Սամվել.

Բարև ձեզ: Սիրելի հայրենակիցներ, կնվիրեմ ՍՊԸ: Ցանկացողները արձագանքեն` հեռ. +37491913525:

Կարինե.

Բարև ձեզ: E-invoicing կայքից չեմ կարողանում ներբեռնել ծրագիրը: Բեռնել կոճակը սեղմելուց հետո ոչ մի գործողություն չի կատարվում:

Գագիկ.

Բարև ձեզ: Գործատուն կորցրել է իմ աշխատանքային գրքույկը, ևկա նաև թվային տարբերակը: Ունեմ մոտ 30 տարվա ստաժ: Ո՞նց կարող եմ ես կամ գործատուն վերականգնել այդ:

Արմեն․

Բարև Ձեզ։ Միասնական հաշվից գումարի վերադարձ է եղել ընկերության հաշվին։ Հաշվապահորեն ինչպե՞ս ձևակերպեմ։

Անի․

ԱՁ-ն իրականացնում է դպրոցահասակ երեխաների դասապատրաստում, լեզուների ուսուցում, լոգոպեդի ծառայություններ։ Լիցենզավորման մասին օրենքում գրված է, որ լիցենզավորման ենթակա է «Տարրական հանրակրթական ծրագրի իրականացում»-ը, «Նախադպրոցական կրթական ծրագրի իրականացում»-ը։ Արդյո՞ք դա վերաբերում է ԱՁ-ի գործունեությանը։

Դիանա․

Հարգելիներս խնդրում եմ ասել՝ ինչպե՞ս կարող եմ հաշվապահի լիցենզիա հանել։ Ի՞նչ է պետք, և ու՞մ եմ դիմելու։ Վճարներ կատարվու՞մ են։ Շնորհակալ եմ նախապես։

Արուսիկ․

Բարև Ձեզ, հարգելի հաշվապահներ։

Ա/Ձ-ն, որը զբաղվում է հացի և հացաբուլկեղենի արտադրությամբ, ի՞նչ քայլեր պետք է անի սանիտարական վարչությունում գրանցվելու համար։

Սոֆյա․

Նորաբաց ՍՊԸ-ն ունի հիմնադիր և տնօրեն, ով նույն անձն է: Գործունեության ոլորտը՝ արտադրություն, ձեռքի աշխատանք, փայտագործություն: Հարկի տեսակը՝ շրջանառության հարկ:
Ասացեք խնդրեմ․
1. Եթե տնօրենը և հիմնադիրը նույն անձն է, պե՞տք է գրանցել որպես աշխատող և վճարել եկամտային հարկ
2. Կարո՞ղ ենք տնօրենին և մեկ աշխատակցի գրանցել կես դրույքով (յուրաքանչյուրին)
3. Եթե նախատեսված է աշխատել փոխանցումներով, պարտադի՞ր է ունենալ ՀԴՄ սարք և դրամարկղային գիրք
4. Եթե ֆիզիկական անձի հետ ենք աշխատում, կարո՞ղ ենք հաշիվ գրել ֆիզիկական անձին, իսկ նա փոխանցումներն անի կազմակերպության հաշվեհամարին:
5. Ի՞նչ հարկեր ենք վճարելու

Շնորհակալություն։

Բարև Ձեզ: Ես aliexpress կայքից պատվիրել եմ փոքրիկ ստերիլիզատոր անձնական օգտագործման համար։ Այժմ արևմտյան մաքսատանը՝ Կարգոյում, պահանջում են, որ հայտարարագրեմ ապրանքս, բրոքեր վարձեմ և այլն։ Հարցս՝ եթե այդ ապրանքը պատվիրել եմ անձնական օգտագործման համար, 1 հատ է և չկա ոչ մի խոսք առևտրային քանակի մասին, արդյո՞ք ես պարտավոր եմ ներկայացնել հայտարարագիր տվյալ ապրանքի համար և ծախսել ապրանքի գնին հավասար գումար բրոքեր վարձելու և մաքսազերծելու համար:

Հասմիկ.

Ա/Ձ գրանցելիս ինչպե՞ս ճիշտ որոշել տնտեսական գործունեության դասակարգիչը, եթե ես զբաղվելու են կտորից փոքրիկ դեկորների, խաղալիքների արտադրությամբ և վաճառքով։ Արդյո՞ք ճիշտ է ընտրել 32.99.9 – Այլ արտադրատեսակների արտադրություն, չներառված ուրիշ խմբավորումներում։

Անի.

Հարգելի հաշվապահներ, ՍՊԸ-ն ունի շենք, որը ցանկանում է տալ անհատույց վարձակալության (ՍՊԸ-ի հիմնադիրի կնոջը)։ Կինն էլ իր հերթին տալու է վարձակալության (գումարով) այլ ընկերության։ Այս գործարքը ի՞նչ նրբություններ ունի (գիտեմ, որ պետք է գրանցվի կադաստրում, նաև նոտարով կարելի է հաստատել): Կառաջանա նաև եկամտային հարկ 10% վարձակալի համար։ Եթե կան այլ նրբություններ, խնդրում եմ հուշել:

Անահիտ․

Խնդրում եմ ինձ ուղղություն ցույց տվեք՝ ինչպե՞ս կազմակերպեմ իմ ՀԿ-ի գործունեությունը։ Ունեմ վարձակալած տարածք, օգտագործում եմ որպես երեխաների խնամքի կենտրոն։ Ինչպե՞ս եմ վարելու իմ հաշվարկները։

Կարինե․

Օգնեք ձևակերպել նյութերի վաճառքի գործառնությունները և որոշել վաճառքի ֆինանսական արդյունքը:

Կազմակերպությունը վաճառել է պահեստում մնացած չօգտագործվող նյութերը՝ 120 000 դրամով, ներառյալ ԱԱՀ: Վճարը մուտքագրվել է հաշվարկային հաշվին առաքելուց 10 օր անց: Վաճառված նյութերի ինքնարժեքը կազմել է 80 000դրամ: Հաշվետու անձը վճարել է նյութերի տեղափոխման ծախսերը՝ 7 000դր:

Կարինե․

Օգնեք որոշել ձեռք բերված նյութերի ինքնարժեքը և մատակարարին ներկայացված բողոքարկման գումարը, կազմել հաշվապահական ձևակերպումներ:

Կազմակերպությունը մատակարարից ստացել է 200 տուփ ներկ, յուրաքանչյուրը 5 կգ քաշով, 1 կգ-ի գինը՝ 1 200դր, ներառյալ՝ԱԱՀ: Նյութի փոխադրումն իրականացրել է կազմակերպությունը, որի համար հաշվետու անձը վճարել է 60 000, ներառյալ ԱԱՀ: Ներկի բեռնաթափման համար հաշվարկել ենք աշխատավարձ 24 000 դրամի չափով: Ներկի ընդունման ժամանակ հայտնաբերվել է պակասորդ 2 տուփի չափով:Պակասորդի գումարով ներկայացվել է բողոքարկում, պակասորդի արժեքը գնահատվել է ձեռքբերման գնով, ներառյալ ԱԱՀ:

Օգնեք որոշել պաշարների ձեռք բերման ինքնարժեքը, եթե գնման գինը՝ 250 000 դրամ է, ԱԱՀ՝ 20%, բեռման բեռնաթփման ծախսերը՝ 20 000, կոմիսիոն վճարումները՝ 22 000, վարչական շենքերի մաշվածությունը՝ 45 000 դր:

Լիլիթ.

Բարև Ձեզ։ Խնդրում եմ նշել` արդյո՞ք ճիշտ եմ հասկանում. փոխկապակցված կազմակերպություն է համարվում նաև, եթե մի կազմակերպություն մեկ այլ կազմակերպությունից ձեռք է բերել ապրանքներ, ումից տարվա կտրվածքով ձեռքբերումները չպետք է 80%-ը գերազանցի:

Անուշ.

Բարև Ձեզ: Կարո՞ղ եմ հդմ-ով ապրանքը վաճառել մեծածախ գնով:

Արսեն.

Բարև ձեզ: Խնդրում եմ հուշեք` ինչպե՞ս կարող եմ ներբեռնել e-invoice ծրագիրը էլեկտրոնային հաշիվների համար: Նախորոք շնորհակալություն:

Սուսաննա.

Բարև ձեզ: Վարձակալության պայմանագրի օրենքի հոդվածի համարն եմ ուզում իմանալ:

Գագիկ.

Ի՞նչ անել, եթե գործատուն չի վերադարձնում աշխատանքային գրքույկը:

Անի.

ՍՊԸ-ի տնօրենը հանդիսանում է հիմնադիր` 100 տոկոս բաժնեմասով։ Ի՞նչ գործընթացով է տեղի ունենում հիմնադրի և տնօրենի փոփոխություն, և ի՞նչ փաստաթղթեր են անհրաժեշտ։

Անահիտ.

Բարև Ձեզ: Ես ընդհանուր բեռնափոխադրող կազմակերպությունից օգտվել եմ, Մոսկվայից բեռ եմ բերել: Ես ԵՏՄ հայտարարագիր եմ տալու՞ մինչև ամսի 20: Գիտեմ, բայց չգիտեմ տեղափոխվող բեռների կոդերը: Ինձ կհուշե՞ք` մանկական հագուստ, կանացի կուրտկա և կանացի բլուզկաներ: Խնդրում եմ` օգնեք:

Լիլիթ.

Բարև Ձեզ: Հղիության և ծննդաբերության (140 օր) արձակուրդում գտնվող աշխատողին սոց. փաթեթ փոխանցվու՞մ է, թե՞ ոչ: Կանխավ շնորհակալ եմ:

Սյուզան.

Բարև Ձեզ։
Ես ուզում եմ ճշտել` թե ինչքանո՞վ է օրենքի սահմաններում Հայաստանում թույլատրվում պատրաստել և վաճառել Սթարբաքսի սուրճ, պատրաստված Սթարբաքսի սարքավորումներով։

Նաիրա.

Բարև Ձեզ։ Ինպե՞ս և որտեղի՞ց կարող եմ ստանալ հեղինակային իրավունք այն երգի համար, որն ինքս եմ գրել։ Երգը տեղադրված է իմ ՅուԹյուբյան ալիքում։ Ուզում եմ ապացույց ունենամ, որ այն իմ հեղինակածն է։

Լուսինե.

Բարև ձեզ: Ասացեք խնդրեմ` հնարավո՞ր է լինել ֆինանսիստ, առանց հաշվապահություն իմանալու։

Լուսինե.

Բարև Ձեզ, հարգելի գործընկերներ: Եթե ունեք դպրոցի նախահաշիվ կազմելու ուղեցույց, խնդրում եմ ուղարկել lus.work շնիկ mail.ru հասցեով:

Լիլիթ.

Բարև Ձեզ: Ներեցեք` ես ինչպե՞ս կարող եմ գանգատարկման հանձնաժողովին էլեկտրոնային նամակ ուղարկեմ:

Սաթեն.

Խնդրում եմ պատասխանեք` շտապ է։ Ռուսաստան ապրանքի արտահանման транзит. декл. կազմվել է 27/10/21, дата выпуска 28/10/21, CMR 27/10/21, իսկ ինվոյսի վրա մաքսայինի կլոր փոքր կնիքը 28/10/21-ով է: Արտահանման հայտար. լրացման և գործարքի արժեքի հաշվարկման համար ո՞ր ամսաթիվը հիմք վերցնեմ:

Իգոր․

Բարև։ Հարցս հետևյալն է՝ ՍՊԸ-ն կարո՞ղ է արդյոք իրեն պատկանող գույքը՝ տվյալ դեպքում բեռնատար ավտոմեքենան, անհատույց տրամադրել այլ անհատ ձեռնարկատիրոջ (ԱՁ): Ի՞նչ պարտավորություններ կարող են առաջանալ։

Սոնա.

Բարև Ձեզ: Խնդրում եմ օգնեք գտնեմ 2022թ.-ի ամանորյա ոչ աշխատանքային օրերի մասին որոշումը։

Գայանե.

Բարև Ձեզ: Որ խնդրեմ կուղարկե՞ք` հավելված N 19 ՀՀ պարետի 2020 թվականի Մայիսի 3-ի N 63 որոշման օրնակի ձև:

Մարինե.

Ողջույն բոլորին։ Ունեմ ԱՁ, ծրագրավորող եմ։ 3 ամիս է ինչ բացել եմ ԱՁ-ն, աշխատում եմ 5% շրջհարկով։ Դեռևս աշխատողներ չունեմ, հետագայում` հնարավոր է։
Հարցս հետևյալն է. արդյո՞ք արժե դիմել ՏՏ հավաստագրի համար։ Ի՞նչ առավելություն կտա իմ դեպքում։ Եվ, եթե ես կարողանամ աշխատել որպես միկրո, այդ դեպքում արժե՞ հավաստագրի համար դիմել։
Նշեմ, եթե այս ամիս չդիմեմ, այլեւս չեմ կարող:

Անուշ.

Բարև ձեզ: Կազմակերպությունը ներկրել է սալիկ, որի համար վճարել է ԱԱՀ: Սալիկները պահեստում կոտրվել են, կարո՞ղ է խոտան ճանաչել, և ի՞նչ ընթացակարգով է իրականացնելու:

Գարիկ.

Բարև ձեզ: Ո՞վ կարող է ինձ օգնել բացատրել, թե ինչպե՞ս և ո՞նց կարող եմ ես գրել դրամաշնորհ, միտքը ես ունեմ, գաղափար ես ունեմ, բայց չգիտեմ որտեղ պետք է ես դա գրեմ ու ոնց:

Լուսինե.

Բարև ձեզ, հարգելի հաշվապահներ: ԱՁ-ն, որը բանջարեղենի խանութ է, տեղափոխում է հասցեն և պետք է վաճառի համակցված կերեր: Ինչպե՞ս է դա արվում: Կանխավ շնորհակալություն:

Արմեն.

ՀՀ ռեզիդենտ կազմակերպությունը 3-րդ երկրում գործող կազմակերպության պատվերով ԵԱՏՄ-ում գործող կազմակերպության հետ համագործակցության պայմանագիր է կնքում և ծառայության մատուցման գումար վերցնում։ Որտե՞ղ է համարվում ծառայության մատուցման վայրը։

Արման.

Բարև Ձեզ։ C18.12.0 գործունեությունը կարո՞ղ է համարվել միկրո:

Անահիտ.

Բարև ձեզ, հարգելի հաշվապահներ, ընկերությունը զբաղվում է մեծածախ և մանրածախ վաճառքով, պահեստից խանութ ապրանքները տեղափոխելիս ի՞նչ գնով է ճիշտ կատարել տեղափոխությունը, ինքնարժեքո՞վ, թե՞ վաճառքի գնով:

Լիաննա.

Բարև Ձեզ: Ոչ ընթացիկ ակտիվների վերաբերյալ նյութեր որտեղի՞ց կարող եմ գտնել։

Քրիստինե.

2021-02-09-ին ստացել եմ 50 000 հատ դրոշմապիտակ, չօգտագործված մնացորդ ունեմ, դա հետ վերադարձնելու համար ի՞նչ տույժ/տուգանքներ են հասնում:

Նանո.

Բարև Ձեզ, խնդրում եմ օգնեք. ԱԱՀ-ով աշխատող կազմակերպությունը գովազդային ծախսեր է կատարել, կասե՞ք` ինչ հարկ է գոյանալու այս պարագայում, և արդյո՞ք հնարավոր է հաշվանցել ԱԱՀ-ն ամբողջությամբ:

Ամալյա․

Բարև Ձեզ։ Գինու և օղու ՍՊԸ-ն ապրանքի իրացման քանի՞ տոկոսը իրավունք ունի ՀԴՄ-ով իրացնելու։

Քրիստինե.

Բարև բոլորին: Խնդրում եմ օգնեք` եվրո դուռ-լուսամուտ արտադրող կազմակերպության համար տնտ. գործունեության դասակարգիչը սա՞ է` С22230-ն է, և նախագծում (ճարտարապետական նախագծում) իրականացնող կազմակերպության դասակարգիչը` M71129-ն է՞։

Աննա.

Բարև Ձեզ, հարգելի հաշվապահներ: Հարցս վերաբերում է ՀՕ 30 հոդվածին, փոխկապակցված անձ: Եթե ֆիզ. անձը մի առևտրային կազմակերպության հիմնադիրներից մեկն է 70% բաժնեմասով, մեկ այլ կազմակերպությունում կարո՞ղ է հանդես գալ 15%-ով, և արդյո՞ք չի ընկնի ԱԱՀ-ի դաշտ:

Էմիլի.

Հարգելի հաշվապահներ, կասեք` ինչպե՞ս կատարեմ բյուջեում փոփոխություն, ես ցանկանում եմ մեկ հոդվածից երկրորդ հոդված փոփոխություն կատարեմ: Կասեք` ո՞ր հոդվածի օրենքի ո՞ր կետով հրամանը կազմեմ:

Մանյա.

Բարև ձեզ: Հանրային հատվածի քննության պատասխանները ո՞վ ունի, կուղարկե՞ք, որ խնդրեմ:

Ռազ․

Բարև ձեզ, հարգելի հաշվապահներ։ Եթե ԱՁ-ն գրանցվել է պետ․ ռեգիստրում իր ID քարտով, բայց չի հիշում պին/պուկը, հնարավո՞ր է հիմա գրանցենք օգտվող այլ անձի, հանձնենք հաշվետվությունները, մինչև կհանի նոր նույնականացման քարտ: Նորը հանելուց հետո ի՞նչ քայլեր պիտի արվեն։

Հայկ.

Բարև Ձեզ, հարգելի մասնագետներ: Եթե ավտոլվացման կետում նոր սերնդի ՀԴՄ է կիրառվում, որտեղ օրվա վերջում փակող կտրոն է տպվում, ի՞նչ խնդիրներ կառաջանան օրենքի տեսանկյունից, եթե կտրոնների մի մասը կորել են, կամ եթե գանձապահը չի փակել օրվա վերջում հասույթը: Արդյո՞ք բավարար չէ այն հանգամանքը, որ ֆիսկալ հասույթը արտացոլվում է ինտերնետ կապի միջոցով:

Մարինե.

Բարև Ձեզ։
Շրջանառության հարկ վճարող Ա/Ձ եմ, զբաղվում եմ համակարգչային ծրագրավորմամբ արտասահմանի հետ։ Ներկա պահին գործատուն գերմանական կազմակերպություն է, և գումարը փոխանցում են իմ ԱՁ եվրոյի հաշվեհամարին։
Քանի որ ըստ իրենց պահումները շատ են, խնդրել են գտնեմ ալտերնատիվ` հարմար տարբերակով, փոխանցում կազմակերպելու համար։ Նրանց համար շատ կարևոր է փոխանցումներում նշել իմ ՀՎՀՀ-ն։ Օրինակ` առաջարկել են օգտվել արտասահմանյան օնլայն բանկերից։ Դիտարկել եմ մի քանի տարբերակ։
1. Բացել եմ բիզնես հաշիվ payoneer-ում։ Լրացրել եմ ԱՁ-ի բոլոր տվյալները։ Չգիտեմ արդյո՞ք ճիշտ եմ արել։ Կարո՞ղ էին փոխանցել payoneer-ի ֆիզ. անձի հաշվին և նշեին իմ ՀՎՀՀ-ն, նորմալ կստանայի՞ գումար: Եթե payoneer-ով տարբերակ կա ամեն ինչ ճիշտ կազմակերպելու, խնդրում եմ`օգնեք։
2. Դիտարկել եմ նաև worldremit-ը։ Սա նույն պահումն է անում ինչ օրինակ` ԱՁ-ի հաշվին իրենց կատարած փոխանցումը։ (800 եվրոյից սկսած 30 եվրո պահում):
3. Ներբեռնել եմ wise-ը, էստեղ բիզնես հաշիվ չի թողնում բացել, բացել եմ ֆիզ. անձի համար հաշիվ։ Բայց փոխանցում ստանալու համար ես պետք է 10 000 դրամ փոխանցեմ հաշվին։ Չեմ փորձարկել։
Խնդրում եմ կիսվեք փորձով/խորհրդով։
Շնորհակալ եմ ցանկացած օգնության համար։ )))

Նարինե.

Ինչպե՞ս լրացնել ապրանքա-տրանսպորտային բեռնագիրը: