Որակավորման քննության խնդիրներ
Parandzem.
Բարև Ձեզ, հարգելի հաշվապահներ: Եթե կարող եք, խնդրում եմ իմ էլեկտրոնային հասցեին ուղարկեք հաշվապահների որակավորման քննության խնդիրների օրինակներ: Նախապես շնորհակալություն: p.avetisyan շնիկ murad-sar.com
Տոկոսի հաշվապահական ձևակերպում
Կարինե.
Խնդրում եմ օգնեք, շտապ է: Բանկում կազմակերպությունը ունի որոշակի գումար: Ինչպե՞ս հաշվապահորեն ձևակերպեմ բանկի տոկոսը որպես եկամուտ:
Կազմակերպությունը վաճառել է տրանսպորտային միջոց
Արամ.
Հարգելի հաշվապաներ, խնդրում եմ պատասխանել հարցիս. ՍՊԸ-ն, որն ազատված է ԱԱՀ-ից, վաճառել է իր տրանսպորտային միջոցը: Ի՞նչ ձևակերպում է տրվում ու ի՞նչ հարկեր է վճարվում: Մեքենան գնվել է 2010թ. 200 000 ՀՀ դրամով:
Կազմակերպության աշխատակիցն իր հաշվին կատարել է գնումներ
Harutyun.
Եթե կազմակերպության աշխատակիցն իր հաշվին կատարել է գնումներ, և տվյալ պահին դրամարկղում չկա անհրաժեշտ գումար ծախսը փոխհատուցելու համար, կարո՞ղ ենք արդյոք ձևակերպել այսպես`
դտ 7139 կտ 5281,
այնուհետև`
դտ 5281, կտ 2511:
Կանխավ շնորհակալ եմ:
Հաշվապահական ձևակերպումներ
Վարդուհի.
Խնդրում եմ օգնեք տալ հաշվապահական ձևակերպումներ հետևյալ գործառնություններին.
աբոնենտը վճարել է կազմակերպությանը, այսինքն դեբիտորական պարտքի մասնակի մարում` 365 000 դրամարկղի մուտք
9 000 000 դեբիտորական պարտքի մարում` հաշվարկային հաշվին մուտք
132 000 գնվել է վառելիք ավտոմեքենայի
572 000 վճարվել է աշխատավարձ
20 400 վճարվել է աշխատանքային խեղվածության թոշակ
6 090 վճարվել է էլ. էներգիա
14 090 գնվել է ավտոպահեստամաս և քսայուղ
250 000 սոց. վճարի գծով պարտքի մարում փախանցումով
400 000 պետ բյուջեյի պարտքի մարում կանխիկացումով +1000 կանխիկացման տոկոս
21 000 գրենական պիտույքներ տնտեսական ծախս
2 000 հեռաղոսավարձ
3 000 ինտերնետ ծառայության վճար
Եթե կարողանաք օգնել, անչափ շնորհակալ կլինեմ:
Հաշվապահական հաշվառման անհատական պարապմունքներ
Armine.
Բարև ձեզ: Ես գործող հաշվապահ եմ, ունեմ ավելի շատ տնտեսագիտական գիտելիքներ, քան հաշվապահական, քանի որ վերջերս եմ անցում կատարել տնտեսագիտական ոլորտից հաշվապահական: Ծանոթ եմ սկսնակների համար դասընթացներին, կարողանում եմ, նախորդ գործերը նայելով, վարել կազմակերպության հաշվապահությունը, բայց 0-ից նոր ոլորտում դժվարանում եմ: Կցանկանայի անհատական համակարգված գիտելիքներ ստանալ անհատական պարապմունքների միջոցով, հետագայում լիցենզիա ստանալու, նաև գիտելիքներս հիմնավոր դարձնելու համար: Շնորհակալ կլինեմ ցանկացած տիպի օգնության համար:
Կազմակերպությունը պետք է վճարի լիզինգի գումար
Հ.Ա..
Հարգելի հաշվապահներ, խնդրում եմ հուշեք` ինչ ձևակերպում տամ հետևյալ դեպքում.
կազմակերպությունը պետք է վճարի լիզինգի գումար 100.000 դրամ, սակայն վճարել է 150.000 դրամ` բանկային փոխանցմամբ: Նշված գերաճարը ի՞նչ հաշվում պետք է արտացոլեմ, որպեսզի ճիշտ լինի, քանի որ բանկը մարում է ավել վճարած գումարը մարման գրաֆիկին համապատասխան, ապա եթե ես այդ մարումը կատարեմ հիմա ու պակասեցնեմ իմ լիզինգի պարտավորությունից, այս դեպքում չեն համընկնի մեր կազմակերպության ու բանկի մնացորդները: Նախապես շնորհակալություն:
Ուղղակի և անուղղակի ծախսեր
Քնարիկ.
Խնդրում եմ տեղեկություն տրամադրել ուղղակի և անուղղակի ծախսերի և հաստատուն և փոփոխական ծախսերի մասին: Նախապես շնորհակալություն:
Հաշվապահական հաշվառման քաղաքականության ձև
Srbuk.
Խնդրում եմ իմ էլեկտրոնային փոստին ուղարկել հաշվապահական հաշվառման քաղաքականության ձև: Նախապես շնորհակալություն:
Ի՞նչ ձևակերպումներ տալ
Ani.
Բարև ձեզ: Ես սկսնակ եմ, խնդրում եմ ասեք` ինչպես կարող եմ դրամարկղային գրքում որպես թղթակցվող հաշիվ գրանցել լիցենզիայի, ՀԴՄ սարքի (որի արժեքն է 58.000 դրամ) ձեռքբերումը և բանկում հաշվի բացման համար վճարված գումարը: Նախապես շատ շնորհակալ եմ:
Հիվանդության նպաստի ձևակերպում
Նվարդ.
Ինչպիսի՞ հաշվապահական ձևակերպում տալ հիվանդության նպաստի վերաբերյալ: Կանխավ շնորհակալություն:
Մեմորիալ օրդերի վերաբերյալ
Քնարիկ.
Խնդրում եմ մեմորիալ օրդերի մասին տեղեկություն տրամադրել: Նախապես շնորհակալություն:
Կազմակերպությունը մեքենա է գնել ավտոսրահից
Լյուդմիլա.
Հարգելի հաշվապահներ, ՍՊԸ-ն մեքենա է գնել ավտոսրահից: Ի՞նչ ձևակերպումներ և ի՞նչ հարկեր ու հաշվետվություններ կարող են ավելանալ, մեքենայի ԱԱՀ-ն հաշվանցման կամ զրոյականի դեպքում ետ վերադարձման ենթակա՞ են: Տարվա ընթացքում ամորտիզացիա դուրս գրվու՞մ է մեքենայի համար: Մեկ հարց ևս` հիմնադիրը կարո՞ղ է փոխառություն տալ ՍՊԸ-ին այդ մեքենան ձեռք բերելու համար: Նախապես շնորհակալություն:
Խնդիրների օրինակներ
Մարթա.
Բարև Ձեզ, ինձ հարկավոր է պաշարների ինքնարժեքի գնահատման մեթոդներով խնդիրների օրինակներ (ԱՄԱԵ և ՎՄԱԵ): Որտեղի՞ց կարող եմ օգտվել: Կանխավ շհնորհակալություն:
Կրեդիտորական պարտքի ձևակերպում
Նաիրա.
Բարև ձեզ, խնդրում եմ օգնեք: Մեր կազմակերպությունը ծառայություններ է մատուցում, մեծ մասամբ ֆիզ անձանց: 2012-ի նոյեմբեր ամսին ծառայություն է մատուցել իրավաբանական անձի, որի համար հաշիվ-ապրանքագիր եմ դուրս գրել: Սակայն գումարը դեռ չեն փոխանցել և հնարավոր է փոխանցեն 2013 մարտ ամսին: Արդյո՞ք ես պետք է ինչ-որ ձևով ձևակերպեմ այս պարտքը և 2012 շահութահարկի հաշվետվության մեջ արդյո՞ք պետք է արտացոլվի: Կանխավ շնորհակալ եմ:
ԱՊՊԱ հատուցման գումարի ձևակերպում
Eva.
Հարգելի հաշվապահներ, խնդրում եմ հուշել, թե ինչպես ձևակերպել ԱՊՊԱ հատուցման գումարը: Այդ գումարը ԱԱՀ հաշվետվությունում երևու՞մ է կամ հարկ առաջացնու՞մ է:
Ինչպե՞ս է ձևակերպվում ԱԱՀ-ն վաճառող կազմակերպության մոտ
Արմեն.
Հարգելի հաշվապահներ, խնդրում եմ ասեք, ինչպե՞ս է ձևակերպվում ԱԱՀ-ն վաճառող կազմակերպության մոտ, եթե վաճառված ապրանքի գումարը չի վճարվել և ԱԱՀ-ի հաշվանցումը հետաձգվում է, և վճարելուց հետո հաշվանցելու դեպքում ի՞նչ ձևակերպում է տրվում:
Ֆինանսական հաշվետվությունների փաթեթ
Մարիամ.
Հարգելի մասնակիցներ, խնղդրում եմ օգնել` որտեղի՞ց կարող եմ ձեռք բերել որևէ կազմակերպության ֆինանսական հաշվետվությունների փաթեթը: Նախապես շնորհակալ եմ:
Ինչպե՞ս ձևակերպել տույժերը
Սաթեն.
Հարգելի հաշվապահներ, խնդրում եմ պատասխանեք.
- տարվա ընթացքում մուծած տույժերը ինչպե՞ս պետք է ձևակերպեմ և դրանք շահութահարկի հաշվարկում ինչպե՞ս պետք է ձևակերպեմ:
- տարվա ընթացքում կատարվել է 2 000 000 միլիոն դրամի գործուղման ծախս` օրապահիկ և գիշերավարձ, իսկ տարվա շրջանառությունը 11 000 000 դրամ է, կարո՞ղ եմ ամբողջ գործուղման գումարը ծախս ճանաչել:
Արդյո՞ք պարտադիր է հաշվապահի որակավորումը
Իրինա.
Հարգելի գործընկերներ, ուզում եմ ճշտել` արդյոք ՓԲԸ-ում աշխատելու համար պարտադիր է ունենալ հաշվապահի որակավորում:
Ի՞նչ ձևակերպումներ պետք է տալ
Gayane.
Հարգելի կոլեգաներ, ասացեք խնդրեմ` հասարակական կազմակերպությունը ի՞նչ ձևակերպում պետք է տա.
- համակարգիչների մաշվածքի համար
- անդամավճարների համար
Նախապես շնորհակալ եմ:
Հիմնական միջոցի վերանորոգման ձևակերպում
Վլադիմիր.
Բարև Ձեզ: Ինչպե՞ս ձևակերպել շահագործման մեջ գտնվող հիմնական միջոցի վերանորոգում: Արդյո՞ք այն պետք է հանել շահագործումից: Ձեռնարկությունը կատարել է պերֆորատորի վերնորոգում: Դրա համար գնվել է համալրող սարք, որը փոխարինում է շարքից դուրս եկածին, և վճարել է այդ աշխատանքները կատարելու համար: Արդյո՞ք ճիշտ է այդ սարքի արժեքը 118-ից միանգամից տեղափոխել 111: Եվ ի՞նչ անել վերանորոգման համար վճարած գումարը: Շնորհակալություն:
Ավիատոմսերի վաճառք
Մարինե.
Հարգելի հաշվապահներ, ինչպե՞ս ձևակերպել ավիատոմսերի վաճառքի գործակալության հաշվապահական գործառույթները ըստ հաշվային պլանի: Շնորհակալություն:
Կազմակերպությունը ձեռք է բերել սարքավորում
lusine.
Խնդրում եմ օգնել լուծել հետևյալ խնդիրը.
Կազմակերպությունը ձեռք է բերել սարքավորում, որը ենթակա է տեղակայման, գնման գինը 1 200 000 դր, կատարվել են տեղակայման հետևյալ ծախսումները`
նյութեր - 120 000
արագամաշ առարկաներ - 15 000
դրամարկղ - 100 000
աշխատավարձ - 100 000
սոց. վճար - 19 000
Տալ բոլոր հաշվապահական ձևակերպումները և սարքավորումները հանձնել շահագործման:
Արդյո՞ք պարտադիր է ունենալ հաշվապահ
Karine.
Արդյո՞ք օրենքով պարտադիր է ՍՊԸ-ներում կամ ՓԲԸ-ներում ունենալ հաստիքով հաշվապահ, եթե տնօրենը ինքնուրույն վարում է հաշվապահությունը:
Ի՞նչ ձևակերպումներ պետք է տալ
Hayk.
Հարգելի հաշվապահներ, կազմակերպությունը ֆիզ. անձից 200000 դրամի գույք է ձեռք բերել և 10 տոկոս եկամտահարկ վճարել: Խնդրում եմ ասեք` ինչպիսի՞ հաշվապահական ձևակերպումներ պետք է տալ:
Որոշել հաշվետու ամսվա ընթացքում կազմակերպության ֆինանսական արդյունքը
lusine.
Խնդրում եմ լուծում տալ խնդրին: Կազմակերպությունը ձեռք է բերել A և B տեսակի ապրանքներ: A տեսակի 200 հատ, 1 հատի գինը 1000 դր, B տեսակի ապրանքից 3000 հատ, 1 հատի գինը 1500 դր: Հաշվետվու ամսվա ընթացքում կազմակերպությունը վաճառել է A տեսակի ապրանքից 1300 հատ, 1 հատի վաճառքի գինը 1300 դր, և B տեսակի ապրանքից 2100 հատ, վաճառքի գինը 2000 դր: Որոշել հաշվետու ամսվա ընթացքում կազմակերպության ֆինանսական արդյունքը:
Ավիատոմսերի վաճառք
Մարինե.
Հարգելի հաշվապահներ, ինչպե՞ս ձևակերպել ավիատոմսերի վաճառքի գործակալության հաշվապահական գործառույթները ըստ հաշվային պլանի: Շնորհակալություն:
Հաշվապահական հաշվառման մասին օրենքի նոր նախագծի վերաբերյալ
Vikian.
Հարցս կապված է Հաշվապահական հաշվառման օրենքի հոդված 5.1 կետի մասին, որևէ մեկը տեղյա՞կ է այդ նախագծին: Համակարգչային ծրագրերի մասին.
2013 հուլիս 1-ից 1.0 մլրդ ավելի...
2014 հուլիս 500.0 մլն ավելի...
2015 հուլիս 100.0 մլն ավելի...
Այդ նախագիծը կա՞, ի՞նչ փուլում է, մերժվե՞լ է, ե՞րբ է ներկայացվել: Հետաքրքրում է ամեն ինչ, ինչ կապված է այդ նախագծի հետ:
Ի՞նչ ձևակերպում է տրվում
Mushegh.
ՀՀ ռեզիդենտ կազմակերպությունը, որը ազատված է ԱԱՀ-ից, քանի որ ԱԱՀ շեմը չի անցնում, արտասահմանում ծառայություն է մատուցում և դրանից ստացված եկամտից վճարում է ԱԱՀ: Դրա համար ի՞նչ ձևակերպում է տրվում: Շնորահակալություն:
Ծառայության մատուցում ոչ ռեզիդենտ կազմակերպությանը
Արամ.
Հարգելի հաշվապահներ, եթե կարող եք, պատասխանեք հետևյալ հարցին.
ոչ ռեզիդենտ կազմակերպությունը ծառայություն է մատուցել մեր կազմակերպությանը Երևանում՝ 120 հազ. դրամ արժեքով: Որպես հարկային գործակալ ես պետք է նրանցից 20 հազ. դրամ ԱԱՀ պահեմ և 10 հազ. դրամ շահութահարկ և նրանց վճարեմ 90 հազ. դրամ: Խնդրում եմ ասեք` ի՞նչ հաշվապահական ձևակերպումներ պետք է տամ: Նախապես շնորհակալություն:
Հաշվապահի որակավորման քննության նախապատրաստական դասընթացներ
Նազելի.
Բարև Ձեզ, հարգելի հաշվապահներ: Ես 3 տարի է աշխատում եմ հաշվապահ մեծ կազմակերպությունում, սակայն հետագայում գլխ. հաշվապահ աշխատելու համար ցանկանում եմ ստանալ հաշվապահի լիցենզիա Ֆինանսների Նախարարությունից: Ունեմ համապատասխան հարցաշարը, բայց ցանկանում եմ իմանալ` կա՞ն արդյոք դասընթացներ, որոնք պատրաստում են այդ քնության համար, և որտե՞ղ են անցկացվում: Կանխավ շնորհակալ եմ:
ՀԿ-ն ստացել է դրամաշնորհ
Գոհար.
Հարգելի գործընկերներ, եթե ՀԿ-ն ստացել է դրամաշնորհ, ապա ինչպե՞ս է կատարվում դրա հաշվառումը, ծախսերի բախշումը և ընդհանրապես այդ հարցի հետ կապված որոշակի խորհուրդներ կամ ուղեցույց որտեղի՞ց կարող ենք ստանալ: Շնորհակալություն:
Դպրոցների և մանկապարտեզների հաշվապահական հաշվառման առանձնահատկություններ
Աննա.
Հարգելի հաշվապահներ, խնդրում եմ, ուղղություն տվեք՝ ո՞ր օրենքներով առաջնորդվեմ դպրոցի և մանկապարտեզի հաշվապահություն վարելիս: Խնդրում եմ, պարզաբանեք առանձնահատկությունները, ինչպես նաև փաստաթղթավորման հետ կապված հարցերը:
Շնորհակալություն:
Հայաստանի հաշվապահների և աուդիտորների ասոցիացիա
Lusin.
Հարգելի հաշվապահներ, ի՞նչ գիտեք Հայաստանի հաշվապահների և աուդիտորների ասոցիացիայի մասին: Ի՞նչ կարող է տալ գործող հաշվապահին վերջինիս անդամագրվելը: Շնորհակալ կլինեմ արձագանքների համար:
Հաշվապահական հաշվառման դասընթացներ
Տաթևիկ.
Բարեվ Ձեզ: Ցանկանում եմ սովորել հաշվապահություն: Հետաքրքրված եմ IAB Centre կամ IATC ուսումնական կենտրոններով: Շատ շնորհակալ կլինեմ, եթե խորհուրդ տաք, թե որտեղ կարող եմ դիմել: Եթե կլինեն այլ առաջարկներ, որտեղ կազմակերպվում են հաշվապահության որակյալ դասընթացներ, խնդրում եմ նշեք: Կանխավ շնորհակալ եմ:
Հաշվապահական հաշվառման դասընթացներ
ԳՈՀԱՐ.
Հարգելի հաշվապահներ, ես աշխատում եմ մի հիմնարկությունում որպես համակարգչային օպերատոր և օրվա ընթացքում ունենում եմ որոշակի ազատ ժամանակ և ուզում եմ արդյունավետ օգտագործեմ այդ ժամանակը հաշվապահություն սովորելու համար: Կարո՞ղ եք արդյոք հուշել` ինչպես կարելի է համացանցի միջոցով սովորել: Նշեք որևէ կայք կամ գրականություն, որից կարող եմ օգտվել: Կանխավ շնորհակալություն:
CIMA քննության համար նախատեսված գրքեր
Susie.
Բարև ձեզ: Որևէ մեկը կարո՞ղ է ինձ տրամադրել CIMA քննության համար նախատեսված հետևյալ գրքերը: Եթե կարող եք, գրեք էլ. փոստիս. susie25 շնիկ mail.ru
C01 - Fundamentals of Management Accounting
C02 - Fundamentals of Financial Accounting
Հաշվապահների որակավորման քննություններ
Samvel.
Բարև ձեզ, հարգելի հաշվապահներ: Ուզում եմ նորից քննարկում կազմակերպենք բոլորիս հուզող թեմայով` հաշվապահների որակավորման քննություններ: Կցանկանայի լսել քննություններին մասնակցած անձանց կարծիքը քննությունների անցկացման կարգի վերաբերյալ: Բազմիցս փնտրել եմ քննությունների ընթացքում օգտագործվող խնդիրների ինչ-որ ժողովածու, սակայն ապարդյուն: Եթե ինչ-որ մեկը ունի կամ գիտի, թե որտեղից կարելի է գտնել, խնդրում եմ ասեք:
Հաշվապահական հաշվառման նոր հաշվային պլան
Կարինե.
Բարև ձեզ: Խնդրում եմ ձեզ իմ էլեկտրոնային փոստին ուղարկել հաշվային նոր պլանը, նախապես շնորհակալ եմ:
Ստուգողական հաշվեկշռի կազմում
Gayan.
Ինչպե՞ս կազմել ստուգողական հաշվեկշիռ և ինչպե՞ս ստուգել գործառնությունները:
Փոխառության վերադարձ հիմնադրին
Anna.
Հարգելի հաշվապահներ, հարցս հետրյալն է: Եթե հաշվարկայից հաշվից գումար է ելքագրվում և վերադարձվում հիմնադրին որպես անտոկոս փոխառության վերադարձ, ես այդ գումարը 252 հաշվից պե՞տք է ձևակերպեմ դրամարկղ 251 հաշվին, նոր ձևակերպեմ անտոկոս փախառության վերադարձ, թե՞ կարող եմ միանգամից 252 կրեդիտ 513 դեբետ: Եվ ո՞ր օրենքով է դա կարգավորվում: Հարցս շտապ է: Շնորհակալ կլինեմ բոլոր պատասխանների համար:
Հիմնական միջոցների հաշվառում
Էդգար.
Հարգելի հաշվապահներ, խնդրում եմ ասեք, հնարավո՞ր է արդյոք ընկերության հիմնական միջոցներ (բացառությամբ շենք/շինությունների) հաշվառել սկզբնական արժեքով, իսկ շենք/շինությունները հաշվառել վերագնահատման արժեքով:
Դեբիտորական պարտքի դուրսգրում
Աննա.
Ինչպե՞ս դուրս գրել անհուսալի դեբիտորական պարտքը: Ի՞նչ հաշվապահական ձևակերպումներ տալ, կանխավ շնորհակալություն:
Վարձակալության ձևակերպում
Աննա.
Ֆիզիկական անձը իր տարածքը հանձնել է վարձակալության ՍՊԸ-ին ամսական 200 000 դրամով: Հաշվապահորեն ինչպե՞ս ձևակերպել նշված գործառնությունը:
Ինչպե՞ս ընդունել հաշվապահական փաստաթղթերը
Արմեն.
Շատ շտապ է, խնդրում եմ, օգնեք: Սկսնակ հաշվապահ եմ, կազմակերպությունը առաջարկել է վարել իր հաշվապահությունը: Ներմուծող ընկերություն է, ունի և´ մեծածախ վաճառք, և´ մանրածախ:
1. Ինչպե՞ս են ծանոթանում կազմակերպության փաստաթղթերի հետ:
2. Ի՞նչ հարկեր է վճարում կազմակերպությունը:
3. Ինչպե՞ս պետք է ընդունեմ հաշվապահական փաստաթղթերը:
Շատ են անհրաժեշտ ձեր խորհուրդները: Նախապես շնորհակալություն:
Արտադրանքի մնացորդի ճշգրտում
Հայկ.
Պատրաստի արտադրանքի իրացման ժամանակ պարզվել է, որ մնացորդում այն չի արտացոլվել, խնդրում եմ օգնել, ճի՞շտ եմ ձևակերպել.
215/811
711/215
221/611
811/341
341/342
Ստուգման ակտով արձանագրված գումարների ձևակերպում
Նանա.
Հարգելիներս, 2012թ. ստուգման ակտով արձանագրվել է շահութահարկ` X դրամ, տուգանք` Y դրամ, տույժ` Z դրամ, ինչպես նաև եկամտահարկ, եկամտահարկի գծով տույժ և տուգանք: Ինչպե՞ս պետք է ձևակերպեմ այս գումարները:
Ամորտիզացիոն քաղաքականություն
Վարդուհի.
Խնդրում եմ բացատրել` ինչ է ամորտիզացիոն քաղաքականությունը:
Հաշվապահական հաշվառման քաղաքանության վերաբերյալ
Արամ Ա.
Կազմակերպությունը, ուր ես աշխատում եմ, ՍՊԸ է և ոչ խոշոր հարկատու: Խոսքս վերաբերում է հաշվապական հաշվառման քաղաքականությանը: Նախորդ գլխավոր հաշվապահը շարժվել է ՀՀ ստանդարտներով, սակայն լրացումներ քաղականության մասին կամ այլ որևէ տեղ գրված չէ, բացի նախորդ Շահութահարկի հաշվետվությունից:
Հարցս հետևյալն է` կարո՞ղ եմ ես շարժվել իմ ընտրած քաղաքականությամբ, ինչպե՞ս կարելի է ֆիքսել, ի՞նչ պետք է ունենամ, կամ ո՞ր օրենքով է դա որոշվում: Ավելի լավ ինֆորմացիա որտեղի՞ց կարող եմ ստանալ: Պարտադի՞ր է հաշվապահական քաղաքականության արտացոլումը որևէ տեղ իմ դեպքում: Կոնկրետ ի՞նչ պետք է անել:
Վերջին մեկնաբանություններ