Լիանա Գալոյան.

Բարև ձեզ: Խնդրում եմ, կասե՞ք՝ միկրոձեռնարկատիրության սուբյեկտի դեպքում, եթե չունի վարձու աշխատող, ի՞նչ վճարումներ պետք է արվեն ամսական, եռամսյակային:

Հասմիկ.

Բարև ձեզ, բոլորիդ ցանկանում եմ խաղաղ երկինք: Խնդրում եմ, շտապ է. եթե ՍՊԸ-ն հանրային սննդով է զբաղվում և մի քանի՝ 5 սենյակ հյուրանոց ունի, շեմը չի անցնում, ՀԴՄ 3 անգամ չի գրվել, շրջ. հարկով աշխատելու դեպքում կասե՞ք՝ որ գործունեությունը քանի % է հարկվում:

Լիլիթ.

Բարև ձեզ, հարգելի հաշվապահներ: Արդյո՞ք ՍՊԸ-ն կարող է համարվել նաև միկրոձեռնարկատիրություն: ՍՊԸ-ն զբաղվում է ծրագրավորմամբ, լեզուների և մենթալ թվաբանության ուսուցմամբ: Կանխավ շնորհակալություն:

Հակոբ.

Հարգելի գիտակ հաշվապահներ, խնդրում եմ, օգնեք!!!

Արդյո՞ք հնարավոր է ԱՁ-ով արտասահմանյան օնլայն խանութից ապրանք ներմուծել և մաքսազերծել ինվոյսով, ոչ թե շուկայական գնով։ Ներմուծվող ապրանքը ակցիզավորման ենթակա է։

Կանխավ շնորհակալություն:

Հայկ.

Բարև ձեզ: Մեր ընկերությունը պետական մրցույթին մասնակցել է ԱԱՀ-ով և հաղթել, այնուհետև փոխվել ենք շրջանառության հարկի, կարո՞ղ ենք ապրանքը հանձնել շրջ. հարկով:

Մելինե.

Հյուրատնային ծառայությունը աշխատելու է սոց. փաթեթներով նույնպես, հետևաբար միկրոձեռնարկատիրության հայտ չի կարող ներկայացնել, այսինքն՝ շրջ. հարկի 201 ձևը լրացնի՞, իսկ եթե սնունդ էլ է ուզում մատուցել, ապա ի՞նչ հարկով պետք է հարկվի:

Նարինե.

Հարգելի հաշվապահներ, խնդրում եմ պատասխանել: Ա/Ձ եմ և զբաղվում եմ ծաղկաբուծությամբ, ջերմոցիս սածիլները ներկրում եմ, հետո աճեցնում և վաճառում, տարեկան շրջանառությունս չի գերազանցում 13 000 000 դրամը, ունեմ 3 աշխատող: Կարո՞ղ եմ արդյոք համարվել միկրոձեռնարկատիրության սուբյեկտ, բացի աշխատողների 5 000 դրամից և 1 000 դրամ դրոշմանիշային վճարից, աշխատողի համար որքա՞ն սոց. վճար պետք է վճարեմ:

Դավիթ.

Եթե ԱՁ-ն ունի հյուրանոցային 3 սենյակ և ռեստորան միևնույն տարածքում, ի՞նչ հարկատեսակով է հարկվելու:

Գոհար.

Բարև ձեզ: Խնդրում եմ, օգնեք: Սուրճի Ա/Ձ-ի և սննդի խանութի Ա/Ձ-ների համար շրջանառության հարկ վճարող համարվելու վերաբերյալ հայտը ուղարկում եմ 201 ձևը՞, թե՞ նոր կիրառվող 262 ձև-ը: Իսկ ծաղկի խանութի համա՞ր:

Մարինե.

Բարև ձեզ: Ֆիզիկական անձը թեթև մարդատար մեքենայով ծառայություն մատուցելու դեպքում ի՞նչ հարկով է հարկվում:

Հայկ.

Բարև ձեզ:
Խնդրում եմ, պատասխանեք, եթե հնարավոր է:

Ընկերությունը, որը զբաղվում է մաքրման ծառայությունների մատուցմամբ և այդ մասով շրջանառության հարկ վճարող է, միաժամանակ ունի 2 ավտոլվացման կետեր, որոնցից մեկը մետաղադրամով «լվա ինքդ» է, իսկ մյուսը նոր սերնդի ՀԴՄ-ով է աշխատում: 2019թ. ընդհանուր շրջանառությունը չի գերազանցում 24 մլն դրամը: Կարո՞ղ եմ արդյոք ներկայացնել 257 ձևը և աշխատել միկրոձեռնարկատիրության ոլորտում:
Նախապես շնորհակալություն:

Դավիթ.

Բարև ձեզ: Հանրային սնունդով զբաղվող բիզնեսը ներկայացրել է շրջանառության հարկի դիմում, կարո՞ղ եք ասել՝ այն հարկվու՞մ է 5 տոկոս շրջանառության հարկով: Կազմակերպությունը բացվել է 2019թ. դեկտեմբերի 1-ին և ներկայացրել է շրջանառության հարկի դիմում: Կասե՞ք՝ 2020թ. համար պե՞տք է ներկայացնի նոր հաշվետվություն, թե՞ ներկայացման ժամկետը պետք է լինի 2020թ. դեկտեմբերի 1-ին:

Արմինե.

Հարգելի հաշվապահներ, հարցս հետևյալն է՝ ԱՁ-ն 2019 թվականին իրականացրել է միջազգային բեռնափոխադրումներ (Հայաստան-Ռուսաստան) և համարվել է ընտանեկան ձեռնարկատիրության սուբյեկտ: 2020թ.-ին միջազգային բեռնափոխադրումներով զբաղվող ԱՁ-ները կարո՞ղ են համարվել միկրոձեռնարկատիրության սուբյեկտ:

Արփինե.

Բարև ձեզ: Ընտանեկան ձեռնարկատիրությամբ ԱՁ-ն, որը զբաղվում է արտադրական գործունեությամբ, միկրոձեռնարկատիրության համար որևէ դիմում պետք է գրի՞ և նոր աշխատող գրանցելու համար միայն աշխատողի հա՞յտն է լրացվում, և միայն 5 000 դրամ յուրաքանչյուր վարձու աշխատողի համար պետք է վճարի ու վե՞րջ, կա՞ այլ պարտավորություն: Շնորհակալ եմ:

Արմինե.

Հարգելի գործընկերներ, շնորհավոր բոլորի անցած տոները: Խնդրում եմ պատասխանել՝ որքա՞ն է կազմում սոցիալական վճարը 2020թ. հունվարի 1-ից հետո, քանի որ տարբեր կարծիքներ եմ լսել: «Կուտակային կենսաթոշակների մասին» ՀՀ օրենքում ասվում է.
Հոդված 81, մաս 8.1.
Մինչև Հայաստանի Հանրապետության հարկային օրենսգրքով անհատ ձեռնարկատեր և նոտար չհանդիսացող ֆիզիկական անձանց եկամուտների՝ եկամտային հարկով հարկման բեռի նվազեցումը սույն օրենքի 5-րդ հոդվածի 1-ին մասի 1-ին և 2-րդ կետերով սահմանված անհատ ձեռնարկատեր և նոտար չհանդիսացող անձանց համար սույն օրենքի 6-րդ հոդվածի 2-րդ մասի 1-ին կետով նախատեսված սոցիալական վճարի կեսը, սակայն ոչ ավել, քան 12500 դրամ, կատարում է պետությունը:

Ստացվում է, որ սոց. վճարը 2020թ. հունվարի 1-ից հետո պետք է կազմի 5 %, քանի որ պետությունը այլևս չի մասնակցում աշխատողի սոց. վճարի վճարմանը, սակայն շատ տեղերում ասում են, որ սոց. վճարի դրույքաչափը մնացել է անփոփոխ՝ 2,5 %:

Վազգեն.

Բարև ձեզ: Ես ուզում եմ List.am-ի նման կամ Ֆեյսբուքի #գործկա խմբի նման գործունեությամբ զբաղվել: Այսինքն՝ կազմակերպությունների հայտարարությունը տեղադրել սոց. ցանցի խմբիս մեջ, եթե թափուր աշխատատեղ ունեն: Դրա համար վճարելու են ինձ ամեն հայտարարության համար: Կարո՞ղ եմ ԱՁ բացել, և ի՞նչ գործունեություն նշեմ, որ զբաղվում եմ, ու հարկեր, ինչպես հասկացա, 5 % շրջանառությունի՞ց եմ տալու միայն:

Լուսինե.

Բարև ձեզ, հարգելի հաշվապահներ ջան: Նախկինում աշխատել եմ արտոնագրային հարկով, խնդրում եմ ձեզ, մանրամասն ասեք, թե վարսավիրական գործունեությամբ զբաղվելու դեպքում ինչքա՞ն հարկ պետք է վճարեմ և ի՞նչ հաշվետվություն ներկայացնեմ: Նշեմ, որ ունեմ գրանցված 3 աշխատող: Շրջանառությունն էլ չի գերազանցում տարեկան 1 000 000 դրամը:

Նինա.

Բարև ձեզ, սիրելի հաշվապահներ: Արդյո՞ք ՍՊԸ-ն, որը 2018-2019թթ.-ին համարվել է ընտանեկան ձեռնարկատիրություն, կարող է համարվել նաև միկրոձեռնարկատիրություն: ՍՊԸ-ն զբաղվում է ծրագրավորմամբ (գրանցված գործունեության տեսակը՝ «Ծրագրային ապահովման մշակում»): Կանխավ շնորհակալություն:

Նաիրա.

Շտապ է, խնդրում եմ, շտապ արձագանքեք: Ա/Ձ-ի գործունեությունը քսերոքս անելն է, կարո՞ղ է համարվել միկրոձեռնարկատեր, ֆ-կա չի տալիս:

Գայանե.

Բարև ձեզ: Ես ձեռագործ պայուսակներ եմ պատրաստում տանը, իրացնում եմ սոցիալական կայքերի միջոցով: 2018թ. գրանցվել եմ որպես ինքնազբաղ գործունեություն իրականացնող անձ, հարկեր չեմ վճարել, հաշվետվություններ չեմ ներկայացրել: Խնդրում եմ, ասեք՝ ըստ նոր օրենքի՝ միկրոձեռնարկատիրության սուբյեկտ համարվելուց հետո ի՞նչ փոփոխություններ կլինեն տվյալ գործունեության իրականացման համար:

Վահե.

Եթե ընտանեկան ձեռնարկատիրությունը չունի գրանցված աշխատող, այլ միայն վճարում է կատարել այն ժամանակ և այլ իրավաբանական անձի մատուցել է վճարովի ծառայություններ։ Այդ դեպքում ԸՁ-ն չէր վճարում որևէ հարկ։
Հիմա 2020թ.-ի փոփոխություններով նույն ձև կկարողանա՞ աշխատել, թե՞ պետք է հարկ վճարի, եթե պետք է վճարի, ապա ի՞նչ հարկ։

Շնորհակալ եմ:

Արամ.

Ո՞վ կարող է օգնել ինձ: ՍՊԸ-ն աշխատում է ԱԱՀ դաշտում: Ցանկանում եմ անցնել շրջ. հարկի համակարգ, սակայն վստահ չեմ, թե ինչքանով է դա ձեռնտու իմ ՍՊԸ-ին: Շրջանառությունը 2019թ. եղել է 10 281 856 դրամ, ԱԱՀ-ն՝ 1 584 660 դրամ: 2019թ. արտերկրից ներմուծել եմ ընդհանուր մաքսային արժեքով 6 315 493 դրամի ապրանք, ԱԱՀ-ն՝ 2 265 902 դրամ, ՀՀ տարածքում ձեռք բերված ապրանքների և ծառայությունների գումարը կազմել է 2 240 429 դրամ, ԱԱՀ-ն՝ 90 364 դրամ: Նախորդ տարի վճարել եմ 342 557 դրամ շահութահարկ և 2019թ.-ին՝ 68 511 դրամ եռամսյակային կանխավճար: Եթե կարող եք օգնել, շատ շնորհակալ կլինեմ:

Սերգեյ.

Բարև ձեզ: Հարցս վերաբերում է արտոնագրային հարկով հարկվող գործունեության տեսակներին: Կարո՞ղ եք ասել, թե որտեղից ստանամ տեղեկատվություն այն տուրքերի վերաբերյալ, որոնք 2020 թվականից պետք է փոխարինեն արտոնագրային հարկին (տուրքի չափը, վճարման ժամանակահատվածը):

Կանխավ շնորհակալություն:

Մարինե.

Հարգելի հաշվապահներ, հարցս շտապ է, խնդրում եմ պատասխանել՝ ԱԱՀ-ով աշխատող ԱՁ-ն, բացի աշխատողների եկամտային հարկից, սոց. վճարից, ուրիշ ի՞նչ հարկ է վճարում տարեկան՝ շահութահա՞րկ, թե՞ եկամտային հարկ: Միկրոձեռնարկատիրության սուբյեկտ հանդիսացող ԱՁ-ն, բացի յուրաքանչյուր աշխատողի համար 5 000 դրամ եկամտային հարկից և 1 000 դրամ դրոշմանիշային վճարից, որքա՞ն սոց. վճար է վճարում իր համար և աշխատողի համար:

Հասմիկ.

Բարև ձեզ: ԱՄԷ-ից ներմուծել եմ գյուղտեխնիկայի պահեստամասեր, բայց դրանք հայտարարագրում ձևակերպված են որպես ավտոմեքենայի: Երրորդ երկրից ներմուծման դեպքում նման պարագայում ինչպե՞ս հաշվեմ ԱԱՀ-ն:

Մարինե.

Բարև ձեզ։ Սպասարկման ոլորտում ԱՁ բացելիս ո՞ր հարկատեսակով ավելի հարմար կլինի աշխատել (օդորակիչների վերանորոգում և սպասարկում)։

Վիգեն.

Եթե հանդիպման կամ միջոցառման համար ՀԿ-ն գնումներ է կատարում առանց փոխանցման, կտրոնի հիման վրա, արդյո՞ք գումարի ինչ-որ տոկոս հարկվում է:

Արմինե.

Հարցս հետևյալն է՝ եթե անձը պատրաստվում է օնլայն ծառայություններ (ֆրիլանս, օր.՝ թարգմանություններ, տեքստեր գրել և այլն) մատուցել արտասահմանյան ընկերությանը, աշխատելու է տնից, բայց աշխատանքը կայուն բնույթ է կրելու, և աշխատողը աշխատաժամանակին համապատասխան ամեն ամիս որոշակի գումար է ստանալու իր բանկային հաշվի վրա: Նշեմ նաև, որ տվյալ անձի համար արտասահմանում հարկեր չեն վճարվելու: Պարտավո՞ր է տվյալ անձը ՀՀ-ում մտնել հարկային դաշտ և հարկեր վճարել: Եթե այո, ապա ի՞նչ գործողություններ պետք է արվեն, ու՞մ պետք է դիմի, որքա՞ն կկազմեն հարկերը: Կանխավ շնորհակալ եմ:

Սարգիս.

Ո՞վ կարող է մեկնաբանել կուտակայինի հաշվարկը հուլիսի 1-ից հետո: Արդյո՞ք սա նշանակում է, որ, օրինակ, 800 000 դրամ ստացողի դեպքում հաշվարկը կլինի՝

800000*10%-32500=47500 դրամ

կամ

2 000 000 դրամի դեպքում՝

2000000*10%-32500=167500 դրամ:

2020թ. հուլիսի 1-ից՝ մինչև 500 000 դրամը ներառյալ՝ 2.5 %, 500 000 դրամից ավել՝ 10 % – 32 500 դրամի տարբերության չափով: Կատարվող կուտակային հատկացումների և այդ անձանց եկամուտներից հաշվարկված և փոխանցված (գանձված) սոցիալական վճարի տարբերությունը չի կարող գերազանցել ամսական 37 500 դրամը:

Սաթեն.

Խնդրում եմ, պատասխանեք: Կազմակերպությունը աշխատում է շրջանառության հարկով: 2017թ. ընդհանուր հարկային պարտավորությունը կազմել է 700 000 դրամ, վճարել եմ 560 000 դրամ, իսկ ՀԱՔ-ում մնացորդը առ 16.01.18թ. կազմում է 180 000 դրամ: Այսինքն՝ 40 000 դրամ տույժ: Կատարել եմ ճշգրտում, որից 2017թ. հարկային պարտավորությունը կազմել է 570 000 դրամ: 71-52423-700 000, 52423-2521-560 000, 714-52423-40000՝ տույժ: Ի՞նչ թղթակցություն պետք է կատարեմ ճշգրտումից հետո:

Դավիթ.

Բարև ձեզ: Ընկերությունը ԱՁ է և զբաղվում է հանրային սննդի գործունեությամբ (ճաշարան), աշխատում է շրջանառության հարկով: Կասե՞ք՝ քանի տոկոս շրջանառության հարկ պետք է վճարել:

Էմմա.

Խնդրում եմ, ասացեք՝ եթե գեղեցկության սրահի շրջանառությունը չի հասնում 24 մլն-ի, ապա 2020թ.-ից կհամարվի միկրոբիզնես, հարցս՝ արդյո՞ք իրավունք ունի ներկի վաճառք իրականացնելու, թե՞ ծառայության մատուցում է միայն:

Լուսինե.

Հարգելի հաշվապահներ, ինչպես գիտեք՝ արտոնագրային հարկը դուրս է գալիս կիրառությունից: Խնդրում եմ պատասխանել՝ արդյոք ի՞նչ անելիքներ ունի արտոնագրային հարկով աշխատող ԱՁ/ՍՊԸ-ն մինչև տարեվերջ: Նախապես շնորհակալություն:

Ամալյա.

Հարցս հետևյալն է.
Կազմակերպությունը պետական ռեգիստրում գրանցելուց հետո ՊԵԿ-ը ծանուցու՞մ է արդյոք վճարվելիք հարկերի ու ներկայացվող հաշվետվությունների մասին, թե՞ տնտեսվարողն ինքը պարտավոր է իմանալ համապատասխան իրավական ակտերը:

Կանխավ շնորհակալություն:

Մհեր․

Ինչպե՞ս հասանելի ձևով քաղաքացին հաշվի ապրանքի մաքսային արժեքը՝ մաքսազերծման արժեքը հասկանալու համար։ Ենթադրենք՝ տվյալ ապրանքը մաքսազերծվում է ըստ մաքսային արժեքի 10-13 %-ով, ինչպե՞ս որոշել մաքսային արժեքը։

Մարինե․

Հարգելի հաշվապահներ,

1) 2020թ․ հունվարից այլևս արտոնագրային հարկ չի լինելու։ Ավտոբուսով ուղևորափոխադրման գործունեությամբ զբաղվելու համար ամեն ամիս, մինչև նախորդող ամսվա վերջին օրը ներկայացնելու ենք հաշվետվություն և վճարելու ենք պետ. տուրք։ Հարցս այսպիսին է․ կարո՞ղ եք ասել՝ որ համարի հաշվետվությունն եմ ներկայացնելու (եթե իհարկե հաշվետվության ձևը արդեն կա, ես չեմ գտնում) և պետ․ տուրքի հաշվեհամարը։ Տեղյակ եմ, որ միայն 2020թ․ հունվար ամսվա համար հաշվետվության և վճարման ժամկետ է սահմանվել մինչև 2020թ․ մարտի 1-ը:

2) ՍՊԸ-ն մարզում (Երևան քաղաքի վարչական սահմաններից դուրս) իրականացնում է շինարարական նյութերի առք ու վաճառք իր սեփական տարածքում: Արդյո՞ք ՀՕ 267-րդ հոդվածի 5-րդ մասի 9-րդ կետի համաձայն չենք կարող համարվել միկրոձեռնարկատիրություն:

Սաթեն.

Հարգելի հաշվապահներ, խնդրում եմ, պատասխանեք:
Կազմակերպությունն աշխատում է շրջ. հարկով: 2017թ. 4 եռամսյակի ընդհանուր հարկային պարտավորությունը կազմել է, օրինակ, 700 000 դրամ, վճարել եմ 560 000 դրամ, իսկ հարկային տեղեկանքում 20.01.2018թ. երևում է 180 000 դրամ, այսինքն՝ 40 000-ը տույժն է: Կատարել եմ ճշգրտում, որից ընդհանուր հարկը կազմել է 570 000 դրամ: Ինչպե՞ս վարվեմ:

Վիգեն.

Ինչպե՞ս են հարկվում անհատների կողմից ՀԿ-ին փոխանցվող նվիրաբերությունները:

Նարինե.

Ես բացել եմ ԱՁ և պետք է առուվաճառքի պայմանագրով ձեռք բերեմ ապրանք ֆիզիկական անձից, որքա՞ն է լինելու որպես գործակալ իմ վճարվելիք հարկը, արդյո՞ք 20 տոկոս:

Լուսինե.

Բարև ձեզ։ Կարո՞ղ եք օգնել հետևյալ հարցում․
Մատնահարդարման սրահը 2 ամիս իրականացրել է նյութերի վաճառք, բայց այլևս չի իրականացնելու վաճառք, կատարվելու է նյութերի ներմուծում միայն սրահի օգտագործման համար։ Կարո՞ղ է 2020թ․-ից ԱՁ-ն համարվել միկրոձեռնարկատիրության սուբյեկտ, նշեմ, որ 24 մլն-ի շեմը չի գերազանցում։

Մանվել.

Եթե իրավաբանական անձը տարածք է հանձնել վարձակալության, որի գումարը չի գերազանցում 24 մլն դրամը, արդյո՞ք նա կհամարվի միկրոձեռնարկատեր:

Հասմիկ.

Հարգելի հաշվապահներ, արդյո՞ք հագուստի խանութը (12 մլն շրջ.) Երևան քաղաքում կարող է համարվել միկրոձեռնարկատիրության սուբյեկտ:

Լուսինե.

Հարգելի հաշվապահներ, ունեմ ԱՁ, զբաղվում եմ վարսավիրական գործունեությամբ: Աշխատում ենք արտոնագրային հարկով, որը այլևս, ինչպես հասկացա, չի գործելու 2020 թվականից: Խնդրում եմ, ինձ օգնեք իմանալ՝ ինչ հարկատեսակով պետք է աշխատենք և ինչպես: Նշեմ նաև, որ ունենք նաև գրանցված 3 աշխատող:

Գարեգին.

Բարև ձեզ: Կխնդրեի պատասխանել հետևյալ հարցերին՝
1. Առանց ՀԴՄ կտրոն տրամադրելու հնարավո՞ր է կանխիկ գումար վերցնել հաճախորդից՝ դիմացը տրամադրելով հաշիվ վավերագիր (տեխսպասարկում է):
2. Ավտոտեխսպասարկումը կարո՞ղ է մտնել միկրոհարկատեսակի տակ, թե՞ ոչ, և ի՞նչ է անհրաժեշտ դրա համար: Շրջանառությունս հաստատ 24 մլն դրամից չի անցնում:

Կանխավ շնորհակալ եմ:

Սաթեն.

Խնդրում եմ, պատասխանեք՝ շրջ. հարկով աշխատող կազմակերպությունը արտասահմանյան կազմակերպությանը 600 $ գումար է փոխանցել (ինվոյսի հիման վրա) նրանց ինտերնետային կայքում կազմակերպության գործունեության վերաբերյալ հայտարարություն տեղադրելու իրավունք ունենալու համար: Ոչ ռեզիդենտի հարկ առաջանու՞մ է: Ինչպե՞ս ձևակերպեմ՝ ծառայությու՞ն, թե՞…:

Մարինե.

Կազմակերպության շրջանառությունը չի գերազանցում 24 մլն դրամը, այսինքն՝ շրջանառության չափը թույլ է տալիս լինել միկրոձեռնարկատիրության սուբյեկտ, սակայն քանի որ գործունեությունը առք ու վաճառքն է, ուստի չի կարող այդ մասով հանդիսանալ միկրոձեռնարկատիրություն: Հարցս այսպիսին է՝ իսկ կարո՞ղ է արդյոք մանկական կարուսելների ծառայության գործունեության համար համարվել միկրոձեռնարկատիրության սուբյեկտ (կարուսելների աշխատանքը բացօթյա է, այսինքն՝ սեզոնային է):

Արփի.

Բարև ձեզ:

Եթե կազմակերպությունը հոգում է օտարերկրյա հյուրերի հյուրանոցային ծախսերը, արդյո՞ք սա դիտվում է որպես մյուս կողմից տրված եկամուտ և հարկվում է եկամտային հարկի դրույքաչափերին համապատասխան:

Կանխավ շնորհակալություն:

Կարեն.

Բարև ձեզ: ՀՀ կառավարության 711-Ն որոշման համաձայն՝ դաշտային պայմաններում կամ տեղաշարժման աշխատանքներում աշխատողների կողմից կատարվող ծախսերը նվազեցվում են: Հարցս հետևյալն է՝ նշված ծախսերը ո՞ր փաստաթղթերում պետք է արտացոլվեն:

Արման Հարությունյան.

Բարև ձեզ: Ես ցանկանում եմ հիմնել ՍՊԸ, որը զբաղվելու է դասավանդումներով և կոնֆերանսների կազմակերպմամբ:
1. Արդյո՞ք կարող եմ որպես օֆիս նշել Co working տարածքը:
2. Աշխատակից գրանցելուց ի՞նչ պետք է անեմ:
3. Եվ ի՞նչ հարկատեսակ է կիրառվելու այս դեպքում և ի՞նչ դրույքաչափով:

Արամ.

Հարգելի հաշվապահներ, եթե կազմակերպությունը 2019թ.-ին գերազանցել է 18 մլն. դրամը, իսկ 24 մլն. դրամը չի գերազանցել, արդյո՞ք 2020թ.-ին կարող է համարվել միկրոձեռնարկատիրության սուբյեկտ: Շնորհակալություն: