Գանգատարկման հանձնաժողովին նամակ
Լիլիթ.
Բարև Ձեզ: Ներեցեք` ես ինչպե՞ս կարող եմ գանգատարկման հանձնաժողովին էլեկտրոնային նամակ ուղարկեմ:
Հաշմանդամ աշխատողի աշխատավարձի ձևակերպում
Անի.
Բարև Ձեզ: Ընդհանուր հարկման համակարգով աշխատող կազմակերպությունն ունի հաշմանդամ աշխատակիցներ, որոնց աշխատավարձի գումարը կազմել է 700 000 դրամ: Գիտեմ, որ հաշմանդամ աշխատակիցների աշխատավարձի և դրան հավասարեցված այլ վճարումների 150 տոկոսը ևս նվազեցման ենթակա է: Ինչպե՞ս ձևակերպել այդ 1 050 000 դրամը:
դտ 713 կտ 527 - 700 000
դտ 713 կտ ՞ 1 050 000
Հիվանդաթերթիկի հաշվարկ
Անուշ.
Բարև ձեզ: Աշխատակիցը միկրոձեռնարկատիրությամբ աշխատող ԱՁ-ում աշխատում է գործարքային պայմանագրով: 01.10.2021-05.10.2021-ը եղել է ժամանակավոր անաշխատունակության մեջ, ինչպե՞ս պեք է հաշվարկվի բյուլետենը:
Միջին ամսական աշխատավարձի հաշվարկ
Անուշ.
Բարև ձեզ, բանիմաց հաշվապաներ ջան։
Հիվանդության նպաստի դեպքում միջին ամսական աշխատավարձի համար ևս սահմանվու՞մ է նվազագույն շեմ` նվազագույն աշխատավարձի 50%-ի չափով։ Ես չեմ հաշվարկել 50%-ից ու իմ մոտ միջին ամսականը 42 969, իսկ նվազագույնի 50%-ի դեպքում 43 590 ու 621 դրամի չափով պակաս է հաշվարկվել և վճարվել:
Եվ անաշխ. թեթիկը նույնպես սխալ է լրացվել, այս դեպքում ես ի՞նչ կարող եմ անել։
Նպաստի արտացոլում հաշվետվության մեջ
Մելրնե.
Բարև ձեզ: Եթե հիվանդության նպաստի թերթիկի վրա տրման ամսաթիվը 01.11.2021 է, իսկ ժամանակահատվածը 14.10.2021-02.11.2021, այդ դեպքում ո՞ր ամսվա եկամտային հարկում պետք է ցույց տալ:
Կազմակերպությունը սնանկ է ճանաչվել
Աննա.
Ասացեք խնդրեմ` դեկրետային գումարը չեմ ստացել նախատեսած ժամանակին, մոտ մեկ տարի հետո կազմակերպությունը գնացել է սնանկության և ճանաչվել է սնանկ։ Լուծարված կազմակերպությունը չունի ո'չ սեփականություն, ո'չ հաշիվներ, որպեսզի սնանկության գործով կառավարիչը գումար հատկացնի։ Ի՞նչ տարբերակ կա այդ գումարը ստանալու:
Ներմուծման դեպքում հարկման բազայի որոշում
Անի.
Շրջանառության հարկի հաշվարկում ներմուծման դեպքում ի՞նչ սկզբունքով ենք որոշում հարկման բազան ԵՏՄ անդամ և 3-րդ երկրների դեպքում /մաքսային արժեք, պայմանագրային արժեք/: Խնդրում եմ տրամադրեք հղում հարկային օրենսգրքից։ Կանխավ շնորհակալ եմ։
Շրջանառության հարկի հաշվարկ
Անի.
Շրջանառության հարկի հաշվարկում արդյո՞ք վարձակալական վճարները և տոկոսագումարները ներառվում են իրացման շրջանառության մեջ։ Կանխավ շնորհակալ եմ պատասխանների համար։
Ապրանքի արտահանման դեպքում
Սաթեն.
Խնդրում եմ պատասխանեք` շտապ է։ Ռուսաստան ապրանքի արտահանման транзит. декл. կազմվել է 27/10/21, дата выпуска 28/10/21, CMR 27/10/21, իսկ ինվոյսի վրա մաքսայինի կլոր փոքր կնիքը 28/10/21-ով է: Արտահանման հայտար. լրացման և գործարքի արժեքի հաշվարկման համար ո՞ր ամսաթիվը հիմք վերցնեմ:
Որոշել արտադրանքի ինքնարժեքը
Լիլյա.
Ստորև բերված տվյալների հիման վրա որոշել և ձևակերպել իրացված արտադրանքի ինքնարժեքը, արտադրանքի վաճառքից ճանաչված հասույթ, հասույթի ճշտգրտում կապված իրացված արտադրանքի վերադարձման հետ, իրացված և վերադարձված արտադրանքին վերաբերող ԱԱՀ գումարները, արտադրանքի վաճառքի ֆինանսական արդյունքը: Կազմակերպությունը հաշվետու եռամսյակում առաքել է գնորդին 350 միավոր արտադրանք: Արտադրանքի միավորի ինքնարժեքը կազմել է 2 000դրամ, իսկ բացթողնման գինը առանց ԱԱՀ 3 000դրամ: Տարբեր հիմնավորված պատճառներով գնորդը հետ է վերադարձրել 50միավոր արտադրանքը:
Ծառայությունների մատուցման պայմանագրի հիմք
Անահիտ.
Բարև ձեզ: Խնդրում եմ օգնեք՝ վճարովի ծառայությունների մատուցման պայմանագրի կնքման հիմք ո՞ր իրավական ակտն է հանդիսանում:
Ոչ նյութական ակտիվի ամորտիզացիա
Կարինե.
Օգնեք հաշվարկել ոչ նյութական ակտիվի ամորտիզացիան օգտակար ծառայության բոլոր տարիների համար, ձևակերպել ակտիվի դուրսգրման, մուտքագրման, ամորտիզացիայի գործառնությունները: Ձեռք է բերվել արտոնագիր, որի արժեքը 760 000 է, ներառյալ` ԱԱՀ, գումարը վճարվել է հաշվարկային հաշվից, օգտակար ծառայությունը՝ 10տարի, ամորտիզացիան հաշվարկվել է գծային եղանակով, օգտակար ծառայության ժամկետի ավարտին արտոնագիրը դուրս է գրվել կազմակերպության հաշվեկշռից:
Անհատույց վարձակալություն
Իգոր․
Բարև։ Հարցս հետևյալն է՝ ՍՊԸ-ն կարո՞ղ է արդյոք իրեն պատկանող գույքը՝ տվյալ դեպքում բեռնատար ավտոմեքենան, անհատույց տրամադրել այլ անհատ ձեռնարկատիրոջ (ԱՁ): Ի՞նչ պարտավորություններ կարող են առաջանալ։
ԱՁ սոցիալական վճարներ
Նարինե.
Բարև Ձեզ: Ես Ա/Ձ եմ, աշխատում եմ ԱԱՀ դաշտում: Կասե՞ք` ինչ սոցիալական վճարներ ունեմ կատարելու: Շնորհակալություն:
ԱՁ-ն որպես ՍՊԸ հիմնադիր
Աննա․
Արդյո՞ք Ա/Ձ կարող է լինել նաև ՍՊԸ հիմնադիր, և եթե այո, այդ դեպքում ո՞ր հարկատեսակն է գործելու։
Ամանորյա ոչ աշխատանքային օրեր
Սոնա.
Բարև Ձեզ: Խնդրում եմ օգնեք գտնեմ 2022թ.-ի ամանորյա ոչ աշխատանքային օրերի մասին որոշումը։
2020թ. պարետի որոշում
Գայանե.
Բարև Ձեզ: Որ խնդրեմ կուղարկե՞ք` հավելված N 19 ՀՀ պարետի 2020 թվականի Մայիսի 3-ի N 63 որոշման օրնակի ձև:
Ա/Ձ մատուցելու է խորհրդատվական ծառայություններ
Գագիկ.
Բարև ձեզ, հարգելի հաշվապահներ:
Նոր բացված Ա/Ձ-ն մատուցելու է ֆինանսական խորհրդատվական ծառայություններ: Կխնդրեմ պատասխանել մի քանի հարցի.
1. Ա/Ձ հանդիսացող ֆիզ.անձը պիտի իրեն գրանցի՞ որպես աշխատող, թե՞ հենց Ա/Ձ հանդիսացող ֆիզ. անձը կարող է մատուցել այդ ծառայությունները:
2. Տվյալ ծառայությունների մատուցման դեպքում Ա/Ձ-ն կարո՞ղ է դիմում ներկայացնել հարկային և աշխատել միկրոձեռնարկատիրության դաշտում (տարեկան 24մլն-ը չի գերազանցելու), թե՞ շրջհարկով:
3. Եվ, ո՞ր դեպքում, ի՞նչ հաշվետվություններ են ներկայացվելու և ի՞նչ ամսական վճարումներ են կատարվելու:
Կանխավ շներհակալ եմ:
Արձակուրդայինի հաշվարկ
Մանե.
Բարև Ձեզ: Արձակուրդը հաշվարկելիս աշխատողի դրույքով ենք հաշվու՞մ, թե՞ կեղտոտ աշխատավարձով:
ՏՏ հավաստագիր
Մարինե.
Ողջույն բոլորին։ Ունեմ ԱՁ, ծրագրավորող եմ։ 3 ամիս է ինչ բացել եմ ԱՁ-ն, աշխատում եմ 5% շրջհարկով։ Դեռևս աշխատողներ չունեմ, հետագայում` հնարավոր է։
Հարցս հետևյալն է. արդյո՞ք արժե դիմել ՏՏ հավաստագրի համար։ Ի՞նչ առավելություն կտա իմ դեպքում։ Եվ, եթե ես կարողանամ աշխատել որպես միկրո, այդ դեպքում արժե՞ հավաստագրի համար դիմել։
Նշեմ, եթե այս ամիս չդիմեմ, այլեւս չեմ կարող:
Պարտադիր կուտակային վճարներ
Հայկ.
Բարև Ձեզ, հարգելի հաշվապահներ: Կասե՞ք` խնդրեմ, 2022թ. հունվարի 1-ից սկսած կուտակային վճարները հաշվարկվելու են աշխատավարձի բազայի նկատմամբ 4.5%, իսկ եկամտային հարկը 21%: Այլ փոփոխություններ նախատեսվա՞ծ են, թե՞ այսքանն է: Շնորհակալություն
Աշխատավարձի հաշվարկման կարգ
Սյուզի.
Հարցս աշխատավարձի հաշվարկման կարգին է վերաբերվում, խնդրում եմ օգնեք։ Եթե քոլեջում աշխատողի դրույքը կազմում է 1,02, իսկ ժամը 750դրամ է, ապա ինչպե՞ս եք հաշվում: Խնդրում եմ մանրամասն գրեք, եթե հնարավոր է։
Շնորհակալություն:
Չվճարվող արձակուրդի հրաման
Էմիլի.
Հարգելի հաշվապահներ, կարո՞ղ եք օգնել: Աշխատողը գնացել է իր հաշվին արձակուրդ, կասե՞ք` հրամանը օրենքի ո՞ր կետով կազմեմ:
Գույքագրում
Աննա.
Խնդրում եմ օգնեք ճիշտ գույքագրում անցկացնել: Ունենք հիմնական միջոցներ, որոնք ենթակա են դուրս գրման, օգտագործման համար ոչ պիտանի են: Ունենք մասնագիտական ակտ և եզրակացություն: Ինչպե՞ս կատարեմ խոտանում?
Կարո՞ղ է անձը համարվել միկրոձեռնարկատեր
Աննա.
Բարև ձեզ: Կասե՞ք` 19.7-րդ և 19.8-րդ հոդվածներով սահմանված գործունեության տեսակների համար, որը վճարում է պետական տուրք, կարո՞ղ է անձը գրանցվել ԱՁ միկրոյի համակարգում:
Հղիության բյուլետեն արձակուրդի ընթացքում
Լաուրա.
Բարև Ձեզ, հարգելի հաշվապահներ, աշխատակիցը գտնվում է արձակուրդի մեջ, նաև ներկայացրել է հղիության բյուլետեն։ Կարո՞ղ եմ հղիության և ծննդաբերության արձակուրդ ձևակերպել։
Շարունակելի բյուլետեն
Անուշ.
Բարև ձեզ: ԱՁ-ն աշխատում է միկրոձեռնարկատիրությամբ, աշխատակիցը վիրահատվել է, ունի ժամանակավոր անաշխատունակության թերթիկ. 01.10.2021-05.10.2021: Աշխատանքի ներկայանալու հատվածում գրված է շարունակելի: Ինչպե՞ս հաշվարկել:
Խոտանի ճանաչում
Անուշ.
Բարև ձեզ: Կազմակերպությունը ներկրել է սալիկ, որի համար վճարել է ԱԱՀ: Սալիկները պահեստում կոտրվել են, կարո՞ղ է խոտան ճանաչել, և ի՞նչ ընթացակարգով է իրականացնելու:
Աշխատանքային պայմանագիր
Սյուզի.
Բարև ձեզ: Կասե՞ք, խնդրում եմ, եթե աշխատող ընդունելիս թղթային պայմանագիր չլինի, հարկայինի ստուգման ժամանակ ի՞նչ խնդրի առաջ կկանգնենք:
Հարկային դաշտի ընտրություն
Անի.
Բարև Ձեզ: ԱՁ-ն մատուցելու է հորատման ծառայություններ (буровые услуги)` տարբեր տեղանքներում իր սարքավորումները տանելով։ Այս գործունեությունը ոնց հասկանում եմ պետք է աշխատի շրջանառության հարկի համակարգում, եթե սխալվում եմ` ուղղեք օրենքի հղմամբ:
Կանխավճարի արտացոլում հաշվետվության մեջ
Հրանուշ.
Բարև Ձեզ, հարգելի հաշվապահներ։ Մի էսպիսի հարց. եթե ոչ ռեզիդենտ ֆիզ. անձին կանխավճարային հաշվով գումար է փոխանցվել` հոկտեմբեր ամսում՝ ծառայությունների մատուցման նպատակով, ապա տվյալ դեպքում այն ներառվու՞մ է հոկտեմբեր ամսվա եկամտային հարկի հաշվետվության մեջ: Եթե այո, ապա ո՞ր դրույքաչափով կհարկվի։
Արդյո՞ք պետք է դադարեցնել Ա/Ձ գործունեությունը
Անուշ.
Բարև Ձեզ: Հարցս հետևյալն է. ես գրանցված աշխատող եմ, ինչպես նաև դրանից բացի ունեմ իմ անունով գրանցված ԱՁ: Մի քանի օրից գնալու եմ ֆիզարձակուրդ, որպեսզի ստանամ ֆիզարձակուրդի վճարը պետք է ԱՁ-իս գործունեությունը դադարեցնե՞մ:
Ինչպե՞ս գրել դրամաշնորհ
Գարիկ.
Բարև ձեզ: Ո՞վ կարող է ինձ օգնել բացատրել, թե ինչպե՞ս և ո՞նց կարող եմ ես գրել դրամաշնորհ, միտքը ես ունեմ, գաղափար ես ունեմ, բայց չգիտեմ որտեղ պետք է ես դա գրեմ ու ոնց:
ԱՏԳ ԱԱ ծածկագրեր
Հասմիկ.
Բարև Ձեզ: Ես կցանկանայի իմանալ ներմուծվող հագուստների մի ստվար մասի ԱՏԳԱԱ ծածկագրերը:
Մայրության նպաստի վճարման ժամանակահատված
Լուսինե.
Բարև ձեզ։ Սեպտեմբերի 30-ից գտնվում եմ ֆիզարձակուրդում, անաշխատունակության թերթիկը ներկայացրել եմ աշխատավայր, բայց դեռ չեմ վճարվել։ Ցանկանում եմ իմանալ` արդյո՞ք գոյություն ունի ժամանակ, որի ընթացքում պետք է ստանամ նպաստը։ Եվ եթե մասնավոր հիմնարկ է, հնարավո՞ր է, որ չվճարեն։ Գրանցված աշխատող եմ։
Սնանկության կառավարչի աշխատավարձ
Կարինե.
Բարի օր բոլորին: Խնդրում եմ օգնել հետևյալ հարցով. կազմակերպությունն ունի սնանկ կարգավիճակ, սնանկության կառավարչի աշխատավարձը օրենսդրությամբ սահմանված հարկերով հարկվու՞մ է:
#գործկա Բրենդ Լիդեր ընկերությունում
Ընկերություն՝ Բրենդ Լիդեր
Հասցե՝ Ներքին Շենգավիթ 11 փ., 1-ին շինություն
Հեռախոս՝ 099846777
Էլ․ փոստ՝ hr շնիկ brandleader.am
Թափուր աշխատատեղ՝ Ավագ հաշվապահ
Աշխատանքի նկարագրություն՝
– Հաշվապահական հաշվառման փաստաթղթավորում ու հաշվապահական հաշվառման ծրագրում գործարքների գրանցում
– Հարկային, վիճակագրական և ՀՀ օրենսդրությամբ պահանջվող հաշվետվությունների կազմում
– Բանկային գործառնությունների իրականացում և վերահսկում
– Ակտիվների և պարտավորությունների գույքագրման վերահսկում
– Ներմուծման գործարքների հաշվառում (ԵԱՏՄ և 3-րդ երկրներ)
– Ապրանքանյութական պաշարների ինքնարժեքի ձևավորում
– Հաշվապահական հաշվեկշռի ստուգում ամփոփում
– Ժամկետանց ապրանքի դուրս գրման փաստաթղթերի կազմում
– Բանկերին տրվող ֆինանսական հաշվետվությունների կազմում
– Հարկային ոլորտին առնչվող իրավական ակտերի փոփոխությունների, նախագծերի ուսումնասիրում
Պահանջներ՝
– 1C 8.3 ծրագրի գերազանց իմացություն
– E-invocing, Vero համակարգչային հավելվածների գերազանց տիրապետում
– Word, Excell ծրագրերի իմացություն
– Ուշադրություն, կենտրոնացում
– Պատասխանատվության բարձր զգացում
– Սթրեսակայունություն
– Արագ և լարված ռիթմով աշխատելու ունակություն
– Առնվազն երկու տարվա համապատասխան աշխատանքային փորձը պարտադիր է
Այլ նշումներ՝ Դիմելու համար անհրաժեշտ է ուղարկել ինքնակենսագրականը hr շնիկ brandleader.am էլ. փոստի հասցեին՝ «Թեմա» դաշտում նշելով հաստիքի անվանումը
Արձակուրդ փորձաշրջանի ընթացքում
Լիլիթ.
Բարև Ձեզ: Աշխատողը գտնվում է երեք ամիս փորձաշրջանում: Փորձաշրջանից անցել է երկու ամիս: Կարո՞ղ է գնալ մեկ ամիս չվճարվող արձակուրդ: Եթե կարող է, ապա կերկարի մեկ ամիս փորձաշրջանը, թե՞ չէ:
Մեքենայի գույքահարկ
Բարև Ձեզ: Օնլայն տարբերակով ինչպե՞ս իմանալ մեքենայի գույքահարկի չափը և վճարել:
Մայրության նպաստի հաշվարկ
Սոնա.
Բարև ձեզ։
Երբ անձը գնում է ֆիզարձակուրդ, ինչպե՞ս է հաշվարկվում ֆիզարձակուրդի վճարը, եթե աշխատակիցը ֆիզարձակուրդին նախորդող 12 ամիսների ընթացքում որևիցե ամսվա մեջ ունեցել է մի քանի օր բյուլետեն կամ մի քանի օր վճարվող արձակուրդ։
Շնորհակալություն:
#գործկա Բրենդ Լիդեր ընկերությունում
Ընկերություն՝ Բրենդ Լիդեր
Հասցե՝ Ներքին Շենգավիթ 11 փ., 1-ին շինություն
Հեռախոս՝ 099846777
Էլ․ փոստ՝ hr շնիկ brandleader.am
Թափուր աշխատատեղ՝ Կադրային գործի հաշվապահ
Աշխատանքի նկարագրություն՝
– Փաստաթղթերի կազմում
– Կադրերի հաշվառում
– Աշխատավարձերի հաշվարկ
– Եկամտային հարկի ամփոփ հաշվարկի կազմում
Պահանջներ՝
– Բարձրագույն կրթություն՝ հաշվապահի/ֆինանսիստի/տնտեսագետի մասնագիտությամբ
– Առնվազն 2 տարվա կադրային հաշվապահի աշխատանքային փորձ
– 1C, Word, Excel ծրագրերի գերազանց իմացություն
– Հարկային օրենսդրության և հաշվապահական հաշվառումը կանոնակարգող օրենսդրության իմացություն
– Պատասխանատու և պարտաճանաչ մոտեցում աշխատանքին, վերջնաժամկետների պահպանում
– Հաղորդակցման ունակություններ
– Թիմում աշխատելու ունակություն
Այլ նշումներ՝ Աշխատանքային գրաֆիկը՝ 6-օրյա, աշխ. ժամերը՝ 09:00-18:00: Դիմելու համար անհրաժեշտ է ուղարկել լուսանկարով ինքնակենսագրականը hr շնիկ brandleader.am էլ. փոստի հասցեին՝ «Թեմա» դաշտում նշելով հաստիքի անվանումը:
Տալ հաշվապահական ձևակերպումներ
Սեդա.
Բարև Ձեզ: Ընկերությունը Երևանի քաղաքապետարանին վճարել է հողի կադաստրային արժեքը այն սեփականացնելու համար: Խնդրում եմ ինձ ասեք` ի՞նչ ձևակերպում տամ և այդ վճարումը ծախս ճանաչեմ, թե՞ ոչ:
Չվճարվող արձակուրդ
Մարինե.
Բարև Ձեզ: Եթե հիմնական աշխատողի երեխայի խնամքի համար տրամադրվող արձակուրդի ժամկետը լրանում է 2021թ. դեկտեմբերի 18-ին, բայց ինքը արձակուրդից հետո անմիջապես ցանկանում է գնալ մեկ ամիս արձակուրդ իր հաշվն: Աշխատողին հասնու՞մ է 1 ամիս նպատակային չվճարվող արձակուրդ անմիջապես երեխայի խնամքի արձակուրդից հետո` 2021թ. դեկտեմբերի 18-ից սկսած:
Վերջնահաշվարկ
Գրիգոր.
Բարև ձեզ: Կասեք` եթե անձը ընդունվել է աշխատանքի 01.06.21թ.-ին և դուրս է եկել 01.11.21-ին, արդյո՞ք պետք է ստանա վերջնահաշվարկ:
Համակցված կերեր վաճառելու համար
Լուսինե.
Բարև ձեզ, հարգելի հաշվապահներ: ԱՁ-ն, որը բանջարեղենի խանութ է, տեղափոխում է հասցեն և պետք է վաճառի համակցված կերեր: Ինչպե՞ս է դա արվում: Կանխավ շնորհակալություն:
Գոռ Հովհաննիսյան
Անուն, Ազգանուն` Գոռ Հովհաննիսյան
Էլ. փոստ` hovhannisyangor01 շնիկ gmail.com
Հեռախոս` +37477631113
Պաշտոն` Հաշվապահ, հաշվետար
Բովանդակություն` Փնտրում եմ հաշվետարի աշխատանք տնից աշխատելու համար՝ երեկոյան ժամերին։ Ունեմ 2 տարվա աշխատանքային փորձ։ Վարձատրության չափը կախված աշխատանքի ծավալներից։ Հարցերի դեպքում զանգահարեք:
Հաստիքի կրճատում
Աննա.
Բարև ձեզ: Գտնվում եմ մինչև 3 տարեկան երեխայի խնամքի արձակուրդում, լրանում է 03.12.21-ին: Կարո՞ղ եմ այդ օրն էլ ազատման դիմում գրել:
Նաև այսպիսի մի հարց. նույն դեպքում, եթե հաստիքի կրճատման համար ազատում են աշխատանքից, սակայն չեն ծանուցում, արդյո՞ք ինձ փոխհատուցում հասնում է:
Եկամտային հարկի գերավճար
Մանե.
Բարև Ձեզ: Որտե՞ղ կարող եմ տեսնել եկամտային հարկի համար ունեմ գերավճար, թե՞ ոչ։
Հարկում պարգևավճարից
Լևան.
Կասեք` պարգևավճարից եկամտային հարկ հաշվու՞մ են:
Վերջին մեկնաբանություններ