Արեգա․

Հարգելի հաշվապահներ, ունեմ այսպիսի հարց. ՍՊԸ-ի հիմնադիր տնօրենը ՀԱՅԷԿՈՆՈՄԲԱՆԿ-ում ունի 10 հատ սովորական բաժնետոմս՝ յուրաքանչյուրը 2 500 դրամով: ընդամենը 25 000 դրամ արժեքով: 2023թ ստացել է 3 000 դրամ եկամուտ:

Հարց 1․ 2023թ որպես ֆիզիկական անձ տվյալ անձնավորությունը պե՞տք է ներկայացնի ՖԻԶԻԿԱԿԱՆ ԱՆՁԻ ՏԱՐԵԿԱՆ ՀԱՅՏԱՐԱՐԱԳԻՐ, այն է 2-րդ կետով. ՀՀ ռեզիդենտ հանդիսացող ՀՀ քաղաքացիները, որոնք 2023թ. դեկտեմբերի 31-դրությամբ հանդիսանում են (հանդիսացել են) 2022թ արդյունքներով մեկ միլիարդ դրամ և ավելի համախառն եկամուտ հայտարարագրած ՀՀ ռեզիդենտ առևտրային կազմակերպության մասնակից (բաժնետեր, փայատեր, անդամ):

Հարց 2. 3-րդ կետ. ՀՀ ռեզիդենտ հանդիսացող ՀՀ քաղաքացիները, որոնք ՓՈՂԵՐԻ ԼՎԱՑՄԱՆ և ԱՀԱԲԵԿՉՈՒԹՅԱՆ ՖԻՆԱՆՍԱՎՈՐՄԱՆ ԴԵՄ ՊԱՅՔԱՐԻ ՄԱՍԻՆ ՀՀ ՕՐԵՆՔՈՎ ՍԱՀՄԱՆՎԱԾ ԻՐԱԿԱՆ ՇԱՀԱՌՈՒ ԵՆ ՀԱՄԱՐՎՈՒՄ. 3-րդ կետը խնդրում եմ բացատրեք, թե ովքեր են մտնում։

Մարի․

Հարգելի հաշվապահներ, խնդրում եմ օգնեք: Արդյո՞ք հետևյալն հնարավոր է որպես ծախս ձևակերպել և նվազեցնել ԱՁ-ի շահութահարկից: Արտասահմանյան ընկերությունից օնլայն գնված է սպասարկման ծառայություն: Առկա է էլեկտրոնային անդորրագիր, որտեղ նշված են ԱՁ-ի անուն/ազգանուն, “ԱՁ”անգլերենով, հաշվառման հասցե: Վճարումն արվել է ԱՁ քարտից: Սա բավարա՞ր է ծախս հիմնավորելու համար: Հաշվետվութունում պետք է լրացնել “Վարչական ծախսեր/Տեղեկատվական ծառայությունների գծով ծախսեր” բաժնու՞մ:

Ճի՞շտ եմ հասկանում որ այլ այս բնույթի ծախսերն, որոնք արվել են ԱՁ քարտից, բայց անդորրագիր չունեն, հիմնավորված չեն: Oրինակ՝ Ekeng համակարգի տարեկան վճարն:

Ընկերություն՝ ԳԻՆԱՓ ՍՊԸ
Հասցե՝ ք․ Երևան Սարի թաղ 12փ հ21
Հեռախոս՝ +37499867369
Էլ․ փոստ՝ sambezh@mail.ru
Թափուր աշխատատեղ՝ հաշվապահ հաշվետար արտադրամասում

Աշխատանքի նկարագրություն՝

– Արտադրության հետ կապված ներմուծումների մուտքերի, դուրսգրումների, վաճառքների,ինքնարժեքի հաշվառման և տեղաշարժերի ձևակերպումներ ՀԾ հաշվապահական ծրագրի միջոցով
– e-Invoicing ծրագրով հարկային հաշիվների դուրսգրում և մուտքագրում
– Հաշվետվությունների ներկայացում անմիջական ղեկավարին
– Գլխավոր հաշվապահի հանձնարարությամբ արտադրության հետ կապված այլ աշխատանքներ

Պահանջներ՝

– Բարձրագույն մասնագիտական կրթություն,
– ՀԾ-ի իմացություն,
– MS Office, E-invoicing իմացություն,
– Նվազագույնը 1 տարվա հաշվապահի աշխատանքային փորձ

Աշխատավարձ՝ Սկսած 170 000 դր
Այլ նշումներ՝ Աշխատանքային ժամերը՝ 10։00-18։00, շաբաթ օրը՝ 10։00-14։00

David.

Բարև ձեզ։ Խնդրեմ կասե՞ք` ի՞նչ հաշվետվություններ պետք է ներկայացնի ԱՁ–ն։ Հնարավո՞ր է առանց հաշվապահի հասկանալ, թե՞ շատ բարդ կլինի։ Մի հարց էլ ունեմ։ Ես կարո՞ղ եմ որպես ֆիզիկական անձ մինչև 2025 թվական հայտարարագիր չներկայացնել։ Գումար ստանում եմ դրսից։

Անուն, Ազգանուն՝ Ռաիսա Հակոբյան
Էլ. փոստ՝ hakobianrr@gmail.com
Հեռախոս՝ +37444 872286
Պաշտոն՝ Հաշվապահ
Բովանդակություն՝  Փնտրում եմ աշխատանք ազատ գրաֆիկով, հեռավար աշխատելու համար։ Ունեմ բարձրագույն կրթություն և երկար տարիների գլխավոր հաշվապահի աշխատանքային փորձ։

Ցանկալի աշխատավարձ՝ Վարձատրությունը կախված աշխատանքի ծավալից։

Անուն, Ազգանուն՝ Ինգա Բարսեղյան
Էլ. փոստ՝ inga.barseghyan13@mail.ru
Հեռախոս՝ +37499 505737
Պաշտոն՝ Հաշվետար
Բովանդակություն՝ Փնտրում եմ սկսնակ հաշվետարի աշխատանք կենտրոնում։ Սովորում եմ Հայաստանի ազգային պոլիտեխնիկական համալսարանի 3-րդ կուրսում։ Ցանկալի է նախնական կես դրույքով, հունիսից կարող եմ աշխատել ամբողջ դրույքով։
Ցանկալի աշխատավարձ՝ 80 000-ից 100 000 դրամ

Սոֆյա․

Հարգելի հաշվապահներ, ՍՊԸ-ն առ այսօր չի ստացել ծանուցում ֆիզ. անձանց եկամուտների հայտարագրման մասով, չնայած, որ իրական շահառու է։ Ի՞նչ անել՝ սպասել ծանուցեն, թե՞ ուղարկել հայտարարագիրը առանց ծանվուցելու։

Հարութ․

Ստորև բերված տվյալների հիման վրա ձևակերպել ոչ նյութական ակտիվների շահագործման հանձնումը, դուրսգրումը, և հաշվարկել ամորտիզացիան շահագործման ամբողջ ժամանակաշրջանի համար:

Տվյալներ․ «Ա-Ե» ՓԲԸ սարքաշինական գործարանը 2006թ. դեկտեմբերի 25–ին առք ու վաճառքի պայմանագրով ձեռք է բերել թանկարժեք մետաղների հալման տեխնոլոգիա` հաշվարկային հաշվից վճարելով 1 640 000 դրամ, ներառյալ ԱԱՀ: Օգտակար ծառայությունը սահմանվել է 5 տարի: Ամորտիզացիան հաշվարկվում է գծային եղանակով` 3 տարի անց անվտանգության տեխնիկայի նկատմամբ պահանջների փոփոխության պատճառով կայացվել է որոշում տեխնոլոգիայի դուրս գրման վերաբերյալ:

Այլ հաշվապահական խնդիրներ

Արսեն․

Բարև ձեզ: Ա/Ձ-ն ապրանք է տալիս սուպերմարկետներին, ու հիմնականում շատ դժվար է վաճառված ապրանքների գումարը ստանալ, իսկ որոշ սուպերմարկետներ ամիսներով «քցում» են: Օրենքով նախատեսված ի՞նչ ձևեր կա գումար ստանալու, կամ կա՞ ժամկետ հաշիվ ապրանքագրի վճարման համար: Նախապես շնորհակալ եմ։

Մարիամ․

Բարև ձեզ։ ԱԱՀ-ով աշխատող ՍՊԸ-ն ստացել է հաշիվ մարտ ամսի 26-ին, մատակարումը փետրվար։ Բնականաբար հաշվարկի մեջ չի ընդգրկվել, հիմա մարտին ստորագրվել է։ ՀԱՐՑ. Փետրվար ամսվա ԱԱՀ հաշվարկի մեջ ձեռքբերումների տողում պե՞տք է ավելացնել գումարը, ներքևում որպես պակասեցում ցույց տալ, հետո մարտ ամսվա հաշվարկում մենակ ավելացումով ցույց տալ 71.1 հոդվածի համաձայն։

Սամվել․

Բարև Ձեզ։ ԱՁ-ն օնլայն խորհրդատվական ծառայություն է մատուցել արտասահմանյան ընկերության: Արտարժույթով գումարն ստացել է ՀՀ դրամով հաշվին: Առկա է անգլերենով ինվոյս, որտեղ գումարն արտարժույթով է նշված: Ճի՞շտ Է հաշիվ վավերագրում արժեքն նշել ինվոյսում նշված գումարի` ծառայությունն մատուցելու ամսաթվի ԿԲ փոխարժեքով:

Փաստացի փոխանցված և դրամ դարձած գումարն ուրիշ է: Այդ գումարից նաև միջազգային փոխանցման տուրք է պահվել: Տուրքն եթե նվազեցվող ծախս լիներ, պետք է կրկին հաշվարկվեր ԿԲ փոխարժեքով, բայց արդեն փաստացի փոխանցմա՞ն օրով:

Հարություն․

Խորհրդատվական ծառայություններ տրամադրող ԱՁ-ով վճարել եմ շրջհարկ, հիմա եռամսյակային վճարը անելուց համակարգն ասեց, որ ավտոմատ կերպով անցել եմ ԱԱՀ վճարման դաշտ, մոտ մեկ ժամ առաջ ներկայացրել եմ 216 ձևը, որպեսզի չեղյալ համարեն, քանի որ ես ոչ մի հաշվետվություն չեմ ներկայացրել ԱԱՀ դառնալու համար, և նորից վճարեմ 5 տոկոս որպես շրջհարկ վճարող, մի քանի տեղ տեսել եմ, որ այս ձևով խնդիրը չի լուծվում, դա ճի՞շտ է, և ի՞նչ պետք է արվի նման դեպքում։

Արմինե․

Բարև Ձեզ, մի հարց էլի՝ ՀԱՆՐԱՅԻՆ ՀԱՏՎԱԾԻ ՀԱՇՎԱՊԱՀԻ որակավորման համար ԻՐԱՎԻՃԱԿԱՅԻՆ ԽՆԴԻՐՆԵՐԻ լուծումներն ո՞վ ունի։ Եթե կան ունեցողներ՝ խնդրում եմ ուղարկել armavethaj@mail.ru

Սաթենիկ․

Բարև բոլորին։ Խնդրում եմ օգնեք՝ ի՞նչ կազմակերպության դիմեմ, որ կազմակերպի և ձևակերպի բոլոր թղթաբանությունը, դիմումները ճիշտ ձևակերպի։ Կիսաֆաբրիկատների արտադրություն։ Պետք է դիմում ներկայացվի սննդի փորձաքննության ինստիտուտ, անցնի բոլոր ստուգումները, որպեսզի ստանամ թույլտվություն խանութներում վաճառելու։

Հարութ․

Խնդիր. Կազմակերպությանը պատկանող ավտոմեքենաներից մեկը փոխանակվել է նմանատիպ մեկ այլ ավտոմեքենայի հետ։ Ավտոմեքենայի սկզբնական արժեքը կազմել է 400 000 դրամ, իսկ կուտակված մաշվածությունը` 250 000 դրամ։ Ձևակերպել․

• Փոխանակված հին ավտոմեքենայի կուտակված մաշվածության գումարը
• Նմանատիպ ավտոմեքենայի փոխանակումը

Այլ հաշվապահական խնդիրներ

Հարութ․

Խնդիր. Հիմնական միջոցների լուծարող հանձնաժողովը լուծարման ակտով լուծարել է հաստոց 985 000 դրամ սկզբնական արժեքով, 820 000 դրամ կուտակված մաշվածքով։ Հաստոցի ապատեղակայման համար հաշվարկվել են 20 000 դրամաշխատավարձ և 5 000 դրամ սոցապ հատկացումներ։ Հաստոցի լուծարքից ստացվել է 35 000 դրամի ջարդոն, որը մուտքագրվել է օժանդակ նյութերի պահեստ։ Տալ հաշվապահական ձևակերպումները։

Այլ հաշվապահական խնդիրներ

Սիմոն․

Բարև ձեզ։ Եթե տնօրենը ամենամյա արձակուրդում է և գտնվում է հանրապետությունից դուրս, արդյո՞ք պարտադիր է ժամանակավոր պաշտոնակատար տնօրենը հարկային հաշիվների ստորագրման համար ունենա էլեկտրոնային ստորագրություն:

Սոֆյա․

Բարև Ձեզ։ Հարգելի հաշվապահներ, ասացեք խնդրեմ՝ ֆիզիկական անձանց հայտարարագիր ներկայացնելու՞ է արդյոք ՀՀ ոչ ռեզիդենտ քաղաքացին, ով 2023թ-ին 6 ամիս հեռավար աշխատել է ՀՀ-ում գրանցված ՍՊԸ-ի համար գրանտային ծրագրի շրջանակներում։ Նրա համար ուղարկվել է 165 ձևը 29․02․2024թ-ին։

Անահիտ․

Բարև Ձեզ, հարգելի հաշվապահներ։ Խնդրում եմ պատասխանել մի քանի հարցի.

ՀՀ Ընկերությունը ոչ ռեզիդենտ կազմակերպությունից ձեռք է բերում համակարգչային ծրագիր 100$ արժողությամբ:

1. Ինքնահաշիվը կարո՞ղ եմ գրել մի քանի ամիս անց

2. ԱԱՀ հաշվետվությունում ո՞ր տողում է պետք ցույց տալ և ինչպե՞ս (ԱԱՀ ցույց տալի՞ս եմ, թե՞ ոչ, նվազեցվու՞մ է, թե՞ ոչ, և ո՞ր տողում)։

Էվա․

Բարև ձեզ։ Ասացեք խնդրում եմ՝ եթե ցանկանում եմ գրանցվել որպես ԱՁ Էլեկտրոնային ռեգիստրի օնլայն հարթակում, սակայն ներկա պահին չունեմ էլեկտրոնային ստորագրություն, հայտն այդ դեպքում արդյոք կհաստատվի՞։ Եվ արդյո՞ք կա տարբերակ առանց Պետռեգիստր մոտենալու բացել ԱՁ։ Շնորհակալություն։

Աննա․

Բարև Ձեզ։ Եթե ֆիզ․ անձը 2023թ-ին ստացել է 2021թ-ին տրամադրված փոխառության վերադարձ, արդյո՞ք այդ գումարը պետք է ներառել 2023թ-ի հայտարարագրում։

Արեգա․

Հարգելի հաշվապահներ, այսպիսի հարց․ 2023թ հաշվարկվել է հիմնական միջոցների ամորտիզացիան։ Հարցս հետրևյալում է.

1. Շահութահարկի հաշվարկի 8-րդ բաժնում հիմնական միջոցներ
-հաշվապահական հաշվեկշռային արժեք
-հարկային բազա (հարկման նպատակով հաշվեկշռային արժեք)
Երկուսում էլ պետք է ցույց տրվի ամորտիզացիայի նու՞յն գումարը

2. Ո՞րն է
-հաշվապահական հաշվեկշռային արժեք
-հարկային բազա (հարկման նպատակով հաշվեկշռային արժեք)-ի տարբերությունը։

Կանխավ շնորհակալություն։

Լիկա․

Բարև ձեզ։ Անհրաժեշտ է հաշվարկել 15 օրվա անաշխատունակության նպաստ վարձու աշխատողի համար։ Նա աշխատել է 3 ամիս՝ վեցօրյա աշխատանքային գրաֆիկով, 147 500 դրամ պայմանագրային աշխատավարձով։ Քանի որ աշխատողի միջին աշխատավարձը պակաս է նվազագույն ամսական աշխատավարձի հիսուն տոկոսից (147 500*3/12=36 875), նպաստը կհաշվարկվի նվազագույն աշխատավարձի հիսուն տոկոսի չափով, 46 875/25*15*80%=22 500 դրամ, որից կպահվի 20% եկամտային հարկ։ Վճարման ենթակա գումար՝ 18 000 դրամ։ Խնդրում եմ պատասխանել՝ հաշվարկը ճի՞շտ է։

Բարև բոլորին: x կազմակերպությունը y-կազմակերպությանը պարբերաբեր պետք է գումարներ փոխանցի, ի կատարումն ապագա պարտավորությունների յուրաքանչյուր եռամսյակ ավել է վճարում, որի արդյունքում y կազմակերպության մոտ առաջանում է ավել գումար։ Այժմ x կազմակերպությունը լուծարվել է։ Ի՞նչ պետք է անի y կազմակերպությունը ավել վճարված գումարների հետ, ինչպե՞ս պետք է դուրս գրի այդ գումարը։

Հայկ․

Բարև Ձեզ: Խնդրեմ օգնեք: Ֆիզ․ անձը իրեն պատկանող կոմերցիոն տարածքը 2023թ.-ին տվել է վարձակալության իրավաբանական անձի, վերջինս որպես հարկային գործակալ պահել և վճարել է եկամտային հարկը: Առկա է նաև պայմանագիր: Հիմա ֆիզ անձը պե՞տք է ներկայացնի տարեկան հայտարարագիր, և եթե այո, ապա ո՞ր հիմքով:

Հարութ․

Խնդիր. Կազմակերպության արտադրամասի շենքի տանիքի կապիտալ նորոգման նպատակով կատարվել են հետևյալ ծախումները. 1․ Շինանյութեր` 250 000 2․ Հաշվարկված աշխատավարձ 300 000 3․ Հաշվարկված սոցապ հատկացումներ` 45 000 4․ Այլ ծախսեր` փոխանցված հաշվարկային հաշվից` 30 000 դրամ; Ընդամենը 625 000

Նորոգվող շենքի սկզբնական արժեքը 50 000 000 դրամ է, օգտակար ծառայության ժամկետը` 20 տարի։ Վերանորոգումը կատարվել է շահագործման 10-րդ տարվա վերջին։ Նախատեսվել է նորոգումից հետո շենքի ծառայության ժամկետը ավելացել է 50 տարով։ Հաշվապահորեն ձևակերպել
• Կապիտալ նորոգման ծախսումների գումարը,
• Նորոգման աշխատանքների ավարտից հետո կատարված ծախսումները կապիտալացումը,
• Հաշվել նորոգումից հետո շենքի տարեկան մաշվածությունը

Դիտել այլ հաշվապահական խնդիրներ

Մարիամ․

Բարև ձեզ։ Կասե՞ք խնդրում եմ՝ POS terminal ունենալու համար պարտադի՞ր է 274 ձևը լրացնելը, թե՞ միայն բանկում դիմում գրել ՀԴՄ-ի անկանխիկը ակտիվացնելու համար։ Եվ ո՞ր բանկից խորհուրդ կտաք օգտվել POS-ի համար։ Նոր սերնդի ՀԴՄ է։

Ռոբերտ․

Բարև ձեզ։ Կազմակերպությունը զբաղվում է մեքենաների ներմուծմամբ և արտահանմամբ։ Եթե մեքենան գնվել է 2023թ և վաճառվել է 2024թ, այդ դեպքում մեքենայի ինքնարժեքը որպես ծախս ո՞ր թվականի շահաութահարկի հաշվարկի մեջ է ձևակերպվելու։

Սուսաննա․

Բարև ձեզ, խնդրում եմ պատասխանել՝ ֆիզիկական անձը 2023թ. բնակարանի վարձակալությունից ստացված եկամուտների մասին հաշվետվության ո՞ր ձևը պետք է լրացնի: Շնորհակալություն:

Հասմիկ․

Ապրանքների մատակարարման հարկային հաշիվը սխալմամբ գրվել է հաջորդ օրվա մատակարարման ամսաթվով, ընդ որում հաշվում կա նաև ծառայություն պարունակող տող։ Ինչ որ խնդիր կարո՞ղ է առաջանալ, անհրաժեշտություն կա՞ հաշիվը չեղյալ անելու, և էդ դեպքում ի՞նչ մատակարարման ամսաթվով պետք է դուրս գրել նորը:

Արթուր․

Բարև ձեզ, հարգելի խումբ։ ԱՁ-ն աշխատում էր շրջանառության հարկի դաշտում, և 10.04.2024 թվականին տալիս է հայտարարություն ԱԱՀ վճարող դառնալու համար 01.04.2024 թվականից։ ԱՁ-ն առանց ԱԱՀ հաշիվ է գրել ֆիզ․ անձանց ամսի 2-ին և 9-ին, ունի նաև ստացված հաշիվներ այդ ընթացքում ԱԱՀ-ով։

1) Այս երեք հաշիվները արդյո՞ք պետք է ճշտգրտել, թե՞ այլ տարբերակ կառաջարկեք

2) Ստացված հարկային հաշիվների մասով, ոնց հասկանում եմ, խնդիր չկա, քանի որ 1-ից հետո են գրվել

Էրիկ․

Բարև Ձեզ։ Ունեմ ԱՁ, ունեմ նաև անձնական ավտոմեքենա, որը հաշվառված է իմ անունով։ Կարո՞ղ եմ արդյոք պետհամարանիշ գնել ԱՁ-ի անունով, ու դնել իմ մեքենայի վրա։

Անուշ․

Բարև ձեզ, հարգելի հաշվապահներ, ինձ մատչելի բացատրող հաշվապահ է պետք օնլայն դասավանդման համար։ Խնդրում եմ տվյալներ գրեք։ Շնորհակալ եմ։

Նելլի․

ՍՊԸ-ն ունի երկու հիմնադիր իրենց բաժնեմասերով, 2023թ-ին աշխատել է միկրոձեռնարկատիրության ոլորտում, շահաբաժինների վճարում չի կատարվել։ Արդյո՞ք պետք է ներկայացնեն եկամուտների հայտարարագիր:

Վահագն․

Բարև Ձեզ։ ԱՁ-ն ցանկանում է վարկ վերցնել արտարժույթով, բայց արտարժույթով ոչ մի գործարք չունի, կարո՞ղ է այդ գումարը կանխիկացնել և փոխանակել արտարժույթի փոխանակման կետում, կամ փոխանցել իր անձնական ֆիզ. անձի հաշվին որպես անտոկոս փոխառություն։ ԱՁ-ն դրամարկղի գիրք չունի, քանի որ աշխատում է միկրոձեռնարկատիրության դաշտում։

Եվա․

Բարև ձեզ։ Եթե ԱՁ տանը իր ձեռք բերած մրգերից չիր է սարքում ու վաճառում, շրջանառության հարկով աշխատելու դեպքում 3.5% հարկ է տալիս, իսկ փաստաթղթերով ձեռքբերում չունի, դա հավելյալ հարկային պարտավորություն առաջացնու՞մ է։

Գոհարիկ․

Բարև Ձեզ: ՀՈԱԿ-ում աշխատող տնօրենը իրավունք ունի՞ ունենալ ՍՊԸ և աշխատել որպես տնօրեն: Եթե իրավունք ունի, ո՞ր օրենքի ուժով։

Արտավազդ․

Բարև ձեզ։ ԱՁ-ն, որը զբաղվում է արտադրությամբ և աշխատում է շրջանառության հարկով, սակայն ապրիլի 1-ից անցել է ԱԱՀ դաշտ, խնդրում եմ կասե՞ք՝ ի՞նչ նրբություններ կան այս դեպքում, որ պետք է անպայման հաշվի առնել հաշվետվությունների ճիշտ ուղարկելու և այլնի հետ կապված։

Մարիամ․

Բարև ձեզ, կխնդրեմ օգնեք․ ԱՁ-ն նոր է բացված և վաճառելու է միս։ Աշխատելու է շրջ․ հարկով։ Ուզում եմ իմանալ՝ ՀԴՄ -ով ձեռք բերված ապրանքը և ԱԱՀ-ով աշխատող կազմակերպությունից ստացած ապրանքը կարո՞ղ եմ հարկը նվազեցնել։ Եվ մի հարց էլ՝ սպանդանոցը մեզ ծառայության հաշիվ պետք է գրի, էդ դեպքում ապրանքի ձեռք բերումը ո՞նց է փաստաթղթավորվում։

Եվա․

Բարև Ձեզ։ Կասե՞ք՝ վիզայի աջակցություն և հյուրանոցի ռեզերվ իրականացնող ԱՁ կարո՞ղ է լինել շրջանառության հարկի դաշտում աշխատող։

Գեղամ․

Խնդրում եմ ասել՝ հարկային հաշիվների ստորագրման համար ժամկետներ կա՞ն։

Մելինե․

Բարև ձեզ։ Դիցուք ժամավճարով աշխատող անձի աշխատավարձը 1 ժամվա համար 2 000 դրամ է, այսինքն պահպանված է ժամավճարի նվազագույնը (ամսական կազմում է 50 000 դրամ)։ Հիմա այս աշխատողին արձակուրդային հաշվելիս միջին աշխատավարձի հաշվման կարգը կասե՞ք պարզ: Էլի պիտի 104 000 հիմք վերցնել, թե՞ 50000։ Տարբեր կարծիքներ են բոլոր տեղերում: Շնորհակալ կլինեմ, եթե պարզաբանվի:

Եվա․

Բարև Ձեզ, խնդրում եմ կասե՞ք՝ տուրիստական գործունեություն ունեցող ԱՁ ի՞նչ առանձնահատկություններ ունի։ Հաշի՞վ է գրում ֆիզ անձանց միջնորդության ու վե՞րջ։

Արեգա․

Հարգելի հաշվապահներ, այսպիսի հարց․ Հարկվող շահույթը որոշելիս համախառն եկամտից թույլատրվում է կատարել սույն օրենքով նախատեսված նվազեցումները (ծախսեր, կորուստներ և այլ նվազեցումներ)։ Նվազեցումների միևնույն գումարը համախառն եկամտից հանվում է միայն մեկ անգամ 2. Ծախսերի թվին են դասվում մասնավորապես՝ ա) նյութական ծախսերը. բ) աշխատանքի վարձատրության և դրան հավասարեցված այլ վճարումները. գ) պարտադիր սոցիալական ապահովագրության վճարները. դ) ամորտիզացիոն մասհանումները . ե) ապահովագրական վճարները. զ) չփոխհատուցվող (չհաշվանցվող) հարկերը, տուրքերը և այլ պարտադիր վճարները և այլն։

Հարցս հետևյալն է՝ վերջին զ-կետում շահութահարկը մտնու՞մ է, թե՞ ոչ։

Սյուզաննա․

Բարև ձեզ։ Խնդրում եմ պատասխանեք՝ արդյո՞ք ԱԱՀ-ով աշխատող ԱՁ-ն շահութահարկի հաշվետվությունը լրացնելիս պետք է 8-րդ բաժինն էլ լրացնի։

Ռազ․

Բարև ձեզ, հաշվապահներ ջան։ Եթե աշխատակիցը աշխատում է ֆիզ․ գնացած աշխատակցի փոխարեն, և օրենքով սահմանված կարգով տեղը աշխատող աշխատակիցը պետք է մայրության նպաստ ստանա 140 օրվա համար, որի ժամկետն է ապրիլի վերջ, և ֆիզում գտնվող աշխատակիցը վերադառնում է մայիս ամսին, կա՞ օրենքի այնպիսի կարգավորում, որ այս դեպքում ֆիզի փոխարեն աշխատող աշխատակիցը մայրության նպաստ չի կարող ստանա այն պատճառաբանությամբ, որ 1 ամսից ֆիզում գտնվողը հետ է գալու աշխատանքի, կխնդրեմ ովքեր տեղյակ են այս պրոցեսից, արձագանքեն։

Վահագն․

Միկրոյի դաշտում աշխատող ավտոտեխսպասարկման ծառայություններ մատուցող ԱՁ-ն կարո՞ղ է պետական հիմնարկի հետ կնքել ծառայությունների մատուցման պայմանագիր և դուրս գրել հաշիվ վավերագիր։

Օրենքի նախագիծ կա՞, որ միկրոձեռնարկատիրության ոլորտում աշխատող ավտոտեխսպասարկման կետերը շուտով չեն կարող աշխատել միկրոյի դաշտում, և եթե կա նախագիծ, հաստատման դեպքում ե՞րբ ուժի մեջ կմտնի։

Լիլիթ․

Բարև Ձեզ, հարգելի հաշվապահներ մի հարց ունեմ․ ԱՁ-ն մարտի 13-ին ռեգիստրում գրանցվել է և պետք է ԱԱՀ-ով աշխատեր, բայց 20 օրվա ընթացքում ԱԱՀ վճարող համարվելու վերաբերյալ հայտարարություն չի հանձնվել, ավտոմատ կերպով դարձել է ԱԱՀ վճարող։ Հիմա ուզում եմ հասկանալ՝ ինչ-որ տարբերություն կա՞ ԱԱՀ վճարող համարվելու մեջ: Այդպես աշխատելու դեպքում ես շա՞տ եմ կորուստներ ունենում գումարային առումով։

Նիկա․

Բարև Ձեզ։Եթե Wildberries-ից կատարում ենք գնումներ, դա կարո՞ղ ենք ցույց տալ որպես ձեռբերում, բայց ոչ նվազեցում։ Եթե այո, ապա որտե՞ղ պետք է երևան այդ գնումները։

Արշակ․

Բարև ձեզ, խնդրում եմ օգնեք հասկանալ՝ ֆուրշետ ծառայությունը (հարսանեկան միջոցառումների ժամանակ ֆուրշետի սեղանի մթերքի և ծաղկային ձևավորումները) միկրոձեռնարկատիրություն կարո՞ղ է համարվել:

Նախապես շնորհակալ եմ արձագանքի համար։