվածություն չի առաջանում, խնդիր չի՞ առաջանա Հայաստան առաքող ընկերության ծառայությունից անձնական accountով օգտվելու դեպքում: Թե՞ պետք է ամեն դեպքում ներմուծումն որևէ կերպ ձևակերպել կամ ԱՁ-ի անունն արտացոլել: Արդյո՞ք հնարավոր է գնումն որպես ծախս ձևակերպել:

Հայկ․

Հարգելի հաշվապահներ, այսպիսի հարց ունեմ: 2023թ նոյեմբեր-դեկտեմբեր ամիսներին ունեցել եմ ԱԱՀ-ով ձեռքբերումներ (նյութեր՝ ծառայություններ մատուցելու նպատակով): ԱԱՀ-ի հաշվետվություններում կատարել եմ այդ ձեռքբերումների ԱԱՀ-ի չափով հարկի պակասեցում: Սակայն եթե նյութերի քիչ մասն եմ միայն օգտագործել, մյուս մասը երևում է որպես մնացորդ՝ 01.01.2024թ. դրությամբ: Հարց. շահութահարկի բազան հաշվելիս պետք է պակասեցնել այնքան, որքան ծախսվել է, թե՞ ամբողջությամբ, որքան ձեռք է բերվել 2023թ. ընթացքում:

Գայանե․

Բարև Ձեզ, հարգելի հաշվապահներ, այսպիսի իրավիճակում եմ հայտնվել: Հաշվարկային հաշիվ եմ գրել ապրիլ ամսին և մայիս ամսից անցել եմ ԱԱՀ դաշտ, դիմացի կողմը ամիսներ անց ասեց, որ համաձայն չի և հաշիվը չի ստորագրի, ես շրջանառության հարկի 2-րդ եռ. հաշվետվությունը արդեն ուղարկել էի և մի քանի ամիս ԱԱՀ հաշվետվություններն էլ էի ուղարկել: Հիմա նայում եմ՝ այդ հաշվի դիմաց գրված է ջնջված, ի՞նչ անել այս դեպքում: