Անահիտ.

Բարև Ձեզ։ Եթե մի ՍՊԸ թույլ է տալիս մեկ այլ ՍՊԸ-ի օգտագործել իր ֆիրմային անվանումը և մնացած ոչ մի հարցով ընդհանրություն չունեն, ապա միայն ֆիրմային անվանման օգտագործումը կարո՞ղ է համատեղ գործունեություն համարվել:

Ռոման․

Բարև ձեզ, հարգելի հաշվապահներ: Կազմակերպությունը ԵԱՏՄ-ից ներմուծել է ապրանք: 500 հատ մեքենայի շարժիչային յուղ: Հաշիվ ապրանքագրի մեջ ապրանքը նշված է հատով, իսկ դեկլարացիայի մեջ նշված է կգ-ով:

Հարց 1. ապրանքի ինքնարժեք հաշվարկելիս պետք է ամբողջ բեռնափոխադրման թիվը բաժանել ամբողջ քանակի, այսինքն՝ հատ, թե՞ ամբողջ քաշի, եթե քաշի, ապա նետտո՞, թե՞ բրուտտո

Հարց 2․ Մաքսային վիճ հաշվետվության մեջ լրացուցիչ միավոր դաշտում ի՞նչ թիվ պետք է գրել և մաքսային վիճակագրական արժեք դաշտում ի՞նչ թիվ գրել:

Հարց 3․ Ներմուծման հարկային հայտարարագիրը պետք է հատո՞վ, թե՞ կգով լրացնել։

Սոֆյա․

Բարև Ձեզ: Հարգելի հաշվապահներ, ասացեք խնդրեմ․ շրջհարկով աշխատող ՍՊԸ-ն բացի իր հիմնական գործունեությունից (փայտի արտադրություն), իրականացնում է նաև լեզվի դասընթացներ և վերջինիս համար դուրս է գրում ծառայության մատուցման հաշիվներ: Եռամսյակային հաշվետվություն ուղարկելուց, ո՞ր տողում պետք է գրել այդ գումարը (այլ գործունեությու՞ն): Եվ ո՞րն է դասընթացների համար դասակարգիչի կոդը: Շնորհակալություն:

Արա․

Հունվարի սկիզբ դուրս եմ գրել հարկային հաշիվ, սակայն հետագայում որոշում եմ կայացրել տալ հայտարարություն շրջանառության հարկ վճարող համարվելու վերաբերյալ: Ինչպե՞ս պիտի արտացոլվի հարկային հաշիվը իմ հաշվարկներում, քանի որ ես արդեն դարձել եմ շրջանառության հարկ վճարող, այսինքն չեմ ներկայացրել ավելացված արժեքի հարկ վճարող համարվելու վերաբերյալ հայտարարություն: Ի՞նչ պարտավորություններ կառաջանան: Արդյո՞ք ես պիտի շրջանառության հարկի հետ համատեղ ներկայացնեմ ավելացված արժեքի հարկի և ացիզային հարկի միանական հաշվարկ:

Մարիաննա․

Բարև ձեզ, հարգելի հաշվապահներ։

Եթե ԵՏՄ երկրներից մեկից ՍՊԸ-ի տնօրենը ներմուծող կազմակերպության միջոցով ապրանք է գնել որպես ֆիզիկական անձը և վճարել ապրանքի գինը ռուբլիով, ինչու՞ են հիմա կանչում այդ մարդուն վարչական իրավախախտման համար և ասում, որ ապրանքի գնի 20%-ը պետք է վճարի։

Լիանա․

Բարև Ձեզ, հարգելի հաշվապահներ։ Հարկային դաշտի ընտրության հայտարարությունը (264) պետք է ներկայացնել մինչև փետրվարի 20-ը՞ և սկիզբը պետք է նշել 03․01․2023-ը՞։

Երվանդ․

Ողջույն: Ցանկանում եմ ծանոթանալ ապահովագրական ընկերությունների ֆինանսա - տնտեսական գործունեության հաշվային պլանին։

