Լուծել հաշվապահական խնդիրները
Հովհաննես.
Խնդրում եմ ձեզ, օգնեք լուծելու հետևյալ խնդիրը՝
1. որոշել՝ տրված տնտեսական գործառնությունները հաշվեկշռում ինչպիսի փոփոխություններ են առաջացնում,
2. ձևակերպել տնտեսական գործառնությունները:
Գործառնություների բովանդակությունը՝
1. հաշվարկվել է արտադրական սարքավորումների մաշվածությունը՝ 350 000 դրամ,
2. շենքը կառուցողների համար հաշվարկվել է աշխատավարձ՝ 185 000 դրամ,
3. ձևակերպված է գրասենյակի շենքի նորոգման ծախսումների կապիտալացումը՝ 720 000 դրամ,
4. հիմնական միջոցը ժամանակավորապես հանվել է շահագործումից սկզբնական արժեքով՝ 2 550 000 դրամ,
5. հաշվետու ժամանակաշրջանի վերջում անավարտ շենքի կառուցման ծախսումների փակում՝ 230 000 դրամ:
Նախօրոք շնորհակալություն:
Արդյո՞ք անձը կստանա մայրության նպաստ, եթե բանկում ունի չմարված պարտավորություն
Իրինա.
Բարև ձեզ: Կարո՞ղ եմ իմանալ՝ եթե հղին ունի բանկերի հետ կապված չկատարած պարտավորություններ, բանկն իրավունք ունի՞ ֆիզ. արձակուրդի գումարի վրա կալանք դնի: Նախապես շնորհակալություն:
Կարո՞ղ է գրանցված աշխատողը հաշվառվել որպես ԱՁ
Արփինե.
Բարև ձեզ: Խնդրում ասել՝ եթե գրանցված աշխատող եմ այլ ոլորտում, միաժամանակ զբաղվում եմ երեխաների դասապատրաստմամբ, ապա կարո՞ղ եմ այդ գործունեության համար բացել ԱՁ, և եթե կարող եմ, պե՞տք է լիցենզիա ունենամ դասապատրաստման աշխատանքներ անելու համար:
Էլ. վճարման կարգավորումները էլեկտրոնային հաշվետվությունների համակարգում
Արմեն.
Բարև ձեզ:
Ասացեք, խնդրեմ, file-online - ում «էլ. վճարման կարգավորումներ» դեռ ներմուծված չե՞ն:
Կազմակերպությունը հավատարիմ հաճախորդի տվել է պարտքով ապրանք
Արմեն.
Բարև ձեզ: Կարո՞ղ եք օգնել մի հարցում․ կազմակերպությունը զբաղվում է մեծածախ վաճառքով և ԱԱՀ վճարող է: Եթե, օրինակ, հավատարիմ հաճախորդի տվել է պարտքով ապրանք՝ 9 մլն դրամի, և այդ հաճախորդը գումարը տալու է 1 ամիս հետո, այդ ժամանակահատվածում կազմակերպությունը ի՞նչ գումարի կորուստ է կրում կամ ի՞նչ խնդիրներ կունենա: Խնդրում եմ, եթե ինչ-որ ինֆորմացիա ունենաք, գրեք: Շնորհակալ եմ։
ՍՊԸ-ի համար նախատեսված հաշվապահական հաշվառման վարման քաղաքականություն
Վարդուհի.
Բարև ձեզ: Որ խնդրեմ, կարո՞ղ է ինձ ուղարկեք ներքին կանոնակարգի օրինակ ՍՊԸ-ների՝ varduhi.davtyan.1972 շնիկ mail.ru: Կանխավ շնորհակալություն։ Հարգելի գործընկերներ, ևս մեկ խնդրանք. եթե ունեք ՍՊԸ-ի համար նախատեսված հաշվապահական հաշվառման վարման քաղաքականություն, կուղարկե՞ք իմ mail-ին: Կանխավ շնորհակալ եմ:
Միկրոձեռնարկատիրության մեջ ներգրավված վարձու աշխատողի համար արդյո՞ք հաշվարկվում է ստաժ
Լիլիթ.
Բարև ձեզ, հաշվապահներ ջան: Խնդրում եմ, մի հարցի պատասխանեք. միկրոձեռնարկատիրության շրջանակներում գործելու դեպքում այդ ժամանակահատվածը վարձու աշխատողի համար ստաժ համարվու՞մ է, թե՞ ոչ: Խնդրում եմ, պատասխանի դեպքում ներկայացրեք՝ օրենքի որ հոդվածն է դա:
ՀՕ հոդված 386-ի սահմանափակումների վերաբերյալ
Էմիլիա.
Հարգելի հաշվապահներ, ֆիզիկական անձին պասիվ եկամուտներ վճարելիս, մասնավորապես՝ շահաբաժին և վարձակալական վճար, ՀՕ-ի 386-րդ հոդվածով նախատեսված սահմանափակումները կիրառվու՞մ են:
Կարո՞ղ է երկու գործունեություն իրականացվել միևնույն հասցեում
Էվա.
Բարև ձեզ: Հարցս հետևյալն է. կարո՞ղ է մի տարածքում արհեստավոր աշխատի (ծառայություն է մատուցում) և գրանցվել է որպես Ա/Ձ չհանդիսացող ֆիզ. անձ, և նույն տարածքում վաճառք իրականացնելու համար մեկ այլ անձի գրանցել որպես Ա/Ձ:
Որքա՞ն ժամանակով կարելի է կնքել քաղաքացիաիրավական պայմանագիրը
Անի.
Կարելի՞ է քաղիրավական պայմանագիրը կնքել 1 տարի ժամկետով։
Ինչպե՞ս բացել հաշվապահական ընկերություն
Գրիգոր.
Բարև ձեզ:
Ասացեք, խնդրեմ, ինչպե՞ս բացել հաշվապահական ընկերություն:
Ինչպե՞ս պետք է միկրոձեռնարկատիրության սուբյեկտը ցույց տա իր եկամուտը
Արփինե.
Հարգելիներս, ուսումնասիրելով ՀՀ հարկային օրենսգրքի 380-րդ հոդվածը՝ պարզ դարձավ, որ գյուղատնտեսական կոոպերատիվը կարող է չօգտագործել ՀԴՄ և իր արտադրանքը վաճառել տրանսպորտային միջոցներով, սակայն այդ դեպքում ինչպե՞ս ֆիքսել եկամուտները, եթե ընկերությունը միկրոձեռնարկատիրության սուբյեկտ է:
Ինչպե՞ս հաշվել նյութածախսը
Մերի.
2 հարց ունեմ, խնդրում եմ, պատասխանեք.
1. Ինչպե՞ս ենք հաշվում նյութածախս։
2. Եվ կասե՞ք, խնդրում եմ, ինվոյսով երբ ուզում ենք իմանալ գումարն առանց ԱԱՀ-ի, ընդհանուր գումարը բաժանում ենք 6-ի, իսկ երբ ապրանքը զեղչվում է ինչ-որ %-ով, ապա ապրանքի գինը ինչպե՞ս ենք հաշվում:
Բեռնատար մեքենան վարձակալությամբ տրամադրելու վերաբերյալ
Բարև ձեզ։ Ունեմ բեռնատար։ Կարո՞ղ եմ արդյոք այն հանձնել որպես ԱՁ աշխատող ազգականիս՝ առանց վարձակալության վճարի շահագործման համար։
ԱՁ քաղվածքը քանի՞ օրում է տրամադրվում քաղաքացուն
Վ․Մանուկյան.
ԱՁ քաղվածքը քանի՞ օրում է տրամադրվում քաղաքացուն դիմումի ընդունման օվանից հետո։
Կազմակերպությունը զբաղվելու է ապրանքների ներմուծմամբ
Դավիթ.
Բարև ձեզ: Կարո՞ղ եք օգնել՝ կազմակերպությունը պետք է զբաղվի արտասահմանից ապրանքների ներմուծմամբ, կասե՞ք՝ ինքնարժեքի հաշվարկի համար ի՞նչ տվյալներ են պետք:
Անձը ցանկանում է զբաղվել ժելեի արտադրությամբ
Մերի.
Բարև ձեզ: Տանից վաճառք կատարելու համար ի՞նչ է հարկավոր: Լինելու է ժելե, որը վաճառվելու է էկոլոգիապես մաքուր թղթյա բաժակներով:
10-րդ միջոցառման շահառուն չի կարողանում ստանալ աջակցության գումարը
Ռուզաննա.
Միկրոձեռնարկատիրությամբ զբաղվող անձը չեզոքացման միջոցառման 10-րդ ծրագրի շահառու է, սակայն բանկը չի վճարում, քանի որ ունի Նուռ քարտի պարտք, ու՞մ կարող եմ դիմել, խնդրում եմ, պատասխանեք:
Մատակարարի բանկային հաշվին գումար է փոխանցվել
Արայիկ.
Բարև ձեզ, հարգելի կոլեգաներ: Կազմակերպության առհաշիվ անձը բանկով գումար է փոխանցել (ոչ կազմակերպության բանկային հաշվից) մատակարարի բանկային հաշվին: Արդյո՞ք դա դիտվում է կանխիկ: Եվ հաջորդ հարցս. եթե առհաշիվ հաշվետվություն չկազմվի ի՞նչ տուգանքներ կարող են առաջանալ:
Ու՞մ կողմից է տրամադրվում հարկ վճարողի հաշվառման համարը
Լևոն Գաբրիելյան.
Հարկ վճարողի հաշվառման համարը որտեղի՞ց կարող ենք վերցնել:
Ֆիզ․ արձակուրդի 3-րդ տարվա երկարացման պայմաններ
Աշխատողի ֆիզ․ արձակուրդի 2 տարին լրացել է, սակայն նա ցանկանում է օգտվել նաև 3-րդ տարվա չվճարվող արձակուրդից։ Ի՞նչ է պետք անի գործատուն արձակուրդի երկարացման համար։ Կա՞ որևէ դիմում- հայտ, որ պետք է ներկայացնել պետական մարմիններ։ Արդյո՞ք աշխատողը ևս պետք է արձակուրդի երկարացման դիմում-հայտ ներկայացնի գործատուին։
Արդյո՞ք անհրաժեշտ է լիցենզիա
Վարդան Կոստանյան.
Բարև ձեզ:
Խնդրում եմ պատասխանել և հիմնավորել՝ այս գործունեության տեսակների համար լիցենզիա հարկավո՞ր է, թե՞ ոչ.
1․ մոնտաժային աշխատանքների վերահսկում,
2․ օդափոխության համակարգերի մոնտաժման աշխատանքների վերահսկում,
3․ օդափոխության համակարգերի մոնտաժման աշխատանքներ,
4․ օդափոխության համակարգերի (օդատարների) վերանորոգման աշխանքներ:
Երեխայի խնամքի կենտրոն բացելու համար
Անժելա.
Սիրելի հաշվապահներ, հարցս հետևյալն է. եթե բացում ենք երեխայի խնամքի կենտրոն, որը սնունդ է ներառում, այդ դեպքում ինչպե՞ս ենք անելու հաշվառումը։
Պետական աջակցության ո՞ր ծրագրի շահառու է հանդիսանում ԱՁ-ն
Լուսինե.
Բարև ձեզ: Ես 2018 թվականից ԱՁ ունեմ, որը զբաղվում է թխվածքի արտադրանքով: 2019թ.-ին եղել եմ ընտանեկան ձեռնարկություն և աշխատել եմ հին ՀԴՄ սարքով և նորի համար մեկ տարուց ավել է դիմում եմ ներկայացրել: Իմ ԱՁ-ն հանդիսանու՞մ է արդյոք հանրային սննդի օբյեկտ, և պետական աջակցության ծրագրերից 8-րդ, թե՞ 10-րդն է ինձ վերաբերում:
Որպես ԱՁ առցանց գրանցվելու համար
Քնարիկ․
Բարև Ձեզ։ Ուզում եմ ԱՁ բացել, հնարավո՞ր է օնլայն։
Ինչպե՞ս փոխել տնտեսական դասիչը
Տիգրան.
Բարև ձեզ:
Ինչպե՞ս կարող եմ փոխել գործունեության դասիչը պետ. ռեգիստրում:
Որքա՞ն կկազմի ԱՁ մայրության նպաստը
Արփինե.
Բարև ձեզ։ Ես ԱՁ ունեմ 2018թ. դեկտեմբերից, աշխատում եմ շրջ. հարկով՝ 5 %, մատուցում եմ վերելակի վերանորոգման աշխատանք և դրա դիմաց վարձատրվում ամսական 200 000 դրամ ստաբիլ։ 2019թ.-ի շրջանառությունը կազմել է մոտ 5 800 000
դրամ, 2020թ. հունվարի 1-ից մինչ այսօր՝ 3 000 000 դրամ: 1 ամսից գնում եմ ֆիզ. արձակուրդ։ Ինչպե՞ս է հաշվարկվում ֆիզ.-իս գումարը, ինչքա՞ն գումար կստանամ ֆիզ. գնալիս:
Ի՞նչ փաստաթղթեր են հարկավոր դրսում քաղցր բամբակ վաճառելու համար
Բարև ձեզ։ Ի՞նչ փաստաթղթեր են հարկավոր դրսում քաղցր բամբակ վաճառելու համար, ինչպիսի՞ հարկեր են գործում, և հարկավո՞ր է արդյոք ՀԴՄ։
ԱՁ-ն մարքեթինգային ծառայություններ է մատուցելու արտասահմանյան կազմակերպությանը
Շուշանիկ.
Բարև ձեզ: Ես բացել եմ ԱՁ Բելգիական կազմակերպության համար մարքեթինգային ծառայություններ մատուցելու համար։ Ունեմ ԱՁ բանկային հաշիվ և հայտարարություն եմ ներկայացրել շրջ. հարկի մասին։ Կարո՞ղ եք ասել՝ ի՞նչ պետք է անեմ հաջորդիվ:
Անձը ցանկանում է բացել կարի արտադրամաս
Շուշան Զաքյան.
Բարև ձեզ: Ես դերձակ եմ և ցանկանում եմ բացել կարի արտադրամաս (3 կարի մեքենա): Կցանկանայի իմանալ Ա/Ձ-ի և Միկրոբիզնեսի տարբերությունը:
Ա/Ձ-ն զբաղվելու է ալկոգելի արտադրությամբ
Լենա.
Բարև ձեզ: Ա/Ձ է բացվում և ուզում է աշխատել ալկոգելի արտադրությամբ, կհուշե՞ք՝ ինչ դասակարգչով սկսի աշխատել:
ԱՁ-ն ցանկանում է փոխել գործունեության ոլորտը
Արթուր.
Բարև ձեզ:
Ես ունեմ բացած ԱՁ, զբաղվում եմ արտադրությամբ։ Տվյալ պահին ցանկանում եմ փոխել ոլորտը և սկսել զբաղվել առևտրով։ Պե՞տք է արդյոք ինչ-որ տեղ մոտենամ և ինչ-որ բան փոխեմ, թե՞ դա դեր չի խաղում, և նույն ԱՁ-ի անունից կարող եմ զբաղվել ցանկացած գործունեությամբ։
Շնորհակալություն:
Էլեկտրոնային եղանակով դիմումի ներկայացում
Տաթև.
Բարև ձեզ: Կարո՞ղ եք ինձ օգնել էլեկտրոնային եղանակով դիմում ներկայացնել որպես ինքնազբաղ գործունեություն իրականացնող անձ: Գործունեության ոլորտն է կոշիկի և կաշվե գալանտերեայի և համանման այլ արտադրատեսակների արտադրություն (կոշիկի վերանորոգում):
ԱՁ լուծարում արտերկրից
Արծրուն․
Բարև ձեզ։ Ինչպե՞ս լուծարեմ ԱՁ-ն, եթե այս պահին գտնվում եմ ՌԴ-ում։ Շնորհակալություն։
Կազմակերպությունը ներմուծում է կատարել ԵՏՄ-ից
Արտո․
Բարև ձեզ։ 2019թ. ապրիլին ԵՏՄ-ից ներմուծում եմ կատարել, հաշվետվությունը ներկայացրել ենք մայիսին, հետագայում պարզվել է, որ փոխարժեքի հետ կապված անճշտություն կա, և հաշվետվությունը ուղղելու կարիք ունի: Ճշգրտված տարբերակը ՊԵԿ-ը նոյեմբերին ընդունել է: Գործընկերը ասում է՝ Ձեր ներկայացրած հաշվետվությունը մենք չենք ստացել: Փաստաթղթերի կրկնօրինակներն ուղարկել եմ, բայց անօգուտ, հերքում են և հավելում, որ տուգանք են վճարել իմ պատճառով։ Ի՞նչ խորհուրդ կտաք, որո՞նք են իմ հետագա քայլերը։
Ի՞նչ պայմանագիր պետք է կնքել
Սյուզաննա.
Բարև ձեզ: Մի հարց ունեմ. եթե ցանկանում եմ գումար ներդնել գործընկերոջ գործի մեջ, որի դիմաց ամեն օր գումար կստանամ, ի՞նչ պայմանագիր պետք է կնքել: Պարզապես չգիտեմ՝ ում դիմել: Նախապես շնորհակալություն:
Որտե՞ղ ստանալ լիցենզիա շոկոլադի արտադրության և վաճառքի համար
Նարինե․
Բարև ձեզ: Որպես անհատ ձեռներեց (շոկոլադի արտադրանք և վաճառք) կցանկանայի իմանալ՝ լիցենզիա որտե՞ղ կարող եմ ստանալ և ի՞նչ գումար պետք է վճարեմ։ Շնորհակալություն։
Ինչպե՞ս կարող է անհատ ձեռնարկատերը առցանց տեղեկատվություն ստանալ իր հարկային պարտավորությունների մասին
Տիգրան.
Բարև ձեզ: Կասեի՞ք՝ petekamutner.am կամ ուրիշ ի՞նչ կայքով անհատ ձեռնարկատերը կարող է իր հարկային պարտավորությունների կամ հարկային մարմնին պարտքերի տույժ-տուգանքների մասին տեղեկատվություն ստանալ:
Կարո՞ղ է անձը լիցենզիա ստանալ
Աննա.
Բարև ձեզ: Ես նոր եմ ավարտել բժշկական քոլեջը, դեղագործ եմ, ցանկանում եմ իմանալ՝ արդյո՞ք նոր ավարտած դեղագործը կարող է լիցենզիա ձեռք բերել: Կանխավ շնորհակալ եմ:
Ի՞նչ փաստաթղթեր են հարկավոր մաքսազերծման համար
Ավագ․
Բարև ձեզ։ Ցանկանում եմ ըմպելիք ներմուծել Հայաստան ՌԴ-ից։ Ի՞նչ փաստաթղթեր են հարկավոր մաքսազերծման համար: Շնորհակալություն։
ԱՁ-ն ցանկանում է զբաղվել խմորի արտադրությամբ
Ալիսա.
Բարև ձեզ: Կասե՞ք՝ եթե ԱՁ-ն ուզում է շերտավոր խմոր պատրաստել և վաճառել, ի՞նչ պայմաններ են անհրաժեշտ:
Թխվածքաբլիթի արտադրության համար
Սամվել.
Բարև ձեզ: Խնդրում եմ, օգնեք ինձ մի երկու հարցում. առաջինը՝ Ա/Ձ գրանցելու համար անշարժ գույքի հասցե նշվու՞մ է, թե՞ պարտադիր չէ, այսինքն՝ գործունեության վայրի հասցե: Եվ երկրորդ հարցը՝ թխվածքաբլիթի արտադրության համար ուրիշ ի՞նչ պարտադիր գործողություններ կան մինչև սկսելը։
Արտակարգ դրության պատճառով հնարավոր չէ ձեռք բերել նյութ
Լուսինե.
Եթե քաղ. իրավականով թիթեղագործ եմ վարձել, և նյութն էլ իր կողմից է բերված, այդ դեպքում պայմանագրի մեջ պե՞տք է նշվի և՛ աշխատավարձ, և՛ նյութ, քանի որ փակ են խանութները, հաշիվ-ապրանքագրով հնարավոր չէ այս պահին ձեռք բերել:
Ի՞նչ փաստաթղթեր են անհրաժեշտ
Էդգար.
Բարև ձեզ: Ուզում եմ ձուկ մատակարարել խանութներին, ինձ կասե՞ք՝ ինչ փաստաթղթեր են անհրաժեշտ: Նախապես շնորհակալություն:
Դեղատուն բացելու համար
Աննա.
Խնդրում եմ, կասե՞ք ինձ՝ հնարավո՞ր է բժիշկ-ատամնաբույժի դիպլոմով դեղատուն բացել:
Հասարակական կազմակերպությունը ցանկանում է հումանիտար օգնություն տրամադրել
Գևորգ.
Հասարակական կազմակերպությունը ցանկանում է հումանիտար օգնություն տրամադրել։ Ի՞նչ փաստաթղթեր պետք է կազմվի կազմակերպության կողմից, և հաշվապահությունը ի՞նչ պետք է հաշվի առնի օգնությունը տրամադրելիս։ Շնորհակալություն։
Արդյո՞ք անձը կստանա մայրության նպաստ
Կարեն․
Բարև ձեզ։ Երեխան ծնվելու է հունիսի վերջին: Մայրը չի աշխատում որևէ տեղ և գյուղական համայնքի բնակիչ է: Հուլիսի 1-ից հետո կստանա՞ արդյոք մինչև երկու տարեկանի խնամքի նպաստ կամ ծնվելուց 4 ամիս հետո կարո՞ղ է ընդունվել աշխատանքի որևէ տեղ և այդ դեպքում ստանա նպաստը: Շնորհակալություն։
Ինչպե՞ս պետք է լուծարել ԱՁ-ն
Սոֆյա.
Բարև ձեզ։ Ամուսինս 8 տարի առաջ ԱՁ է բացել սննդի կետ աշխատացնելու համար, սակայն այդպես էլ գործունեություն չի ծավալել: Հիմա ինչպե՞ս պետք է լուծարել այդ ԱՁ-ն։
Համակարգիչների ծրագրային սպասարկման կետ բացելու համար
Մկրտիչ․
Բարև ձեզ: Ես ցանկանում եմ համակարգիչների ծրագրային սպասարկման կետ բացել և հիմա չգիտեմ՝ ի՞նչ հարկեր եմ մուծելու ամսական և թե տարեկան, և արդյո՞ք ՀԴՄ սարք պարտադիր է, թե՞ ոչ, կխնդրեի ինձ մանրամասն գրեիք: Շնորհակալություն։
Ինչպե՞ս վճարել տուգանքը
Աննա․
ՊԵԿ-ը ՀԴՄ-ի տուգանք է գրել, 150 000 և + 15 000, ինչպե՞ս է տեղի ունենում վճարումը, և կասե՞ք՝ ինչ հաշվեհամարներին։
Վերջին մեկնաբանություններ