Author: Accountant.am

Արամ․

Հարգելի գործընկերներ, եթե խանութը կամ հանրային սննդի կետը կանխիկ դրամ է տալիս առաքիչին ապրանքի դիմաց, ով հետո տերմինալի միջոցով այդ գումարը մուտք է անում մատակարար կազմակերպության հաշվին, արդյո՞ք այս գործարքը բավարարում է "Անկանխիկ գործառնությունների մասին" ՀՀ օրենքին և համարվում է անկանխիկ գործարք։

Հռիփսիմե․

Բարև Ձեզ, հարգելի հաշվապահներ։ Հարցս հետևյալն է․ եթե աշխատողը գողություն է արել և դրա համար ազատվել է աշխատանքից, և քանի որ ունի դրամական պարտավորություն խանութին, պետք է իր տվյալ ամսվա աշխատավարձը և վերջնահաշվարկը չփոխանցենք իր հաշվեհամարին։ ՀԾ-ում ի՞նչ ձևակերպում անեմ, որ պարտք չերևա։ Ո՞նց վարվեմ, որ ճիշտ լինի։

Լիլիթ․

Բարև ձեզ։ Արդյո՞ք ՀԿ նախագահը կարող է որպես ԱՁ գրանցվել կամ հիմնադրել ՍՊԸ։ Հարցը նրանում է, որ ՀԿ-ն սեմինարներ է կազմակերպում բժշկական թեքվածությամբ,այսինքն ձեռնարկատիրական գործունեությամբ է զբաղվում, հիմա պետք է ստանա լիցենզիա՝ վերականգնողական կենտրոն բացի, բայց չենք ուզում ՀԿ-ով անել, այլ ՍՊԸ-ով կամ ԱՁ-ով։

Արթուր․

Բարև Ձեզ։ Կազմակերպությունն աշխատում է շրջ. հարկով և ցանկանում է իր հաշվեկշռում գտնվող անշարժ գույքը, որի կադաստրային արժեքը 178 միլիոն դրամ է, նվիրատվությամբ փոխանցել ընկերության մասնակիցներին: Խնդրում եմ նշել, թե ինչ հարկային պարտավորություններ են ունենալու ընկերությունը և մասնակիցները։

Ռուբեն․

Բարև ձեզ, հարգելի հաշվապահներ։ Խնդրում եմ օգնել հետևյալ հարցում: Կազմակերպությունը իրականացնում է գործունեութուն՝ շրջիկ վաճառք: Վաճառում է պատրաստի սառը կամ տաք սուրճ, թեյ, ֆրեշ: ՀԴՄ կտրոնը ապրանքացանկով է:

Հարց 1․ ԱՏԳԱԱ կոդը պետք է նշել հանրային սննդի ծառայությու՞ն, թե՞ կոնկրետ պատրաստի թեյի, սուրճի, ֆրեշի ԱՏԳԱԱ

Հարց 2․ Պատրաստի սուրճը 3 չափի է՝ 50մլ, 70մլ, և 85 մլ չափերով: Խախտում կլինի՞, եթե չափը չգրվի ՀԴՄ կտրոնի վրա

Լիլիթ․

Հարգելի հաշվապահներ, 6-դասի հաշիվը կարո՞ղ է արտահայտվել արտարժույթով և այդպես տեղափոխվել 331 հաշիվ։

Սոնա․

Եթե աշխատողը հունվարի 1-ից գտնվել է չվճարվող արձակուրդում, բայց tax-ով չեմ լրացրել, կարո՞ղ եմ հիմա անել ու աշխատանքից ազատել։

Նարինե․

Բարև Ձեզ: Իրական շահառուն օտարերկրացի է: Չի ստացվում ներբեռնել իր անձնագրի պատճենը, որ հայտարարագրի հետ հանձնեմ: Ֆայլը սեղմված է: Ո՞վ ինձ կօգնի։ Շնորհակալություն:

Անի․

Բարի օր: Հարգելի հաշվապահներ, հանրային սննդի ոլորտ է: Մեր կազմակերպությունից գալիս են և օգտագործած ձեթը գնում են (սանիտարական նորմերից ելնելով): Հաշիվ ենք դուրս գրում դրա համար: Հարցս հետևյալն է. ծրագրի մեջ ի՞նչ ձևակերպումներ պետք է տալ։ Շնորհակալություն։

Լիլիթ․

Բարև Ձեզ, հարգելի հաշվապահներ: Կարո՞ղ եք ասել՝ ինչպե՞ս ապաակտվացնել լիազորի գրասենյակի 2 լիազորներից մեկին:

Գևորգ․

Բարև ձեզ: Կխնդրեմ օգնեք՝ ԱՁ-ն աշխատում է որպես միկրոձեռնարկատիրություն։ 2022 թվականին տարեկան շրջանառությունը կազմել է 18 381 750 դրամ: Ինչքա՞ն պետք է դրոշմանիշային վճար վճարեմ 2023 թվականին տարեկան, և արդյո՞ք դրա համար տարեկան հաշվետվություն պետք է ուղարկեմ: Շնորհակալ եմ:

Ալլա․

Բարև Ձեզ, հարգելի հաշվապահներ: Ուզում ենք սկսել խմորեղենի արտադրություն, արտադրանքի վաճառքը լինելու է խանութներում (նաև ԱԱՀ-ով աշխատող)։ Խնդրում եմ հուշել՝ բացենք ՍՊԸ ԱԱՀ-ով աշխատենք, թե՞ ավելի հարմար տարբելակ էլ կլինի։ Մի փոքր ուղղություն տվեք հերթական քայլերի, հաշվետվությունների համար: Շնորհակալ կլինեմ:

Անի․

Հարգելի հաշվապահներ, հիվադության նպաստի հաշվարկման ժամանակ, եթե միջինը ցածր է նվազագույնի 50%-ից, պետք է հաշվարկել 50%ով։ Իսկ հետո 50%-ի 80% պե՞տք է վերցնել։

Կարինե Իսկանդարյան․

Բարի օր: Ինձ անհրաժեշտ է գույքի (անշարժ և շարժական) հանձնման-ընդունման ակտի ձև: Շնորհակալ կլինեմ, եթե օգնեք:

Արաքս.

Բարև ձեզ։ Ֆիզ․ անձը ներմուծել է 2404 ԱՏԳԱ ծածկագրով ապրանք, այս պահին անհրաժեշտություն կա այդ ապրանքը վաճառել։ Վաճառքն իրականացնելու են շրջհարկ վճարող ՍՊ ընկերության միջնորդությամբ։ Գնորդի պահանջն է, ակցիզավորված վաճառել այդ ապրանքը։ Կարո՞ղ է ՍՊ ընկերությունը դիմումով ակցիզային դրոշմանիշ ուզի մաքսայինից, որպեսզի փակցնի այդ ապրանքի վրա ու վաճառի։

Անահիտ․

Բարև Ձեզ։ Եթե ՍՊԸ-ն շրջանառության հարկ վճարող է համարվում, պարտավո՞ր է մինչև ապրիլի 20-ը ներկայացնել "Շահութահարկ վճարողների հաշվետվություն" նույնպես։ Թե՞ շրջանառության հարկի հաշվետվությունը բավական է։ Շնորհակալություն

Դավիթ.

Բարև Ձեզ։ Հիմնադրամը ստեղծվել է ՀՀ կառավարության կողմից և իր կանոնադրական նպատակների իրականցման համար ՀՀ պետական բյուջեից ստանում է դրամաշնորհ; Հարց. այդ դրամաշնորհն ազատվա՞ծ է ԱԱՀ-ից և, եթե այո կամ ոչ՝ ի՞նչ հիմքերով։ Շնորահակալություն։

Նելլի.

Բարև Ձեզ: ԱՁ-ն աշխատում է շրջհարկով և իրականացնում է օնլայն վաճառք մարքեթ փլեյսում: Վաճառքի դեպքում ինվոյսինգով հաշիվ դուրս գրվու՞մ է, թե՞ ոչ։ Կանխավ շնորհակալություն։

Հայկ.

Բարև Ձեզ: Հարգելիներ, կարո՞ղ եք օգնել: Եթե ԱՁ-ն 2022թ. ընթացքում աշխատել է 2 ամիս՝ շրջհարկով: Շահութահարկը ստացվում է 5000դրx2: Հիմա 240 ձևը լրացնելիս միայն 107 տո՞ղը պետք է լրացնել 10000 և վե՞րջ: Եկամուները և ծախսերը երբ լրացնում եմ ըստ շրջանառության հարկի հաշվարկի, ստացվում է, որ վնասով է աշխատել և հարկման բազան 0 է: Այդպես ճի՞շտ է: Նախապես շնորհակալություն։

Գոհար.

Բարև ձեզ, հարգելի հաշվապահներ։ Ըստ նոր փոփոխված օրենքի, եթե ֆիզում գտնվող մայր է /ԱՁ բացի/, ապա կարող է շարունակել օգտվել խնամքի նպաստից։ Նշեմ, որ 1.5 տարի է ֆիզարձակուրդում։ Նաև կասեք, եթե ցանկանում է ծաղիկների օնլայն վաճառքով զբաղվել, կարո՞ղ է միկրոյով գործել և հդմ չկիրառել, այլ միայն փոխանցումով աշխատել։

Նարինե.

Բարև Ձեզ։ Խնդրում եմ ասեք՝ 2023թ. հաշվետվությունների մեջ ինչքա՞ն պիտի գրվի նվազագույն կեղտոտ աշխատավարձը՝ 100000 դրամ, թե՞ 104000 դրամ։ Այսինքն՝ դրոշմանիշի գումարն էլ պետք է հարկվի, թե՞ ոչ։

Եթե խանութի վաճառողուհին աշխատում է ոչ լրիվ աշխատաժամանակով` շաբաթը 30 ժամ, ժամավճարը կարո՞ղ եմ 450 դրամ գրել։

Արթուր․

Բարև ձեզ։ Եթե ՌԴ-ից ներմուծում եմ ապրանք, որի արժեքը 100 հազ․ դրամ է։ Վճարում եմ 20 տոկոս ներմուծման ԱԱՀ՝ 20 հազ․ դրամ։ Հետո ապրանքը վաճառում եմ 216 հազ․ դրամ՝ ներառյալ ԱԱՀ։ Կրկնակի վճարված ԱԱՀ վերադաձվու՞մ է։ Եվ եթե այո, ի՞նչ չափով։ Շնորհակալություն։

Գրիգոր․

ԲՈՒՀ-ում ուսանողներին տրվում են օգնություններ տարբեր առիթների համար, ինչպես նաև կազմակերպվում են ուսանողական միջոցառումներ, որի համար ԲՈՒՀ-ը գումար է տրամադրում։ Արդյո՞ք դրանք շահութահարկի հարկման նպատակով ծախս են համարվում, եթե այո՝ ո՞ր հոդվածի համաձայն:

Գրիգոր․

Բարև Ձեզ: Էրազմուս + ծրագրով ԲՈՒՀ-ի աշխատակիցները մեկնում են գործուղման ՀՀ կամ Եվրոպա: Ծրագիրը նախատեսում է ճանապարհածախսի, կեցության ծախսերի հաստատուն գումար (գումարները երևում են բոլոր հրավերներում): Առահաշիվ տալիս ենք նշված գումարները: Հարցս այսպիսին է՝ ենթադրենք՝ ծրագիր նախատեսում է 300 եվրոյին համարժեք դրամ ճանապարհածախս, սակայն տոմսի արժեքը 200 եվրոյին համարժեք դրամ է, ինչպե՞ս ձևակերպել տարբերություն 100 եվրոյին համարժեք դրամը և ո՞ր գումարը համարել շահութահարկի հարկման գծով ծախս, նույնն է նաև կեցության ծախսերը (օրապահիկ և հյուրանոց): Խնդրում եմ փորձ ունեցող հաշվապահներին մանրամասն գրել, և եթե կարելի է օրենքի հղում գրեք: Շնորհակալ եմ նախապես։

Lilia.

Բարև բոլորին, ինձ ո՞վ կարող է ասել՝ միկրոձեռնարկատիրության սուբյեկտը եթե չփաստաթղթավորված ձեռքբերում ունի, 20 տոկոս եկամտային հարկ առաջանու՞մ է։

Անահիտ․

Բարև բոլորիդ։ Խնդրում եմ պատասխանել․ Երևան քաղաքում և Հայաստանի տարածքում բեռնափոխադրում իրականացնող Ա/Ձ-ն կարո՞ղ է աշխատել միկրոյով։ Շնորհակալություն սպասվելիք պատասխանների համար։

Հռիփսիմե․

Բարև՛ Ձեզ։ Խնդրում եմ օգնեք հաշվարկել աշխատավարձը ժամանակավարձով։ Տվյալները. Բանվորը հաշվարկային ամսում աշխատել է 180 ժամ, որից 20 ժամը համարվել է գիշերային աշխատանք։ Ժամային տարիֆային դրույքը սահմանված է 250 դրամ։ Գիշերային աշխատանքի յուրաքանչյուր ժամի համար տրվում է հավելում ժամային դրույքի 30%-ի չափով։ Բացի այդ, բանվորին հաշվարկվել է պարգևավճար՝ հաշվարկված աշխատավարձի 50%-ի չափով։

Նար․

Բարև ձեզ։ Ինձ անհրաժեշտ է նյութ՝ հիմնական միջոցների և դրանց օգտագործման արդյունավետության վերլուծության վերաբերյալ՝ 2018թ-ից սկսած հրատարակության։ Լեզուն կապ չունի, միայն կարո՞ղ եք ասել՝ որտեղի՞ց կարող եմ օգտվել։

Նելլի․

Բարև ձեզ, հարգելի հաշվապահներ։ Ներմուծման հայտարարագիրը կազմված է 31․01․23-ով, ներմուծման ԱԱՀ-ն վճարվել է 31․01․23-ով, բայց քաղվածքի մեջ երևում է 01․01․23-ով։ Հարց․ ԱԱՀ-ն ո՞ր ամսվա մեջ է հաշվանցվում՝ հունվար, թե՞ փետրվար։ Շնորհակալություն։

Անգել․

Բարև բոլորին։ Կազմակերպությունը մասնագիտական ուսուցում կազմակերպելու դեպքում արդյո՞ք պետք է գրանցման հայտ ներկայացնի պրակտիկանտների համար։ ՀՀ Աշխատանքային Օրենսգրքի հոդված 201,1-ի համաձայն պետք է վարձատրի, բայց գրանցելու մասին նշված չէ, խնդրում եմ ասել՝ գրանցման հայտ ներկայացվու՞մ է, թե՞ ոչ, և որ հոդվածի համաձայն։

Sofa.

Բարև Ձեզ, մի հարց․ եթե 2 ՍՊԸ-ի տնօրենը նույն մարդն է 100% բաժնեմասով, կհամարվի փոխկապակցված և հետևաբար ԱԱՀ համարվող, ես շրջ. հարկի հայտ եմ տվել 2023.01.01-ով, ի՞նչ կառաջարկեք անել։ Շնորհակալ եմ նախապես։

Սուրեն․

Հարգելի հաշվապահներ, խնդրում եմ ասեք՝ եթե Ա/Ձ -ն աշխատում է շրջհարկով, այդ դեպքում համարվու՞մ է սոցիալական վճար վճարող: Եվ կապ ունի՞ արդյոք՝ անհատ ձեռնարկատերը ծնվել է 1974 թ.-ից առաջ կամ հետո:

Արթուր․

Բարև Ձեզ։ Խնդրում եմ պատասխանել հետևյալ հարցին․ ԱՁ-ն աշխատում է շրջանառության հարկի դաշտում և գործունեությունը իրականացնում է վարձակալած տաղավարում, որի համար տվյալ կազմակերպությունը ստանում է հաշվարկային փաստաթուղթ։ Արդյո՞ք տաղավարի վճարը կհամարվի նվազեցման ենթակա։

Սամվել․

Բարև ձեզ։ Արդյոք կարո՞ղ ենք շրջ․ հարկը հաշվել այսպես՝ համապատասխան թիվը ուղղակի բաժանենք 0,95-ի։ Արդյո՞ք այս տարբերակով հաշվարկելիս կստանանք հարկերը ներառյալ ճիշտ թիվ։ Շնորհակալություն։

Գայանե․

Բարև Ձեզ, խնդրում եմ օգնեք այս հարցում․ Կազմակերպությունը աշխատել է ԱԱՀ դաշտում, ձեռքբերումների ԱԱՀ հաշվանցվել է։ Եթե 2023թ աշխատի շրջ․ հարկի դաշտում, և գրենք կատարողական ակտ, որտեղ օգտագործվել են անցյալ տարվա ձեռք բերված նյութերը, ես այդ նյութերի հաշվանցված ԱԱՀ -ի հետ ինչ որ պրոբլեմ կունենա՞մ։

Մանե․

Բարև Ձեզ։ Կարո՞ղ եք նշել, թե որտեղ պետք է վճարվի հսկիչ գնմամբ առաջացած տույժ, տուգանքը։ Միասնական հաշվում պարտավորությունը արտացոլված չէ։

Անուշ․

Բարև ձեզ, հարգելի հավապահներ։ Խնդրում եմ օգնեք։ Եթե գործատուն ունի ոչ լիրվ աշխատաժամանակով գրանցված աշխատակից, նրա աշխատավարձը սահմանված է ամսական կտրվածքով (ժամավճարով չի) և նվազագույն աշխատավարձից ցածր է, բայց նվազագույն ժամայինից բարձր է ստացվում։ Այդ աշխատակցին արձակուրդ ուղարկելիս միջին աշխատավարձի հաշվարկում պետք է հաշվի առնել նվազագույն աշխատավարձը, թե՞ կարելի է վերցնել իր ամսական ստացվողը։

Սերգեյ․

Բարև Ձեզ, հարգելի հաշվապահներ: ԱԱՀ-ով աշխատող ՍՊԸ-ն բանկից 500.000.000 վարկ է վերցրել ու լրիվ գումարը անտոկոս փոխառություն տրամադրել հիմնադիրին: Հիմնադիրը ամեն ամիս վարկի մարման չափով գումար է մուտք անում կազմակերպության հաշվին վարկի մայր գումարը և տոկոսները մարելու համար: Ի՞նչ ձևակերպումներ եմ տալու ՀԾ հաշվապահ ծրագրով:

Մարգարիտա․

Բարև Ձեզ: ՍՊԸ-ն աշխատում է ԱԱՀ դաշտում: Կազմակերպության բանկային քարտով գնումներ ենք կատարել տարբեր վաճառքի կետերից: Խնդրում եմ պատասխանեք՝ ինչպե՞ս ձևակերպենք ծախսերը, և շահութահարկի հաշվարկում կարո՞ղ եմ նվազեցնել որպես ծախս:

Գոհար․

Բարև ձեզ, հարգելի հաշվապահներ, հարցս հետևյալն է ․ Ա/Ձ-ն աշխատում է շրջանառության հարկով ։ Ապրանքերը Ա/Ձ պատվերով արտադրվում են այլ հարկ վճարողի կողմից, որն ունի համապատասխան լիցենզիա տվյալ ապրանքների արտադրությունը ծավալելու ։ Պատվերի ավարտին Ա/Ձ ստացել է արտադրանքի , ապրանքի հաշիվ։

Հարց՝ տվյալ դեպքում իրականացվող գործունեությունը արտադրությու՞ն է, թե՞ առևտուր է համարվում, քանի որ իրակացնելու է օնլայն վաճառք ։ Նշեմ նաև, որ տվյալ ապրանքները ենթակա են դրոշմավորման, և պարտավորություն կրող հանդիսանում է Ա/Ձ-ն ։

Աննա․

Հարգելի հաշվապահներ, սեղմված բնական գազի վաճառքի ժամանակ դուրս է գրվում ակցիզային հարկով հարկվող ապրանքների հարկային հաշիվ կազմակերպությանը։ Լինում է արժեք 90 433, ակցիզային հարկի գումար 15 146, ԱԱՀ =արժեք+ակցիզային հարկ 105 579*20%=21 115, ընդամենը 126 694, խնդրում եմ տալ հաշվապահական ձևակերպումները:

Լենա․

Բարև Ձեզ, հարգելի մասնագետներ, խնդրում եմ օգնեք ինձ մի հարցում․

Կազմակերպությունը շահել է դրամաշնորհ, որի շրջանանկներում ծավալվող աշխատանքների մեջ ընդգրկվելու են ընկերության աշխատակիցները՝ կատարելով իրենց գործառույթից դուրս բնույթով տարբեր աշխատանք։ Խնդրում եմ ասեք՝ տվյալ դեպքում աշխատանքային պայմանագրին կցվելու՞ է համաձայնագիր, թե՞ կնքվելու է քաղաքացիաիրավական պայմանագիր։ Աշխատանքը 1 ամիս ժամկետով է։

Կանխավ շնորհակալություն։

Քրիստինա․

Բարև ձեզ։ ԱԱՀ-ով աշխատող կազմակերպությունը ձեռք է բերել ապրանք, որից առաջացել է ԱԱՀ-ի դեբետ, բայց այն վաճառելու է առանց ԱԱՀ։ Հիմա հարցս․ այդ չհաշվանցած ԱԱՀ-ի գումարը պե՞տք է տամ վերաձևակերպում ավելացումով։

Կարեն․

Ողջույն։ Խնդրում եմ օգնեք տալ հաշվապահական ձևակերպում հետևյալ հարցում։ 2022թ․ սկզբին ունեցել ենք ձեռքբերում ՌԴ-ից ԱՄՆ դոլարով։ Հետագայում, ՌԴ բանկերի դեմ կիրառվող սանկցիաներից հետո ստիպված էինք փոխանցել այդ ձեռքբերման դիմաց ԱՄՆ դոլարին համարժեք ռուբլով։ Ինչպե՞ս ձևակերպեմ տարբեր արժույթներով պարտքի մարումը։ Կանխավ շնորհակալ եմ։

Հայկ․

Բարև Ձեզ, կխնդրեմ օգնեք: ԱԱՀ հաշվանցումների հետ է կապված հարցս: Եթե հաշվետու ժամանակաշրջանում ունեմ ԱԱՀ-ով ձեռքբերում, որը սակայն անմիջական կապ չունի իմ գործունեության հետ, ավելի կոնկրետ բարեգործական նպատակով փոխանցում ենք արել, որի համար դուրս է գրվել հարկային հաշիվ: Հիմա իրավունք ունե՞նք հաշվանցել ԱԱՀ-ն, ՀՕ 72 հոդվածում չգտա իմ հարցի պատասխանը: Ինչպե՞ս վարվել: Շնորհակալություն։