Մյուս հարցը. ապահովագրական ընկերությունները ի՞նչ հաշվետվություններ են ներկայացնում:

Մարիամ․

Բարև Ձեզ։ Հարցս այսպիսին է․ ցանկանում եմ ֆրիլանս տարբերակով աշխատել Upwork և Fiverr հարթակներում։ Ինձ կասե՞ք` այդ դեպքում անհրաժե՞շտ է ԱՁ բացե՞լ, շրջանառության հարկով աշխատե՞լ։ Եվ նաև ի՞նչ հաշվետվություններ են անհրաժեշտ ներկայացնել հարկային դաշտում։

Անի․

Բարև Ձեզ։ Եթե ՍՊԸ-ն իր քարտային հաշվից կատարում է, օրինակ, տեխնիկայի գնում ԱՄՆ-ից, կարո՞ղ է ապրանքը ստանալ փոստից, ինչպես ֆիզ անձանց դեպքում է, թե՞ հատուկ կարգ կա, և ինչպե՞ս է մաքսազերծում կատարվում ու վճարվում ԱԱՀ:

Սվետլանա․

Բարև ձեզ։ Ուզում եմ գրանցվել որպես ԱՁ, զբաղվելու եմ օնլայն հարթակում ( Facebook, Instagram) հագուստի օնլայն վաճառքով, ներմուծում եմ ՌԴ-ից։ Կասե՞ք՝ ի՞նչ հարկեր պետք է վճարեմ։ Արդյո՞ք անհրաժեշտ է ՀԴՄ սարք, եթե անկանխիկ է վաճառքը։ Շնորհակալություն։

Սյուզի․

Բարև Ձեզ: Խնդրում եմ ասացեք՝ նշվածներից ո՞ր դեպքում է ՍՊԸ-ն վճարում շահաբաժին, եթե այն գործում է ՝ 1. Ընդհանուր հարկման 2. Շրջհարկի 3. Միկրոձեռնարկատիրության հարկման դաշտում:

Իմ իմացությամբ նշվածներից միայն 1. Ընդհանուր հարկման դեպքում է ՍՊԸ-ն վճարում շահաբաժին: Խնդրում եմ գրեք Ձեր կարծիքը:

Աննա․

Բարև Ձեզ, շնորհավոր Ամանոր և Սուրբ Ծնունդ։ Ուզում եմ ճշտել հետևյալ հարցերը.

1) անկախ նրանից, որ ՏՏ ոլորտի հավաստագրի մեջ գործողության ժամկետը գրված է մինչև 31.12.2022թ, համաձայն 26.12.2022թ ՀՕ-570-Ն օրենքի 18 հոդվածի 4-րդ կետի, գործողության ժամկետը ավտոմատ երկարացվու՞մ է մինչև 2023թ դեկտեմբերի 31-ը։ Ոչ մի հայտարարության, գրության ներկայացնելու կարիք չկա՞

2) Հավաստագրի գործողության ընթացքում ստացված արդյունքների վերաբերյալ հաշվետվությունը կարո՞ղ ենք ներկայացնել info@hti.am էլեկտրոնային հասցեին, կամ e-request.am հարթակի միջոցով ԲՏԱ նախարարությանը

3) Հաշվետվության մեջ Գործունեության տեսակը դաշտում գրում ենք պարզապես ՏՏ ոլո՞րտ

Կանխավ շնորհակալություն:

Հասմիկ․

Բարի օր, հարգելի հաշվապահներ։ Հարցս հետևյալն է․ Շրջանառության հարկով աշխատող Ա/Ձ 58 350 մլն դրամը անցել է 2022թ․ սեպտեմբերին: Ճի՞շտ եմ հասկանում, որ 2023թ ՀԴՄ կտրոնը պետք է տրամադրի անվանացանկով:

Հիմա հարցի երկրորդ մասը: 2023թ հուլիսի 1-ից 58 350 մլն դրամը փոխվել է 24 000 մլն դրամի: Նոր բացված Ա/Ձ 2023թ 24 000 մլն անցնելու դեպքում տարվա տվյալ պահի՞ն անցնի անվանացանկի, թե՞ 2023թ կարող է աշխատել առանց անվանացանկի և 2024թ անցնի անվանացանկով ՀԴՄ կտրոն տրամադրելուն: Շատ շնորհակալ կլինեմ, եթե արձագանքեք և հնարավորության դեպքում հղում տաք:

Ռուբեն․

Բարև ձեզ: Կազմակերպությունը աշխատում է շրջանառության հարկով: Գործունեությունը հետևյալն է - Մթերային խանութ է, ձեռք բերում և վաճառում հյութ, կաթ, տուփով սուրճ և հենց խանութի մեջ նաև արտադրում և վաճառում է խմորեղեն, կարկանդակ, գաթա, հաց և այլ հրուշակեղեն: Հարց․ արդյո՞ք ճիշտ կլինի ՀԴՄ սարքի վրա բացել երկու սեկցիա 1. Առևտուր 2. Արտադրություն։ Առևտրի մասով հարկը 1.5-ից 5 տոկոս, իսկ արտադրության մասով 3.5 տոկո՞ս։ Հարցի բուն իմաստը կայանում է նրանում, որ կարո՞ղ է արդյոք հրուշակեղենի վաճառքը որևիցե ձև դիտարկվել որպես հանրային սնունդ։

Մարիաննա․

Բարև ձեզ, հարգելի հաշվապահներ։ Ձեր բոլորի ամանորը շնորհավոր։ Խաղաղ տարի բոլորիս։ Եթե ԱՁ-ի տնօրենը ՀԴՄ-ը կտրոն տրամադրելու հետ կապված դիմել է դատարան, որտե՞ղ կարող եմ նայել՝ գործը ինչ վիճակում է: Ինձ կոդ են տվել, որ կոդով ստուգեմ, բայց տեղը չգիտեմ, խնդրում եմ օգնել։ Կանխավ շնորհակալություն։

Մելինե․

Հարգելի հաշվապահներ, եթե ՍՊԸ-ի տնօրենը ամիսներ շարունակ իր անձնական հաշվից կատարել է ծախսեր ՍՊԸ-ի համար (օրինակ՝ գրասենյակի կոմունալները), հիմա ինչպե՞ս ձևակերպել այդ պարտքը ու փոխհատուցել գունարները։ Շնորհակալություն։

Լիլիթ.

Եթե ԱԱՀ-ն ներառված է գնի մեջ, այդ դեպքում ի՞նչ տարբերակով ենք գրում հաշիվ։ 16.66% զեղչն ենք կիրառում, թե՞ գրում թիվ, որը վերջում կդառնա ներառված արժեքի հարկով վճարը։ Կանխավ շնորհակալ եմ։

Արամ․

Բարև ձեզ, ես օգտվում եմ հիփոթեքի տոկոսների հետ վճարման օրենքից և աշխատանքից դուրս եմ գալիս դեկտեմբերի 30-ին սեփական դիմումիս համաձայն, կուզենայի իմանալ՝ վերջնահաշվարկիս եկամտային հարկը վճարվելու է դեկտեմբերի՞, թե՞ հունվարի համար, ու կարո՞ղ եմ հետ ստանալ մյուս տարվա առաջին եռամսյակի հիփոթեքիս տոկոսները։

Սուրեն․

Բարև Ձեզ։ Եթե Ա/Ձ -ն ցանկանում է փոխել գործունեության տեսակը կամ զբաղվել ևս մեկ գործունեությամբ, խնդրում եմ ասեք՝ ի՞նչ քայլեր պետք է կատարվեն գործունեության տեսակի ավելացման կամ փոփոխման նպատակով:

Արթուր․

Բարև Ձեզ, ես ցանկանում եմ իմ ԱՁ-ն ժամանակավոր դադարեցնել, լրացրել եմ 207 ձևը, սակայն 9 ձևը չկա իմ հաշվետվությունների ցանկում: Ինչպե՞ս գտնել, որ կարողանամ ՀԴՄ-ն էլ դադարեցնեմ:

Ռոզա․

Բարև ձեզ, հարգելի գործընկերներ։ Կազմակերպությունը կարո՞ղ է դրամարկղի մնացորդից հիմնադրին շահաբաժին վճարել քարտային հաշվին փոխանցման միջոցով, և դա կհամարվի՞ արդյոք անկանխիկ գործարք: Գումարը գերազանցում է 300 000 դրամը: Կանխավ շնորհակալություն։

Ռուբեն․

Բարև, հարգելի հաշվապահներ: Կազմակերպությունը ձեռք է բերում ոչ նյութական ակտիվ արտերկրից:

Հարց 1․ ինչպե՞ս հիմնավորել ոչ նյութական ակտիվի օգտագար ծառայության ժամկետը

Հարց 2․ հաշիվ ապրանքագրի մեջ նշված է ոչ նյութական ակտիվի գինը և առանձին տողով տվյալ ակտիվի սպասարկման գումար։ Այդ սպասարկման գումարը կարելի՞ է գումարել ոչ նյութական ակտիվի արժեքին և տվյալ թվով հաշվարկել ամորտիզացիա

Ռուբեն․

Բարեւ ձեզ։ Եթե ընդհանուր հարկման դաշտում աշխատող կազմակերպությունը ֆիզիկական անձից վարձակալությունով վերցրել է տարածք անհատույց հիմունքներով, կա՞ որևիցե հարկ, որ կարող է առաջանալ տվյալ դեպքում։

Աննա.

Ուսումնասիրում եմ որպես ֆրիլանս աշխատելու հնարավորությունները և այսպիսի հարցեր են առաջացել։

- Ինչպես հասկանում եմ՝ նման դեպքում հնարավոր է գրանցվել որպես Ա/Ձ և ավելի քիչ հարկ վճարել, քան ֆիզ. անձի դեպքում։ Ապա ի՞նչ արտոնություն կա որպես ֆիզ. անձ գրանցվելու մեջ։

- Արդյո՞ք այս պահի դրությամբ ֆրիլանս աշխատելը ու հարկ չվճարելը համարվում է որևէ կանոնի խախտում։

Շնորհակալ եմ պատասխանի համար :)

Քրիստինա.

Բարև ձեզ։ Խնդրում եմ ասեք՝ նոր բացված ԱՁ-ի համար գարեջրի վաճառքի լիցենզիա է պետք՝ ո՞նց ստանամ արագ։ Իրենց կայքով 2 օր ա փորձում եմ չի ստացվում, dimum.yervan.am կայքով եմ դիմում, չի ստացվում։

Արա․

Բարև ձեզ, հարգելի հաշվապահներ։ Երբ շինարարական գործունեությամբ զբաղվող ընկերությունը ֆիզիկական անձից ձեռք է բերում հիմնական միջոց, որի համար կողմերի միջև կնքվում է պայմանագիր, գնման ակտ և կատարվում է հանձնում ընդունում, ապա ինչպիսի՞ ձևակերպումներ պետք է տրվեն, և արդյո՞ք առաջացած 10 % եկամտային հարկը (քանի որ ընկերությունը աշխատում է ԱԱՀ դաշտում ) ենթակա է հիմնական միջոցի արժեքի ավելացմանը և հետագա ամորտիզացմանը, թե՞ ոչ։ Կանխավ շնորհակալություն։

Արտակ․

Բարև ձեզ։ Ինչպե՞ս կարող է նույն ՍՊԸ-ն զբաղվել իրարից տարբեր մի քանի գործունեությամբ, օրինակ՝ ներմուծում, արտադրություն, հյուրանոցայիին գործունեություն ու IT : Այս դեպքում ինչպե՞ս կարելի է բոլորը օրնականացնել ու հավաքել մեկ ՍՊԸ-ի ներքո։

Անի Աբրահամյան․

Բարև։ Կազմակերպությունը հայտարարել է ակցիա, որին մասնակցելու ու պայմաններին համապատասխանելու դեպքում դրամական պարգև է տալիս ֆիզիկական անձանց։ Բացի եկամտային հարկից ի՞նչ հարկ է պահվում։ Դու՞րս է գրվում արդյոք ինքնահաշիվ ։ Ու նման ակցիայի դեպքում բավակա՞ն է բաց օֆերտան, թե՞ անհրաժեշտ է պայմանագիր մասնակիցների հետ։

Արթուր․

Բարև Ձեզ, խնդրում եմ պատասխանել հետևյալ հարցիս: ՍՊԸ-ն զբաղվում է ձկնաբուծությամբ, և աշխատում է ԱԱՀ-ով հարկման դաշտում, խնդրում եմ ասեք

1) Ի՞նչ հաշվետվություններ պետք է ներկայացնել

2) Արդյո՞ք պետք է պահեստի հաշվառում կատարել

3. Ո՞նց են հաշվարկում արտադրողականությունը, և արդյո՞ք պետք չէ իմանալ՝ ինքնարժեքը ինչքան է

4. Եթե կա ձկնաբուծության հաշվապահության վերաբերվող օրենքներ կամ գիրք, խնդրում եմ հուշել՝ որտեղից կարդամ կամ ձեռք բերեմ

Նելլի․

Բարև ձեզ, հարգելի հաշվապահներ։ Կազմակերպությունը գնել է ծրագիր՝ պայմանագրի մեջ գրված է ռոյալթի 12 ամիս օգտագործելու իրավունքով, սա ընթացի՞կ ծախս է համարվում։

Սուսաննա․

Բարև ձեզ, հարգելի հաշվապահներ: Կասե՞ք, խնդրում եմ, 87.90.0-այլ սոցիալական սպասարկում կացության ապահովմամբ, տնտեսական գործունեություն ծավալող ԱՁ-ն ի՞նչ հարկման դաշտում կարող է աշխատել։

Աննա․

Հարգելի հաշվապահներ, ՍՊԸ իր հիմնական միջոցը, որտ տրանսպորտային միջոց է, ցանկանում է խոտանել։ Կասե՞ք խնդրեմ՝ ի՞նչ կարգով պետք իրականացվի գործընթացը:

Քրիստինա․

Բարև Ձեզ, կարո՞ղ եք ասել՝ գարեջրի և նարգիլեի թույլտվությունը որտեղի՞ց կարող ենք ստանալ, նաև ՀԴՄ ձեռքբերելու և գրանցելու կարգը։

Հայկ․

Բարև Ձեզ: Այսպիսի հարց ունեմ: Շրջհարկով աշխատող ԱՁ-ն ձեռքբերած ապրանքների դիմաց վճարել է կանխիկ, սակայն մատակարար կողմը կանխիկի ոչ մի անդորրագիր չի տվել, միայն դուրս է գրվել էլէկտրոնային հաշիվ: Հիմա ինչպե՞ս պետք է հիմնավորել այդ վճարումները , և արդյո՞ք ԱՁ-ն պարտավոր է վարել դրամարկղային գիրք, եթե կատարում է կանխիկ գործարքներ: Շնորհակալություն։

Արփի․

Բարև Ձեզ, ֆիզիկական անձի կամավոր սնանկության դեպքում, կա՞ աշխատավարձի վճարման սահմանափակում, եթե այո, որտե՞ղ կարող եմ հիմքը տեսնել։ Կանխավ շնորհակալ եմ։

Սաթիկ․

Բարև Ձեզ, կազմակերպությունը ցանկանում է դեղորայքի բարեգործական գնում կատարել ֆիզ. անձի համար: Կասե՞ք՝ կարգը ինչպես է լինելու, եթե ոչ մի դեղատուն չի համաձայնվում ֆիզ անձի անունով հաշիվ դուրս գրել: Պատճառաբանում են օրենքի փոփոխություն, կասե՞ք՝ ո՞ր օրենքի մասին է խոսքը: Կանխավ շատ շնորհակալ եմ։

Կարեն․

402-11.10.2022-ՏՀ-011/1 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. Հայաստանի Հանրապետության 2016 թվականի հոկտեմբերի 4-ի հարկային օրենսգրքի (այսուհետ՝ Օրենսգիրք) 113-րդ հոդվածի 1-ին մասում լրացնել հետևյալ բովանդակությամբ 8-րդ կետ.

«8) Օրենսգրքով սահմանված կարգով միկրոձեռնարկատիրության սուբյեկտ համարվող հարկ վճարողներից ձեռք բերված ապրանքների, ստացված ծառայությունների, ընդունված աշխատանքների գծով կատարվող ծախսերը, ինչպես նաև Օրենսգրքով սահմանված կարգով միկրոձեռնարկատիրության սուբյեկտ համարվող հարկ վճարողներից անհատույց օգտագործման վերցված շենքերի, շինությունների (այդ թվում` անավարտ, կիսակառույց), բնակելի կամ այլ տարածքների, հողամասերի գծով սույն բաժնով սահմանված կարգով հաշվարկվող ծախսերը:»:

Սա սպասվող օրենսդրական փոփոխություն է, գրված է՝ առաջին ընթերցում։

Հարց։ 1․ Այսինքն արդեն ընդունվե՞լ է, ո՞նց հասկանամ։ Ո՞նց ա ընթացակարգը՝ պե՞տք է էլի ընթերցում լինի, որ վերջնական ընդունեն։

Հարց։ 2 Նման փոփոխությունները առաջինը ո՞ր կայքում են հրապարակվում:

Ինեսա․

Բարև Ձեզ։ Որտե՞ղ կարող եմ կարդալ էքսկավատորների, բուլդոզերների, կամազների դիզելային վառելիքի նորմաների մասին։

Սոֆյա․

Հարգելի հաշվապահներ, ասացեք խնդրեմ, թե ե՞րբ պետք է ներկայացնենք իրական շահառուների վերաբերյալ հայտարարագիրը, ովքե՞ր պետք է ներկայացնեն հայտարարագիր, և եթե կազմակերպությունը գտնվում է գործունեության ժամանակավոր դադարի մեջ, պե՞տք է արդյոք ներկայացնի հայտարարագիր: Շնորհակալություն։

Աննա․

Բարև Ձեզ, հարգելի հաշվապահներ։ Կասե՞ք՝ ՍՊԸ կարո՞ղ է հաշվարկային հաշվից 1 000 000 գումար կանխիկացնի և մուտք անի ՍՊԸ-ի դրամարկղ։ Կա՞ արդյոք սահմանափակում այս հարցում:

Թամարա․

Բարև Ձեզ։ Ասացեք խնդրեմ՝ հաշվարկային հաշվից դրամարկղ կանխիկի մուտքագրումը (աշխատավարձ վճարելու և մանր ծախսերի համար) և ընթացքում դրամարկղից հաշվարկային հաշիվը համալրելը դիտարկվու՞մ է որպես Անկանխիկ գործառնությունների մասին օրենքի խախտում: Շնորհակալություն։

Արեգա․

Հարգելի փորձառու հաշվապահներ, ունեմ այսպիսի հարց, որի համար ակնկալում եմ ձեր ճիշտ պատասխանները.

ՀՀ ՌԵԶԻԴԵՆՏ ՀԱՆԴԻՍԱՑՈՂ ՍՊԸ-ն (որն ունի մեկ մասնակից) 2018-2021թ գործունեության արդյունքներով չբաշխված շահութը կազմել է 155 մլն դրամ: 2022թ․ կազմակերպությունը ընդունել է որոշում բախշման ենթակա շահույթի գումարը վճարի միակ մասնակցին: Ընկերությունը կարողացել է վճարել 103 500 000 դրամ միակ մասնակցին և դրա 5%-ը՝ 5 175 000 դրամ եկամտային հարկ բյուջե:

Հարց 1. Կարո՞ղ է ընկերությունը 2022թ․ արդյունքներով մնացած գումարը ճանաչի որպես հիմնադրին պարտք.

Հարց. 2 Կարո՞ղ է ընկերությունը շահաբաժնի վճարումից առաջացած և վճարված եկամտային հարկը՝ 5 175 000 դրամը բյուջեից ետ ստանա 2022թ. դեկտեմբեր ամսին: Ինչպե՞ս է դա կատարվում: Խնդրում եմ արձագանքեք։

Մերի.

Բարև ձեզ։ Անձը ցանկանում է առցանց տարբերակով կրթական հոլովակների ձևաչափով դասընթացներ իրականացնել։ Արդյո՞ք սա համարվում է լիցենզավորման ենթակա գործունեություն։

Տիգրան․

Հարգելի հաշվապահներ, հարցս հետևյալն է. երկու կազմակերպություններ, որոնք գործում են ԱԱՀ-ի դաշտում, իրականացնում են բեռնափոխադրման ծառայություններ։

Կազմակերպություններից առաջինը ցանկանում է իր գործունեության ընթացքում շահագործել երկրորդ կազմակերպության տրանսպորտային միջոցները։ Հարցս հետևյալն է՝ ի՞նչ հիմունքներով կարող է այն իրականացնել, արդյո՞ք պետք է որևէ քաղիրավական պայմանագիր՝ վարձակալության և/կամ անհատույց օգտագործման պայմանագիր տրանսպորտային միջոցների, և երկրորդ հարցս՝ կարո՞ղ է կազմակերպությունների միջև կնքվի համատեղ գործունեության պայմանագիր և այն գրանցվի հարկայինում, որի դեպքում տրանսպորտային միջոցների շահագործման վերցնելու պարագայում հարկեր չեն գոյանա։

Մելինե․

Բարև ձեզ, հաարգելի հաշվապահներ։ Եթե ՍՊԸ տնօրենը գրասենյակային տարածքի կոմունալները ամիսներ շարունակ վճարել է իր անձնական Թելսել դրամապանակով, իր հաշվից, հիմա ինչպե՞ս է ճիշտ դրանք արտացոլել ՍՊԸ ծախսերի մեջ։

Աստղիկ.

2022թ. հունիսին, որպեսզի դրամարկղի մնացորդը նվազեցնեմ, անցած տարիներին չտրված շահաբաժին եմ տվել հիմնադրին, բայց շահաբաժնի գումարը քիչ էր քան կուտակված շահույթը: 2022թ. 6 ամսվա կտրվածքով հաշվարկել եմ հարկվող շահույթ, ավելացրել կուտակված շահույթին և վճարել շահաբաժին, հաշվետվության մեջ ներկայացրել և վճարել 5 տոկոս: Հասկանում եմ, որ սխալվել եմ: Խնդրում եմ ձեր օգնությունը, բացի փոխառություն ձևակերպելուց ուրիշ ի՞նչ ձևով կարող եմ շտկել սխալս:

Սուրեն․

Շահութահարկ վճարող ֆիրման անհատույց ստացել է հողամաս 6 միլիոն դրամ արժեքով։ Կասե՞ք ինձ, խնդրում եմ՝ ի՞նչ եղանակով եմ ծախս և եկամուտ ճանաչելու ու ե՞րբ։ Շնորհակալ եմ։ Օրենքի հղում էլ կասեք ինձ, խնդրում եմ, որ կարդամ։