Աննա.

Բարև Ձեզ, խնդրում եմ ինձ տալ ՍՊԸ-ի տնօրենի հետ աշխատանքային պայմանագրի օրինակելի ձև: Կանխավ շնորհակալ եմ:

Գարիկ.

Ի՞նչ փաստաթղթեր են պարտադիր անաշխատունակության թերթիկ վերցնելու համար պոլիկլինիկայից, բացի անձնագրից և սոց քարտից, եթե գրանցված ես մարզում, սակայն Երևանում ես ապրում: Շնորհակալություն

Հայկ.

9 տարվա չօգտագործված արձակուրդի հաշվարկ աշխատանքից ազատման դեպքում, ազատվել է աշխատանքից 17.08.2010թ.: Վերջին ամսվա աշխատավարձի չափը կազմում է 210000դրամ:

Geghecik.

Բարև Ձեզ, եթե խանութն աշխատել է 6-օրյա աշխ. ռեժիմով, երկուշաբթիից-ուրբաթ 7ժամ, շաբաթ օրը 5ժամ, եթե ռեժիմը չփոխենք, փոխարենը շաբաթ օրվա 5 ժամը վճարենք կրկնակի, դա կհամարվի՞ սխալ:

Թերեզա.

Բարև բոլորին, խնդրում եմ, կարո՞ղ եկ ինձ ասել մի սայթ, որտեղ ես կարող եմ արձակուրդայինի հաշվարկի փոփոխությունների հետ ծանոթանալ: Շնորհակալություն:

Alla.

Հարգելի հաշվապահեր, խնդրում եմ հուշեք, եթե նախկինում մեկ ամսվան բաժին ընկնող արձակուրդի օրերը որոշելիս կիրառվում էր 2,33 գործակիցը, կարո՞ղ ենք այժմ նույն տրամաբանությամբ կիրառել 1,67 գործակից /20օր:12ամիս/, թե պարզապես հաշվեմ 2 օր`յուրաքանչյուր ամսվան: Շնորհակալություն:

Աստղիկ.

Բարև Ձեզ:
Խնդրում եմ ինձ օգնեք մի շատ կարևոր հարցում: Սոցապին ներկայացվող անհատական հայտերն ու հաշվետվություններն էլեկտրոնային եղանակով ներկայացնելու համար ի՞նչ է անհրաժեշտ անել, որտեղի՞ց կարող եմ ստույգ տեղեկություններ իմանալ : Եվ եթե գիտեք, խնդրում եմ ասեք, թե կոնկրետ որ ձևաթղթերին է այն վերաբերում: Հուսով եմ Ձեր միջոցով կստանամ ինձ հուզող հարցերի պատասխանը:
Շնորհակալություն:

Hasonic.

Հարգելի հաշվապահներ, ԱՕ փոփոխություններից արդյոք հետևում է, որ 6 ամիս չաշխատած աշխատողին աշխատանքից ազատելիս վերջնահաշվարկը չի ներառում արձակուրդի համար տրվող հատուցումը, քանի որ նա դեռ ձեռք չի բերել արձակուրդի իրավունք:

Շնորհակալություն նախապես:

LILIT.

Խնդրում եմ ասեք,թե բժշկական ոլորտում շաբաթական ինչքա՞ն է աշխատաժամանակի տևողությունը 5-օրյա գրաֆիկի դեպքում: Նախապես շնորհակալություն:

Hasmik.

Ո՞վ կարող է ինձ հուշել: Ինչպես հասկացա ԱՕ փոփոխություններից, հրամանագիրք վարելն արդեն դառնում է պարտադիր: Մինչև այժմ հրամանագիրք չի վարվել, նոր հրամանագրքում նախկին պայմանագրերը (հրամանները) և՞ս պետք է գրանցվեն, թե միայն օգոստոսի 7-ից հետո կնքվածները: Նախապես շնորհակալություն:

Մանուշ.

Բարև Ձեզ, ես աշխատող մայր եմ: Մինչև երեխայիս երկու տարին լրանալը երկու ամիս շուտ եմ եկել գործի, բայց երկու ամիս ստացել եմ գումարը: Հնարավո՞ր է, որ հետ գանձեն գումարը: Նախապես շնորհակալություն:

Նունե.

Խնդրում եմ օգնեք ինձ գտնել նոր ԱՕ-ն, որը գործում է 2010թ.-ի օգոստոսի 7-ից, որ կայքից կարող եմ բեռնել այն:

Արթուր Մարտիրոսյան.

Խնդրում եմ օգնեք ևս մեկ հարցում:
Մեր ընկերության երկու աշխատակիցներ ազատվել են աշխատանքից, որը համարվել է նրանց հիմնական աշխատանքի վայրը: Նրանք զուգահեռ աշխատել և հիմա էլ աշխատում են նաև մեկ այլ ՍՊԸ-ում` համատեղության կարգով: Խնդրում եմ հուշեք համատեղությամբ աշխատանք կատարելու մասին նշումը աշխատանքային գրքույկում ո՞վ պետք է կատարի` մեր ընկերությունը իր կնիքով, թե ուղղակի մենք ազատենք սովորական, իսկ այնտեղ նշվի, որ ընդունվել են աշխատանքի համատեղության կարգով այսինչ թվականից:

Արթուր Մարտիրոսյան.

Բարև Ձեզ, խնդրում եմ հուշեք թե ինչ փաստաթղթեր է անհրաժեշտ կազմել ՍՊԸ-ի տնօրենին աշխատանքից ազատելու համար: Նա այժմ ՍՊԸ-ի միակ աշխատողն է և չի հանդիսանում հիմնադիր: Պետ. ռեգիստրում հրաժարվում են նրան ազատել ասելով, որ ինչ որ մեկը պարտադիր պետք է գրանցված լինի պետ. ռեգիստրում: Սակայն հինադիրները նպատակահարմար չեն գտնում նոր տնօրեն ընդունել: Ստացվում է, որ նա ինքն իրեն պետք է ազատի աշխատանքից, ինքն իր հետ կնքի աշխատանքային պայմանագրի լուծման համաձայանագիր և դուրս գա ???
Շնորհակալություն:

Սոնա.

Բարև Ձեզ,

Խնդրում են օգնեք ինձ հետևյալ հարցում. եթե անհատ ձեռներեցը, որ գրանցվել է մայիսին ու, չունենալով գործարք, չի վճարել ամսական սոց., ի՞նչ տույժերի է ենթարկվում, ու ի՞նչ քայլեր են անհրաժեշտ այսպիսի իրավիճակում:

Կանխավ շնորհակալություն:

Gayane.

Բարև բոլորին.
Խնդրում եմ պատասխանեք, եթե ամենամյա նվազագույն արձակուրդի հրամանը տրվել է հուլիսին կամ օգոստոսին (մինչև ԱՕ փոփոխությունների ուժի մեջ մտնելը), պե՞տք է արդյոք վերահաշվարկ կատարել, թե՞ հաշվարկել 28 օրացուցային օրվա համար:
Կանխավ շնորհակալ եմ…

Աննա.

Բարև: Ես շատ կուզեի, որ ինձ օգնեիք հետևյալ հարցով.
Ըստ ԱՕ 110 հոդվածի` գործատուն պետք է ծանուցում ներկայացնի աշխատողին պայմանագրի լուծման համար, ինձ կարո՞ղ եք ուղղություն տալ, թե ինչպիսին պետք է լինի ծանուցումը, բովանդակությունը, շնորհակալություն:

Ժաննա.

Հարգելի Հաշվապահներ, ասացեք խնդրեմ, ինչպե՞ս հաշվեմ վերջնահաշվարկը, եթե աշխանողը արձակուրդից վերադարձել է 16.07.2010 եվ ազատվել է աշխատանքից 04.08.2010: Աշխատավարձը 62500 է, եթե կարելի է` բացատրելով գրեք: Նախապես շնորհակալ եմ:
Սկսնակ հաշվապահ:

Geghecik.

Բարև Ձեզ:
Խնդրում եմ ինձ ասեք, ի՞նչ պետք է անեմ, ելնելով ԱՕ փոփոխություններից, մենք պետք է վեցօրյայից անցնենք հնգօրյա աշխատանքային շաբաթի, սակայն ըստ 142 հոդվածի 3-րդ կետի ծանուցումից (օգոստոսի 2) 2 ամիս հետո կարող ենք անցնել հնգօրյա աշխ. շաբաթի, իսկ ինչպե՞ս վարվել օգոստոս, սեպտեմբեր ամիսներին:

Թերեզա.

Բարև բոլորին, ես ուզում եմ իմանալ, արձակուրդայինի օրերի փոփոխության հետ կապված հաշվարկի բանաձևն էլ խոմ չի փոխվել:
Կանխավ շնորհակալություն:

Geghecik.

Բարև Ձեզ:
Կարո՞ղ եք ինձ ասել, թե որքան ժամանակում պետք է աշխատանքային պայմանները համապատասխանեցնել ԱՕ փոփոխված օրենսգրքին:

Իրինա.

Հարգելի հաշվապահներ, խնդրում եմ պատասխանեք իմ այս հարցին.
աշխատում եմ կազմակերպությունում 01.04.2010-ից եվ գնալու եմ ֆիզ արձակուրդ 02.09.2010-ից: Աշխատավարձս 80000 դրամ է, ինչպե՞ս պետք է հաշվարկեն իմ ֆիզ արձակուրդային գումարը` կապված վերջին ԱՕ փոփոխությունների հետ: Ավելացնեմ, որ ծննդաբերությունս լինելու է վիրահատական միջամտությամբ:
Կանխավ շնորհակալություն:

Geghecik.

Բարև Ձեզ,
Կարո՞ղ եք ինձ ասել, թե ընկերությունում եռակցող աշխատանքի ընդունելիս, որակավորման կամ այլ վկայականի առկայությունը պարտադի՞ր է:

Լուսինե.

Եթե աշխատանքային պայմանագրում նշված չէ, որ կատարել նաև գանձապահի պարտականությունները, ապա աշխատավարձ վճարելիս պե՞տք է վճարել նաև գանձապահի աշխատավարձի 30%-ը: Ասեմ,որ գանձապահը արձակուրդի պետք է գնա և պարտականությունները պետք է ստանձնել ընկերության աշխատակիցը:

Մանուշ.

Բարև Ձեզ, ես ուզում եմ իմանալ, հերթական արձակուրդ գնալու ժամանակ, որը կազմում է 28 օրացուցային օր, իմ անչափահաս մեկ երեխայի համար իմ արձակուրդին օրեր չի գումարվում…Նախապես շնորհակալություն…

Սարգիս.

Խնդրում եմ պատասխանել, համատեղությամբ աշխատելու դեպքում հիմնական աշխատավայի ղեկավարի թույլտվությունը պարտադի՞ր է, թե ոչ:

Ժաննա.

Բարև ձեզ.
Ասացեք խնդրեմ, ինչպե՞ս հաշվել բուլյետենը, եթե ամսվա 7 օրվա համար աշխատողը ներկայացրել է բժշկի թուղթ:
Նախապես շնորհակալություն:

Albert.

Բարև Ձեզ։ Ծանոթանալով, կայքի վերջին հարցերին ու պատասխաններին, և առհասարակ, լսելով բազմաթիվ եզրակացություններ ու պնդումներ, իմ մոտ հարց է առաջացել, որի պատասխանը չեմ գտնում։ Հարցը կապված է Աշխատանքային օրենսգրքի փոփոխությունների հետ։ Ուզում եմ իմանալ Աշխատանքային օրենսգրքի որ՞ հոդվածով է արգելվում 6 – օրյա աշխատանքային շաբաթը։

Գուրգեն.

Բարև Ձեզ։

ՍՊԸ-ում գրանցված են տնօրենը և մեկ աշխատող, ում աշխատավարձը գործարքային է։ Ամսական ներկայացնում եմ 0-ական հաշվետվություն, արդյո՞ք պետք է վճարեմ որևէ հարկ տնօրենի և աշխատողի համար։

SONA.

Սիրելի գործընկերներ:
Մեր ՍՊԸ-ն աշխատում է 6-օրյա աշխատանքային շաբաթով: Եթե շաբաթ օրն դառնում է աշխատանքային (երբ տեղափոխություն է լինում), ապա 6օրյա աշխատանքային աշխատաժամանակի տեղեկագրում լրի՞վ օր է գրվելու:

Աննա.

Բարև Ձեզ հարգելի կոլեգաներ!
Խնդրում եմ պատասխանեք հետևյալ հարցիս`միջին օրեկան աշխատավարձը ստանալու համար միջին ամսականը պետք է բաժանել 30.4-ի վրա: Ա/Օ-ում տեղի ունեցած փոփոխություններից հետո արդյոք միջին օրեկանը ստանալու համար պետք է բաժանել 25-ի վրա(վեցօրյա աշխատանքի դեպքում):
Նախապես շնորհակալություն!

Ռոզա.

Բարև ձեզ, ասացեք, խնդրում եմ, ֆիզից ֆիզ գնալիս հաշվարկը ինչպե՞ս է կատարվում:

Hasmik.

Խնդրում եմ օգնեք:Եթե աշխատողը ներկայացրել է ազատման դիմում և դուրս է եկել աշխատանքից, համապատասխանաբար ձևակերպելով այն և որը գրանցվել է գրանցամատյանում: Երեք օր անց աշխատողը ետ եկավ աշխատանքի, ուզում եմ իմանալ, կրկին դիմումի հիման վրա նոր հրաման տամ և կնքեմ աշխատանքային պայմանագիր, թե՞ հրամանով չեղյալ համարեմ ազատումը:

Geghecik.

Կարո՞ղ եք պարզաբանել ԱՕ 142 հոդվածի 2-րդ մասը:
Մեր ընկերությունը աշխատում է 6 օրյա աշխատանքային շաբաթով, հիմա դա չի՞ թույլատրվում: Միայն հանրակրթական համակարգի աշխատողների՞ն է թույլատրվում 6-օրյա աշխատանքային շաբաթ:

Նառա.

Բարև Ձեզ, հարգելի կոլեգաներ:
Խնդրում եմ ինձ օգնեք՝ Աշխատողին ազատելուց սոց-ին պե՞տք է ներկայացնեմ հաշվետվություն Ձեւ 9 եւ 10, 5-ը, իսկ ընդունելուց Ձեւ 1 եւ 8-ը:
Եվ արդյոք 5-րդ ձևում նշվում է զբաղվածության կենտրոնի կատարած նշումները, թե ո՞չ:
Կանխավ շնորհակալ եմ:

Ժաննա.

Բարև ձեզ: Ես նոր եմ աշխատում հաշվապահ եվ խնդրում եմ ինձ օգնեք:
Ասացեք խնդրեմ, ինչպե՞ս են հաշվում վարչական աշխատողի արձակուրդը:

Մելինե.

Հարգելի հաշվապահներ խնդրում եմ պատասխանեք, ինչպե՞ս վարվել ամենամյա տրամադրվող արձակուրդի հետ, եթե այն չի ընկնում մեկ ամսվա մեջ։
Ենթադրենք աշխատողը գնացել է արձակուրդ հուլիսի 20-ին և պետք է վերադառնա արձակուրդից օգոստոսի 18-ին, այսինքն հուլիս ամսում 11 օր կլինի արձակուրդում, իսկ օգոստոսին 17 և ենթադրենք ընդհանուր արձակուրդայինը հաշվարկվել է 80000 դրամ։
Ըստ ՊԱՐՏԱԴԻՐ ՍՈՑԻԱԼԱԿԱՆ ԱՊԱՀՈՎՈՒԹՅԱՆ ՎՃԱՐՆԵՐԻ ՀԱՇՎԱՐԿՄԱՆ ԵՎ ՎՃԱՐՄԱՆ ԿԱՐԳԻ ՄԱՍԻՆ Հրահանգի 33-րդ կետի Հուլիսի 11 օրվա արձակուրդայինը կկազմի 31430դրամ (80000/28*11, իսկ օգոստոս ամսվա համար 48570(80000/28*17)։ Սոց վճարները համապատասխանաբար կկազմեն Կարդալ ավելին “Արձակուրդայինի հաշվարկ” →

Արթուր.

Ինչպե՞ս հաշվարկել արտաժամյա և գիշերային աշխատանքը:

Արմինե.

Հավելավճարները հարկվու՞մ են, թե ոչ, և եթե հարկվում են, ապա ի՞նչ հարկերով:

Սյուզի.

Եթե աշխատողը նույն գործատուի մոտ տեղափոխվում է մեկ այլ պաշտոնի արդյոք պետք է փոխվի նրա աշխատանքային պայմանագիրը , եթե ոչ ապա խնդրում եմ պատասխանեք ինչ անել: Նախապես շնորհակալ եմ…..

Satenik.

Խնդրում եմ, պատասխանեք, եթե ես 8 ժամ աշխատում եմ պետական հիմնարկում, կարող եմ ՍՊԸ-ում գրանցվել որպես գլխավոր հաշվապահ, որտեղի՞ց կարող եմ ավելի մանրամասն կարդալ:

Սաթենիկ.

Խնդրում եմ, օգնեք: Եթե աշխատում եմ 2 ընկերությունում համատեղությամբ, գրանցված եմ, և կատարվում են սոց. վճարումները, ինչպե՞ս է հաշվարկվում հղիության թերթիկը: Կարո՞ղ եմ ներկայացնել այն ընկերությունում, որտեղից ավելի շատ աշխատավարձ եմ ստանում:

Գայանե Նահապետյան.

Փոխվել է արդյոք ՀՀ Կառավարության սահմանած երկարացված ամենամյա արձակուրդի իրավունք ունեցող առանձին կատեգորիայի աշխատողների ցանկը: Եթե չի փոխվել, ինչպե՞ս կիրառել գործողը այն դեպքում երբ այնտեղ նշված է օրացուցային օր:

Anna.

Եթե դժվար չէ, խնդրում եմ ասացեք, միայնակ ծնողին նպաստ հասնու՞մ է, թե ոչ, և որքա՞ն է կազմում գումարը:

Մանուշ.

Բարև Ձեզ այս սայթում կարդացի որ ամենամյա արձակուրդ հաշվում են աշխատանքային 20 օր, ես ինքս աշխատում եմ համայնքապետարանում հաշվապահ ու արձակուրդ հաշվում եմ աշխատանքային 28 օր,ասացեք խնդրեմ ես ճիշտեմ հաշվարկում թե ոչ:
Կանխավ շնորհակալություն:

Գայանե.

Դա ճի՞շտ է, որ 2011թ-ին սոց վճարների հաշվարկման կարգը փոխվելու է:

Nano.

Հարգելի էքսպերտ, շատ եմ խնդրում օգնել ինձ հետևյալ հարցում.
Մեր կազմակերպության աշխատակիցներից մեկը մեկ տարի առաջ համատեղությամբ աշխատում էր նաև բուհում, մեր մոտ հիմնական աշխատող համարվելով: Այս ուս. տարվա վերջ, հուլիսին նա ցանկանում է մեր մոտ լինել համատեղությամբ իսկ բուհում հիմնական աշխատող: Բուհի կադրերի բաժնի աշխատակիցը ինձ ասեց որ աշխատանքային գրքույկը փակեմ: Ես ուզում էի համաձայնագիր կցել պայմանագրին փոխադրելով հիմնական աշխատանքից համատեղումով աշխատանքի համաձայն իր դիմումի: Բայց նույն կադրերի աշխատակիցը պարտադրել էր, որպեսզի ես գրքույկի մեջ գրեմ հետևյալը. Կարդալ ավելին “Աշխատանք համատեղությամբ” →

Աստղիկ.

Բարև հարգելի գործընկերներ:
Խնդրում եմ ինձ օգնել, այն շատ շտապ է: Մահացել է աշխատակից: Ու՞մ իրավունք ունեմ տալ նրա աշխատավարձը և վերջնահաշիվը և ինչ փաստաթղթերի առկայության դեպքում : Խնդրում եմ ասեք նաև, թե որ օրենքն է դա կարգավորում: Կանխավ շնորհակալություն: Ակնկալում եմ շտապ պատասխան:

Gayane.

Հարգելի կոլեգաներ, խնդրում եմ պատասխանեք, ամենամյա հերթական արձակուրդի փոփոխման վերաբերյալ ի՞նչ նորություններ գիտեք,որը ուժի մեջ է մտնելու 09.08.10թ-ից:

Marine.

Ո՞ր դեպքերում իրավունք ունեն կատարել հետպահում աշխատավարձից: