Լալա․

Բարև Ձեզ։ Ա/Ձ-ն անշարժ գույք է անհատույց վարձակալել ֆիզ․ անձից (արտադրամաս, խանութ)։ Կնքվել է պայմանգիր առանց նոտարական վավերացման։ Խնդրում եմ գրեք՝ կա՞ն ֆինանսական կամ վարչական օրենքների խախտումներ կապված 1․ պայմանագրի անհատույց լինելու 2․ պայմանագրի նոտարական վավերացում չունենալու հետ։ Եթե այո, ապա խնդրում եմ նշել հղումները։

Սոֆյա․

Բարև Ձեզ: Հարգելի հաշվապահներ, ծառայության մատուցման համար (օտար լեզվի դասընթաց) բավարար կլինի՞ միայն հաշիվ գրել, թե՞ պայմանագիրը պարտադիր է:

Անուշ․

Բարև ձեզ, հարգելի հաշվապահներ։ ԱԱՀ-ով աշխատող ՏՏ ընկերությունը մասնակցում է պատերազմի մասնակիցների մասնագիտական ուսուցման և աշխատանքով ապահովման ծրագրին։ Ծրագրի շրջանակներում շահառուն ուսման վարձը փոխանցում է ընկերությանը, իսկ Միասնական սոցիալական ծառայությունը գումարը փոխհատուցում է շահառուին։ Հարցս հետևյալն է՝ արդյո՞ք պետք է գրել հարկային հաշիվ շահառուին, և այդ գումարը ԱԱՀ-ով հարկվելու՞ է։

Կարապետ․

Խնդրւմ եմ ասեք՝ ՀՀ հարկային օրենսդրությունով պարտադի՞ր է հանձնման-ընդունման ակտի թղթային տարբերակի առկայությունը, թե՞ կարող ենք ստորագրություններն ու կնիքները կազմակերպել էլեկտրոնային՝ էլ․ փոստով միմյանց ուղարկելու միջոցով։

Լիլիթ․

Եթե տարածքի սեփականատերը անշարժ գույքի վարձակալության պայմանագիր չի կնքում, այդ պարագայում ո՞վ է պատասխանատվություն կրում՝ վարձակա՞լը, թե՞ վարձատուն։

Հայկ․

Բարև Ձեզ: 2010 թվականից ունենք անշարժ գույքի վարձակալության պայմանագիր՝ հաստատված նոտարով: Ժամանակի ընթացքում պայմանագրի գնի փոփոխություններ են եղել, որոնք չեն հաստատվել նոտարով: Շրջհարկով աշխատելու ընթացքում վարձակալության վճարները ծախս եմ ճանաչել: Այժմ արդեն աշխատում ենք ընդհանուր հարկման դաշտում: Կարո՞ղ եմ արդյոք հաշվանցել ԱԱՀ-ն և գումարը շահութահարկով ծախս ճանաչել: Եթե ոչ, ապա ի՞նչ պետք է անել: Շնորհակալություն։

Էլինա․

Հարգելի հաշվապահներ, եթե օտարերկրյա գործուղման մկնելու համար աշխատողին վճարվել է օրապահիկ (գիշերավարձը վճարել է կազմակերպությունը հաշվարկային հաշվից անմիջապես հյուրանոցին) ՝ սահմանված չափը չգերաանցող գումար, արդյո՞ք անհրաժեշտ են փաստացի կատարված ծախսերի հաշվետվությունը, գործուղման ծախսերը հաստատող փաստաթղթերը։

Նշված փասաթղթերի բացակայության դեպքում արդյո՞ք չի նվազեցվի օրապահիկի ծախսը շահութահարկի հաշվարկում։ Չէ՞ որ ՀՕ 111 Հոդվածը ասում է « 2. Անկախ սույն հոդվածի 1-ին մասի դրույթներից` ռեզիդենտ շահութահարկ վճարողի և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի հարկման բազան որոշելիս թույլատրվում է առանց փաստաթղթերով հիմնավորման համախառն եկամտից նվազեցնել Օրենսգրքի 117-րդ հոդվածով սահմանված չափը չգերազանցող օրապահիկի, ինչպես նաև դաշտային պայմաններում և տեղափոխման (տեղաշարժման) աշխատանքների կատարման դեպքում` Կառավարության սահմանած չափը չգերազանցող չափով տրվող հատուցման գումարները:»

Ի՞նչ խնդիրներ եմ կարող ունենալ փաստացի կատարված ծախսերի հաշվետվություն և գործուղման ծախսերը հաստատող փաստաթղթեր չունենալու դեպքում։

Կանխավ շնորհակալ եմ։

Քրիստինա․

Բարև Ձեզ։ Եթե հիմնական միջոցը ձեռք է բերված գնման ակտով ,ապա դրա մաշվածքի ծախսը շահութահարկի հաշվարկման ժամանակ չի՞ նվազեցվի։

Անի․

Հարգելի՛ հաշվապահներ, կազմակերպության տնօրենը դրամարկղից պարբերաբար գումար է վերցրել առհաշիվ: Հարցս հետևյալն է՝ առհաշիվ գումարների դեպքում պայմանագիր պե՞տք է կազմվի տնօրենի հետ: Խոսքը մեծ գումարի մասին է:

Վահագն․

Բարև Ձեզ։ Միկրոյի դաշտում աշխատող ԱՁ-ն ավտոտեխսպասարկման կետում ծառայություն է մատուցում և ապրանք է վաճառում։ Հասցեն Երևանից դուրս է: Ճի՞շտ եմ հասկանում, որ եթե ցանկանում եմ շարունակել աշխատել միկրոյի դաշտում, ես կարող եմ հաշիվ վավերագիր դուրս գրել միայն ծառայությունների մատուցման համար, իսկ ապրանքի վաճառքի համար վավերագիր չեմ կարող դուրս գրել։

Սոֆյա․

Հարգելի հաշվապահներ, նորաբաց ՍՊԸ-ն ունի երկու համահիմնադիր հավասար բաժնեմասերով: Նրանցից մեկին անհրաժեշտ է տնօրեն նշանակել: Հիմնադիրների ժողովի կեղմից ի՞նչ որոշում պետք է պատրաստել, որ հիմք լինի աշխատանքային պայմանագիր կազմելուն: Կա՞ արդյոք ստանդարտ ձև, թե՞ կարելի է ազատ ոճով շարադրել:

Աշոտ.

Բարև Ձեզ։ Ինվոյսի հիման վրա ինքնահաշիվ գրելու դեպքում ինվոյսում նշված արժեքը դրամային արտահայտությամբ մեր հաշվի արժեքն է ԱԱՀ-ն ներառյալ, թե՞ առանց ԱԱՀ-ի։

Մարիա․

Բարև ձեզ։ Կասե՞ք խնդրում եմ՝ վայլդբերիսով վաճառք անելուց հաշիվ հաշիվ ինչպե՞ս պետք է գրեմ գնորդին, եթե օրինակ ինչ որ մեկը ապրանք է պատվիրել այլ երկրից։ Նշեմ, որ ԱՁ-ն շրջ. հարկով է գործում։

Մանե․

Ի՞նչ հիմնավորմամբ ապահովագրական ընկերությունները Բ կարգի հաշիվ դուրս չեն գրում։ Որևէ օրենսդրական կարգավորում չեմ հանդիպել։

Աննա․

Բարև Ձեզ։ Եթե կազմակերպությունը ծրագրավորման ծառայություն է ստանում ՌԴ ռեզիդենտ ֆիզիկական անձից, պե՞տք է գրել ինքնահաշիվ, և արդյո՞ք եկամտային հարկի վճարման պարտականություն առաջանում է `որպես հարկային գործակալ։

Բարև ձեզ, չեղյալ հայտարարված հաշիվըն գնորդի կողմից ստորագրվու՞մ է։

Նառա․

Կազմակերպությունը աշխատում է շրջանառության հարկով և կատարում է շինաշխատանքներ։ Մատուցել է ծառայություն ֆիզ անձի համար, ֆիզ անձը կատարել է փոխանցում կազմակերպության հաշվին։ Ինչպե՞ս պետք է դուրս գրվի հաշիվ վավերագիրը ծառայության մատուցման գծով, որպեսզի հնարավոր լինի նաև ներկայացնել համապատասխան շրջհարկի հաշվետվությունը։

Անի․

Բարև Ձեզ։ ԱՁ-ն արտասահմանյան ընկերության համար ուսուցողական հոդվածներ է գրել, պետք է դուրս գրի հաշիվ վավերագիր: Վճարումն առանձին յուրաքանչյուր հոդվածի համար է` կախված հոդվածի երկարությունից և մի շարք հանգամանքներից, այսինքն գումարներն տարբեր են:

Այս դեպքում հաշիվ վավերագրում ճի՞շտ է գրել չափման միավորն ՀԱՏ, տևողությունն ու ընդհանուր գումարը, որը պետք է փոխանցվի: Գումարն նշվում է առա՞նց միջազգային փոխանցման պահումների:

Եվս մեկ հարց: Ծառայության մատուցումն սկսվել է անցած տարի, սակայն գումարը նոր է փոխանցվում որոշակի շեմն անցնելուց հետո: Այս դեպքում տևողությունն նշելուց խնդիր չի՞ լինի:

Կարինե․

Կազմակերպությունը ապրանք է արտահանել ԵՏՄ, արդյո՞ք բացի հայտարարագրից պետք է դուրս գրի հաշիվ վավերագիր, և ԱԱՀ-ի հաշվետվության մեջ ցույց տրվու՞մ է։

Լիանա․

Շրջանառության հարկով աշխատող կազմակերպությունը ներմուծել է էլեկտրական մեքենա, որի համար վճարել է միայն մաքսատուրք։ Ցանկանում է անցնել հարկման ընդհանուր համակարգի։ Ընդհանուր համակարգի անցնելուց հետո վաճառելու է մեքենան։ Այս դեպքում հաշիվ վավերագիր պետք է դուրս գրել, թե՞ հարկային հաշիվ։

Գոհար․

Բարև Ձեզ։ Նվիրաբերություն ստացողը ցանկանում է գումարը ետ վերադարձնել և Նվիրաբերության պայմանագիրը չեղարկել։ Ինչպիսի՞ ճիշտ թղթաբանություն պետք է վարել՝ համաձայնագրով չեղարկել, թե՞ կողմերը պայմանագրի վրա գրեն “չեղարկել” ու ստորագրեն։

Նար․

Բարև բոլորին։ Հիմնադիրը ցանկանում է փոխառություն տրամադրել ՍՊԸ-ին։ Խնդրում եմ նշել․

1․ Եթե անժամկետ է (ցպահանջ), նշվում է որպես երկարաժամկե՞տ

2. Տոկոսի մինիմալ չափն ու դրա հաշվարկման կարգին կծանոթացնե՞ք

3․ Եվ կխնդրեմ ասել, թե որտեղից կարող եմ գտնել պայմանագրի տիպային օրինակը

Կանխավ շնորհակալ եմ։

Emi.

Բարև ձեզ, խնդրում եմ ինձ ասեք․

1. ՍՊԸ-ն կարո՞ղ է տարածքի վարձակալության անհատույց պայմանագիր կնքել ԱՁ-ի հետ (տարածքը 8 ք.մ ՍՊԸ-ինն է)
2. Եթե ոչ, ապա ամենաքիչը ինչքա՞ն պետք է լինի վարձակալության չափը, և ինչքա՞ն է հարկը և ո՞վ է վճարում
3. Պայմանագիրը կարո՞ղ են իրար մեջ կնքել, առանց նոտարի

Լիլիթ․

Բարև ձեզ։ Ցանկանում եմ սովորել ներմուծում և արտահանում ձևակերպել՝ սկսած անհրաժեշտ փաստաթղթերի ցանկից: Որտեղի՞ց սկսեմ, կա՞ն նյութեր հասանելի ներկայացված: Շնորհակալ կլինեմ, եթե ուղղություն ցույց տաք:

Կամ գուցե կա՞ն արդյունավետ դասընթացներ:

Lucy.

Կատարվել է ներմուծում։ Վճարման փաստաթուղթ չկա, առկա են միայն վաճառողի կողմից տրված ինվոյսները։ Այս պարագայում ի՞նչն է հանդիսանալու ապրանքի արժեքի վճարումը հավաստող փաստաթուղթը։

Էդիտ․

Բարև ձեզ, հարգելի հաշվապահներ։ Կխնդրեմ օգնել այսպիսի մի հարցում: Ֆիզ անձը, ով ներմուծել է էլեկտրոնային սիգարետներ ԵՏՄ-ից, կարո՞ղ է ՍՊԸ-ի վրա այդ քանակը վաճառել գնման ակտով: Եվ արդյո՞ք ՍՊԸ -ն այդ ակտը կարող է ծախսագրել որպես ապրանքների ինքնարժեք: Կանխավ շնորհակալություն։

Հայկուհի․

Բարև Ձեզ, խնդրում եմ պատասխանել հետևյալ հարցին. Կազմակերպությունը 2019թ.ից ֆիզ. անձից նոտարով վարձակալել է տարածք, 2022թվականին պայմանագրի ժամկետը լրացել է և ըստ պայմանագրում նշված կետի պայմանագիրը դարձել է անժամկետ: Արդյոք կարիք կա՞ նոր պայմանագիր կնքելու, կամ, եթե կնքվի առանց նոտարական վավերացման հարկայինի առումով կարո՞ղ է խնդիր առաջանալ, թե ոչ: Այս մասով 2023 թ. ին հարկային օրենսգրքում որևէ փոփոխություն կա՞:

Թինա․

Բարև Ձեզ, ԱԱՀ-ով աշխատող կազմակերպությունը ֆիզ անձից կարո՞ղ է տարածք վարձակալել և պայմանագիրն ու վճարումը արտարժույթով կատարել։

Կարապետ․

Հարգելի հաշվապահներ, խնդրում եմ օգնեք՝ եթե աշխատակիցը մեկնել է գործուղման և արտերկրում ձեռք է բերել բջջային քարտ, պարտադի՞ր է ծախս ձևակերպելու համար ներկայացնի վճարման կտրոնը և հաշիվը, թե՞ միայն վճարման կտրոնը բավական է:

Տաթևիկ․

Բարև Ձեզ։ Ապրիլ ամսին ապրանք ենք մատակարարել, հիմա ցանկանում ենք գինը նվազեցնել, որ խանութը զեղչի գնապիտակով վաճառի։ Ինչպե՞ս վարվենք, ճշգրտող հաշվով զեղչ կիրառել կարելի՞ է։

Զավեն․

Բեռնափոխադրում իրականացնող ԱՁ-ն, որը աշխատում է միկրոձեռնարկատիրության դաշտում, կարո՞ղ է իր որդուն պատկանող մեքենան շահագործել, թե՞ պետք է վարձակալության պայմանագիր կնքի։

Կարեն.

Բարև Ձեզ։ Կխնդրեի ասեք՝ ԼՂՀ-ից ստացված հաշիվների ԱԱՀ-ի հաշվանցման կարգը, և ո՞ր օրենքը կարդամ դրա հետ կապված։

Արեն.

Բարև ձեզ, հարգելի հաշվապահներ: ՀՀ ռեզիդենտ կազմակերպությունը Ղազախստանի Հանրապետության ռեզիդենտ կազմակերպությունից ձեռք է բերել ծրագրի օգտագործման իրավունք: Ղազախստանի Հանրապետության կազմակերպությունից ստացել են ռեզիդենտությունը հավաստող տեղեկանք: Այդ տեղեկանքը բավարա՞ր է արդյոք ոչ ռեզիդենտի շահութահարկից ազատվելու համար։ Նաև հավելյալ հարց, եթե ծրագրի օգտագործման իրավունքը տրամադրվել է 8 ամիս ժամկետով, ոչ ռեզիդնետի ԱԱՀ-ի մասով մատակարարի անունից հաշիվ դուրս գրել և ԱԱՀ վճարել, կարո՞ղ ենք 8 ամսյա ժամկետը, երբ ավարտվի այդ ժամանակ կատարել։

Ալվարդ․

Բարև ձեզ։ ՍՊԸ-ն մեկ ամիս է ինչ կա, բայց դեռ ոչ մի գործարք չեմ կատարել։ Ցանկանում եմ կանոնադրական կապիտալի նվազեցում կատարել, ինձ Պետռեգիստրից ասեցին, որ պետք որոշման թուղթը բերեք, կա ինչ որ ձևանմուշ որոշման համար։

Հայկ․

Բարև Ձեզ: Ապրիլ ամսին ՍՊԸ հիմնադրին վճարման ենթակա շահաբաժինների հաշվանց եմ կատարել նույն հիմնադրին տրված փոխառությունների հաշվին: Հարցս հետևյալն է. պարտավորությունների հաշվանցի մասին համաձայնագիրը և փոխադարձ հաշվարկների ակտը կնքվում է միևնույն անձի միջև, այդպես ճի՞շտ է: Այսինքն ստացվում է, որ նույն անձը մի կողմից հանդես է գալիս որպես հիմնադիր և տնօրեն, մյուս կողմից՝ որպես քաղաքացի: Կխնդրեմ մեկնաբանել այս մասով։

Շուշան․

Բարև Ձեզ։ Եթե շրջհարկով աշխատող ԱՁ-ն էլեկտրոնային ծառայությունների դիմած վճարում է ստանում բանկային հաշվին (բանկային-քարատային փոխանցումներով, տելսել կամ այլ տերինալով), ապա հաշվարկային փաստաթուղթ դուրս գրելը պարտադի՞ր է։

Ճի՞շտ եմ հասկանում, որ Հարկային օրենսգրքի 56 հոդվածի 2-րդ մասով ասվում է, որ բնակչությանը մատուցվող ծառայության համար պարտադիր չէ, եթե ծառայություն ստացողը չի պահանջում։ Իսկ եթե պարտադիր է, ապա փաստորեն ծառայություն ստացողը պիտի տրամադրի իր անձնագրային, բանկային տվյալները և հասցեն։

Աննա․

Բարև Ձեզ, Կրոնական կազմակերպություն ոչ ռեզիդենտ կազմակերպությունից ստացել է ծառայություն (Facebook-ից գովազդ)։ ԿԿ հանդիսանում է հարկային գործակալ, պե՞տք է գրել ինքնահաշիվ այդ դեպքում։

Արմեն․

Բարև Ձեզ, դեսպանատունը աշխատանքի տեղից տեղեկանք և աշխատավարձի չափ է պահանջում, բայց ես անհատ ձեռնարկատեր եմ: Ի՞նչ ձև կա տեղեկանքի, որ կարող եմ լրացնել ու հանձնել դեսպանատուն:

Արսեն․

Բարև Ձեզ: ՍՊԸ-ն ունի երեք մասնակից, մասնակիցներից մեկը (ով տնօրեն չէ) ցանկանում է հեռանալ ընկերությունից: Նա այլևս բաժնեմաս չի ունենալու, նրա բաժնեմասը պետք է բաշխել մյուս երկու մասնակիցների միջև: Կհուշե՞ք՝ ի՞նչ փաստաթղեր է պետք ներկայացնել պետ. ռեգիստր անհրաժեշտ փոփոխությունները կատարելու համար (բաժնեմասի բաշխում մնացած երկու մասնակիցների միջև, մասնակցի հեռացում մասնակիցների ցանկից և այլն): Փաստաղթերը պետ. ռեգիստր է ներկայացնելու ՍՊԸ-ի տնօրենը: Շնորհակալություն:

Անուշ․

Բարև Ձեզ։

Ինձ մի հարց է հետաքրքիր։ Եթե հարկային հաշվում սխալ է նշվել այն վայրը, որտեղից ապրանքները մատակարարվելու են, արդյո՞ք այդ դեպքում պետք է դուրս գրվի ճշգրտող հաշիվ, թե՞ ոչ։ Եվ եթե պետք է դուրս գրվի ճշգրտող հարկային հաշիվ, ապա ի՞նչ հետևանքներ կլինեն, եթե դուրս չգրվի ճշգրտող հարկային հաշիվը։

Արսեն․

Բարև Ձեզ: Որ խնդրեմ կհուշե՞ք՝ ոնր է տարբերությունը ընկերության կանոնադրության փոփոխության և նոր խմբագրության միջև: Պետ. ռեգիստրի կայքում երկու տարբեր փաստաթղթեր են հրապարակված. օրինակ, իրավաբանական հասցեի փոփոխության համար, բայց հասկանալի չէ՝ տարբերությունը որն է: Նախօրոք շնորհակալություն:

Անի․

Բարև Ձեզ։

Եթե քաղաքացին տվյալ ընկերությունում աշխատում է աշխատանքային պայմանագրով, և հարկ է առաջացել ընկերությունում շենքի վերանորոգման աշխատանքներ կատարելու, կարելի՞ է նրա հետ կնքել նաև ծառայությունների մատուցման պայմանագիր, թե՞ չի թույլատրվում նույն անձի հետ երկու տեսակի պայմանագիր կնքել, իսկ եթե ոչ, ապա ինչպե՞ս ձակերպել այդ աշխատանքը:

Աննա․

Բարև ձեզ, որ խնդրեմ՝ հիմնադիր ժողովի արձանագրության օրինակելի ձև կուղարկե՞ք։

Կարեն․

Բարև Ձեզ: Հարկավոր է 2 փաստաթուղթ (նվազագույնը մեկը)՝

-Անշարժ գույքի վաճարքի լիազորագիր

-Անշարժ գույքի վարձակալության լիազորագիր

Անչափ շնորհակալ եմ պատասխանի համար!

varkar@gmail.com

Տաթևիկ․

Հարգելի գործընկերներ, արտադրում ենք գինի և ցանկանում ենք, որ խանութում ապրանքի վրա զեղչ կիրառվի։ Հաշվի մեջ զեղչ կիրառելը բավարա՞ր է։

Վազգեն․

Բարև ձեզ, հարգելի հաշվապահներ։ Խնդրում եմ օգնել հետևյալ հարցում։ Եթե ՀՀ կազմակերպությունը ՀՀ-ում մշտական հաստատություն չունեցող ոչ ռեզիդենտ կազմակերպությունից ձեռք է բերել ծրագրի օգտագործման իրավունք, 1 տարի ժամկետով եւ վճարել այդ գործարքի ամբողջ գումարը ստացված վճարային հաշվի հիման վրա 10 000 $։ Տվյալ գործարքը հանդիսանու՞մ է ոչ նյութական ակտիվի ձեռքբերում։

Եթե ոչ նյութական ակտիվ է, ինքնահաշիվ պե՞տք է գրվի, թե՞ ոչ։ Եթե այո, ապա ե՞րբ գրել ինքնահաշիվը։ Օրենսգրքի համաձայն ծառայության մատուցման պահ է հանդիսանում ծառայություն մատուցողի կողմից ոչ նյութական ակտիվի սեփականության իրավունք փոխանցումը ծառայություն ստացողին, արդյո՞ք կարող եմ ստանալուց մեկ տարի անց գրել ինքնահաշիվ։ ԱԱՀ տույժեր կառաջանա՞ն, թե՞ ոչ։

Ըստ հարկային օրենսգրքի՝ եթե հնարավոր չէ դուրս գրել ինքնահաշիվ, ապա հարկ վճարողը ինքնահաշիվը կարող է գրել հաշվարկային կամ վճարային փաստաթուղթը փաստացի ստանալու օրը, տվյալ դրույթը ո՞ր դեպքերի համար է, և եթե փաստացի փոխանցվել է 10 000$ գործարքի գումարի մասով ոչ ռեզիդենտ կազմակերպությանը, արդյունքում 20 տոկոս պակաս պետք է փոխանցվի որպես հարկային գործակալ, տվյալ դեպքում ոչ ռեզիդնետը պարտավո՞ր է հաշիվ ուղարկել 10 000+20%, որի հիման վրա գրվի ինքնահաշիվը, թե՞ ոչ։ Եվ տվյալ նկարագրված դեպքում կարո՞ղ եմ ոչ նյութական ակտիվի մաշվածք հաշվարկել և ծախսագրել ստացման օրվանից, թե՞ ոչ։ Շնորհակալություն։

Nina.

Բարև Ձեզ, հարգելի հաշվապահներ։ Համաձայն Հարկային օրենսգրքի 40-րդ հոդվածի՝ բաժանորդագրային հիմունքներով մատուցվող ծառայությունների (մասնավորապես, համակարգչային ծրագրերից, տվյալների բազաներից, արտոնագրերից, լիցենզիաներից, ծանուցումներից, թույլտվություններից, առևտրային նշաններից, ապրանքային նշաններից, հեղինակային իրավունքներից և համանման այլ իրավունքներից օգտվելու ծառայությունների) մատուցման պահ է համարվում յուրաքանչյուր ամսվա վերջին օրը, իսկ եթե այդ ծառայությունների մատուցման պայմանագրերում նախատեսված են ծառայությունների մատուցման այլ ժամկետներ (փուլեր), ապա այդ ծառայությունների մատուցման պահ է համարվում այդ ժամկետների (փուլերի) վերջին օրը:

Եթե կազմակերպությունը լիցենզիան գնում է 1 տարի ժամկետով, այս դեպքում պե՞տք է ամեն ամիս ինքնահաշիվ գրել, թե՞ մեկ անգամ լիցենզիայի ժամկետը լրանալու ժամանակ։ Նախապես շնորհակալություն:

Լիլիթ․

Եթե կազմակերպությունը չունի հաշվապահ և գանձապահ, դրամարկղի մուտքի և ելքի օրդերները ստորագրում են միայն տնօրենը և գումարն ստացողը կամ մուտք անո՞ղը։ Եվ դրամարկղի գրքում տնօրե՞նն է ստորագրում։

Հռիփսիմե․

Բարև ձեզ։ Հարգելի հաշվապահներ, հարցս կայանում է նրանում, թե արդյո՞ք հաշիվը չեղյալ համարելը ունի քանակական սահմանափակում կամ ժամկետը նշանակություն ունի, թե երբ է գրվել։

Ռուբեն․

Բարև ձեզ, հարգելի հաշվապահներ։ ՀՀ ռեզինդենտ կազմակերպությունը Ղրղզստանի կազմակերպությունից ստացել է թույլտվություն ՝ օնլայն հարթակի մուտքի, որի դիմաց վճարվել է գումար։ Տվյալ օնլայն հարթակի մուտքի համար ՀՀ ռեզիդենտ կազմակերպությանը էլ․ փոստով ուղարկվել է կոդեր օնլայն հարթակի մուտքի համար։ ՀՀ ռեզիդենտ կազմակերպությունը տվյալ օնլայն հարթակի միջոցով այլ օտարերկրյա կազմակերպություններին պետք է մատուցի էլեկտրոնային ծառայություններ։ Թույլտվության ժամկետը սահմանված է մեկ տարի։ Խնդրում եմ պատասխանել հետևյալ հարցերի։

Հարց 1․ այս գործարքը կդիտվի՞ որպես ՀՀ-ում մշտական հաստատություն չունեցող ոչ ռեզիդնետ կազմակերպության կողմից ՀՀ կազմակերպությանը ծառայության մատուցում։ Եթե այո, ապա արդյո՞ք պետք է ՀՀ կազմակերպությունը դուրս գրի ինքնահաշիվ

Հարց 2․ Ռեզիդենտության տեղեկանքը պահանջել և ստացել է ՀՀ ռեզիդենտ կազմակերպությունը։ Այս փաստաթուղթը բավարա՞ր է որպես հարկային գործակալ ոչ ռեզիդնետի շահութահարկի վճարումից ազատվելու համար

Հարց 3․ Եթե ծառայության մատուցման ավարտը մեկ տարի հետո է, եթե ինքնահաշիվը գրվի հաջորդ տարի, արդյո՞ք շահութահարկի մասով ծախսագրման խնդիրներ կարող ենք ունենալ։ Նշեմ, որ ՊԵԿ պարզաբանմամբ տվյալ գործարքը շահութահարկի տեսանկյունից դիտվելու է որպես ոչ նյութական ակտիվ

Հարց 4․ ԱԱՀ-ի հաշվետվության մեջ ե՞րբ և ինչպե՞ս արտացոլել տվյալ գործարքը