Նարե․

Բարև Ձեզ։ Հարգելի հաշվապահներ, ԱԱՀ–ով աշխատող ՍՊԸ-ն առաջին անգամ պետք է գովազդային ծառայություն մատուցի ՌԴ-ում գրանցված կազմակերպությանը։ Խնդրում եմ ասել՝ ի՞նչ պետք է անել գործարքը ճիշտ իրականացնելու համար, եթե ծառայությունների մատուցման վայրը ՀՀ-ն է։

Ալլա․

Բարև Ձեզ։ Եթե շրջանառության հարկով աշխատող ԱՁ-ի շրջանառությունը անցել է 115 մլն ԱԱՀ շեմը, հանձնել է 262 ձև-ը, այս դեպքում 20 %-ով պետք է հարկվի մինչև այս տարվա վերջ, թե՞ 2025թ-ին էլ կհամարվի ԱԱՀ վճարող։

Լուսինե․

Բարև Ձեզ։ Կազմակերպության տնօրենը գործուղման նպատակով Ֆլայ Դուբայի կայքից օնլայն ձեռք է բերել ավիատոմս, վճարել է 450 ԱՄՆ դոլար կազմակերպության դրամային բիզնես քարտով (օրվա կուրսով հաշվել է, ավտոմատ փոխարկվել է)։ Ֆլայ Դուբայի կայքը տրամադրել է միայն ավիատոմսի ամրագրման և հաստատման փաստաթուղթը, որտեղ երևում է նաև ավիատոմսի արժեքը։

Հարց 1․ Արդյո՞ք այս մասով պետք է գրվի ինքնահաշիվ

2․ Արդյո՞ք այս մասով առաջանում է ոչ ռեզիդենտի շահութահարկ։

Հ․Գ․ նշեմ նաև, որ Ֆլայ Դուբայից ստացված նամակով տեղեկացնում են, որ առանձին ինվոյս իրենք չեն տրամադրում, ավիատոմսի փաստաթուղթը ինքնին համարվում է նաև ինվոյս։

Սուսաննա․

Խնդրում եմ օգնեք․ եթե ֆիզիկական անձը ցանկանում է անհատույց օգտագործման սպորտային հագուստ և խմբակի սպորտային գույք տրամադրել խմբակին, մասնավորապես ԱՁ -ի մոտ հարկային դաշտում պարտավորություններ չեն առաջանում, եթե վերջինս աշխատում է ԱԱՀ-ով։ Արդյո՞ք շահութահարկի գծով Ա/Ձ պարտավորություններ կունենա։

Գայանե․

Բարև Ձեզ, հարգելի հաշվապահներ։ ԱՁ մարզում է և գործում է շրջհարկով, գովազդային վահանակներ է արտադրում, նաև ունի սուրճի ապարատ, որը համայնքապետարանով թույլտվություն ունի։ Կասե՞ք՝ սուրճի ապարատի համար էլ է պետք շրջանառություն ցույց տալ, և ինչպե՞ս է դա իրականացվում։ Կանխավ շնորհակալ եմ։

Արամ․

Բարև ձեզ, հարգելի հաշվապահներ: ԱԱՀ-ով աշխատող Ա/Ձ-ն զբաղվում է միրգ – բանջարեղենի գնմամբ գյուղացիներից և մեծածախ վաճառքով: Կասե՞ք խնդրում եմ՝ գյուղացիներից ի՞նչ փաստաթղթեր, տեղեկանքներ է անհրաժեշտ վերցնել, որպեսզի ԱԱՀ դեբետագրվի, ամսվա վերջում հաշվանցելու նպատակով: Կանխավ շնորհակալ եմ:

Ռոզա․

Բարև Ձեզ։ ԱԱՀ-ով աշխատող ԱՁ-ն ցանկանում է հաշվարկային հաշվից գումար փոխանցել իր անձնական քարտին, արդյո՞ք դա դիտվում է որպես կանխիկացում և պետք է գրանցվի էլ. դրամարկղի գրքում:

Հայկ․

Բարև բոլորին: Հարցս հետևյալն է. ԱՁ-ն բացվել է 2024թ. օգոստոսին, սակայն հարկային համակարգում չի գրանցվել, և քանի որ չի ընտրել հարկման հատուկ համակարգ, ավտոմատ դարձել է ԱԱՀ վճարող: Օգոստոսին ներմուծել է ֆոտո տպիչ, և այլևս գործունեություն չի ունեցել: Հիմա ցանկանում է դադարեցնել գործունեությունը: Այսօր արդեն գրանցել եմ համակարգում, բայց դե ԱԱՀ-ի ամսական զրոյական հաշվարկներն էլ չի ուղարկվել: Ճի՞շտ կլինի հիմա ուղարկել 2 ամիսների հաշվարկը, հետո գործունեությունը դադարեցնելու դիմումը: Ի՞նչ պատասխանատվություն է նախատեսվում խախտման համար։

Գայանե․

Բարև Ձեզ, հարգելի հաշվապահներ։ Խնդրում եմ օգնել հետևյալ հարցում։ ՍՊԸ-ն գործում է շրջհարկով, ՍՊԸ-ի անունից ապրիլ ամսում մեքենա են ձեռք բերել 4 միլիոնի։ Հարկայինից ծանուցում են ստանում, որ ապրիլ ամսվա եկամտային հաշվետվության մեջ ցույց չենք տվել։ Ճշտում տվեցի և 4 միլիոնը ցույց տվեցի, նշեմ, որ մեքենան վարկով են ձեռք բերել։ 10% պետք է մուծե՞նք։ Եթե այո, կա՞ արդյոք ժամկետ, և խնդրում եմ կասե՞ք՝ ի՞նչ այլ հաշվետվություններ և պարտավորություններ ունի ՍՊԸ-ն։ Արվեստի բնագավառ է։ Կանխավ շնորհակալություն:

Լուսինե․

Շրջանառության հարկով աշխատող ԱՁ-ն ապրանք սարքավորումներ է ներմուծում Չինաստանից վաճառքի նպատակով։ Ի՞նչ հաշվետվություններ պետք է ներկայացնի և ո՞ր ծախսերը պետք է նվազեցնի։ Շնորհակալ եմ։

Արմեն․

Հարգելի հաշվապահներ, խնդրեմ մի քանի հարցով խորհուրդ տաք լոգիստիկ ծառայություններ մատուցող ընկերության հաշվապահության վերաբերյալ (Ռուսաստանից բեռնափոխադրում դեպի Հայաստան):

1) Միկրո/շրջհարկ կարո՞ղ է աշխատել, թե՞ միայն ԱԱՀ

2) Եթե կազմակերպության սեփականության իրավունքով բեռնատարներ չունի, և վարձով էլ չի վերձնում, այլ Ռուսաստանի բեռնափոխադրող ընկերության հետ կամ անհատ վարորդի հետ է պայմանավորվում(իրենց մեքենայով), որ իրենք ՌԴ-ից ապրանքը բարձեն և բերեն Հայաստան, արդյո՞ք էս իրավիճակում մենք համարվում ենք միջնորդական ծառայություն մատուցած, թե՞ համարվում է, որ բեռնափոխադրումը մեր կազմակերպությունը կատարեց, այսինքն եթե բեռնափոխադրման հաշիվ դուրս գրենք ԱԱՀ-ով աշխատելու դեպքում, գործարքը կլինի ԱԱՀ-ից ազատված:

3) Եթե ՌԴ կազմակերպություն է մատուցում մեզ բեռնափոխադրման ծառայությունը, և ունենք իրենց ռեզիդենտության տեղեկանք (ՌԴ-ի), ապա ոչ ռեզիդենտի շահութահարկ չի առաջանում այո՞, բայց ինքնահաշիվ պե՞տք է գրել։ Եվ եթե դրսի գործընկերը ոչ թե կազմակերպություն/ԱՁ է, այլ ֆիզ անձ իր մեքենայով, էս դեպքում իրեն վճարումը և գործարքի փաստաթղթավորումները և առաջացող հարկերը ինչպե՞ս են կազմակերպվում:

Նախապես շնորհակալություն Ձեր տրամադրած ժամանակի համար:

Լուսինե․

Բարև Ձեզ։ Շրջհարկով աշխատող ԱՁ-ն 24 մլն անցել է։ Խնդրում եմ ասել՝ ՀԴՄ-ն անվանացանկով դառնում է 2025թ․-ի հունվարի 1-ի՞ց, թե՞ այս պահից սկսած։

Վահագն․

Բարև Ձեզ։ Ավտոտեխսպասարկման կետը, բացի ավտոմեքենաների վերանորոգումից, կատարում է նաև յուղի փոխարինում և վաճառք և նաև որոշ պահեստամասերի վաճառք։ Ճիշտ կլինի՞ յուղի վաճառքի համար նշել G47.30.3, իսկ պահեստամասի վաճառքի համար G45.32.0 դասակարգիչները և եթե ոչ՝ ի՞նչ դասակարգիչ նշել հաշվետվություններում։

Նարինե․

Բարև ձեզ։ ՍՊԸ-ն նոր է բացվելու, աշխատելու է շրջհարկով, զբաղվելու է դռների արտադրությամբ և արտադրած դռների վաճառքով։ Խնդրում եմ ասեք՝ սկզբի համար ի՞նչ է պետք անել։

Տաթև․

Բարև ձեզ։ Ֆիզ․ անձը մատուցում է փափուկ կահույքի քիմմաքրման ծառայություններ, եթե գրանցվի որպես ԱՁ-ը, ի՞նչ հարկատեսակով կարող է աշխատել՝ միկրոյով, թե՞ շրջհարկով, և ի՞նչ հարկեր պետք է վճարի, և կարո՞ղ է հաշիվ գրել այն կազմակերպություններին, ում մատուցում է ծառայությունը։ Շնորհակալություն։

Միշել․

Ողջույն, սիրելի հաշվապահներ։ Պետք է Ա/Ձ գրանցեմ՝ որպես օտարերկրյա ընկերության մարքեթինգային ծառայություններ մատուցող մասնագետ։ Կարո՞ղ եք հուշել՝ ո՞ր հարկային դաշտն է առավել օպտիմալ։

Աննա․

Հարգելի հաշվապահներ, ԱՁ աշխատում է միկրո համակարգում, գործունեության տեսակը՝ հացի արտադրություն մարզում, ապրանքը՝ հացը առաքում է խանութներին։ Կասե՞ք խնդրեմ՝ կարո՞ղ է հաշիվ վավերագիր դուրս գրել խանութներին, կանխավ շնորհակալ եմ։

«Կոնվերս Բանկ»  ՓԲԸ-ն հայտարարում է բաց ընթացակարգով մրցույթ` Բանկի սոցիալական ցանցերի և կորպորատիվ բլոգի կառավարման համար ՍՄՄ ընկերություն ընտրելու նպատակով:

Հայտարարություն

Հավելված 1

Լիլիթ․

Բարև ձեզ։ Նախորդ ամսվա դրամարկղային գիրքը սխալ է լրացվել, 30․09-ի թիվը հաջորդ օրը մինչև կեսօր չի արտացոլվել, հետևաբար սեպտեմբեր ամսում չի նշվել։ Ի՞նչպես կարելի է դա շտկել, այս ամսվա սկզբին գրած գումարը խմբագրելով։ Նախապես շնորհակալություն։

Նելլի․

Բարև Ձեզ։ Կարո՞ղ է հիմնադիրը իր սեփականություն համարվող անշարժ գույքը տա վարձակալության, իր իսկ ՍՊԸ-ին, որը աշխատում է շրջանառության հարկով։ Եվ այդ դեպքում վարձակալության եկամտային հարկը կրկի՞ն կազմում է 10%։

Դավիթ․

Բարև Ձեզ։ Ես Ա/Ձ եմ ուզում բացել Wildberries հարթակում ապրանքներ վաճառելու նպատակով։ Խնդրեմ ասել՝ ի՞նչ հարկեր եմ վճարելու, ՀԴՄ սարք անհրաժե՞շտ է, և ապրանքները դրսից է բերվելու վաճառքի համար։

Рипи.

Ինձ պետք է ուղեցույց, թե ինչպես քայլ առ քայլ գրանցեմ բրենդս։ Կարո՞ղ եք մանրամասն ուղղորդել։

Զավեն․

Բարև ձեզ։ Ունեմ հաշվիս վրա կալանք հարկադիր մարմնի կողմից, բայց ցանկանում եմ բացել ԱՁ։ Արդյո՞ք հնարավոր է։

Աշոտ․

Բարև ձեզ։ Եթե Աշխատողն ունի կուտակված արձակուրդի օրեր, օրինակ՝ 20 օր, որից 10 օրը գնում է արձակուրդ, օրինակ սեպտեմբեր ամսին, սեպտեմբեր ամսվա եկամտային հարկի հաշվարկում աշխատած օրերի քանակը և աշխատավարձը հաշվարկվում է մնացած 11 օրվա համար, թե՞ 21 օրվա համար։

Նոնա․

Խնդրում եմ պատասխանել: Կազմակերպությունը իրականացնում է բեռնափոխադրման կազմակերպման ծառայություններ, գործում է հարկման ընդհանուր համակարգում: Ծառայություն մատուցելիս հաճախորդի մեղքով առաջացել են որոշակի ծախսեր, որի համար բացի հիմնական ծառայության մատուցումից, որը ԱԱՀ-ով հարկվող է, հարկային հաշվի մեջ առանձին տողով նշվում է վնասի փոխհատուցում: Արդյո՞ք այն համարվում է ԱԱՀ-ի հարկման օբյեկտ:

Անահիտ․

2023թ․ շահաբաժինը վճարվել է 27.06.24թ.-ին և 05.08.24թ.-ին: 165 հաշվետվությունը ե՞րբ պետք է հանձնեմ, շնորհակալություն։

Աննա․

Հարգելի հաշվապահներ, կասե՞ք խնդրեմ՝ ՍՊԸ աշխատում է շրջանառության հարկով, բայց 115 միլիոն շեմը շուտով կանցնի։ Ցանկանում է դիմում ներկայացնել՝ ԱԱՀ վճարող համարվելու համար, որպեսզի հետո ավտոմատ չանցնի, այս դեպքում ո՞ր կետը պետք է լրացնի դիմումի։ Կանխավ շնորհակալ եմ:

Հասմիկ․

Բարև ձեզ, մեզ ապրանք մատակարարող ընկերությունը հաշիվ ապրանքագիրը սխալ լրացնելու համար չեղարկել է, հիմա ես պետք է չեղարկված հ/ապրանքագիրը հաստատե՞մ, թե՞ ոչ, եթե այո՝ խնդրում եմ ասեք ինչպես:

Արփինե․

Հարգելի խմբակիցներ, ԱՁ-ն համագործակցում է Yandex-ի հետ և բացել է տաքսոպարկ։ Մի շարք հարցեր կան, խնդրում եմ չանտեսել․☺️

1․ Արդյո՞ք պարտավորություն ունի վճարել տարեկան 100,000 դրամ պետական տուրք մարդատար-տաքսի ավտոմոբիլներով ուղևորափոխադրումներ կազմակերպելու համար։
2․ Արտոնագիր տրամադրելու համար պետական տուրքի վճարման պարտավորությունը իր վրա է, թե՞ Yandex-ի (1.5 %-անկանխիկի և 2 % կանխիկ վճարումների դեպքում)։ Այս դեպքում այդ հաշվարկը ինչպե՞ս է կատարվում, եթե գումարի 7 %-ը տաքսոպարկինն է, 5 %-ը Yandex-ինը։ Հավանաբար մեզ հասանելի 7 %-ի համա՞ր ենք հաշվարկելու պետական տուրք։
3․ Որքանով տեղյակ ենք, կարող է գործունեությունը համարվել միկրոձեռնարկատիրության սուբյեկտ՝ այդ գործունեության մասով վճարելով պետական տուրք և շրջանառությունը ներկայացնելով միկրոյի տարեկանի մեջ։
4․ Վարորդներին քաղաքացիաիրավական պայմանագրերով է պետք գրանցել, թե՞ ոչ։
5․ Էլեկտրոնային ՀԴՄ կարծես թե հարկավոր չէ։

Գայանե․

Բարև Ձեզ, հարգելի հաշվապահներ։ Խնդրում եմ օգնել հետևյալ հարցում․ վարձակալությամբ տարածք ենք վերցրել հանրային սննդի համար, մարզում է գտնվում։ Վարձատուն ՍՊԸ է, որը գործում է ԱԱՀ-ով, իսկ վարձակալը ԱՁ է, միկրոյով է գործում։ Հիմա ո՞վ ի՞նչ հարկային պարտավորություն ունի, և ո՞վ է հաշվետվություն ներկայացնելու 189 ձև։ Կանխավ շնորհակալ եմ։

Աննա․

Բարև ձեզ, ես կատարում եմ ֆրիլանս աշխատանք և վարձավճարը ստանում եմ կրիպտոարժույթով: Այդ արժույթը վաճառում եմ մաս-մաս, գումարը ստանում եմ իմ բանկային հաշվին: Լսել եմ, որ 2025 թվականից պետք է հայտարարագրվի բոլոր եկամուտները, խնդրում եմ ասել՝ ի՞նչ պետք է անել այս դեպքում: Որքա՞ն հարկ պետք է վճարեմ։

Վարդ․

Հանրային սննդի ոլորտում շրջանառության հարկի ծախսերի մեջ ներառվու՞մ է արդյոք փաստաթղթերով հիմնավորված վարձակալության վճարը, էլեկտրաէներգիայի ծախսը և աշխատավարձը։

Անի․

Ողջույն, հարգելի մասնագետներ: Խնդրում եմ օգնել. մեր կազմակերպությունը ԱԱՀ վճարող է։ ԵՏՄ -ից ներմուծել ենք բազային յուղ, դասակարգիչը՝ 2710199800, որը պետք է օգտագործվի որպես հումք՝ շարժիչային յուղ արտադրելու համար: Իրավիճակը. ԵՏՄ հաշվետվություն ենք ներկայացրել, և ավտոմատորեն հաշվարկվել է ներմուծման ակցիզային հարկ՝ գործող դրույքաչափով, որը վճարել ենք պետ բյուջե: Հարցը. արդյո՞ք պետք է վճարել նաև ԱԱՀ:

Екатерина.

Здравствуйте. Согласно Порядку взимания НДС при оказании услуг в электронной форме (приложения к договору и протоколу о ЕАЭС), В целях уплаты НДС налогоплательщик одного государства-члена, оказывающий услуги в электронной форме организациям и (или) индивидуальным предпринимателям, местом осуществления деятельности которых признана территория другого государства-члена, за исключением случаев, предусмотренных пунктом 11, подлежит постановке на учет в налоговом органе этого другого государства-члена, если такая обязанность предусмотрена законодательством этого другого государства-члена.

Подскажите, пожалуйста, в законодательстве Армении есть такое обязательство?

Սարգիս․

Բարև Ձեզ։ ԱՁ-ը ծառայությունների մատուցման հաշիվը սխալմամբ չեղարկել է, բայց մյուս կողմը գումարը փոխանցել է։ Դրանից հետո հաշիվ դուրս գրողը ԱՁ փակել է։ Հիմա մյուս կողմը ուզում է, որ հաշիվը գրվի, կամ ի՞նչ լուծում կա։ Շնորհակալություն։

Վահագն․

Ավտոմեքենայի յուղի վաճառքը խանութից, որն աշխատում է շրջ. հարկով, ո՞ր դեպքում կարող է հարկվել նաև ակցիզային հարկով։ Օրինակ, ներմուծում չի կատարում, բայց այլ կազմակերպությունից ձեռք է բերում յուղ 60, կամ 100 լիտրանոց տարայով և վաճառում խանութից լիտրով։

Նոնա․

Հարկման ընդհանուր համակարգում գտնվող կազմակերպության կողմից ջերմոցի օտարումը արդյո՞ք ազատված է շահութահարկից։

Նիկա․

Բարև Ձեզ։ Եթե գինեգործությամբ զբաղվելու համար ընտրել ենք միկրոձեռնարկատիրության դաշտը, բայց դեռ չենք արտադրում գինին, ու հավանաբար վաճառք էլ չի լինի դեռ, տվյալ պարագայում ակցիզային հարկի ու դրոշմանիշային վճարի պարտավորություններ առաջանու՞մ են, թե՞ ոչ։ Ամսական կտրվածքով ի՞նչ հաշվետվություններ է պետք ուղարկել։

Հայկ․

Բարև Ձեզ, հարգելի հաշվապահներ։ Կխնդրեի պատասխանել հարցիս՝ արդյո՞ք սուրճի վաճառքը ՀՀ տարածքում և դրանից դուրս դրոշմավորման ենթակա է։ Շնորհակալություն։

Գայանե․

Բարև ձեզ։ ԱՁ-ն (շրջ. հարկով հարկվող) տարածք է վարձակալում ՍՊԸ-ից։ Կասե՞ք՝ նվազագույն արժեքը ինչպե՞ս հաշվարկել, կամ հնարավո՞ր է անհատույց տրամադրել։

Կօգնե՞ք տալ ձևակերպումները։ Ձևակերպել հաստոցի վերադասակարգման և վաճառքի գործառնությունները։ Հաստոցի սկզբնական արժեքը 600 000 դրամ է, օգտակար ծառայության սահմանված ժամկետը՝ 5 տարի: Մաշվածության հաշվարկման համար կիրառվել է գծային եղանակ։ Երեք տարի անց հաստոցը վերադասակարգվել է որպես վաճառքի համար պահվող և դրանցից մեկ ամիս անց՝ վաճառվել 336 000 դրամով, ներառյալ՝ ՍՍՀ-ն: Վաճառքի գումարը ստացվելու է առաջիկա ամսվա ընթացքում: Հաշվետու անձըվճարել է միջնորդավճար հաստոցի վաճառքի համար` 15 000 դրամ՝ գումարած ԱԱՀ-ն։

Այլ հաշվապահական խնդիրներ

Գագիկ․

Հարգելի հաշվապահներ, առք ու վաճառքով զբաղվող շրջանառության հարկ վճարողները շուկայից ձեռք բերված ապրանքների համար եկամտային հարկ հաշվարկելու՞ են արդյոք 2025թ-ին:

Մագա․

Բարև Ձեզ։ 2013 թվականից աշխատում եմ մասնավոր դպրոցում որպես գործավար։ Այժմ երկրորդ երեխայի խնամքի արձակուրդի մեջ եմ, որ լրացել է հուլիսին։ Դեռ աշխատանքի չեմ ներկայացել, ազատման ծանուցում չեմ ստացել։ Ինքս ուզում եմ ազատվել։ Այս դեպքում ես վերջնահաշվարկ կստանա՞մ։

Հայկ․

Բարև Ձեզ։ Կազմակերպությունը օվերդրաֆտ է ստացել։ Կասե՞ք՝ հաշվապահական ձևակերպումները ինչպե՞ս անել։

Անուն, Ազգանուն՝ Մարգարիտ Ավետիսյան
Էլ. փոստ՝ margarit.71@mail.ru
Հեռախոս՝ +37493 784901
Պաշտոն՝ Հաշվապահ,հաշվետար
Բովանդակություն՝ Փնտրում եմ հաշվապահի, հաշվետարի աշխատանք ք. Երևանում։ Այժմ ՀՀ այլ քաղաքում աշխատում եմ որպես հաշվապահ, կատարում եմ ՀՈԱԿ-ների հաշվապահություն։
Ցանկալի աշխատավարձ՝ Ըստ ծանրաբեռնվածության

Անուն, Ազգանուն՝ Իննա Մարկոսյան
Էլ. փոստ՝ inna.markosyan90@gmail.com
Հեռախոս՝ 077112920
Պաշտոն՝ Գլխավոր հաշվապահ
Բովանդակություն՝ Հաշվապահական հաշվառման վարում և խորհրդակցություն հայերեն, ռուսերեն լեզուներով: Հաշվապահական ծրագրի վերականգնում, հաշվապահության վերահսկում, հաշվապահական կադրերի ապահովում:
Գրաֆիկը՝ ազատ:
Այլ նշումներ՝ Որակավորում՝ փորձագետ հաշվապահի։

Անուն, Ազգանուն՝ Արտյոմ Խոցանյան
Էլ. փոստ՝ artyomkhotsanyan44@gmail.com
Հեռախոս՝ +3744 1050056
Պաշտոն՝ Հաշվետար
Բովանդակություն՝ Սովորում եմ Հայաստանի Հաշվապահների Ասոցիացիայում, փնտրում եմ հաշվետարի աշխատանք։
Ցանկալի աշխատավարձ՝ 120 000 դրամ և ավել

Անուն, Ազգանուն՝ Մուշեղ Ռոստոմյան

Էլ.փոստ՝ rostomyan1910@gmail.com
Հեռախոս՝ +37433 331910
Պաշտոն՝ Հաշվետար
Բովանդակություն՝ Հաշվապահական կրթությունս ստացել եմ Հայաստանի հաշվապահների ասոցիացիայում: Փնտրում եմ հաշվետարի աշխատանք: Աշխատանքային փորձ չունեմ:
Ցանկալի աշխատավարձ՝ 100 000 դրամ և բարձր