Լիլիթ․

Բարև Ձեզ։ Կներեք մեկ հարց տամ. աշխատակից ունենք ով հունվար ամսին ընդհատումներով, բայց փետրվար, մարտ ամսիներին ամբողջությամբ եղել է անաշխատունակության մեջ, ինձ հետաքրքիր է՝ նա իրավունք ունի 3 ամիս անընդմեջ, թե՞ տարվա ընթացքում 3 ամիս բացակայելու աշխատանքից: Եվ ի՞նչ դեպքում է տրվում 120, որոշ դեպքերում 140 օր անաշխատունակություն, և դա էլ ընդմիջումներով է, թե՞ տարվա ընթացքում: Կանխավ շնորհակալ եմ…

Լիզա․

Եթե ես բացել եմ Ա/Ձ, բայց դեռ հարկային չեմ ներկայացել, գործունեությունս` լեզուների դասավանդում, կարո՞ղ եմ միկրոյի տակ, որպես ինքնազբաղված գրանցվել։ Եվ պայմանագրով աշխատել արտերկրյա կազմակերպության հետ։

Մելինե․

Բարև Ձեզ։ Ցանկանում եմ ինձ տեղեկացնեք մայրության և անաշխատունակության նպաստի հաշվարկման վերաբերյալ մի քանի նրբություններ: Ինքս աշխատում եմ արդեն մոտ 3 տարի որպես հիմնական աշխատող X գործատուի մոտ, 2022 թվականի հունվարի 14-ից աշխատում եմ նաև Y գործատույի մոտ, մի փոփոխությամբ՝ X գործատույի մոտ համատեղությամբ է հաստիքս, իսկ Y գործատույի մոտ հիմնական։ Ասացեք խնդրեմ՝ ինչպե՞ս պետք է կատարվի ինձ վերաբերվող (մայրության, անաշխատունակության) նպաստների հաշվարկները: Արդյոք ո՞ր գործատույից եմ ստանալու ինձ վճարվելիք գումարները, ի՞նչ տվյալներ պետք է ընդգրկվեն, պե՞տք է X գործատույից տվյալներ վերցնել, միջին աշխատավարձ ինչպե՞ս են ստանալու։ Մանրամասն խնդրում եմ պատասխանել, եթե կարող եք:
Կանխավ շնորհակալություն։

ԳՈՌ.

01.01.18թ-ի դրությամբ ընկերության հիմնական միջոցի հաշվեկշռային արժեքը 7 000 000 դրամ է, մնացորդային ամորտիզացիոն ժամկետը 4 տարի։ Նվազագույն ամորտիզացիոն ժամկետը 5 տարի, 01.08.18թ-ին կատարվել է կապի 3 000 000 դրամի չափով: Պահանջվում է որոշել տարեկան մաշվածության գումարը։

Անի․

Հարգելի՛ հաշվապահներ, արագամաշ առարկաների կիրառության վերաբերյալ ի՞նչ կարող եք ասել: Բնույթով արագամաշ առարկաներ կան մուտք անելու ՀԾ, բայց տեղեկացա, որ կարող եմ մուտք անել պահեստ և ծախսագրման ժամանակ դուրս գրել պահեստից: Ի՞նչ խորհուրդ կտաք: Ավտոյի յուղերի ձեռքբերման ժամանակ ի՞նչ ձևակերպումներ տալ: Ո՞ր հաշվով մուտք անել՝ 2113 վառելիք, թե՞ 2119 այլ նյութեր:

Գայանե․

Ողջույն բոլորին։ Ինձ կասեք՝ եթե աշխատողը դուրս է գալիս աշխատանքից, վերջնահաշվարկը ինչքա՞ն ժամանակում պետք վճարեմ։ Եվ հաջորդ հարցս․ եթե չվճարեմ՝ ի՞նչ պատասխանատվություն է առաջ գալիս։ Շնորհակալություն։

Բարև Ձեզ։

Ի՞նչ հարկեր պետք է վճարի ԱՁ-ն ՏՏ ոլորտի համար:

Աննա․

Հղիության և ծննդաբերության արձակուրդից վերադարձած աշխատակցի հրամանը ինչպե՞ս գրել։

Էլլա․

Բարև Ձեզ։ Միջնորդ կազմակերպությունը ԱԱՀ վճարող պատվիատուից (ՀՀ ռեզիդենտ) բեռը վերցնում է, տալիս է բեռնափոխադրող ընկերությանը (Բուլղարիա) ՀՀ-ից Իտալիա բետնափոխադրման համար: Հարց՝ 1. Ինչպե՞ս պետք է հարկվի միջնորդ ընկերությունը: 2. Բուլղարական ընկերության կողմից ստացված ծառայության հաշիվը ինչպե՞ս պետք է ցույց տալ: 3. Բեռնափոխադրման ապահավոգրության համար ԱԱՀ-ով հաշի՞վ պետք է գրի պատվիարտուին։

Կիմա․

Բարև ձեզ։ Առնչվել եմ հետևյալ խնդրի հետ, խնդրում եմ օգնեք ձեր փորձով։ 2018թ․ հայտարավել է շահաբաժին և ԿՏ 529 հաշվին կա 35մլն դր., որը մինչև այսօր չի վճարվել, հիմա փորձում եմ շտկել այնպես, որ տույժեր քիչ հաշվարկվի՝ 1. 2021թ. դեկտեմբերին դրամարկղով վճարեմ այդ 35մլն, (5% եկամտային հարկը հանված), ուղարկեմ դեկտեմբերի համար ճշտված 189 ձևը, վճարեմ հարկը և տույժերը: Խնդրում եմ, դուք էլ ձեր տարբերակները առաջարկեք, որպեսզի քիչ տույժեր հաշվարկվի: Շնորհակալություն։

Աննա.

Բարև Ձեզ: Արդյո՞ք պարտադիր է անաշխատունակության համար հրաման գրել: Կանխավ շնորհակալություն:

Ռազ․

Բարև ձեզ, հարգելի հաշվապահներ։ Հարցս կապված է ԱԱՀ հաշվետվության հետ․ եթե ՀԴՄ-ով վաճառք ենք իրականցրել, և վերադարձ է կատարվել, վերադարձի գումարը նշու՞մ ենք 8-րդ տողում, թե՞ վերադարձի չափով 9-րդ տողը քիչ ենք լրացնում։

Մերի․

Բարև ձեզ։ Ի՞նչ ծրագիր քաշեմ որպեսզի e-invoicing-ը աշխատի Մոսկվայում։

Նունե․

Բարև ձեզ։ Խնդրում եմ ասեք՝ հաշվապահական ծառայության մատուցումը ո՞ր հարկային դաշտում պետք է աշխատի՝ ԱԱՀ, թե՞ շրջհարկ։

Նարինե․

Հարգելի գործընկերներ, ՍՊԸ-ն աշխատում է շրջհարկով, ձեռք է բերել լիզինգով բեռնատար, հանձնման-ընդունման ակտում առանձնացված ԱԱՀ-ն արդյո՞ք պետք է գումարել արժեքին ձևակերպման ժամանակ, թե՞… ի՞նչ պետք է անել։ Կանխավ շնորհակալություն։

Դիանա.

Բարև ձեզ, հարգելիներս: Խնդրում եմ ասել՝ եթե ԱՁ-ն տարվա սկզբից 4 ամիս աշխատել է որպես միկրոձեռնարկատիրության սուբյեկտ, իսկ հետո փոխել է և աշխատել շրջհարկով։ Միկրոյի համար մինչև փետրվարի 1-ը պե՞տք է հանձներ տարեկան իրացման շրջանառության վերաբերյալ հաշվետվություն։
Եվ մի հարց էլ. միկրոձեռնարկատիրության սուբյեկտը համարվում է ընտանեկան ձեռնարկատիրության սուբյե՞կտ (ուղղակի հարկային մարմնի ծանուցման մեջ նշված է ընտանեկան ձեռնարկատիրության սուբյեկտ): Նախապես շնորհակալ եմ։

Անյա․

Տնօրենս 16.03.22թ-ին ազատվել է տնօրենի պաշտոնից, բայց ինքը պարապում էր նաև 7 ժամ հայոց լեզու, որը այժմ էլ շարունակում է պարապել։ Արդյո՞ք պետք է հաշվարկել վերջնահաշվարկ, եթե այո, ինչպե՞ս։

Կարեն․

Ողջույն,
մատուցում եմ մարքեթինգային ծառայություններ ԱՄՆ-ում գրանցված և գործող ընկերությանը։
Հարց 1 – արդյո՞ք օրենքին հակասում է աշխատելը առանց որևէ ընկերություն գրանցելու։
Հարց 2 – Եթե ցանկանում եմ օգտվել եկամտային հարկի վերադարձից, չեմ կարո՞ղ գրանցվել որպես ԱՁ, անհրաժեշտ է ունենալ ՍՊԸ և համարվել վարձու աշխատո՞ղ։

Կարինե.

Հարգելի հաշվապահներ, խնդրում եմ պարզաբանել` j59.2 և j59.1.2 դասակարգիչով Ա/Ձ-ն կարո՞ղ է միկրոյով աշխատել։ Շնորհակալ եմ։

Պետական եկամուտների կոմիտեն 2022թ․ մարտի 18-ին տեղեկացրել էր, որ 2022 թվականի մարտի 17-ին Մոսկվայում կայացած Եվրասիական տնտեսական հանձնաժողովի խորհրդի նիստի ընթացքում ընդունված որոշմամբ՝ ֆիզիկական անձանց կողմից անձնական օգտագործման համար առցանց անմաքս առևտրի շեմը՝ գործող 200 եվրոյի փոխարեն սահմանվել է 1000 եվրո և (կամ) 31 կգ:

Որոշմամբ սահմանվել է, որ այն կգործի մինչև 2022թ․ հոկտեմբերի 1-ը։

Նշված որոշումը հրապարակվել է ԵԱՏՄ հանձնաժողովի կայքում 2022 թվականի մարտի 21-ին և ուժի մեջ է մտնում հրապարակվելուց հետո տասներորդ օրը՝ 2022 թվականի մարտի 31-ին։

Եվրասիական տնտեսական հանձնաժողովի խորհրդի 2017 թվականի դեկտեմբերի 20-ի N107 որոշմամբ սահմանված է, որ անդամ պետությունների ազգային օրենսդրությամբ կարող են սահմանվել որոշմամբ նախատեսված արժեքային, քաշային և (կամ) քանակական նորմերից ավելի խիստ նորմեր, որոնց դեպքում գործում են ազգային օրենսդրությամբ սահմանված նորմերը։ «Մաքսային կարգավորման մասին» օրենքի 249-րդ հոդվածի 4-րդ մասի 1-ին կետով առանց մաքսատուրքերի, հարկերի վճարման արժեքային, քաշային շեմը սահմանված է 200 000 դրամ և (կամ) 30 կգ, հետևաբար Եվրասիական տնտեսական հանձնաժողովի խորհրդի 2017 թվականի դեկտեմբերի 20-ի N107 որոշումն ուժի մեջ մտնելու օրվանից՝ մարտի 31-ից, կգործի «Մաքսային կարգավորման մասին» օրենքով սահմանված՝ 200 000 դրամի և (կամ) 30 կգ-ի շեմը։

Ավելին՝ այս հղումով…

Անի.

Հարգելի՛ հաշվապահներ, իմ կազմակերպությունն աշխատում է ԱԱՀ-ով, հաշիվ է ստացել աշխատանքների կատարման 2021թ. սեպտեմբեր ամսին մեկ այլ կազմակերպությունից, հաստատել է այդ հաշիվը սեպտեմբերին, սակայն այդ կազմակերպությունը դեկտեմբերին իր դուրս գրած հաշիվը չեղարկել է` սխալ գրված բովանդակության պատճառով, և նույն գումարի չափով հաշիվ է դուրս գրել, նշելով մատակարարման օրը սեպտեմբերին: Ինչպե՞ս վարվել ԱԱՀ հաշվետվության հետ: ՀԾ-ում ինչպե՞ս ձևակերպել: Շնորհակալ եմ:

Նունե.

Բարև Ձեզ: Եթե նոր անձնագիր եմ վերցրել, բայց հարկայինում հին տվյալներն են գրանցված, խնդի՞ր է: Ի՞նչ պետք է անեմ: Կանխավ շնորհակալություն:

Արմի.

Բարև Ձեզ, հարգելի հաշվապահներ։ S96.03.0 այն է` թաղումների կազմակերպում և դրա հետ կապված ծառայություններ, դասակարգիչով գործունեությունը չեմ տեսնում օրենքի կողմից խոչընդոտ, որպեսզի աշխատի միկրոձեռնարակատիրության համակարգում։ Իսկ դու՞ք:

Նադյա․

Հայաստանյան Իրավաբանական անձը սարքավորումներ է ներմուծելու Եվրոպական երկրներից և, ապա արտահանելու է ՌԴ։ Խնդրում եմ լուսաբանել՝ թե ե՞րբ և ի՞նչ պայմաններում կարող է իրավաբանական անձը ետ ստանալ ներմուծելիս մաքսազերծման շրջանակներում վճարված ԱԱՀ-ն։ Կանխավ շնորհակալ եմ պատասխանի համար։

Շուշանիկ․

Խնդրում եմ օգնել հատեվյալ հարցում․ եթե ՍՊԸ-ն վճարում է նվազագույնից ցածր աշխատավարձ, ընդորում աշխատողը քաղիրավական պայմանագրով է ծառայությունը մատուցում, ապա դրոշմանիշային վճարը պետք է գործատուն վճարի՞։ Այսինքն՝ 50 000 մաքուր աշխատավարձ եմ հաշվարկում և նրա մեջ դրոշմանիշայինի 1 500 դրամը չի մտնում։ ճի՞շտ եմ հասկանում։

Անահիտ.

Հարգելիներ, իսկ տարվա վերջին օրով կազմակերպության USD բանկային հաշվի վերագնահատումից առաջացած եկամուտը կարո՞ղ ենք եկամուտ նշել շահութահարկում: Ձևակերպումը՝ դբ 41251 կր 2531 – USD 604350:

Բարև Ձեզ։ Ընկերներ, կասե՞ք՝ վերջնահաշվարկի ժամանակ այս օրենքի հղումը․ 1․ Այն դեպքում, երբ միջին ամսական աշխատավարձի հաշվարկման պահանջ առաջանալու ամսվան նախորդող տասներկու ամիսներում աշխատողը չի ունեցել փաստացի հաշվարկված աշխատավարձ, կամ տասներկու ամիսներում առկա են սույն մասի երկրորդ պարբերությունում թվարկված դեպքերը, միջին աշխատավարձի փոխարեն հաշվարկման համար հիմք է ընդունվում աշխատողի համար օրենսդրությամբ սահմանված պաշտոնային դրույքաչափը կամ աշխատանքային պայմանագրով կամ աշխատանքի ընդունման մասին իրավական ակտով սահմանված ամսական աշխատավարձը: Եթե սահմանված է ժամային դրույքաչափ, ապա հաշվարկների համար հիմք է ընդունվում ժամային դրույքաչափը: Հարց․ այսինքն՝ վերջնահաշվարկի ժամանակ, եթե աշխատավարձը ըստ պայմանագրի 13 000դր է կազմում, պիտի հաշվե՞նք հետևյալ կերպ՝ 05․10․2021 ընդունվել է բուժաշխատող, 19․03․2022 ազատվել, աշխատավարձը 13 000դր, շաբաթը 2 օր է աշխատում, ընդհանուր 4 ժամ։ Հաշվարկ 13․000/21= 619, 22/12=1,83 (6*1.83)*619։ Ճի՞շտ եմ հաշվել։

Արմինե․

Հարգելի մասնագետներ, խնդրում եմ օգնել հետևյալ հարցում. եթե ընկերության աշխատակցի հետ կնքված է եղել աշխատանքային պայմանագիր և լիակատար նյութական պատասխանատվության պայմանագիր /օրինակ՝ պահեստի պատասխանատուն է եղել/, սակայն նա անցնում է այլ հաստիքով աշխատանքի, որի հետ չի պահանջվում կնքել լիակատար նյութական պատասխանատվության պայմանագիր, տվյալ դեպքում հաստիքի փոփոխման համաձանագրում կամ հրամանում պարտադի՞ր է նշել՝ լուծել այս ինչ թվականին կնքված լիակատար նյութական պատասխանատվության պայմանագիրը և նշանակել այս ինչ պաշտոնի։ Եթե չնշվի, ապա դա կարո՞ղ է դիտարկվել որպես կոպիտ սխալ, և առհասարակ, ինչպե՞ս է ընթացակարգը: Կանխավ շնորհակալություն:

Սոնա.

Բարև Ձեզ: Հարգելի հաշվապահներ, աշխատակիցը գնում է մայրության խնամքի արձակուրդ, բայց դեռ ունի չօգտագործած արձակուրդային օրեր: Ինչպե՞ս պետք է ձևակերպվի այդ արձակուրդային օրերը:

Մելինե․

Բարև ձեզ: Հանձնում եմ Միասնական հաշվարկ ավելացված արժեքի հարկի և ակցիզային հարկի հաշվետվությունը, և հնարավո՞ր է տվյալների թարմացման ժամանակ՝ 18. ՀՀ տարածքում ձեռք բերված ապրանքներ և ծառայություններ, տողր սխալ տվյալներ ցույց տա:

Լիաննա․

Հարգելի հաշվապահներ, հարց ունեմ. ՍՊԸ-ն գրանցվել է 2021թ․-ի սեպտեմբերին և ոչ մի գործունեություն չի ծավալել, չի ուղարկվել նաև տնօրենի գրանցման հայտը, ԱԱՀ-ի զրոյական հաշվարկները։ Հիմա 2022 թվականի փետրվարին այս բոլորը արվել է, տնօրենը գրանցվել է հետին ամսաթվով և ուղարկվել բաց թողնված զրոյականները, նաև եկամտային հարկի։ Հիմա նշանակվել է վարչական վարույթ` եկամտային հարկի հաշվարկը ուշացնելու համար։ Ի՞նչ չափի տույժի մասին կարող է խոսք լինել, կիսվեք ձեր փորձով։ Շնորհակալություն։

ԳՈՌ.

31.12.2013թ. դրությամբ ընկերության ոչ ընթացիկ ակտիվների վերաբերյալ առկա է հետևյալ տեղեկատվությունը՝
hիմնական միջոցներ սկզբնական արժեք $860 000, կուտակված մաշվածություն $397 000, 2014թ. ընթացքում վաճառվել է սարքավորում, որի հաշվեկշռային արժեքը $37 000 էր, սկզբնական արժեքը $80 000, և վաճառվել էր $49 000-ով: Տարվա ընթացքում ձեռք է բերվել նոր սարքավորում՝ $180 000 սկզբնական արժեքով: Ընկերության մաշվածության հաշվառման քաղաքականությամբ հիմնական միջոցի ձեռք բերման տարում մաշվածությունը հաշվառվում է ամբողջ տարվա համար, իսկ օտարման տարում մաշվածություն չի հաշվարկվում: Մաշվածությունը հաշվարկվում է գծային մեթոդով՝ 10% դրույքաչափով:
Հիմնական միջոցները ի՞նչ գումարով կարտացոլվեն 31.12.2014թ. ֆինանսական վիճակի հաշվետվությունում։

Անահիտ․

Հարգելի հաշվապահներ,
տվյալ փաստաթղթում նշված ծախսը կարո՞ղ է ներառվել շահութահարկի մեջ։ Բանկային փոխանցումներից պահված գումարները կարո՞ղ են ծախս համարվել։

Լիլիթ․

Բարև ձեզ։ Կասեք ինձ՝ ե՞րբ է ֆիզարձակուրդի գումարը նստում գործատու հաշվին։ Աշխատողը արձակուրդի է անցել 01.02.2022թ․։

Հարգելի հաշվապահներ, խնդրում եմ ինձ էլ ուղարկեք 1C ծրագիրը ուսուցանող ձեռնարկը: sonya.mesropyan1960 շնիկ mail.ru։ Կանխավ շնորհակալություն։

Հովսեփ.

Բարև ձեզ: Չէի՞ք ասի՝ գիշերային ժամավճարի հաշվարկը։

Լիլիթ․

Խնդրում եմ օգնեք։ Ստեղծել ենք թղթե խաղ, որը պետք է տանք տպագրության ու հանձնենք խանութներին։ Խնդրում եմ ասեք՝ ի՞նչ հարկատեսակով պետք է գործի։

ԳՈՌ․

Ընկերությունը ձեռք է բերում հիմնական միջոց 1 000 000 դրամ արժեքով` տեղափոխման համար ծախսելով 500 000 դրամ: Տեղակայման համար ծախսել է նյութեր 300 000 դրամի, հաշվարկել է աշխատավարձ 100 000 դրամ։
Պահանջվում է տալ համապատասխան ձևակերպումները և որոշել ակտիվի սկզբնական արժեքը:

Արմիդա․

Բարև ձեզ։ Ինչքա՞ն կկազմի մայրության նպաստը, եթե աշխատողը աշխատել է 10 ամիս, որից 5 ամիսը ստացել է 45 000դրամ կեղտոտ աշխատավարձ, 5-ը՝ 100 000դրամ կեղտոտ աշխատավարձ։ ՍՊԸ-ն, որտեղ աշխատել է միկրոյի հարկման դաշտում է աշխատում։

Արման․

Բարև ՁԵզ: Ո՞վ կասի, եթե բյուլետենը բերվել է 2 տարբեր ամիսների համար, եկամտայինի մեջ ո՞ր ամսվա համար ցույց տամ։ Կարո՞ղ եմ առաջին ամսով ամբողջը ցույց տալ, թե՞ ոչ։

Տաթև․

Բարև ձեզ: ՈՒզում եմ e-invoicing-ով ստեղծել սևագրեր հմտանալու համար, սակայն չունեմ ՀՎՀՀ և գաղտնաբառ, ինչպե՞ս կարող եմ մուտք գործել։

Արմեն․

Հարգելի հաշվապահներ, ստանդարտների տեսանկյունից վարկի/փոխառությունների %-ների հաշվեգրման ո՞ր տարբերակն է ավելի ճիշտ՝ օրական, թե՞ ամսական կամ տարեկան։ Խոսքը վերաբերում է 516 հաշվին։ Նախապես շնորհակալ եմ։

Ամալյա․

Բարև ձեզ: Խնդրում եմ օգնել՝ ՍՊԸ աշխատում է շրջանառության հարկով և օգտվում է ՏՏ ոլորտի եկամտային հարկի արտոնությունից: Արդյո՞ք ավելանում է աշխատողի զուտ աշխատավարձը այդ արտոնության հետևանքով, եթե չնվազեցնել անվանական աշխատավարձը, և առհասարակ ինչպե՞ս օգտագործել արտոնությունից ստացված գումարը: Կա՞ն արդյոք սահմանափակումներ: Որտե՞ղ կարող եմ կարդալ այդ մասին։ Խնդրում եմ հղում տալ։ Կանխավ շնորհակալություն։

Սեյրան.

Բարև ձեզ:
Ա/Ձ ունեմ /միկրոբիզնես/, աշխատանքային ստաժ համարվու՞մ է դա։

Բարև ձեզ։ Եթե կինը անհատ ձեռներեց է և համատեղությամբ աշխատում է նաև այլ ընկերությունում, ապա նպաստի հիմք հանդիսացող միջին ամսական աշխատավարձը հաշվարկվում է այդ ընկերության միջին ամսական աշխատավարձին ավելացրած, որպես ԱՁ 43038 դրամ (նվազագույն աշխատավարձի 50%-ը)։ Ճի՞շտ եմ հասկացել, այո։

Սամվել․

Բարև Ձեզ։ Ինձ անհրաժեշտ է ՍՊԸ-ների համար միակ մասնկացի որոշման ձև՝ շահույթի բաշխման վերաբերյալ։

Աննա․

Բարև Ձեզ: Կարո՞ղ եք ուղարկել հրամանի ձև՝ արձակուրդի տեղափոխման վերաբերյալ:

Լաուրա․

Բարև ձեզ: ԱՁ-ն իր պատրաստած կավե արձանիկները ուղարկում է ՌԴ՝ արձանիկները ներկելու ու ստեղծագործական այլ աշխատանքներ կատարելու համար: Հաշվառման տեսանկյունից արտահանումը ծառայություն ստանալու համար ի՞նչ ընթացակարգերով է կատարվում։

Նարեկ․

Հարգելի հաշվապահներ, կազմակերպությունը ապրանք է արտահանելու ՌԴ, խնդրում եմ ուղղորդել փաստաթղթավորման առումով ի՞նչ փաստատթղթեր պետք է պատրաստել, և պե՞տք է հանձնել վիճակագրական ձևը և հարկային հայտարարաություն, հայտարարագիրը։ Կանխավ շնորհակալ եմ։

Սոֆյա․

Հարգելի հաշվապահներ,
աշխատակցին պետք է վճարել արձակուրդային և աշխատավարձ նույն ամսվա մեջ: Ինչպե՞ս է կատարվում դրոշմանիշայինի պահումը՝ մեկ անգամ, թե՞ յուրաքանչյուր վճարից առանձին առանձին: