Author: Accountant.am

Անի․

Բարև Ձեզ։

Ռեստորանը, որը գտնվում է մարզում, աշխատում է միկրոձեռնարկատիրության համակարգում։

Կարելի՞ է հաշիվ դուրս գրել իրավաբանական անձ հաճախորդին՝ գումարը փոխանցումով ստանալու համար։

Շնորհակալություն։

Բաբկեն․

Բարև ձեզ, հարգելի հաշվապահներ։ ԱՁ եմ և ունեմ մսի խանութ։ Սխալի պատճառով միկրոձեռնարկատիրությունից անցել եմ ընդհանուր հարկման դաշտ։ Որ խնդրեմ՝ կասե՞ք 260 հաշվետվության լրացման կարգը, և ո՞ր տողում պետք է գրեմ ՀԴՄ շրջանառության թիվը, և մնացած տողերում ի՞նչ լրացնեմ: Նախապես շնորհակալություն:

Քրիստինա․

Բարև ձեզ, կասե՞ք՝ եթե կազմակերպությունն ունի անորակ ապրանք, որը նորմալ փաստաթղթավորված ձեռք է բերել, կարո՞ղ է ելք անել պահեստից որպես խոտան, և հարկայինով ի՞նչ է պետք անել դրա համար, որ խախտում չլինի։

Կարեն․

Բարև Ձեզ։ 2024 թվականի հունվարի 1-ից դրամարկղային գիրքը դառնալու է էլեկտրոնային։ Կարո՞ղ եմ օրինակ 2024 թվականին հունվարի մուտքի և ելքի օրդերները գրանցեմ մի քանի ամիս հետո, թե՞ ամեն ամսվա վերջով պետք է տվյալ ամսվա գործարքների մուտքի և ելքի օրդերները գրանցեմ։

Լիլիթ․

Եթե ընկերությունը ստեղծվել է 2021թ. ու կանոնադրական կապիտալի համալրման ձևակերպում չի տվել, հաշվետվությունները ներկայացրել է առանց դրա, հնարավո՞ր է ճշգրտում անել։

Աննա․

Խնդրում եմ օգնել հետևյալ հարցում. Հարկման ընդհանուր դաշտում աշխատող ընկերությունը ՀՀ-ում ձեռք բերած դիզելային վառելիքը պետք է վաճառի այլ ընկերության։ Ի՞նչ հարկեր են առաջանում բացի ԱԱՀ-ից և շահութահարկից։ Հարցս վերաբերում է ակցիզային հարկին և բնապահպանական հարկին։

Екатерина.

Здравствуйте. Новый сотрудник отработал 8 месяцев и ушел на больничный. До нас он больше нигде не работал (закончил учиться в университете). Как рассчитать среднюю зарплату для больничного, если стаж меньше 12 месяцев?

Արմեն․

Բարև Ձեզ։ Ես ցանկանում եմ Վրաստանից տրակտոր ներկրել։ Ինչպե՞ս կարող եմ իմանալ՝ ինչքա՞ն կկազմի մաքսազերծումը։

Լիլիթ․

Միջնորդական ծառայության դեպքում, եթե իրավաբանական անձը վճարում է ֆիզիկական անձին 150.000 դրամ ծառայության մատուցման համար, ի՞նչ հարկատեսակով են հարկվում իրավաբանական և ֆիզիկական անձը։

Արեն․

Բարև ձեզ, հարգելի հաշվապահներ:

Ա կազմակերպությունը հանդիսանում է ոչ ռեզիդենտ և Բ կազմակերպությանը ՀՀ տարածքում ծառայություն է մատուցում։ Պետք է դուրս գրեմ մատակարարի անունից հարկային հաշիվ: Ծառայություն մատուցող դաշտում և ստացող դաշտում ավոտոմատ նշվում է Բ կազմակերպության ՀՎՀՀ-ն, երբ նշվում է հարկային հաշվի տեսակը մատակարարի անունից: Ստացող դաշտում կազմակերպության անվանումն ու հասցեն բացակայում է: Հարց՝ ստացող դաշտում պետք է գրել Ա կազմակերպությա՞ն, թե՞ Բ կազմակերպության տվյալները։

Դավիթ․

Բարև ձեզ։ Եթե կազմակերպությունը բոլոր գործառույթները իրականացնում է անկանխիկ եղանակով, արդյո՞ք պարտադիր է վարել էլեկտրոնային դրամարկղային գիրքը։ Շնորհակալություն։

Լիլիթ․

Բարև Ձեզ, հարգելի հաշվապահներ։ Հարցս հետևյալն է՝ եթե ընկերությունը, որն աշխատում է ընդհանուր հարկման դաշտում, զբաղվում է ապրանքների ներմուծմամբ, որոնց ներմուծման ժամանակ առաջացել է ԱԱՀ, և այդ նույն ապրանքները արտահանում է Ռուսաստան արդյո՞ք այդ ԱԱՀ կարող է դիմումի համաձայն հետ ստանալ։

Կարինե․

Բարև ձեզ։ Կարո՞ղ եք ասել՝ հայելու վաճառքը ազատվա՞ծ է ԱԱՀ- ից կամ արդյո՞ք ԱԱՀ զրոյական դրույքաչափով է հարկվում:

Հասմիկ․

Բարև ձեզ, հարգելի հաշվապահներ։ Հարցս վերաբերում է ավտոմեքենայի յուղերի առք ու վաճառքին։ Պարտադի՞ր է արդյոք յուղման կետի համար յուղը ձեռք բերել բացառապես հաշվարկային փաստաթղթերով։ Կա՞ համապատասխան օրենքի հղում։

Մերի․

Բարև Ձեզ, հարգելի գործընկերներ։ Եթե գիտեք ժավելի ԱՏԳԱԱ-ն, որը դրոշմավորման ենթակա չի, խնդրում եմ տրամադրել, և էդ մասով կա՞ որոշում, եթե հնարավոր է՝ որոշման համարն ու տարեթիվը։ Կանխավ և անչափ շնորհակալություն։

Здравствуйте, я хочу сдавать квартиру посуточно в Армении, у меня возникли такие вопросы:

1) Как и какой вариант подходит для регистрации в налоговой для уплаты налога посуточной аренды?
а) самозанятый b) индивидуальный предприниматель

2) Какие налоги надо платить в каждом случае (a & b)?

Так же мне известно что налог за аренду жилья 10%, но это не подходит для суточной аренды через букинг или айрбнб, так как хозяин сам оплачивает все коммунальные услуги (электроэнергия, вода, газ, интернет) так же с этой суммы у него идут затраты за обслуживание клиента (шампуни, гели, тапочки, полотенца, постельное бельё и т.д.) а так же стирка и уборка квартиры после каждого клиента.

P.S. Например, в России самозанятый плотит налог 4% и ему не нужен бухгалтер чтобы рассчитать доход и расход чтоб оплатить налоги.

Спасибо!

Տաթև․

Բարև Ձեզ։

Եթե գործատուն աշխատակցին աշխատանքից ազատում է՝ բաժինը լուծարելու պատճառաբանությամբ, և տեղեկացնում է այդ մասին բանավոր տարբերակով՝ նրան տրամադրելով 2 ամիս նոր աշխատանք գտնելու համար, արդյո՞ք աշխատակիցը կարող է հրաժարվել աշխատելուց և ստանալ արձակման նպաստ: Շնորհակալություն։

Հովհաննես․

Բարև Ձեզ։ Էլեկտրոնային ՀԴՄ վեբ ծառայության ինտեգրումից հետո, մի քանի թեստային վիրտուալ կտրոն հաջողությամբ "տպելուց" հետո, այն հայտնվեց Ֆիսկալ Հասույթ բաժնում է օր անց, բայց կտրոնը ստուգելու ժամանակ ստանում եմ "ՀԴՄ գրանցման համարը սխալ է": Ստացվում է, եթե հաճախորդը ուզենա ստուգել՝ վավեր է արդյոք կտրոնը, կստացվի, որ ոչ։ Կա՞ ինչ որ լուծում։

Գուրգեն․

Կարո՞ղ է Ա/Ձ-ն լիազորագիր տալ որևէ մեկին, ով կզբաղվի ՏՏ հավաստագիր ստանալու հարցով, թե՞ պարտադիր պետք է Ա/Ձ-ն անձամբ մոտենա ԲՏԱ նախարարություն և մասնակցի նիստին:

Քրիստինա․

Բարև Ձեզ, կասե՞ք խնդրեմ՝ Երևանում պելմենիի արտադրությունը կարո՞ղ է աշխատել միկրոձեռնարկատիրության համակարգում, և վաճառքի դեպքում կարո՞ղ է հաշիվ դուրս գրել։

Գարիկ․

Անշարժ գույքի հանձնման ընդունման ակտը վավերացվու՞մ է նոտարի կողմից։ Եթե հնարավոր է՝ օրինակելի ձև կուղարկե՞ք։

Սուսաննա․

Բարև Ձեզ։ Խնդրում եմ ասեք՝ անշարժ գույքը վարձակալության տվող ֆիզ. անձը բացի 163 ձևից ուրիշ հաշվետվություն ու՞նի հանձնելու։

Գարիկ․

Բարև ձեզ, հարգելիներս։ Ունեմ տարածք մարզում, և ցանկություն կա հիմնել առևտրի կետ՝ շինանյութ, միրգ-բանջարեղեն, խմորեղեն վաճառելու համար։ Անհրաժեշտ է հիմնել ԱՁ, թե՞ ՍՊԸ, և ին՞չ հարկատեսակով է անհրաժեշտ աշխատել։ Նախապես շնորհակալություն։

Սաթենիկ․

Ի՞նչ պետք է անել, եթե աշխատանքային գրքույկի թվայնացման ժամանակ սխալ են մուտքագրվել տվյալները։

Գոհար․

Բարև ձեզ: Խնդրում եմ օգնեք հասկանալ՝ ԱՁ-ն աշխատում է միկրոյի դաշտում, չունի գրանցված աշխատող և ՀԴՄ, հաշիվ է դուրս գրում։ Խնդրում եմ ասեք՝ ի՞նչ փոփոխություններ են սպասվում այս դաշտում 2024թ-ին։

Վահագն․

2024թ.-ին ՀԴՄ կտրոնի վրա անվանացանկի առկայությունը, դեռևս պարտադիր է միայն 24 000 000 շրջանառությունը գերազանցելու դեպքու՞մ։ Եվ այդ ի՞նչ պահանջ կա ՀԴՄ-ով էլեկտրոնային հաշվետվության արտահանման հետ կապված։

Լուսինե․

Բարև Ձեզ, ունեմ ՍՊԸ, որը գտնվում է դադարի մեջ։ Ֆիզ․ անձով ապրանք եմ բերել, մաքսատանը ասեցին, որ պետք է բացվի Ա/Ձ, որ կարողանանք ապրանքը մաքսազերծել: Ուզում եմ հասկանալ՝ արդյո՞ք կարող եմ գործել շրջանառության հարկով: Փոխկապակցվածություն չի՞ դիտարկվի։

Լիլիթ․

Բարև Ձեզ։ Խնդրում եմ պարզաբանել՝ վարձու աշխատողն իրավունք ունի՞ երկու դրույք աշխատելու, եթե այո, ապա օրենքի ո՞ր հոդվածով։ Կանխավ շնորհակալություն։

Արթուր․

Բարև ձեզ, հարգելի հաշվապահներ։ Կբացատրեք խնդրում եմ ՀՕ հոդված 114-ի 1-ին մասի 3-րդ կետի կիրառությունը, բանկ և վարկային կազմակերպություն չհամարվող շահութահարկ վճարողների ստացած վարկերի և (կամ) փոխառությունների գծով հաշվարկվող տոկոսների գումարները, եթե անտոկոս փոխառություններ են տրամադրվել այլ հարկ վճարողների։ Այսինքն՝ ի՞նչ է նշանակում։

Մարի․

Բարև Ձեզ։ Եթե ՍՊԸ-ն գործունեությունը սկսել է տարվա սկզբից, ապա կարո՞ղ ենք դեկտեմբերին մասնակիցներին տալ շահաբաժին։ Եվ եթե այո, ապա ի՞նչպես ձևակերպել որպես միջանկյալ շահաբաժին։

Լյուդմիլա․

Ես նոր եմ Ա/Ձ գրանցել, ցանկանում էի իմանալ՝ հավաստագիրը ԱՁ-ի պետք է վերցնել այնտեղի ռեգիստրից, որտեղ որ գրանցվա՞ծ է։ Եվ խնդրում եմ ասեք՝ ի՞նչ փաստաթղթեր պետք է տանեմ հետս։

Գնել․

Ես էլ մի ամիս առաջ ՍՊԸ եմ բացել, ոչ մի գործարք չեմ կատարել, բայց ասում են, որ պետք է եկամտային հարկ վճարեմ։ Ես ինքս էլ հանդիսանում եմ ՍՊԸ տնօրեն։ Ինչպե՞ս վարվել։ Նախապես շնորհակալություն։

Կիմ․

Ա/Ձ-ն հարկվում է ԱԱՀ-ով, ցանկանում ենք 2024 թվականը փոխել շրջանառության հարկի հարկատեսակով, խնդրում եմ ասել՝ ի՞նչ հայտարարություններ պետք է ներկայացնել և ե՞րբ պետք է ներլայացնել։ Կանխավ շնորհակալ եմ։

Բարև ձեզ։ Դրամարկղային գրքի հաստատման համար հարկային մարմնում ներկայանալու համար լիազորագրի օրինակի ձև կուղարկե՞ք, որ խնդրեմ։

Տիգրան․

Բարև ձեզ։ Խնդրում եմ ասել բոլոր գրոծողությունները՝ անշարժ գույքը վարձակալության հանձնելու համար կազմվող պայմանագրի համար։ Ենթադրենք՝ վարձակալի հետ կնքվեց պայամանգիր, ու՞ր պետք է ներկայացնել այդ պայամանգիրը և ի՞նչ փաստաթղթերի հետ։ Շնորհակալություն։

Գայանե․

Բարև Ձեզ, էսպիսի մի հարց՝ եթե ներմուծման հայտարարարագիրը բացվել է նոյեմբերին և վճարումը տեղի է ունեցել նույնպես նոյեմբերին, բայց բաց թողում տեղի չի ունեցել, ԱԱՀ-ի հաշվետվության մեջ դա ո՞ր ամսվա մեջ ենք պակասեցնում։ Շնորհակալություն։

Անի․

Հարգարժան ընկերներ, եթե ընկերությունն ունի մեկ մասնակից, մասնակիցների ժողովի արձանագրության փոխարեն ի՞նչ փաստաթուղթ է կազմվում։

Կարեն․

Բարև Ձեզ։ Ընկերությունը ունի 2022 թվականի տարվա վերջով 20 000 000 մլն չբաշխված շահույթ (հաշվային պլանով 342 հաշիվը)։ 2023 թվականի Փետրվարի 5-ին հայտարարել է շահաբաժին, ձևակերպել եմ ՝ դ․տ 342 կ․տ 529 – 20 000 000, 2023 թվակաին մարտ ամսին վճարել եմ 20 000 000 շահաբաժինը։ Կասե՞ք՝ ինչպե՞ս ձևակերպեմ։

Արմինե․

Բարև Ձեզ։ Խնդրում եմ պատասխանել՝ ի՞նչ հարկեր պետք է վճարի անհատ ձեռնարկատերը 2024թ-ին։

Հովհաննես․

Բարև ձեզ։ Հարգելի հաշվապաներ, ՏՏ ոլորտի հավաստագրի երկարացման հետ կապված նորություններ կա՞ն։ Կանխավ շնորհակալություն։

Հերմինե․

Բարև Ձեզ։ Ո՞վ կարող է Էկոնոմիկայի նախարարության իրազեկման հղումը տալ, ըստ որի շինարարական աշխատանքները համարվում են ինժեներական աշխատանքներ և չեն կարող հարկվել միկրոյի դաշտում։

Անա․

Բարև ձեզ, մեկ հարց ունեմ, կխնդրեյի պատասխանել․ ցանկանում եմ հիմնել կահույքի արտադրամաս՝ հիմնականում փայտից, առանց որևէ այլ նյութերի, ամառանոցների, տաղավարների և նմանատիպ կահույք։ Կարո՞ղ եք ասել՝ ի՞նչ դասիչով պետք է գրանցեմ ընկերությունը, և արդյո՞ք կարող եմ բացել ԱՁ և աշխատել շրջհարկով։ Շնորհակալություն։

Ռիմա․

Հայաստանի տարածքում օրապահիկը ինչքա՞ն է։

Նարե․

Հարգելի հաշվապահներ, եթե ՍՊԸ-ն աշխատում է շրջանառության հարկով, իր բոլոր գործարքները կատարում է անկանխիկ եղանակով, դրամարկղ չունի, արդյո՞ք պետք է դրամարկղային գիրք վարի, և եթե այո, ապա ինչպե՞ս պետք է լրացնի եթե կանխիկ գործարք չունի։

Էլեն․

Ողջույն, հարցս հետևյալն է․ եթե ՍՊԸ-ն ունի մեկ հիմնադիր, ով նաև կազմակերպության տնօրենն է, և ցանկանում է գնալ արձակուդ, կարո՞ղ է արդյոք որպես իրեն փոխարինող նշանակել իր հաշվապահին, և եթե ոչ, ապա ո՞վ պետք է փոխարինի նրան արձակուրդի ժամանակահատվածում։

Արմին․

Բարև Ձեզ, խնդրում եմ օգնել հետևյալ հարցում․

Ա/Ձ-ն աշխատում է միկրոյով։ Վարձու աշխատողը մինչև երեք տարեկան երեխայի խնամքի արձակուրդ է գնացել 2022 թվականի հուլիսից (տվյալ ժամանակահատվածում մայրության նպաստը հաշվարկվել է հաշվի առնելով միկրոյի համար սահմանված աշխատավարձից պահվող 5 000 դրամ եկամտային հարկը)։ Այժմ վարձու աշխատողի համար նորից պետք է մայրության նպաստ հաշվել, իսկ աշխատավարձից պահվում է 20% եկամտային հարկ։ Ինչպե՞ս հաշվարկեմ մարյության նպաստը (ֆիզից ֆիզը): Արդյո՞ք որպես միջին աշխատավարձ պետք է հիմք ընդունեմ 78 020 ՀՀ դրամը (խնամքի արձակուրդն սկսվելու ամսվան նախորդող ամսին աշխատանքային պայմանագրով սահմանված հիմնական աշխատավարձը):

Շնորհակալություն։

Անի․

Բարև Ձեզ։ Ցանկանում եմ զբաղվել բեռնափոխադրմամբ Հայաստանում և գործել միկրոյի հարկման դաշտում, խնդրում եմ նշել՝ հնարավո՞ր է, թե՞ ոչ, և ի՞նչ նրբություններ կան տվյալ ոլորտում աշխատելիս։

Բեռը գնելու ենք կազմակերպությունից և տեղափոխենք գնորդի հասցե (ֆիզ․ անձ) և վաճառենք։ Անհրաժե՞շտ է արդյոք ՀԴՄ կիրառել, թե՞ կարող ենք հաշվարկային փաստաթղթեր դուրս գրել ֆիզ․ անձանց անուններով։ Եվ միկրոձեռնարկատիրության դաշտում աշխատելու դեպքում բացի դրոշմանիշային վճարի, ուրիշ այլ հարկ կամ պարտադիր վճար առաջանալու՞ է, թե՞ ոչ։

Շնորհակալ եմ շատ։

Օլյա․

Բարև ձեզ։ Ես պիտի սկսեմ աշխատել ԱՁ ձեռնարկատիրոջ մոտ որպես հաշվապահ, բայց քանի որ վերջին թարմացումներին ծանոթ չեմ ու նախկինում ԱՁ հաշվապահություն չեմ վարել, չգիտեմ՝ ինչպես գրանցվել լիազորի գրասենյակում, կհուշե՞ք քայլերը։