Անի.

Հարգելի կոլլեգաներ,
կարո՞ղ եք ասել, ինչ հետևանքներ կարող է բերել, եթե կազմակերպությունը ենթավարձակալության տա իր գրասենյակի մի մասը և նոտարով ու կադաստրով չհաստատի այն: Այն տարածքը, որտեղ նա նստած է, վարձակալության է վերցված նոտարով և կադաստրով հաստատված է:
Շնորհակալ եմ:

Նառա.

Հարգելի Կոլեգաներ խնդրում եմ իմ ինձ ասեք, երբ է ուժի մեջ մտնեու աշխատանքային օրենսգրքի նոր փոփոխությունները:Ու եթե աշխատողը աշխատանքից ազատվում է 02.08.10-ից, պիտի հիմք ընդունվի 14 օր առաջ կատարած իր ծանուցում, թե արդեն փոփոխված տարբերակով՝ 30օր:
Կանխավ շնորհակալություն:

Գայանե.

Խնդրում եմ պատասխանել իմ հարցին: Ես 2 ՀՈԱԿ-ների հաշվապահ եմ, ՀՈԱԿ-ներից մեկի դրամարկղային գիրք ստանալու համար հայտը փետրվար ամսվա փոխարեն տնօրենը տվել է հունիս ամսին, խնդրում եմ պատասխանեք,թե ինչ տուգանք է նախատեսված դրա համար, և ով է ենթարկվելու պատասխանատվության` ես, թե տնօրենը:Կանխավ շնորհակալ եմ:

Սյուզի.

Բարև Ձեզ, հարց ունեմ կապված հասույթի գրքի վարման հետ:
Եթե հասույթի գրքում ապրանքի գնի փոփոխություն եմ գրանցել (սխալմամբ), և հաջորդ օրը հաշիվ ապրանքագրով վաճառել տվյալ ապրանքից, բայց նախորդ գնով, և հիմա էլ վաճառում ենք նախորդ գնով, ու տվյալ գնի փոփոխության վրա ուղղակի գիծ եմ քաշել, ի՞նչ եք կարծում, դա ենթակա՞ է որևէ տուգանքի:
Նաև կխնդրեմ ինձ տեղեկացնել հասույթի գրքի վարման կարգին կամ որևէ կայք, որտեղից հնարավոր կլինի ինֆորմացիա ստանալ…
Կանխավ շնորհակալություն:

Աննա.

Բարև Ձեզ, խնդրում եմ ինձ հուշեք թե ինչ քայլեր պետք է անեմ հաշվետվություններն էլեկտրոնային եղանակով ուղարկելու համար: Ու՞ր պետք է դիմեմ:
Նախօրոք շնորհակալություն:

Margaryan Martin.

Նյութական պատասխանատվության պայմանագրերի մասին է: Ես չկարողացա գտնել, եթե հնարավոր է, խնդրում եմ օգնեք:

Սյուզի.

Խնդրում եմ պատասխանեք
Եթե գործատուն հրաժարվում է վերջնահաշվարկ վճարել, ինչպե՞ս կարելի է վարվել նրա հետ:

Artak.

Մեր կազմակերպությունը աշխատում է Վերակառուցման և զարգացման եվրոպական բանկի հետ, որը ունի ՀՀ-ում ներկայացուցչություն, սակայն, մեր պայմանագիրը կնքվում է բանկի կենտրանական գրասենյակի հետ, որը գնտվում է Լոնդոնում, իրենք էլ մեզ վճարում են: Մեր հաշվետվությունը նույնպես ուղարկվելու է Լոնդոն: Արդյոք մենք պետք վճարենք ԱԱՀ թե ոչ:

Արփինե.

Ողջույն բոլորին: Խնդրում եմ, պատասխանեք հետևյալ հարցիս.
Սրճարանում կամ թեյարանում ծխախոտ և խմիչք վաճառելու համար լիցենզիա հարկավո՞ր է, թե՞ ոչ, եթե այո, ապա որքա՞ն է կազմում լիցենզիայի գումարը:

Գայանե.

Բարև Ձեզ….Խնդրում եմ ինձ ասացեք, թե Հայփոստի ձև 130 օրագրում,որ տողերով ավանդը գրեմ մուտքի և ծախսի բաժնում…Կանխավ շնորհակալություն…..

Նանե.

Բարև Ձեզ հարգելիներ, խնդրում եմ ինձ խորհուրդ տվեք, թե որտեղից կարող եմ կարդալ գանձապահին արձակուրդ ուղարկելու համար ում կարող է փոխանցվել նրա պարտականությունները,պատասխանատվությունը, և ինչ քայլեր են անհրաժեշտ դրա համար,այսինքն հանձնում,ընդունում,ակտի կազմում:

Սերինե.

Խնդրում եմ ինձ օգնել, ինչպե՞ս հաշվել լրագրողների արձակուրդայինը, արդյոք տարբերվում է լրագրողների արձակուրդային օրերի քանակը:

Սոնա.

Խնդրում եմ ասել, ինչպե՞ս բացել հկ:

Ա.Անուշիկ.

Խնդրում եմ պատասխանեք իմ հարցին: Մենք մեր գույքահարկի բազայում ունենք այնպիսի մեքենաներ, որոնք գրանցված են, ասենք, 1999թ.-ից և մինչև այսօր գույքահարկ չեն վճարել ոչ մի անգամ: Եվ ֆիզ. անձը բերում է խոտանման տեղեկանքը, որ ինքը մեքենան խոտանել է 2009թ.-ի, ասենք, հոկտեմբերին: Ճիշտ է՝ նրա վրա այլևս գումար չի հաշվարկվում այդ ամսաթվից հետո, բայց չէ՞ որ տվյալ ֆիզ. անձի վրա մնում է 1999-2009թթ. ընկած ժամանակահատվածի կուտակված գույքահարկի (ապառք+տույժ) գումարը՝ որպես պարտք: Բայց չէ՞ որ եթե մարդը խոտանել է մեքենան, այդ պարտքը այլևս չի վճարի: Արդյո՞ք չկա մի որևէ օրենք, մի որևէ մեխանիզմ՝ լուծելու այս խնդիրը: Խնդրում եմ պատասխանել: ՇՆՈՐՀԱԿԱԼՈՒԹՅՈՒՆ:

Կարինա.

Ինչպե՞ս կարող եմ գտնել բնօգտագործման հաշվետվության փաստաթուղթը:

Արփինե.

Բոլորին ողջույն: Անչափ շնորհակալ եմ կարծիքների համար: Դրանք ինձ շատ են օգնում: Խնդրում եմ պատասխանեք ևս 2 հարցի`
1 դրամարկղի գիրքը քանի օրը մեկ է պետք փակել;
2 որքան պետք է կազմի ՓՄՁ տարեկան շրջանառությունը ԱԱՀ -ի դաշտում գործելու համար:

Անահիտ.

Բարև Ձեզ, խնդրում եմ ինձ ծանոթացնել դրամարկղային գրքի վարման կարգը: Նախապես շնորհակալություն:

Anaila.

Հարգելի կոլեգաներ ով կարող է ինձ օգնել գտնելու 1ՏԳ հաշվետվության վերաբերյալ մի քանի հարցերի պատասխաններ:

Սաթենիկ.

Բարև ձեզ: Կցանկանայի իմանալ, թե ինչքան է Ա/Ձ-ի համար նախատեսված սոց. վճարը, ես վճարել եմ 5000 դրամ, բայց ինձ ծանոթ մեկը ասում է, որ ավելի լավ է վճարեմ 7000դրամ, բայց ինչու չեմ հասկանում: Նախապես շնորհակալություն պատասխանի համար:

Սուսաննա ք. Աբովյան.

Ողջույն բոլոր հաշվապահներին!
Ունեմ այսպիսի հարց,խնդրում եմ օգնեք , ԱՁ,որը աշխատել է ՓՄՁ -ի պարզեցված ընթացակարգով, այս տարվա հուլիսից, իր դիմումի համաձայն աշխատելու է ԱԱՀ-ով: Ստացել է հասույթի և առաքումների գիրք , հաստատված հարկայինի կողմից:
Ի դեպ ԱՁ-ն իրականացնում է ներմուծում,այս դեպքում, հասույթի գրքում պետք է լրացվի ԱԱՀ-ի ժամանակաշրջանում ստացված ապրանքները, թե նաև նախորդ ժամանակաշրջաններում ստացված ապրանքները: Այստեղ հաշվապահություն չի վարվել, այժմ ես փորձում եմ ետ գնալով , ինչ-որ կերպ ստանամ գոնե ապրանքային մնացորդը, որը չգիտեմ հասույթի գրքում լրացնեմ ,թե ոչ, խնդրում եմ,եթե կարող եք օգնեք:
Նախապես շնորհակալ եմ:

Emil.

Հարգելիներս, կարո՞ղ եք ինձ օգնել մի հարցում: Կարող է արդյոք կազմակերպության հիմնադիրը, որը միևնույն ժամանակ կազմակերպության տնօրենն է, փոխառություն տրամադրել որպես անհատ անձ այդ նույն կազմակերպությանը: Նախապես շնորհակալ եմ:

Ruzanna.

Ես կուզեի իմանալ, արդյոք հասարակական կազմակերպությունները հարկեր վճարում են, եթե այո, ապա ի՞նչ հարկեր:

Կարինե.

Բարև Ձեզ,ես աշխատող մայր եմ և ֆիզիոլոգիական արձակուրդից նոր եմ վերադարձել, երեխաս երկու տարեկան է: ՈՒզում եմ իմանալ` իրավունք ունեմ ընդմիջման ժամանակահատվածը երկարացնել:
Կանխավ շնորհակալություն:

Manush.

Բարև Ձեզ, խնդրում եմ ինձ ծանոթացնել դրամարկղային գրքի վարման կարգը: Նախապես շնորհակալություն:

Աննա.

Հարգելի հաշվապահներ, խնդրում եմ օգնեք հետևյալ հարցով.

Եթե ԱՁ-ն վարձակալել է տարածք ֆիզ. անձից հունիսի 10-ից, պե՞տք է վճարի ամսական վարձավճար: Մեկ ամիսը լրանում է հուլիսի 10-ին: Ձեր կարծիքով II՞, թե՞ III եռամսյակի եկամտահարկի հաշվետվության մեջ պետք է ներառեմ այդ վարձավճարը:

Աննա.

Եթե դժվար չէ, ասացեք՝ ես սեպտեմբերի 8-ին կստանամ անաշխատունակության թերթիկ դեկրետ գնալու համար: Հուլիս ամսին ես արձակուրդի մեջ եմ եղել: Դա ազդու՞մ է նպաստի գումարի վրա, թե՞ ոչ: Աշխատավարձս 50 000 դրամ է:

Ալինա.

Իրավաբանական անձի (ԻԱ-ի) համար որպես Գործադիր մարմին (տնօրեն, ղեկավար) բացի ֆիզիկական անձից կարող է հանդիսանալ իրավաբանական անձը, եթե ԻԱ-ի կանոնադրությամբ այդպիսի հնարավորություն տրված է:

Ճի՞շտ է այս պնդումը:

Manush.

Բարև Ձեզ, ես ուզում եմ իմանալ ՏԻՄ-ում աշխատող գանձապահի պարտականությունները:Կանխավ շնորհակալություն

Հովհաննես.

Հարցս վերաբերվում է գործուղման ծախսերին:Գործուղման ժամանակ տաքսի սերվիզը տրամադրում է մեքենայի մեջ տեղադրված չափիչ սարքի կտրոնը(օրինակ 10000 դրամի):Բայց չի տալիս հաշիվ ֆակտուրա ,կամ ՀԴՄ:
Կառավարության 525 որոշման համաձայն տաքսի սերվիզի չեկը ծախս հիմնավորող փաստաթուղթ չի: Բայց առկա է գործուղման հրաման, գործուղման վկայական:
Խնդրում եմ ասացեք, ինչպես վարվեմ այս դեպքում, ասեմ, շատերն են այս խնդրի առաջ կանգնած:

Հովհաննես.

Հարգելիներս ունեմ այսպիսի հարց` արտասահման գործուղման ժամանակ վճարվել է 5 օրվա օրապահիկ (5*76 եվրո)դրամով, աշխատողը ծախսերը կատարել է եվրոյով: Գործուղումից վերադառնալուց չի ներկայացնում փոխարկման անդորրագիր,այդ դեպքում հաշվարկը կատարվում է գումարը տրամադրելու օրվա,թե հաշվետվության օրվա կենտրոնական բանկի կուրսով:
Կանխավ շնորհակալ եմ:

Լուսինե.

Բարև Ձեզ.
Ես աշխատում եմ սեզոնային աշխատանքային պայմանագրով, որտեղ նշված է. որ պայմանագիրս լուծելիս ինձ պետք է տրվի հատուցում` յուրաքանչյուր ամսվա համար 2 աշխատանքային օր հաշվարկով: Սակայն ԱՕ-ի նոր փոփոխությամբ այն չի նախատեսվում , քանի որ ԱՕ-ի 100 հոդվածի 3-րդ կետը ուժը կորցրած է ճանաչվել և գործատուն դա ինձ հաստատ չի վճարի: Խնդրում եմ պատասխանեք իրավաբանորեն և հիմնավորված, արդյոք դա իրավացի է, և գործատուն ճիշտ է վարվում թե ոչ, մանավանդ եթե հաշվի առնենք, որ ես աշխատում եմ արդեն 7 ամիս և դեռ աշխատելում եմ 8 ամիսը չգերազանցող որոշակի ժամանակահատված: Դուք հավանություն տալիս եք օրենքի նման փոփոխությանը:
Կանխավ շնորհակալություն :

Մանուշ.

Բարև ձեզ: Ես ուզում եմ իմանալ, թե ինչպես հաշվարկել գործուղման ծախս Նոյեմբերյան-Երևան ճանապարհածախսը, օրապահիկը, գիշերավարձը, եթե առկա է հյուրանոցի կտրոնը կամ չկա կտրոնը: Կանխավ շնորհակալություն:

Արփինե.

Բարև բոլորին, Ես ուզում եմ հարցնել, ՀԴՄ կտրոնը առանց հաշիվ-ապրանքագրի կարող եմ ծախս համարել թե ոչ, և եթե այո, ապա ծախսի թույլատրելի չափը: Նախապես շնորհակալ եմ:

Սարգիս.

Բարև ձեզ,
Ինձ հետաքրքրում է, հնարավոր է արդյոք կատարել առհաշիվ ծախսեր բանկային հաշվից, առանց դրամարկղային գիրք ունենալու, և եթե այո, ապա հաշվից գումարը հանելուց քանի օրվա մեջ այն պետք է ծախսվի?
Անչափ շնորհակալ եմ…
Հաջողություն բոլորին…

Աստղիկ.

Երբվանի՞ց է ՀՀ Աշխատանքային Օրենսգրքի նոր փոփոխությունները դառնում պարտադիր:

Արծրուն.

Բարև Ձեզ, խնդրում եմ պատասխանել իմ հետևյալ հարցին.
արդյոք աշխատանքային պայմանագրի հավելումը ԱՊ-ի գրանցամատյանում գրանցվում է , թե ոչ :

Արմեն.

Հարգելիներ մի հարց…..Ընկերությունը ստեղծվել է 4,11,09-ին դրամարկղի գիրքը հարկայինի կողմից հաստատվել է 2,12,09-ին դրամարկղի գրքում հետին ամսաթվով 10,11,09-ին ցույց է տված փոխառության մուտքագրում…դրամարկղի ո՞ր օրենքն է խախտված, խնդրում եմ հուշեք:

Արմեն.

Բարև ձեզ,խնդրում եմ ասեք, թե ինչ փաստաթղթեր են պետք սահմանափակ պատասխանատվությամբ ընկերություն բացելու համար ու որտեղից կարող եմ գտնել դրանք,մեկ էլ ուրիշ ինչ է անհրաժեշտ այն բացելու համար:

Լիլիթ.

Հարգելի հաշվապահներ, եթե հաշիվ-ապրանքագրում ԱԱՀ-ն առանձնացված չէ, և ընդհանուր գումարը գերազանցում է 100000 դրամը, հարկային մարմնին տեղեկանք ներկայացնել պետք է, թե ոչ:

Հասմիկ.

Բարև Ձեզ: Կխնդրեի պատասխանել հետևյալ հարցիս.
օրենքով քանի ամիս ընկերությունն իրավունք ունի որպես փորձաշրջան նշանակել և արդյոք փորձաշրջանը չի գրանցվում աշխատանքային գրքում ու չի վարձատրվում:
Եվ եթե հնարավոր է խնդրում եմ նշել թե որտեղից կարող եմ ավելի տեղեկանալ ծանոթանալ այդ մասին:
Շնորհակալ եմ:

Արմեն.

Խնդրում եմ պատասխանեք իմ հարցին.
Եթե ՍՊԸ-ն զբաղվում է թերթերի տպագրությամբ և իրացմամբ ապա օգտվում է ԱԱՀ արտոնությունից (զրոյական), բայց եթե դրա հետ միասին կատարում է նաև գովազդային ծառայություն մատուցմամբ, ապա 58,35 միլիոն դրամ գերազանցելու դեպքում հարկվելու է միայն գովազդայինի մասով, թե ընդհանուրի (գովազդ + թերթերի իրացում) մասով. Շնորհակալություն:

Լիլիթ.

Հարգելի հաշվապահներ, խնդրում եմ պատասխանել հետևյալ հարցին. եթե նոր ընդունված աշխատողը 11 ամիսը լրանալուց հետո արձակուրդ է գնացել, հաջորդ արձակուրդը ե՞րբ իրավունք ունի պահանջելու, մինչև 6 ամիսը լրանալն իրավունք ունի՞ պահանջել:

Սյուզի.

Եթե կարող եք խնդրում եմ ինձ ուղարկեք հաշվապահների որակավորման քննությունների հարցաշարը syuzanchik շնիկ mail.ru հասցեով, շատ շնորհակալ կլինեմ:

Արծրուն.

Խնդրում եմ օգնեք իմանալ 2010թ. նվազագույն ժամային դրույքաչափը:

ACC.

Անհատ ձեռներեցի մոտ, եթե հարկային տեսչությունը կատարում է ապրանքի մնացորդի ստուգում, ինչի՞ հիման վրա է ճշտում ապրանքային մնացորդը համապատասխանում է ռեալությանը թե ոչ: Ա/Ձ պետք է ինչ-որ գիրք կամ որևէ բան ունենա ապրանքային մնացորդի առումով: Ա/Ձ ԱԱՀ վճարող չէ: Շնորհակալություն:

Սաթենիկ.

2 ամիս է ինչ բացել եմ ինտերնետ ակումբ, ինքս եմ աշխատել, այժմ ուզում եմ ընդունել աշխատող, բայց փորձաշրջանն անցնելով: Կա այդպիսի փորձաշրջան հասկացություն և այդ դեպքում աշխատողի համար հարկային և սոցիալական բաժին փաստաթղթեր ներկայացնում ենք, թե ոչ:

Արմեն ուսանող.

Բարև ձեզ, հարգելի հաշվապահներ, խնդրում եմ ինձ բացատրեք, թե ինչ բան է հարկային գործակալը և հաշվեգրման եղանակը: Կանխավ շնորհակալություն:

Արմեն.

Բարև Ձեզ:
Խնդրում եմ պարզաբանել, ինչպես է կատարվում քաղաքացիական ծառայողների` իրենց գործատուների հետ աշխատանքային հարաբերությունները, այսինքն նրանց միջև կնքվում է արդյոք աշխատանքային պայմանագիր, թե ոչ:
Շնորհակալություն:

Աշիկ.

Եթե ՍՊ Ընկերության տնօրենը և հիմնադիրը նույն անձն է, և Ընկերությունը դեռևս եկամուտ չունի, ապա կարող է արդյոք հիմնադիրը իրեն` որպես տնօրեն, աշխատավարձ վճարելու համար փոխառություն տրամադրել Ընկերությանը, և արդյոք թույլատրելի է, որ երկու կողմերը` Փոխառու և Փոխատու, նույն անձը լինի: Նաև դա ի՞նչ հաշվապահական ձևակերպում ունի:

Վերաբացվել է հաշվապահական ծրագրերի վերաբերյալ Accountant.am – ի հարցումը: