Դ.

Բարև, մի հարց ունեմ . ՍՊԸ – ն չունի աշխատող, միայն նրա տերն է , չի ստացել եկամուտ , ի՞նչ հարկ նա պետք է վճարի:

Տաթևիկ.

Բարև ձեզ,
ես ուզում եմ իմանալ, ի՞նչ օրենքի փոփոխություններ են եղել աշխատավարձի հաշվարկման գծով 2010թ հունիս-հուլիս ամիսներին:

Գայանե.

Բարի օր բոլորին.
Խնդրում եմ պատասխանեք, կարելի է արդյոք արձակուրդի (հերթական, անաշխատունակության, ֆիզ.արձակուրդ) մեջ գտնվող աշխատողին մի պաշտոնից տեղափոխել մյուսին:

Կանխավ շնորհակալ եմ.

Manush.

Բարև Ձեզ ես ուզում եմ իմանամ ֆիզ արձակուրդի գումարը, որը վճարել եմ հուլիս ամսում եկամտահարկի հաշվետվության մեջ չգիտեմ պետք է նշվի թե ոչ, եթե նշվում ապա որ տողում կամ որ մասում պետք է նշեմ, այդ հաշվետվությունը ես ներկայացնում եմ եռամսյակային :
Կանխավ շնորհակալություն

Yanna.

Բարև Ձեզ,
Ա/Ձ-ն ունի մեկ աշխատող, խնդրում եմ ասեք, քանի աշխատանքային պայմանագիր պետք է կնքած լիներ Ա/Ձ-ն, ինքն իր հետ պետք է արդյոք կնքեր պայմանագիր:

Ելենա.

Հարգելի հաշվապահներ, շուտով պատրաստվում եմ գնալ դեկրետային արձակուրդի:Աշխատել եմ ավելի քան մի տարի: Հուլիսի 20-ին կստանամ անաշխատունակության թերթիկ: Վերջին 3 ամիսներից 1-ին եղել եմ արձակուրդում:
Ինչպե՞ս հաշվարկեմ ինձ հասանելի նպաստը եթե՝
Մարտ – 35000 աշխատավարձ;
Ապրիլ – 35000դր աշխատավարձ;
Մայիս – ամբողջ ամիսը գտնվել եմ արձակուրդում եւ հաշվարկվել է 32237դր արձակուրդային;
Հունիս – 35000 աշխատավարձ:
Որ ամիսներն են մասնակցում հաշվարկին?
Եթե կարելի է մանրամասն գրեք հաշվարկի ձեւը:
Կանխավ շնորակալությամբ Ելենա:)

Աննա.

Բարև ձեզ,ես ուզում եմ իմանալ, եթե կազմակերպությունը համարվում է հաստատագրված հարկ վճարող, նրա վրա տարածվում է այն օրենքը,ՓՄՁ-ներում ստուգումների կասեցման մասին, որը գործելու է մինչև 2011թ-ի հունվարի 1-ը: Կանխավ շնորհակալ եմ:

Կարեն.

Հարգելի կոլեգաներ,
“Տարվա ընթացքում ձեռնարկատիրական գործունեությունից եկամուտներ ստացող հարկատուն պարտավոր է կատարել եկամտահարկերի կանխավճարներ` սույն հոդվածով սահմանված կարգով:
Կանխավճարների մուծումները կատարվում են յուրաքանչյուր եռամսյակ, նախորդ տարվա եկամտահարկի փաստացի գումարի և (կամ) եկամտահարկի հաշվարկային մեծության մեկ վեցերորդի չափով…”
Հարցը հետևյալն է` նախորդ տարվա եկամտահարկի փաստացի գումարը եկամուտների տարեկան հաշվարկում բաժին V-ի 57, թե 60 տողն է:

Տաթևիկ.

Ողջույն բոլոր հաշվապահներին !
Ես առաջին անգամ պետք է հաշվարկեմ արձակուրդային, խնդրում եմ օգնեք ճիշտ հաշվարկեմ:
Աշխատողը ընդունվել է աշխատանքի 10.01.2008թ , 2009 թվականին արձակուրդ չի գնացել, այժմ պետք է հաշվարկեմ արձակուրդային 15 օրվա համար 02.07.2010.թ -ից:
Շատ եմ խնդրում այս օրինակով հաշվարկեք , որպեսզի ավելի հասկանալի լինի:
Նախապես շատ շնորհակալ եմ :

Գայանե.

Բարև Ձեզ: Ասեք խնդրեմ, վարսավիրական գործունեության դեպքում գոյություն ունի սահմանային չափերի վերաբերյալ հայտարարություն, ինչպես օրինակ դա կա հանրային սննդի գործունեության դեպքում, և եթե այո, դրա ժամկետները: Կանխավ շնորհակալ եմ:

Աննա.

Հարգելի հաշվապահներ, խնդրում եմ, օգնեք ինձ մի հարցով:

Եթե կազմակերպությունը փաստացի գործունեություն չի ծավալում, ապրիլի 16-ին աշխատանքից ազատվել է տնօրենը, սակայն ՀՏ գործունեության դադարեցման մասին հայտարարություն չի ներկայացվել, և այժմ պետք է ներկայացվեն II եռամսյակի հաշվետվությունները, կարո՞ղ է արդյոք հիմնադիրը ստորագրել հաշվետվությունները: Եթե ոչ, ապա ի՞նչ պետք է անեմ:

Tereza.

Բարև բոլորին, ես ուզում եմ իմանալ, տնօրենը ում կարող է տալ լիազորագիր իր փոխարեն լիիրավ գործունեություն իրականացնելու համար եվ պարտադիր է նոտարի հաստատումը:
Կանխավ շնորհակալություն:

Աննա.

Կան նման կարծիքներ,որ առևտրի դեպքում երբ գնումը կատարվում է ոչ կանխիկ, այլ Post Terminali միջոցով,ապա գնորդին նաև պետք է տրամադրել ՀԴՄ: Միթե դա ճիշտ է, և արդյոք չի գրանցվի կրկնակի եկամուտ տվյալ կազմակերպության համար: Կանխավ շնորհակալություն:

Արայիկ.

Խնդրում եմ ինձ օգնել հետևյալ հարցում.
2010թ. – հուլիսի 13 դրությամբ քաղաքապետարանից հաշվարկվել և բնակչին (ոչ իրավաբանական) ներկայացվել է 1999-2003 թվականի համար գույքահարկի պարտք բնակելի տարածության համար և պահանջում են վճարել:
Հարցս հետևյալն է. քանի որ գույքահարկն էլ հարկատեսակ, արդյոք այս դեպքում գործում է հարկերի մասին վաղեմության պարտքի չվճարման կարգը: Քաղաքացին պիտի պարտադիր վճարի այդ գումարը, թե ոչ:
Կանխավ շնորհակալություն պատասխանի համար:

Hayk.

Հարգելի հաշվապահներ, խնդրում եմ օգնեք, ինչպե՞ս վարվեմ գործուղման մեջ գտնվող աշխատողների աշխատավարձի հետ, աշխատավարձի վճարման օրը նրանք գտնվել են գործուղման մեջ, պե՞տք է նրանց համար առանձին ցուցակ և վճարային տեղեկագիր կազմել, որ գործուղումից հետո ստանան աշխատավարձն ու ստորագրեն:

Լուսինե.

Խնդրում եմ պատասխանել իմ մի հարցին: Կարող եք ասել ինչպես հաշվել 1999թ. մարդատար ավտոմեքենայի գույքահարկը, որի շարժիչի հզորությունը (ԿՎՏ/Ձ.Ու)130/177: Կանխավ շնորհակալ եմ:

Լիլի.

Ինձ հետաքրքրում է հաստատագրված վճարով աշխատող ՍՊԸ-ն (ավտոտեխսպասարկման կայանների գործունեություն) հսկիչ-դրամարկղային մեքենաներ պետք է տեղադրել, թե ոչ, եթե այո, ապա ո՞ր դեպքում:

Հասմիկ.

Բարև Ձեզ, խնդրում եմ պատասխանել հետևյալ հարցին:
Եթե կազմակերպության համար արտասահմանյան ընկերություն, որը գտնվում է Անգլիայում, մատուցում է ծառայություն, իսկ ավելի կոնկրետ փորձանմուշներ (հանքաքար) պիտի ուղարկվի, որը պիտի ենթարկվի մանրամասն զննության: Արդյոք այս գործարքից առաջանում է որևէ հարկային պարտավորություն:

Աննա.

Հարգելի հաշվապահներ,
խնդրում եմ ինձ օգնել, եթե Ա/Ձ-ն հասույթի գիրք չի լրացնում, գործունեություն է իրականացնում հանրային սննդի ոլորտում, նյութերի ի՞նչ հաշվառում պետք է վարի: Ինչպե՞ս կարող են վերահսկել միակողմանի գնման ակտերով կատարված գնումների չափը:

Լիլիթ.

Հարգելի գործընկերներ, կարող եք պատասխանել, թե հղի աշխատողը առնվազն ինչքան ժամանակ պետք է աշխատի, որպեսզի ստանա ամբողջ դեկրետայինը:

Manush.

Բարև ձեզ, ես ուզում եմ իմանամ սոց ներկայացվող Ձև ֆ1 հայտը ո՞ր թվականից ենք սկսել ներկայացնել, քանի որ ես ունեմ աշխատող, որը գնացել է ֆիզ.արձակուրդ 2006թ., ու դրանից հետո էլ աշխատողը դարձյալ գնացել է ֆիզ. արձակուրդ ու հիմա վերադարձել է աշխատանքի, ուզում եմ իմանամ` հիմա ես հայտ ներկայացնեմ, թե` ոչ, քանի որ ինձ մոտ չկա նրա աշխատանքի ընդունման սոցի հայտը, չգիտեմ դա իմ սխալն է, որ չկա, թե ուղղակի 2006թ. դեռ չի եղել այդ հաշվետվության ձևը:
Կանխավ շնորհակալություն:

Լիլիթ.

Ինչպե՞ս հաշվեմ արձակուրդային: Այն ևս հարկվում է սոցապ հարկերի պես` 3% և գործատուի վճարած: Եկամտահարկը կախված չէ՞ դրանից: Շնորհակալություն:

Hayk.

Հարգելի գործընկերներ, խնդրում եմ օգնել հետևյալ հարցում` մեր աշխատակիցը 28 օրվա համար ներկայացրել է անաշխատունակության թերթիկ, մնացած 2 օրվա աշխատավարձը կազմում է 18 հազ. դրամ, այդ 18 հազ-ի համար պետք է հաշվարկվի 7000 դր. գործատուի սոց, թե ոչ:

Anush.

Հարգելի հաշվապահներ, խնդրում եմ օգնել հետևյալ հարցում, սոց հաշվետվության մեջ հղիության նպաստ եմ հաշվել, հաշվետվությունը հարկային ներկայացնելու ժամանակ բյուլետենի պատճեն նույնպե՞ս պետք է ուղարկել:

Ժաննա.

Բարև բոլորին:
Խնդրում եմ օգնեք: Հուլիսից ովքե՞ր են դուրս գրելու հաշիվ ապրանքագրեր հարկայինից ստացված բլանկների վրա: Կանխավ շնորհակալ եմ:

Նառա.

Եթե մեր ՍՊԸ-ում 5 աշխատող է, այսինքն ես հանձնում եմ 3 ամիսը մեկ սոց-հաշվետվությունը, իսկ աշխատողս օգոստոսին է գնալու դեկրետ, ես պե՞տք է միայն հոկտեմբերին -եռամսյակային հաշվետվությունը ներկայացնելիս նշեմ նպաստի չափը և տեղեկանք վերցնեմ հարկայինից: Կարո՞ղ է հետագայում ասեն, որ ժամկետը անցել է: Եվ մի հատ էլ հարցˋ ես օգոստոսի սոց-ը պետք է չփոխանցե՞մ, այլ տամ աշխատողիսˋ նպաստի մի մասը փակելու համար: Իսկ 3% փոխանցու՞մ եմ:

Հովհաննես.

Հարգելի հաշվապահներ, խնդրում եմ Ձեր կարծիքը հետևյալի մասին.
Վրաստանի քաղաքացի (ոչ ռեզիդենտ) է հրավիրում ենք մեկ օրյա սեմինար անցկացնելու համար:
1.Կնքում ենք ծառայության մատուցման պայմանագիր, որպես հարկային գործակալ պահում եմ 10 % եկամտահարկ, ծառայության դիմաց վճարումը եվրոյով է, պայմանագրի մեջ նշե՞մ օրինակ 150 եվրոյին համարժեք դրամ:
2.Քանի որ կազմակերպությունը ունի միայն դրամային դրամարկղ, ես առ հաշիվ դրամ եմ տրամադրում աշխատակցին, ինքը փոխարկում է և վճարում է ծառայության դիմաց:
Բերում է հաշվետվություն փոխարկման անդորրագիր և ստացական վճարումը հիմնավորելու համար :
3. Սոցապի ձևերը չեմ լրացնում :
Եթե ինչ որ բան չեմ նշել, կամ գրածս սխալ է, ասեք, ինչպե՞ս վարվեմ:

Tereza.

Բարև ձեզ, ես ուզում եմ իմանալ, հարկայինը գրանցված հաշվապաների մասին տեղեկություն տրամադրու՞մ է աշխատանքի տեսչություն և սոց. ծառայություն:

Արթուր.

Բարև ձեզ, եթե հնարավոր է օգնեք.
Ես ցանկանում եմ հիմնել Ա/Ձ, որը աշխատելու է վարձով վերցրած տարածքում, ցանկանում եմ իմանալ վարձակալության պայմանագիրը պետք է կնքել, նոր զբաղվել ա/ձ ով, թե սկզբից գրանցեմ ա/ձ-ն, նոր արդեն ա/ձ-ով կնքեմ պայմանագիրը, նախապես շնորհակալություն:

Արփինե.

Բարև Ձեզ, խնդրում եմ պատասխանեք, թե որքան է օրենքով թույլատրելի միանվագ առհաշիվ տրվող գումարի չափը, օրվա և ամսվա կտրվածքով: Կանխավ շնորհակալություն:
Մի առաջարկություն, եթե հնարավոր է, Ձեր կայքի փաստաթղթեր կամ հաշվետվություն բաժնում տեղադրեք առհաշիվ գումարների ծախսման մասին հաշվետվության ձևը:

Լիլիթ.

Հարգելի հաշվապահներ, խնդրում եմ պատասխանեք. ԱԱՀ վճարող չհանդիսացող կազմակերպությունը 100000 դրամը գերազանցող հարկային հաշվի դեպքում (երբ ձեռք բերողն ինքն է) հարկային մարմնին տեղեկանք պե՞տք է ներկայացնի, թե` ոչ:
Շնորհակալություն:

Lianna.

Բարև ձեզ, հարգելի կոլեգաներ: Մի խնդրանք ունեմ, եթե կարող եք օգնեք: Ցանկանում եմ պատրաստվել հաշվապահի որակավորման քննությանը և խնդրում եմ ուղղություն տալ:

Հասմիկ.

Բարև Ձեզ.Կխնդրեի պատասխանել հետևյալ հարցին.
Ընկերությունը իր կողմից արտադրած արտադրանքը պահեստից իրեն պատկանող 2 ավտոմեքենաներով առաքում է տարբեր խանութներ.տվյալ դեպքում քանի առաքման գիրք պետք է լինի (պահեստի համար առանձին, մեքենաների համար առանձին, թե մեկ առաքման գիրք, քանի որ նույն հասցեից են մեքենաները ապրանքը առաքում):
Կանխավ շնորհակալություն:

Նաիրա.

Հարգելի հաշվապահներ,խնդրում եմ պարզաբանել հետևյալ հարցը.
2008 թվականին ընկերությունը ներմուծել է անմիջական արտադրողից ապակյա շշեր խմիչք շշալցնելու համար: ԱԱՀ-ն,որ մուծվել է հայտարարագրելիս չի հաշվանցվել և հետաձգվել է և հաշվանցվել է համամասնորեն միայն խմբաքանակում ընդգրկված շշերի չափով ամեն արտահանման ժամանակ:Որպես հղում եղել է հոդված 26-ը և այն,որ ապակյա շիշը հանդիսանում է բազմակի օգտագործման տարա:Ինձ թվում է,որ սխալ եմ վարվել:

Hayk.

Հարգելի գործընկերներ,ով կարող է ինձ պատասխանել, հաշվետվությունների ներկայացումը էլեկտրոնային եղանակով հուլիսից է , թե հունիս ամսվանը նույնպես պիտի այդ եղանակով ներկայացվի:

Hayk.

Խնդրում եմ փորձառու հաշվապահներին օգնել ինձ հետևյալ հարցում. արտարժույթի գնման հետ կապված կուրսային տարբերություններից առաջացած եկամուտը կամ ծախսը ,ինչ սկզբունքով հաշվառեմ, տվյալ օրվա ԿԲ-ի միջին փոխարժեքով, թե բանկային հաշվի քաղվածքում առկա արտարժ. փոխանակումից եկամ. կամ ծախս-ով(որպես կանոն դրանք տարբեր են լինում, քանի որ ԿԲ-ն միջին փոխարժեքը հրապարակում է ժամը 4-ից հետո):Կանխավ շնորհակալություն:

Միլենա.

Կարող եք պատասխանել, խնդրում եմ, հղիին 140 օրվա համար տրամադրվող գումարը հաշվարկելիս, հաշվի է առնվում նրա զուտ աշխատավարձը` սոց. վճարումները արված, թե հակառակը:

Շնորհակալություն

Լիլիթ.

Խնդրում եմ պատասխանեք, ինչպես են կատարում աշխատավարձի վերջնահաշվարկ? /սկսնակ հաշվ./

Ռուզաննա.

Ինչպես են լրացնում աշխատաժամանակի հաշվարկային տեղեկագիրը: Տվեք, եթե կարելի է դրա լրացման կարգը:

Հարգելիներս ,կա որևէ մեկը,որ 1c предприятие ծրագրով է աշխատում:

Կամո.

Բարև Ձեզ, հարգելի կոլեգաններ: Ունեմ մեկ հարց, շատ շնորհակալ կլինեմ, եթե հղում տաք, թե որտեղից կարդամ: Եթե ապրանքը վաճառում ենք զեղչով (գների գրանցման գրքում ֆիքսված գնից եժան,) ԱԱՀ-ի և շահութահարկի հարկման բազան որ գինն է հանդիսանում` փաստացի վաճառքի, թե գրանցված: Կանխավ շնորհակալ եմ:

Manush.

Ես ուզում եմ իմանալ ինչպես հաշվարկեմ նախածննդյան ֆիզ արձակուրդի գումարը, երբ աշխատողը աշխատել է հիմնարկում 1 տարի 9 ամիս 7 օր,ուզում եմ իմանամ վճարումը 100 տոկոսով է լինելու թե ոչ, հաշվարկից եկամտահարկ պահվելու է թե ոչ,աշխատողի դրույքը 60000 դրամ է, երբ աշխատողի միջին աշխատավարձը կազմում է 60000 դրամ:Կանխավ շնորակալություն:

Մանուշ.

Եթե բյուլետենը հաշվարկում եմ հուլիս ամսին ու վճարում հուլիս ամսին, ապա ինչպե՞ս պետք է գրեմ սոց.-ի հաշվետվությունում, նշե՞մ հուլիսի հաշվետվությունում:

Աննա.

Հարգելի հաշվապահներ,

Խնդրում եմ օգնեք ինձ մի հարցով: Ա/Ձ-ն գործունեություն է իրականացնում հունիս ամսից: Հունիսին ունեցել է 4 աշխատակից, սակայն հուլիս ամսվա ընթացքում ընդունել է աշխատանքի ևս 2 հոգի: 2010թ. հուլիսին սոցի եռամսյակայի՞ն, թե՞ ամսական հաշվետվություն պետք է ներկայացնի:

Կանխավ շնորհակալ եմ:

Սյուզի.

Խնդրում եմ պատասխանեք
Եթե ընկերության գլխավոր հաշվապահը ազատվում է աշխատանքից և երբեք չի գնացել արձակուրդ իր աշխատած ժամանակահատվածում, ի՞նչ փաստաթղթեր և որտե՞ղ պետք է ներկայացվեն:
Կանխավ շնորհակալ եմ:

SONA.

Սիրելիներս.
Կխնդրեի ինձ տեղյակ պահել, թե այստեղ ո՞վ է զբաղվում բեռնափոխադրման հաշվապհությունով:

Ռուզաննա.

Բարև Ձեզ, խնդրում եմ օգնեք ինձ հետևյալ հարցում.

Ես հղի եմ և հունիսի 2-ից ես հիվանդանոցից վերցրել եմ անաշխատունակության թերթիկը /բուլետին/: Խնդրում եմ ասացեք, ինչպես են հաշվարկում 140 օրվա համար տրամադրվող գումարը և որքան դա կկազմի: Աշխատավարձս կազմում է 70.000 դրամ: Նախապես շնորհակալ եմ:

Վիկտորյա.

Հարգելի գործընկերներ, խնդրում եմ ինձ հուշել մեկ հարցում..
Ցանկանում եմ կնքել աշխատողի հետ ՔԱՂ.-ԻՐԱՎԱԿԱՆ պայմանագիր, քանի որ նա պետք է աշխատի շաբաթական ընդամենը 1 օր: Խնդիրը նրանում է, որ աշխատավարձը պետք է լինի ֆիքսված ամեն աշխատանքի ներկայանալու օրվա և ծառայություն մատուցելու համար X դրամ: Ինչպե՞ս դա կարելի է նշել պայմանագրում, որպիսի հետագայում խնդիրներ չառաջանան աշխ./քաղ.-իրավ. պայմանագիր հարթությունում:

VVV.

Եթե աշխատողը ամսվա երկու օրը ներկայանում է աշխատանքի, իսկ մնացած բոլոր օրերին անհարգելի բացակայում է, արդյոք գործատուն իրավունք ունի ամսվա վերջում լուծելու նրա հետ կնքած աշխատանքային պայմանագիրը և եթե այո, ապա ինչ հիմքով:

Շնորհակալություն

Արտյոմ.

Բարեվ Ձեզ, խնդրում եմ պատասխանեք հարցիս վերջնահաշվարկի վերաբերյալ…Վերջնահաշվարկի գումարը Սոցի հաշվետվության ԱՎՈՒՄ-ի մեջ նշվում է թե ոչ, եթե այո կխնդրեյի հիմնավորել…քանի որ հայտնի է որ վերջնահաշվարկից սոց չի պահվում