Վահե. Բարեւ ձեզ։ Ես ցանկանում եմ փոքրիկ հեռախոսների աքսեսուարների խանութ բացել (տղայիս համար 17տ.) ու ունեմ մի քանի հարցեր: 1) Նախ և առաջ կցանկանամ իմանալ նման բիզնեսի համար ի՞նչ հարկեր ենք պարտավոր վճարել: Նշեմ, որ բացելու ենք ԱՁ և տղայիս գրանցելու ենք որպես աշխատող (վաճառող): 2) Վաճառքի ապրանքի կեսը ձեռք ենք բերելու Երեւանի խանութներից, հիմնական մասն էլ aliexpress-ից: Որ մտնեն խանութ հարկայինից հնարավո՞ր է ինձնից պահանջեն թե ապրանքն որտեղի՞ց եմ ձեռք բերել եւ խնդիր լինի (որովհետեւ Ալիէքսպրեսսից որպես ֆիզ. անձ ենք պատվիրելու եւ չի ներմուծվելու օրինական կերպով): 3) Տղայիս, որ գրանցեմ աշխատող ի՞նչ վճարումներ պետք է անեմ ու հնարավո՞ր է որ առանց գրանցելու ինքն աշխատի, խնդիր չի՞ լինի: Նշեմ, որ իմ անունով արդեն ԱՁ կա, որը վարսավիրական ծառայություններ է մատուցում, կարա՞մ էս դեպքում աշխատող չգրանցեմ, եթե իմ ԱՁ-ում էլ ինքս եմ աշխատում կամ ընդհանրապես կարա՞մ ԱՁ բացեմ, թե՞ այլ անձի խնդրեմ իր անունով բացեն: Մեկ էլ նշեմ, որ տարեկան շրջանառությունը լինելու ա 800 000 դրամից քիչ: Նախապես շնորհակալ եմ:

Քրիստինե. Բարև ձեզ: Գլխավոր հաշվապահի հետ պարտադիր պայմա՞ն է նյութական պատասխանատվության պայմանագիր կապելը:

Ռուբ. Կազմակերպությունը զբաղվում է շինարարությամբ։ Որոշակի ապրանքների գործունեության կազմակերպման համար իրեր են գնվել ֆիզիկական անձից։ Կարո՞ղ եմ կազմել երկկողմանի գնման ակտ։ Եթե այո, ապա ֆիզ. անձին տրված այդ եկամուտի համար միայն պետք է տարվա վերջում ուղարկե՞մ։ Շնորհակալություն:

Վահան․ Բարև Ձեզ։ Հարցս վերաբերում է կազմակերպությունների փոխկապակցվածությանը, մասնավորապես ՀՕ հոդված 30-ի 1-ին մասին 2-րդ կետին․ 2) ռեզիդենտ առևտրային կազմակերպության կանոնադրական (բաժնեհավաք) կապիտալի 20 տոկոս և ավելի փայաբաժինը (բաժնետոմսը, բաժնեմասը) պատկանում է անհատ ձեռնարկատեր չհանդիսացող այն ֆիզիկական անձին, որին միաժամանակ պատկանում է այլ ռեզիդենտ առևտրային կազմակերպության կանոնադրական (բաժնեհավաք) կապիտալի 20 տոկոս և ավելի փայաբաժինը (բաժնետոմսը, բաժնեմասը): Գիտենք, որ, որպես բացառություն, եթե կազմակերպություններից մեկը գործունեության դադարեցման դիմում է տվել, ապա մյուս կազմակերպությունը կարող է համարվել շրջանառության հարկ վճարող։ Հարցս հետևյալն է․ եթե B կազմակերպությունը դադարեցում է տվել 2021թ․ հունվարի 25-ին, և վերսկսել է գործունեությունը մարտի 30-ին, ապա այս դեպքում A կազմակերպությունը կարո՞ղ է ԱԱՀ վճարող համարվել միայն 01.01.2021-24.01.2021 և 30.03.21-31.12.21 ժամանակահատվածներում, իսկ 25.01.21-29.03.21 ժամանակահատվածում համարվել շրջանառության հարկ վճարող։ Նախապես շնորհակալություն։

Քնարի. Բարև Ձեզ: Որ խնդրեմ, ինձ կասե՞ք` Ա/Ձ և ՍՊԸ-ի տարբերությունը հարկերի մասով, տարեկան եկամտից ի՞նչ հարկեր են վճարվում, եթե կազմակերպությունը աշխատում է որպես միկրոձեռնարկատիրության սուբյեկտ:

Նարեկ. Բարև Ձեզ: ԱԱՀ-ի 62 հոդվածի 6 կետի բ ենթակետում ասվում է, որ ապրանքի մատակարարման կամ աշխատանքի կատարման կամ ծառայության մատուցման այն գործարքների, որոնք իրականացվում են հարկ վճարողի կողմից նախապես ընդունված գրավոր ակտում նշված կամ նախապես ընդունված այլ իրավական ակտում նշված առևտրային զեղչի չափով պակաս արժեքով, և այդ առևտրային զեղչը սույն ենթակետում նշված ակտերով սահմանված ժամանակահատվածում արտացոլվում է հարկ վճարողի կողմից դուրս գրվող հաշվարկային փաստաթղթերում: Մեզ մոտ չի գործում զեղչեր, որ նախօրոք կազմվի իրավական ակտ, բայց կան հաճախորդների խումբ, որոնք ունեն զեղչի քարտ 10-30% և ցանկացած պահի կարող են գնել ցանկացած ապրանք քարտի զեղչով, խնդրում եմ ասեք՝ ինչպե՞ս վարվել տվյալ դեպքում:

Անահիտ. Բարև ձեզ, հարգելի հաշվապահներ: Եթե ընկերությունը ԵՏՄ անդամ պետությունից ներմուծում է արել, սակայն ֆիզ. անձից և ՀՎՀՀ չունի, ներմուծման հայտարարությունը տալիս ինչպե՞ս պետք է լրացնեմ վաճառողի ՀՎՀՀ-ի դաշտը։ Կանխավ շնորհակալ եմ։

Դիանա. Բարև ձեզ: Ես շրջ. հարկով հարկվող ԱՁ եմ, մատուցում եմ մասնագիտական, գիտական ծառայություններ օտարերկրյա կազմակերպությանը։ Լրացնում եմ հաշիվ վավերագիր, աշխատաքների հանձնաման-ընդունման ակտի ստորագրման հետ միաժամանակ։ Միջազգային կազմակերպությունից ստացել եմ վճարում աշխատանքների դիմաց՝ արտարժույթով ԱՁ հաշվին։ Հարցս 2 մաս ունի. 1) Անհրաժե՞շտ է ունենալ արտարժույթային դրամարկղ կանխիկացման համար: 2) Եթե ոչ, կա՞ն այլ հաշվապահական փաստաթղթեր, որոնք պետք է ստեղծել փոխանցումները կանխիկացնելիս։ Շնորհակալություն:

Արուս. ՍՊԸ-ն, որը աշխատում է շինարարության ոլորտում, միկրոձեռնարկատիրության դաշտում, միասնական հաշվին գումար է ստացել։ Ինչպե՞ս կարող եմ հասկանալ, թե ի՞նչ գործարքից է առաջացել այդ գումարը (քանի որ երբեք ԱԱՀ դաշտում չի աշխատել) և 261 ձևի ո՞ր տողը պետք է լրացնեմ։

Դիանա. Բարև Ձեզ: Նշել, խնդրում եմ, ովքե՞ր են հանձնում հսկիչ դրամարկղային մեքենայով իրացման շրջանառության մասին տեղեկատվությունը: Դեռ թույլատրվու՞մ է հին մեքենաների կիրառումը: Կանխավ շնորհակալ եմ:

Անի. Բարև Ձեզ: Մի հարց ունեմ, եթե տվել ենք Ազդարարին տրվող հայտարարությունը, ստորագրված և ուղարկված է, սակայն մեր տրված հայտարարության ձևը հինն է եղել, և հիմա վարչական է եկել, ի՞նչ կարող ենք անել: Նախապես շնորհակալություն:

Անի. Բարև ձեզ: Պենզաբլոկի (пеноблок) արտադրություն ենք ուզում սկսել մեր բակում: Կասե՞ք՝ ի՞նչ հարկով ենք հարկվելու, քանի՞ տոկոս հարկ պետք է վճարենք, ՀԴՄ սարք պե՞տք է, թե՞ ոչ: Փոքրիկ ձեռնարկություն է լինելու Արմավիրի մարզի գյուղերից մեկում, առայժմ առանց աշխատողների: Պատրաստ եմ ԱՁ բացել: Կանխավ շնորհակալություն:

Լիլիթ. Բարև ձեզ: Միկրոձեռնարկատիրության սուբյեկտ չեն կարող համարվել... ինչպես նաև անձնական օգտագործման ավտոմեքենաների առևտրական (առք ու վաճառքի) գործունեությամբ կամ էլեկտրոնային առևտրի շրջանակներում առևտրական (առք ու վաճառքի) գործունեությամբ զբաղվող կազմակերպություններն ու անհատ ձեռնարկատերերը: Էլեկտրոնային առևտուրը վերաբերու՞մ է ավտոմեքենաներին, թե՞ առհասարակ առևտրին:

Արուսիկ. Բարև Ձեզ, հարգելի հաշվապահներ: ՍՊԸ-ն ունի ՏՏ ոլորտի հավաստագիր և ծառայություններ է մատուցում կայքի միջոցով ոչ ռեզիդենտ քաղաքացիներին ու կազմակերպություններին։ Կայքը տալիս է ինվոյս կատարված ծառայության համար, որտեղ նշվում է միայն կազմակերպության անվանումը։ Արդյո՞ք այդ ինվոյսի հիման վրա պետք է դուրս գրել հաշիվ վավերագիր և այդ ինվոյսը կցել փաստաթղթերին։ Շնորհակալություն։

Մանյա. Բարև ձեզ: Կասե՞ք՝ փարոսը ազդու՞մ է մինչև 2 տարեկան երեխայի խնամքի նպաստի գումարի վրա: Չեմ աշխատում, բայց գյուղի գրանցում ունեմ:

Գոհար. Բարև Ձեզ, հաշվապահներ։ Խնդրում եմ օգնեք՝ ԱՁ-ից ԱՁ-ն ստացել Է Բ սերիայի հաշիվ՝ ապրիլ ամսից սկսած, սակայն ստացողը չունի հաշվեհամար և չի ստորագրել ոչ մի հաշիվ: Ի՞նչ քայլեր պետք է անել, որ խնդիրներ չառաջանա և կարողանամ նվազեցում կատարել: ԱՁ-ն գործում է շրջհարկով և բանջարեղենի խանութ է:

Արմինե. Բարև ձեզ: Մանկապարտեզի երեխաների վարձավճարները մինչ այս տարի հավաքում էին խմբերի դաստիարակները, վերջում ամսվա մեջ 2-3 անգամ դրամարկղային գրքում մուտք, ելք էր արվում տնօրենի ստորագրությամբ և վճարվում համայնքապետարանին։ Այս տարի մեզ ասացին, որ պետք է յուրաքանչյուր ծնողից անհատական վերցնել և դրամարկղային գրքում՝ մուտքի օրդերով ներկայացնել։ Մանկապարտեզն ունի 120 սան, կարծում եմ՝ այդ թվով վճարների դեպքում հնարավոր չէ խուսափել սխալներից, շփոթմունքներից և վերջապես դրանցից առաջացող տուգանքներից։ Ասացեք, խնդրում եմ, կարո՞ղ ենք առաջվա նման տնօրենի/դաստիարակի մոտ հավաքել, և տնօրենը փոխանցի հաշվապահին՝ ամսվա մեջ մի քանի անգամով մուտքի օրդերով գրանցել: Արդյո՞ք խախտում կլինի, ինչպե՞ս վարվել: Հ.Գ. գանձապահ չունենք, միայն հաշվապահ է։

Ռուբ. Բարև ձեզ, հարգելի հաշվապահներ։ ՍՊԸ-ն հիմնադրվել է 2020 թվականին և գործել միկրոյի դաշտում: 2020 թվականի ընթացքում գործել է և ներկայումս էլ շարունակում է գործել, բայց մինչ այժմ հիմնադիր տնօրենը taxservice-ում գրանցված չի եղել որպես տնօրեն, եթե հիմա կատարեմ տնօրենի գրանցում, ինչպիսի՞ խնդիրների առաջ կկանգնեմ:

Էմմա. Որո՞նք են ՍՊԸ-ների հաշվապահության հետ կապված առանձնահատկությունները:

Ինչպե՞ս է իրականացվում ՀԴՄ-ի ձեռքբերումը։ Շնորհակալ եմ։

Արմինե. Բարև ձեզ: Խնդրում եմ հուշել՝ Ա/Ձ որտե՞ղ կարող է կնիք հանել, ի՞նչ փաստաթղթեր են անհրաժեշտ, ինչպես նաև սերտիֆիկատ: Կոսմետոլոգիական կենտրոն է լինելու: Շնորհակալ եմ նախապես:

Էլինա. Հաշվապահներ ջան, խնդրում եմ օգնել՝ կրկնակի հարկումը Իռլանդիայի հետ բացառող համաձայնագրի հետ։ Նշեք, ո՞ր հոդվածներն են վերաբերվում ոչ ռեզիդենտի շահութահարկին։ Կանխավ շնորհակալ եմ:

Բարև Ձեզ: Կարող եք ասել՝ ինչո՞վ են տարբերվում միմյանցից Ֆինանսների նախարարության կողմից որակավորված հաշվապահները, Հաշվապահների պալատի կողմից որակավորված հաշվապահներից:

Սարո Առաքելյան. Բարև ձեզ: Եթե աշխատանքային գրքույկի ստաժի մասին տվյալը արխիվում բացակայում է, ի՞նչ ընթացակարգ է գործելու:

Արփինե. Բարև Ձեզ: Ֆիզ. ԱՁ-ն ցանկանում է զբաղվել կիսաֆաբրիկատների պատրաստմամբ և վաճառքով։ Պատրաստման գործընթացը իրականացվելու է ազատ (ապահովված բոլոր հարմարություններով) բնակարանում: Ինչ՞ գործընթաց և թույլտվություններ են պետք սննդի անվտանգության տեսչությունից և սանէպիդկայանից, և արդյո՞ք կարող է որպես արտադրություն համարվել միկրոձեռնարկատեր, թե՞ համարվում է հանրային սնունդ և շրջհարկի դաշտում պետք է աշխատել: Նախապես շնորհակալ եմ։

Գոհար. Հարգելի հաշվապահներ, խնդրում եմ ասեք՝ TAX SERVISE համակարգի ո՞ր բաժնում կարող եմ դիտել ՀԴՄ-ով վաճառքները:

Անյա. Բարև ձեզ: Այսպիսի հարց ունեմ. ԱՕ 153-րդ հոդվածի համաձայն՝ աշխատողներին տրամադրվում է հատուկ ընդմիջում, եթե աշխատանքը կատարվում է +40°C բարձր կամ -10°C ցածր օդի ջերմաստիճանային պայմաններում։ Բայց օրենսգիրքը չի հստակեցնում պայմանները, որոնք պետք է տրամադրի գործատուն։ Լրացուցիչ ընդմիջման դեպքում նշվում է, օրինակ, մինչև 18 տարեկան աշխատողներին տրամադրվում է նվազագույնը 30 րոպե տևողությամբ լրացուցիչ ընդմիջում։ Բայց հատուկ ընդմիջման դեպքում կոնկրետ օրինակ չկա։

Մեսրոպ. Բարև Ձեզ: Սխալմամբ ուղարկել եմ միկրոձեռնարկատիրության սուբյեկտ համարվելու վերաբերյալ հայտարարություն: Ինչպե՞ս կարող եմ դա չեղյալ համարել և դիմել շրջհարկի համար, մեկ օր է ինչ ուղարկել եմ:

ՎԱՐՍԻԿ. ԱՁ-ն համաձայն ՀԴՄ կիրառման մասին օրենքի տուգանվել է 150 000 դրամով: Հարցս հետևյալն է, որքա՞ն ժամկետ է տրված հիմա տուգանքը մարելու համար, և վճարումն արվում է միասնական հաշվին, թե՞ մեկ ուրիշ հաշվեհամարի:

Նելլի Գալոյան. Բարև Ձեզ: Ինչպե՞ս կարող եմ իմանալ քսերոքս անելու ԱՏԳ կոդը:

Անի. Բարև ձեզ: Եթե աշխատողի հաշվին հարկադիրի կալանք կա, և նա ազատվում է աշխատանքից, այդ դեպքում նա տեղեկանք տանելու՞ է աշխատանքից ազատման մասին, թե՞ ոչ, և եթե այո, ապա ի՞նչ բովանդակությամբ:

Անհրաժե՞շտ է ՍՊԸ հիմադիր-տնօրենին taxservice-ով գրանցման հայտ ուղարկել, թե՞ դա պարտադիր չէ, առանց դրա էլ հնարավոր կլինի իրականացնել գործունեություն:

Նաիրա. Բարև Ձեզ: Խնդրում եմ հուշեք, եթե աշխատողի անվան մեջ փոփոխություն է կատարվել, ինչպե՞ս պետք է ձևակերպել իրավական ակտը՝ հրամանը:

Աննա. Աշխատակցի ամբողջական արձակուրդի դիմումը տնօրենի կողմից հաստատվու՞մ է այսպիսի հրամանով:

Մարիամ. Բարև Ձեզ: Խնդրում եմ պատասխանել հետևյալ հարցին. ՍՊԸ-ի հիմնադիրը կարո՞ղ է նույն ՍՊԸ-ում գրանցվել որպես աշխատող: Նախապես շնորհակալություն:

Մարիամ. Կխնդրեի օգնել լուծել խնդիրները։ 1. Մասնագիտացման արդյունքում ձեռնարկության մեկ միավոր արտադրանքի վրա կատարված ծախսերը 110 ռուբլուց դարձել է 90 ռուբլի, իսկ տրանսպորտաինը՝ 5-ից դարձել է 6 ռուբլի։ Միջոցառումների իրականացման վրա ծախսվել է 90 հազար ռուբլի։ Որոշել տարեկան տնտեսման չափը, եթե իրացվել է 60 հազ. արտադրանք։ 2. Հաշվարկել ձեռնարկության ամորտիզացիոն հատկացումների տարեկան գումարը, եթե ձեռնարկությունը ձեռք է բերել 36 մլն դրամ արժողությամբ հիմնական արտադրական ֆոնդ, 6 տարի ծառայողական ժամկետով։ Հաշվարկել տարիների թիվը՝ գծային եղանակով։ Կանխավ շնորհակալ եմ:

Մեգի. Ինչպե՞ս պահեստ ենթահամակարգում ստեղծել կոմպլեկտներ:

Լալա. Բարև Ձեզ, հարգելի հաշվապահներ: Ուզում եմ խնդրել ՀՀ հաշվապահական ասոցիացիայի կողմից անցկացվող որակավորման քննությունների նյութեր, եթե ունեք և կարող եք տրամադրել։ Կանխավ շնորհակալ եմ։

Աստղիկ. Բարև Ձեզ: Խնդրում եմ հուշեք՝ ինչպե՞ս են հարկվում ստեղծագործութան հեղինակները արվեստի գործ ստեղծելու պատվերի համար: Օրինակ՝ նկարը կամ քանդակը ստեղծող արվեստագետի ստացած եկամուտը հարկման ենթակա է, թե՞ ոչ:

Էդվարդ. Ո՞վ կարա օգնի: Ինչպե՞ս իրականացնել ֆիզ․ անձով 1 ապրանքի մաքսային ձևակերպումը առանց բրոքերի:

Տիգրան. Բարև ձեզ: Գործունեությունը պետք է զբաղվի ատամի մածուկների արտադրությամբ: Խնդրում եմ օգնեք՝ գրանցման հարցում, հարկային և, եթե պարտադիր է՝ լիցենզավորման հետ կապված ։

ՀԱՐՈՒԹ. Խնդրում եմ Ձեզ տալ օրենքի հղումը, որտեղ արտացոլվում է այն կետը, երբ զինծառայողի ստաժի որոշակի մասը փոխանցվում է ամուսնուն: Կանխավ շնորհակալություն:

Լիանա. Բարև Ձեզ: Խնդրում եմ պատասխանել հետևյալ հարցին: Աշխ. Օ-ի 111 հոդվածում ասվում է, որ որոշակի ժամկետով կնքված պայմանագիրը լուծելիս կողմերից մեկը պետք է ծանուցի մյուսին առնվազն տասն օր առաջ: Պայմանագրի գործողության ժամկետը լրացել է և կողմերից ոչ մեկ մյուսին չի ծանուցել: Այս դեպքում ինչպե՞ս է լուծվում պայմանագիրը: Շնորհակալություն!

Աննա. Բարև Ձեզ: Կա՞ն հաշվապահներ, ովքեր անհատական հաշվապահական դասընթացներ են անցկացնում:

Անի. Որտե՞ղ կարող եմ գտնել չվճարվող փորձաշրջան անցնելու պայմանագրի ձև: Նաև ի՞նչ օրենքի հիման վրա մանկական զարգացման կենտրոնը կարող է սոց. ցանցերում հրապարակել երեխաների նկարներ եւ հոլովակներ:

Անի. Կամավորական հիմքով կնքվող աշխատանքային պայմանագրի ձև չեմ կարող գտնել: Կա՞:

Աննա. Կազմակերպությունը ԵՏՄ-ից ներմուծել է ալյուր, վերմիշել: Արդյո՞ք այդ ապրանքները ենթական են դրոշմապիտակներով դրոշմավորման: