Լիլյա.
Բարև ձեզ:
Խնդրում եմ պատասխանեք` ձևակերպվել է հիմնական միջոցների արժեզրկումից կորուստը:
Կայք հաշվապահների համար և ոչ միայն…
Լիլյա.
Բարև ձեզ:
Խնդրում եմ պատասխանեք` ձևակերպվել է հիմնական միջոցների արժեզրկումից կորուստը:
Լիլյա.
Ստորև բերված տվյալների հիման վրա որոշել և ձևակերպել իրացված արտադրանքի ինքնարժեքը, արտադրանքի վաճառքից ճանաչված հասույթ, հասույթի ճշտգրտում կապված իրացված արտադրանքի վերադարձման հետ, իրացված և վերադարձված արտադրանքին վերաբերող ԱԱՀ գումարները, արտադրանքի վաճառքի ֆինանսական արդյունքը: Կազմակերպությունը հաշվետու եռամսյակում առաքել է գնորդին 350 միավոր արտադրանք: Արտադրանքի միավորի ինքնարժեքը կազմել է 2 000դրամ, իսկ բացթողնման գինը առանց ԱԱՀ 3 000դրամ: Տարբեր հիմնավորված պատճառներով գնորդը հետ է վերադարձրել 50միավոր արտադրանքը:
Կարինե.
Օգնեք հաշվարկել ոչ նյութական ակտիվի ամորտիզացիան օգտակար ծառայության բոլոր տարիների համար, ձևակերպել ակտիվի դուրսգրման, մուտքագրման, ամորտիզացիայի գործառնությունները: Ձեռք է բերվել արտոնագիր, որի արժեքը 760 000 է, ներառյալ` ԱԱՀ, գումարը վճարվել է հաշվարկային հաշվից, օգտակար ծառայությունը՝ 10տարի, ամորտիզացիան հաշվարկվել է գծային եղանակով, օգտակար ծառայության ժամկետի ավարտին արտոնագիրը դուրս է գրվել կազմակերպության հաշվեկշռից:
Աննա.
Խնդրում եմ օգնեք ճիշտ գույքագրում անցկացնել: Ունենք հիմնական միջոցներ, որոնք ենթակա են դուրս գրման, օգտագործման համար ոչ պիտանի են: Ունենք մասնագիտական ակտ և եզրակացություն: Ինչպե՞ս կատարեմ խոտանում?
Սեդա.
Բարև Ձեզ: Ընկերությունը Երևանի քաղաքապետարանին վճարել է հողի կադաստրային արժեքը այն սեփականացնելու համար: Խնդրում եմ ինձ ասեք` ի՞նչ ձևակերպում տամ և այդ վճարումը ծախս ճանաչեմ, թե՞ ոչ:
Լիաննա.
Բարև Ձեզ: Ոչ ընթացիկ ակտիվների վերաբերյալ նյութեր որտեղի՞ց կարող եմ գտնել։
Հայկ.
Բարև Ձեզ, հարգելի մասնագետներ: Այսպիսի հարց ունեմ. արդյո՞ք շրջհարկով աշխատող ՍՊԸ-ն տարվա վերջում շահույթը հաշվարկելիս նույնպես պետք է հաշվի առնի օրենքով սահմանված նվազեցվող ծախսերի թույլատրելի չափերը, ինչպես որ շահութահարկ վճարողներն են անում: Օրինակ` անհատույց տրված ակտիվների գծով ծախսերի, կամ վարկերի տոկոսների մասով կա՞ն որևէ սահմանափակումներ:
Շնորհակալություն:
Արամ.
Բարև ձեզ: Հարցս վերաբերվում է պոստերմինալով կատարվող գործարքներին: Արդյո՞ք պոս տերմինալով կատարված գործարքների մասով պետք է կազմվի դրամարկղի մուտքի օրդեր:
Աննա.
Բարև Ձեզ: Մի քանի հարց ունեմ, կխնդրեմ որքան հնարավոր է մանրամասն ասել: Կանխավ շնորհակալություն:
1. Շրջհարկով աշխատող ՍՊԸ-ն, որը մատուցում է ծառայություններ կատարել է գնումներ թե՛ առհաշվով, և թե՛ հաշվով, մուտք է արվել պահեստ, և ունի մեկ աշխատող՝ տնօրենը, գնված ապրանքները հիմնականում թուղթ, գրասենյակային պարագաներ, տնտեսական պարահգաներ օֆիսի համար: Կխնդրեմ ասել՝ պահեստի շարժը ինչպե՞ս կազմակերպել, թղթային դուրս գրումներ և այլն, թե՞ պահեստի մուտքի կարիք չկա, և ինչպե՞ս ցույց տալ, որ այդ ապրանքներն օգտագործվել է ծառայությունների մատուցման համար։
2. ՍՊԸ-ն գրանցվել է անցյալ տարի դեկտեբեր ամսին, ե՞րբ կարող եմ հայտարարել շահաբաժին և ի՞նչ փաստաթղեր են ահրաժեշտ բացի հիմնադիրների որոշումից, հարկը որքա՞ն է կազմում, կարո՞ղ եմ հետ վերադարձնել եկամտային հարկը, և եթե ունենք 1 միլիոն դրամի շահույթ՝ կարող՞ ենք շահաբաժին հայտարարել 200 000 դրամ, իսկ մնացած գումարը հաշվարկել հաջորդ ամիսների ծախսերի գումար, կասե՞ք ձևակերպումները։
Մարիա.
Բարև ձեզ: Այսպիսի հարց ունեմ. եթե ՀՈԱԿ-ը վերանորոգման և երկարատև չաշխատելու պատճառով ունի ապրանքներ, որոնք պիտանի են հետագա օգտագործմանը, այդ ապրանքները ուզում ենք հանձնել մեկ այլ ՀՈԱԿ-ի, որը դրամական ունի։ Խնդրում եմ պատասխանել՝ կարո՞ղ ենք դուրսգրել, եթե այո, կամ ոչ, ի՞նչ տարբերակ կառաջարկեն, ի՞նչ փաստաթղթեր են պետք որպես հիմք։
Շնորհակալություն:
Հրանուշ.
Բարև Ձեզ։ Մի էսպիսի հարց ունեմ. կազմակերպությունը իր պահեստից մեր մեկ այլ կազմակերպության պահեստ՝ որպես ի պահ, տեղափոխել է ապրանք։ Խնդրում եմ ինձ հուշել՝ նման դեպքում ինչպիսի՞ ձևակերպում պետք է անել 2 կազմակերպություններում էլ։ Կանխավ շնորհակալ եմ։
Ինչպե՞ս ձևակերպել շահութահարկի կանխավճարը:
Անի.
Հարգելի՛ հաշվապահներ, աշխատակցի փոխարեն դրոշմանիշային վճարը վճարում է գործատու՞ն, եթե 68 000-ից ցածր է լինում աշխատավարձը: Ինչպիսի՞ ձևակերպում տալ դրոշմանիշային վճարին՝ աշխատավարձը հաշվելիս: Աշխատում եմ ՀԾ ծրագրով:
Հարց 2: Ինչպե՞ս ձևակերպել անկանխիկ վճարումը, որն արվել է կազմակերպության քարտով:
Շնորհակալ եմ:
Անահիտ.
Բարև ձեզ, հարգելի հաշվապահներ: Կազմակերպության կողմից վարձակալված մեքենայի համար ծախսված վառելիքը ինչպե՞ս պետք է ծախս ճանաչեմ։ Կանխավ շնորհակալ եմ։
Ալինա.
Բարև Ձեզ: Ասեղնագործության մեքենայի ամորտիզացիան քանի՞ տարվա համար եմ հաշվում:
Ռուբ.
Բարև ձեզ, հարգելի հաշվապահներ: Խնդրում եմ օգնել ձևակերպումներ տալու մեջ։ Ընկերությունը գնում է փայտանյութ/գերաններ և ծառայությունների մատուցման պայմանագրի հիման վրա տալիս է սղոցում իրականացնող ԱՁ-ին։ Վերջինս գերաններից ստանում է տախտակ և տալիս է սղոցման ակտ։ Դրանք պայմանագրի հիման վրա մատակարարվում են այլ կազմակերպության արդեն այլ գնով։ Ինչպե՞ս պետք է տամ ձևակերպումները։
Շնորհակալություն:
Իգոր.
Բարև Ձեզ։ ՍՊ ընկերությունը փոխառությամբ գումար է վերցրել, սակայն գումարը ընկերության հաշվին մուտք է եղել մաս-մաս, տարբեր օրերի, ինչպե՞ս կարելի է փաստաթղթավորել, կա՞ արդյոք ֆինանսական փոխառության հանձնման-ընդունման ակտի ձև։
Սերգեյ․
Մի կազմակերպություն մեկ այլ կազմակերպությանը գումար է փոխանցում, որպեսզի երրորդ կազմակեպությունից ձեռք բերի ապրանք։ Ինչպիսի՞ հաշվապահական ձևակերպումներ պետք է տալ։
Սեդա.
Ֆիզ. անձը ֆինանսական նվիրատվություն է անում կազմակերպությանը: Խնդրում է տիպային ձև և թղթակցությունը հուշել:
Անի.
Բարև ձեզ, հարգելի՛ հաշվապահներ: Հուլիս ամսվա եկամտային հաշվարկի ճշգրտված հաշվետվության արդյունքում 2150 դր. հետ է մուտք արվել միասնական հաշվին: Ինչպիսի՞ ձևակերպում տալ: Շնորհակալ եմ:
Ռուբ․
Բարև ձեզ, ինչպե՞ս տալ շահութահարկի համար կատարված կանխավճարների ձևակերպումը։
Բարև Ձեզ, կօգնե՞ք կազմել թղթակցություններ․
1. Հաշվարկվել է մաշվածություն
2. Երկարաժամկետ բանկային վարկի կարճաժամկետ մասի արտացոլում
3. Հաշվարկվել է շահութահարկ
4. Վերագնահատված հիմնական միջոցի արժեքի արտացոլում
5. Եկամուտներին վերաբերող շնորհների արտացոլում
6. Հաշվանցվել է անուղղակի հարկ
7. Ձևակերպվել է վերագիր ապրանքների համար
8. Չկրած տոկոսային ծախսերի արտացոլում
9. Վճարված տոկոսները կապիտալացվել են
Բարև ձեզ: Եթե կազմակերպությունը իր բանկային հաշվից 300 000 դրամը գերազանցող գումար է մուտք անում իր դրամարկղ, ապա դա օրենքի խախտու՞մ համարվում է, թե՞ ոչ ։
Անուշ.
Բարև Ձեզ։ Կազմակերպությունը հանրային հատվածի կազմակերպություն է։ Պետք է կատարվի շենքի կոսմետիկ վերանորոգում և մեծ գումարի չափով։ Հարցս հետևյալն է՝ վերանորոգման ծախսերի ֆինանսավորումը կարո՞ղ ենք կատարել վարչական բյուջեից, թե՞ պետք է կատարել պարտադիր ֆոնդային բյուջեից։
Անի․
Բարի օր, հարգելի՛ հաշվապահներ: Արձակուրդայինի հաշվարկ եմ կատարել, բայց վերահաշվարկից պարզ դարձավ, որ մի քանի հարյուր դրամ ավել եմ հաշվել և փոխանցել բանկի միջոցով, նաև եկամտայինն է ավել հաշվարկվել: Հիմա ուզում եմ այդ փոխանցած ավել գումարը աշխատակցի անունից հետ վերադարձնել դրամարկղ, բայց հարմար ձևակերպում չեմ գտնում և՛ դրամարկղի, և՛ եկամտայինի համար: Ունեմ ձեր օգնության կարիքը: Կարո՞ղ եք ձևակերպումների հարցում օգնել: Շնորհակալ եմ:
Արուսիկ.
Բարև Ձեզ, հարգելի հաշվապահներ:
ՏՏ ոլորտի կազմակերպությունը ծառայություն է մատուցել արտասահմանյան գործընկերոջը՝ կայքի միջոցով։ Կայքում հնարավոր չէ նշել կազմակերպության բանկային տվյալները, նշել են հիմնադիրներից մեկի հաշվեհամարը։
Հիմնադիրը պետք է գումարը փոխանցի կազմակերպության բանկային հաշվեհամարին, նպատակ դաշտում գրելով, դուրս գրված ծառայության հաշիվ վավերագրի համարը։
Այս կերպով ճի՞շտ է կազմակերպվում հաշվապահական հաշվառման գործընթացը։
Շնորհակալություն:
Ալլա.
Բարի օր, հարգելի խմբակիցներ: ՀԿ ուզում է ձեռնարկատիրական գործունեություն ծավալել՝ համերգ կազմակերպել և տոմսերի վաճառք իրականացնել: Խնդրում եմ հուշեք՝ թե ի՞նչ քայլից պետք է սկսեմ հաշվապահական հաշվառումը:
Արթուր.
Հիմնական միջոցներ ներմուծելիս ԱԱՀ-ն ներառվու՞մ է ինքնարժեքի մեջ:
Բարև Ձեզ: Ընկերությունը իր մարդատար ավտոմեքենան պետք է խոտանի: Խնդրում եմ ասեք՝ ի՞նչ քայլեր պետք է անենք: Շնորհակալություն:
Անի.
Հարգելի՛ հաշվապահներ, եթե ստացված էլեկտրոնային հաշիվը մուտք է արվել ՀԾ համակարգ և հետո այդ հաշիվը ճշգրտվել է, ապա ինչպե՞ս ձևակերպել ճշգրտված հաշիվը: Շնորհակալ եմ:
Հայկ.
Բարև Ձեզ, հարգելի մասնագետներ: Եթե ՍՊԸ տնօրենը ընկերությանը պատկանող բանկային քարտով ներկայացուցչական ծախսեր է կատարել, օրինակ՝ վճարել է ռեստորանում, ինչպե՞ս պետք է ձևակերպել: Եվ ծախս ճանաչելու համար ի՞նչ փաստաթղթեր պետք է կազմել: Աշխատում է շրջհարկի դաշտում: Շնորհակալություն:
Կարեն․
Փնտրում եմ բանկային հաշվապհության դասընթացներ։ Միայն հիմունքներ և հարկային օրենսգիրք, ծրագրերի ուսուցման կարիք չկա։ Շնորհակալություն։
Ալինա․
Բարև ձեզ: Խնդրում եմ օգնեք, նախապես շնորհակալություն։ Կարո՞ղ եք ասել՝ եթե կազմակերպությունը ձեռք է բերում որոշ ապրանքներ՝ մոտ 100 000 դրամի սահմաններում ՀԴՄ կտրոնով, կտրոնի վրա կա գնորդի ՀՎՀՀ, ի՞նչ ձևակերպումներ և հարկեր են տալիս։ Որպես գնորդ ի՞նչ հաշվետվություն ենք տալիս։ Աշխատում ենք շրջանառության հարկով։
Արտակ.
Հարգելի հաշվապահներ, արդյո՞ք աուդիտ իրականացնելու համար (աուդիտորական կազմակերպությունում, որպես աուդիտոր աշխատելու) անհրաժեշտ է աուդիտորական որակավորում (ՀՀԱԱ կողմից կամ այլ սերտիֆիկատ)։ Նախապես շնորհակալություն
Թամարա.
Բարև Ձեզ, հարգելի հաշվապահներ: Ասացեք խնդրեմ, եթե կազմակերպությունն ունի դեբիտորական պարտքեր, բայց գործընկերը դադարեցրել է գործունեությունը կամ սնանկ է ճանաչվել, ինչպե՞ս կարող եմ անհուսալի դեբիտորական պարտք ճանաչել, և հաշվապահական ձևակերպումները խնդրում եմ: Կանխավ շնորհակալություն:
Ռուբ.
Բարև ձեզ, հարգելի հաշվապահներ: Ես բախվել եմ լուրջ խնդրի… կազմակերպությունը 2020 թվականին գործունեություն է ծավալել, սակայն պատշաճ կերպով չի վարվել հաշվապահությունը։ Ես նոր եմ անցել աշխատանքի և փորձում եմ վերականգնել, որպեսզի կարողանամ ճիշտ շարունակել։ Կազմակերպությունը ներկայացրել է շահութահարկի հաշվետվություն, բայց չի կարողացել աշխատողներին վճարված գումարները որպես ծախս ներկայացնել, քանի որ աշխատողների գրանցում չի կատարել, ենթադրում եմ ստուգումից խուսափելու հարմար, վճարվող շահութահարկ են առաջացրել, սակայն հաշվարկները հիմա ցույց են տալիս, որ իրականում վնաս է կրել։ Շրջանառության տեղեկագիրը ոչ մի կերպ ճիշտ կազմել չի ստացվում և հետագա հաշվարկներն էլ արդեն ճիշտ չեն։ Ինչպե՞ս խորհուրդ կտաք վարվել։
Վարդուհի.
Բարև Ձեզ, հարգելի հաշվապահներ։ Սկսնակ հաշվապահ եմ և զբաղվելու եմ օղու արտադրությամբ զբաղվող ԱՁ-ի հաշվապահությամբ։ Խնդրում եմ ասել, թե՞ ինչ ծրագրեր են անհրաժեշտ հաշվապահությունը վարելու համար։ Կանխավ շնորհակալություն։
Անի.
Հարգելի՛ հաշվապահներ: ՀՀ տարածք գործուղման ժամանակ ի՞նչ փաստաթղթեր են կազմվում, ի՞նչ է անհրաժեշտ անել: Մեքենայի վառելիքի ծախսն ինչպե՞ս ձևակերպել: Օրապահիկ ինչպե՞ս հաշվարկել: Կանխավ շնորհակալ եմ:
Հարգելի հաշվապահներ, խնդրում եմ օգնեք` տալ ձևակերպումը ՀԾ-ով։
Կազմակերպությունը ստացել է ծառայություն ԱՄՆ-ի ռեզիդենտ կազմակերպությունից։ Համապատասխանաբար ձևավորվում է ոչ ռեզիդենտի շահութահարկ և ԱԱՀ, դուրս է գրվել հաշիվ մատակարարի անունից, որը ինվոյսինգում երևում է` հա՛մ դուրս գրվածներում, հա՛մ ստացածներում։
ՀԾ-ում ցույց են տվել ձևավորված պարտավորությունս հետևյալ կերպ.
Դտ – 7126 Կտ- 52131 3 000$ /որից՝ 2 400$ ծառայության արժեք և ոչ ռեզ. շահութահարկ 600$/:
Ցույց եմ տալիս ոչ ռեզ. շահութահարկը՝ դտ – 52131 կտ – 5241 600$՝ դրամով:
Հարց՝ ինվոյսինգում երևացող հաշիվը դուրս գրվածում և ստացածում ինչպե՞ս եմ ցույց տալիս ՀԾ-ում, ինչպե՞ս եմ ցույց տալիս ԱԱՀ-ն: Կանխավ շնորհակալ եմ:
Ռուբ.
Բարև ձեզ: 8-րդ դասի բոլոր հաշիվների գումարներն ենք տանում 711, թե՞ միայն 811 հաշվում կուտակվածի։ Շնորհակալություն
Անի․
Բարև ձեզ: Հարգելի՛ հաշվապահներ, հիմնական միջոց ենք գնել հարկային հաշվով: Սարքավորման արժեքը 240 000 դր․ է, ներառյալ՝ ԱԱՀ: ՀԾ համակարգ մուտք անելիս հիմնական միջոցներ բաժնում ֆինանսական և հարկային հաշվառման դաշտերում ո՞ր թիվը պետք է մուտք անել՝ ԱԱՀ-ով, թե՞ առանց ԱԱՀ: Ասեմ, որ taxservice համակարգից ներբեռնել եմ հաշիվը ՀԾ, ստացված հաշիվների մեջ ձևակերպել եմ պահեստի մուտք, տվել եմ ձևակերպումներ 1114-5215, 2261-5216: Կանխավ շնորհակալ եմ:
Աստղիկ.
Բարև Ձեզ։ Խնդրում եմ օգնել ձևակերպումների և փաստաթղթերի կազմման հարցում։ Ընկերությունը ձեռք է բերել ՀՄ/սարքավորում/ ֆիզիկական անձից առանց որևէ փաստաթղթի։ Արժեքը կազմում է 3000$: Ինչպե՞ս ցույց տամ ՀՄ-ի ձեռքբերումը։
Բարև Ձեզ։
Լիզինգի վաղաժամկետ մարումից հետո հիմնական միջոցը ի՞նչ արժեքով է հաշվառվում հաշվեկշռում։
Սյուզաննա.
Բարև ձեզ: Խնդրում եմ օգնել։
Գործընկեր կազմակերպությունը (սնանկ) պարտք է 2019թ. հոկտեմբեր ամսից մոտ 3 մլն ՀՀ դրամ։ Կարո՞ղ ենք արդյոք պարտքն անհուսալի ճանաչել, և եթե այո, ի՞նչ օրենքներով ու որոշումներով առաջնորդվել։
Կանխավ շնորհակալություն։
Ռուբ.
Բարև ձեզ: ՍՊԸ-ի հիմնադիրը կազմակերպության հաշվից փոխանցում է կատարել իր անձնական հաշվեհամարի վրա: Ինչպե՞ս կարող եմ դա ձևակերպել:
Աստղիկ.
Եթե ՀԾ-ում գնորդից վերադարձ ենք ձևակերպում, բայց նախքան այդ դեբիտորական պարտքը մարված է լինում, ի՞նչ պետք է արվի։ Կանխավ շնորհակալ եմ:
Մեգի.
Պահեստում եղած ապրանքը դուրս է գրվել փչացած, ինչպե՞ս անեմ:
Կամո.
Բարև ձեզ: ՊՈԱԿ-ին հեռավար ուսուցման համար նվիրաբերվել է պլանշետներ և սմարթֆոններ, ինչպե՞ս տալ հաշվապահական ձևակերպումները: Շնորհակալություն:
Աստղիկ.
Բարև ձեզ: Հարցս վերաբերում է ապագա ամսվան բաժին ընկնող արձակուրդին։ Դիցուք՝ մայիսի 28-ին հաշվարկվում և վճարվում է արձակուրդային վճար հունիսի համար, մայիսի 30-ին կատարվում է մայիսի աշխատավարձի հաշվարկ։ Արդյո՞ք այս դեպքում անհրաժեքշտ է ՀԾ-ում արձակուրդայինի ձևակերպման փաստաթղթում 2291-ը նշել տարանցիկ հաշիվ: Ե՛վ նշելիս, և՛ չնշելիս դրոշմանիշային վճարը հաշվարկվու՞մ է կրկնակի արձակուրդայինի համար և աշխատավարձի համար։ Ի՞նչ պետք է անել այդ պարագայում: Շնորհակալ եմ նախապես:
Անի.
Հարգելի հաշվապահներ, կազմակերպությունը Կանաչ Արահետ ՀԿ-ից ստացել է շնորհ։ ՀՀՄՍ 20-ով կարգավորվում է պետական շնորհները։ Արդյո՞ք այս շնորհի համար էլ պետք է տալ նույն հաշվապահական ձևակերպումները:
Բաժանորդագրվել
Կայքի ամենահետաքրքիր նյութերը կուղարկվեն Ձեր էլ. փոստին
© 2020 Accountant.am
Վերջին մեկնաբանություններ