Manush.

Բարև Ձեզ ես ուզում եմ իմանամ ֆիզ արձակուրդի գումարը, որը վճարել եմ հուլիս ամսում եկամտահարկի հաշվետվության մեջ չգիտեմ պետք է նշվի թե ոչ, եթե նշվում ապա որ տողում կամ որ մասում պետք է նշեմ, այդ հաշվետվությունը ես ներկայացնում եմ եռամսյակային :
Կանխավ շնորհակալություն

Yanna.

Բարև Ձեզ,
Ա/Ձ-ն ունի մեկ աշխատող, խնդրում եմ ասեք, քանի աշխատանքային պայմանագիր պետք է կնքած լիներ Ա/Ձ-ն, ինքն իր հետ պետք է արդյոք կնքեր պայմանագիր:

Ելենա.

Հարգելի հաշվապահներ, շուտով պատրաստվում եմ գնալ դեկրետային արձակուրդի:Աշխատել եմ ավելի քան մի տարի: Հուլիսի 20-ին կստանամ անաշխատունակության թերթիկ: Վերջին 3 ամիսներից 1-ին եղել եմ արձակուրդում:
Ինչպե՞ս հաշվարկեմ ինձ հասանելի նպաստը եթե՝
Մարտ – 35000 աշխատավարձ;
Ապրիլ – 35000դր աշխատավարձ;
Մայիս – ամբողջ ամիսը գտնվել եմ արձակուրդում եւ հաշվարկվել է 32237դր արձակուրդային;
Հունիս – 35000 աշխատավարձ:
Որ ամիսներն են մասնակցում հաշվարկին?
Եթե կարելի է մանրամասն գրեք հաշվարկի ձեւը:
Կանխավ շնորակալությամբ Ելենա:)

Տաթևիկ.

Ողջույն բոլոր հաշվապահներին !
Ես առաջին անգամ պետք է հաշվարկեմ արձակուրդային, խնդրում եմ օգնեք ճիշտ հաշվարկեմ:
Աշխատողը ընդունվել է աշխատանքի 10.01.2008թ , 2009 թվականին արձակուրդ չի գնացել, այժմ պետք է հաշվարկեմ արձակուրդային 15 օրվա համար 02.07.2010.թ -ից:
Շատ եմ խնդրում այս օրինակով հաշվարկեք , որպեսզի ավելի հասկանալի լինի:
Նախապես շատ շնորհակալ եմ :

Hayk.

Հարգելի հաշվապահներ, խնդրում եմ օգնեք, ինչպե՞ս վարվեմ գործուղման մեջ գտնվող աշխատողների աշխատավարձի հետ, աշխատավարձի վճարման օրը նրանք գտնվել են գործուղման մեջ, պե՞տք է նրանց համար առանձին ցուցակ և վճարային տեղեկագիր կազմել, որ գործուղումից հետո ստանան աշխատավարձն ու ստորագրեն:

Լիլիթ.

Հարգելի գործընկերներ, կարող եք պատասխանել, թե հղի աշխատողը առնվազն ինչքան ժամանակ պետք է աշխատի, որպեսզի ստանա ամբողջ դեկրետայինը:

Manush.

Բարև ձեզ, ես ուզում եմ իմանամ սոց ներկայացվող Ձև ֆ1 հայտը ո՞ր թվականից ենք սկսել ներկայացնել, քանի որ ես ունեմ աշխատող, որը գնացել է ֆիզ.արձակուրդ 2006թ., ու դրանից հետո էլ աշխատողը դարձյալ գնացել է ֆիզ. արձակուրդ ու հիմա վերադարձել է աշխատանքի, ուզում եմ իմանամ` հիմա ես հայտ ներկայացնեմ, թե` ոչ, քանի որ ինձ մոտ չկա նրա աշխատանքի ընդունման սոցի հայտը, չգիտեմ դա իմ սխալն է, որ չկա, թե ուղղակի 2006թ. դեռ չի եղել այդ հաշվետվության ձևը:
Կանխավ շնորհակալություն:

Լիլիթ.

Ինչպե՞ս հաշվեմ արձակուրդային: Այն ևս հարկվում է սոցապ հարկերի պես` 3% և գործատուի վճարած: Եկամտահարկը կախված չէ՞ դրանից: Շնորհակալություն:

Hayk.

Հարգելի գործընկերներ, խնդրում եմ օգնել հետևյալ հարցում` մեր աշխատակիցը 28 օրվա համար ներկայացրել է անաշխատունակության թերթիկ, մնացած 2 օրվա աշխատավարձը կազմում է 18 հազ. դրամ, այդ 18 հազ-ի համար պետք է հաշվարկվի 7000 դր. գործատուի սոց, թե ոչ:

Anush.

Հարգելի հաշվապահներ, խնդրում եմ օգնել հետևյալ հարցում, սոց հաշվետվության մեջ հղիության նպաստ եմ հաշվել, հաշվետվությունը հարկային ներկայացնելու ժամանակ բյուլետենի պատճեն նույնպե՞ս պետք է ուղարկել:

Միլենա.

Կարող եք պատասխանել, խնդրում եմ, հղիին 140 օրվա համար տրամադրվող գումարը հաշվարկելիս, հաշվի է առնվում նրա զուտ աշխատավարձը` սոց. վճարումները արված, թե հակառակը:

Շնորհակալություն

Լիլիթ.

Խնդրում եմ պատասխանեք, ինչպես են կատարում աշխատավարձի վերջնահաշվարկ? /սկսնակ հաշվ./

Ռուզաննա.

Ինչպես են լրացնում աշխատաժամանակի հաշվարկային տեղեկագիրը: Տվեք, եթե կարելի է դրա լրացման կարգը:

Manush.

Ես ուզում եմ իմանալ ինչպես հաշվարկեմ նախածննդյան ֆիզ արձակուրդի գումարը, երբ աշխատողը աշխատել է հիմնարկում 1 տարի 9 ամիս 7 օր,ուզում եմ իմանամ վճարումը 100 տոկոսով է լինելու թե ոչ, հաշվարկից եկամտահարկ պահվելու է թե ոչ,աշխատողի դրույքը 60000 դրամ է, երբ աշխատողի միջին աշխատավարձը կազմում է 60000 դրամ:Կանխավ շնորակալություն:

Մանուշ.

Եթե բյուլետենը հաշվարկում եմ հուլիս ամսին ու վճարում հուլիս ամսին, ապա ինչպե՞ս պետք է գրեմ սոց.-ի հաշվետվությունում, նշե՞մ հուլիսի հաշվետվությունում:

Աննա.

Հարգելի հաշվապահներ,

Խնդրում եմ օգնեք ինձ մի հարցով: Ա/Ձ-ն գործունեություն է իրականացնում հունիս ամսից: Հունիսին ունեցել է 4 աշխատակից, սակայն հուլիս ամսվա ընթացքում ընդունել է աշխատանքի ևս 2 հոգի: 2010թ. հուլիսին սոցի եռամսյակայի՞ն, թե՞ ամսական հաշվետվություն պետք է ներկայացնի:

Կանխավ շնորհակալ եմ:

Սյուզի.

Խնդրում եմ պատասխանեք
Եթե ընկերության գլխավոր հաշվապահը ազատվում է աշխատանքից և երբեք չի գնացել արձակուրդ իր աշխատած ժամանակահատվածում, ի՞նչ փաստաթղթեր և որտե՞ղ պետք է ներկայացվեն:
Կանխավ շնորհակալ եմ:

Ռուզաննա.

Բարև Ձեզ, խնդրում եմ օգնեք ինձ հետևյալ հարցում.

Ես հղի եմ և հունիսի 2-ից ես հիվանդանոցից վերցրել եմ անաշխատունակության թերթիկը /բուլետին/: Խնդրում եմ ասացեք, ինչպես են հաշվարկում 140 օրվա համար տրամադրվող գումարը և որքան դա կկազմի: Աշխատավարձս կազմում է 70.000 դրամ: Նախապես շնորհակալ եմ:

Վիկտորյա.

Հարգելի գործընկերներ, խնդրում եմ ինձ հուշել մեկ հարցում..
Ցանկանում եմ կնքել աշխատողի հետ ՔԱՂ.-ԻՐԱՎԱԿԱՆ պայմանագիր, քանի որ նա պետք է աշխատի շաբաթական ընդամենը 1 օր: Խնդիրը նրանում է, որ աշխատավարձը պետք է լինի ֆիքսված ամեն աշխատանքի ներկայանալու օրվա և ծառայություն մատուցելու համար X դրամ: Ինչպե՞ս դա կարելի է նշել պայմանագրում, որպիսի հետագայում խնդիրներ չառաջանան աշխ./քաղ.-իրավ. պայմանագիր հարթությունում:

VVV.

Եթե աշխատողը ամսվա երկու օրը ներկայանում է աշխատանքի, իսկ մնացած բոլոր օրերին անհարգելի բացակայում է, արդյոք գործատուն իրավունք ունի ամսվա վերջում լուծելու նրա հետ կնքած աշխատանքային պայմանագիրը և եթե այո, ապա ինչ հիմքով:

Շնորհակալություն

Արտյոմ.

Բարեվ Ձեզ, խնդրում եմ պատասխանեք հարցիս վերջնահաշվարկի վերաբերյալ…Վերջնահաշվարկի գումարը Սոցի հաշվետվության ԱՎՈՒՄ-ի մեջ նշվում է թե ոչ, եթե այո կխնդրեյի հիմնավորել…քանի որ հայտնի է որ վերջնահաշվարկից սոց չի պահվում

Ani.

Բարև Ձեզ,
Խնդրում եմ օգնեք ինձ ֆիզ. ուղարկելու հարցում: Եթե աշխատողը աշխատանքի է ընդունվել 01.02.2010թ-ից 150000 դրամ աշխատավարձով և 23.06.2010թ-ին ներկայացրել է բյուլետեն, ինչպե՞ս պետք է հաշվարկեմ ֆիզի գումարը: 3 ամիսների միջին աշխատավարձը հաշվելիս մայիս ամսվա 23 աշխատած օրերը հաշվում ենք, թե` ոչ: Եվ ԱՎՈՒՄ-ն ենք վերցնում, թե իրեն վճարված փաստացի գումարը: Եվ ևս մի հարց. մայիս ամսվա 23 օրերի համար գործատուի սոցը 150000-ի համար ենք հաշվում, թե 23 օրվա համար վճարվածի:
Շատ շնորհակալ կլինեմ, եթե օգնեք:

Վանուհի.

Ես աշխատում եմ դպրոցում: Իմ Հիմնական արձակուրդից 3 ամիս առաջ գնացել եմ ֆիզ արձակուրդի և ստացել եմ բուլետինը: Հիմա դպրոցում բոլորը մեկ ամսով գնում են արձակուրդի և ստանալու են արձակուրդային: Խնդրում եմ ասեք, ես ստանալու՞ եմ արձակուրդային:

Նառա.

Երբ որ ընդունում եմ աշխատանքի մարդ, որն արդեն հին աշխատավայրում ուներ բացած անհատական հաշիվ, էլի պետք է տամ սոցապ անհատական հաշվի մասին հայտ-Ձև 1, թե՞ ինչ որ ուրիշ հայտ:

Ani.

Բարև ձեզ:
Խնդրում եմ օգնեք ինձ հաշվարկել աշխատավարձ ազատ գրաֆիկով համատեղության կարգով աշխատողի համար, ընդ որում աշխատանքը սկսված է մայիսի 15-ից: Ինչպիսի՞ հաշվարկ պետք է ես անեմ:
Կանխավ շնորհակալ եմ:

Նառա.

Բարև Ձեզ:
Խնդրում եմ հուշել, թե ինչպեսա հաշվարկվում աշխատավարձը, եթե շաբաթ օրը աշխատես, կոնկրետ այդ օրվա մասինա խոսքը:
Կանխավ շնորակալ եմ:

Մանանա.

Խնդրում եմ օգնեք ինձ մի հարցում.
Հիվանդության նպաստի դեպքում ինչ պահումներ են արվում, և եթե եկամտահարկ պահվում է, ապա խնդրում եմ ասեք` ինչ կարգով:
Նախապես շնորհակալ եմ:

Նարեկ.

Եթե գործատուն կնքել է քաղ. իրավական պայմանագիր (օրինակ` հինգ հոգուց բաղկացած անձանց հետ, որոնք պետք է կատարեն որոշակի աշխատանք և դրա համար կստանան յոթ հարյուր հազար դրամ), ապա նա քանի հոգու համար է սոց. վճար կատարում և այդ հինգ հոգին արդյոք այդ գործատուի համար համարվում են վարձու աշխատողներ:
Կանխավ շնորհակալ եմ…

Astghik Grigoryan.

Հարցը շտապ է ,կարո՞ղ եք պատասխանել,թե հնարավոր է մեկ ամիս առաջ տալ արձակուդայինի հրամանը,հրամանի պատճեն անհրաժեշտ է դեսպանատուն ներկայացնելու համար:

Կանխավ շնորակալություն:

Թամարա.

Հարգելի կոլեգաներ, պետք է ինչ-որ արձակուրդը հետաձգելու մասին փաստաթուղթ կցվի աշխատակցի պայմանագրին, որն արձակուրդ չի գնացել արդեն 2 տարուց ավել: Ինչպես է ճիշտ: Կանխավ շնորհակալություն:

Արմեն.

Ինչպե՞ս հաշվարկել հղիության նպաստը, եթե աշխատակցուհին գտնվում է երեխայի խնամքի արձակուրդում, այսինքն ֆիզից ֆիզ է գնում:

Աստղիկ.

Կարող է արդյոք արձակուրդայինի հրամանը տրվել մեկ ամիս առաջ, այսինքն` 22.07.2010 տրվել հրաման 2010թ. օգոստոսի 07-ից 29-ը արձակուրդ գնալու համար:
Շնորհակալություն:

Սյուզի.

Խնդրում եմ պատասխանեք իմ հարցին
Եթե աշխատողին ուղարկել ենք ամենամյա արձակուրդ և այդ ընթացքում նա բերում է բյուլետենի թերթիկ , արդյոք նրան պետք է վճարվի բյուլետեն խնդրում եմ պատասխանեք և գրեք թե որտեղ կարող եմ կարդալ դրա մասին մանրամասն
Նախապես շնորհակալություն

Կարինե.

Հարգելի Կոլեգաներ…
Ի՞նչ եք կարծում կարող ենք արդյոք ոչ ռեզիդենտի աշխատավարձը աշխատանքային պայմանագրում ֆիքսել արտարժույթով:Կա՞ ինչ որ այդպիսի օրենք կամ որոշում:
Շնորհակալություն:

Մարինե.

Հարգելի հաշվապահներ, խնդրում եմ պատասխանել արձակուրդ գնալիս պարտադիր պետք է ետ գնալ և լրացնել 12 ամիս, միջին աշխատավարձ գտնելու համար, թե ետ ենք գնում մինչև նախորդ արձակուրդ գնացած ամիսը: Օրինակ եթե աշխատողը գնացել է 2009թ. հուլիս ամսին արձակուրդ, իսկ 2010թ. ցանկանում է գնալ մայիս ամսին, միջին ինչպես հաշվարկեմ: Կանխավ շնորհակալություն:

Գևորգ Պապոյան.

Խնդրում եմ պատասխանել, հնարավոր է առաջին գործատուի մոտ ունենալ հիմնական պայմանագիր, իսկ երկրորդի մոտ համատեղության պայմանագիր, առանց առաջինին տեղյակ պահելու, սակայն երկրորդ գործատուի մոտ աշխատանք կատարելուց չի տուժում առաջին գործատուի մոտ աշխատանքը:

Հայկ.

Խնդրում եմ ինձ օգնեք հետևյալ հարցում` աշխատողը ներկայացրել է անաշխատունակության թերթիկ մայիսի 3-27-ի համար, հետո նորից հիվանդացել է և մայիսի 31-ից կրկին ներկայացնելու է անաշխատունակության թերթիկ, ինչպես հաշվարկեմ նրա աշխատավարձը և հիվանդ. նպաստը(գրեք հաշվարկը), երբ վճարեմ և մայիսի սոցի հաշվետվ. մեջ ինչպես դա ներկայացնեմ:Նախապես շնորհակալություն:

Մելինե.

Խնդրում եմ պատասխանեք, վերջնաշվարկի սոց վճարը 3% պահվում է, է թե ոչ: Գործատուի կողմից հաշվարկվում է պարտադիր սոց վճարը, թե ոչ:

Կարեն.

Վերջնահաշվարկ կատարելիս տվյալ տարվա չօգտագործված արձակուրդային գումարը ավելացվում է աշխատողի ամսական եկամուտին և հարկվում է համապատասխան սանդղակով: Խնդրում եմ պարզաբանել` ճի՞շտ է այս մոտեցումը, թե՞ ոչ: Կանխավ շնորհակալ եմ աջակցության համար:

Հասմիկ.

Ես Ռուսաստանի քաղաքացի եմ, ուզում եմ դառնալ նաև Հայաստանի քաղաքացի, այսինքն վերցնել երկքաղաքցիությունը, այդ դեպքում աշխատավարձի հետ պահումները արվում է ինչպես ՀՀ քաղաքացիների՞նը:

Իգոր.

Հարգելի կոլեգաներ, մեր ընկերության աշխատակիցը մայիս ամսվա համար ներկայացրել է անաշխատունակության թերթիկ, 03.05-31.05: Նրա միջին ամսական աշխատավարձը՝ 70 000 դրամ է: Խնդրում եմ, հուշեք, թե ինչպե՞ս պետք է հաշվարկվի նրա աշխատավարձը և նպաստը, կանխավ շնորհակալություն:

Նաիրա.

Հարգելի հաշվապահներ,օգոստոսից պետք է ներկայացնեմ անաշխատունակության թերթիկ 140 օրվա(70 նախածննդյան և հետծննդյան 70օր),աշխատավարձս կազմում է 60,000.00 դրամ,խնդրում եմ գրել թե ինչքան կկազմի իմ գումարը վերջնական և արդյոք ճիշտ է արձակուրդ վերցնել դեկրետից 1 ամիս առաջ
Կանխավ շնորհակալ եմ

Manana.

Խնդրում եմ պատասխանեք իմ մի հարցին, եթե 2 ամսով աշխատող եմ ընդունել ու ազատել, վերջնահաշվարկ հաշվարկում ենք, թե ոչ:

Սյուզի.

Խնդրում եմ պատասխանեք եթե հաշվել ենք 28 օրվա արձակուրդ 59331 դրամ և 2 օրվա աշխատավարձ , որը կազմում է 4962 դրամ ինչ պահումներ ենք անում դրանից և ինչպես

Սյուզի.

Հարգելի հաշվապահներ խնդրում եմ պատասխանեք իմ հարցին արդյոք խախտում է համարվում երբ աշխատողին արձակուրդ ուղարկելիս վճարում ես ոչ թե 3 այլ նույն օրը

Gayane.

Հարգելի հաշվապահներ խնդրում եմ պատասխանել իմ հարցին,եթե մայրը չի աշխատում իրեն հասնում է արդյոք18000 հազար դրամ երեխայի համար կամ հայրը կարող է ստանալ այդ գումարը իր աշխատատեղից, կանխավ շնորհակալ եմ

Սյուզի.

Խնդրում եմ պատասխանեք իմ հարցին.
Եթե աշխատողը աշխատում է մի հիմնարկում 01/02/09-ից մինչ այսօր և արձակուրդ չի գնացել և նրան ուղարկում ենք արձակուրդ 02/06/10-ից քանի օր արձակուրդ է նրան հասնում և ինչպես պետք է կատարվի հաշվարկը խնդրում եմ պատասխանեք բացատրելով: Նախապես շնորհակալություն եմ հայտնում

Նանե.

Բարև Ձեզ հարգելիներ, խնդրում եմ ասեք արդյոք այսպես ճիշտ կլինի և որտեղից ավելի մանրամասն կարող եմ տեղեկանալ հետևալի մասին`աշխատողի հետ որոշակի ժամկետով կնքված աշխատանքային պայմանագրի ժամկետի լրանալուց տասն օր առաջ իր իսկ կողմից ներկայացված դիմումի հիման վրա հրաման եմ տվել նոր աշխատանքային պայմանագիր կնքելու մասին,որը կկապեմ նախորդի ժամկետը լրանալու հենց հաջորդ օրը: Նոր աշխատանքային պայմանագիրը կունենա իր հերթական համարը աշխատանքային պայմանագրերի հերթականության մեջ և գրանցամատյանում կգրանցվի որպես նոր աշխատանքային պայմանագիր ?
Կանխավ շնորհակալություն

Արթուր.

Խնդրում եմ հուշեք, եթե աշխատողը 2010թ. մայիսի 26-ին արձակուրդ է գնում, ամսական աշխատավարձը 80 000 դրամ է, ապա 80 000 / 31 մայիսի օրեր * 26՞, թե՞ 80 000/:
31-շաբաթ, կիրակի, տոն օրերը * 26 – շաբաթ, կիրակի, տոն օրերը, և եթե դժվար չէ գրեք՝ ճիշտ հաշվարկը, որովհետև ես հանդիպել եմ երկու դեպքն էլ:

Սյուզի.

Բարև բոլորին: Խնդրում եմ օգնել մի կադրային հարցում: Եթե կազմակերպությունը կնքում է աշխատանքային պայմանագիր 3 ամիս փորձաշրջանով, դա նշանակում է, որ պայմանագրի գործողության ժամկետն էլ է 3 ամիս: Այդ դեպքում, եթե աշխատողն բարեհաջող անցնում է փորձաշրջանը, ապա նոր պայմանագիր է կնքվում, հրաման հարկավոր է? Թե գործողության ժամկետը կարող է լինել ասենք մեկ տարի, և 3 ամիս փորձաշրջանը ընդամենը “հեշտացնում է” պայմանագրի հետագա հնարավոր լուծումը? Խնդրում եմ հնարավորինս մանրամասն պարզաբանել: