Գայանե.
Ինչպե՞ս են որոշում հիմնական միջոցի պիտանելիության ժամկետը, օրինակ` գրասեղանը ձեռք է բերվել 1998թ., 2018թ. կատարվել է վերագնահատում: Ինչքա՞ն պետք է սահմանել նրա պիտանելիության ժամկետը:
Կայք հաշվապահների համար և ոչ միայն…
Գայանե.
Ինչպե՞ս են որոշում հիմնական միջոցի պիտանելիության ժամկետը, օրինակ` գրասեղանը ձեռք է բերվել 1998թ., 2018թ. կատարվել է վերագնահատում: Ինչքա՞ն պետք է սահմանել նրա պիտանելիության ժամկետը:
Արթուր.
Բարև Ձեզ: Խնդրում եմ օգնել ձևակերպման պահով։ Ուրեմն` Ավստրիայի կազմակերպության հետ ունենք պայմանգիր, որ հումքը ուղարկում են, մենք պատրաստի արդատրանքը հետ ենք ուղարկում իրենց, այսինքն` վերամշակում, հետ ենք ուղարկում: Բայց, երբ ապրանք ստացանք, մի քանի ապրանքներ ձևակերպվեց մաքսայինով որպես սովորական ներմուծում և առաջացավ ԱԱՀ և մաքսատուրք, որը մուծեցինք, հիմա էն որ որպես սովորական ներմուծում են արել մեր մոտ ո՞նց տանք հաշվապահական ձևակերպումները, որովհետև մենք չենք վճարել իրանց, որի դիմաց իրանք դա մեզ տվել են, ուղղակի այլ տարբերակ չկար, տենց են ձևակերպել։ Ու նաև դեռ մենք հետ չենք ուղարկել պատրաստի արտադրանքը։
Գոհար.
Բարև Ձեզ: ՍՊԸ-ն ձեռք է բերել է էքսկավատոր՝ լիզինգի պայմանագրով, տրանսպորտային միջոցը ներկրվել է դրսից, վճարվել մաքսատուրք, ԱԱՀ, վառելիքի ծախս, գործուղում: Խնդրում եմ օգնեք ձևակերպումների հարցում:
Անի․
Բարև ձեզ: Հարգելի՛ հաշվապահներ, պետության կողմից կազմակերպության բանկային հաշվեհամարին փոխանցած հղիության և ծննդաբերության գումարի փոխհատուցումն ինչպե՞ս ձևակերպել: Ի՞նչ ձևակերպում տալ:
Դիանա.
Հարգելի հաշվապահներ,
ընկերությունը զբաղվում է ինտերնետ ծառայության մատակարարմամբ։ Ֆիզ. անձիք վճարումները կատարում են տերմինալներով։ Այդ գումարները ստանում ենք տերմինալների կողմից կատարված բանկային փոխանցումներից։ Խնդրում եմ` տվեք հաշվապահական ձևակերպումները։
Նախապես շնորհակալ եմ:
Իրինա.
Հանրային հատվածի հաշվապահություն. տալ ձևակերպում կազմակերպությունը վարձակալության է տվել հողատարածք, դուրս է գրել հարկային հաշիվ:
Անի.
Հարգելի հաշվապահներ, կօգնե՞ք տալ ստույգ ձևակերպումներ.
1. Շինարարությունում օգտագործելու նպատակով ձեռք բերված ցեմենտի վաճառքի արտացոլում
2. Հիմնական միջոցների կառուցման ընթացքում օգտագործված նյութերի արտացոլում
3. Գործուղման ծախսերի արտացոլում
4. Հաստոցի ձեռքբերման նպատակով տրված կանխավճարի հետ ստացում
5. Արտացոլվում են երկարաժամկետ վարկերի գծով չկրած տոկոսային ծախսերը:
Սեդա.
Բարև Ձեզ: Ի՞նչ ձևակերպում տալ ժամկետանց կրեդիտորական պարտքը դուրս գրելիս:
Սուրեն.
Բարև ձեզ: Ես իրավ. անձ եմ և աշխատում եմ ԱԱՀ դաշտում: Դեկտեմբեր ամսին գնել ենք անշարժ գույք և ստացել հարկային հաշիվ` նույնպես դեկտեմբեր ամսին, բայց գույքը սեփականաշնորհվել է հունվար ամսին: Գույքից առաջացած ԱԱՀ գումարը ո՞ր ամսին պետք է հաշվանցել:
Կանխավ շնորհակալություն:
Հայկ.
Բարև Ձեզ, հարգելի մասնագետներ: Եթե ՍՊԸ հիմնադիրը իր երկու տարիների կուտակված շահույթը ուզում է ներդնել կանոնադրական կապիտալում, ապա ի՞նչ ընթացակարգով է արվում: Այս դեպքում այլևս չի՞ առաջանում շահաբաժնի վճարումից եկամտային հարկ վճարելու պարտավորություն:
Շնորհակալություն:
Լուսինե.
Կազմակերպությունը տարածքը վարձակալել և կատարել է վերանորոգման աշխատանքներ: Ինչպե՞ս կատարել ձևակերպումներ:
Արթուր.
Բարև ձեզ: Ինչպիսի՞ հաշվապահական ձևակերպում տալ ֆինանսական ակտիվները վերագնահատելիս: Կբացատրե՞ք` 624 և 671 հաշիվների տարբերությունը:
Լիլիթ.
Ողջույն բոլորին: Խնդրում եմ օգնել ձևակերպել հետևյալ գործառնությունները և լուծել խնդիրը:
1. Պահեստից պատրաստի արտադրանքը առաքվել է գնորդներին փաստացի ինքնարժեքով 200.0: Վաճառքից հասույթը կազմել է 250.0 դրամ: Գումարը գնորդից դեռ չի ստացվել: Որոշել վաճառքից ստացված շահույթը կամ վնասը:
2. Լուծարքի համար հաշվարկվել է աշխատավարձ բանվորներին 12.0 դրամ: Որոշել և ձևակերպել հաստոցների լուծարքի հետևանքը:
Լիլիթ.
Ողջույն բոլորին: Խնդրում եմ օգնել ձևակերպել հետևյալ գործառնությունները.
1. Առաքվել է արտադրանք գնորդին 1800դրամ: Գնորդը պարտավորվել է վճարել 30 օրվա ընթացքում 2700.0 դրամ:
2. Պատրաստի արտադրանքը բեռնաթափող բանվորներին հաշվարկվել է աշխատավարձ:
3. Որոշել իրացումից ստացված շահույթը կամ վնասը:
4. Հաշվարկային հաշվում ստացվել է գնորդներից 250.0 դրամ:
5. Հաշվարկված աշխատավարձից պահվել է պակասորդի դիմաց 50.0 դրամ:
6. Լուծարվել է մաշված տնտեսական գույքը: Գույքի սկզբնական արժեքը 200.0 դրամ է, կուտակված մաշվածությունը 180.0 դրամ:
7. Պահեստ է մուտքգրվել գույքի լուծարքից ստացված վառելանյութը:
Եվս մի քանիսը.
1. Հիմնական արտադրությունից ստացված պատրաստի արտադրանքը մուտքագրվել է պահեստ փաստացի ինքնարժեքով:
2. Հաշվարկային հաշվից վճարվել է վարձատուին վարձավճարը գործառնական վարձակալությամբ ստացված շենքի համար:
3. Չօգտագործվող սարքավորումը հանվել է շահագործումից և վերադասակարգվում է որպես վաճառքի համար պահվող: Սարքավորման սկզբնական արժեքը 220.0 դրամ է, կուտակված մաշվածությունը 160.0 դրամ:
Լիլիթ.
Բարև ձեզ: Խնդրում եմ օգնել լուծել հետևյալ խնդիրը. վաճառվել է ապառիկ ոչ նյութական ակտիվ, որի սկզբնական արժեքը կազմել է 1100.0 դրամ, կուտակված ամորտիզացիան 800.0 դրամ, իսկ վաճառքի գինը 400.0 դրամ: Որոշել իրացումից ստացված շահույթը կամ վնասը:
Անի.
Հարգելի հաշվապահներ, ի՞նչ փաստաթղթերով է պետք հիմնավորել գույքի որակական կորուստը:
Անի.
Հարգելի հաշվապահներ, եթե ապրանքները ներմուծվում են ՀՀ և արտահանվում ՌԴ, արտահանման տուրքի համար ի՞նչ ձևակերպում է տրվում:
Քնարիկ.
Հիմնադրամի հաշվապահության վարման, հաշվետվությունների մասին ո՞վ կարող է տեղեկություն տալ:
Դիանա.
Բարև Ձեզ: Խնդրում եմ օգնել ինձ: ԱՁ-ն ցանկանում է բարեգործական ընկերությանը պատվիրված արտադրանքի հետ որոշակի քանակ էլ որպես նվեր տալ: Հուշեք խնդրում եմ` դա ինչպե՞ս պետք է ձևակերպվի և հարկվի: Արդյո՞ք պետք կլինի e-invoicing-ով 0-ական հաշիվ գրել:
Մարա.
Կօգնեք խնդրեմ` հաշվել կորզվող արժեքը: Մետաղի գինը միջազգային շուկայում կազմում է 7 500 ԱՄՆ դոլլար: Ընդերքում պարունակությունը հավասար է 8%, հաշվեկշռային պաշարները կազմում են 32 000 տոննա: Արդյունահանված պաշարը կազմում է 29 000 տոննա:
Հաշվել 1տ հանքաքարի կորզվող արժեքը:
Մարա.
Բարև Ձեզ: Խնդրում եմ օգնել ինձ լուծել այս խնդիրները։ Ձեռնարկության սկզբնական կապիտալ ներդրումները կազմում են 350 000 000 ՀՀ դրամ: 2020թ.-ի արդյունքներով ներդրումներից դրամական հոսքերը կազմել են 20 000 000 ՀՀ դրամ: Նույն ժամանակահատվածում նախագծի իրականացման ծախսերը կազմել են 12 000 000 ՀՀ դրամ: Դիսկոնտավորման տոկոսադրույքը 8% է:
Որոշել զուտ դիսկոնտավորված արժեքը` NPV:
Ընկերությունն արդյունահանել է 10 000 տոննա հանքաքար, որի ընթացքում խառնվող ապարները կազմել են 10%:
Որոշել աղքատացումը:
Անի.
Հարգելի հաշվապահներ, կատարվել է հիմնական միջոցի ներմուծում, սարքավորումը ազատված է եղել ԱԱՀ-ից, բայց սարքավորման փաթեթավորման արկղի համար վճարվել է ԱԱՀ, այդ սարքավորման համար ստացել ենք պահեստավորման ծախսերի ԱԱՀ-ով հաշիվ: Չե՞նք կարող ստացված հաշվի ԱԱՀ-ն հաշվանցել:
Արմեն.
Ինձ հետաքրքրում է` ծառայության անհատույց մատուցման պայմանագրի գնի և վարձատրության պարբերության ձևակերպումը:
Սեդա.
Բարև Ձեզ: Մեր ընկերությանը մի ընկերություն պարտք է, սակայն այդ ընկերությունը դատարանի վճռով սնանկ է ճանաչվել: Ինչպե՞ս դուրս գրեմ այդ պարտքը: Ասեմ, որ պահուստային ֆոնդ չեմ ստեղծել:
Հայկ.
Բարև Ձեզ հարգելի մասնագետներ: Կարո՞ղ եք օգնել` հասկանալ 2022թ.-ից ուժի մեջ մտնող կանխիկի սահմանափակումների հետ կապված.
1. արդյո՞ք այլևս չենք կարող ՍՊԸ հիմնադրին կանխիկ վճարել շահաբաժին:
Եվ 2-րդ հարցս. արդյո՞ք շուկայից միակողմանի գնման ակտով ձեռքբերումները այլևս չենք կարող առհաշիվ անձի միջոցով կատարել:
Շնորհակալություն:
Սեդա.
Բարև Ձեզ: Ընկերության մարդատար ավտոմեքենան վթարից հետո այլևս ենթակա չէ շահագործման, դրա համար այն ուզում ենք լուծարել: Խնդրում եմ ինձ ասեք` ի՞նչ փաստաթղթեր են անհրաժեշտ և ի՞նչ ձևակերպում պետք է տալ:
Անի.
Հարգելի հաշվապահներ, ՍՊԸ-ի տնօրենը մեկնել է գործուղման` Մոսկվա քաղաք, նախապես ի՞նչ գումար ենք տրամադրում գործուղվողին՝ օրապահիկը ամբողջությա՞մբ, ճանապարհածախսի նվազագույն չափը, թե՞ տոմսի գումարից ելնելով և, եթե տոմսի փաստաթուղթ չունենք` ինչպե՞ս վարվել, նաև գիշերավարձը ամբողջությա՞մբ:
Լիլիթ.
Ողջույն: Կօգնե՞ք գտնել թղթակցող հաշիվները և գտնել ԱԱՀ-ի գումաը:
Ապառիկ գնել են արագամաշ առարկաներ`
Ա. գնման գինը 50 000,
Բ. ԱԱՀ-ի գումա՞րը:
Լիլիթ.
Բարև ձեզ: Կօգնե՞ք ձևակերպել հետևյալ գործառնությունները:
1. Անհատույց ստացվել է ներդումային գույք:
2. Գույքագման ժամանակ հայտնաբեվել է գործիքների պակասորդ՝
Ա) սկզբնական արժեքով,
Բ) կուտակված մաշվածությունը:
3. Վաճառքի ժամանակ դուրս է գրվել հիմնական միջոցների արժեզրկումից կորուստները:
Լիլիթ.
Բարև ձեզ: Խնդրում եմ օգնել ձևակերպել հետևյալ գործառնությունները.
1. Հաշվետու անձի կողմից վճարվել է վաճառված նյութերի տեղափոխման համար:
2. Հաշվարկային հաշվից բացվել է ակրեդիտիվ մատակարարի հետ հաշվարկներ կատարելու համար:
3. Ձեռք են բերվել ոչ նյութական ակտիվներ փոխանակելով սեփական արտադրության արտադրանքի հետ:
Կարեն.
Բարև ձեզ: Կարո՞ղ ենք կազմակերպության արտարժույթային հաշվից կազմակերպության հիմնադրամին փոխառություն տրամադրել:
Լիլիթ.
Հարգելի հաշվապահներ, կներեք` մի խնդրանք ունեմ: Կարո՞ղ եք ինձ օգնել լուծել այս խնդիրը հետևյալ շարադրմամբ. 2016թ. կազմակերպության զուտ շահույթը 20մլն դրամ է: Արտոնյալ բաժնետոմսերի դիմաց վճարվող շահաբաժինը՝ 1 500 000դրամ: 2016թ. մայիսի 10-ին` տարեսկզբից 131օր անց, կազմակերպությունը թողարկել է 1800 սովորական բաժնետոմս, իսկ հոկտեմբերի 30-ին` մայիսի 10-ից 173 օր անց, հետ է գնել 2700 բաժնետոմս: Մինչև տարեվերջ մնացել է 61 օր: Պահանջվում է որոշել մեկ բաժնետոմսին բաժին ընկնող բազային շահույթը: Ձևակերպել բաժնետոմսերի թողարկման և հետ գնման գործառնությունները, եթե մեկ բաժնետոմսի անվանական արժեքը 5 000 դրամ է, տեղաբաշխման գինը՝ 7 000 դրամ, իսկ հետգնմն գինը՝ 6 000 դրամ:
Ալլա․
Բարև Ձեզ, խնդրում եմ օգնեք հաշվապահական ձևակերպում տալ մայր կազմակերպության կողմից ներկայացուցչության ծախսերի ֆինանսավորման համար տրված գումարները, ասենք դտ 252 կտ․․․
Սուսաննա.
Ինչպե՞ս ձևակերպել անհատույց տրված արևային մարտկոցները:
Կարինե.
Մանրածախ առևտրի կազմակերպությունում չվաճառված մանկական վերարկուների մնացորդը հունվարի 1-ի դրությամբ կազմել է 20հատ, յուրաքանչյուրի վաճառքի գինը 18 000դրամ, այդ թվում՝ առևտրային հավելագինը 2 000դր, ԱԱՀ՝ 3 000դր: Հունվարին կարի ֆաբրիկայից ստացվել է 100, իսկ փետրվարին 40հ. վերարկու: Յուրաքանչյուր վերարակուի գնման գինը 13 000դր. է` գումարած ԱԱՀ 20տոկոս: Հաշվետու եռամսյակում ձեռք բերված վերարկուները վաճառվելու են նույն գնով: Եռամսյակի ընթացքում վաճառվել է 150հատ վերարկու: Վաճառքի հասույթը մուտքագրվել է խանութի դրամարկղ: Օգնեք որոշել վաճառված ապրանքների ինքնարժեքը, կատարել ժամանակաշրջանում իրացված ապրանքների և չիրացված ապրանքների մնացորդի միջև առևտրային հավելագնի բաշխման հաշվարկ, ձևակերպել ապրանքների ձեռքբերման և վաճառքի գործառնությունները մանրածախ առևտրում:
Նունե.
Ողջույն: Խնդրում եմ օգնել հասկանալ, առհաշիվ հաշվետվությամբ ձեռքբերված ապրանքները, որոնք ձեռքբերման պահին են օգտագործվել և սպառվել, հարկավո՞ր է հաշվառելիս պահեստի մուտք անել հետո ծախսագրել:
Էդգար.
Բարև Ձեզ: Ես չեմ հասկանում դտ771 կտ111 և դտ724 կտ111 գործառնությունների տարբերությունները, նույնը կարող եմ ասել` դտ111 կտ624 և դտ111 կտ671 ձևակերպումների մասին: Խնդրում եմ օգնեք:
Կարինե.
Օգնեք ձևակերպել արտադրանքի վաճառքի հետ կապված գործառնությունները, որոշելով իրացումից ստացված շահույթը կամ վնասը: Գնորդներին վաճառվել է պատրաստի արտադրանք: Հասույթը՝ կանխիկ գումարով 250 000դր., գումարած 20% ԱԱՀ, մուտքագրվել են դրամարկղ: Ապառիկ վաճառվել է 1 400 000դրամի արտադրանք՝ գումարած 20% ԱԱՀ: Վաճառված արտադրանքի փաստացի արտադրական ինքնարժեքը կազմել է 1 000 000դրամ: Վաճառքի հետ կապված կատարվել են հետևյալ ծախսումները՝ փաթեթավորման նյութեր՝ 52 000դր., աշխատավարձ փաթեթավորող բանվորներին՝ 150 000, տրանսպորտային կազմակերպությանը հաշվարկային հաշվից փոխանցվել է 96 000դր., ներառյալ` ԱԱՀ, գովազդի համար ստացվել է հաշիվը՝ 60000դր., գումարած` ԱԱՀ:
Անահիտ․
Բարև Ձեզ: Հարցս հետևյալն է՝ ինչպիսի՞ հաշվապահական ձևակերպում տալ եռամսյակային շրջանառության հարկի գումարին:
Արմեն․
Բարև Ձեզ։ Միասնական հաշվից գումարի վերադարձ է եղել ընկերության հաշվին։ Հաշվապահորեն ինչպե՞ս ձևակերպեմ։
Մարինե.
Բարև Ձեզ: Հարգելի հաշվապահներ, եթե հիմնարկի հաշվեկշռից ուզում ենք հիմնական միջոցը հանել և տրամադրել ուրիշ պետական համակարգի` ինչպե՞ս է կատարվում գույքի հանձնում-ընդունումը, ի՞նչ իրավական փաստաթղթերով: Խնդրում եմ օգնեք:
Դիանա․
Հարգելիներս խնդրում եմ ասել՝ ինչպե՞ս կարող եմ հաշվապահի լիցենզիա հանել։ Ի՞նչ է պետք, և ու՞մ եմ դիմելու։ Վճարներ կատարվու՞մ են։ Շնորհակալ եմ նախապես։
Լիլյա․
Բարև ձեզ:
Կազմակերպությունը 2020թ.-ի հունվարի 1-ին գրանցվել է Սվութ ՍՊԸ անվամբ և կրել է 15 000 դրամի ծախս: Կանոնադրական կապիտալը հայտարարագրվել է 250 000 դրամի, որը կանխիկ վճարվել է: Կազմակերպությունը գնել է կլոր կնիք, որի համար ծախսել է 9 000 դրամ: Հաշվարկային հաշիվ բացելու համար կազմակերպությունը կրել է 5 000 դրամ ծախս, իսկ որպես հաշվարկային հաշվի մինիմալ մնացորդ բանկային հաշվին է մուտքագրել 10 000 դրամ: Կազմակերպությունը պլանավորում է զբաղվել հրուշակեղենի արտադրությամբ, որի համար գնել է 21 000 000 դրամի հաստոցներ (ներառյալ ԱԱՀ): Կազմակերպությունը արտադրությունը սկսել է հունվարի 1-ից և այդ հիմնական միջոցն էլ շահագործել է նույն ամսաթվին:
Կազմակերպությունը հունվար ամսին ստացել է հետևյալ ապրանքներն ու ծառայությունները.
ալյուր՝ 18 000 կգ, գինը՝ 2330 դրամ,
դրոժ՝ 22 կգ, գինը՝ 1 000 դրամ,
շաքարավազ՝ 200 կգ, գինը՝ 450 դրամ,
աղ՝ 200 կգ, գինը՝ 1180 դրամ,
ձեթ՝ 30 լիտր, գինը՝ 660 դրամ,
էլեկտրաէներգիա՝ 300 000 դրամ,
ջուր՝ 1 800 դրամ։
Կազմակերպությունը հունվարին արտադրել է 30 000 միավոր արտադրանք: Հայտնի է, որ յուրաքանչյուր 200 հատ արտադրանք արտադրելու համար օգտագործվում է 50 կգ ալյուր, 200 գ դրոժ, 1 կգ շաքարավազ, 200 գ ձեթ և 200 գ աղ: Կազմակերպությունը վաճառել է բոլոր արտադրվածները՝ 1 արտադրանք հատը 450 դրամ ԱԱՀ-ով: Կազմակերպության վարչական ապարատի ծախսերը կազմում են 250 000 դրամ, արտադրամասի աշխատավարձը կազմում է 180 000 դրամ:
Առաջադրանքներ.
1. հաշվարկել ամսվա մաշվածությունը,
2. հաշվարկել 1 արտադրանքի ինքնարժեքը,
3. հաշվարկել բոլոր հարկերը,
4. կազմել ֆինանսական արդյունքների մասին հաշվետվություն,
5. կազմել ֆինանսական վիճակի մասին հաշվետվություն։
Անահիտ.
Սիրելի հաշվապահներ, հարցս վերաբերվում է արտադրությանը ՀԾ-ով ձևակերպելուն: Երբ ծախսերը հավաքագրում ենք 8-րդ դասում (նյութեր, աշխատավարձ, հոսանք, և այլ ծախսեր), հաջորդ քայլը՝ ինչպե՞ս ձևակերպել պատրաստի արտադրանքի քանակական մուտքը 215 հաշվին:
Կարինե․
Օգնեք որոշել եռամսյակի ընթացքում ծախսված նյութի ինքնարժեքը պաշարների ինքնարժեքի հաշվարկման ՖԻՖՈ մեթոդով, եթե Ա նյութի սկզբնական մնացորդը 50 կգ է, 1 կգի արժեքը 110 դրամ, եռամսյակի ընթացքում ստացվել է340 կգ, 1 կգ-ի արժեքը 125 դրամ: Ծախսվել է 360 կգ:
Կարինե․
Օգնեք ձևակերպել նյութերի վաճառքի գործառնությունները և որոշել վաճառքի ֆինանսական արդյունքը:
Կազմակերպությունը վաճառել է պահեստում մնացած չօգտագործվող նյութերը՝ 120 000 դրամով, ներառյալ ԱԱՀ: Վճարը մուտքագրվել է հաշվարկային հաշվին առաքելուց 10 օր անց: Վաճառված նյութերի ինքնարժեքը կազմել է 80 000դրամ: Հաշվետու անձը վճարել է նյութերի տեղափոխման ծախսերը՝ 7 000դր:
Կարինե․
Օգնեք որոշել ձեռք բերված նյութերի ինքնարժեքը և մատակարարին ներկայացված բողոքարկման գումարը, կազմել հաշվապահական ձևակերպումներ:
Կազմակերպությունը մատակարարից ստացել է 200 տուփ ներկ, յուրաքանչյուրը 5 կգ քաշով, 1 կգ-ի գինը՝ 1 200դր, ներառյալ՝ԱԱՀ: Նյութի փոխադրումն իրականացրել է կազմակերպությունը, որի համար հաշվետու անձը վճարել է 60 000, ներառյալ ԱԱՀ: Ներկի բեռնաթափման համար հաշվարկել ենք աշխատավարձ 24 000 դրամի չափով: Ներկի ընդունման ժամանակ հայտնաբերվել է պակասորդ 2 տուփի չափով:Պակասորդի գումարով ներկայացվել է բողոքարկում, պակասորդի արժեքը գնահատվել է ձեռքբերման գնով, ներառյալ ԱԱՀ:
Օգնեք որոշել պաշարների ձեռք բերման ինքնարժեքը, եթե գնման գինը՝ 250 000 դրամ է, ԱԱՀ՝ 20%, բեռման բեռնաթփման ծախսերը՝ 20 000, կոմիսիոն վճարումները՝ 22 000, վարչական շենքերի մաշվածությունը՝ 45 000 դր:
Անահիտ.
Բարև Ձեզ։ Եթե կազմակերպությանը առհաշիվ անձը ամսվա վերջում ներկայացնում է առհաշիվ հաշվետվություն, որի գումարը չի գերազանցում 3 միլիոնը, մեկ դրամարկղի ելքի օրդերով վճարվում է առհաշվի գումարը (ելքի օրդերով միանվագ գումարը գերազանցում է 300 000֊ը, բայց ոչ մի ՀԴՄ֊ի գումար չի գերազանցում 300 000֊ը)։ Այստեղ որևէ սխալ կա՞:
Կարինե.
Օգնեք որոշել ձեռք բերված նյութերի ինքնարժեքը և կատարել ձևակերպումներ: Դաշնամուրի գործարանը փայտամշակման կոմբինատից ձեռք է բերել փայտանյութ դաշնամուր պատրաստելու համար: Ըստ մատակարարի հարկային հաշվի ստացվել է 150 խորանարդ մետր փայտնայութ, 1խոր. մետրի գինը՝ 20 000դր. գումարած ԱԱՀ, տեղափոխման արժեքը 150 000 + ԱԱՀ: Տրանսպորտային կազմակերպությունը կատարել է երկաթգծի կայարանից մինչև պահեստ տեղափոխման ծառայություններ, որոնց համար ներկայացրել է 60 000դրամի հաշիվ + ԱԱՀ՝ 20%, բեռնման բեռնաթափման համար բանվորներին հաշվարկվել է աշխատավարձ՝ 40 000դրամ:
Լիլյա.
Բարև ձեզ։ Խնդրում եմ տալ ձևակերպումներ` արտացոլվել են չկրած տոկոսային ծախսերը ստացված կարճաժամկետ փոխառության գծով:
Բաժանորդագրվել
Կայքի ամենահետաքրքիր նյութերը կուղարկվեն Ձեր էլ. փոստին
© 2020 Accountant.am
Վերջին մեկնաբանություններ