
Զրոյական հաշվետվության ներկայացում
Հայկ.
Սիրելի հաշվապահներ, խնդրում եմ պատասխանեք, եթե ԱՁ-ն աշխատող չունի, արդյո՞ք պարտավոր է սոց.-ի զրոյական հաշվետվություն ներկայացնել: Նախապես շնորհակալություն:

Հաշվարկվել է հիմնական միջոցների մաշվածություն
Ամալյա.
Խնդրում եմ օգնեք կատարել ձևակերպում: Հաշվարկվել է հիմնական միջոցների մաշվածություն 25000 դրամ: Դեբետում ի՞նչ է և կրեդիտում ի՞նչ է:

Ինչքա՞ն աշխատավարձ պետք է վճարվի
Սիրարփի.
Աշխատողը աշխատել է մեկ ամիս: Գործատուին տեղեկացրել է ամսվա վերջին օրը, որ չի աշխատելու հաջորդ օրվանից: Ինչքա՞ն աշխատավարձ պետք է վճարվի:

Հասույթի գրքի վարման վերաբերյալ
Ռ....
Արդեն 1 ամիս է աշխատում եմ ԱԱՀ-ով և հասույթի գիրք չեմ վարել, խնդրում եմ ասացեք` ինչ կարող եմ անել, որ հնարավորինս լավ դուրս գամ այս իրավիճակից:

Գնման ակտի լրացման ձև
Gayane.
Խնդրում եմ օգնել հետևյալ հարցում՝ ինչպե՞ս գտնել 11%-ով գնման ակտի լրացման ձևը։

Արյո՞ք աշխատանքը համարվում է վտանգավոր
Մարինե.
Հարգելի հաշվապահներ, խնդրում եմ ձեզ պատասխանել, արդյո՞ք բենզալիցքավորման կայանի աշխատանքը համարվում է վտանգավոր կամ խիստ վտանգավոր, եթե այո, ապա որտե՞ղ կարելի է դա նայել: Կանխավ շնորհակալություն:

Օրապահիկի և գիշերավարձի ծախսեր
Լիլու.
Խնդրում եմ, եթե կարող եք, ասեք օրապահիկի և գիշերավարձի ծախսերի չափը Հայաստանի բոլոր տարածքներում:

Զինկոմիսարիատ ներկայացվող հաշվետվություն
Արմինե.
Բարև Ձեզ, խնդրում եմ օգնել: Տեղեկացել եմ, որ մինչև նոյեմբերի 15 զինկոմիսարիատ պետք է ներկայացնել տղամարդ աշխատողների համար հաշվետվություն: Կցանկանայի ավելի մանրամասն և ստույգ իմֆորմացիա իմանալ: Որտեղի՞ց ձեռք բերել այդ հաշվետվության ձևը և լրացման կարգը: Շնորակալ եմ:

Ձեռքբերում շուկայից
Lilit.
Բարև Ձեզ, հարգելի հաշվապահներ: Կխնդրեի օգնել ինձ` պատասխանելով հետևյալ հարցիս: Ընկերությունը շուկայից ձեռք է բերել ապրանքներ առհաշիվ անձի միջոցով, հետևաբար պետք է վճարի եկամտահարկ 11%, հաշվապահական ձևակերպումը կլինի
դտ.216 կտ 228-180.000
դտ.216 կտ 5242-19.800
Համաձայն օրենքի առհաշիվ անձին օրեկան միանվագ 300.000 դրամից ավել գումար չենք կարող տրամադրել: Ինձ հետաքրքրում է, թե ինչու այս դեպքում դրամարկղի ելքի ժամանակ առհաշիվ անձին 280.200 դրամից ավել (300.000-19.800) ավել գումար չենք կարող տրամադրել: Կանխավ շնորհակալություն պատասխանների համար:

Շինանյութի վաճառք իրականացնելու համար
Դավիթ.
Բարև ձեզ, հարգարժան հաշվապահներ, խնդրում եմ խորհուրդ տաք: ԱՁ եմ, ունեմ սննդի խանութ, ունեմ բանկային հաշիվ և կնիք: Կարո՞ղ եմ շինանյութի վաճառք իրականացնեմ նույն ԱՁ-ով: Եթե այո, ինչպե՞ս եմ դա կատարում և ձևակերպում հարկայինում: Ձեռքբերումներս հաշիվ-ապրանքագրով են: Որևիցե գիրք պե՞տք է գրանցումների համար: Սա իմ էլեկտրոնային հասցեն է, գրեք, խնդրեմ, կանխավ շնորհակալ եմ: d19742004 շնիկ mail.ru

Անհուսալի ճանաչված դեբիտորական պարտքերի վերաբերյալ
Ամալյա.
Բարև ձեզ: Չէի՞ք կարող ասել` արդյոք անհուսալի ճանաչված դեբիտորական պարտքերի մասով նախկինում վճարված ԱԱՀ-ն ենթակա է նվազեցման, թե ոչ:

Անաշխատունակության նպաստի վճարում
Էլզա.
Խնդրում եմ պատասխանեք. անաշխատունակության նպաստի 3 օրը դարձյա՞լ վճարվում է գործատուի միջոցներից, իսկ մնացած օրերը սոցի հաշվին, թե՞ վճարվում է միայն սոցի հաշվին: Կանխավ շնորհակալություն:

Աշխատավարձի հետ հաշվարկ
Karine.
Բարև: Ինչպե՞ս հաշվել այն գումարը, որից ստացվել է 75 000 դրամ մաքուր աշխատավարձ: Շնորհակալություն:

ԱԱՀ դեբետային մնացորդի վերաբերյալ
Аnna.
Հարգելի հաշվապահներ, խնդրում եմ օգնել ինձ հետևյալ հարցում. կազմակերպությունը ստեղծման օրվանից սկսած զբաղվել է միայն սեփական շենքի շինարարությամբ` կուտակելով մեծ գումարի ԱԱՀ-ի դեբետային մնացորդ: Ներկայումս կազմակերպությունը դադարեցրել է աշխատանքները և չի իրականացնում որևէ այլ գործունեություն: Հնարավո՞ր է արդյոք հետ ստանալ ԱԱՀ-ի կուտակված դեբետային մնացորդը, և ի՞նչ տեղի կունենա, եթե օրինակ կազմակերպությունը լուծարվի: Կանխավ շնորհակալություն:

Աշխատանքային գրքույկի լրացում ԱՁ կողմից
Արմինե.
Բարև, հարգելի հաշվապահներ: Հարցս հետեվյալում է կայանում: Ա/Ձ -ն աշխատելու ժամանակաընթացքում է գրանցվել որպես Ա/Ձ: Նա իր գրքույկում պետք է ինքնուրու՞յն լրացնի, որ աշխատում է համատեղությամբ: Խնդրում եմ օգնեք:

Աշխատանքից ազատում համաձայն ԱՕ 113 հոդվածի
Նարինե.
Բարև Ձեզ: Խնդրում եմ շտապ պատասխանել հետևյալ հարցերին.
1. Եթե հիմք ընդունելով ՀՀ ԱՕ հոդված 113 1 մասի կետ 5-ը` աշխատողին պետք է ազատել 120 կամ 123 հոդվածով, կատարած աշխատանքին չհամապատասխանելը գործատուն ի՞նչ փաստաթղթով պետք է ներկայացնի:
2.Եթե հիմք ընդունելով ՀՀ ԱՕ հոդված 113 1 մասի կետ 9-ը , աշխատողին պետք է ազատել 123 հոդվածով, ապա քանի՞ օր անհարգելի բացակայության դեպքում կարող է այն կիրառվել:
Նախապես շնորհակալություն:

Անաշխատունակության թերթիկի վերաբերյալ
Լիլու.
Բարև ձեզ, հարգելի հաշվապահներ:
1. Եթե աշխատողը աշխատել է 3 տարի, նրա բյուլետենը վճարվում է 100, թե՞ 80 %- ով:
2. Եթե բյուլետենը շարունակվում է, հաջորդ ամսվա համար է՞լ պետք է չվճարել 1 օրը, 3 օրը գործատուի հաշվին, թե՞ արդեն առաջին ամսում դրանք կատարվել են:

Ձկնաբուծության գործունեության հաշվապահական հաշվառում
Կարինե.
Հարգելի կոլեգաներ, խնդրում եմ օգնեք, եթե ծանոթ եք ձկնաբուծության հետ կամ նմանատիպ գործունեության հետ, ինձ հետաքրքրում է, թե ինչպես կատարվում այդ ոլորտի հաշվապահական հաշվառումը: Եթե կա գրականություն ոլորտին վերաբերող, խնդրում եմ ուղարկեք: Կանխավ շնորհակալ եմ:

Աշխատողի ներկայացրած դիմումի վերաբերյալ
Janna.
Խնդրում եմ պատասխանել, արդյո՞ք անհրաժեշտ է, որ տնօրենը մակագրի աշխատողի ներկայացրած դիմումի վրա:

Արդյո՞ք պահվում է եկամտահարկ
Վերգինե Սերոբյան.
Բարև ձեզ: Շնորհակալ կլինեի, եթե պատասխանեիք: Ժամանակավոր անաշխատունակության նպաստի հաշվարկման ժամանակ եկամտահարկ պահվու՞մ է: Եթե այո, ինչպե՞ս է կատարվում դրա հաշվարկը:

Հաշվապահական ծրագրի վերաբերյալ
Ալիսա.
Բարև ձեզ, հարգելի հաշվապահներ և 1C ծրագրավորողներ: Խնդրում եմ ինձ ասեք, թե ինչպես կարելի է պարզել` արդյոք համակարգչում տեղադրված 1C-ը արտոնագրված է, թե ոչ: Կանխավ շնորհակալ եմ:

Նվազագույն շահութահարկի վերաբերյալ
Արթուր.
Խնդրում եմ պատասխանել. 2011թ. նոր կազմավորված հիմնարկը նվազագույն շահութահարկ վճարու՞մ է, թե՞ ոչ:

Կազմակերպությունը ֆիզիկական անձի հետ կնքել է գույքի առուվաճառքի պայմանագիր
Տաթև.
Հարգելի հաշվապահներ, կազմակերպությունը ֆիզիկական անձի հետ կնքել է գույքի առուվաճառքի պայմանագիր: Այս դեպքում ընկերությունը հանդիսանում է հարկային գործակալ և վճարում է 10 տոկոս եկամտահարկ ֆիզիկական անձի փոխարեն:
Հարց 1. Եկամտահարկի գումարը հաշվարկվում է ֆիզիկական անձին վճարվելի՞ք գումարի նկատմամբ (+10%), թե՞ նվազեցվում է նրան վճարվելիք գումարից (-10%):
Հարց 2. Ի՞նչ տարբերություն կա ֆիզիկական անձի հետ կնքվող գույքի առուվաճառքի և ծառայությունների մատուցման պայմանագրերի միջև:

Ինչպե՞ս հաշվարկել աշխատողի միջին աշխատավարձը
Hasmik.
Ինչպե՞ս հաշվարկել աշխատողի միջին աշխատավարձը, եթե նա 2010թ. հոկտեմբեր-նոյեմբեր ամիսներին եղել է արձակուրդի մեջ, դեկտեմբեր ամսին ստացել է պարգևատրում:

Վարձու աշխատողին վճարվել է օգնություն
Իզաբելա.
Հարգելի հաշվապահներ, վարձու աշխատողին վճարվել է օգնություն: Ի՞նչ հարկերով պետք է հարկել, ինչպե՞ս ձևակերպել, և ի՞նչ հետևանք կարող է ունենալ այս ամենը շահութահարկի հաշվարկման ժամանակ: Կանխավ շնորհակալ եմ:

Աշխատանքային գրքույկի վերաբերյալ
Գայանե.
Համատեղությամբ աշխատողն ազատվել է իր հիմնական աշխատավայրից, որտեղ նա չի պահանջել լրացնել համատեղությամբ աշխատելու մասին տվյալներ: Քանի որ այսուհետ մեր ընկերությունն է նրա համար հիմնական աշխատավայր, թույլատրելի՞ է արդյոք, որ նախկին աշխատավայրից նրան ազատելու վերաբերյալ գրառումից հետո լրացնենք համատեղությամբ աշխատելու մասին տվյալները, ինչպե՞ս նշենք գրքույկում, որ պարզ լինի ներկայումս նրա աշխատելու փաստը:

Կազմակերպությունը 2011թ. ԱԱՀ վճարող համարվելու համար դիմում չի գրել
Արթուր.
Խնդրում եմ շտապ պատասխանել: Կազմակերպությունը 2010թ. ԱԱՀ-ով է աշխատել իր դիմումի համաձայն, սակայն 2011թ-ի համար չի գրել դիմում և աշխատել է ԱԱՀ-ով` ունենալով ներմուծում և իրացում, և կատարել է հաշվանցում: Ի՞նչ հետևանքներ կարող են առաջանալ:

Հաշվապահական հաշվեկշռի լրացման կարգը
Ամալյա.
Խնդրւմ եմ օգնեք գտնել հաշվապահական հաշվեկշռի 12 դեկտեմբեր 2001թ. թիվ 465 հրամանով լրացման կարգը:

Ի՞նչ փաստաթղթավորում է անհրաժեշտ
Անի.
Հարգելի հաշվպահներ, կազմակերպությունը պետք է գումար մուտքագրի բանկ, սակայն դրամարկղում գումար չունի: Տնօրենի կողմից նշված գումարը մուտքագրվել է դրամարկղ, դրամարկղից էլ համապատսխան ելքի օրդերով ելք է արվել և մուտքագրվել բանկային հաշվին: Տվյալ դեպքում ի՞նչ փաստաթղթավորում է անհրաժեշտ և ի՞նչ ձևակերպում պետք է տալ դրամարկղ մուտքագրված գումարի գծով:

Բանկից ստացված տոկոսների վերաբերյալ
Արթուր.
Բարև ձեզ: Խնդրում եմ պատասխանել. բանկից ստացված տոկոսները եկամուտ պե՞տք է գրվի ԱԱՀ-ի հաշվարկի մեջ և ո՞ր տողում:

Արդյո՞ք պետք է վճարել գործատուի սոց. վճար
Anna.
Աշխատակցի վերջնահաշվարկը կատարվել է 03.10.2011թ.: Ինձ հետաքրքիր է, եթե հոկտեմբերի 3-ն է կատարվել վերջնահաշվարկը, արդյո՞ք նրա համար գործատուի սոց. ապ. վճարը` 7000 դրամ, պետք է վճարել հոկտեմբեր ամսվա համար:

Անցում վեցօրյա աշխատանքային շաբաթի
aaa.
Կխնդրեի պատասխանեիք հետևյալ հարցիս: Եթե ուզում ենք անցնել 6-օրյա աշխատանքային շաբաթի, ասենք` նոյեմբերի 01-ից, արդյո՞ք հրամանը պետք է տրվի 2 ամիս առաջ ժամկետով, ինպես որ ծանուցումները:

Ապրանքի հետ վերադարձ
Լուսինե.
Հարգելի հաշվապահներ, հարցս հետևյալն է` կազմակերպությունը զբաղվում է մեծածախ առևտրով, աշխատում է ԱԱՀ-ով: Ունի խանութներին տված ապրանքներ նախորդ ամիսներին, որոնց համար կազմվել են ԱԱՀ-ով թղթային հաշիվներ: Սակայն այսօր նշված խանութները չեն կարողանում վաճառել ապրանքը և ցանկանում են հետ վերադարձնել ՍՊԸ-ին: Ինչպե՞ս կարելի է ձևակերպել հետվերադարձի գործընթանցը, և կա՞ արդյոք որևէ օրենսդական ակտ կամ որոշում, որը կարգավորի գործարքը: Ինչպե՞ս են գործում տվյալ դեպքում կազմակերպության հաշվապահները: Հարցս շտապ է, շնորհակալ կլինեմ ցանկացած պատասխանի համար:

Նպաստ ստանալու համար
Լենա.
Քույրս գտնվում է ֆիզ. արձակուրդում արդեն մեկ տարի, երեք ամիս է: Հիմա նա սպասում է իր երրորդ երեխային: Փոքրիկը կծնվի նոյեմբերին: Արդյո՞ք պետք է դիմել ֆիզից ֆիզ. գնալու համար ինչ որ տեղ և ի՞նչ պիտի անի: Կստանա՞ նա նախածննդյան և հետ ծննդյան գումարը: Նախապես շնարհակալություն:

Որքա՞ն նպաստ պետք է ստանա աշխատողը
Լուսինե.
50 000 դրամ աշխատավարձով վարսավիրանոցում 6 ամիս գրանցված աշխատող համարվող վարսավիրը գնալու է դեկրետ: Կստանա՞ արդյոք հղիության նպաստ և որքա՞ն:

Կորել են հարկային հաշիվներ
Համեստ.
Բարև բոլորին:
ԱԱՀ-ով աշխատող կազմակերպությունը, որը հարկայինից ստանում է հարկային հաշիվներ, դրանցով գործարքներ է կատարում: Սակայն այն կազմակերպությունը, որը օգտվում է մեր ծառայություններից, ինչ ինչ պատճառներով կորցրել է մեր կողմից ներկայացրած հարկային հաշիվները, սակայն դրանք պահպանվել են բազայում, քանի որ այդ կազմակերպության մասնաճյուղը գլխավոր կազմակերպությանը հաշիվները ուղարկում է ֆաքսով, որպիսի չուշանա փոխանցումը, իսկ օրինակները հետո են տանում: Հիմա 2 հարկային հաշիվներ կորցրել են, սակայն կատարվել է փոխանցումը: Արդյո՞ք հիմք կհանդիսանա բազայում պահպանված ֆաքս արված օրինակը, եթե իրենցից պահանջեմ իրենց ստորագրությամբ և կնիքով կնքված: Եթե ոչ, ինչպե՞ս վարվեմ:

Ժամանակավոր աշխատանքային պայմանագիրը լուծելու համար
ANYA.
Ժամանակավոր աշխատանքային պայմանագիրը լուծելու համար հիմքը պայմանագրի լուծման ո՞ր հոդվածն է հանդիսանում, եթե ոչ մեկի կողմից ծանուցում չկա, այլ բնականոն 2 ամիսը լրացավ, ուղղակի տա՞մ հրաման և լուծե՞մ, իսկ հիմքը ո՞ր հոդվածը, 101, թե՞ այլ, քանի որ 101-ում ժամկետը լրանալու պատճառով լուծման մասին ոչինչ չկա: Նախապես շնորհակալ եմ:

Արդո՞ք գործունեությունը ենթակա է լիցենզավորման
Ռիմա.
Բարև Ձեզ, հարգելի հաշվապահներ: Խնդրում եմ պատասխանեք հետևյալ հարցիս. չրերի արտադրությունը (գյուղ մթերքների վերամշակումը) արդյո՞ք լիցենզավորվող գործունեության տեսակ է, թե՞ ոչ: Կանխավ շնորհակալություն:

Ի՞նչ հաշվետվություն պետք է ներկայացնել
Anna.
Բարև Ձեզ, ես մի հարց ունեմ, խնդրում եմ օգնել: Բեռնափոխադրող կազմակերպությունը ձեռք է բերել բեռնատար մեքենա և իրականացնելու է բեռնափոխադրում: Ի՞նչ հաշվետվություն պետք է ներկայացնել ՀՏ և ի՞նչ վճարումներ պետք է կատարել: Կանխավ շնորհակալություն:

ԱՁ-ն ապրանք է ձեռք բերել հաշիվ-ապրանքագրով
Վահագն.
Բարև ձեզ, խնդրում եմ պատասխանեք մի հարցի, եթե ԱՁ-ն ԱԱՀ-ով չի հարկվում և ապրանք է ձեռք բերել հաշիվ-ապրանքագրով, որտեղ բնակության վայրի հասցեն գրված է ԱՁ-ի բնակության վայրը, իսկ առաքման վայրը նույնպես գրված է բնակության հասցեն, և ոչ թե այն խանութի հասցեն, որտեղից ԱՁ-ն պետք է վաճառի ձեռք բերված ապրանքը: Դա արդյո՞ք սխալ է, թե՞ ԱՁ-ն կարող է իր ձեռք բերված ապրանքը վաճառել տարբեր հասցեներում գտնվող խանութներից անկախ նրանից` հաշիվ ապրանքագրում ինչ հասցե է գրված, մանավանդ, որ ԱՁ-ն հասույթի գիրք չի վարում, քանի որ չի հարկվում ԱԱՀ-ով:

Կազմակերպությունը աշխատում է ԱԱՀ-ով
Մարիաննա.
Բարև ձեզ, կանխավ շնորհակալություն հարցիս պատասղանելու համար: Իմ կազմակերպությունը աշխատում է ԱԱՀ-ով, սակայն ես ցանկանում եմ 2012թ. հունվարից աշխատել առանց ԱԱՀ: Խնդրում եմ օգնեք ինձ այդ հարցում: Ի՞նչ ընթացակարգով պետք է դա լինի:

Արդյո՞ք հաշվարկվում է սոցիալական ապահովության վճար
Արեն.
Հարգելի կոլեգաներ, խնդրում եմ պարզաբանել հետևյալ հարցի վերաբերյալ. եթե վարձու աշխատողը ամբողջ ամսվա ընթացքում ներկայացրել է անաշխատունակության նպաստի թերթիկ, և տվյալ ամսվա համար նրան չի հաշվարկվել աշխատավարձ, ապա այդ աշխատողի համար արդյո՞ք վճարվում է գործատուի սոցիալական վճարը, թե՞ ոչ (նվազագույն 7000 դրամի չափով):

ՀԴՄ կտրոնների վերաբերյալ
ԱՆՆԱ.
Ես բնակվում եմ ներկա պահին Իջևան քաղաքում: Այստեղ ՀԴՄ կտրոններ գրեթե չեն տալիս: Ամեն անգամ խնդրում եմ և պահանջում, նույնիսկ մի խանութում ասեցին "Ամիսը մեկ անգամ ես մեր խանութ մտնում, քեզ ինչի՞ համար տանք": Խնդրում եմ ասեք` ինչ կարելի է անել, ինչպես պայքարել:

Աշխատանքի ընդունում
Lilit.
Հարգելի հաշվապահներ, խնդրում եմ պատասխանել հետևյալ հարցին. ինչու՞ են գործատուները խուսափում հղի կանանց ընդունել աշխատանքի: Ինչքանով ես տեղյակ եմ, հղիության հետ կապված բոլոր նպաստները վճարում է պետությունը: Խնդրում եմ պատասխանել մանրամասն և օրենքով հիմնավորված: Կանխավ շնորհակալ եմ:

Աշխատաժամանակի հետ կապված
Մարինե.
Կարո՞ղ է աշխատողը աշխատել 10 ժամ օրը մեջ: Կանխավ շնորհակալություն:

Պայմանագրի գործողության ժամկետի երկարացման վերաբերյալ
Կատերին.
Հարցս հետևյալում է`
1.Որոշակի ժամկետով կնքված պայմանագիրը քանի՞ անգամ կարելի երկարաձգել:
2.Անհրաժե՞շտ է անպայման նշել "երկարաձգել" բառը, թե՞ կարելի է ուղղակի գրել` "պայմանագիրը կնքված է որոշակի ժամկետով" և նշել պայմանագրի կնքման ամսաթվից մինչև սահմանված ամսաթիվը:

Լրացուցիչ հարկային պարտավորություններ
Ashot.
Բարև Ձեզ: Ես ունեմ ԱԱՀ հետ կապված խնդիր, կխնդրեի օգնել, խորհուրդ տալ, նախօրոք շնորհակալություն:
2009թ. 4-րդ եռամսակից սկսել եմ աշխատել, ունեցել եմ ինտերնետ, հեռախոսակապ, աշխատող չեմ ունեցել: Մինչև գործունեություն սկսելը նախօրոք գնացել եմ պարզելու, թե ինչ հարկատեսակով եմ աշխատելու, և արդյո՞ք դա ինձ եկամուտ կբերի, քանի որ մեր քաղաքում արդեն իսկ մրցակցությունը շատ բարձր էր: Ինձ ասացին, որ Մանրամասն

Անաշխատունակության նպաստի հաշվարկ
Սիլվա.
Հարգելի հաշվապահներ, ինչպե՞ս հաշվարկել անաշխուտունակության նպաստը: Եղե՞լ են արդյոք փոփոխություններ հաշվարկում:

Արդյո՞ք ճիշտ է հաշվարկված աշխատավարձը
Nare.
Աշխատում եմ պետական ԲՈւՀ-ում: Որպես հիմնական աշխատող ձևակերպված եմ ԲՈւՀ-ի գիտական կենտրոններից մեկում, համատեղությամբ (0.5 դրուք) դասավանդում եմ նույն ԲՈւՀ-ում 45 000 դր աշխատավարձով, որից ստանում եմ մոտ 34 800 դր.: Կարո՞ղ եք ասել` ինչպես է հաշվարկվում նույն գործատուի մոտ համատեղությամբ աշխատավարձը, ի՞նչ օրենքով և արդյո՞ք ճիշտ է հաշվարկված:

Աշխատողը գնում է հղիության ու ծննդաբերության արձակուրդ
Հայկուհի.
Հարգելի հաշվապահներ, խնդրում եմ օգնել: Եթե աշխատողը չորս ամիս ընդունվելուց հետո գնում է հղիության ու ծննդաբերության արձակուրդ, պե՞տք է արդյոք պարտադիր նրան տրամադրել իրեն հասանելիք հերթական արձակուրդն, որի ավարտից հետո նոր-երեխայի խնամքի արձակուրդը: Ո՞ր որոշման մեջ կարող եմ կարդալ այդ մասին: Շնորհակալություն:
Վերջին մեկնաբանություններ