Լևոն.

ՀԿ-ն աշխատակցի դեկրետայինը եկամտային հարկերից նվազեցրել է, սակայն չի բավարարել ամբողջական վճարելու համար։ Մնացած մասը կատարվել է սեփական միջոցներով, սակայն հաշվարկային օրը օգոստոսի 20-ն էր, բայց կատարվել է օգոստոսի 30-ին։ ՊԵԿ-ը կարո՞ղ է մերժել տեղեկանքը և նշել, որ ՍԱՊԾ-ի կողմից փոխհատուցման գումար առկա չէ՞։

Արմինե.

Բարև Ձեզ: Աշխատում եմ 01.04.2021 թվականից, 5 օրյա գրաֆիկով ունե՞մ արձակուրդային օրեր, թե՞ ոչ: Եթե այո, քանի՞ օր:

Անի.

Հարգելի՛ հաշվապահներ, ինձ անհրաժեշտ է հղում ՀՀ տարածքում գործուղման ծախսերի չափերի, որ օրապահիկը նշված լինի: 2005թ. 2335-Ն որոշման մեջ օրապահիկը նշված է 2000 դր.: 2021թ. համար որքա՞ն է կազմում օրապահիկը: Շտապ է: Շնորհակալ եմ:

Անի.

1. Խնդրում եմ հուշել՝ աշխատանքային գրքույկների հանձնման կարգը սոցապ բաժին։ 2. Աշխատանքային գրքույկում նշված է աշխ. հարաբերությունների սկիզբ 2016, ազատվել է աշխատանքից 2018-ին։ Արդյո՞ք պարտադիր է աշխատանքային գրքույկում աշխ. հարաբերությունների ավարտը ևս լրացնել։ 3. Եվ երբ աշխատակիցը ընդունվել է աշխատանքի՝ 2017թ.-ից հետո, աշխ. գրքույկը լրացնելը արդյո՞ք պարտադիր է։

Հարգելի հաշվապահներ, ինձ կասե՞ք՝ կա՞ Օրենսգրքով նախատեսված հատուկ դրույթներ կամ հստակ սահմանված աշխատավարձի չափ, երբ գործատուն պարտավոր է ինքը վճարի աշխատողի հարկերը:

Հարգելի հաշվապահներ, հարցս հետևյալնէ․ ԱՁ-ն համագործակցում է սուպերմարկետի հետ։ Արդյո՞ք խախտում չի լինի, եթե հաշվարկային հաշիվ դուրս գրենք, սակայն ապրանքը տանք առանց հաշվի թղթային տարբերակի։

Լիանա․

Բարև ձեզ: Հարգելի կոլեգաներ, հարցս հետևյալն է. եթե հաստիքացուցակով ընդունում ենք աշխատող որոշակի ժամկետով, 3 ամիս փորձաշրջանով, դրանից հետո կապում ենք անորո՞շ ժամկետով աշխատանքային պայմանագիր։

Անի.

Հարգելի կոլեգաներ, աշխատողը երբ երեխայի խնամքից շուտ է վերադառնում, ե՞րբ պետք տալ գրանցման հայտը:

Թագուհի.

Ողջույն, հարգելի հաշվապահներ։ Օտարերկրյա աշխատողների գրանցման համար ի՞նչ փաստաթղթեր և վճարումներ են անհրաժեշտ:

Բաբկեն.

Հարգելի գործընկերներ,
Հարցս հետևյալն է. արդյո՞ք Աշխատանքային Օրենսգրքով նախատեսված են հատուկ դրույթներ ոստիկանության աշխատակիցների (շարքային և/կամ սպայական անձնակազմ) վերաբերյալ: Մասնավորպես` ամենամյա վճարովի արձակուրդի և ժամանակավոր անաշխատունակության մասով: Զրուցակիցս պատմում է՝ իբր նրանց հերթական արձակուրդը չի վճարվում, իսկ բյուլետենը վճարվում է ինչոր այլ այլ աղբյուրից (ոչ բյուջեից) անհասկանալի կամայական սկզբունքով: Ակնկալում եմ գրագետ հիմնավորված պատասխան՝ գործող օրենսդրական ակտին համատասխանող հղումներով:

Մելինե.

Բարև ձեզ: Եթե աշխատակիցն ընդունվել է 11.02.2021թ. և ազատվել 12.08.2021թ., հնգօրյա գրաֆիկով, չի գնացել արձակուրդ: Քանի՞ օրվա վերջնահաշվարկ է հասնում իրեն:

Կարինե.

Բարև ձեզ: Բանկում հաշվարկային հաշիվ՝ ոչ քարտային, բացելը, բակերի համար պարտադի՞ր է, եթե այո, խնդրում եմ ասել օրենսդրական հիմք: Բանկ կա, որ ասում է պարդադիր է, բանկ կա՝ ոչ:

Լուսինե.

Բարև Ձեզ: ՍՊԸ-ում արդեն իսկ գրանցված աշխատողի հաստիքի փոփոխությունը՝ ներկա հաստիքից տնօրենի, taxservice-ում ինչպե՞ս կատարել։

Արփիկ.

Բարև ձեզ: Ես աշխատում եմ դպրոցում` ուսմասվար եմ և ունեմ 8 դասաժամ, ստանում եմ 144 000 դրամ աշխատավարձ: Օգոստոսի 11-ից 22-ը ունեցել եմ արձակուրդ, որը ամենամյա արձակուրդի մի մասն է: Ինչքա՞ն կկազմի իմ աշխատավարձը և արձակուրդայինը առանձին-առանձին: (Ինչքա՞ն պետք է ստանամ պահումներից հետո):

Անի.

Հարգելի՛ հաշվապահներ, աշխատակիցը սեպտեմբեր ամսին արձակուրդ է գնում: 2020թ. արձակուրդը եղել է նորից սեպտեմբեր ամսին: Հարցս հետևյալն է. հաշվարկի մեջ նախորդ տարվա սեպտեմբեր ամսվա արձակուրդայի՞նն էլ է հաստիքի հետ ներառվում, թե՞ միայն հաստիքով աշխատած ժամերը: Շնորհակալ եմ:

Հայկ.

Բարև Ձեզ: Հարցս հետևյալն է. աշխատակիցը գնում է հղիության արձակուրդ, պետք է վճարեմ մայրության նպաստ: Կարո՞ղ եմ կանխիկ վճարել, եթե ընկերության աշխատակիցների թիվը 9-ն է: Եթե այո, ապա միայն դրամարկղի ելքի օրդերը բավարա՞ր է: Շնորհակալություն:

Լիլիթ.

Բարև Ձեզ։ Միկրոձեռնարկատիրության սուբյեկտը կարո՞ղ է գրել միջնորդավճարի հաշիվ (եթե ծառայություն մատուցող կազմակերպություն է): Կխնդրեմ օրենքի հղումով նշել:

Արամ.

Բարև ձեզ: Միկրոձեռնարկատիրական սուբյեկտը իրավունք ունի՞ վաճառի հիմնական միջոց, օրինակ՝ մեքենա: Արդյո՞ք տվյալ գործարքից հետո օրենքով կկարողանա աշխատել միկրոյի շրջանակներում:

Արուսյակ.

Բարև ձեզ: Ես խնդրում եմ կասեք, եթե ֆիզիկական անձը դրամաշնորհ է ստացել՝ ի՞նչ հարկեր պետք է վճարի:

Շառլոտա.

Բարև Ձեզ։ Օգոստոսի 10-ին ԱՁ եմ բացել իմ անունով և ստիպված եմ եղել երկրից մեկնել։ Ոչ մի գործունեություն չեմ կատարել և նույնիսկ չեմ հասցրել անցնել պարզեցված հարկի։ Ունեմ լիազորված անձ Հայաստանում։ Ինչպե՞ս կարող եմ կասեցնել ԱՁ-ի գործունեությունը:

Անի.

Ողջույն բոլորին։ ԱՁ-ն ցանկանում է Չինաստանից, ՌԴ-ից պատվիրել ապրանքներ։ Ապրանքները հիմնականում շատ քիչ ծավալով են լինում, իսկ պատվերների ինտենսիվությունը շատ։ Օրենքում նշված է, որ ֆիզ. անձը կարող է ներմուծել մինչև 31 կգ, 200 եվրո արժեքով ապրանքներ: Այս իմաստով ԱՁ-ն նույնպես համարվում է ֆիզ. անձ, և արդյո՞ք օրենքը տարածվում է ԱՁ-ի վրա։ Ինչպես նաև տվյալ քանակից ավելիի դեպքում ԱՁ-ն պետք է մաքսազերծի՞ և վճարի՞ 15% մաքսավճար, թե՞ ինչպես սովորական ներմուծման դեպքում՝ 20% ԱԱՀ և մաքսատուրք։

Աննա.

Բարև Ձեզ: Եթե աշխատողի հետ կնքվել է աշխատանքային պայմանագիր որոշակի ժամկետով 03.06.2021-31.08.2021թ. /ներառյալ չեմ նշել/: Կարո՞ղ եմ հրամանի մեջ նշեմ վերջին աշխատանքային օր օգոստոսի 31-ը և նույն օրով ազատեմ, քանի որ չեմ ուզում, որ նա երևա սեպտեմբեր ամսվա ցուցակներում և բացի այդ սոց. վճար վճարեմ սեպտեմբեր ամսին: Կանխավ շնորհակալություն:

Սյուզի.

Հարգելի հաշվապահներ, կասեք խնդրեմ՝ տաքսսերվիսի (taxservice) միջոցով ինչպե՞ս կարող եմ տեղեկատվություն ստանալ կազմակերպությանը կցված ՀԴՄ-ների վերաբերյալ:

Անի.

Հարգելի հաշվապահներ, աշխատակիցս ազատվել է աշխատանքից և սոց. փաթեթից օգտվել է, բանկից բերել է պարտավորության մասին տեղեկանք, որ պետք է փոխանցել։ Ըստ օրենքի պետք է փոխանցե՞լ:

Արմինե.

Հարգելի հաշվապահներ, խնդրում եմ օգնեք ինձ: Հարկայինի 240 ձևի 8-րդ բաժնի տեսքը հետևյալն է. ակտիվներ 16 տող. 3 սյուն 1 126 507, 16.5 պակասեցվել է 1 010 451, մնացորդ 116 056: Պարտավորություններ բաժնում՝ 22.3 1 010 451, 22.5՝ պակասեցվել է 1 010 451, այլ կրեդիտորական պարտքեր՝ 27.3 1 160 56: Խնդրում եմ ասեք՝ ի՞նչ պետք է գրեմ չբաշխված շահույթ տողում: Կանխավ շնորհակալ եմ:

Էլեն.

Կխնդրեմ պարզաբանել, թե ՍՊԸ-ին մեկանգամյա ծառայություն մատուցող անձի հետ ի՞նչ պայմանագիր պիտի կնքել, և ի՞նչ հարկեր վճարել, եթե նա չի ուզում ձևակերպվի որպես աշխատող, մասնավորապես որպես քաթինգի տնօրեն։ Կանխավ շնորհակալություն։

Հերմինե.

Բարև Ձեզ: Եթե Հասարակական կազմակերպությունը ֆիզիկական անձից գնում է ավտոմեքնեա՝ ի՞նչ հարկային պարտավորություն է առաջանում ՀԿ-ի համար: Շնորհակալ եմ:

Անուշ.

Բարև ձեզ, հարգելի հաշվապահներ: Խնդրում եմ ինձ կասե՞ք՝ լիցենզիաների գումարի փոխանցումը ինչպե՞ս է կատարվում, և ո՞ր ՀՀ-ին։

Անի.

Հարգելի՛ հաշվապահներ, ԵՏՄ գործարքների հետ կապված հարց ունեմ: Ապրանք ենք ստացել ԵՏՄ-ից մայիսի 17-ին: Հայտարարություն, հայտարարագիր ներկայացրել եմ, բայց կուրսի հետ կապված խնդիր կար, հայտարարությունը փոխել եմ: Հայտարարագրի հարկման բազան 764 000 դր է, իսկ հայտարարությանը՝ 788 547դր: Կուրսը պետք է հաշվեի նախորդ օրվա կուրսով՝ 7.06, բայց հաշվել եմ 6.84: Հիմա ինչպե՞ս կարող եմ փոփոխություն անել, քանի որ նոր հայտարարագիր չեմ կարող բացել (ժամկետների հետ կապված խնդիր կառաջանա): Եթե կարող եք օգնել, շնորհակալ կլինեմ:

Քրիստինե.

Բարև բոլորին։ Մի հարց տամ. միկրոդաշտում աշխատող ՍՊԸ-ն, որը զբաղբելու է չրարտադրությամբ, կարող է առանց ՀԴՄ-ի, հաշիվներով աշխատի։

Քրիստինե.

Բարև ձեզ: 2015թ.-ին կնքվել է վարձակալության պայմանագիր` նոտարով: 2020թ.-ին եղել է փոփոխություն արժեքի և վարձատուի հետ կապված, պայմանագրում գրված է, որ փոփոխությունները օրինական են, եթե կնքվում են կողմերի համաձայնությամբ, հաստատված նոտարական կարգով: Հարցս հետևյալն է. առանց նոտարին դիմելու չի՞ կարելի նոր պայմանագիր սարքել երկու կողմերի համաձայնությամբ:

Աննա.

ՍՊԸ-ի հիմնական գործունեությունը աշխատուժի միջնորդումն է՝ մասնավորապես ՀՀ աշխատուժի «վարձակալությունը» օտարերկրյա կազմակերպություններին։ Աշխատում ենք շրջհարկի դաշտում։ Հարցը հետևյալն է. արդյո՞ք կարող ենք նվազեցնել որպես ծախս ՀՀ աշխատողի աշխատավարձը, քանի որ դա փաստացի ՍՊԸ-ի մատուցած ծառայությունը չէ, այլ ծախս:

Մարինե.

Բարև Ձեզ։ Ես Մարինեն եմ։ Գտնվում եմ հղիության 27-րդ շաբաթում։ 30-րդ շաբաթից գնալու եմ ֆիզ. արձակուրդ։ Գրանցված աշխատող եմ հղիությանս 16-րդ շաբաթից։ Ստանում եմ ամսական 100 000 դրամ աշխ.վարձ։ Կցանկանայի իմանալ՝ ինչքա՞ն գումար կստանամ ես։ Նախապես շնորհակալություն։

Սյուզի.

Բարև Ձեզ: Կասեք խնդրեմ՝ 253 հոդվածի 1 կետը ինչպե՞ս կարող եմ հասկանալ` շրջանառության հարկը ԱԱՀ և կամ շահութահարկին փոխարնող հարկ է։ Չէ որ կազմ.-ը աշխատում է կամ ԱԱՀ ու շահութահարկով կամ շրջհարկով։ Կխնդրեմ նաև ասեք՝ ինչպե՞ս է փոխարինում՝ 40 ու 60 %-ով։ Շնորհակալություն:

Մարինե.

Բարի ուշ երեկո բոլորին: Ո՞վ կօգնի ինձ հասկանալ. հելիում գազով փուչիկներ փչելու և վաճառելու համար լիցենզիա հարկավո՞ր է, թե՞ ոչ: Մեկ հարց էլ. միկրո դաշտում աշխատող ԱՁ-ն, որը վաճառում է ծննդյան խնջույքի համար անհրաժեշտ պարագաներ, բացի սննդից՝ ափսե, բաժակ, փայտից պատրաստված դեկորատիվ նվերներ, փուչիկներ և այլն, նմանատիպ ապրանք, այս դեպքում ապրանքը վաճառելու համար ձեռք բերի պարտադիր հաշիվ ապրանքագրո՞վ: Շնորհակալություն:

Սոնա.

Կազմակերպությունը զբաղվում է բեռնափոխադրման միջնորդությամբ: Բեռնափոխադրումը կատարվում է Հայաստանի տարածքից դուրս: Միջնորդի հաշիվ ինչպե՞ս դուրս գրել, որ ճիշտ լինի: Շրջհարկի դաշտում ենք:

Օֆելյա.

Բարև ձեզ: Ես նոր եմ զբաղվում օնլայն վաճառքով, ասեմ, որ դեռ սա աշխատանք չեմ կարող համարել, քանի որ պատվերներ գրեթե չունեմ: Ցանկանում եմ իմանալ՝ ինչպե՞ս լինել գրանցված աշխատող, և արդյո՞ք անպայման է ունենալ ՀԴՄ սարքավորում, քանի որ դա ավելի թանկ արժե, քան ես կարող եմ այս տարի աշխատել: Նաև կցանկանայի իմանալ՝ կարո՞ղ եմ արդյոք արտերկրից որոշ քանակությամբ ապրանք բերել վաճառելու համար և ինչպե՞ս դա անել որպեսզի օրենքներին համապատասխան լինի և ինձ վրա էլ շատ ծանր չնստի: Կներեք՝ ինչքան կարողացա բացատրեցի 🙈

Անի.

Հարգելի՛ հաշվապահներ, աշխատակիցն աշխատում է 2 կազմակերպությունում` մեկում հիմնական, մյուսում՝ համատեղությամբ: Պատրաստվում է գնալ ֆիզ. սեպտեմբերի 20-ից: Հարցս հետևյալն է. հիմնական աշխատանքի վայրը մի քանի ամիս հետո փակվելու է: Հնարավո՞ր է հիմա համատեղությամբ աշխատանքը տեղափոխել հիմնականի, իսկ հիմնականը՝ համատեղության, որ հետագայում ամսԱկան նպաստից չզրկեն: Եթե այո, ապա ֆիզի գումարը որտեղի՞ց կստանա: Շնորհակալ եմ:

Անի.

Հարգելի հաշվապահներ, եթե մինչև 3 տարեկան երեխայի խնամքից շուտ է վերադառնում աշխատակիցը՝ հրամանով աշխատանքային օրենսգրքի ո՞ր հոդվածով ենք առաջնորդվում և ինչպե՞ս ենք կազմում հրամանը:

Արմինե.

Բարև ձեզ։ Հարգելի հաշվապահներ, խնդրում եմ օգնել. աշխատողն ընդունվել է հունիսի 1-ից, ստացել աշխատավարձ հունիս, հուլիս ամսիների համար 93 500դր.(յուր. ամսին)։ Օգոստոսի 11-23-ը (9օր) ներկայացրել է հիվանդության թերթիկ։ Այս 2 ամսից միջին ամսականը ցածր է լինում նվազագույն աշխ-ձից և ըստ նպաստների օրենքի՝ ցածր լինելու դեպքում վերցնում ենք նվազագույն աշխ-ձի չափը։ Տվյալ դեպքում քանի որ միայն եկամտային է պահվում՝ 68 000-ից ստացա 87 179-ի, իսկ դրա 80%-ը՝ 69743÷21=3321
5օր գործատուն 16 605,
4օր բյուջեի հաշվին 13 284,
հանած եկամտայինը 6 575 մաքուր՝ 23 314,
գումարած նաև աշխատավարձը մնացած օրերի:
Կասե՞ք ճիշտ է արված, եթե ոչ, ո՞րն է ճիշտ։

Մելինե.

Բարև Ձեզ: Եթե ՍՊԸ հիմնադիրը ինքը և տնօրենն է կազմակերպության, և պետք է գնա դեկրետ: Ինչպե՞ս պետք է հաշվարկվի անաշխատունակության թերթիկը, և պահանջվող թղթերը տնօրենն է ստորագրելու, թե՞ այլ թղթեր են ներկայացնում։

Հարգելի հաշվապահներ, տարածքը ՍՊԸ-ին տրվել է անհատույց օգտագործման պայմանագրով։ Կարո՞ղ է ընկերությունը ենթավարձակալության պայմանագիր կնքել մեկ այլ ընկերության հետ՝ անհատ ձեռնարկատիրոջ հետ:

Աննա.

Աշխատողն ընդունվել է աշխատանքի որոշակի ժամկետով, բացակայող աշխատողի փոխարեն մինչև նրա վերադարձը: Հիմնական աշխատողի վերադառնալուց հետո փոխարինողը տեղափոխվելու է այլ հաստիքի, որպես հիմնական աշխատող: Ի՞նչ բովանդակության հրաման պետք է տրվի այդ աշխատակցի վերաբերյալ: Կանխավ շնորհակալություն:

Արթուր.

Իմ կազմակերպությունը աշխատում է ԱԱՀ-ով: Եթե ես ապրանքը ստանում եմ ԱԱՀ ով և արտահանում եմ ՌԴ՝ կարո՞ղ եմ ԱԱՀ դեբետը հետ ստանալ:

Սյուզի.

ԱԱՀ-ի և ակցիզայինի հաշվարկի մեջ ԱԱՀ դեբետ թվի մեջ ստացված հաշվարկային հաշիվները պետք է ստորագրված լինի՞, որ կարողանանք ներառել։ Եվս մեկ հարց. նախորդ ամսվա չստորագրված հաշիվները, եթե հաջորդ ամսում ստորագրենք՝ դրանք ևս կարո՞ղ ենք հաշվել ԱԱՀ դեբետում:

Հրաչ.

Բարև Ձեզ։ Եթե Ա/Ձ-ն միկրոյով է աշխատում, ապա քանի՞ տոկոս եկամտային հարկ պետք է վճարի իր կողմից վարձակալած տարածքի համար։ Կանխավ խնորհակալ եմ։

Մարիետա.

Բարև Ձեզ, հարգելի հաշվապահներ: Խնդրում եմ տալ աշխատանքային օրենսգրքի հղումը այն մասին, որ մինչև երեխայի 3 տարին լրանալը ժամկետից շուտ (4ամիս) աշխատանքի վերադառնալու վերաբերյալ նախօրոք 2 ամիս առաջ պետք է տեղյակ պահել: Նշեմ՝ խոսքը վերաբերվում է մանկավարժին, ով դեկտեմբերի փոխարեն ցանկանում է աշխատանքի դուրս գալ սեպտեմբերի 1-ից, տնօրենը ասում է՝ պետք է դիմումը գրվեր 2 ամիս առաջ:

Քրիստինե.

Բարև ձեզ: Քաղիրավական պայմանագրով աշխատողին 2 ամսով ընդունել եմ աշխատանքի, եթե հետո աշխատանք լինելու դեպքում ժամանակը երկարաձգվում է կամ մեկ ամիս անց նորից նույն աշխատողին գրանցում եմ, այդ դեպքում պետք է ամեն նոր ամսաթվի դեպքում նոր պայմանագիր կնքվի՞:

Անահիտ.

Բարև ձեզ, հարգելի հաշվապահներ:
1. Ընկերությունը, որը զբաղվելու է վեբ կայքերի պատրաստմամբ, կարո՞ղ է համարվել միկրոձեռնարկատիրություն:
2. Եթե իմ անունով ԱՁ ունեմ բացված, այդ ԱՁ-ի անվան տակ ես կարո՞ղ եմ ունենալ 2 տարբեր հարկային դաշտերում գործող ընկերություներ, մեկը զբաղվելու է դասընթացների անցկացմամբ, իսկ մյուսը կայքերի պատրաստմամբ, թե՞ յուրաքանչյուրի համար տարբեր ԱՁ-ներ է պետք բացել:
Կանխավ շնորհակալ եմ։

Բարև Ձեզ։ Ինձ կասե՞ք ԱՁ-ի աշխատողի համար հարկերը կարող ենք վճարել միասնական հաշվին, նաև դրոշմանիշայինը ինչպե՞ս վճարեմ։