Սուրեն.

Բարև Ձեզ: Խնդրում եմ ինձ օգնեք: 79 ձևով լրացրեցինք գրանցման հայտը, 86-ով եկամտային հարկի ամսական հաշվարկը: Ո՞ր ձևով պետք է ներկայացնել շրջանառության հարկի հաշվարկը: Շնորհակալություն:

Մարինե.

Բարև ձեզ: Հարցս վերաբերում է եկամտային հարկի հաշվետվությանը: Ես աշխատում եմ համայնքին ենթակա հաստատություններից մեկում: Աշխատողներից մեկը դեկտեմբեր ամսից երեխայի ֆիզի բյուլետենի մեջ է մինչև մայիսի 5-ը: Եկամտային հաշվետվության մեջ ես իրեն ներկայացրել եմ որպես չվճարվող աշխատավարձ հունվար և փետրվար ամիսներին: Խնդրում եմ ասեք ինձ` արդյո՞ք ճիշտ եմ արել, եթե ոչ, ապա ինչպե՞ս պետք էր ձևակերպել իրեն:

Ալլա.

Հարգելի հաշվապահներ, հարցս հետևյալն է` եթե կազմակերպության աշխատակիցը փոխում է անձնագիրը, արդյո՞ք պետք է ներկայացնել նոր փոփոխված անհատական հաշիվների գրանցման հայտ: Կանխավ շնորհակալ եմ:

Էմմա.

Հարգելի հաշվապահներ, խնդրում եմ օգնեք: ՍՊԸ-ն հաշվետվությունը ուշ ներկայաղնելու համար վարչական տուգանքը ո՞ր հաշվեհամարին պետք է վճարի: taxservice.am և taxinfo.am կայքերում տարբեր հաշվեհամարներ են նշված:

Կարեն.

Խնդրում եմ ասացեք` ինչպե՞ս ստանալ էլեկտրոնային ստորագրություն բարեգործական հիմնադրամի համար: Գիտեմ, որ ուշացրել եմ, բայց ցանկանում եմ իմանալ` որտեղից սկսեմ դիմել, և ինչ է սպասվում ուշացնելու համար, կանխավ շնորհակալ եմ:

Հեղինե.

Հարգելի հաշվապահներ, խնդրում եմ օգնեք.
հաշվետվությունները (օրինակ` ԱԱՀ հաշվարկը) ժամկետից ուշ ներկայացնելու դեպքում ի՞նչ տուգանք է սահմանված, և դրանք ո՞ր օրենքով են ամրագրված: Կանխավ շնորհակալություն:

Հեղինե.

Հարգելի հաշվապահներ, խնդրում եմ օգնեք.
Եթե աշխատողը 05.06-22.10.2012թ.-ը գտնվում էր հղիության և ծննդաբերության արձակուրդում, և 06.06.2012թ.-ին ստացել է նպաստի չափը կազմակերպության կողմից, ապա տարեկան անհատական հաշվետվության մեջ ինչպե՞ս է նշվում`
1. հունիս ամսվա դիմաց նշվում է ամբո՞ղջ նպաստի չափը
2. Թե՞ հունիս-հոկտեմբեր յուրաքանչյուր ամսվա դիմաց համապատասխան գումարի չափերը

Կանխավ շնորհակալություն:

Անի.

Ինչպե՞ս ուղարկեմ էլեկտրոնային հաշվետվություն: Նախապես շնորհակալություն:

Նարինե.

Հարգելի կոլեգաներ, խնդրում եմ պատասխանել, թե ՀԿ-ները պե՞տք է ՊԵԿ ուղարկեն “Շահութահարկի պարզեցված հաշվարկ” 2012թ. համար կամ մի ինչ-որ ուրիշ հաշվետվություն: Կանխավ շնորհակալ եմ պատասխանի համար:

Վահե.

Բարև ձեզ, հարգելի կոլեգաներ, խնդրում եմ պատասխանեք հետևյալ հարցիս: Էլեկտրոնային հաշվետվության մեջ գրանցման հայտում երկու աշխատողի աշխատանքային պաշտոնները պատահմամբ սխալ եմ լրացրել: Անձնական գրասենյակի “աշխատողներ” ենթահամակարգից փորձում եմ խմբագրել, բայց համակարգը տվյալ սյունակում փոփոխություն չի ընդունում, ինչպե՞ս վարվեմ: Միաժամանակ նաև ունեմ աշխատող 01.01.2013թ. չվճարվող արձակուրդում, այդ աշխատողների գրանցման հայտերը չեմ լրացրել, ի՞նչ խնդիր կարող է առաջանալ, եթե մարտ ամսին ուղարկեմ:

Սիրարփի.

Խնդրում եմ պատասխանեք իմ հարցին: Ես ունեցել եմ վարձու աշխատող և հունվար ամսվա համար ուղարկել եմ գրանցման հայտ, բայց 18.01.2013-06.06.2013 ժամանակահատվածի համար ինքը ներկայացրել է բուլետեն: Ես հաշվարկել, վճարել եմ ու ներկայացրել եմ հունվար ամսվա եկամտային հարկի հաշետվության մեջ: Փետրվար ամսվա համար արդեն ինքը չունի եկամուտ դրա համար էլ զրոյական եմ լրացրել իր անվան դիմաց, ու հաշվետվությունը ուղարկվում է սխալներով: Ի՞նչ փոփոխություններ պիտի կատարվեն, որ այս սխալը շտկվի:

Հեղինե.

Հարգելի հաշվապահներ, խնդրում եմ օգնեք.

1. Պարգևավճարները, հավելավճարները արդյո՞ք ենթակա են հարկման եկամտային հարկով:
2. Որո՞նք են համարվում պասիվ եկամուտներ:
3. Եթե ԱՁ-ն գործում է, կատարում է 5000 դրամ եկամտային հարկի վճարումները, սակայն դեռևս միայն ձեռքբերումներ է անում հետագայում արտադրանք թողարկելու համար և աշխատողներ չունի, այս դեպքում նա պարտավո՞ր է որևիցե հաշվետվություն ներկայացնելու, թե՞ ոչ: Նշեմ, որ ԱՁ-ն համարվում է շրջանառության հարկ վճարող:

Կանխավ շնորհակալություն:

Նարինե.

Հարգելի հաշվապահներ, ես սկսնակ եմ և խնդրում եմ ինձ օգնեք: Ես ուզում եմ իմանալ անհատական հաշվետվության ներկայացման վերջնաժամկետը, նախապես շնորհակալություն:

Ազատ.

Ես աշխատողի գրացման հայտում աշխատողի ընդունման ամսաթիվն եմ սխալ լրացրել: Երբ ճիշտն եմ լրացնում ու նորից ուղարկում, ասվում է, որ նույն սոց. քարտի համարով արդեն ուղարկվել է, ու չեմ կարողանում սխալս ուղղել: Այս դեպքում ի՞նչ անեմ:

Արմեն.

Հարգելի գործընկերներ, մինչև ե՞րբ են հետաձգել հունվար ամսվա համար գրանցման հայտերի և եկամտային հարկի հաշվետվությունների ներկայացման վերջնաժամկետները:

Արա Ա.

Հարգելի կոլեգաներ, շահութահարկի հաշվարկը լրացնելիս այսպիսի մի հարց է առաջացել. կազմակերպությունը հաշվետու տարում (2012) վնասով է աշխատել (-100 միավոր), սակայն տարվա ընթացքում կատարված ստուգման արդյունքում հայտնաբերվել է 2011-ին պակաս ցույց տրված եկամուտ (110 միավոր): Երբ այդ պակաս ցույց տրված գումարը տեղադրում ենք “հաշվետու տարում հայտնաբերված (նաև` ստուգմամբ)` դրան նախորդող 3 տարիներում պակաս (ավելի) ցույց տրված եկամուտները (նվազեցումները)” տողում, 2012-ին օգուտ է ստացվում (10 միավոր), սակայն.

“Հաշվետու տարվա շահութահարկի գումարը” (0600) տողը (10 * 20 % = 2 միավոր) պակաս է “- այդ թվում` ստուգմամբ հայտնաբերված լրացուցիչ շահութահարկի գումարը (0600Ա) տողից (110 * 20 % = 22 միավոր), ինչը տրամաբանական չէ, և էլեկտրոնային հաշվետվությունների ծրագիրը չի էլ ընդունում:

Հարց 1. Որտե՞ղ է արտացոլվելու ստուգմամբ հայտնաբերված 110 միավոր եկամուտը և դրան համապատասխան` 22 միավոր շահութահարկը

Հարց 2. Արդյո՞ք այդ 22 միավոր 2011 տարվա շահութահարկը պետք է մասնակցի 2013թ. կանխավճարների հաշվարկին:

Գարիկ Թադևոսյան.

Բարև ձեզ: Աշխատողին աշխատանքից ազատելուց էլեկտրոնային ի՞նչ հաշվետվություն է լրացվում:

Սուսի.

Բարև Ձեզ: Կցանկանայի իմանալ, թե ինչ հաշվետվություն պետք է ներկայացնի ՍՊԸ-ն, որն իրականացնում է փաստաբանական գործունեություն:

Մարինե.

Բարև ձեզ: Կարո՞ղ եք խորհուրդ տալ, թե ԱՁ-ն ինչ տարեկան հաշվետվություններ պետք է ներկայացնի այն դեպքում, երբ չկա ոչ մի աշխատղ, միայն ԱՁ հանդիսացող անհատն է: Եվ ինչպե՞ս ճիշտ լրացնել “Ֆիզիկական անձի տարեկան եկամուտների հաշվետվությունը”:

Angelina.

Խնդրում եմ պատասխանել իմ հետևյալ հարցին. եթե էլեկտրոնային եղանակով ուղարկված հաշվետվությունում կան սխալներ, ինչպե՞ս կարելի է այն փոխել, խնդրում եմ ինձ տալ ճիշտ ուղղություններ: Կանխավ հայտնում եմ շնորհակալություն:

Արթուր.

Բարև ձեզ: Աշխատողին տրամադրել եմ արձակուրդ (20 օր) 01/02/2013-28/02/2013: Կարո՞ղ եք օգնել` ես այդ գումարը ամսի քանիսի՞ն վճարեմ, և այդ գումարը եկամտային հարկի հաշվետվությունում փետրվար ամսում ցույց տա՞մ: Հաշվարկի համար պետք է վերցնել 01/02/2012-31/01/2013 ժամանակահատվա՞ծը: Եվ ես կարո՞ղ եմ տրամադրել ոչ թե 20 օր, այլ 22օր: Շնորհակալություն:

helen.

Բարև հարգելիներս, խնդրում եմ արագ արձագանքել.
Ա/Ձ -ի սոցապի տարեկան հաշվետվության մեջ գրված է սոցի նվազագույն գումար, որը չպետք է պակաս լինի 60.000 դրամից, սակայն եթե Ա/Ձ-ն աշխատել է 3 ամիս, այնուհետ դադարեցրել է գործունեությունը, ինչպե՞ս պետք է լրացնել հայտարարգրի 27-րդ տողը, և այն հանձնում եմ թղթային տարբերակով, չէ՞: Եվ ևս մի հարց` անհատական հաշվետվության դեպքում մյուս ամիսները, որ չի աշխատել, ինչպե՞ս եմ լրացնում մյուս աշխատողների համար:

Հելեն.

Հարգելիներս, մի հարց ունեմ: Հունվար ամսին ուղարկել եմ աշխատողների գրանցման հայտ, որտեղ մի աշխատողի պաշտոնը նշել եմ միայն թարգմանիչ, այնինչ՝ պետք է գրեի նաև տնօրեն: Եթե փետրվարի հաշվետվության ժամանակ նաև ուղարկեմ արդեն ուղղված գրանցման հայտը, որևէ խնդիր կառաջանա՞:

Անահիտ.

Բարև ձեզ: Ես ունեմ աշխատակից, ով գտնվում է չվճարվող արձակուրդում: Եկամտային հարկի ամփոփ հաշվարկի ժամանակ նրա համար չեմ նշել աշխատավարձի չափ, բայց սեղմել եմ հաշվիչի վրա, և նրա համար գրվել է զրո թիվը: Կարո՞ղ է սա պատճառ հանդիսանալ, որպեսզի հաշվետվությունս ՊԵԿ-ի կողմից ընդունվի սխալներով: Նախապես շնորհակալություն:

Սասուն.

Բարև ձեզ: Ուղարկել եմ սխալ էլեկտրոնային հաշվետվություն, ինչպե՞ս կարող եմ ճշգրտվածը ուղարկել, եթե հնարավոր է` արագ կպատասխանե՞ք: Շնորհակալություն:

Սամվել.

Բարև ձեզ, ես ԱՁ եմ և ունեմ մթերաին խանութ ու մեկ գրանցված աշխատող: Խնդրում եմ ինձ ասել, թե ինչ հաշվետվություններ պետք է ուղարկեմ ամսական, մասնավորապես` եկամտաին հարկի հաշվարկը աշխատողի համար, և այն միայն աշխատողի՞ համար է, թե իմ գործունեության համար էլ պետք է ուղարկեմ:

Եվ ևս մեկ հարց` նախորդ տարի ՀԴՄ հաշվետվությունը ներկայացվում էր ամսվա կտրվածքով, ինձ ասացին, որ այս տարի պետք է ներկայացվի եռամսյակը մեկ, սակայն հաշվետվությունների ցուցակում “60. ՏԵՂԵԿՈՒԹՅՈՒՆ` Հսկիչ-դրամարկղային մեքենայով իրականացված դրամական հաշվարկների հանրագումարի վերաբերյալ” բաժնում հաշվետուն կրկին ամսական է, այլ ոչ եռամսյակով, հաշվետվությունն է՞լ է փոխվել:

astxik.

Հարգելի հաշվապահներ, հարցս նոր եկամտային հարկի ամփոփ հաշվարկի մասին է: ԱՁ-ն աշխատող չունի, սակայն ունի վարձակալած տարածք, որի համար եկամտային հարկ է վճարում, որն էլ պետք է արտացոլվի եկամտային հարկի հաշվարկում` ինչպե՞ս: Գուցե ԱՁ-ին գրանցեմ որպես վարձու աշխատող, որպեսզի եկամտային ամփոփ հաշվարկի ձևը բացվի, որն աբսուրդ է: Եթե գիտեք, արձագանքեք: Շնորհակալություն:

Ջանիկ.

Խնդրում եմ ասել` կա՞ որևէ անձ կամ կազմակերպություն, որ կարող է օգնել ներկայացնելու էլեկտրոնային հաշվետվություն: Ասեմ, որ զբաղվում ենք առևտրով և պարզեցված դաշտում ենք: Կանխավ շնորհակալություն:

Kristina.

Բարև Ձեզ:

1. Եթե ԱՊՊԱ-ից ՍՊԸ-ին պատկանող ավտոմեքենայի համար փոխատուցվել է 100 000 դրամ, ապա դա դիտվու՞մ է որպես եկամուտ ՍՊԸ-ի համար (Շահույթահարկի պարզեցված հաշվարկի մեջ 0103 տողում լրացնե՞մ այդ 100 000-ը):

2. Այդ 100 000-ը ՍՊԸ-ն փոխանցել է ավտոտեխսպասարկման կազմակերպությանը վերանորոգման համար (փաստաթղթերով հիմնավորվել է), ապա այդ ծախսը ցույց տամ Շահութահարկի պարզեցված հաշվարկի մեջ 0201 տողում, թե՞ 0202 տողում:

Անի.

Աշխատողը կազմակերպությունում աշխատել է 2012թ. նոյեմբերի 1-ից և հղիության ու ծննդաբերության արձակուրդ, ըստ բյուլետենի, գնում է հունվարի 31-ից: Ո՞ր ամսվա հաշվետվությունում պետք է ներկայացնեմ նրա նպաստը: Արդյո՞ք խնդիր չի առաջանա, որ չի աշխատել լրիվ 3 ամիս: Եվ այդ արձակուրդի ընթացքում եկամտային հարկ հաշվարկվու՞մ է, թե՞ ոչ: Մի հարց էլ` բյուլետեն բերել է 140 օրվա, բայց նա ունենալու է զույգ երեխաներ, այսինքն՝ պետք է հասներ 180 օր: Ինչպե՞ս վարվեմ: Հիմա նշե՞մ ու հաշվարկե՞մ ըստ 140 օրերի, հետո, երբ բերի մնացած 40 օրվա բյուլետենը, վճարեմ տարբերությունը:

Artur.

Բարև Ձեզ: Խնդրում եմ պատասխանել հետևյալ հարցին. նույն անձը կարո՞ղ է ekeng-ում գրանցվել 2 տարբեր կազմակերպությունների դեպքում էլեկտրոնային ստորագրության համար (3000 դրամը 2-ի համար վճարելու պայմանով): Շնորհակալություն:

Հարություն.

Հարգելի գործընկերներ, կարելի՞ է արդյոք նույնականացման քարտ կարդացող 1 սարքով տարբեր նույնականացման քարտեր կիրառել` հաշվետվությունները էլեկտրոնային ստորագրելու համար:

Նարինե.

Խնդրում եմ օգնել հետևյալում:
Ընկերության տնօրենը օտարերկրացի է, ով չի բնակվում ՀՀ և չունի կացության քարտ: Անհատական հաշվետվությունները էլեկտրոնային եղանակով ուղարկելու համար կա մի կետ, ուր պետք է անպայման լրացվի հանրային ծառայության համարանիշը, իսկ օտարերկրացիների համար` անձնագրային և վիզաների վարչությունից ստացված տեղեկանքի համարը` հանրային ծառայության համարանիշ չունենալու մասին: Այս տեղեկանքը տրվում է միայն կացության քարտ ունեցող օտարերկրացիներին: Նման դեպքում ինչպե՞ս վարվել: Ինչպե՞ս լրացնել և ուղարկել հաշվետվությունը: ՊԵԿ-ի թեժ գիծ դիմելիս ինձ պատասխանեցին, որ առանց դրա եկամտային հարկի հաշվետվությունը և կատարված վճարումները չեն հաշվանցվի:

Արա Ա.

Հարգելի գործընկերներ, հրավիրում եմ քննարկման հետևյալ հարցի վերաբերյալ. արդյո՞ք կարիք կա այս քանակության և ծավալի վիճակագրական հաշվետվությունների ներկայացման: Հասկանալի է` տվյալների ներկայացումը կարևոր է ՀՀ որոշ ընդհանուր ցուցանիշների հաշվարկման համար, սակայն մի՞թե չի կարելի հնարավորինս ամփոփ հաշվետվության ձև կազմել, որպեսզի կազմակերպությունը տարեկան 5-6 (իսկ միգուցե և ավելի) տեսակի վիճակագրական հաշվետվություն չներկայացնի: Որոշ տվյալներ այդ հաշվետվություններում պարզապես կրկնվում են, իսկ որոշ տվյալների ներկայացումը ուղղակի անիմաստ է, էլ չեմ ասում, որ դրանք ներկայացնելու համար տարվա ընթացքում պետք է վարել առանձին հաշվառում: Վիճակագրական ծառայություն ներկայացվող տվյալները ավելի շատ են, քան հարկային տեսչություն ներկայացվողները: Շահութահարկի և մնացած հաշվետվությունները մի կողմ դրած` ինչ-որ լրացման ու ցուցանիշների հաշվարկման կարգերի ենք ծանոթանում: Արդյո՞ք հնարավոր չէ պարզեցնել այս տվյալների ներկայացումը: Ի՞նչ կարծիք ունեք:

Հարություն.

Հարգելի գործընկերներ, ո՞վ է տեղյակ եկամտային հարկի հաշվետվությունից: Արդյո՞ք այն լինելու է ամսական և անվանական` յուրաքանչյուր աշխատողի համար առանձին նշված եկամուտը և պահված եկամտային հարկը: Եվ արդյո՞ք արդեն վաճառվում է գրախանութներում:

Դիանա.

Բարև ձեզ, ես կցանկանայի իմանալ, թե կադրերի բաժնի տեսուչը ինչ հաշվետվություն է ուղարկում ՀՀ Կենտրոնական Բանկ:

Լուսինե.

Բարև Ձեզ, հարգելի գործընկերներ, կարո՞ղ եք ինձ օգնել և պատասխանել իմ հարցին. վիճվարչության հաշվետվությունը էլեկրոնայի՞ն եղանակով ենք հանձնելու, թե՞ ոչ: Նախապես շնորհակալություն:
Հարգանքներով,
Լուսինե Մկրտչյան

Արման.

Հարգելի հաշվապահներ, հանդիսանում եմ ԱՁ և իրականացնում եմ համակարգչային ծառայություններ (ֆոտո, վիդեո մոնտաժ և այլն), չունեմ վարձու աշխատող, տարածք չեմ վարձակալում: Խնդրում եմ օգնեք` 2013թ-ի հունվարի 1-ից ես պե՞տք է ներկայացնեմ էլեկտրոնային հաշվետվություն, թե՞ ոչ, և եթե այո, ապա քարտ կարդացող սարք պե՞տք է ձեռքբերեմ, թե՞ ոչ:

Կանխավ շնորհակալ եմ օգնության համար:

Արմինե.

1. Տարեկան եկամտահարկի հաշվետվության մեջ ո՞րն է համարվում անձնական նվազեցում:
2. Եթե ֆակտուրաները շատ են, քան տարեկան շրջանառությունն է, ինչպե՞ս վարվել:

Ալլա.

Հարգելի հաշվապահներ, հարցս հետևյալն է. եթե կազմակերպությունը ԱԱՀ վճարող է և անցել է ԱԱՀ շեմը` 58.35 միլիոն դրամը, կարո՞ղ է արդյոք վերակազմավորվել, և որպես վերակազմավորված նոր կազմակերպություն համարվել շրջանառության հարկ վճարող: Եվ եթե ոչ, խնդրում եմ բացատրել, թե ինչպես այս դեպքում կազմակերպությունը կարող է համարվել շրջանառության հարկ վճարող: Եվ հաջորդ հարցս` եթե ԱԱՀ-ով աշխատող կազմակերպությունը դառնում է շրջանառության հարկ վճարող, արդյո՞ք պետք չէ ներկայացնել ՀԴՄ ամսական հաշվետվություն: Միայն ՀԴՄ-է տպվում, արդյո՞ք ճիշտ եմ հասկանում: Կանխավ շնորհակալ եմ Ձեր պատասխանների համար:

Կարինե.

Խնդրում եմ, կարո՞ղ եք ինձ ասել, թե հիմնադրամները ինչպես են հարկվում, ինչ հաշվետվություններ են պատրաստում և ուղարկում հարկային:

Լիանա.

…հաշվետվությունների ներկայացման էլեկտրոնային համակարգում ինչպե՞ս է կոչվում: Համարով ո՞րն է:

Գայանե.

Էլեկտրոնային հաշվետվությունների ներկայացման հետ կապված աշխատակիցների գրանցման հայտերը լրացնելիս գրանցման հասցեն և փողոցը լրացնելուց հետո եթե չգիտենք մարզը կամ վարչական տարածքը, ծրագիրը թույլ չի տալիս շարունակել այն և կարմիրով հուշում է, որ կան անճշտություններ: Ասացեք խնդրեմ, նման դեպքում ինչպե՞ս կարող ենք վարվել, կամ որտեղի՞ց կարող ենք գտնել, թե որ փողոցը որ վարչական տարածքում է գտնվում: Շնորհակալ եմ:

Մարինե.

Բարև Ձեզ, խնդրում եմ օգնեք հետևյալ հարցում` մարդը նույն կազմակերպությունում աշխատել է 1 դրույք այլ հաստիքով և կես դրույք այլ հաստիքով, օրենքով դրա իրավունքը նա ունի, բայց եկամտահարկի և սոցապի հաշվետվություններում նույն մարդը պե՞տք է համարվի 2 աշխատող, թե՞ ոչ, որովհետև նրա համար հաշվարկվել է 2 տարբեր աշխատավարձ:

Եվ մեկ ուրիշ հարց` մարդը օրինակ իր մեկ անգամյա ծառայության դիմաց ստացել է հոնորար և այդ հոնորարից հաշվարկվել ու պահվել է եկամտահարկ, նրա համար գործատուի սոցապ չի հաշվարկվել ու վճարվել, դա ճի՞շտ է և պե՞տք է արդյոք ոսցապի հաշվետվության մեջ դա երևա, եկամտահարկի հաշվետվության մեջ կարծում եմ պետք է երևա, խոսքս անցած տարվա մասին է:
Շնորհակալություն:

Լուսինե.

Բարև ձեզ: Խնդրում եմ ասեք` եթե վիճ. վարչություն սխալ հաշվետվություն է ներկայացվել, ի՞նչ պետք է անել: Շնորհակալություն:

Աննա.

Բարև ձեզ: Եթե կարող եք, շտապ օգնեք Շահութահարկի հաշվարկի հետ կապված: 2012թ. նվազագույն շահութահարկի գումարը կազմել է 200.000 դրամ, հաշվետու տարվա շահութահարկի գումարը 150.000 դրամ, կատարել եմ կանխավճարներ 900.000 դրամ (300.000*3), 4-րդ եռ. կանխավճար չեմ կատարել: Այդ դեպքում Ակտիվների և Պարտավորությունների աղյուսակում պե՞տք է նշել կրեդիտորական պարտքեր բյուջեներին 300.000 դրամ կամ դեբիտորական պարտքեր բյուջեներին 700.000 դրամ (900.000-200.000):

Շնորհակալություն:

Մարինե.

Հարգելի կոլեգաներ, ասացեք խնդրեմ` կապված վերջին փոփոխությունների հետ կարո՞ղ է տեղյակ լինեք` փոխվե՞լ են հաշվետվությունների բլանկները:

Հարց երկրորդ` ՍՊԸ-ն անորոշ ժամկետով գործունեության դադարեցում է տալիս, տնօրենը, որը նաև հանդիսանում է հիմնադիր, արդյո՞ք վարձատրվում է, և արդյո՞ք եկամտահարկ և սոց. վճար վճարվում է նրա համար: Կարո՞ղ եմ տնօրենին ևս ազատել աշխատանքից:

Շնորհակալություն հարցիս պատասխանելու համար:

Տիգրան.

Բարև Ձեզ: Շնորհավորում եմ բոլորի Ամանորն ու Սուրբ Ծնունդը:
Խնդրում եմ ինձ օգնեք: ՍՊԸ-ն մինչև հունվարի 15-ը պե՞տք է ներկայացնի սոց. վճարների և եկամտահարկի հաշվետվություն: Դրանք պետք է առձե՞ռն հանձնել, թե՞ արդեն էլեկտրոնային եղանակով: Կանխավ շնորհակալություն:

Լիանա.

2012թ 4-րդ եռամսյակի համար սոց. վճարի և եկամտահարկի հաշվետվությունները այլևս չե՞ն ներկայացվելու, միայն եկամտահա՞րկն է լինելու էլեկտրոնային եղանակով ու վե՞րջ:

Զարուհի.

Բարև Ձեզ: Կասե՞ք` ինչպես են ուղարկում էլեկտրոնային հաշվետվությունները: Շնորհակալություն: