Կարեն․

Բարև Ձեզ։ 2022 թվականին ԱՁ-ն աշխատել է միկրոյի դաշտում։ 2023 թվականից պետք է աշխատի ԱԱՀ դաշտում։ 2022 թվականին ներմուծված ապրանքը, որի համար վճարել է ԱԱՀ, երբ վաճառի 2023 թվականին, արդյո՞ք կարող է ներմուծման ժամանակ վճարված ԱԱՀ-ն դեբետագրի: Կխնդրեի ասեք՝ որ օրենքի կամ որոշման հիման վրա կարող եմ դա հիմնավորել։

Աննա․

Հարգելի հաշվապահներ, կասե՞ք՝ ՀՀ Օրենսգրքի 150-րդ հոդվածի 14-րդ մասի փոփոխությունը. ֆիզիկական անձանց հարկային գործակալի կողմից վճարվող պասիվ եկամուտների նկատմամբ, դրանց ստացման իրավունքը ձեռք բերելու հարկային տարվան հաջորդող 12 ամիսների ընթացքում չվճարվելու դեպքում, եկամտային հարկը հաշվարկվում է 20 տոկոս դրույքաչափով և ներառվում է 12-րդ ամսվա համար ներկայացվող եկամտային հարկի հաշվարկում:

Այսինքն, նկատի ունի, ֆիզ անձին պարտավորությունը չմարելու դեպքու՞մ է դառնում եկամտային հարկը 20 տոկոս։

Ընկերություն՝ Ջի Ջի Գրուպ ՍՊԸ
Հասցե՝ ք.Երևան,Սևանի 116/8
Հեռախոս՝ 098 57 35 07,010 44 03 70
Էլ․ փոստ՝ businesstechinic@mail.ru
Թափուր աշխատատեղ՝ Հաշվապահ
Աշխատանքի նկարագրություն՝ Վարել մի քանի ոլորտի և տարբեր հարկման դաշտերում գտնվող ընկերությունների հաշվապահություն

Պահանջներ՝

• ՀԾ, 1C համակարգերի տիրապետում ,MS Office
• Հարկային օրենսգրքի հիմնական դրույթների իմացություն և կիրառելու փորձ
• Մասնագիտական աշխատանքային փորձ
• Համակարգված աշխատելու կարողություն
• Թիմում աշխատելու կարողություն

Աշխատավարձ՝ կախված գիտելիքներից, աշխատանքի ծավալից և հարկային ստուգում անցած լինելու փորձից:

Այլ նշումներ՝ Կարող եք ուղարկել Ձեր ինքնակենսագրականը businesstechnic@mail.ru էլեկտրոնային հասցեին, թեմա դաշտում նշելով “Հաշվապահի հաստիքի համար”։ Հարցերի դեպքում կարող եք զանգահարել նշված հեռախոսահամարին երկուշաբթիից ուրբաթ ժամը 09։30-17։00։ Հեռ՝ 010 44 03 70 կամ 098 57 35 07։

Անուն, Ազգանուն՝ Ռոբերտ Պապյան
Էլ. փոստ՝ rob.papyan.2105@gmail.com
Հեռախոս՝ +37498701509
Պաշտոն՝ Հաշվետար, հաշվապահի օգնական, սկսնակ հաշվապահ
Բովանդակություն՝ Ուրախ կլինեմ համագործակցության համար:
Ցանկալի աշխատավարձ՝ 80 000 դրամից սկսած

Անուն, Ազգանուն՝ Կարեն Բաղդասարյան
Էլ. փոստ՝ baghdasaryan767@mail.ru
Պաշտոն՝ Հաշվապահ
Բովանդակություն՝ Փնտրում եմ հաշվապահի աշխատանք՝ ազատ գրաֆիկով:

Ունեմ հանրային հատվածի հաշվապահի որակավորում, հանրային հատվածի ներքին աուդիտորի որակավորում:

Անուն, Ազգանուն՝ Vahe Chakhalyan
Էլ. փոստ՝ vahe00.00@mail.ru
Հեռախոս՝ 098064221
Պաշտոն՝ Գանձապահ
Բովանդակություն՝ Սովորում եմ ՀՊՏՀ Հաշվ. հաշվառման 2-րդ կուրսում, նաև հաճախում եմ հաշվ. հաշվառման խմբակ։
Աշխատել եմ որպես գանձապահ 10 ամիս։
Ցանկալի աշխատավարձ՝ 160 000 դրամ
Այլ նշումներ՝ Գիշերային աշխատանք։

Արմինե․

Բարև Ձեզ։ Խնդրում եմ պարզաբանել՝ եթե ՌԴ քաղաքացի է ընդունվում աշխատանքի, բացի ՌԴ անձնագրից և սոց․ քարտից որևէ այլ փաստաթուղթ հարկավո՞ր է ներկայացնի (օրինակ՝ կացության քարտ)։ Կանխավ շնորհակալ եմ։

Գրիգոր․

Բարև Ձեզ: Արտասահման գործուղվող աշխատակցին ինքնաթիռի տոմս ձեռք բերելու համար կարո՞ղ ենք արդյոք վճարել առհաշիվ, քանի որ ինքնաթիռի տոմսը ցանկանում է ձեռք բերել ONLINE, չի՞ հակասում արդյոք անկանխիկ գործառնությունների մասին օրենքին, եթե այո՝ շահութահարկի հարկման նպատակով ծախս կարո՞ղ ենք համարել:

Avetyan.

Եթե աշխատանքը հաստիք/հերթափոխ սկզբունքով է և 2023թ․ հունվարի 28-ին (օրը՝ շաբաթ) համընկել է տոնական օրվա հետ, ապա վարձատրումը կրկնակի՞ է լինելու։

Տիրուհի․

Բարև Ձեզ։ ԵՏՄ արտահանման դեպքում արտահանման հարկային հայտարարագիրը ի՞նչ ժամկետներում է պետք ներկայացնե՞լ։ Իսկ trade gov վիճակագրական հաշվետվությու՞նը։ Կանխավ շնորհակալ եմ։

Արմինե․

Բարև Ձեզ հարգելիներս, ՌԴ քաղաքացին (ոչ ռեզիդենտ) ցանկանում է ՀՀ-ում ՍՊԸ բացել, որպեսզի ԱՄՆ-ից մեքենաներ ներմուծի ՀՀ և արտահանի ՌԴ: Հայաստանում ոչ մի վաճառք չի իրականացնելու: Կասե՞ք, թե ինչ կարգով դա պետք կազմակերպվի, և դրույքաչափերը: Կանխավ շնորհակալ եմ։

Ռուզան․

Բարև Ձեզ, ես շրջ. հարկի հայտարարություն եմ տվել ԱՁ գրանցելուց: Դեռ եկամուտ չունեմ, բայց կտոր եմ ներմուծել կտորից տոպրակներ կարելու համար: Շրջհարկի հաշվետվության մեջ ո՞ր տողում պետք է լրացնել 0 շրջանառությունն ու X արժեքի ձեռքբերված կտորը:

Իրինա․

Բարև Ձեզ, խնդրում եմ պատասխանեք՝ կնիքի վրա դրված ստորագրությամբ (ստորագրություն-դրոշմակնիք) կարո՞ղ ենք հաստատել հրամանները: Շնորհակալություն։

Հեղինե․

Բարև ձեզ։ Հարգելի հաշվապահներ, խնդրում եմ օգնեք։ Ֆիրման 2022թ գրանցվել է և աշխատել ԱԱՀ դաշտում։ Տարվա վերջին դիմել է լուծարման համար։ Լուծարման պրոցեսը դեռ չավարտված, տնօրենը գրանցել է ԱՁ, շրջհարկի դաշտում։ Հարցս հետևյալն է. տնօրենն իրավունք չունի՞ աշխատելու շրջհարկով, քանի դեռ ֆիրման լուծարման փուլում է։ Կանխավ շնորհակալ եմ։

Հրաչ․

Բարև ձեզ, հարգելի հաշվապահներ։ Խնդրում եմ կասե՞ք՝ ՀԿ-ն իրական շահառուի հայտարարագիր լրացնելիս ու՞մ է համարում իրական շահառու։ ՀԿ-ն աշխատել է դրամաշնորհային ծրագրերով, այլ (առևտրային) գործունեություն չի իրականացրել։

Լիանա․

Բարև Ձեզ: Եթե ներկայացնում եմ շրջ. հարկով աշխատող խանութի իրական շահառուի հայտարարագիրը, որտեղ իրական շահառուն 1 հոգի է 100% բաժնեմասով, անհրաժեշտ՞ է լրացնել իրական շահառու հանդիսանալու հիմքը էջը, և եթե այո՝ ի՞նչ պետք է ընտրեմ այստեղ։ Շնորհակություն։

Կցված նկար…

Գայանե․

Բարև ձեզ, հարգելի հաշվապահներ, հարցս հետևյալն է․ եթե մեր կազմակերպությունը ՍՊԸ է և հարկվում է շրջ․ հարկով, ապա ստացած հաշիվները արդյո՞ք չպետք է Բ կարգի լինեն, այսինքն դիմացի կողմը ԱԱՀ-ով է հարկվում ու մեր համար դուրս է գրում Ա կարգի հարկային հաշիվ։ Կանխավ շնորհակալություն։

Անուշիկ․

Բարև Ձեզ։ ԱՁ-ն զբաղվում է պոլիէթիլենային թաղանթների վերամշակմամբ։ Խնդրում եմ հուշել, թե ի՞նչ դասակարգչի է համապատասխանում այս գործունեությունը։ Շնորհակալություն։

Սերգեյ․

Կազմակերպությունը աշխատում է ընդհանուր հարկման դաշտում: Մեկ այլ կազմակերպությունից անհատույց ստացվել է հիմնական միջոցներ և նյութեր: Արդյո՞ք և ՀՄ-ն, և նյութերը կհամարվեն եկամուտ, և ինչպիսի՞ ձևակերպում տալ դրան: Շնորհակալություն պատասխանի համար:

Տաթև․

Բարև Ձեզ, խնդրում եմ ասեք՝ պահածոներ պատրաստելու և վաճառելու համար (մուրաբաներ) անհրաժե՞շտ է արդյոք լիցենզիա։

Անի․

Բարև Ձեզ։ Ես գիտեմ, որ օրենքը թույլ է տալիս համատեղությամբ աշխատել օրը 12 ժամ (ներառյալ հանգստի ժամերը և ընդմիջումը), բայց նաև շաբաթվա կտրվածքով 48 ժամ։ Այսինքն, ես չե՞մ կարող շաբաթվա մեջ աշխատել 5 օր 12- ական ժամով, քանի որ այն կգերազանցի 48 ժամը և կկազմի 60 ժամ։ Խնդրում եմ նշել` այդ դեպքում ես ինչպիսի՞ պայմանագիր պետք է կնքեմ, որպեսզի հնարավորություն ունենամ աշխատել շաբաթական 60 ժամ երկու տարբեր աշխատավայրերում։ Նախապես շնորհակալ եմ։

Լուսինե․

Բարև Ձեզ: Խնդրում եմ ասել՝ արտադրությամբ զբաղվող ՍՊԸ-ն ի՞նչ վիճակագրական հաշվետվություններ է հանձնում:

Աշիկ․

Բարև ձեզ։ Ես ցանկանում եմ ԱՁ բացել, որպես ներմուծող և վերավաճառող, արդյո՞ք կարող եմ ինքս ինձ գրանցել որպես աշխատակից ԱՁ-ում։

Հարություն․

Հարգելի մասնագետներ, սոսինձ ներմուծելու համար լիցենզիա կամ հատուկ թույլտվությու՞ն է պահանջվում։

Marta.

Հարգելի հաշվապահներ, իմ աշխատավարձը շատ զգալի բարձր է նավազագույն աշխատավարձի 15 պատիկից (մոտ 21 պատիկն է), այդպես է եղել վերջին 15 ամիսների ընթացքում, և ես ոչ մի կերպ չեմ կարողանում հասկանալ, թե արդյո՞ք որքան գումար եմ ստանալու 155 օր մայության նպաստի համար 2023 թվականին (155 օր, քանի որ արդեն գիտեմ, որ կեսարյան հատում է լինելու): Խնդրում եմ կօգնե՞ք հաշվել, թե որքան եմ ստանալու՝ հաշվի առնելով նաև եկամտային հարկի նվազումը:

Ինեսա․

Բարև ձեզ, եթե ցանկանում եմ խանութին անվճար ապրանք տալ, ինչպե՞ս եմ ձևակերպում, ինչպե՞ս եմ հաշիվ դուրս գրելու:

Տաթև․

Բարև ձեզ, սիրելի հաշվապահներ։ ՍՊԸ-ն (շրջ. հարկով աշխատող – տարեկան շրջանառությունը մոտ 100 մլն) ծառայություն է մատուցում ինչ-որ կազմակերպության, միևնույն ժամանակ այդ կազմակերպությունը վարձակալում է ՍՊԸ-ի տնօրենի ամուսնուն պատկանող բնակարանը (տարեկան մոտ 30 մլն)։ Արդյո՞ք նրանք կճանաչվեն փոխկապակցված հարկ վճարողներ և կանցնեն ԱԱՀ-ի դաշտ։

Աշխեն․

Բարև Ձեզ։ Որ խնդրեմ, ինձ կտրամադրե՞ք հաշվապահի որակավորման համար անհրաժեշտ նյութեր։ Կանխավ շնորհակալ եմ։

Ալլա․

Շրջարկով աշխատող ԱՁ-ն, ով ՌԴ քաղաքացի է, որի համար 244 ձև պիտի հանձնեմ, գումարի ընտրության համապատասխան տողը պասիվ է, չի բացում, ի՞նչ պետք է անել։

Ալլա․

Բարև ձեզ, հարգելի հաշվապահներ։ Հիմնադրամին կատարված նվիրատվությունը կարո՞ղ է շահութահարկով ծախս համարվել, թե՞ ոչ։

Վլադ․

Բարև բոլորին։ Ես Ֆիզ. անձ եմ, և առաջին անգամ եմ առնչվում հարկայինի հետ։ Կարգո-ի բեռը մաքսազերծելու համար ինձնից ինքնուրույն հարկ վճարողի կոդ են ուզել, որը չունեմ, ինչպես նաև ներմուծման հայտարարագիր։ Կօգնե՞ք հասկանամ՝ ինչպե՞ս դա պետք է արվի։ Շնորհակալություն։

Անահիտ․

Եթե ռեստորանը ՀԴՄ կտրոնը տպում է ապրանքացանկով և նշվում է ՏԳԴ-ն 56.10, ապա ԱՏԳԱԱ է՞լ պետք է նշվի, թե՞ միայն ՏԳԴ-ն բավարար է։

Շուշան․

Բարև Ձեզ։ ԱՁ գրանցելիս Տնտեսական գործունեության դասակարգիչ բաժնում կարելի՞ է ընտրել մի քանի տարբերակ, օրինակ՝ դիզայներական գործունեություն, պոլիգրաֆիական գործունեություն և այլ մանրածախ առևտուր։ Շնորհակալություն։

Արամ․

Հաշվապահներ ջան, կասե՞ք՝ նոր բացված ՀԿ-ի համար որևիցե դիմում կամ հաշվետվություն կա՞, որ պետք է տամ թաքսերվիսով։

Աննա․

Բարև բոլորին: Խնդրում եմ ասեք՝ ի՞նչ հարկատեսակով պետք է աշխատի հյուրատունը, որը ունի մի քանի սենյակներ և առանձին ճաշարան:

Ընկերություն՝ Լայֆ-Սոնգ ՍՊԸ
Հասցե՝ ք. Երևան, Դավթաշեն 4-րդ թաղ., 47/8
Հեռախոս՝ 093174010
Էլ․ փոստ՝ lifesong@inbox.ru
Թափուր աշխատատեղ՝ Հաշվետար
Աշխատանքի նկարագրություն՝

• Հաշվապահական փաստաթղթերի կազմում և փաստաթղթաշրջանառության վարում
• Հաշիվ-ապրանքագրերի համակարգչային ծրագիր ներմուծում, համակարգում և արխիվացում
• E-invoicing ծրագրով հարկային հաշիվների դուրսգրում
• Աշխատանք ՀԾ ծրագրերով
• Այլ հաշվապահական պարտականությունների իրականացում

Պահանջներ՝

• Առնվազն 1 տարվա աշխատանքային փորձ հաշվապահության ոլորտում
• Բարձրագույն կրթություն տնտեսագիտության, ֆինանսների և/կամ հաշվապահության ոլորտներում
• ՀԾ-Հաշվապահ համակարգի, e-invoicing ծրագրերի գերազանց իմացություն
• Հարկային օրենսդրության և հաշվապահական ստանդարտների լավ իմացություն

Աշխատավարձ՝ 200 000 դր

Աշխատանքային գրաֆիկը` երկուշաբթի -շաբաթ, ժամը՝ 9:00 -18:00:

Էլինա․

Հաշվապահներ ջան, խնդրում եմ ստուգեք ձևակերպումները․

Մայրության նպաստ է ձևակերպվել և վճարվել։ Վճարված ամսվա եկամտայինի հաշվարկում նպաստը գերաանցել է հաշվարկված եկամտային հարկի գումարը, համապատասխանաբար գերազանցող մասը ստացվել է պետությունից։ Նպաստի գումարը հարկը ներառյալ 2,831,808.00, որից՝ եկամտայինի հաշվին 1,065,066.00, ստացված լրացումը 1,766,742.00 ՀԾ-ն ինքնաշխատ աշխատավարձի հաշվարկում լրացրեց դտ- 5242 կտ -5271 – 2,831,808.00։

Ճի՞շտ եմ հասկանում՝ ես ձեռքով պիտի ուղղեմ դտ- 5242 կտ -5271 – 1,065,066.00 և դտ- 2252 կտ – 5271 1,766,742.00 ։ Վերջին թղթակցությունը չկա հաշվային պլանում, խնդրում եմ ուղղեք, եթե սխալ եմ։ Կանխավ շնորհակալ եմ։

Լիլիթ․

Բարև Ձեզ. եթե աշխատողը նախորդ տարում՝ 2022թվականին ունեցել է և վճարվող արձակուրդ և չվճարվող արձակուրդ, կարո՞ղ է 2023 թվականի փետրվար ամսին գնալ իրեն հասանելիք վճարվող արձակուրդը, և արձակուրդը ավարտվելուց հետո ազատման դիմում կարո՞ղ է ներկայացնել:

Մարիամ․

Բարև ձեզ, ինչպե՞ս պետք է լրացնեմ 256 ձևը: Հիմնարկը կատարում է դերասանի վարպետության դասընթացներ:

Անահիտ․

1․ Եթե կազմակերպությունն ունի 2 իրական շահառու՝ ֆիզիկական անձ, 2-ի էլեկտրոնային ստորագրությունն էլ պետք է լինի՞ հայտարարագիր ներկայացնելու համար։

2․ ՍՊԸ-ն ունի 1 հիմնադիր, իսկ տնօրենն այլ անձ է, հիմնադիրը չէ։ Այս դեպքում տնօրենն է՞լ է համարվում իրական շահառու։

Անահիտ․

ՍՊԸ-ի հիմնադիրը, ով գրանցված չէ որպես աշխատող ՍՊԸ-ում, կարո՞ղ է ՍՊԸ-ի դրամարկղից գումար մուտք անել ՍՊԸ-ի բանկային հաշվեհամարին։

Տաթև․

Բարև Ձեզ, հարգելի հաշվապահներ: Միկրոյով աշխատող ՍՊԸ-ն, եթե հաշիվ վավերագիրը գրել 2023թ.-ի հունվարին, բայց ծառայությունը մատուցվել և վճարվել է դեկտեմբերին, այս դեպքում վճարված գումարի չափը ներառվու՞մ է 2022թ-ի իրացման շրջանառության մեջ:

Կարեն․

Բարև Ձեզ։ Ինձ հետաքրքրում է՝ արդյո՞ք ՀՈԱԿ-ի տնօրենը իրավունք ունի լինել ՍՊԸ-ի հիմնադիր, թե՞ ոչ։ Եթե ոչ, ապա ի՞նչ իրավական ակտով է արգելվում։

Աստղիկ․

Հարգելի գործընկերներ, մի հարց էլ ես ունեմ՝ կապված աշխատողի երկարատև անաշխատունակության հետ։ 140 և ավելի օր աշխատողը, մնալով անաշխատունակության մեջ, վերադարձել է աշխատանքի՝ փակված անաշխատունակության թերթիկով, սակայն դեռևս ապաքինված չէ։

Հարց1 ․ Անաշխատունակության թերթիկ նորից ներկայացնելու դեպքում ընկերությունը կատարելու՞ է արդյոք վճարում՝ անաշխատունակության թերիթիկի համաձայն, ունի՞ այդ իրավունքը, թե՞ ոչ։

Հարց 2․ Եթե չի վճարում, ապա ինչպե՞ս է վարվում՝ համաձայն օրենքի։

Կանխավ շնորհակալություն։

Կարինե․

Բարև ձեզ։ ԵԱՏՄ երկրից ներմուծված ապրանքի 20% ԱԱՀ ո՞ր հաշվեհամարին պետք է վճարել։ Ռուսաստանից է ներմուծումը։

Iskan.

Բարև Ձեզ, հունվարի 20-ին բացել եմ ԱՁ, ՏՏ ոլորտում եմ աշխատում, հունվարի 23-ին ներկայացրել եմ հաշվետվություն շրջանառության հարկով աշխատելու վերաբերյալ։ Աշխատելու եմ Ռուսաստանում գտնվող կազմակերպության հետ, սակայն գործը ավարտելուց հետո (կավարտեմ մինչը 31․01․2023) ցանկանում եմ գործունեության ժամանակավոր դադարեցման հայտ ներկայացնել։ Խնդրում եմ կասե՞ք՝ ի՞նչ հաշվետվություններ պետք է ներկայացնեմ, ե՞րբ, և ի՞նչ հարկեր պետք է վճարեմ, բացի շրջհարկից։ Եվ 232 հաշվետվության ո՞ր տողում պետք է լրացնեմ ստացված եկամտիս չափը։ Կանխավ շնորհակալություն։

Վահագն․

Բարև Ձեզ։ ՀՀ ում ապրող օտարերկրյա քաղաքացին կարո՞ղ է այստեղ բացել ԱՁ և համարվել միկրոձեռնարկատեր, և կա՞ հարկման տարբերություն ՀՀ քաղաքացու և օտարերկրյա քաղաքացու համար։

Անահիտ․

Բարև ձեզ։ Եթե աշխատողին բանավոր տեղեկացրել եմ, որ ազատված է աշխատանքից, վճարել եմ վերջնահաշվարկ, բայց ոչ հրամանով, ոչ էլ հարկային չեմ ազատել որոշակի խնդիրների պատճառով, սակայն աշխատանքի չի ներկայացել տաս օր, ի՞նչ հոդվածով ազատում տամ, որ հիմքերը ճիշտ լինեն։

Անուշ․

Բարև ձեզ, խնդրում եմ պատասխանել հետևյալ հարցին։ Աշխատակիցը բուժման նպատակով գտնվել է արտերկրում, այդ ընթացքում օգտվել է չվճարվող արձակուրդից (60 օր), ժամկետի ավարտին պարզվել է, որ առողջական վիճակի պատճառով չի կարող ինքնաթիռ նստել և ուղարկել է բժշկի կողմից տրված համապատասխան տեղեկանք։ Հնարավո՞ր է ԱՕ որևէ հոդվածով հիմնավորել իրավական ակտը, որպեսզի աշխատողը մնա աշխատանքի մեջ։ Շնորհակալություն։