
Արդյո՞ք կհաշվարկվի տույժ
Յուրա.
Բարև ձեզ: Եկամտային հարկի հաշվետվությունը ներկայացրել եմ հունվարի 8-ին, եթե հարկը չվճարեմ մինչև հունվարի 21-ը, արդյո՞ք տույժ կաշխատի: Կանխավ շնորհակալություն:

Ի՞նչ հարկեր է վճարում միկրոձեռնարկատիրության սուբյեկտը
Լիանա Գալոյան.
Բարև ձեզ: Խնդրում եմ, կասե՞ք՝ միկրոձեռնարկատիրության սուբյեկտի դեպքում, եթե չունի վարձու աշխատող, ի՞նչ վճարումներ պետք է արվեն ամսական, եռամսյակային:

Շրջանառության հարկի ո՞ր դրույքաչափն է կիրառելի
Հասմիկ.
Բարև ձեզ, բոլորիդ ցանկանում եմ խաղաղ երկինք: Խնդրում եմ, շտապ է. եթե ՍՊԸ-ն հանրային սննդով է զբաղվում և մի քանի՝ 5 սենյակ հյուրանոց ունի, շեմը չի անցնում, ՀԴՄ 3 անգամ չի գրվել, շրջ. հարկով աշխատելու դեպքում կասե՞ք՝ որ գործունեությունը քանի % է հարկվում:

Արդյո՞ք ՍՊԸ-ն կարող է համարվել միկրոձեռնարկատիրության սուբյեկտ
Լիլիթ.
Բարև ձեզ, հարգելի հաշվապահներ: Արդյո՞ք ՍՊԸ-ն կարող է համարվել նաև միկրոձեռնարկատիրություն: ՍՊԸ-ն զբաղվում է ծրագրավորմամբ, լեզուների և մենթալ թվաբանության ուսուցմամբ: Կանխավ շնորհակալություն:

Ներմուծվող ապրանքի մաքսազերծում
Հակոբ.
Հարգելի գիտակ հաշվապահներ, խնդրում եմ, օգնեք!!!
Արդյո՞ք հնարավոր է ԱՁ-ով արտասահմանյան օնլայն խանութից ապրանք ներմուծել և մաքսազերծել ինվոյսով, ոչ թե շուկայական գնով։ Ներմուծվող ապրանքը ակցիզավորման ենթակա է։
Կանխավ շնորհակալություն:

Արդյո՞ք անձը կստանա նպաստ
Արուս.
Բարև ձեզ: 31 շաբաթական հղի եմ, և բյուլետենը արդեն բացվել է: Ունեմ Ա/Ձ ընտանեկան ձեռնարկատիրություն, որը սոց. չի վճարում, 3 ամիս է գրանցված աշխատող եմ այլ Ա/Ձ-ում, նաև քաղաքացիաիրավական պայմանագրով աշխատում եմ: Հարցս հետևյալն է՝ արդյո՞ք կստանամ ֆիզ. արձակուրդի գումարը և աշխատող մայրերի՝ երեխայի խնամքի նպաստը (18 000 դրամը):

Անուշ Հայրապետյան
Անուն, Ազգանուն՝ Անուշ Հայրապետյան
Էլ. փոստ՝ anush.hayrapetyan.92 շնիկ mail.ru
Հեռախոս՝ 098931132
Պաշտոն՝ ՀԱՇՎԱՊԱՀ
Բովանդակություն՝ Փնտրում եմ ազատ գրաֆիկով աշխատանք: Տիրապետում եմ ՀԾ 7, e-Invoicing, Word, Excel, 1С, trade.gov.am, taxs forms ծրագրերին։ Աշխատում եմ բոլոր հարկատեսակներով:
Ցանկալի աշխատավարձ՝ 5 000 - 15 000 դրամ
Այլ նշումներ՝ Կվարեմ հաշվապահություն ազատ գրաֆիկով: Հաշվապահական փաստաթղթերի կազմում և փաստաթղթաշրջանառության վարում, հարկային հաշվետվությունների կազմում, աշխատավարձի հաշվարկ և հաշվապահական այլ պարտականություններ:

Կազմակերպության հաշվարկային հաշվին սխալ գումար է փոխանցվել
Նաիրա.
Բարև ձեզ: Կազմակերպության հաշվարկային հաշվին սխալ գումար է նստել, գումարը հետ եմ վերադարձրել: Ի՞նչ թղթակցություն պետք է կատարեմ: Շնորհակալություն:

Ընկերությունը անցել է շրջանառության հարկի համակարգ
Հայկ.
Բարև ձեզ: Մեր ընկերությունը պետական մրցույթին մասնակցել է ԱԱՀ-ով և հաղթել, այնուհետև փոխվել ենք շրջանառության հարկի, կարո՞ղ ենք ապրանքը հանձնել շրջ. հարկով:

Ի՞նչ հարկատեսակով է հարկվելու հյուրատնային ծառայությունը
Մելինե.
Հյուրատնային ծառայությունը աշխատելու է սոց. փաթեթներով նույնպես, հետևաբար միկրոձեռնարկատիրության հայտ չի կարող ներկայացնել, այսինքն՝ շրջ. հարկի 201 ձևը լրացնի՞, իսկ եթե սնունդ էլ է ուզում մատուցել, ապա ի՞նչ հարկով պետք է հարկվի:

ԱՁ-ի գործունեությունը դադարեցվել է
Անահիտ.
Բարև ձեզ: Եթե ԱՁ-ի գործունեությունը կասեցվել է, բայց տարվա կեսին, և չի հանձնվել սոց.-ի հաշվետվություն, ի՞նչ պետք է արվի:
Կանխավ շնորհակալություն:

Աշխատողը գտնվում է ժամանակավոր անաշխատունակության մեջ
Ռուզաննա Խանզադյան.
Բարև ձեզ: Ինձ հետաքրքիր է մի հարց, խնդրում եմ, պատասխանեք: Եթե աշխատողը վթարի է ենթարկվել, արդեն մեկ ամիս է հիվանդանոցում է, եկամտային հարկի հաշվետվության մեջ ինչպե՞ս եմ ցույց տալու:

Կազմակերպությունը ցանկանում է գինի արտահանել ՌԴ
Արմինե.
Բարև ձեզ: Ասեք, խնդրեմ, նորաբաց ՍՊԸ-ն ինչպե՞ս կարող է ՌԴ արտահանել սեփական արտադրության գինի և օղի, մանրամասն քայլերը, ինչի՞ց պետք է սկսել: Կանխավ շնորհակալություն:

ԱՁ-ն հանձնել է զրոյական հաշվետվություն
Լուսինե.
Բարև ձեզ: Խնդրում եմ օգնել: Ը/Ձ-ն (Ա/Ձ) 2017թ. կատարել է զբոսավարի ծառայություն: Դուրս եմ գրել 4 հաշիվ-ապրանքագիր: 2018թ. 205 հաշվետվությունը ուղարկել եմ, իրացման մեջ ծառայությունների մատուցման դիմաց 0 եմ գրել: Այսինքն՝ 0-ական հաշվետվություն եմ ներկայացրել: Կասե՞ք՝ սխա՞լ եմ արել:

Որքա՞ն է ՀԴՄ չտրամադրելու համար նախատեսված տուգանքը


ԱՁ-ն վերսկսում է գործունեությունը
Լիաննա.
Բարև ձեզ:
Կասե՞ք, թե ինչպես պետք է վերականգնել ժամանակավոր գործունեությունը դադարեցրած ԱՁ-ն, և ի՞նչ պարտավորվածություններ կան:

Ա/Ձ-ն զբաղվում է ծաղկաբուծությամբ
Նարինե.
Հարգելի հաշվապահներ, խնդրում եմ պատասխանել: Ա/Ձ եմ և զբաղվում եմ ծաղկաբուծությամբ, ջերմոցիս սածիլները ներկրում եմ, հետո աճեցնում և վաճառում, տարեկան շրջանառությունս չի գերազանցում 13 000 000 դրամը, ունեմ 3 աշխատող: Կարո՞ղ եմ արդյոք համարվել միկրոձեռնարկատիրության սուբյեկտ, բացի աշխատողների 5 000 դրամից և 1 000 դրամ դրոշմանիշային վճարից, աշխատողի համար որքա՞ն սոց. վճար պետք է վճարեմ:

Պե՞տք է արդյոք ներկայացնել գրանցման հայտ
Ռուզաննա.
Բարի օր: Եթե հիմնադիրը միաժամանակ տնօրեն է՝ գրանցված պետ. ռեգիստրով, գրանցման հայտ ներկայացվելու՞ է:

Ի՞նչ հարկատեսակով է հարկվելու ԱՁ-ն
Դավիթ.
Եթե ԱՁ-ն ունի հյուրանոցային 3 սենյակ և ռեստորան միևնույն տարածքում, ի՞նչ հարկատեսակով է հարկվելու:

Կարո՞ղ է գործատուն նվազեցնել աշխատավարձը
Անուշ.
Կարո՞ղ է արդյոք գործատուն կեղտոտ աշխատավարձը իջեցնել, որպեսզի աշխատողը ստանա նույն աշխատավարձը, որքան մինչ եկամտային հարկի սանդղակի փոփոխությունն էր: Դա օրինակա՞ն է, թե՞ ոչ: Խնդրում եմ օրենքի հղում, եթե կա:

Ո՞ր ձևը պետք է ուղարկել շրջանառության հարկ վճարող համարվելու համար
Գոհար.
Բարև ձեզ: Խնդրում եմ, օգնեք: Սուրճի Ա/Ձ-ի և սննդի խանութի Ա/Ձ-ների համար շրջանառության հարկ վճարող համարվելու վերաբերյալ հայտը ուղարկում եմ 201 ձևը՞, թե՞ նոր կիրառվող 262 ձև-ը: Իսկ ծաղկի խանութի համա՞ր:

Ֆիզ․ անձը մատուցում է տաքսի ծառայություն
Մարինե.
Բարև ձեզ: Ֆիզիկական անձը թեթև մարդատար մեքենայով ծառայություն մատուցելու դեպքում ի՞նչ հարկով է հարկվում:

Հնարավո՞ր է արդյոք գրանցել ՀԿ
Սերգեյ.
Բարև ձեզ: Շնորհավոր անցած տոները:
Ինձ հետաքրքրում է ՀԿ-ի գրանցումը: Ես 2013 թվականին գրանցել էի ԱՁ, սակայն մի քանի տարի հետո կասեցրել էի գործունեությունը, չեմ դադարեցրել: Հանդիսանում եմ Ռուսաստանի քաղաքացի և ունեմ կացության քարտ: Արդյո՞ք հնարավոր է գրանցել ՀԿ այս պարագայում: Ես կարո՞ղ եմ ունենալ և՛ ԱՁ, և՛ ՀԿ: Շնորհակալություն:

Կարո՞ղ է արդյոք ավտոլվացման կետը համարվել միկրոձեռնարկատիրություն


Ռիմա Ավետիսյան
Անուն, Ազգանուն՝ Ռիմա Ավետիսյան
Էլ. փոստ՝ rimavetisyan շնիկ mail.ru
Հեռախոս՝ 077011998
Պաշտոն՝ Հաշվապահ, հաշվետար, հաշվապահի օգնական
Բովանդակություն՝ Սովորում եմ Հայաստանի ազգային ագրարային համալսարանում՝ հաշվապահական հաշվառում և աուդիտ մասնագիտությամբ: Տիրապետում եմ հայերեն (լավ), ռուսերեն (լավ) լեզուներին, MS Word, Excel, ՀԾ-Հաշվապահ 7 ծրագրերին:
Ցանկալի աշխատավարձ՝ 100 000 դրամ և ավելի
Այլ նշումներ՝ Պատասխանատու եմ, միշտ պատրաստ սովորելու:

Հանրային սննդի շրջանառության հարկի դրույքաչափեր
Դավիթ.
Բարև ձեզ: Հանրային սնունդով զբաղվող բիզնեսը ներկայացրել է շրջանառության հարկի դիմում, կարո՞ղ եք ասել՝ այն հարկվու՞մ է 5 տոկոս շրջանառության հարկով: Կազմակերպությունը բացվել է 2019թ. դեկտեմբերի 1-ին և ներկայացրել է շրջանառության հարկի դիմում: Կասե՞ք՝ 2020թ. համար պե՞տք է ներկայացնի նոր հաշվետվություն, թե՞ ներկայացման ժամկետը պետք է լինի 2020թ. դեկտեմբերի 1-ին:

Արդյո՞ք ԱՁ-ն կարող է համարվել միկրոձեռնարկատիրության սուբյեկտ
Արմինե.
Հարգելի հաշվապահներ, հարցս հետևյալն է՝ ԱՁ-ն 2019 թվականին իրականացրել է միջազգային բեռնափոխադրումներ (Հայաստան-Ռուսաստան) և համարվել է ընտանեկան ձեռնարկատիրության սուբյեկտ: 2020թ.-ին միջազգային բեռնափոխադրումներով զբաղվող ԱՁ-ները կարո՞ղ են համարվել միկրոձեռնարկատիրության սուբյեկտ:

Ծանուցման ժամկետները աշխատանքից ազատվելու դեպքում
Աստղիկ.
Բարև ձեզ: Խնդրում եմ օգնել: Գլխավոր հաշվապահն ուզում է ազատվել աշխատանքից: Քանի՞ օր առաջ պետք է դիմում ներկայացնի տնօրենին ըստ օրենքի: Ասեմ, որ 30 օր չի ուզում սպասել, քանի որ մեկնելու է արտերկիր: Ասացեք, խնդրեմ, ինչպե՞ս է հարցը կարգավորվում: Շնորհակալություն:

Ի՞նչ դիմում պետք է ներկայացնել միկրոձեռնարկատիրության սուբյեկտ համարվելու համար
Արփինե.
Բարև ձեզ: Ընտանեկան ձեռնարկատիրությամբ ԱՁ-ն, որը զբաղվում է արտադրական գործունեությամբ, միկրոձեռնարկատիրության համար որևէ դիմում պետք է գրի՞ և նոր աշխատող գրանցելու համար միայն աշխատողի հա՞յտն է լրացվում, և միայն 5 000 դրամ յուրաքանչյուր վարձու աշխատողի համար պետք է վճարի ու վե՞րջ, կա՞ այլ պարտավորություն: Շնորհակալ եմ:

Որքա՞ն է սոցիալական վճարի դրույքաչափը 2020թ․ հունվարի 1-ից հետո
Արմինե.
Հարգելի գործընկերներ, շնորհավոր բոլորի անցած տոները: Խնդրում եմ պատասխանել՝ որքա՞ն է կազմում սոցիալական վճարը 2020թ. հունվարի 1-ից հետո, քանի որ տարբեր կարծիքներ եմ լսել: «Կուտակային կենսաթոշակների մասին» ՀՀ օրենքում ասվում է.
Հոդված 81, մաս 8.1.
Մինչև Հայաստանի Հանրապետության հարկային օրենսգրքով անհատ ձեռնարկատեր և նոտար չհանդիսացող ֆիզիկական անձանց եկամուտների՝ եկամտային հարկով հարկման բեռի նվազեցումը սույն օրենքի 5-րդ հոդվածի 1-ին մասի 1-ին և 2-րդ կետերով սահմանված անհատ ձեռնարկատեր և նոտար չհանդիսացող անձանց համար սույն օրենքի 6-րդ հոդվածի 2-րդ մասի 1-ին կետով նախատեսված սոցիալական վճարի կեսը, սակայն ոչ ավել, քան 12500 դրամ, կատարում է պետությունը:
Ստացվում է, որ սոց. վճարը 2020թ. հունվարի 1-ից հետո պետք է կազմի 5 %, քանի որ պետությունը այլևս չի մասնակցում աշխատողի սոց. վճարի վճարմանը, սակայն շատ տեղերում ասում են, որ սոց. վճարի դրույքաչափը մնացել է անփոփոխ՝ 2,5 %:

Գովազդային գործունեությամբ զբաղվելու համար
Վազգեն.
Բարև ձեզ: Ես ուզում եմ List.am-ի նման կամ Ֆեյսբուքի #գործկա խմբի նման գործունեությամբ զբաղվել: Այսինքն՝ կազմակերպությունների հայտարարությունը տեղադրել սոց. ցանցի խմբիս մեջ, եթե թափուր աշխատատեղ ունեն: Դրա համար վճարելու են ինձ ամեն հայտարարության համար: Կարո՞ղ եմ ԱՁ բացել, և ի՞նչ գործունեություն նշեմ, որ զբաղվում եմ, ու հարկեր, ինչպես հասկացա, 5 % շրջանառությունի՞ց եմ տալու միայն:

Արդյո՞ք անձը կստանա մայրության նպաստ
Լուսինե.
Բարև ձեզ: Ձեր տոները շնորհավոր!!!
Մի էսպիսի հարց ունեմ.
Ես այժմ գտնվում եմ երեխայի խնամքի արձակուրդում, որը ձևակերպել եմ ֆիզ. արձակուրդից հետո: Կարո՞ղ եմ այս դեպքում առանց աշխատանքի վերադառնալու նորից ֆիզ. արձակուրդ գնալ: Եթե այո, ապա արդյո՞ք մայրության նպաստ կստանամ նորից: Որովհետև մայրության նպաստը հաշվարկվում էր ֆիզ. գնալու օրվան նախորդող մեկ տարվա միջին աշխատավարձով, իսկ նկարագրածս պարագայում մայրը փաստորեն աշխատավարձ չի ստացել խնամքի արձակուրդում լինելու պատճառով:
Երկար ստացվեց, բայց շատ շնորհակալ կլինեմ պատասխանելու համար:

Փոփոխություններ վարսավիրական գործունեությամբ զբաղվելու հարկման հետ կապված
Լուսինե.
Բարև ձեզ, հարգելի հաշվապահներ ջան: Նախկինում աշխատել եմ արտոնագրային հարկով, խնդրում եմ ձեզ, մանրամասն ասեք, թե վարսավիրական գործունեությամբ զբաղվելու դեպքում ինչքա՞ն հարկ պետք է վճարեմ և ի՞նչ հաշվետվություն ներկայացնեմ: Նշեմ, որ ունեմ գրանցված 3 աշխատող: Շրջանառությունն էլ չի գերազանցում տարեկան 1 000 000 դրամը:

Արդյո՞ք ՍՊԸ-ն կարող է համարվել միկրոձեռնարկատիրության սուբյեկտ
Նինա.
Բարև ձեզ, սիրելի հաշվապահներ: Արդյո՞ք ՍՊԸ-ն, որը 2018-2019թթ.-ին համարվել է ընտանեկան ձեռնարկատիրություն, կարող է համարվել նաև միկրոձեռնարկատիրություն: ՍՊԸ-ն զբաղվում է ծրագրավորմամբ (գրանցված գործունեության տեսակը՝ «Ծրագրային ապահովման մշակում»): Կանխավ շնորհակալություն:

Պատճենահանման գործունեությունը կարո՞ղ է համարվել միկրոձեռնարկատիրություն
Նաիրա.
Շտապ է, խնդրում եմ, շտապ արձագանքեք: Ա/Ձ-ի գործունեությունը քսերոքս անելն է, կարո՞ղ է համարվել միկրոձեռնարկատեր, ֆ-կա չի տալիս:

Անձը ցանկանում է վարսավիրանոց բացել
Լիլիթ.
Ցանկանում եմ վարսավիրանոց բացել, որտեղի՞ց սկսել, խնդրում եմ օգնել: Նախապես շնորհակալություն:

Ի՞նչ փոփոխություններ կլինեն ինքնազբաղված անձի գործունեության համար
Գայանե.
Բարև ձեզ: Ես ձեռագործ պայուսակներ եմ պատրաստում տանը, իրացնում եմ սոցիալական կայքերի միջոցով: 2018թ. գրանցվել եմ որպես ինքնազբաղ գործունեություն իրականացնող անձ, հարկեր չեմ վճարել, հաշվետվություններ չեմ ներկայացրել: Խնդրում եմ, ասեք՝ ըստ նոր օրենքի՝ միկրոձեռնարկատիրության սուբյեկտ համարվելուց հետո ի՞նչ փոփոխություններ կլինեն տվյալ գործունեության իրականացման համար:

Արդյո՞ք անհատ ձեռնարկատեր լինելու ժամանակահատվածը կհաշվառվի աշխատանքային ստաժում
Շուշանիկ.
Բարև ձեզ։ Ո՞վ կարող է ինձ օգնել. ԱՁ-ն աշխատողներ չունի, աշխատել է շրջ. հարկով, 2020թ.֊ից համարվելու է միկրոձեռնարկատիրության սուբյեկտ և վճարելու է միայն տարեկան 12 000 դրամ դրոշմանիշային վճար։ Ինչպե՞ս անել, որ ստաժ հաշվարկվի, եթե կամավորական սկզբունքով վճարվի ամսական 5 000 դրամ սոց. վճար և 5 000 դրամ կուտակային, արդյո՞ք կհաշվարկվի ստաժ, և արդյո՞ք հարկավոր է որևէ դիմում գրել։ Առհասարակ ի՞նչ պետք է անել, որ ստաժ հաշվարկվի անհատ ձեռներեցի գործունեությունը։ Շնորհակալ եմ նախապես:

Համարվու՞մ է արդյոք գործունեությունը միկրոձեռնարկատիրություն
Արմեն.
Զբոսաշրջային տան և գինու համտեսի կազմակերպումը համարվու՞մ է միկրոբիզնես:

Ընտանեկան ձեռնարկատիրության սուբյեկտը ի՞նչ կարգավիճակով կաշխատի 2020թ.-ից
Վահե.
Եթե ընտանեկան ձեռնարկատիրությունը չունի գրանցված աշխատող, այլ միայն վճարում է կատարել այն ժամանակ և այլ իրավաբանական անձի մատուցել է վճարովի ծառայություններ։ Այդ դեպքում ԸՁ-ն չէր վճարում որևէ հարկ։
Հիմա 2020թ.-ի փոփոխություններով նույն ձև կկարողանա՞ աշխատել, թե՞ պետք է հարկ վճարի, եթե պետք է վճարի, ապա ի՞նչ հարկ։
Շնորհակալ եմ:

Ինչպե՞ս կարելի է ձեռք բերել հեղինակային իրավունք
Մանե.
Ինչպե՞ս կարելի է ձեռք բերել հեղինակային իրավունք որևէ ֆիլմ թարգմանելու համար։
Կանխավ շնորհակալություն։

ՍՊԸ-ն ցանկանում է անցնել շրջանառության հարկի համակարգ
Արամ.
Ո՞վ կարող է օգնել ինձ: ՍՊԸ-ն աշխատում է ԱԱՀ դաշտում: Ցանկանում եմ անցնել շրջ. հարկի համակարգ, սակայն վստահ չեմ, թե ինչքանով է դա ձեռնտու իմ ՍՊԸ-ին: Շրջանառությունը 2019թ. եղել է 10 281 856 դրամ, ԱԱՀ-ն՝ 1 584 660 դրամ: 2019թ. արտերկրից ներմուծել եմ ընդհանուր մաքսային արժեքով 6 315 493 դրամի ապրանք, ԱԱՀ-ն՝ 2 265 902 դրամ, ՀՀ տարածքում ձեռք բերված ապրանքների և ծառայությունների գումարը կազմել է 2 240 429 դրամ, ԱԱՀ-ն՝ 90 364 դրամ: Նախորդ տարի վճարել եմ 342 557 դրամ շահութահարկ և 2019թ.-ին՝ 68 511 դրամ եռամսյակային կանխավճար: Եթե կարող եք օգնել, շատ շնորհակալ կլինեմ:

Փոխանցվում է արդյո՞ք ավանդը ավանդատուի ժառանգներին
Արթուր.
Բարև ձեզ: Ո՞վ կիմանա՝ եթե ավանդատուն բանկում ունի ավանդ ու, ցավոք սրտի, մահացելա, նրա ավանդը կորու՞մ է, թե՞ հասնում է իր ժառանգներին, ո՞վ կմանրամասնի: Կանխավ շատ շնորհակալ եմ:

Ի՞նչ հարկատեսակ և որքա՞ն պետք է վճարել 2020 թվականից արտոնագրային հարկի փոխարեն
Սերգեյ.
Բարև ձեզ: Հարցս վերաբերում է արտոնագրային հարկով հարկվող գործունեության տեսակներին: Կարո՞ղ եք ասել, թե որտեղից ստանամ տեղեկատվություն այն տուրքերի վերաբերյալ, որոնք 2020 թվականից պետք է փոխարինեն արտոնագրային հարկին (տուրքի չափը, վճարման ժամանակահատվածը):
Կանխավ շնորհակալություն:

Միկրոձեռնարկատիրության սուբյեկտ հանդիսացող ԱՁ
Մարինե.
Հարգելի հաշվապահներ, հարցս շտապ է, խնդրում եմ պատասխանել՝ ԱԱՀ-ով աշխատող ԱՁ-ն, բացի աշխատողների եկամտային հարկից, սոց. վճարից, ուրիշ ի՞նչ հարկ է վճարում տարեկան՝ շահութահա՞րկ, թե՞ եկամտային հարկ: Միկրոձեռնարկատիրության սուբյեկտ հանդիսացող ԱՁ-ն, բացի յուրաքանչյուր աշխատողի համար 5 000 դրամ եկամտային հարկից և 1 000 դրամ դրոշմանիշային վճարից, որքա՞ն սոց. վճար է վճարում իր համար և աշխատողի համար:

Անձը ԱՄԷ-ից ներմուծել է գյուղտեխնիկայի պահեստամասեր
Հասմիկ.
Բարև ձեզ: ԱՄԷ-ից ներմուծել եմ գյուղտեխնիկայի պահեստամասեր, բայց դրանք հայտարարագրում ձևակերպված են որպես ավտոմեքենայի: Երրորդ երկրից ներմուծման դեպքում նման պարագայում ինչպե՞ս հաշվեմ ԱԱՀ-ն:

ԱՁ-ն պետք է ներկայացնի ճշգրտված հաշվետվություն
Աննա.
Բարին բոլորին: ԱՁ-ի համար 6 ամիս մուծել եմ արտոնագրային վճար, բայց գործունեություն չեմ իրականացրել ՀԴՄ սարք չունենալու պատճառով: 2 եռամսյակ ներկայացրել եմ շրջանառության հարկի հաշվետվություն 0-ականով: Հարկայինից պահանջում են ճշգրտված հաշվետվություն արտոնագրային եկամուտների վերաբերյալ: Ի՞նչ խորհուրդ կտաք: Եվ ավտոտեխսպասարկումը միկրոբիզնեսի ռեժիմի անցնելու՞ է, թե՞ ոչ: Շնորհակալություն:

ԱԱՀ հաշվետվության վերաբերյալ
Արամ Վասիլյան.
Հոկտեմբեր ամսվա ԱԱՀ հաշվետվությունում բաց եմ թողել արտերկրից ներկրված ապրանքի և վճարված ԱԱՀ գումարը մուտքագրեմ: Ի՞նչ կարող եմ անել տվյալ դեպքում: Ո՞վ կարող է խորհուրդ տալ:

Արդյո՞ք հաշիվների չեղարկումը բացասական է ազդում կազմակերպության ռիսկայնության վրա


Էլեկտրոնային հաշվետվությունների համակարգի վերաբերյալ
Անահիտ.
Բարև։ Ես նոր ԱՁ եմ բացել, գրանցել եմ, նշել հաշվետվության տեսակները, որոնցով պետք է աշխատեմ, լրացրել լիազորի տվյալները, հետո համակարգը թարմացնում եմ, բայց հաշվետվությունների պատուհանը չի բերում։ Ո՞վ կարող է օգնել։
Վերջին մեկնաբանություններ