Author: Accountant.am

Սյուզի․

Բարև Ձեզ, հարգելի հաշվապահներ։ Կասե՞ք՝ քաղաքացիաիրավական պայմանագրով աշխատողն ընդունվել է աշխատանքի սեպտեմբերի 20-ին, եթե վճարում կատարվի հոկտեմբեր ամսին, պետք է հոկտեմբերի՞ հաշվետվության մեջ երևա վճարված գումարը։ Կանխավ շնորհակալ եմ։

Կիմա․

Բարև ձեզ։ Հարցս վերաբերվում է դրոշմանիշային վճարին։ Ես աշխատում եմ համատեղությամբ։ Ճի՞շտ է արդյոք, որ մեկ աշխատողից պահվի դրոշմանիշային վճարը, ընդ որում 11 000դրամ։ Կարո՞ղ եմ մի աշխատավայրի գումարը օրենքով հետ պահանջել։ Շնորհակալություն։

Անի․

Բարև Ձեզ։ ԱՁ-ն գործունեություն չի ծավալել: Բանկն ԱՁ-ի հաշվին շարժ չլինելու պարագայում կես տարին մեկ կլորիկ գումար է գանձելու: Բանկին պարտք չմնալու համար ուզում եմ գումարն իմ անձնական հաշվից փոխանցել ԱՁ-ի հաշվին ու հետո հետ անձնականին, այդ կերպ ապահովել շարժն: Արդյո՞ք անհրաժեշտ է ԱՁ-ի հաշվին անձնական հաշվից փոխանցված գումարն փաստաթղթավել ու ձևակերպել:

Լարիսա․

Ողջույն: Աշխատակիցն ազատվել է աշխատանքից, սակայն վերջնահաշվարկի ժամանակ պարզվել է, որ իրեն տրամադրված վճարովի արձակուրդային օրերը տրամադրվել են հասանելիք օրերի քանակից ավել, և վերջինս պարտք է գործատուին: Տեղյակ ենք, որ գանձման ընթացակարգը սահմանված է 213 հոդվածով, սակայն մեզ անհասկանալի է 214 հոդվածը։ Եթե հնարավոր է՝ խնդրում եմ պարզաբանել, նաև կուզեմ իմանալ ՀԾ ծրագրով ձևակերպման կարգը։ Կանխավ շնորհակալություն:

Աննա․

Շրջ․ հարկով աշխատող ԱՁ-ն, որի շրջանառությունը կազմել է 6-12 մլն, դրոշմանիշային վճար որքա՞ն պետք է վճարի՝ 102.000 դրա՞մ (խնդրում եմ ուղարկել օրենքից հղում), բայց արդեն մինչև 2024 թվականի ապրիլի 20-ը՞։ Ինչպես նաև՝ եթե ունի գրանցված աշխատակից 104.000 դրամ աշխատավարձով ( պահումները չհանված), ապա ամսական 3000 դրամ և՞ս պետք է վճարել աշխատողի համար որպես դրոշմանիշային վճար։

Կարեն․

Բարև Ձեզ։ Ընկերությունը 2017 թվականին շահութահարկով ունեցել է 4 000 000 ՀՀ դրամի հարկային վնաս, իսկ 2018 թվականին 900 000 ՀՀ դրամ հարկային վնաս։ 2019 թվականին ընկերության շահույթը կազմել է 12 400 000 ՀՀ դրամ, կատարել եմ նվազեցում 4 900 000 ՀՀ դրամի՝ ներկայացնելով շահութահարկի հաշվետվության մեջ 76-րդ տողում (Հարկային տարվան նախորդող 5 հարկային տարիների գործունեության արդյունքներով առաջացած հարկային վնասը):

Ոնց հասկանում եմ՝ պետք է 2018 թվականի շահութահարկի հաշվետվության մեջ 76-րդ տողում (Հարկային տարվան նախորդող 5 հարկային տարիների գործունեության արդյունքներով առաջացած հարկային վնաս) ներկայացնեի 4 000 000 ՀՀ դրամ, որը չեմ արել, այլ միանգամից 2019 թվականի հաշվետվության մեջ եմ ցույց տվել։ Այսօր ստացել եմ ծանուցում, որ 2019 թվականին 76-րդ տողում ավել 4 000 000 ՀՀ դրամի չափով գումար եմ ներկայացրել։

Հարց-Ի՞նչ անել, եթե 2018 թվականի հաշվետվությունը չեմ կարողանում ուղղել։

Արմեն․

Աշխատակիցը մեկնում է արտերկիր՝ մասնակցելու կոնֆերանսի զեկուցման համար, որը տևելու է մեկ օր։ Վերադարձի տոմսը կոնֆերանսից հետո 4 օր հետո է։ Ինչպե՞ս ձևակերպել գործուղումը։ Քանի՞ օրն է հնարավոր ձևակերպել որպես գործուղում։

Նարինե․

Բարև Ձեզ, ինձ հիշարար օրդերի օրինակ է հարկավոր, կարո՞ղ եք օգնել, նախապես շնորհակալություն։

Խնդրում եմ օգնեք լուծել խնդիրը.

Կազմակերպությունը 1-ին եռամսյակի եկամուտները ծառայությունների գծով 1.500.000 դրամ առանց ԱԱՀ, վաճառքի գծով 1.800.000 դրամ ներառյալ ԱԱՀ, ընդհանուր ծախսեր 800.000։ 2-րդ եռամսյակում ծառայությունների գծով 800.000 առանց ԱԱՀ, վաճառքի գծով 700.000 առանց ԱԱՀ, ծախսեր 1.300.000։ 3-րդ եռամսյակում ծառայությունների գծով 2.400.000 ներառյալ ԱԱՀ, վաճառքի գծով 3.600.000 ներառյալ ԱԱՀ, ծախսեր 2.300.000։ 4-րդ եռամսյակում ծառայությունների գծով 800.000 ներառյակ ԱԱՀ, վաճառքի գծով 1.500.000 առանց ԱԱՀ, ծախսեր 900.000։ Ստանալ շահույթ, շահութահարկ, զուտ շահույթ և տալ ձևակերպումներ։

Այլ հաշվապահական խնդիրներ

Սյուզաննա․

Ողջույն,

Ցանկանում եմ տեղեկանալ՝ արդյո՞ք օրինական է, տանը պատրաստվող տորթեր/հրուշակեղենի օնլայն բիզնես ունենալ: Արդյո՞ք որևի լիցենզիա կամ ԱՁ բացելը անհրաժեշտ է:

Սոնա․

Բարև ձեզ։ Կարո՞ղ եք ասել՝ արձակման նպաստը ինչպե՞ս հաշվեմ, մաքուր աշխատավարձի միջին օրականո՞վ, թե՞ հաշվարկայինով։

Գայանե․

Բարև Ձեզ։ Եթե կազմակերպությունը ֆիզիկական անձին տրամադրել է անտոկոս փոխառություն, այդ ժամանակ առաջանու՞մ է որևէ հարկային պարտավորություն։

Գայանե․

Բարև Ձեզ, հարգելի հաշվապահներ։ ՀԴՄ-ի տեսակ կա՞, որ 2024 թվականի հունվարի 1-ից չի գործելու։ Կանխավ շնորհակալություն։

Արմեն․

ՀՀ քաղաքացին քաղիրավական պայմանագրով ծառայություն է մատուցում ՌԴ կազմակերպությանը։ Հարց՝ հարկերը ինչպե՞ս են հաշվարկվում և որտե՞ղ են վճարվում։

Լամարա․

Բարի երեկո։ Խնդրում եմ պատասխանել։ Աշխատողը նոր է ընդունվել։ 4 աշխատանքային օր է եկել աշխատանքի և բերել է հիվանդության թերթիկ 15 աշխատանքային օր, ապա ազատվել աշխատանքից։ 4 օրվա համար հաշվարկվել է 9 100 դրամ աշխատավարձ (կեղտոտ)։ Ինչպե՞ս հաշվել նպաստը։ Հասնու՞մ է վերջնահաշվարկ (4 օրվա համար)։ Ու դա ինչպե՞ս հաշվել։

Նարինե․

Բարև Ձեզ, հարգելի հաշվապահներ: Կարո՞ղ եք պատասխանել հետևյալ հարցին՝ աշխատակիցը ունի 3 տարվա չօգտագործված արձակուրդ: Կարո՞ղ եմ արդյոք նրան տրամադրել արձակուրդ 48 աշխատանքային օր միանգամից, թե՞ դա կլինի ինչ-որ օրենքի խախտում:

Գրիգոր․

Բարև Ձեզ, հարցս շատ շտապ է, խնդրում եմ արձագանքեք փորձառու հաշվապահներ:

Շրջանառության հարկով աշխատող կազմակերպությունը իր անշարժ գույքը, որի կադաստարյին արժեքը 70 մլն դրամ է, վաճառել է 40 մլն դրամով, դուրս է գրել ապրանքների արտադրանքի առաքման հաշիվ վավերագիր 40 մլն դրամով, սակայն շրջանառության հարկի հաշվարկում ցույց է տրվել 70 մլնի 80%-ի չափով՝ 56 մլն դրամ, իսկ հարկը հաշվարկել է 10%-ի չափով՝ 5,6 մլն դրամ, տարվա ընթացքում ունի նաև ապրանքների վաճառք 20 մլն դրամի չափով:

Հիմա հարկային տեսչությունից ստացել ենք ծանուցագիր, որ այդ գործարքը, ի նկատի ունեմ անշարժ գույքի օտարումը, համարվում է ԱԱՀ-ով հարկվող գործարք, և պարտավոր էինք դուրս գրել հարկային հաշիվ 70 մլնի 80%-ի չափով՝ 56 մլն դրամի չափով և վճարել 20 % ԱԱՀ: Խնդրում եմ ասացեք՝ շրջանառության հարկով վաճառքը սխա՞լ է եղել արդյոք, օրենքում կետ չեմ գտնում: Նշեմ, որ տարվա սկզբից աշխատում ենք շրջանառության հարկով: Նախապես շնորհակալ եմ:

Արմեն․

Ողջույն։ Օրապահիկի հստակ սահմանում կա՞, կոնկրետ ի՞նչ ծախսերի համար է։

Կխնդրեմ նաև ասել, եթե․

- գործուղվողը օրապահիկի ծախսերի փաստաթղթավորման պարտավորություն ունի՞
- օրապահիկն արդյո՞ք գործուղվողի համար օրինական եկամուտ է, եթե փաստացի ծախսել է ավելի քիչ, քան ստացել է

Մերի․

Ողջույն, հարգելի հաշվապահներ։ Հարցս հետևյալն է․ ինչպե՞ս վարձակալության պայմանագրի միջոցով կարգավորել այս դեպքը՝ տարածքի կոմունալ վճարումները կատարում է ֆիզ. անձը իր միջոցներից, այժմ ցանկանում է կոմունալ վճարումները կատարել ՍՊԸ-ի հաշվից։

Ժաննա․

Բարև Ձեզ, հարգելի հաշվապահներ։ Ասացեք խնդրեմ՝ արդյո՞ք հնարավոր է ծրագրավորողների աշխատավաձի ծախսերը կապիտալացնել նրանց ստեղծած ծրագրի վրա, որպես ոչ նյութական ակտիվ, և եթե այո, ապա հաշվապահական ձևակերպումները ինչպե՞ս տալ։ Շնորհակալություն։

Քրիստինե․

Բարև բոլորին։ Աշխատողին վերջնահաշվարկ վճարելու համար կատարել ենք հաշվարկ, որտեղ միջին ամսականը կազմել է 53 000 դրամ։ Հաշվարկը կատարելու ենք ա՞յս թվով, թե՞ նվազագույն աշխատավարձի չափով՝ 104 000 դրամով։ Եվ ո՞ր օրենքի ո՞ր կետում է դա նշված, եթե միջին ամսականը փոքր է նվազագույն աշխատավարձից, ապա հաշվել նվազագույն աշխատավարձի չափով։ Շնորհակալ եմ։

Իրինա․

Բարև Ձեզ։

Աշխատակիցը ներկայացրել է ՀԾՀ բացակայության մասին տեղեկանք և այդ տեղեկանքի համարով գրանցվել է նրա հայտը։ Հիմա աշխատակիցը ստացել է ՀԾՀ, որը պետք է փոփոխվի աշխատակցի գրանցման հայտի մեջ, սակայն եթե փորձում ենք փոխել, գրվում է, որ բոլոր տվյալները պետք է ջնջվեն։ Արդյո՞ք դա ճիշտ տարբերակն է։ Շնորհակալություն։

Գայանե․

Բարև Ձեզ։

Շրջանառության հարկով աշխատող ՍՊԸ-ն ավտոմեքենա է վաճառել ֆիզանձի օգոստոսին, սակայն հաշիվը դուրս է գրվել հոկտեմբերին՝ վաճառքի ամսաթիվը նշելով օգոստոս: Եռամսյակային ո՞ր հաշվետվության մեջ պետք է ներկայացնեմ վաճառքը՝ 3-րդ, թե 4-րդ, և արդյո՞ք կա պատասխանատվություն հաշիվ վավերագիրը ուշ ներկայացնելու համար: Նշեմ նաև, որ վաճառքի գումարը տրվել է ավելի շուտ կանխավճարի տեսքով:

Էլինա․

Հարգելի հաշվապահներ, խնդրում եմ օգնեք։ Խնդիրը հետևյալն է ՝ աշխատողի համար 2020 թվականին հանձնվել էր 206 857 անվանական աշխատավարձ , եկամտային հարկը 10 տոկոս ՝ 20 685 ։ 2023-ին պարզվում է, որ պիտի հարկվեր 23 տոկոս։ Լրացուցիչ ստուգելուց պարզվում է, որ աշխատավարձը 2020-ին պիտի հանձնվեր 148 993՝ 206 857-ի փոխարեն ։ Իրավունք չունեմ պակաս ցույց տալու, քանի որ 3 տարին անցել է։

Ինչպե՞ս պիտի ցույց տամ ՀԾ-ում հարկային պարտավորության ավելացում 2020 թվականի համար 2023 թվականին։ Արդյո՞ք պիտի գնամ հետ և ուղղեմ 2020 թվականի գրանցումները, թե կա ինչ-որ թղթակցություն, ըստ որի նախորդ ժամանակաշրջանի ճշտում է կարելի կատարել 2023ի մեջ ։ Կանխավ շնորհակալ եմ։

Գայանե․

Ողջույն: Ասացեք խնդրեմ․

1․ Առևտրով զբաղվող ԱՁ-ն, որը աշխատում է շրջանառության հարկով, տարբեր հասցեներում կարո՞ղ է գործունեություն անել և ունենալ առնձին ՀԴՄ։

2․ Շրջհարկով աշխատող ԱՁ-ն, եթե աշխատում է գիշերային ժամերին, հարկվում է նույն 5 տոկոսով, թե՞ հարկը փոխվում է։

Անի․

Բարև ձեզ, հարգելի մասնագետներ։ Խնդրում եմ հուշեք, թե ինչ հարկ պետք է վճարի հայաստանյան ռեզիդենտ կազմակերպությունը, որը բեռ է տեղափոխել Գերմանիայից Հայաստան: Ի նկատի ունեմ տարածքային տարբերությունը։

Վարդուհի․

Բարև Ձեզ։ Եթե առավոտյան ապրանքային ՀԴՄ կտրոնի վերադարձ է եղել, որի գումարը գերազանցել է դրամարկղում առկա գումարը, արդյո՞ք դա խնդրիր է, եթե հասույթը հաստատած չի եղել։

Արմինե․

Որևէ մեկը ինֆորմացիա ունի՞, թե ինչ է լինելու Արցախում գրանցված ընկերությունների ճակատագիրը, որոնք գործում են Հայաստանում: Ինչպե՞ս են վճավելու հարկերը, կամ արդյո՞ք պետք է հաշվետվությունները ներկայացնել, և ովքե՞ր են ստանալու այդ հաշվետվությունները:

Լիլիթ․

Բարև Ձեզ: Եթե taxservice-ով կատարել ենք ՍՊԸ-ի տնօրենի փոփոխություն, սակայն պետ. ռեգիստրով չենք կատարել և մի քանի օր ուշ ենք կատարում, ի՞նչ խնդիրներ կարող է առաջացնել:

Կարեն․

Բարև Ձեզ։ ԱԱՀ-ով աշխատող ՍՊԸ-ն իրեն պատկանող ավտոմեքենան վաճառել է ֆիզ անձին։ Կասե՞ք՝ ի՞նչ հարկեր պետք է վճարի ՍՊԸ-ն։

Անի․

Բարև Ձեզ։

Եթե աշխատողը 176 օր գտնվում է ժամանակավոր անաշխատունակության մեջ, և հիմա նրան երկրորդ կարգի հաշմանդամություն են տվել, կարելի՞ է նրան ազատել աշխատանքիս օրենսգրքի 113 հոդվածի 7-րդ մասով:

Աննա․

Բարև ձեզ, հարգելի հաշվապահներ։ Կասե՞ք՝ ինչպե՞ս կատարեմ հաշվապահական ձևակերպումները, ՍՊԸ ունի դրամային և ռուբլու հաշվեհամար, ցանկանում է դրամային հաշվից օրինակ 10 000 դրամի չափով մուտք անի ռուբլու հավեհամարին: Կանխավ շնորհակալ եմ։

Կարեն․

Բարև Ձեզ։ Ֆիզ․ անձն ընկերությունում ունի 100 տոկոս բաժնեմաս, բայց այս պահին դադարի մեջ է։ Ֆիզ․ անձը ունի նաև ԱՁ։ ԱՁ-ն արդյո՞ք կարող է շրջանառության հարկով աշխատել, թե՞ ոչ։

Եվա․

Բարև Ձեզ, խնդրում եմ ասել՝ եթե ԱՁ-ն (գեղեցկության սրահ), ով աշխատում է միկրոձեռնարկատիրության դաշտում, եթե ունենա աշակերտ կամ ունենա դասընթացներ և տրամադրի սերտիֆիկատ, կարո՞ղ է աշխատել միկրոյի դաշտում։

Ռուզաննա․

Բարև Ձեզ: Միկրոձեռնարկատիրության սուբյեկտը գործունեությունը դադարեցրել է նախորդ տարի: Հիմա ուզում եմ բացել (հյուրատուն է), արդյոք հարկայինում 207 ձևն եմ լրացնում ուղարկում: Խնդրում եմ արձագանքեք՝ շտապ է: Շնորհակալություն։

Անահիտ․

Հարգելի հաշվապահներ, աշխատակիցը միաժամանակ աշխատում է 2 գործատուի մոտ, որոնցից մեկը իր հիմնական գործատուն է, իսկ երկրորդը համատեղություն է 0,5 դրույքով։ Արդյո՞ք երեխայի խնամքի արձակուրդում գտնվելու ժամանակահատվածում 3 000 դրամ ամսական վճարվող սոց. վճարը պետք է վճարվի երկու գործատուների կողմից, թե՞ վճարում է միայն հիմնական գործատուն։ Շնորհակալ եմ, հնարավորություն դեպքում նաև խնդրում եմ տրամադրեք օրենքից հղում։

Սվետլանա․

Մանկապարտեզի հիմնանորոգման պատճառով աշխատակիցները գտնվում են հարկադիր պարապուրդում, սակայն մեկ խմբով՝ 2 դաստիարակ և 1օգնական, աշխատում ենք: Արդյո՞ք կարող ենք ժամանակ առ ժամանակ աշխատանքին ներգրավված աշխատակիցներին փոխարինել չներգրավված աշխատակիցներով, եթե այո, ապա խնդրում եմ տալ հրամանի ձևը և հիմքը:

Տաթև․

Բարև Ձեզ։ Հոկտեմբերի 4-ին դուրս է գրվել հաշիվ վավերագիր Օգոստոսի 14-ին մատուցած ծառայության համար ( որում առաքման ամսաթիվը նշվել է Օգոստոսի 14 )։ Հարց - շրջհարկի հաշվետվությունում սա պետք է ներառվի 3-րդ եռամսյակի մեջ՝ ըստ առաքման թվի, թե՞ 4-րդ եռամսյակի մեջ՝ ըստ հաշվի դուրս գրման ամսաթվի։ Նշեմ, որ գումարը ստացվել է Օգոստոսին։ Շնորհակալ եմ։