Վահագն․

Բարև Ձեզ, կխնդրեի պատասխանել․ ֆիզ. անձը հենց իր ԱՁ-ի հաշվեհամարին ցանկանում է գումար մուտք անել, և այդ գումարը ոչ թե կանխիկ հասույթի մուտք է, այլ պարզապես իր գրպանից գումար, որով ցանկանում է ԱՁ-ի պարտավորություններ վճարել, քանի որ ԱՁ-ի կանխիկ և բանկի մնացորդները չի բավարարում։ Կխախտի՞ անկանխիկ օրենքը, եթե միանգամից գումարը մուտք անի ԱՁ-ի հաշվին, թե՞ պետք է գցի իր անձնական հաշվեհամարին, հետո մուտք անի ԱՁ-ի հաշվին։ ԱՁ-ն հարկվում է շրջանառության հարկով և դրամարկղի գիրք չունի։

Գասպար․

Բարև Ձեզ: ԱՁ-ն խանութը փակելու հետ կապված, խանութի ապրանքը հնարավո՞ր է տեղափոխել/վաճառք ձևակերպել այլ խանութ։

Лилия.

Здравствуйте! Потеряла соц.карту. Подскажите, пожалуйста, откуда можно узнать цифры?

Գևորգ․

Բարև Ձեզ, երկար տարիներ անհատ ձեռնարկատեր եմ, զբաղվում եմ ձկնաբուծությամբ, ինչպե՞ս կարող եմ բիզնես գործունեությունս Ա/Ձ-ից փոխել ՍՊԸ-ն։ Փոխելու նպատակը հետևյալն է, որպեսզի բիզնես-գործունեությունը շարունակեմ եղբորս հետ միասին՝ համամասնորեն։ Շնորհակալություն։

Հասմիկ․

Բարև ձեզ, կազմակերպությունը կազմակերպում է ներմուծում Չինաստանից՝ կտորեղեն։ Կարո՞ղ եք օգնել հասկանալ, թե ինչ փաստաթղթեր են անհրաժեշտ ներմուծումը սկզբից մինչև վերջ իրականացնելու համար։

Հայկ․

Բարև Ձեզ: Խնդրում եմ օգնել: ՍՊԸ-ի շահույթի բաշխման վերաբերյալ որոշումը կայացվել է 2024թ. մայիսին: Սա նշանակում է, որ վճարումը պիտի կատարվի մինչև 2025թ. մայիս: Եթե շահաբաժինը մաս մաս փոխանցվել է հիմնադրին բանկով, հարկը պահվել է, այս ամենը հիմնավորելու համար ի՞նչ փաստաթղթեր պետք է կազմել, նաև փոխանցումների մասով կխնդրեմ հիմնավորել: Շնորհակալություն։

Հայկ․

Բարև Ձեզ։ Համաձայն հարկային օրենսգրքի 108 րդ հոդվածի՝

1. Շահութահարկով հարկման բազայի որոշման նպատակով շահութահարկ վճարողների համար եկամուտ չեն համարվում` 1) մասնակիցների (բաժնետեր, փայատեր, անդամ) կողմից շահութահարկ վճարողի կանոնադրական կապիտալում (հիմնադրամում) կատարված ներդրումները, ինչպես նաև նախորդ հարկային տարիների հարկային վնասը մարելու նպատակով մասնակիցների (բաժնետեր, փայատեր, անդամ) կողմից շահութահարկ վճարողի սեփական կապիտալի այլ տարրերում կատարված ներդրումները` նախորդ հարկային տարիների հարկային վնասը չգերազանցող չափով.

Հարց. Կասե՞ք՝ սեփական կապիտալի այլ տարրերում կատարված ներդրումները որո՞նք են։

Արսեն․

Բարև Ձեզ։ Կազմակերպությունը մեքենայի ձեռք բերման ժամանակ վճարել է 12 000 համարանիշի ստացում, 5 000 մեքենայի գրանցում, 6 000 գրանցման վկայական, 150 000 ցանկալի համարանիշի արժեք։ Այս վճարումներից որո՞նք պետք է գրանցվեն որպես մեքենայի ինքնարժեք, որոնք ծախսագրվեն։ Շնորհակալություն։

Արսեն․

Բարև ձեզ։ Ընկերությունը կնքել է իր կայքը պատրաստելու պայմանագիր (կայքի առկայությունը շինարարության ոլորտում լիցենզավորման պարտադիր պայման)։ Պայմանագրով վճարված գումարը ծառայության մատուցման ծախս պիտի ճանաչվի՞, թե՞ այդ գումարը պետք է ձևակերպվի որպես ոչ նյութական ակտիվի ձեռքբերում։ Երկրորդ դեպքում ամորտիզացման ժամկետ կարո՞ղ եմ սահմանել 1 տարի։

Լուսինե․

Բարև Ձեզ։ Խնդրում եմ նշել՝ եթե բանջարեղենի խանութը շրջհարկի հայտը չի տվել ու ԱԱՀ դաշտ է ընկել, ու 24 մլն շեմը չի անցնում, ՀԴՄ-ն անվանացանկո՞վ պիտի լինի պարտադիր:

Ալլա․

Բարև ձեզ: Մեր ՍՊԸ-ն տարածք է վարձակալում: Պայմանագիրը կա: Ինչպե՞ս անել, որ կոմունալների համար հաշիվ ստանանք, և արդյո՞ք միայն տնօրենը կարող է դա անել:

Աննա․

ՍՊԸ-ի միանձնյա հիմնադրի փոփոխության համար ի՞նչ փաստաթղթեր և ի՞նչ վճարումներ են անհրաժեշտ:

Գայանե․

Բարև Ձեզ։ Դպրոցում անցկացվելու է ներքին աուդիտ: Ներքին աուդիտի պահանջվող փաստաթղթերի ցանկում նշված է՝ Գույքագրման տեղեկագրերի փաթեթներ 2023-2024թթ համար: Դպրոցներից անցյալ աուդիտների ժամանակ նման փաստաթղթեր չեն պահանջվել: Խնդրում եմ օգնել հասկանալ՝ ի՞նչ է իրենից ներկայացնում գույքագրման փաթեթը: Ի՞նչ տվյալներ են պետք լրացման համար: Նախապես շնորհակալություն։

Հայկ․

Բարև Ձեզ: Գիտեմ, որ տերմինալով կատարված վճարումը համարվում է անկանխիկ: Օրինակ՝ տնօրենը տերմինալով ընկերությանը պատկանող հեռախոսի վարձն է վճարել, որը ձևակերպել եմ դտ 52131 - կտ 228: Հիմա 228 հաշվի պարտքը պետք է մարել՝ վճարելով տնօրենի բանկային հաշվեհամարի՞ն: Նշեմ, որ ընկերության դրամարկղում գումար չկա: Շնորհակալություն։

Բելլա․

Ողջույն, սիրելի հաշվապահներ։ Ռեստորանային ոլորտը ինչպե՞ս կարող է անցում կատարել պարտադիր դրոշմավորման ենթակա ապրանքների նույնականացմանը։ Արդյո՞ք խնդիրներ կառաջանան մարտի 1-ից չունենալու դեպքում։ Նշեմ նաև, որ մեր դեպքում նման ապրանքներից են՝ գազավորված ըմպելիքները, սուրճը, գարեջուրը։

Լիլիթ․

Բարև Ձեզ, հարգելի հաշվապահներ, խնդրում եմ ինձ օգնել հետևյալ հարցում. ԱՁ-ն իրականացնում է գեղեցկության սրահի գործունեություն, ծառայությունների մատուցման համար ձեռք է բերում ներկեր և գունաբացող նյութեր, տվյալ նյութերը, որպես ծառայությունների մատուցման հետ կապված նյութածախս կարո՞ղ է ներառել շրջանառության հարկի եռամսյակային հաշվետվությանում։ Կամ արդյո՞ք ճիշտ է, որ առանձին վաճառք լինի, ուղղակի նյութերի մի մասը ստանում է մեծ տարաներով և օգտագործում է մաս- մաս, այս դեպքում դրոշմավորման խնդիր առաջանու՞մ է։ Եթե ունեք այս որորտում փորձ, խնդրում եմ արձագանքեք։

Արփինե․

Ի՞նչ է նշանակում "հարկային կոդի թողարկող"։

Արեգա․

Բարև Ձեզ։ Այսպիսի հարց․ Ընկերության՝ ՍՊԸ-ի միակ հիմնադիրը և միաժամանակ նաև տնօրենը կարո՞ղ է անտոկոս փոխառություն տրամադրել կամ տալ նույն ընկերությանը: Կանխավ շնորհակալություն։

Վարդան․

Բարև Ձեզ։ ԱՁ-ն բացվել է 2025-ի Փետրվարին, նույն ֆիզ․ անձի տվյալներով, չունի հավելյալ աշխատողներ, գործում է ՏՏ ոլորտի շրջ․ հարկի աջակցության տիրույթում, եկամուտը՝ ոչ կանոնավոր, արտերկրից՝ ԱՄՆ դոլարով փոխանցում է լինելու։ Հնարավո՞ր է արտերկրից փոխանցումը կատարել անձնական դոլարային հաշվին, նաև ունենալ դրամային ԱՁ հաշիվ և հարկերի չափով "լիցքավորել" այն ՀՀ դրամով պետական գանձապետարանի միասնական հաշվեհամարին և դրոշմանիշային հաշվեհամարին եռամսյակային և տարեկան հարկային փոխանցումների համար, թե՞ պետք է ունենալ և՛ դրամային, և՛ դոլարային ԱՁ հաշիվներ այս դեպքում։ Շնորհակալություն։

Լիլիթ․

ԱՁ պատրաստվում է վարձակալել ավտոտնակ՝ որպես պահեստ օգտագործելու նպատակով, ինչպես նաև պահեստից վաճառք կազմակերպելու համար անհրաժեշտ է գրանցել ՀԴՄ։ Հարց 1․ հնարավո՞ր է վարձակալության պայմանագիրը կնքել առանց նոտարի ու կադաստրի վավերացման (ԱՁ և ֆիզ անձ իրար հետ)։ Հարց 2․ հնարավո՞ր է պահեստի հասցեով գրանցել ՀԴՄ։ Շնորհակալություն։

Հայկ․

Բարև Ձեզ։ Հայկական ընկերությունը, որը աշխատում է ԱԱՀ-ով և կատարում է միջազգային բեռնափոխադրումներ, կարո՞ղ է վարորդների գործուղման ծախսերը շահութահարկից նվազեցնել, և եթե այո, ի՞նչպես պետք է հիմնավորվի դա։

Գայանե․

Բարև Ձեզ, հարգելի հաշվապահներ։ Հարցս մսի խանութի հետ է կապված, մարզում է, արդեն աշխատում է շրջհարկով։ Խնդրում եմ օգնեք հասկանալ՝ ճի՞շտ եմ կատարում գործողությունները, թե՞ ոչ։

Հարց 1․ ԱՁ-ն գյուղացուց կով է գնում, գնման ակտով և գյուղապետարանի տեղեկանքով, որ տվյալ գյուղացին ունի կով, բայց գյուղապետարանի տեղեկանքում չի նշվում՝ գյուղացին կովը ում է վաճառում, դա սխալ չէ՞։

Հարց 2․ ԱՁ-ն կովը գնում է այդ տեղեկանքի և գնման ակտի հիման վրա և տանում է սպանդանոց, վաճառում է տվյալ ԱՁ -ին՝ հաշիվ եմ դուրս գրում տվյալ ԱՁ-ի անունով

Հարգելիներս, այս գործողություններից հետո 10 % հարկ չի առաջանում չէ՞։ Կանխավ շնորհակալ եմ։

Վահագն․

Բարև ձեզ, հարգելի՛ հաշվապահներ։ Այսպիսի մի հարց ունեմ։ Կարո՞ղ եմ ես ՍՊԸ-ով ոչ նոտարական վարձակալության պայմանագրի գումարը վճարել իմ (հիմնադիրն եմ) անձնական հաշվից և ձևակերպումներ չտալ, քանի որ առհաշիվ չեմ ուզում անել։ Էդ գումարի վերադարձը չեմ ուզում իրականացնել։ Նախապես՝ շնորհակալ եմ։

Լևոն․

Բարև ձեզ, հարգելի հաշվապահներ: Հարցս ՍՊԸ-ի հիմնադրին շահաբաժին տալն է: Աշխատում է միկրոձեռնարկատիրության համակարգով: Առաջին անգամ եմ անելու և խնդրում եմ ներողամտաբար մի քիչ ավելի մանրամասն բացատրեք անհրաժեշտ գործողությունների հերթականությունը, և ի՞նչ հաշվետվություններ և ե՞րբ լրացնեմ: (Եթե կարելի է նաև հաշվետվությունների լրացման ձևը մի փոքր մանրամասնեք): Կանխավ Շաաատ շնորհակալ եմ:

Սերգեյ․

Բարև Ձեզ: Հարգելի հաշվապահներ, անվտանգության տեսախցիկները ինչպե՞ս ձևակերպել ՀԾ-ով, եթե չի գերազանցում 50 000 դրամը: Իսկ եթե գերազանցում է, որպես ի՞նչ ակտիվ եմ դիտարկելու և որքա՞ն մաշվածության ժամկետով։

Նարա․

Բարև Ձեզ, հարգելի հաշվապահներ, խնդրում եմ օգնել հետևյալ հարցում։ Աուդիտի ենթակա կազմակերպությունները և խմբերը (խմբի մայր կազմակերպությունը) պարտավոր են տարեկան ֆինանսական հաշվետվությունները հրապարակել միայն աուդիտի ենթարկվելուց հետո։ Ո՞ր դեպքում կարող է կազմակերպությունը աուդիտի չենթարկվել։

Տաթևիկ․

Բարև Ձեզ, կօգնե՞ք հասկանալ՝ դոմենային անվան ձեռքբերումն իրենից ի՞նչ է ներկայացնում: Դոմենն ձեռք է բերվել փորձնական միայն մեկ տարի ժամկետով, եկամուտ չի գեներացրել: Հիմա սա արտոնագրի տրամադրման բաժանորդագրային ծառայությու՞ն է, ոչ նյութական ակտիվի վարձակալությու՞ն, թե՞ այլ բան: Իսկ եթե երկարաժամկետ լիներ, ի՞նչ կհամարվեր:

Հասմիկ․

Բարև Ձեզ։ ՍՊԸ-ն ձեռք է բերել երրորդ երկրից էլեկտրամոբիլ։ Ձեռք բերման գինը կազմել է 19 900 000 ՀՀ դրամ (հաշիվ արանքագիր, տրանսպորտի տեղափոխման ծախս, բնապահպանական հարկ, մաքատուրք, բրոքերի գումար), հիմա ուզում ենք վաճառել ՌԴ ֆիզ.անձի: Մեքենան գրանցված է, ձևակերպվել է որպես հիմնական միջոց: Ի՞նչ ձևակերպումներ պետք է տամ, ինչպե՞ս պետք է ԱԱՀ-ի հաշվետվությունը ներկայացնեմ (արտահանում ու քանի %)։

Մարիա․

Հայաստանի Հանրապետության ռեզիդենտ համարվելու համար Դուք պետք է հարկային տարվա ընթացքում 183 օր և ավելի փաստացի գտնվեք Հայաստանում և (կամ) Ձեր կենսական շահերի կենտրոնը գտնվի Հայաստանում, այսինքն, Ձեր ընտանիքը, տունը կամ բնակարանը, անձնական կամ ընտանիքի հիմնական գույքը, մասնագիտական կամ այլ գործունեության վայրը պետք է գտնվի Հայաստանում։

Ինձ մոտ շփոթմունք է առաջացնում "և/կամ կենսական շահերի կենտրոնը գտնվում է Հայաստանում" հատվածը։

Եթե ես և ամուսինս արդեն 5 տարի է չենք եղել ՀՀ-ում, սակայն ունենք ավանդ, և բնակարան ՀՀ-ում, մեր ծնողները ևս բնակվում են ՀՀ-ում, մենք համարվու՞մ ենք ռեզիդենտ, թե՞ ոչ։

Սիրելի հաշվապահներ, խնդրում եմ օգնեք հասկանալ այս սահմանումը։

Շնորհակալություն,

Մարիա

Գրիգոր․

Բարև Ձեզ։ Չէի՞ք հուշի՝ ՀԿ գործունեությունը դադարեցնելու քայլերի հաջորդականությունը որն է, ու ժողովի որոշման օրինակ կարո՞ղ եք տրամադրել, որով լուծարվում է կառույցը։

Ալինա․

Բարև Ձեզ, խնդրում եմ շատ օգնել առաջին քայլերը ճիշտ կատարել, որ խնդիրներ չառաջանան:
Այսօր, մոտենալով հարմար Հայփոստ, բացել եմ ԱՁ (07/02/2025), որից հետո գնացել եմ հարկային և գրանցվել որպես հարկատու։ Ձեռնարկատիրական գործունեության տեսակը՝ 62.01.0: Աշխատելու եմ որպես ՏՏ ռեկրուտեր (IT recruiter) տանից, իմ համակարգչով, Եվրոպական կազմակերպությունում: Այս քայլերից հետո ուրիշ ի՞նչ է պետք անել, ինչպե՞ս է հարկայինը իմանում, որ ես իրականում ՏՏ ոլորտում եմ, որպեսզի հարկվեմ 1% կամ 5%: Նախապես շնորհակալություն:

Մադլենա․

Բարի օր, հարգելի հաշվապաhներ: Խնդրում եմ տալ օրենքից հղումներ: ՍՊԸ-ն չի գործում 2017թ-ից, ազատվել են բոլոր աշխատակիցները: Իսկ 2018թ 4-րդ և 2019թ 1-ին եռամսյակներում մաս-մաս վաճառվել է ՍՊԸ-ին պատկանող տարածքը (անշարժ գույքը), վճարելով 10% հարկ գույքի օտարման համար: 2024թ․ դեկտեմբերին դիմել ենք լուծարման: Բացվել է ստուգում, և հիմա ասում են, որ օտարումից պիտի բաշխվի շահաբաժին և վճարվի 5% հարկ: Ասեմ, որ հիմնարկը աշխատել է շրջանառության հարկով և ժամանակավոր դադարի ժամանակ էլ ամեն տարի տրվել է հայտարարություն շրջանառության հարկով աշխատելու համար: ՍՊԸ-ի աշխատելու ընթացքում տնօրենը տվել է փոխառություն: Քանի որ խանութը աշխատում էր վնասով՝ փակվեց: Գույքի օտարման գումարով մարվել է փոխառության տրված գումարի մի մասը: 5 տարի պահելուց հետո հիմնարկի փաստաթղթերը վերացվել են: Խնդրում եմ ասեք. արդյոք կարո՞ղ են 6-7 տարվա փաստաթղթեր պահանջել, և ինչպե՞ս ապացուցել, որ անշարժ գույքի վաճառքի գումարով մարվել է փոխառություն: Ասեմ նաև, որ պահանջել են 5 տարվա բանկային քաղվածք 01.01.20-21.01.25թ: Կանխավ՝ շնորհակալ եմ:

Ռոզա․

Բարև Ձեզ, սիրելի հաշվապահներ։

Հարցս հետևյալն է՝ Ա/Ձ, որը 2025թ-ից աշխատում է շրջհարկի դաշտում և բանջարեղենի խանութ է, գյուղացուց ձեռք է բերել բանջարանա-բոստանային գյուղմթերք, ունի երկկողմանի գնման ակտ և համայնքապետարանի տեղեկանքը, որ իրոք տվյալ գյուղացին ունի հող և աճեցնում է գյուղմթերք: Արդյո՞ք գ/ա կդիտվի որպես ծախս:

Քրիստինե․

Բարև բոլորին։ Կազմակերպության հիմնադիրը որպես փոխառություն գումար է տրամադրել կազմակերպությանը և իր հաշվից փոխանցել է կազմակերպության հաշվին։ Դուրս է գրվել հաշիվ և գումարը փոխանցվել է կազմակերպության հաշվին։ Հիմա կարելի՞ է որպես փոխառության ետ վերադարձ ստացած գումարը փոխանցել հիմնադիրի հաշվին։

Վիկա․

Բարև ձեզ։ Եթե անձը հայտարարատու է որպես իրական շահառու և վարձու աշխատող, արդյո՞ք պետք է նաև նշի հայտարարագրի մեջ իր կողմից իր կազմակերպությանը տված փոխառության գումարը, որը մասնակի ետ է ստացել։ Շնորհակալ եմ։

Էլինա․

Բարև բոլորին, խնդրում եմ ուղղորդել՝ արդյո՞ք արտադրության մեջ անմիջականորեն ներգրավված աշխատողի պարապուրդում գտնվելու ընթացքում վճարված գումարը կարող է համարվել վարչական, թե՞ մնում է անմիջականորեն ներգրավվածի ծախս։ Շահութահարկի հաշվարկի 1 Բաժնի ո՞ր տողում եմ արտացոլերու այդ ծախսը։ Կանխավ շնորհակալ եմ։

Հասմիկ․

Չինաստանից ՍՊԸ ներմուծել է էլեկտրամոբիլ որպես հիմնական միջոց: Ինչպե՞ս պետք է ձևակեպեմ նրա ձեռքբերման ինքնարժեքը ըստ հաշիվների՝ մեքենայի բեռնափոխադրման վճարը, ինվոյսը, բնապահպանական վճարը և բրոկերային ծառայությունը։

Արփինե․

Ողջույն, խնդրում եմ ասեք՝ ի՞նչ փաստաթղթեր են անհրաժեշտ մանկական զարգացման կենտրոն բացելու համար։ Խոսքը գնում է լիցենզավորման չենթարկվող, ՈՉ կրթական գործունեությամբ կենտրոնի մասին, որտեղ երեխաների զբաղվածության և խաղային գործունեությունն է ապահովվելու։ Խնդրում եմ ուղարկել օրենքի հղում։

Նաև նշեմ, որ ունեմ գրանցված ԱՁ (միկրո) այլ ոլորտի։ Այս դեպքում կարո՞ղ եմ գործունեության փոփոխություն անել ու օգտագործել ԱՁ-ն, թե՞ պետք է նոր տեսակի ընկերություն գրանցել։ Եթե այո՝ ի՞նչ տեսակի, և ինչպե՞ս է հարկվելու այն։

Ջուլիա․

Բարև ձեզ, հարգելի հաշվապահներ։ Նորաբաց ԱՁ-ն գործելու է որպես ավտոպահեստամասերի խանութ, շրջհարկի դաշտում, կխնդրեի նշել՝ ո՞ր ապրանքները պետք է ՀԴՄ կտրոնի վրա ունենան ԱՏԳԱԱ կոդեր, որպեսզի չլինի օրենքի խախտում։

Մելինե․

Հարգելի հաշվապաներ, հիմնադիրին, ով նաև տնօրենն է, տրամադրել ենք փոխառություն դտ 145 կտ 252, և հաշվել աշխատավարձ՝ դտ 713 կտ 527: Իր գրավոր համաձայնությամբ փոխառությունը մարվելու է նաև աշխատավարձի հաշվին: Ինչպե՞ ս է այս ձևակերպումը տրվելու՝ դտ 527 կտ 145, իսկ ու՞ր մնաց 229 հաշիվը։ Խնդրում եմ պատասխանել:

Մարիամ․

Բարև Ձեզ։ Ես ցանկանում եմ ԱՁ-իս հաշվապահին փոխել, և հին հաշվապահը հրաժարվում է նորին տալ լիազորի անուն գաղտնաբառը (Չեմ հասկանում ինչու)։ Ինչպե՞ս կարող եմ ես վերականգնել։

Ողջույն բոլորին։ 2024թ․ 2 ամիս աշխատել է անձը քաղաքացիաիրավական պայմանագրով, նույն տարվա ընթացքում քարտին փոխանցվել է 1 500 000 դրամ, խաղային հաշիվներից ունեցել է ելքագրումներ մի քանի անգամ 600 հզ, 500 հզ, այդ կարգի գումարներ, փոքր մուտքեր ևս եղել են։ Արդյո՞ք կարող է անձը ինքը կատարել հայտարարագրում առանց հաշվապահի (որքանո՞վ է պարզ համակարգը), և արդյո՞ք եթե խաղային հաշիվներից ելքագրումները չներառվեն, որևէ խնդիր կլինի՞։ Խնդիր լինելու դեպքում անձն ինչպե՞ս է տեղեկանալու։

Նիկա․

Բարև Ձեզ։ Եթե շրջանառության հարկ վճարող ԱՁ-ի շրջանառությունը 2024թ. գերազանացել է 24մլն-ի շեմը, ապա տվյալ դեպքում մանրածախ առևտրով զբաղվող ԱՁ-ն պե՞տք է իրականացնի անալիտիկ հաշվառում։

Ալիսա․

Եթե ՍՊԸ-ն աշխատում է շրջանառության հարկով, շահաբաժին ճանաչու՞մ է, թե՞ ոչ։

Օլգա․

Բարև Ձեզ։ Խնդրում եմ օգնել, մի քանի հարցերին պատասխանել: Պետք է ԱՁ բացեմ և մատուցեմ հոգեբանական խորհրդատվություն:

1․ Ի՞նչ կոդ պետք է ընտրել ծառայությունների դասակարգչում, քանի որ ես հոգեբույժ/հոգեթերապևտ չեմ:

2․ Հաշիվ դուրս գրելու ժամանակ ինչպե՞ս նշեմ ծառայությունների տեսակը, որպեսզի խնդիր չառաջանա:

Շնորհակալ կլինեմ օգնության համար:

Ալլա․

Բարև Ձեզ, հարգելի հաշվապահներ, այսպիսի հարց ունեմ․ 2022թ. ապրանք ձեռք բերելու համար կանխավճար եմ փոխանցել, առաջացել է ԴՏ պարտք, այս տարի տվյալ կազմակերպությունը սնանկ է ճանաչվել, կարո՞ղ եմ այդ պարտքը համարել անհուսալի և դուրս գրել ԴՏ 714 ԿՏ 224։