Գայանե.

Բարև Ձեզ: Ա/Ձ-ն իր գործող գրախանութին կից առանձին բաժնով բացում է վարսավիրանոց: ԱՁ-ն կարո՞ղ է աշխատել մեկ ՀԴՄ-ով, բայց երկու բաժիններով` բաժին 1 և բաժին 2: Շնորհակալություն:

Հայկ.

Հարգելի հաշվապահներ, խնդրում եմ, օգնեք: Եթե կազմակերպությունը ֆիզ. անձից տարածք է վարձակալել, որտեղ իրականացնում է իր գործունեությունը, կարո՞ղ է արդյոք կազմակերպությունը ծախս ճանաչել էլ. էներգիայի ու մնացած կոմունալ վարձերը և նվազեցնել շահութահարկից:

“Աշխատանք” բաժնում ավելացվել է նոր հայտարարություն թափուր աշխատատեղի վերաբերյալ AGC LLC ընկերության կողմից:

Վարդգես.

Հարգելի կոլեգաներ, ողջույն:
Խնդրում եմ ինձ հուշեք, թե որտեղ (ո՞ւմ մոտ, ցանկալի է կազմակերպություն) կարելի է անցնել հաշվապահության դասընթացներ: Խնդիրը հաշվապահ պատրաստելը չէ, այլ ծրագրավորողներին հաշվապահություն սովորեցնելը, որպեսզի հետագայում հաշվապահական ծրագիրը մշակելիս բարդությունների առաջ չկանգնեն: Կանխավ շնորհակալ եմ բոլոր պատասխանների համար:

Լիանա.

Բարև Ձեզ:
Խնդրում եմ ինձ օգնել: Նոր եմ բացել ԱՁ, տարածք վերցնելու համար պետք է կազմեմ վարձակալության պայմանագիր ֆիզ. անձի հետ: Կարո՞ղ եմ Վարձակալական պայմանագիր կազմել ֆիզ. անձի և ԱՁ միջև, և արդյո՞ք դա ունի ինչ որ սպեցիֆիկ կազմման ձև: Եվ ես դրա վճարի հետ կապված որևիցե հաշվետվություն ներկայացնելու՞ եմ: Նշեմ, որ շրջանառության հարկով եմ հարկվելու:
Նախապես շնորհակալ եմ:

emi.

ՀԴՄ-ի սպասարկման հաշիվ-ապրանքագիր եմ ստացել փետրվարին, մատակարարման ամիսը նոյեմբերն է և դեկտեմբեր, որոնք չի ներառվել հաշվարկներում, տրվել է ԱԱՀ հաշվարկ առանց այդ երկու ամսվա մատուցաց ծառայության 6 000 դրամ: Մատակարար կազմակերպությունը ԱԱՀ-ով չի աշխատում: Ինչպիսի՞ ուղղումներ պետք է տամ հաշվարկների և հաշվետվության մեջ (մեր կազմակերպությունը աշխատում է ԱԱՀ-ով):

GLA.

Հարգելի կոլեգաներ,
խնդրում եմ պատասխանել հետևյալ հարցին.
կազմակերպությունը ճանաչում է իրեն ԱԱՀ վճարող փետրվարի 20-ից, իսկ մինչ այդ համարվել է շրջանառության հարկով հարկվող: Կազմակերպության կողմից դուրս գրված հաշիվները մինչև փետրվարի 20-ը ինչպե՞ս են ճշտգրտվելու և ինչպե՞ս են արտացոլվելու առաջին եռամսյակի ԱԱՀ հաշվարկում: Կանխավ շնորհակալ եմ օգնության համար:

Գարիկ.

Որտեղի՞ց կարող եմ ներբեռնել ՀԾ Հաշվապահ 2011:

Լուսինե.

Հարգելի հաշվապահներ, մեր կազմակերպությունը ձեռք է բերել նոր սերնդի ՀԴՄ` վճարելով 369 600 դրամ: Մեկ ամիս անց կառավարության որոշման համաձայն այդ գումարից 89 600 դրամ հետ է վերադարձվել մեր բանկային հաշվին: Փաստացի տեղի է ունեցել հիմնական միջոցի արժեքի փոփոխություն: Օգնեք խնդրեմ` ինչպե՞ս պետք է ձևակերպել գումարի հետ վերադարձը, որպեսզի ՀԴՄ արժեքը նույնպես ճշգրտվի: Նախապես շնորհակալություն:

Լյուդմիլա.

Հարգելի մասնագետներ, օգնեք ինձ 2013թ-ի առաջին եռամսյակից մինչև երրորդ եռամսյակ շրջանառության հարկով եմ աշխատել, իսկ չորրորդ եռամսյակում արդեն շահութահարկով: Հարցս հետևյալն է` 2014թ-ի շահութահարկի կանխավճարը հաշվելուց պետք է վերցնեմ շրջանառության հարկի գումարի 40% + 2013-ի չորրորդ եռամսյակի շահութահարկի գումարը և երկուսի հանրագումարի 18.75% հաշվե՞մ: Օրինակի համար շրջ. հարկի 40% – ը 100 000, շահութահարկի չորրորդ եռամսյակի գումարը 300 000

100 000 + 300 000 = 400 000
400 000 * 18.75% = 75 000 (2014 շահութահարկի կանխավճար)

Լուսինե.

Հարգելի հաշվապահներ, հարցս հետևյալն է. կազմակերպության դեբիտորական պարտքը (2 169 240 դրամ) կետանց դառնալուց հետո 91 – րդ օրը ստեղծել եմ պահուստաֆոնդ 25% – ի չափով, 181-րդ օրը՝ 50 % – ի չափով և 271-րդ օրը՝ 75 % – ի չափով: Իսկ հետագայում ի՞նչ պետք է անել. եթե հաշվետու տարում լրանում է նաև 366-րդ օրը, ապա կարո՞ղ եմ դեբիտորական պարտքը 100 % – ով հատկացնել պահուստաֆոնդին և տարվա վերջում հարկվող շահույթը որոշելիս նվազեցնել որպես այլ նվազեցում: Խնդրում եմ օգնել հնարավորության դեպքում: Շնորհակալություն:

Մարիամ.

Բարև Ձեզ, հարգելի կոլեգաներ:
Խնդրում եմ շատ շտապ պատասխանել իմ հարցին: Մեր կազմակերպությունը զբաղվում է շինարարությունով, քանի որ այս պահին կան կատարված աշխատանքներ, որի համար օգտագործվել է շինանյութ, բայց դեռ մյուս ամիս նոր կազմվելու է կատարողական ակտ, խնդրում եմ ասեք` ինչպե՞ս կարող եմ այդ նյութերը ելքագրեմ: Կարո՞ղ եմ տալ ձևակերպում որպես անավարտ շինություն, և ինչպե՞ս կլինի ձևակերպումը.
ԴՏ –
ԿՏ –

Հակոբ.

Կազմակերպությունը համարվում է ԱԱՀ վճարող: Ստացել է հարկային հաշիվ, որում նշված գործարքի արժեքը (ներառյալ ԱԱՀ-ն) կազմել է 1 մլն. դրամ: Գումարը վճարվել է մաս-մաս: Նախ կանխիկ` 250 հազ. դրամ, իսկ հետո մնացած մասը` բանկային փոխանցմամբ: Կարո՞ղ է արդյոք կազմակերպությունը հաշվանցել հարկային հաշվում առանձնացված ԱԱՀ-ի գումարը:

Լյուդմիլա.

ՀԾ-ով ինչպե՞ս հաշվել աշխատողի աշխատավարձը ժամավճարով, օրինակ, եթե մեկ ժամվա համար վճարվելու է 3 000 դրամից սկսած, աշխատակցի հավելում պահում դաշտում ինչ եմ գրում: Շտապ է, կանխավ շնորհակալ եմ:

Գառնիկ.

ՍՊ Ընկերությունը զբաղվում է ավիատոմսերի վաճառքով, հանդիսանում է միջնորդ և վճարվում է միջնորդավճարով: Ամսական շրջանառությունը գերազանցում է 3 մլն. դրամը: Հարցս հետևյալն է` արդյո՞ք որպես խախտում չի դիտվի դրամարկղային գրքում գրանցել ամսվա կտրվածքով 3 մլն դրամ գերազանցող գումար: Հակառակ դեպքում ինչպե՞ս վարվել կամ ի՞նչ օրենքներով առաջնորդվել: Կանխավ շնորհակալություն:

“Աշխատանք” բաժնում ավելացվել է նոր հայտարարություն թափուր աշխատատեղի վերաբերյալ “ԻՆՏԵՐ ԼՈՏՈ” ընկերության կողմից:

Իզաբելա.

Հարգելի գործընկերներ, եթե ճիշտ եմ հասկացել, 2014թ. առաքվող, տեղափոխվող ապրանքների գրքերը լրացվելու են էլեկտրոնային եղանակով: Հարկային հաշիվների ծրագրում կա էլեկտրոնային գրքեր էջը, որը ակտիվ վիճակում չէ: Խնդրում եմ ասել` ինչպե՞ս ատիվացնել այն: Ես ունեմ Հարկային Տեսչության կողմից տրված անուն և գաղտնաբառ:

Վահագն.

Հարգելի հաշվապահներ,

Մեկ տարվա ընթացքում օտարել եմ ինձ պատկանող երեք բնակարան, որոնցից առաջինը վաճառել եմ, իսկ մյուս երկուսը նվիրաբերել եմ սահմանափակ պատասխանատվությամբ ընկերությանը, որի հիմնադիրն ու տնօրենը հանդիսանում եմ ինքս: ՍՊԸ-ն իր հերթին վաճառել է այդ բնակարանները, ուստի և վճարել է առաջացած ԱԱՀ-ն: Մտավախություն ունեմ որպես անհատ ևս ենթարկվելու կրկնակի հարկման: Որքանո՞վ է իրատեսական դա: Նշեմ նաև, որ այդ գործընթացը կատարվել է մեկ տարվա ընթացքում:

Emily.

Բարև Ձեզ, հարգելի հաշվապահներ: Կխնդրեի, որ պատասխանեին զբոսաշրջության ոլորտում աշխատող հաշվապահները: Ա/Ձ սկսել է զբաղվել արտասահմանյան երկրների զբոսաշրջային կազմակերպությունների հետ զբոսաշրջային գործունեությամբ և հյուրանոցներում, հանգստյան տներում տեղեր ամրագրելով: Հարցերս հետևյալն են`

1. Արդյո՞ք պետք է Ա/Ձ-արտասահմանյան երկրներ ուղարկվող պայմանագրերի և հաշիվ-ֆակտուրաների համար համար ձեռք բերի կնիք կամ հակառակ դեպքում պե՞տք է արդյոք գլխավոր պայմանագրերը նոտարով հաստատված լինեն:

2. Արդյո՞ք պետք է պայմանագրերը և հաշիվ-ֆակտուրաները լինեն նաև հայերեն տարբերակով, բացի տվյալ երկրի լեզվով գրվածից:

3.Արդյո՞ք Ա/Ձ չի կարող աշխատել միայն բանկային հաշիվներով և պետք է ունենա ՀԴՄ և բացի ՀԴՄ կտրոնից հաճախորդին տրամադրի հաշիվ-ֆակտուրա ռուսերեն կամ անգլերեն, կամ այն երկրի լեզվով, ուր որ գնում է հաճախորդը: Ա/Ձ դեռ շրջանառության հարկ վճարող է:

Եվ վերջում շատ կխնդրեի, որ այս ոլորտում աշխատող հաշվահապներից մեկը իր հեռախոսի համար գրեր, որ հարցերի դեպքում դիմեի, իհարկե եթե կարելի է 🙂

Լյուդմիլա.

Շատ շտապ է, խնդրում եմ արագ արձագանքեք հարցիս` 2013 -ի չորրորդ եռամսյակից ԱԱՀ վճարող եմ համարվել, մինչ այդ շրջանառության հարկով եմ հարկվել մինչև սեպտեմբերի 30-ը:

Հարցս հետևյալն է` սեպտեմբերի համար Արմենթելի ու Օրանժի հարկային հաշիվները ստացել եմ Հոկտեմբերի 5-ին: Կարո՞ղ եմ հոկտեմբերի 5-ին ստացած հարկային հաշիվները չորրորդ եռամսյակի ԱԱՀ-ի հաշվարկի մեջ ներառել:

“Աշխատանք” բաժնում ավելացվել է նոր հայտարարություն թափուր աշխատատեղի վերաբերյալ Աուդիտորական ընկերության կողմից:

“Աշխատանք” բաժնում ավելացվել են նոր հայտարարություններ թափուր աշխատատեղերի վերաբերյալ “Աշտարակ Ձու” ՍՊԸ կողմից:

Նարինե.

Հարցս հետևյալն է` կազմակերպությունը աշխատում է մեծածախ առևտրով, ԱԱՀ-դաշտում: Հաշիվ-ապրանքները գրվել են նաև ոչ էլետրոնային: Արդյո՞ք պետք է ոչ էլեկտրոնային եղանակով դուրս գրված հաշիվ-ապրանքագրերը գրանցել առաքման գրքում: Կանխավ շնորհակալություն:

Արթուր.

Հարգելի գործընկերներ, արդյո՞ք դրամարկղային գրքերը պարտադիր էլեկտրոնային եղանակով վարելու պահանջը արդեն ուժի մեջ է: Արդյո՞ք ընդունվել է համապատասխան որոշումը:

Հակոբ.

Հարգելի հաշվապահներ, խնդրւմ եմ ինձ օգնեք, մինչև օրս ոչ-ոք չի կարողացել հստակ ու ճիշտ պատասխանել իմ հարցին.
Դեղագործական ընկերությունը, երբ դեղ է նվիրաբերռւմ, ինչու՞ է եկամտային հարկ վճարում: Հնարավո՞ր է, երբ բժշկին դեղ նվիրեն` փորձարկելու նպատակով, ինչ-որ միջոցով ազատվեն հարկի վճարումից, արդյո՞ք կա մի հոդված, որով կարող եմ դա հիմնավորել:

Հուսամ` որևէ մեկը ինձ ճիշտ ուղղու վրա կդնի ու կասի միջոց, որը հնարավոր կլինի գործի դնել:
Կանխավ շնորհակալ եմ:

Լուսինե.

Հարցս հետևյալն է. 2014 թվականի հունվարից հետո աշխատավարձի հաշվարկի մեջ արդյո՞ք համախառն աշխատավարձից է հաշվարկվում 5% կենսաթոշակային ֆոնդի գումարը, թե՞ եկամտային հարկի գումարը նվազեցնելուց հետո: Ես հրահանգի մեջ կարդացել եմ, որ 5 տոկոսը հաշվարկվում է մինչև եկամտային հարկի նվազեցումը, սակայն կցանկանայի ստույգ իմանալ` այս հարցի վերաբերյալ որևէ փոփոխություն եղե՞լ է, թե՞ ոչ: Շնորհակալություն:

ARMAN.

2014թ. անձի աշխատավարձը կազմում է 67 000 դրամ, և եկամտային հարկ ու 5 տոկոս կենսաթոշակային հաշվարկելուց հետո նա ստանալու է 48 120 դրամ, որը փոքր է մինիմալ աշխատավարձից: Արդյո՞ք նորից պետք է կատարվի աշխատավարձի բարձրացում, որպեսզի 50 000 դրամից պակաս չստացվի: Խնդրում եմ գրանցեք ճիշտ հաշվարկի ձև: Շնորհակալություն:

Gayane.

Կազմակերպությունը շահույթ չհետապնդող ոչ առևտրային հասարակական կազմակերպություն է: Չի աշխատում ԱԱՀ-ով կամ պարզեցված հարկով:

Ասացեք խնդրեմ` տարեկան հաշվետվություն ներկայացնելիս պե՞տք է արդյոք ներկայացնենք շահութահարկի պարզեցված հաշվարկ, թե՞ ոչ:

Նախապես շնորհակալ եմ:

“Աշխատանք” բաժնում ավելացվել է նոր հայտարարություն թափուր աշխատատեղի վերաբերյալ GLENDALE HILLS ընկերության կողմից:

Գրիգոր.

Էքսկավատորների համար պե՞տք է հաշվարկել գույքահարկ: Եթե այո, ապա բեռնատա՞ր մեքենա է, թե՞ մարդատար (p.s. տեխ. վկայագրում ձիաուժ նշված չէ): Եթե ոչ, ապա քանի՞ տարով պետք է մաշեցնել:

Gayane.

Խնդրում եմ պարզաբանել` Գործակալները (Գործատուները) Գրանցման հայտեր չեն ներկայացնում այն անձանց համար, որոնց վերաբերող` գրանցման հայտում ներառվելիք տեղեկատվությունը ՀՀ օրենսդրությամբ սահմանված է որպես սահմանապակ օգտագործման ենթակա տեղեկատվություն: ՀՀ կառավարության 2013 թվականի նոյեմբերի 28-ի N 1314-Ն որոշում:

Նախապես շնորհակալ եմ:

Լուսինե.

Եթե կարող եք օգնեք խնդրում եմ. կազմակերպությունը, որը զբաղվում է ծառայություններ մատուցելով ընդհանուր հարկման դաշտում, այժմ ցանկանում է գինի արտահանել Ուկրաինա: Նշեմ, որ կազմակերպությունը չունի պահեստ և առաքման գիրք: Արդյո՞ք օրենքը հնարավորություն է տալիս այդ կազմակերպությանը իրականացնել արտահանում՝ ապրանքը մատակարար հանդիսացող գործարանի հասցեից անմիջապես մաքսատուն տեղափոխելու ճանապարհով: Եվ ընդհանրապես հարկային առումով ի՞նչ խնդիրներ կարող են առաջանալ: Պատասխանը շտապ է հարկավոր:
Կանխավ շնորհակալություն:

“Աշխատանք” բաժնում ավելացվել է նոր հայտարարություն թափուր աշխատատեղի վերաբերյալ ACCEPT Employment Center ընկերության կողմից:

Արտակ.

Կազմակերպությունում աշխատում եմ 1,3 տարի, ընդհանուր աշխատանքային ստաժս 28 տարի է, աշխատավարձիս չափը կազմում է ամսական պահումները հանված (որի մեջ ներառված է նաև արհմիության համար 1%-ը)` 106 660 դրամ, հոկտեմբերի 25-ից մինչև նոյեմբերի 1-ը ներառյալ ներկայացրել եմ անաշխատության թերթիկ` նոյեմբերի 4-ին: Խնդրում եմ պատասխանել` կազմակերպությունը ի՞նչ ժամկետում և ինչքա՞ն գումար պետք է վճարի անաշխատունակության թերթիկի դիմաց:

Անուշիկ.

Բարև Ձեզ,
խնդրում եմ օգնեք մի հարցում: Ծառայություններ մատուցող ՍՊԸ-ն աշխատում է ԱԱՀ-ով: 14.11.2013-ին ծառայությունների մատուցման համար գրել եմ հարկային հաշիվ գումարը 120 000դր` արժեքը 100 000դր, ԱԱՀ 20 000դր: 15.11.2013-ին փոխանցել են 120 000 դրամ: Ի՞նչ ձևակերպումներ պետք է տամ: Կանխավ շնորհակալ եմ:

“Աշխատանք” բաժնում ավելացվել են նոր հայտարարություններ թափուր աշխատատեղերի վերաբերյալ “Բելենս Շիթ” ՍՊԸ և “Պետական կազմակերպության” կողմից:

“Աշխատանք” բաժնում ավելացվել է նոր հայտարարություն թափուր աշխատատեղի վերաբերյալ THINKER LLC ընկերության կողմից:

Հարգելի՛ հաշվապահներ,
ՖԻՆՍՈՖԹ ընկերությունը կազմակերպում է նոր ՀԾ-Հաշվապահ 6 համակարգի դասընթացներ.
– Համակարգի արագացված ուսուցում Ձեր գրասենյակում
– Անհատական դասընթացներ Ձեր գրասենյակում
– Անհատական և խմբակային դասընթացներ
Մանրամասները՝(010)564-522 (098) 606-181
www.finsoft.am

“Աշխատանք” բաժնում ավելացվել է նոր հայտարարություն թափուր աշխատատեղի վերաբերյալ Legal Audit LLC ընկերության կողմից:

Արման.

Հարգելի կոլեգաներ, վերջերս սկսել ենք օգտվել հարկային հաշիվների դուրսգրման էլեկտրոնային տարբերակից և պարզել ենք, որ հնուց բավականին շատ հաշիվներ կան, որոնք ստորագրված չեն մեր կազմակերպության կողմից: Կազմակերպությունը ԱԱՀ հաշվանցման խնդիր չունի` ԱԱՀ-ով չի հարկվում, սակայն հետաքրքիր է` կա՞ն արդյոք հաշիվները չստորագրելու այլ հետևանքներ: Նախապես շնորհակալություն:

“Աշխատանք” բաժնում ավելացվել է նոր հայտարարություն թափուր աշխատատեղի վերաբերյալ DTS ընկերության կողմից:

Նաիրի.

ԱՁ-ն շրջանառության հարկ վճարող է, հետևաբար առաքման գիրք չի վարում, բայց մեքենայով պահեստից խանութ տարվող ապրանքների համար պարտավո՞ր է ուղեկցող փաստաթուղթ (բեռնագիր) ունենալ:

Հաշվապահության խորացված դասընթացներ

Դասընթացը իրականացվում է հետևյալ ծրագրով.
– Հաշվապահական հաշվառման հիմունքներ
– Դրամական միջոցների հաշվառում
– Պաշարների հաշվառում
– Հարկեր
– Աշխատավարձ, կադրերի հաշվառում
– Հիմնական միջոցների և Ոչ նյութական ակտիվների հաշվառում
– Արտադրություն
– 1С Հաշվապահություն 8
– Տեսական պարապմունքներն ուղեկցվում են գործնական վարժություններով, խնդիրներով, թեսթային առաջադրանքներով:
– Հաշվապահության վարման համար անհրաժեշտ բոլոր հաշվապահական գրքերի, փաստաթղթերի լրացում ու հարկային հաշվետվությունների կազմում:
– Անհրաժեշտ հաշվարկները 1C հաշվապահություն ծրագրով, MS Excel ծրագրով իրականացման ուսուցում և E-invoicing-ով հարկային հաշիվների դուրս գրման ուսուցում:
– էլեկտրոնային հաշվետվությունների կազմում:
– Յուրաքանչյուր ուսանող ապահովվում է դասընթացի համար անհրաժեշտ նյութերով, գրենական պարագաներով:
Դասընթացի տևողությունն է 50 պարապմունք:
1С 8 հաշվապահություն ուսուցման դասընթացինը՝ 12 պարապմունք:
Շաբաթական՝ 3 անգամ – 2 ժամ տևողությամբ:
Ուսման վարձը ամսական 35.000 ՀՀ դրամ

Գրանցվելու համար կարող եք զանգահարել 010 53-33-61, 093 53-31-97, 060 53-03-61, 060 53-13-61 կամ այցելել Տերյան 25, բն. 6

• Հաշվառման ընդգրկված ուղղություններն են
– Գնորդների հետ փոխհարաբերությունների կառավարում: CRM կամ Customer Relationship Management – ը (Գնորդների հետ փոխհարաբերությունների կառավարում) հանդիսանում է ձեռնարկությունների ժամանակակից ինֆորմացիոն համակարգերի անբաժան ելի մասը: Նախատեսվում է պայմանագրերի կնքման ու կատարման էտապներում տեղի ունեցած բոլոր իրադարձությունների գրանցում: Համակարգը թույլ է տալիս հետևյալ գործողությունները
– Յուրաքարչյուր գնորդի կարիքներին ուղղված անձնավորվոծ մոտեցում
– Կուտակվում է բոլոր կոնտրագենտների և նրանց աշխատակիցների կոնտակտային ինֆորմացիքն և նրանց հետ կոնտակտների պատմությունը:
– Բիզնես պրոցեսների մեխանիզմների կիրարկմամբ իրացման կառավարում:
– Չավարտված գործարքների վերլուծություն և գնորդների հետ նախատեսվող գործարքների պլանավորում:
– Գնորդների հետ մենեջերմերի իրականացրած աշխատանքի վերլուծություն և էֆեկտիվության գնահատում:
– Վաճառքի կանոնների հայտարորւմ: Ծրագիրը հնարավորությունէ տալիս հայտարարել վաճառքների կանոններ ինչպես գնորդների համար անհատական, այնպես էլ տիպային ըստ սեգմենտների: Դրան վերաբերվում էն գնային քաղաքականությունը, վճարման պայմանները և զեղչային համակարգի պայմանները:
– Վաճառքների ավտոմատացում: Ծրագիրը ամբողջությամբ կանոնակարգում է վաճառքները: Միաժամանակ վաճառքը կարելի ներկայացնել և ողջ ցիկլով սկսած գնորդի կողմից ներկայացված նախնական հետաքրքրությունների հայտի, և պարզեցված ընթացակարգով:
– Առևտրային գործակալների կառավարում: Համակարգում գործում է առևտրային գործակալների կառավարման համակարգ՝ գնորդների ամրագրում ըստ գործակալների, այցելությունների գրաֆիկի հայտարարում, պատվերների գրանցում: Ավանսային հաշվետվությունների օգնությամբ գրանցվում են առևտրային գործակալների ծախսերը:
– Պաշարների կառավարում: Համակարգի ունի պաշարների կառավարման ֆունկցիոնալ հնարավորություն որը ընդգրկում է՝
– Ըստ կուտակված պատվերների և վաճառքների վիճակագրական տվյալների պահեստի մնացորդների ապահովում:
– Գնումների երկարաժամկետ պլանավորում և դրանց հիման վրա պատվերների ձևավորում:
– Պահեստի կառավարում: Համակարգում իրականացված է պահեստում առկա ապրանքների օպերատիվ կառավարման համակարգ: Համակարգը թույլ է տալիս՝
– Ապրանքների մնացորդների կառավարում ըստ տարբեր չափման միավորների:
– Սեփական և իրացման համար ստացված ապրանքների տարանջատված հաշվառում:
– Պահեստում ըստ պահման վայրերի ապրանքների հաշվառման դետալիզացիա ուղղված պատվերների հավաքման օպտիմալացմանը:
– Ապրանքների սերիական հաշվառում
– Ըստ տարբեր բնութագրիչների հաշվառման հնարավորություն (գույն, չափս և այլն):
– Կոմպլեկտավորման ու ապակոմպլեկտավորման հնարավորություն:
– Ապրանքների պահուստավորման հնարավորություն:
– Ֆինանսների կառավարում: Այս համակարգը թույլ է տալիս լուծել դրամական միջոցների հոսքի պլանավորումն ու հաշվառումը և փոխադարձ հաշվարկների կառավարումը: Արդյունքում համակարգը թույլ է տալիս վերլուծել ֆինանսական արդյունքները:

• Լրացուցիչ ֆունկցիոնալ հնարավորություններ
– Բանկ Կլիենտ համակարգ: Վճարման հանձնարարագրերի ավտոմատ արտահանում xml ֆորմատով սպասարկող բանկի հետ համաձայնեցված կանոնակարգերով: Բանկից ստացված xml ֆորմատով քաղվածքից ստացված գումարների անալիտիկայի ներբեռնում ինֆորմացիոն համակարգ:
– Ինտեգրացիա e-invoicing-ի հետ: Հարկային հաշիվների առանձին ու խմբային արտահանում e-invoicing և e-invoicing-ից ներբեռնում ինֆորմացիոն համակարգ:
– Կառավարման վահանակի խմբագրման հնարավորություն: Օգտագործողի կողմից կարելի է խմբագրել կառավարման վահանակը ու թողնել միայն այն հրամանների կետերը, որոնք հարմար կգտնի օգտագործողը: Ստացված տարբերակը մնացած օգտագործողներին փոխանցելու հնարավորություն:
– Ինտերնետ հասանելիություն: Հնարավոր է աշխատանք ինֆորմացիոն բազայում ինտերնետ միջավայրում առանց օգտագործողի համակարգչում ծրագրի տեղադրման Internet Explorer, Google Chrome, Mozilla Firefox, Apple Safari ծրագրերով:
– Թույլտվությունների ճկուն համակարգ: Օգտագործողների համար թույլտվությունների ու հասանելիության ճկուն համակարգ կախված օգտագործողներին տրամադրված աշխատանքային դերերից:

Ձեռք բերելու համար կարող եք զանգահարել 010 53-33-61, 093 53-31-97, 060 53-03-61, 060 53-13-61 կամ այցելել Տերյան 25, բն. 6

• Հաշվառման բոլոր ուղղությունների ընդգրկում
– Բանկ ու դրամարկղ: Դրամական հոսքերի հաշվառում, դեբիտորական ու կրեդիտորական պարտավորությունների մարում, կանխավճարների ավտոմատ ձևավորում, առհաշիվ գումարների հաշվառում:
– Գնումներ և իրացում: Դեբիտորական ու կրեդիտորական պարտավորությունների հաշվառում, կանխավճարների ավտոմատ մարում, ձեռք բերվող ԱՆՊ-ի ինքնարժեքի ավտոմատ ձևավորում:
– Ոչ ընթացիկ ակտիվներ (ՈԸԱ): ՈԸԱ ֆինանսական և հարկային առանձնացված հաշվառում (առանձնացված օգտակար գործողության ժամկետներ և ծախսագրման անալիտիկա), ըստ ՀՄ և ՈՆԱ խմբերի ու ըստ նյութական պատասխանատու անձնաց հաշվառում:
– Պահեստի հաշվառում: ԱՆՊ նյութաշարժ ու ծախսագրում ըստ պահման վայրերի, ըստ նյութական պատասխանատու անձանց ու ապրանքային խմբերի:
– Կադրային հաշվառում: Աշխատակիցների անձնական տվյալների, աշխատանքային կենսագրության, կադրային հրամանների (Աշխատանքի ընդունման, կադրային փոփոխությունների, աշխատանքից ազատման, արձակուրդի տրամադրման ու գործուղման) հաշվառում, կուտակված արձակուրդային օրերի հաշվառում, արձակուրդային պահուստաֆոնդի հաշվառում:
– Աշխատավարձ: Արձակուրդայինի հաշվարկ, հիվանդաթերթիկի հաշվարկ, պարգևատրման կարգագիր: Տաբելի ձևավորում համաձայն դրույքաչափի, աշխատանքային գրաֆիկների, կադրային հրամանների, հիվանդաթերթիկների ու արձակուրդայինների հաշվարկների:
– Արտադրություն: Միավոր արտադրանքի սպեցիֆիկաների ձևավորում, հիմնական սպեցիֆիկայի որոշում: Միավոր արտադրանքի նյութածախսի հաշվարկ (պլանային): Արտադրանքի մուտք պահեստ, արտադրանքի ինքնարժեքի ավտոմատ ձևավորում, ամսվա ընթացքում իրացված արտադրանքի չափով իրացված արտադրանքի ինքնարժեքի ավտոմատ կարգավորում:

• Լրացուցիչ ֆունկցիոնալ հնարավորություններ
– Բանկ Կլիենտ համակարգ: Վճարման հանձնարարագրերի ավտոմատ արտահանում xml ֆորմատով սպասարկող բանկի հետ համաձայնեցված կանոնակարգերով: Բանկից ստացված xml ֆորմատով քաղվածքից ստացված գումարների անալիտիկայի ներբեռնում ինֆորմացիոն համակարգ:
– Ինտեգրացիա e-invoicung-ի հետ: Հարկային հաշիվների առանձին ու խմբային արտահանում e-invoicung և e-invoicung-ից ներբեռնում ինֆորմացիոն համակարգ:
– Կառավարման վահանակի խմբագրման հնարավորություն: Օգտագործողի կողմից կարելի է խմբագրել կառավարման վահանակը ու թողնել միայն այն հրամանների կետերը, որոնք հարմար կգտնի օգտագործողը: Ստացված տարբերակը մնացած օգտագործողներին փոխանցելու հնարավորություն:
– Ինտերնետ հասանելիություն: Հնարավոր է աշխատանք ինֆորմացիոն բազայում ինտերնետ միջավայրում առանց օգտագործողի համակարգչում ծրագրի տեղադրման Internet Explorer, Google Chrome, Mozilla Firefox, Apple Safari ծրագրերով:
– Թույլտվությունների ճկուն համակարգ: Օգտագործողների համար թույլտվությունների ու հասանելիության ճկուն համակարգ կախված օգտագործողներին տրամադրված աշխատանքային դերերից:

Ձեռք բերելու համար կարող եք զանգահարել 010 53-33-61, 093 53-31-97, 060 53-03-61, 060 53-13-61 կամ այցելել Տերյան 25, բն. 6

Hayk.

Հարգելի հաշվապահներ, խնդրում եմ օգնեք. այս տարվա մինչև հունիսի 15-ը և մինչև սեպտեմբերի 15-ը վճարվել է 2-րդ և 3-րդ եռամսյակների նվազագույն շահութահարկը: Հոկտեմբերին պարզվել է, որ չենք վճարել առաջին եռամսյակի նվազագույն շահութահարկը, որն ուզում ենք հիմա վճարել: Կարո՞ղ եք ասել` տույժ էլ պետք է վճարեմ, եթե այո, ապա ի՞նչ ժամկետի համար: Ցանկանում եմ հղում անել նաև շահութահարկի մասին Կարգի 9.4 կետը և կխնդրեի ձեր մեկնաբանությունները:

Ընդ որում` նվազագույն շահութահարկի եռամսյակային գումարների նկատմամբ տույժերը հաշվարկվում են միայն ռեզիդենտի մոտ իրականացված շահութահարկի գծով պետական բյուջեի հետ փոխհարաբերությունների ճշտության ստուգման ընթացքում:

Արթուր.

Հարգելի գործընկերներ, կազմակերպությունը որոշել է նվիրատվություն կատարել կազմակերպությանը պատկանող մեքենան ֆիզ. անձի: Արդյո՞ք առաջանում են հարկային պարտավորություններ կազմակերպության կամ ֆիզ. անձի համար: Նախապես շնորհակալություն:

Լիլիթ.

Հարգելի կոլեգաներ, խնդրում եմ պատասխանել հետևյալ հարցին:
Արդյո՞ք կազմակերպությունն իրավունք ունի իր խորհրդի անդամին (որը չի հանդիսանում աշխատակից) գործուղել արտերկիր և նրան վճարել օրապահիկ: Եթե այո, վերջինիս վճարված օրապահիկը արդյո՞ք համարվում է հարկվող եկամուտ, իսկ գործուղման ծախսերը շահութահարկով նվազեցվո՞ղ են:

Հովհաննես.

Բարև Ձեզ: Ես պատրաստվում եմ գրանցել որպես ԱՁ և ապրանքներ ներկրել Չինաստանից վաճառքի նպատակով: Վաճառքը լինելու է ինտերնետով՝ սպառողներ գտնելու միջոցով:

Ինձ հետաքրքրում է.
– ի՞նչ պետք է իմանամ որպես սկսնակ ԱՁ
– ի՞նչ խնդիրների հետ կարող եմ հանդիպել
– ի՞նչ չափի հարկ/տուրք պետք է վճարեմ մաքսայինին ապրանքը ստանալիս, և արդյոք կա՞ “թույլատրելի” սահմանաչափ, որի դեպքում մաքս չի վճարվում
– ի՞նչ ձևերով է իրականացվում մաքսային և հարկային մուծումների չափի որոշումը

Շնորհակալություն:

“Աշխատանք” բաժնում ավելացվել է նոր հայտարարություն թափուր աշխատատեղի վերաբերյալ ESTERINA ընկերության կողմից: