Աշոտ․

Բարև ձեզ։ Երևան քաղաքից դուրս հագուստի վարձույթով զբաղվող Ա/Ձ-ն կարո՞ղ է միկրոյով աշխատել։

Հասմիկ․

Բարև Ձեզ։ Աշխատակիցը չի գնացել արձակուրդ 2023 և 2024 թվականների (ՈՉ աշխատողի մեղավորությամբ կամ ցանկությամբ)։ Արդյո՞ք այդ տարիների հասանելիք արձակուրդի օրերը զրոյանում են, եթե կա հղում՝ խնդրում եմ տրամադրել։

Աննա․

Բարև Ձեզ, խնդրում եմ օգնել հետևյալ հարցում. Ընկերությունը լուծարման գործընթացում է, չունի ոչ մի պարտավորություն, ունի ակտիվ՝ անշարժ գույք (հողամաս):

1. Այդ ակտիվը ժողովի որոշումով կարո՞ղ է փոխանցվել սեփականատիրոջը, թե՞ պետք է ընկերությունը օտարի, առաջացած հարկերը վճարի և նոր միայն գումարը փոխանցի սեփականատիրոջը։ Ըստ քաղ.օրենսգրքի 69 հոդվածի 6 կետի՝ Հոդված 69. Իրավաբանական անձի լուծարման կարգը 6. Պարտատերերի պահանջները բավարարելուց հետո իրավաբանական անձի մնացած գույքը հանձնվում է նրա հիմնադիրներին (մասնակիցներին), եթե այլ բան նախատեսված չէ օրենքով, այլ իրավական ակտերով կամ իրավաբանական անձի կանոնադրությամբ: Իրավաբանական անձի կանոնադրությամբ յալ բան նախատեսված չէ: Ի՞նչ կարող է նախատեսված լինել օրենքով, այլ իրավական ակտերով:

2. Գույքը սեփականատիրոջը փոխանցվելու դեպքում եկամտային հարկ կառաջանա՞։

Նախապես շնորհակալություն:

Անահիտ․

Հարգելի հաշվապահներ, հունվարի 1-ից շրջհարկի դրույքաչափը 10 տոկոս դառնալու հետ կապված է հարցս։ Վայլդբերիզ հարթակում վաճառող եմ, ապրանքն էլ Չինաստանից գնում եմ, ուղարկում ռուսական պահեստ։ Ոնց հասկանում եմ՝ մի հատ էլ գնման գնից 20 տոկոս եկամտային հարկ պիտի վճարե՞մ։ Իսկ հետո էդ գնման գին + 20 տոկոս եկամտային հարկ ինձ համար նվազեցվող ծախս կդիտարկվի՞։ Գնման ակտին ամենաշատը կարող եմ կցել ֆիզիկական անձով ձեռքբերման էլեկտրոնային գնում ու բանկային քարտի քաղվածք, որը հաստատի իմ գնումը։

Հայկ․

Բարև ձեզ: Կխնդրեմ օգնեք հետևյալ հարցում: Ըստ աշխատանքային օրենսգրքի՝ 6-օրյա աշխատողների միջինը հաշվելիս համապատասխան թիվը բաժանում ենք 25-ի, իսկ 5-օրյաներինը՝ 21-ի: Իսկ եթե աշխատողը ոչ ստանդարտ գրաֆիկով է աշխատում, օրինակ՝ շաբաթական 2 օր, այս դեպքում ո՞ր հոդվածով ենք առաջնորդվում: Շնորհակալություն։

Մարգարիտա․

Բարև ձեզ: Ֆիզ․ անձը կանխավճար է տվել հյուրանոցին բանկի կողմից տրված POS տերմինալի միջոցով, այդ դեպքում ՀԴՄ տպվու՞մ է, թե՞ ոչ։

Ռուզաննա․

Հարգելի հաշվապահներ, համաձայն 392-ն որոշման 2025թ-ի հունվարի 1-ից հարկային գործակալները ֆիզ․ անձանցից ապրանքների ձեռքբերման դեպքում արդեն պետք է էլեկտրոնային եղանակով դուրս գրեն օրենսդրությամբ սահմանված կարգով կազմվող հաշվարկային փաստաթուղթ չհամարվող այլ փաստաթղթեր: Իսկ համաձայն 150 հոդվածի 13-րդ կետի հարկային գործակալների կողմից եկամտային հարկի 20% չի վճարվում, եթե առկա են հաշվարկային փաստաթուղթ չհամարվող` օրենսդրությամբ սահմանված կարգով կազմված` վճարվող եկամուտները հիմնավորող այլ փաստաթղթեր:

Հարց․ 2025թ-ի հունվարի 1-ից էլեկտրոնային եղանակով դուրս գրված փաստաթղթի առկայության դեպքում հարկային գործակալը արդյո՞ք կունենա որևէ պարտավորություն եկամտային հարկի գծով:

Գայանե․

Ներքին գործուղումների ժամանակ ինչպե՞ս է հաշվարկվում ճանապարհածախսը։ Գիտեմ, որ աշխատավայրից 30 կմ-ից ավել հեռավորության վրա գտնող վայրերի համար հաշվարկվում է օրապահիկ և գիշերակաց։ Իսկ ինչպե՞ս է հաշվարկվում երթուղու երկարությունը։ Եթե գումարը հատկացվում է հանրային տրանսպորտի գներով, արդյո՞ք երթուղու երկարությունը հաշվարկվում է այդ տրանսպորտի երթուղով, թե՞ կա ինչ ոչ ցանկ նորմատիվ իրավական ակտով սահմանված։

Գևորգ․

Բարև ձեզ: Կարի արտադրությունը, որը այժմ աշխատում է որպես միկրոձեռնարկատիրություն, և տարեկան շրջանառությունը չի գերազանցում 24 մլն-ը, 2025 թվականի հարկային փոփոխություների արդյունքում կարո՞ղ է մնալ որպես միկրոձեռնարկատիրություն: Եթե այո, աշխատելու է նույն կերպ, ինչ 2024-ին, թե՞ այլ փոփոխություններ կան։ Շնորհակալ կլինեմ արձագանքի համար:

Նոնա․

Բարև Ձեզ: Կազմակերպությունն աշխատում է հարման ընդհանուր դաշտում: 2024 թվականի փետրվար ամսվա համար մարտին 21-ին ՊԵԿ դիմում է ներկայացվել պարզեցված ընթացակարգով ԱԱՀ-ի փոխհատուցվող գումարի վերադարձի վերաբերյալ, սակայն հաշվանցման ենթակա գումարների 90 տոկոսը չի հիմնավորվել ՊԵԿ-ի կողմից (տացված հարկային հաշիվները չեն ստորագրվել սահմանված ժամկետում), և դիմումը մերժվել է, հետագայում ԱԱՀ միասնական հաշվարկը ճշտվել է, և փոխհատուցման ենթակա գումարը արդեն ստացվել է ուղումնասիրությամբ ընթացակարգով: Արդյո՞ք հետագա ամիսների փոխհատուցվող գումարները հնարավոր է ստանալ պարզեցված ընթացակարգով, թե՞ տվյալ տարվա համար պետք է ՊԵԿ ներկայացվի միայն ուսումնասիրությամբ ընթացակարգով դիմումներ:

Վահե․

Ողջույն, հարգելի հաշվապահներ, հարցս հետևյալն է․ եթե կազմակերպությունն ունի դեբիտորական պարտքեր վաճառված ապրանքների գծով, և ունի ստացված փոխառություն միակ տնօրեն-սեփականատիրոջից, կարո՞ղ է արդյոք պահանջի իրավունքը փոխանցել տնօրենին և այդ գումարի չափով նվազեցնել փոխառության պարտավորության գումարը:

Ընկերություն՝ Babayans Accounting Center
Հասցե՝ ք. Երևան, Արաբկիր
Էլ․ փոստ՝ hr@babayans.am
Թափուր աշխատատեղ՝ Հաշվապահական հաշվառման դասավանդող / հաշվապահ
Աշխատանքի նկարագրություն՝

• Babayans Accounting Center-ը աշխատանքի է հրավիրում հաշվապահական հաշվառման դասավանդման մասնագետի։
• Դասերը նախատեսվում են շաբաթական 2 անգամ՝ 1.5-2 ժամով
• Դասավանդման հետ մեկտեղ նաև կա աշխատանքի հնարավորություն հաշվապահական գրասենյակում որպես հաշվապահ։

Պարտականություններ`

• – Հաշվապահական հաշվառման հիմունքների դասավանդում
• – Հարկային և աշխատանքային օրենսդրությունների դասավանդում
• – ՀԾ Հաշվապահ ծրագիրի և էլեկտրոնային համակարգերի դասվանդում

Պահանջներ՝

• Պարտադիր մասնագիտական կրթություն
• Առնվազն 1 տարվա դասավանդման փորձ
• ՀԾ-հաշվապահ ծրագրի գերազանց իմացություն

Այլ նշումներ՝

Աշխատանքային օրեր և ժամեր – կախված դասավանդման գրաֆիկից
Հասցեն՝ ք․ Երևան, Արաբկիր, Նաիրի Զարյան 22ա

Հետաքրքրված անձանց խնդրում ենք ինքնակենսագրականները ուղարկել hr@babayans.am էլեկտրոնային փոստին։

Վահագն․

Այս պահին ո՞ր ապրանքներն են, որոնք պարտադիր պետք է QR կոդով վաճառվեն խանութներում, այսինքն սկանավորելով։ Եթե կարելի է՝ նաև հղում տալ։

Արև Հայրապետյան․

Ողջույն, հարգելի հաշվապահներ, խնդրում եմ պարզաբանել. շրջ. հարկով աշխատող ԱՁ-ն ֆիզ. անձին հոկտեմբերին վարձակալությամբ տարածք է տրամադրել: Եռամսյակային շրջանառության հարկի հաշվետվության մեջ պե՞տք է արտացոլվի վարձակալության գումարը, թե՞ 2024թ.-ի հայտարարագրով ներկայացվի:

Արամ․

Բարև Ձեզ։ ՍՊԸ դադարեցման փուլում է, գրանցվել է, բայց գործնեություն չի ծավալել։ Հիմա ԵԱՏՄ սարքավորում պետք է ձեռք բերի գործնեության թեստավորման համար, կառաջանա՞ արդյոք 20 ԱԱՀ վճարելու պահանջ։

Անուշ․

Բարև ձեզ, խնդրում եմ պարզաբանել հետևյալ հարցը. ՀՎՀՀ ստացած ինքնազբաղված անձը որևէ հաշվետվություն ներկայացնու՞մ է, թե՞ ոչ, և ի՞նչ հարկեր պետք է վճարի։ Շնորհականություն։

Անի․

Հարգելի հաշվապահներ, կասե՞ք խնդրեմ՝ 2025-ին հացի արտադրություն ու խմորեղենի արտադրությունը կարո՞ղ են մնալ միկրո համակարգում։

Հայկ․

Բարև Ձեզ։ 2025 թվականից շրջանառության հարկ վճարողները եթե հաշվարկային փաստաթղթով կամ ՀԴՄ-ով ձեռքբերում չեն կատարում, պե՞տք է 20 տոկոս եկամտային հարկ վճարեն։ 2025 թվականից շրջանառության հարկ վճարողները պե՞տք է պահեն պահեստի մնացորդ։ Կխնդրեի օրենքի հղումը ուղարկեք։

Մանյա․

Բարև ձեզ, խնդրեմ կասե՞ք՝ բլոգերների հաշվապահությունը շրջանառության հարկո՞վ են անում, ու բացի եռամսակային հաշվետվությունը ուրիշ ի՞նչ հաշվետվություններ են լինում։

Հարություն․

Բարև Ձեզ: Հարկման ընդհանուր և հատուկ համակարգերում գործող կազմակերպությունները արդյո՞ք կարող են 5 տարի ժամկետով, զրո տոկոսով փոխառության պայմանագիր կնքել հիմնադիրի, այլ ֆիզ. անձի կամ այլ կազմակերպության հետ: Եթե կա որևէ սահմանափակում, խնդրում եմ հղում անել: Կանխավ շնորհակալություն:

Իրինա․

Բարև ձեզ, հարգելի հաշվապահներ։ Մայրության նպաստի միջինի հաշվարկի մեջ պարգևատրումները մտնու՞մ են , թե՞ ոչ: Շնորհակալություն։

Հայկ․

Բարև ձեզ: Ծառայություն մատուցող կազմակերպությունը աշխատում է ԱԱՀ-ով: Ձեռք բերված նյութերի մի մասը հետ է վերադարձրել, դիմացի կողմը դուրս է գրել ճշգրտող հաշիվ: Վերադարձի ձևակերպումը այսպե՞ս կլինի. դտ 521 – կտ 211, դտ 521 – կտ 226: Նախապես շնորհակալություն։

Անահիտ․

Վճարվու՞մ է անաշխատունակության նպաստ միկրոբիզնեսով աշխատող Ա/Ձ-ին։

Անահիտ․

Պահանջվում է ներկայացնել սինթետիկ ձևակերպումը և հաշվարկել բանկի օգուտ և վնասը: Ֆիզիկական անձն իր դոլարային հաշվից ցանկանում է կանխիկացնել 200 եվրո: Տվյալ օրվա փոխարժեքի տվյալներն են․

Դոլար Եվրո
Առք-483, 529
Վաճառք-487, 533
ԿԲ-485,87 528,43

Պահանջվում է ներկայացնել սինթետիկ ձևակերպումը և հաշվարկել բանկի օգուտ և վնասը:

Դիտել այլ հաշվապահական խնդիրներ

Աննա․

Բարև Ձեզ: Հարցս հետևյալն է՝ եթե աշխատողի հաստիքը փակվում է, բայց նրան առաջարկվում է այլ հաստիք նույն կազմակերպությունում նախքինից ցածր աշխատավարձով: Ինչպե՞ս ճիշտ վարվել այս դեպքում, արդյո՞ք ճիշտ կլինի նրան ծանուցել հաստիքի կրճատման մասին և կնքել համաձայնագիր աշխատանքային պայմանագրում փոփոխություններ կատարելու վերաբերյալ:

Լուսինե․

Հարգելի մասնագետներ ջան, կարո՞ղ եք ասել՝ ջերմոցը դա անշա՞րժ գույք է, թե՞ շարժական։

Անի․

Բարև Ձեզ։ Ինչպե՞ս գրանցվել որպես ԱՁ առցանց եղանակով։

Նարեկ․

Բարև Ձեզ, հարցս հետևյալն է. շրջանառության հարկով աշխատող կազմակերպությունը, որն իրականացնում է ծառայության մատուցում, ամսվա կտրվածքով իր հասույթից փոխանցում է ծախսերը, իսկ մնացած գումարը փոխանցում է հիմնադիրի հաշվին։ Ի՞նչ խնդիր կարող է ունենալ կազմակերպությունը։

Գիրքը նախատեսված է հաշվապահական հաշվառումն ինքնուրույն ուսումնասիրող սկսնակների, ուսումնական հաստատությունների դասախոսների և ուսանողների, ինչպես նաև կազմակերպությունների հաշվապահների, ֆինանսահաշվային ոլորտի այլ աշխատողների համար:

Այս հրատարակությունն անդրադարձել է նաև ՖՀՄՍ-ներում և Հարկային Օրենսգրքում վերջին տարիներին կատարված փոփոխություններին, ինչպես նաև ընդգրկվել են նոր թեմաներ, այդ թվում.

• Հասույթ. կատարման պարտականություն, գործարքի գին, ճանաչում և չափում (ՖՀՄՍ 15)
• Վարձակալություն. դասակարգում, ճանաչում և չափում, կարճաժամկետ և փոքրարժեք ակտիվների վարձակալություն (ՖՀՄՍ 16)
• Գյուղատնտեսություն. կենսաբանական ակտիվներ և գյուղատնտեսական արտադրանք, բերքատու բույսեր (ՀՀՄՍ 16, ՀՀՄՍ 41)
• Ֆինանսական գործիքներ. դասակարգում, չափում, դեֆոլտ և ակնկալվող պարտքային կորուստներ (ՖՀՄՍ 9)
• Արտարժույթով տրված և ստացված կանխավճարներ (ՀՀՄՍ 21)
• Փոխառության ծախսումների կապիտալացում (ՀՀՄՍ 23)
• Հայեցակարգային հիմունքներ, ՀՀ-ում հաշվապահական հաշվառման նոր կարգավորումներ:

Նյութի մատուցման պարզ ու հստակ շարադրանքը, տրամաբանական հաջորդականությունը, ուսումնասիրած թեմաների ընկալումը ստուգող հարցերի ու առաջադրանքների առկայությունը թույլ են տալիս մատչելի և դյուրին դարձնել յուրացումը և նախանշել օգտագործողների շատ լայն շրջանակ:

Ծանոթանալ գրքի բովանդակությանը

Գիրքը ձեռք բերելու համար կարող եք զանգահարել (011) 607081, (091) 583121, (094) 583121

Գոռ․

Բարև Ձեզ։ Հյուրանոցային համարը ամրագրել են Expedia-ի միջոցով , հիմա Expedia միջնորդավճարի հաշիվ է դուրս գրել։ Խնդրում եմ կասե՞ք իմ քայլերը՝ պե՞տք է ինքնահաշիվ գրել, թե՞ ոչ։

Անահիտ․

Բարև Ձեզ։ Կազմակերպությունն ունի 2 սեփականատեր՝ 50% բաժնեմասերով։ 2024թ․-ի նոյեմբերին մի սեփականատերը մյուսին է փոխանցել իր բաժնեմասը։ 2024թ․-ի ընթացքում կուտակված շահույթը ինչպե՞ս պետք է բաշխել։ Իմ կարծիքով մինչև նոյեմբեր կուտակված շահույթը պետք է բաշխել հավասարաչափ, փոփոխությունից հետոյինը՝ ամբողջությամբ վճարել 100% բաժնեմասով սեփականատիրոջը։

Միքայել․

Հարգելի հաշվապահներ, կազմակերպության միակ մասնակիցը փոխվել է (մասնաբաժինը նվիրատվության կարգով տվել է այլ անձի), ստացվում է՝ պե՞տք է ներկայացնել նոր իրական շահառուի հայտարարագիր, և ի՞նչ ժամանակահատվածում։ Շնորհակալություն։

Տիգրան․

Ողջույն, հարգելի գործընկերներ, մի քանի հարց ունեմ համատրիությունների գործունեության հետ կապված․

1․ Արդյո՞ք համատիրությունները չեն կարող աշխատել շրջանառության հարկով

2․ Եթե պարտադիր ընդհանուր հարկման համակարգում է գործելու, ապա իրավաբանական անձանցից անդամավճար ստանալու համար պե՞տք է հարկային հաշիվ գրել և ԱԱՀ վճարել, թե՞ հաշիվ վավաերագիր

3. Իրավաբանական անձանց մասով դուրս գրված հաշիվներից առաջանու՞մ է շահութահարկ

Հովհաննես․

Հարգելի հաշվապահներ, խնդրում եմ պարզաբանեք․

1․ Արտադրական գործունեությունից ստացվող եկամուտներից արդյո՞ք նվազեցվում է տարածքի (արտադրամասի) վարձակալության վճարը (վարձակալությունը ստանում ենք կազմակերպությունից, և առկա է հաշիվ վավերագիր)

2․ Պետական աջակցության ենթակա գործունեության տեսակներով զբաղվող տնտեսվարող սուբյեկտները 01․01․2025-ից շարունակու՞մ են վճարել 5% շրջանառության հարկ, անկախ այն փաստից հարկային արտոնություններից օգտվելու հավաստագիր ստացել են, թե ոչ

3․ Այլ գործունեությունից ստացվող եկամուտներից նվազեցվում են անմիջականորեն կապված ծախսեր, եթե այդ ծախսերը կատարվում են ՀՀ-ից դուրս, և առկա չէ հաշիվ վավերագիր

Կանխավ շնորհակալություն։

Տիգրան․

Բարև ձեզ։ Ֆիզ․ անձը ՀՎՀՀ-ով տարածք է տվել վարձակալության պայմանագրով ԱՁ-ին և պայմանագրի ժամկետը լրանալուն պես դադարեցնում է գործարքը: Հարկը վճարել է ԱՁ-ի հաշվապահը։ Ի՞նչ է պետք ներայացնել հարկային մարմին գործարքը դադարեցնելու համար։

Սանյա․

Ոստիկանության ծառայողին հաստիքի կրճատման հիմքով ազատելիս արձակման նպաստ վճավու՞մ է։

Անուն, Ազգանուն՝ Արուսիկ Հովհաննիսյան
Էլ. փոստ՝ arusikh00@mail.ru
Հեռախոս՝ 055525868
Պաշտոն՝ Հաշվապահի օգնական, սկսնակ հաշվապահ
Բովանդակություն՝ Ես սովորում եմ Երևանի պետական տնտեսագիտական համապալսարանի Հաշվապահական հաշվառում բաժնում (մագիստրատուրա):
Հաճախել եմ հաշվապահական դասընթացների և ստացել սերտիֆիկատ:
Անցել եմ 2-ամսյա պրակտիկա Հաշվապահների Ասոցիացիայում։
Մասնակցել եմ Ասոցիացիայում իրականացվող Հարկայինի դասընթացին:
Նշեմ, որ ես բակալավրիատն ավարտել եմ Երևանի պետական համալսարանի հոգեբանություն բաժինը:
Ցանկալի աշխատավարձ՝ 120 000 դրամ

Անուն, Ազգանուն՝ Շուշան Թամազյան
Էլ. փոստ՝ shushan.1997.20@mail.ru
Հեռախոս՝ 093401316
Պաշտոն՝ Հաշվետար-հաշվապահ
Բովանդակություն՝ Հաշվետար
Ցանկալի աշխատավարձ՝ 300 000 դրամ

Աննա․

Հարգելի հաշվապահներ, կասե՞ք խնդրեմ՝ ՍՊԸ, որն աշխատում է ԱԱՀ-ով, իրականացնում է կանոնավոր ուղևորափոխադրում ոչ ներքաղաքային, հասույթը մուտքի օրդերով մուծվում է դրամարկղ, այս գործունեության համար չկա ՀԴՄ կտրոն, մինչև սեպտեմբերի մեկը գործունեությունը հարկվում է պետ տուրքով ամսական, այս դեպքում ԱԱՀ հաշվարկի ո՞ր տողում պետք է լրացվի հասույթը ու գանձվի ԱԱՀ: Կանխավ շնորհակալ եմ։

Ալլա․

Բարձ Ձեզ, հարգելի հաշվապահներ։ Ալկոհոլային խմիչքների վաճառքի դեպքում այն պետք է սկանավորել, նման օրենք եմ կարդացել, բայց չեմ գտնում, ո՞վ կարող է ուղարկել հղումը։ Շնորհակալություն։

Գոռ․

Բարև ձեզ։ Կարո՞ղ եք օգնել՝ ԱԱՀ ետ վերադարձը հարկատուի հաշվին ինչպես ձևակերպել։

Հասմիկ․

Բարև Ձեզ․ եթե հյուրատունը գտնվում է մարզում, ՍՊԸ-ն հարկվում է շրջհարկով, տրամադրում է նաև սնունդ։ Հարցս այսպիսին է՝ սնունդի մասը պետք է առանձնացվի և հարկվի 6% որպես հանրային սնունդ, թե՞ էլի 5% է հարկվելու։

Ալիկ․

Ֆիզիկական անձն ունի սեփական մեքենա և գրանցված է որպես ԱՁ։ Արդյո՞ք առանց ԱՁ-ին վարձակալության հանձնելու կարող է մեքենան շահագործել ԱՁ-ի համար և ծախսերը՝ ընթացիկ նորոգում, վառելիք և այլն, ձևակերպել ԱՁ-ով։

Հայկ․

Բարև Ձեզ, հարգելի մասնագետներ: Եթե ԱԱՀ-ով աշխատող ԱՁ-ի գործունեությունը անորոշ ժամկետով դադարեցրել ենք հոկտեմբերի 28-ից, ապա հոկտեմբերի համար պե՞տք է հանձնել ԱԱՀ-ի հաշվարկը: Այս տարվա մեջ ուրիշ հաշվետվություններ չկա՞ն հանձնելու: Իսկ 2025թ մինչև ապրիլի 20-ը ո՞ր ձևերը պետք է հանձնել: Նշեմ, որ աշխատողներ չունի:

Հայկուհի․

Բարև Ձեզ։ Եթե շահութահարկով աշխատող կազմակերպությունը առաքումներ է իրականացնում հիմնադրի կամ տնօրենի մեքենայով, կարո՞ղ ենք այդ մեքենայի համար ծախսած վառելիքը շահութահարկով ծախս ճանաչել։ Եվ արդյո՞ք որ անհատույց է մեքենան ԱԱՀ-ի և շահութահարկի լրացուցիչ պարտավորություն չի առաջանա։

Գայանե․

Բարև Ձեզ։ Երբ միկրոձեռնարկությունը հոկտեմբեր ամսից գերազանցում է շեմը, ի՞նչ հարկային դաշտ է մտնում գերազանցող շեմը։

Լուսինե․

Բարև, հարգելի մասնագետներ: ՍՊԸ-ին պատկանող անշարժ գույքը տրված է վարձակալության: ՍՊԸ-ը հարկվում է շրջանառության հարկով: 2025թ. սպասվող հարկային փոփոխությունների հետ կապված խնդրում եմ պարզաբանել.

1.Ադյո՞ք նշված գործունեությամբ զբաղվող ՍՊԸ կարող է շարունակել աշխատել շրջանառության հարկով, թե՞ այն կանցնի հարկման ընդհանուր համակարգ, և ըստ այդմ ինչպե՞ս է փոխվելու հարկման դրույքաչափը:

2. Որքա՞ն է կազմելու շրջանառության հարկի դրույքաչափը վարձակալության և անշարժ գույքի օտարման դեպքում:

Շնորհակալություն։

Անահիտ․

Բարև, հարգելի հաշվապահներ, այսպիսի հարց․ Հայկական ռեզլդենտ կազմակերպությունը Հայաստանից դուրս ծառայություն է մատուցել, պետք է դուրս գրի ծառայության մատուցման հաշիվ վավերագիր։ Ծառայության մատուցման ամսաթիվն է 31․07․2024թ․, ո՞ր օրվա կուրսն եմ հաշվում 30․07․2024թ, թե՞ դուրս գրման նախորդ օրվա։

Լուսինե․

Բարև Ձեզ։ Ցանկանում եմ տալ մի հարց՝ կապված ֆակտորինգային գործարքների հետ։ Արդյո՞ք հնարավոր է լիզինգային գործարքը ֆակտորինգով վաճառել բանկին՝ պահպանելով լիզինգի գումարների հավաքագրման իրավունքը, ինչպես նաև պահպանելով լիզինգի գույքի սեփականության իրավունքը և Բանկի փոխարեն կատարել նաև այդ լիզինգի պայմանագրով սահմանված հաշվառումը։ Եթե այո, ապա կարո՞ղ եք ասել՝ հաշվապահորեն ինչպե՞ս պետք է անել։

Նոնա․

Ողջույն, հարգելի հաշվապահներ: Ոչ ռեզիդենտ ֆիզիկական անձին մատուցվել են միջազգային բեռնափոխադրման ծառայություններ ռեզիդենտ կազմակերպության կողմից: Կարո՞ղ է ռեզիդենտ կազմակերպությունը հաշիվը (ինվոյս) ներկայացնել արտարժույթով, և մատուցված ծառայությունների դիմաց գումարը ստանալ արտարժույթով: