Ամենամյա արձակուրդ
Տիրուհի.
Բարև Ձեզ: Ես մի հարց ունեմ, եթե աշխատողի 6-ամիսը լրացել է, պարտադի՞ր է ամենամյա արձակուրդի գնալը, եթե աշխատողը չի ցանկանում գնալ, իրավունք ունի, թե՞ ոչ։
Անահիտ Կարապետյան
Անուն, Ազգանուն՝ Անահիտ Կարապետյան
Էլ. փոստ՝ petracoarmenia@gmail.com
Հեռախոս՝ 095512166
Պաշտոն՝ Գլխավոր հաշվապահ
Բովանդակություն՝ Ունեմ 7 տարվա աշխատանքային փորձ: Աշխատել եմ տարբեր ոլորտներում, որպես գլխավոր հաշվապահ:
- Հաշիվների դուրս գրում, քաղվածքի անցկացում
- Դրամարկղային գործառնությունների իրականացում
- Հաշվետվությունների ներկայացում
- Հաշիվ-ապրանքագրերի համակարգչային ծրագիր ներմուծում
- Ապրանքների մուտքերի և ելքերի վարում
- Հաշիվների դուրս գրում
- Դեբիտորական և կրեդիտորական պարտքերի վարում
- Աշխատավարձի հաշվարկ
- Վիճակագրական հաշվետվեւթյունների իրականացում
- Հանրային ծառայությունները կարգավորող հանձնաժողովի կողմից հաշվետվությունների կազմում
- Կադրերի հաշվապահական մասի վերահսկում:
ԼԵԶՈՒՆԵՐԻ ԻՄԱՑՈՒԹՅՈՒՆԸ`
Անգլերեն լեզու՝ լավ
Ռուսաց լեզու՝ լավ
Հայոց լեզու՝ գերազանց:
Ցանկալի աշխատավարձ` 450 000 - 470 000 դրամ
Այլ նշումներ` Տիրապետում եմ ՀԾ-7 հաշվապահ, ՀԾ-7 առևտուր, e-invocing, Ms word, Ms Excel, Ms Access, Ms power point, Corel Draw, Adobe Photoshop, Ms publisher, Internet, netup, Armeps։
Նվազագույն աշխատավարձ
Տաթև.
Բարև Ձեզ։ Նորաբաց ՍՊԸ-ում դեռ գրանցված է միայն տնօրենը, շաբաթական 8 ժամով։ Աշխատավարձի չափը կարո՞ղ է սահմանվել 32 000, 1 ժամը 1000 դրամ՝ հարկերը ներառյալ հաշվելով։
Գործուղում արտասահման
Գրիգոր.
Բարև Ձեզ:
Հարց 1) Հիմնադամը (ԲՈՒՀ) ծրագրեր է իրականացնում, և աշխատակիցները մեկնում են գործուղման արտասահման։ Կարո՞ղ ենք արդյոք օրապահիկը աշխատակիցներին փոխանցել արտարժույթով։ Նշեմ, որ ճանապարհածախսի գումարները վճարում ենք ՀՀ դրամով:
Հարց 2) Աշխատակիցը ազատվել է աշխատանքից 2021թ. մարտի 3-ին, ստացել է վերջնահաշվարկ (արձակուրդի փոխհատուցում), այնուհետև 2022թ. օգոստոսի 25-ին դատարանի որոշումով վերականգնվել է աշխատանքի: Դատարանի որոշումը ներկայացվել է կազմակերպութուն 2022թ. սեպտեմբերի 10-ին։ Համաձայն դատարանի որոշման 2021թ. մարտի 3-ից մինչև 2022թ. օգոստոսի 25-ը վճարել են միջին աշխատավարձի չափով, քանի որ որոշումը ուշ է տրվել, աշխատակիցը օգոստոսի 25-ից մինչև սեպտեմբերի 10-ը աշխատանքի չի ներկայացել: Ի՞նչ փաստաթղթի հիման վրա վճարել աշխատակցի աշխատավարձը 2022թ. օգոստոսի 25-ից մինչև սեպտեմբերի 10-ը, արդյոք հե՞տ պետք է պահենք աշխատողի արձակուրդի փոխհատուցումը, քանի որ այն արդեն ցույց է տրվել 2021թ. մարտ ամսվա եկամտային հարկի և 2021թ. տարեկան շահութահարկի հաշվետվությունում։ Եթե այո, ՀԾ-ում ինչպե՞ս կատարել հետ պահումը:
Շնորհակալութկուն:
Ի՞նչ թուղթ պետք է ուղարկվի սոցապ
Լիլիթ.
Բարև Ձեզ։ Մի հարց ունեմ, եթե մայրության նպաստի միանվագ գումարը արդեն վճարել եմ, դրանից հետո երբ երեխան ծնվում է, սոցապ ի՞նչ թուղթ պիտի ուղարկվի։
Ոչ ռեզիդենտի աշխատելու հետ կապված
Մարգարիտա.
Ողջույն։ Ցանկանում եմ իմանալ ՌԴ քաղաքացիություն ունեցող ազգությամբ հայ մարդը կարո՞ղ է աշխատել ՀՀ պետական հաստատություններում։
Գրանցման հայտի խմբագրում
Դիաննա.
Բարև Ձեզ, հարգելի հաշվապահներ: Որ խնդրեմ կպատասխանենք հետևյալ հարցին՝ աշխատողին ընդունել ենք աշխատանքի 01.09.2022թ.-ին, բայց հայտի մեջ ազգանվան առաջին տառը փոքրատառ է ուղարկվել հարկային։ Կարո՞ղ ենք հիմա սխալը ուղղել և ի՞նչ հետևանքներ դա կունենա։ Կանխավ հայտնում ենք շնորհակալություն։
Կանխիկ վճարում կատարելու վերաբերյալ
Աննա.
Հարգելի հաշվապահներ, Եթե ՍՊԸ, որն աշխատում է շրջհարկով, տրանսպորտային միջոց է վրձակալել ֆիզ. անձից, ամսական 20 000 ՀՀ դրամ, կարո՞ղ եմ վճարումը կատարալ կանխիկ` դրամարկղից ելքի օրդերով: Շնորհակալ եմ:
2. «Պետական տուրքի» օրենքի 19.7-րդ և 19.8-րդ հոդվածներով սահմանված ավտոբուսով ուղևորափոխադրում իրականացնելու համար՝ ոչ կանոնավոր, ՍՊԸ ավտոբուսը վարձակալել է ֆիզ. անձից, հայտարարության մեջ պետք է լրացնի սեփականատիրոջ հաշվառման համարանի՞շը։ Կանխավ շնորհակալ եմ:
Հաշվել եկամուտն ու ծախսերը
Նարինե.
Բարև ձեզ։
Կօգնե՞ք լուծել խնդիրը։
Հաշվեգրել ՊՈԱԿ-ի եկամուտներն ու ծախսերը 2019թվ. հաշվետու տարվա համար։
1. ՊՈԱԿ-ը 2019 թվ. հուլիսի 1-ին 2.4 մլն դրամ է վճարել շենքի ապահովագրման համար: Ապահովագրական պայմանագիրը վերաբերում է 2019 հոլիսի 1 – 2020 հունիսի 30 ժամանակահատվածին:
2. ՊՈԱԿ-ը պետական բյուջեից 2019 թվ. հունվարի 11-ին ստացել է 30 մլն դրամի դրամաշնորհ, երեք տարով ներառական հատուկ կրթության ծախսերի կատարման համար։
3. 2019 թվ. դեպտեմբերին ՊՈԱԿ են մուտքագրվել 5 մլն դրամի կրթավճարներ, աշակերտներին ֆակուլտատիվ կարգով ճապոներեն լեզու սովորեցնելու համար։
4. Բյուջեից պայմանով փոխանցվել են 30 մլն դրամական միջոցներ, մեքենաների և սարքավորումների ձեռք բերման համար, որոնց շահագործման ժամկետը նախատեսվում է 5 տարի։
5. Շահագործման 5 տարի ժամկետով համակարգչային ծրագրերի ձեռքբերման համար 2019 թվ. հունվարին բյուջեից պայմանով ստացված 10 մլն դրամի դրամական միջոցներ։
6. Բյուջեից ֆինանսավորմամբ 2019 թվ կրթական ծառայությունների մատուցման 80 մլն դրամի հասույթ։
7. 2019 թվ. դեկտեմբերին գույքագրմամբ հայտնաբերված ակտիվների գծով 2 մլն դրամի օգուտներ։
8. Բյուջեից ֆինանսավորմամբ 2019 թվ կրթական ծառայությունների մատուցման 80 մլն դրամի ծախսեր։
Քանի՞ պահակ պետք է ունենա գործարանը
Արմինե.
Բարև Ձեզ։ Գործարանում աշխատողների թվի հետ է կապված՝ պահակների թիվը, որ խնդրեմ օրենքից հղում կտա՞ք։
Ծառայությունների մատուցում օտարերկյա քաղաքացու կողմից
Հեղինե.
ՀՀ-ում գրանցված ԱՁ-ին պետք է ծառայություն մատուցի Իտալիայի քաղաքացին (ֆիզ. անձ)։ Ի՞նչ պայմանագիր է կնքվում նրանց մեջ և ի՞նչ հարկ է առաջանում Ա/Ձ-ի մասով։ Ա/Ձ աշխատում է շրջհարկով։
Ե՞րբ է փախանցվում մայրության նպաստը
Քրիստինե.
Կներեք՝ մի հարց տամ. չաշխատող մայրերի 7 ամսականի գումարը դիմումը տալուց հետո քանի՞ օրվա ընթացքում է փոխանցվում գումարը։
Դրամարկղային գրքի լրացման հետ կախված
Մարիաննա.
Բարև ձեզ, հարգելի հաշվապահներ: ՍՊԸ, որը զբաղվում է միայն անկանխիկ գործունեությամբ, քանի որ ատամնաբուժարան է, հուլիս ամսից սկսած անկանխիկի չեքերը պե՞տք է արդյոք դրամարկղի գրքում գրեմ:
Ապրանքների մատակարարման հաշիվ վավերագիր
Շինանյութի առևտրով զբաղվող միկրոձեռնարկատերը՝ բլոկերի արտադրության, եթե ապրանքների մատակարարման հաշիվ դուրս գրի, որպես առևտու՞ր չի դիտվի։
Աշխատանքից ազատման դեպքում
Աննա.
Բարև Ձեզ: Եթե աշխատակցի հետ կնքվում է աշխատանքային պայմանագիր 3 ամիս սահմանված փորձաշրջանով, աշխատակիցը մինչ փորձաշրջանի ավարտը 3 օր առաջ պետք է գրավոր ծանուցի գործատուին աշխատանքից ազատվելու համար, թե՞ ըստ 112 հոդվածի 30 օր առաջ։
Հիփոթեկի համար անհրաժեշտ փաստաթղթեր
Լուսինե.
Ողջույն բոլորին: Ընկերներ, հիփոթեկի համար անհրաժեշտ փաստաթղթերի ցանկում կա՞ հետևյալը. Ա/Ձ-ի միասնական հաշիվ Excel ֆայլով:
Սուբյեկտը միկրոձեռնարկատիրություն է, գործունեությունը՝ վարսավիրություն: Կօգնեք հասկանամ, թե այդ ֆայլը որտեղի՞ց դուրս բերեմ։
Ուսուցչի աշխատավարձի հաշվարկ
Ժասմենա.
Բարև ձեզ։ Եթե տեղյակ եք՝ ԿԳՄՍ նախարարի 13.10.2020թ. N 38-Ն հրամանի համաձայն, դպրոցները կարող են ծնողների վճարի հիման վրա ձևավորել երկարօրյա խմբեր։ Կարգի 21-րդ կետի համաձայն, այդ խմբերում աշխատող մանկավարժի վճարի չափը ձևավորվում է սովորողների հետ աշխատակարգով սահմանված փաստացի աշխատաժամանակից։ Խնդրում եմ կոնկրետ օրինակով կարո՞ղ եք բացատրել, թե ինչպե՞ս հաշվարկենք մանկավարժի վճարի չափը՝ համաձայն օրենսդրության ո՞ր կետերի։
Բյուլետենի հետ կապված
Զինավարդ.
Բարև Ձեզ։ Եթե աշխատել եմ հուլիսի 13-ից, սեպտեմբերի 22-ից բյուլետեն եմ բացել մինչև սեպտեմբերի 30-ը, կհաշվե՞ն բյուլետեն։
Հաշմանդամության աշխատանքային կենսաթոշակ
Անուշ.
Բարև ձեզ։ Հարգելի մասնագետներ, ի՞նչ տարբերություն հաշմանդամության 3-րդ կարգ ունեցողի նպաստի ու հաշմանդամության աշխատանքային կենսաթոշակի միջև։ Շնորհակալություն
Եկամտային հարկի վերադարձի վերաբերյալ
Վահե.
Բարև Ձեզ։
Հիփոթեքային վարկի գծով վճարված տոկոսի չափով եկամտային հարկի հետ վարադարձմանն է վերաբերում։
Եթե դատարանի վճռով կազմակերպությունը, որում այլևս կողմը չի աշխատում և չի վերականգնվել նախկին աշխատատեղում, վճարում է անցած ժամանակաշրջանների համար աշխատավարձը, ապա եկամտային հարկի հաշվետվության մեջ արդյո՞ք վճարված գումարի և եկամտային հարկին վերաբերող տեղեկատվությունը պե՞տք է նշվի հաշվետվության բաժին 1․1-ում, և արդյո՞ք այդ դեպքում վճարված եկամտային հարկից հնարավոր կլինի ունենալ հետ վերադարձ հաշվետվության ներկայացման ժամանակաշրջանի համար։
Շնորհակալություն։
Ներմուծում 3-րդ երկրից
Քրիստինա.
Ներմուծել են 3-րդ երկրից մեքենա ՀՀ և պետք է արտահանվի ԵՏՄ, հարկերը կլինի 0, իսկ պե՞տք է դուրս գրվի հաշիվ ապրանքագիր։ Կազմակերպությունն աշխատում է շրջ․հարկով։
Հաշիվ վավերագիր
Ռուզաննա.
Արդյոք միկրոհամակարգով աշխատող, առքուվաճառքով զբաղվող Ա/Ձ կարո՞ղ է հաշիվ-վավերագիր դուրս գրել ֆիզ. անձի անունով և վերջինս դրա դիմաց գումարը փոխանցի, դա օրենքի խախտում չի լինի՞։
Եթե հողի սեփականատերը տնօրենն է
Սուրեն.
Բարև Ձեզ։ Ունեմ նման իրավիճակ․ կազմակերպության տնօրենը հանդիսանում է հողի սեփականատեր, բայց նախատեսում է այդ հողի վրա կառուցել պահեստ, որը արդեն պետք է ձևակերպվի ֆիրմայի անունով։ Հարց 1՝ արդյո՞ք ֆիրման կարող է հողի վարձակալության պայմանագիր կնքնել տնօրենի հետ ու վարձակալել այն։ Հարց 2՝ եթե շինարարության մասով ապրանքի ու ծառայության հաշիվներ ստանանք, դա մաքուր ծա՞խս է ֆիրմայի համար, թե՞ ոչ։ Հարց 3՝ հողը ես բալանսում որպես ՀՄ եմ նստացնում ու կառուցապատումը ավարտելուց հետո վերագնահատում եմ ու նստացնում որպես շենք, թե՞ ուրիշ ընթացակարգ կա։ Հարց 4՝ արժե՞ միանգամից հողը վերագրանցել ֆիրմայի անունով ու սկսել կառուցապատումը, թե՞ վարձակալեմ տիրոջից։ Շնորհակալ եմ։
Գործուղում ՀՀ տարածքում
Անի.
Հարգելի՛ հաշվապահներ, 1. եթե աշխատակիցը մեկնել է ՀՀ մարզեր գործուղման, ստացել է միայն հասանելիք 12 000դր., չի գիշերել ոչ մի տեղ, այդ դեպքու՞մ էլ պետք է հաշվետվություն ներկայացնի: 2. Եթե մի քանի աշխատակից է գործուղվում, ամեն մեկի համար առանձին հրաման պետք է գրվի՞: Շնորհակալություն
Եկամտային հարկի վերադարձ
Գոհար.
Բարև Ձեզ: Եկամտային հարկի հետվերադարձի մասին օրենքը դեռ գործու՞մ է, եթե հիփոթեքով տուն են ձեռքբերում կամ զրոյից տուն են կառուցում: Կխնդրեմ պայմաններին էլ ծանոթացնել: Շնորհակալություն:
ՍՊԸ փակում
Երվանդ.
Շրջ. հարկով աշխատող ՍՊԸ 2022թ. օգոստոսի 1-ից գործունեությունը անորոշ ժամանակով դադարեցրել է: Այդ ՍՊԸ ցանկանում է փակվել: Խնդրում եմ նշել փակման գործընթացի քայլերը: Կանխավ շնորհակալ եմ:
Գովազդի գումարը փոխանցվել է անձնական քարտից
Լյուդմիլա.
Բարի երեկո։ Խնդրում եմ մեկնաբանեք. կազմակերպության աշխատակիցը առցանց վճարում է կատարել իր անձնական գումարներից կազմակերպության գովազդի համար։ Հիմա պետք է այդ գումարը փոխհատուցել։ Ինչպե՞ս կարող եմ դա անել, իրավունք ունե՞մ արդյոք կազմակերպության հաշվեհամարից փոխանցել աշխատակցի քարտին նպատակը գրելով՝ ֆեյսբուքի գովազդի փոխհատուցում։
Երեխայի խնամքի նպաստ
Արմինե.
Բարև ձեզ։ Գյուղաբնակ աշխատող մայրը ինչքա՞ն գումար է ստանալու երրորդ երեխայի դեպքում ամեն ամիս։
Դրամարկղի գույքագրում
Էլինա.
Հարգելի հաշվապահներ, խնդրում եմ օգնեք. ՍՊԸ-ի գանձապահի արձակուրդ գնալուց արդյո՞ք պետք է կատարել դրամարկղի գույքագրում, և արդյո՞ք պետք է լրացուցիչ վճարել փոխարինողին։ Խնդրում եմ թողնել օրենքի հղում։ Կանխավ շնորհակալ եմ։
Արագամաշ առարկաների արժեք
Արփինե.
Բարև Ձեզ։ Ինչքա՞ն է սահմանված արագամաշ առարկայի մաքսիմալ արժեքը՝ հանրային հատվածում, առաջվա քսանհինգ հազարի փոխարեն։
ՀԿ ցանկանում է ապրանքներ ներմուծել
Դիաննա Ստեփանյան.
Բարև Ձեզ: Իմ հարցը կապված է ապրանքների ներմուծման ու հարկման հետ: ՀԿ-ն ցանկանում է ապրանք ներկրել (հաշմանդամություն ունեցող մարդկանց համար վերականգնողական պարագաներ) ու վաճառք իրականացնել ստացված շահույթը հասարակական նպատկներով իրականացնելու համար (համապատասխանում է կանոնադրական նպատակներին): Բացի մաքսային վճարը, ԱԱՀ պե՞տք է վճարի:
Միկրոձեռնարկատիրության սուբյեկտ
Sa2i.
Բարև ձեզ, հարգելի մասնագետներ։ Չե՞ք հուշի՝ շինարարության և վերանորոգման գործունեությամբ զբաղող Ա/Ձ-ն կարո՞ղ է աշխատել միկրոձերնարկատիրության դաշտում։ Կանխավ շնորհակալություն:
Սրբուհի Աթոյան
Անուն, Ազգանուն` Սրբուհի Աթոյան
Էլ. փոստ` atoyan.srbuhi@mail.ru
Հեռախոս` 098619071
Պաշտոն` Հաշվապահ
Բովանդակություն` Քաղաք Վանաձորում փնտրում եմ աշխատանք։ Ունեմ համապատասխան կրթություն և որակավորում։ Տիրապետում եմ ծրագրերին։
Գրանցման հայտի լրացման վերաբերյալ
Սուսաննա.
Բարև ձեզ։ Աշխատավայրում ուզում են ինձ գրանցել, բայց պետ. ռեգիստրում իմ տվյալները չեն գտնում և գրանցումը չի ստացվում։ Ի՞նչ կարող եմ ես անել, ու՞մ կարող եմ ես դիմել։ Նաև ասեմ, որ անձնագիրս մեկ ամիս առաջ եմ հանել, դա կարո՞ղ է պատճառ հանդիսանա։
Արդյո՞ք պետք է pos տերմինալ ունենալ
Աննա.
Բարի օր բոլորին։ Խնդրում եմ ասեք՝ Ա/Ձ զբաղվում է վարսահարդարման ծառայությունների մատուցմամբ և աշխատում է միկրոձեռնակարատիրության տիրույթում՝ արդյո՞ք պետք է պարտադիր pos տերմինալ ունենա։
Պահումներ դրամաշնորհից
Շուշան Դարինյան.
Բարև Ձեզ։ Եթե աշխատավարձը՝ առանց պահումների, 151 000 է, պետք է ստանա նաև ամսական 100 000 դրամաշնորհ։ Խնդրում եմ ասեք՝ պահումները կկատարվեն առանձին-առանձին, թե՞ դրանց երկուսի գումարից։ Կանխավ շնորհակալ եմ։
Ազատման հրաման
Մարինե.
Ասեք խնդրեմ, ազատման հրամանի մեջ վերջնահաշվարկի օրերի քանակը գրվու՞մ է, թե՞ ոչ:
Հարկային դաշտի փոփոխություն
Գայանե.
Ա/Ձ թարգմանչի համար չենք հասցրել ուղարկել շրջհարկով աշխատանքի դիմում, սակայն դեռևս որևէ գործունեությամբ չենք զբաղվել։ Ի՞նչ ձևով կարող ենք բողոքարկել հարկային դաշտի փոփոխության համար։ Ի՞նչ պատճառների դեպքում դիմումը կբավարարվի։ Ա/Ձ-ն գրանցվել է սեպտ 2-ին 2022թ․։
ԱԱՀ հաշվանցում
Աննա.
Հարգելի հաշվապահներ, եթե ԱԱՀ-ով աշխատող սպը ներմուծել է հիմնական միջոց, այս դեպքում ԱԱՀ հաշվանցելու իրավունք ունե՞նք։
ՏՏ ոլորտի հաշվապահ
Նարե.
Բարև բոլորին։ ՏՏ ոլորտի հաշվապահ եմ փնտրում, ո՞վ կարող է նրբություններին ծանոթացնել (վարձավճարով): Կարող եք կոնտակտ թողնել կապնվեմ ձեզ հետ։
Նորաբաց Ա/Ձ
Սերյոժա.
Բարև ձեզ։ Ես գրանվել եմ որպես Ա/Ձ և կարգացիճակս նշված է՝ նոր գրանցված, կից նշված է հաշվեհամար, ես հիմա չեմ զբաղվում գործունեությամբ, չունեմ հդմ։ Ես ի՞նչ որ պարտավորություներ ունեմ հիմա, հնարավո՞ր է հետագայում ունենամ խնդիրներ։
Շրջանառության հարկի դիմում
Սիմոն.
Հանրային սննդի ոլորտում է ԱՁ-ն գործունեությունը ծավալելու։ Շրջանառության հարկի հայտ պետք է տամ 201 դիմումով, ամսաթիվը նշում եմ այսօրվանը, ասում ա՝ "Հայտարարությունը կարող եք ներկայացնել մինչև ընթացիկ տարվա փետրվարի 20-ը"։ Ինչպե՞ս պետք ա հայտը ճիշտ ուղարկեմ, խնդրում եմ օգնեք։
Հաշվետվության ձևերը excel տարբերակով
Սուսան.
Բարև ձեզ։ Սիրելի հաշվապահներ, եթե կարող եք apoyansusan@mail.ru էլ հասցեին ուղարկեք բյուջեի կատարման և պարտքերի ձև 2 և ձև 4 հաշվետվությունների excel տարբերակները: Նախապես շնորհակալություն:
Վարձակալած տարածք
Մարի.
Հարգելիներս, ՍՊԸ-ն գրանցված է հարկայինի դաշտում որպես միկրոձեռնարկատեր: Գրանցված աշխատողներ չունի, դեռ գործունեություն չի իրականացնում, տնօրենն էլ դեռ գրանցված չէ: Բայց ունի վարձակալած տարածք որպես աշխատանքային սենյակ: Վարձավճարի համար ուզում են ֆակտուրա դուրս գրեն, որ վարձը անկանխիկ վճարենք: Դա ինչպե?ս է լինելու, խնդրում եմ փորձառուները օգնեն հասկանամ:
Միկրոձեռնարկատիրության սուբյեկտ
Արտակ.
Բարև Ձեզ: Կասեք՝ ի՞նչ և ո՞նց պեք է անեմ Ա/Ձ հաշվետվություն տալու համար։ Միկրոձեռնարկություն է՝ գրանցված, կատարում եմ սպասարկման ծառայություններ, աշխատողներ չունեմ, հիմա չգիտեմ ոնց պետք է անեմ, որպեսզի սանկցիաների տակ չընկնեմ հարկայինի կողմից։ 🙂
Վնասակար աշխատանք
Յանա.
Բարև Ձեզ։ Խնդրում եմ պատասխանեք։ Աշխատանքի պայմանները ծանր, վնասակար և վտանգավոր լինելու դեպքում, գործատուի կողմից աշխատողի համար սահմանվու՞մ են արտոնություններ և հատկացումներ: Նշված դեպքում սահմանվող հատուցման չափը կկազմի աշխատավարձի 0,02 %-ի չափով։ Ճի՞շտ է։ Կանխավ շնորհակալություն
Աշխատանքային ստաժ
Գրիշա.
Ես 75 տարեկան եմ։ Թոշակի անցել եմ 2011 թվականի հունիսի 20֊ին։ Աշխատանքային ստաժը կազմել է 43 տարի 5 ամիս 24 օր։ Եվ շարունակել եմ աշխատել մինչ 2022 թվականի ապրիլի 15 ներառյալ։ Ստաժը կազմում է 54 տարի 5 ամիս 19 օր։ 5 ամիս 19 օրը մնացել է, որպես պոչ և ֆինանսական հաշվարկին չի մասնակցել։ ԻՆՉՈ՞Ւ
Քաղաքացիաիրավական պայմանագիր
Սալվի.
Բարև Ձեզ: Խնդրում եմ պատասխանել, եթե խոհարարի հետ կնքվել է քաղիրավական պայմանագիր, հրամանագրու՞մ ենք, թե՞ ոչ, և աշխատաժամանակի տեղեկագրում նշվու՞մ է /տաբել/: Նախապես շնորհակալություն:
Ներմուծված ապրանքի ինքնարժեք
Նաիրա Վարդանյան.
Խնդրում են պատասխանել. երրորդ երկրից ներմուծված ապրանքի ինքնարժեքը ինչպե՞ս է հաշվարկվում, մասնավորապես՝ ԱԱՀ-ի գումարը գնի մեջ մտնու՞մ է։ Ասեմ նաև՝ ապրանքը արտահանվում է Ռուսաստան։
Հաշվետվությունների վերաբերյալ
Անուշ.
Բարև Ձեզ։ ՍՊԸ-ն բացվել է օգոստոսին։ Այս պահին եկամուտներ չունենք։ Ի՞նչ հաճախականությամբ է պետք հանձնել շրջանառության հարկի և եկամտային հարկի հաշվետվությունները։ Եկամտային հարկի հաշվետվությունների ո՞ր ձևերը պետք է հանձնել։ Ընկերությունը այլ աշխատողներ բացի տնօրենը չունի։ Եթե տնօրենը գնա ադմինիստրատիվ չվճարվող արձակուրդ, այս դեպքում պե՞տք է եկամտային հարկի հաշվետվություն հանձնել։ Այլ հաշվետվություններ պե՞տք է հանձնել բացի շրջանառության հարկի և եկամտային հարկի հաշվետվությունները։
Վերջին մեկնաբանություններ