Կայք հաշվապահների համար և ոչ միայն…
Ժաննա․
Բարև ձեզ, հարգելի հաշվապահներ, խնդրում եմ օգնեք հետևյալ հարցում։ Կազմակերպությունը դուրս է գրել թանկարժեք սարքավորում անսարք լինելու պատճառով՝ 57 մլն դրամի, արդյո՞ք դուրս գրման ծախսը (57 մլն դրամը) նվազեցվում է շահութահարկից։ Շնորհակալություն։
Արմինե․
Բարև Ձեզ, հարգելի ոլորտի մասնագետներ, խնդրում եմ օգնել հետևյալ հարցում. եթե աշխատանքային պայմանագիրը գործատուն կարող է լուծել 113-րդ հոդվածի 1-ին մասի 2-րդ կետի և 113-րդ հոդվածի 2-րդ մասի նախատեսված հիմքերով, եթե իր մոտ առկա հնարավորությունների սահմաններում աշխատողին առաջարկել է նրա մասնագիտական պատրաստվածությանը, որակավորմանը, առողջական վիճակին համապատասխան այլ աշխատանք, իսկ աշխատողը հրաժարվել է առաջարկված աշխատանքից: Գործատուի մոտ համապատասխան հնարավորությունների բացակայության դեպքում պայմանագիրը լուծվում է առանց աշխատողին այլ աշխատանք առաջարկելու, ապա՝ տվյալ պարագայում կրկին ծանուցու՞մ է 2 ամիս առաջ և վճարելու՞ է աշխատավարձ: Նախապես շնորհակալություն։
Քնարիկ․
Բարև ձեզ։ Հարցս վերաբերում է շինարարության արտադրության։ Հնարավո՞ր է նյութական արժեքների կոմպլեկտավորումից ստանալ ՀՄ, եթե այո, ինչպիսի՞ հաշվապահական ձևակերպում պետք է տալ։ Նախապես շնորհակալություն։
Նարինե․
Ես գրաֆիկ դիզայներ եմ։ Աշխատում եմ ազատ գրաֆիկով։ Տարվա մեջ կարող եմ ունենալ մի քանի պատվեր։ Ամիսներ է լինում, որ չեմ աշխատում։ Միջին աշխատավարձը կազմում է 20 000 – 30 000 դրամ։ Հարկային ի՞նչ դաշտ գոյություն ունի ԱՁ բացելու և հարկեր վճարելու՝ ժամավճարի տեսքով։ Եվ միջին աշխատավարձի չափի բարձրացումը հարկային ի՞նչ պարտավորություններ է ստեղծում։
Գրիշա․
Բարև Ձեզ։ Արդյո՞ք մարզում գործունեություն իրականացնող ՍՊԸ-ն,որը զբաղվում է ինտերնետ պրովայդինգով (ինտերնետ մատակարար), և որի տարեկան շրջանառությունը չի գերազանցում 24 մլն դրամը, կարող է համարվել միկրոբիզնես։
Աննա․
Բարև Ձեզ։ Կազմակերպությունն իրականացնում է մանրածախ վաճառք և աշխատում է ընհանուր հարկման դաշտում՝ ԱԱՀ վճարող է, վաճառքներ է իրականացնում նաև Wildberries հարթակով: Խնդրում եմ կասե՞ք ինչպես ցույց տալ Wildberries-ով կատարված վաճառքները: Կանխավ շնորհակալություն:
Hapet.
Համաձայն 12 հունիս 2024թ “Հարկային օրենսգրում փոփոխություններ կատարելու մասին” ՀՀ օրենքի 15-րդ հոդվածի 2-րդ կետի, ավտոմեքենաների տեխնիկական սպասարկման և նորոգման գործունեությունը չի կարող համարվել միկրոձեռնարկատիրության սուբյեկտ: Արդյո՞ք ավտոմեքենաների ինքնուրույն լվացման կետերը (լվա ինքդ), որտեղ ավտոմեքենաները լվացվում են ոչ հարկ վճարողի կողմից, ներառվում են “Ավտոմեքենաների տեխնիկական սպասարկում և նորոգում” տնտեսական գործունեության դասակարգման G 45.2 խմբի մեջ, մասնավորապես G 45.20.4 ՝ Ավտոմեքենաների լվացում, փայլեցում, ներկում և այլ համանման ծառայություններ, ենթախմբի մեջ: Հարկ եմ համարում նշել, որ ավտոմեքենաների ինքնուրույն լվացման կետերում ինքնուրույն լվացվում են նաև այլ իրեր և առարկաներ (գորգեր, կենցաղային իրեր, հեծանիվներ և այլն), որոց մասով կարող է կիրառվել նաև տնտեսական գործունեության այլ դասակարգիչ:
Արման․
Հարգելի գործընկերներ, արդյո՞ք միջին և խոշոր կազմակերպություններում որպես գլխավոր հաշվապահ ընդունվելու դեպքում գլխավոր հաշվապահի որակավորում ստանալու պահանջն ընդունվել է և գործում է, ո՞վ է տեղյակ։
Նելլի․
Բարև Ձեզ, հարգելի հաշվապահներ, խնդրում եմ կասե՞ք՝ հացի արտադրությունը Երևան քաղաքում կարո՞ղ է 2025 թվականին միկրոձեռնարկատիրության սուբյեկտ համարվել։
Գևորգ․
Բարև ձեզ: Շնորհակալ կլինեմ արձագանքելու համար: Ի՞նչ հաշվետվություն պետք է ներկայացնի 2024 թվականին միկրո համարված ԱՁ-ն, որը 2025-ին կրկին աշխատելու է որպես միկրոձեռնարկատիրություն: Կխնդրեմ գրել բոլոր հաշվետվությունները թվերով, և արդյո՞ք եկամուտներ հայտարարագիր պետք ներկայացվի ևս։ Շնորհակալ եմ նախապես։
Հեղինե․
Բարև ձեզ: Խնդրում եմ պատասխանեք: ՏՏ ոլորտում գործող կազմակերպությունների աշխատակիցների համար 2025 թվականից եկամտային հարկը որքա՞ն է վճարվելու (որքան հասկանում եմ, նոր ընդունված և հին աշխատողների համար տարբեր են, ինչպես նաև ՀՀ-ում կացության կարգավիճակ չունեցող քաղաքացիների համար):
Հասմիկ․
Բարձև ձեզ։ ԱՁ 2023թ. աշխատել է ընդհանուր հարկման դաշտում, սակայն 2024թ․ նորից աշխատել է շրջանառության հարկով, հարցս հետևյալն է՝ պե՞տք է արդյոք շահութահարկի հաշվետվությունը ներկայացնելիս միայն ներկայացնեմ 107 -րդ տողը, թե՞ բաժին 8-ի 2023 թվականի մնացորդները նույնպես։
Mariana.
Կազմակերպությունն աշխատում է 2 ոչ ռեզիդենտ կազմակերպությունների համար որպես գործակալ, ստանում է ՌԴ ընկերությունից բեռնափոխադրման հաշիվ և պատվիրում այլ եվրոպական ընկերությունների լոգիստիկ ծառայությունը իրականացնել (բեռ հասցնել A կետից B կետ)։ Արդյո՞ք անհրաժեշտ է բոլոր ստացված, բայց հարկման ոչ ենթակա հաշիվները ներառել ԱԱՀ հաշվետվության մեջ և կոմիսիայի գումարի չափն էլ ներառել 0-ական դրույքաչափի տողում, թե՞ ուղղակի հանձնել շահութահարկի հաշվարկը։
Գոռ․
Բարև ձեզ։ Կազմակերպությունը, որն աշխատում է ԱԱՀ-ով, մատուցում է հյուրանոցային ծառայություն։ Երբ սեփականատերը օգտվում է ծառայություններից, հնարավո՞ր է տրամադրել 100% զեղչ։
Անահիտ․
Բարև Ձեզ։ Հարգելիներս, կարո՞ղ եք ինձ ասել․ ես կարի անող եմ՝ շորեր եմ ձևում, կարում երբեմն մանկապարտեզների համար, մի քանի շոր եմ կարում և դրա համար հաշիվ վավերագիր եմ ուղարկում։ Նախկինում աշխատել եմ միկրոձեռնարկությունով։ Հունվարից նորից կարո՞ղ եմ աշխատել միկրոձեռնարկությունով։
Էդուարդ․
Բարև ձեզ, հարգելի մասնագետներ։ ՍՊԸ-ն աշխատում է միկրոձեռնարկատիրության հարկային դաշտում, բայց զբաղվում է նաև ոչ կանոնավոր ուղևորափոխադրմամբ Հայաստանի սահմաններում, անհատույց տրամադրված ավտոմոբիլներով՝ կազմակերպում ենք էքսկուրսիաներ, շրջագայություններ, պատվերով ուղևորափոխադրումներ։ Հիմա ունեմ մի քանի հարց․
1․ արդյո՞ք պետք է տեղափոխվել շրջհարկի դաշտ, թե՞ կարելի է նաև միկրոյով ստանալ 19,7 հոդվածով սահմանաված արտոնագիրը։
2․ հաշվետվություններում արտոնագրի մեջ նշված է “մարդատար տաքսի ավտոմոբիլով ուղևորափոխադրում”, եթե արտոնագիրը ստանանք, հնարավո՞ր է հետագայում տաքսի ծառայություն մատուցելու հետ կապված հարկային պարտավորություններ, լիցենզիայի պահանջ և այլն առաջանան։
Արփինե․
Ողջույն, սիրելի հաշվապահներ։ Մարզում գործող ԱՁ-ն իրականացնում է հացի, հացաբուլկեղենի արտադրություն և վաճառում տեղում, սակայն ունի նաև սառնարաններ և վաճառում է զովացուցիչ ըմպելիքներ։ Ճիշտ եմ չէ՞ հասկացել, որ 2025-ից անցնելու է շրջհարկի դաշտ, քանի որ արտադրությանը զուգահեռ կա առք ու վաճառքի գործունեություն, և չի կարող աշխատել միկրոհամակարգում: Կարող է մնալ միկրոհամակարգում միայն այն դեպքում, եթե վաճառի միայն իր արտադրությունը:
Անուշ․
Բարև ձեզ, կասե՞ք՝ եթե աշխատավարձի փոփոխություն է լինում կամ պաշտոնի, այդ դեպքում ինչպե՞ս է ճիշտ վարվել, ծանուցել, հրաման տալ պե՞տք է, եթե աշխատավարձ է մենակ փոխվել, թե՞ լրացուցիչ համաձայնագիրը բավական է։
Էդգար․
Բարև Ձեզ, հարցս հետևյալն է՝ արդյո՞ք շրջանառության հարկով հարկվող և առևտրային գործունեությամբ զբաղվող ԱՁ-ները ներմուծման մասով ձեռքբերումները համաձայն ՀՕ 258 հոդվածի չի կարող համարել որպես ծախս հիմնավորող փաստաթուղթ: Կանխավ շնորհակալություն:
Հայկ․
Հարգելի հաշվապահներ, եթե ՌԴ-ի քաղաքացին ՀՀ-ում կացության քարտ ունի, արդյո՞ք 2025-ի համար հայտարարագիր պետք է ներկայացնի, եթե բանկային քարտին գումար է փոխանցվել։
Գոռ․
Բարև Ձեզ։ Կասե՞ք՝ մարզում քարի արտադրամասը համարվու՞մ է միկրոձեռնարկատիդություն։ Տնտեսական դասակարգիչը C23612։
Մերի․
Բարև Ձեզ։ Ծաղկի սրահը եթե շուկայից է գնում ծաղիկը, պետք է միակողմանի գնման ակտ կազմի, իսկ հարկվելու՞ է 20 տոկոս, թե՞ գյուղատնտեսական արտադրանք է համարվում։
Մարիամ․
Բարև ձեզ։ Ֆլիլանս թարգմանչական կամ լեզվաբանական ծառայությունների ժամավճարով աշխատանքը արտասահմանյան ընկերության հետ ենթակա՞ է հայտարարագրման։ Նույն հարցը նաև հարկման մասին շրջանառության հարկի վերաբերյալ փոփոխությունների համատեքստում։
Արփինե․
Բարև Ձեզ։ Հանրային սնունդը աշխատում է շրջհարկով, արդյոք կարո՞ղ է աշխատողների աշխատավարձը (գրանցված աշխատավարձը) նվազեցնել 3%-ով, եթե այո, ապա հաշվարկեմ նաև սոց․ վճարը, եկամտահարկն ու բանակի գումարը ներառյալ։ Խնդրում եմ նշել օրենքի հղում։
Արմինե․
Բարև Ձեզ։ Շնորհակալ կլինեմ, եթե հուշեք, թե արդյո՞ք բնակարանի վաճառքի գումարը հարկման ենթակա է։
Ալվինա․
Ողջույն, ըստ 2025 թվականի հունվարի 1-ից ընդունված փոփուխությունների, մի շարք միկրոձեռնարկատիրություններ միկրոձեռնարկատիրության համակարգից դուրս են եկել, սակայն մի փոքր չեմ հասկանում, արդյո՞ք N81.10.0 դասակարգչով գրանցված Ա/Ձ-ն մտնում է այդ ցանկի մեջ, թե՞ ոչ:
Արտյոմ․
Բարև, հարգելի հաշվապահներ: Հարցը հետևյալն է. տնօրենը առանց տեղյակ պահելու բանկային հաշվից մեծ գումար է կանխիկացրել դեկտեմբերին և այդ մասին տեղեկացրել է հաշվապահին հունվար ամսին՝ ներկայացնելով բանկի քաղվածքը: Խնդրում եմ ասեք՝ ինչպե՞ս լրացնել էլ. դրամարկղային գիրքը, ո՞ր ամսաթվով: Հասկանում եմ, որ խախտվել են բոլոր հնարավոր ժամկետները և սահմանափակումները: Կանխավ շնորհակալ եմ:
Սերգեյ․
Բարև Ձեզ։ Ես ծրագրավորող եմ և ունեմ ԱՁ։ Աշխատում եմ մի քան ընկերությունների հետ։ Եթե տարեկան շրջանառությունը անցնի 50 միլիոն դրամ կամ մինչև 50 միլիոն, ապա 2 ղեպքում էլ ինչքա՞ն եմ հարկ վճարելու՝ վերջին օրենքի փոփոխությունները հաշվի առնելով։ Կանխավ շնորհակալություն։
Ընկերություն՝ «ՊԵՆՈՏԵՔՍ» ՍՊԸ
Հասցե՝ ք․ Երևան, Թևոսյան 115/14
Հեռախոս՝ +37443200106
Էլ․ փոստ՝ hr@penotex.am
Թափուր աշխատատեղ՝ Ավագ հաշվապահ
Աշխատանքի նկարագրություն՝ Եթե ունեք գերազանց շփման հմտություններ, նախաձեռնող եք, պատասխանատու, նախընտրում եք ակտիվ և դինամիկ աշխատանքային առօրյա, ապա «Պենոտեքս» ընկերությունը փնտրում է հենց Ձեզ․
Պարտականություններ՝
Պահանջներ՝
Այլ նշումներ՝
Կարեն․
Բարև Ձեզ, ընկերությունը աշխատակիցներ է տրամադրում ԱՄՆ գրանցված ընկերությունների տարբեր ոլորտներում։ Օրինակ՝ իրավաբանի օգնական իրավաբանական գրասենյակում։ Իրենց դուրս է գրելու հաշիվներ և վարձատրելու է աշխատակիցներին ՀՀ-ում։ Ո՞ր հարկատեսակով է առավել ձեռնտու աշխատել։
Արտյոմ․
Բարև Ձեզ”
Ես 15.07.2022 թ-ից մինչև 15.12.24թ գտնվել եմ հարկադիր պարապուրդում։ Վերականգնվել եմ 16.12.2024 թ.- ին և իմ դիմումի համաձայն դուրս եմ եկել աշխատանքից 24.12.24թ։ Ուզում եմ իմանալ՝ վերջնահաշվարկի համար հարկադիր պարապուրդի ամբողջ ժամանակահատվածը հաշվարկվու՞մ է որպես չօգտագործված արձակուրդային օր և պե՞տք է այդ ժամանակահատվածի համար տրամադրվի վերջնահաշվարկ։
Մերի․
Բարև ձեզ, կարո՞ղ եք ասել՝ 2025 թվականից որքա՞ն է դառնում ՏՏ ֆրիլանսի դրույքաչափը ԱՁ շրջանառության դեպքում, շփոթմունք է առաջանում, տարբեր կարծիքներ են ասում, դա 1% Է, եթե համապատասխանի ցանկին, իսկ եթե չի համապատասխանում, ուրեմն 10% պետք է վճարենք, թե՞ 5%։ Շնորհակալություն։
Սուրեն․
Բարև ձեզ, ի՞նչ է նշանակում հաշվարկման բազա Ա/Ձ միկրոձեռնարկատիրության դրոշմանիշային վճարի համար, դա եկամու՞տն է, թե՞ ամբողջ շրջանառությունը։ Օրինակ, ես կահույք եմ պատրաստում, որն արժի 450 000 դրամ, ինձ հաճախորդը վճարում է այդքան, բայց իմ եկամուտը 100 000 դրամ է, ես օնլայն ներկայացրել եմ հաշիվ վավերագիր 450 000 դրամ, հիմա դրոշմանիշային վճարը ինչպե՞ս պետք է հաշվեն, ո՞րն է հաշվարկման բազան, խնդրում եմ բացատրեք՝ միգուցե ես պետք է իմ եկամուտը ներկայացնեմ միայն։
Աննա․
Բարև ձեզ, անշարժ գույքի գործակալությունը կարո՞ղ է շրջ. հարկի դաշտում աշխատել։
Ընկերություն՝ Tax Law LLC
Հասցե՝ ք. Երևան, Աբովյան 31 տարածք 20:
Հեռախոս՝ +374(93)-54-56-27
Էլ․ փոստ՝ taxlawllc@mail.ru
Թափուր աշխատատեղ՝ Հաշվապահ
Աշխատանքի նկարագրություն՝ Հաշվապահական կազմակերպությանն անհրաժեշտ է հաշվապահ։
Պահանջներ՝ Գործարքների հաշվապահական ձևակերպում ՀԾ ծրագրով և հարկային հաշվետվությունների կազմում։
Անհրաժեշտ որակավորում՝ Բարձրագույն կրթություն, ցանկալի է տնտեսագիտական կամ մաթեմատիկական։
Պահանջվող փորձ՝ առնվազն 2 տարի։
Աշխատավարձ՝ Սկսած 300.000 դրամից
Այլ նշումներ՝ Ինքնակենսագրականը ուղարկել taxlawllc@mail.ru հասցեին:
Անահիտ․
392-Ն որոշմամբ՝ ֆիզ. անձից ձեռքբերման դեպքում պիտի հաշիվ դուրս գրվի, որում պիտի լրացվի ֆիզ. անձի տվյալները։ Եթե կազմակերպությունը գյուղմթերք է ձեռքբերում շուկայից միակողմանի գնման ակտով և ոչ թե կոնկրետ մեկ ֆիզ. անձից, 2025թ.-ի հունվարի 1-ից արդյո՞ք էլեկտրոնային հաշիվ պետք է գրվի, թե՞ թղթային տարբերակով միակողմանի գնման ակտ։
Արփինե․
Բարև Ձեզ։ ՍՊԸ-ն 2011 թվականից համարվել է շրջանառության հարկ վճարող ընկերություն, սակայն 2023 թվականի դեկտեմբերի կեսերին գերազանցել է 115 միլիոն շեմը, հետևաբար ներկայացվել է 262 հայտարարությունը՝ հանրային սննդի ոլորտում գործունեություն իրականացնոլու համար շրջանառության հարկ վճարող համարվելու վերաբերյալ։ 2024 թ-ի դեկտեմբերի կեսերին կրկին գերազանցում եղավ, սակայն համակարգը թույլ չի տալիս ուղարկել այդ նույն հայտարարությունը՝ նշելով, որ չենք համարվում շրջանառության հարկ վճարող։ Խնդրում եմ օգնեք հասկանամ՝ ինչու՞մն է խնդիրը, և ինչպե՞ս կարգավորեմ այս հարցը, որ շարունակենք համարվել շրջանառության հարկ վճարող։
Գարեգին․
Բարի երեկո։ Կխնդրեի պարզաբանել՝ ավտոտեխսպասարկումը (ԱՁ-ով, շրջանառությունը մոտ 1,5 մլն դրամ տարեկան), կարո՞ղ է մնալ միկրոձեռնարկատիրության մեջ, թե՞ պետք է պարտադիր տեղափոխվի շրջհարկով հարկման դաշտ։ Նախապես շնորհակալություն։
Հրանտ․
Բարև Ձեզ։ Շրջանառության հարկով հարկման օբյեկտ համարվող գործարքներից է հանդիսանում արտադրական գործունեությունը։ Ինչպե՞ս հասկանալ՝ ո՞րն է արտադրական գործունեությունը։ ՀԷԿ-ի կողմից արտադրված էլեկտրաէներգիան դա արտադրակա՞ն գործունեության արդյունք է, թե՞ ոչ։ Ինչպե՞ս կիրառել “արտադրական գործունեություն” տարբերակումը։ Շնորհակալ եմ։
Նարե․
Բարև Ձեզ։ Հարգելի հաշվապահներ, եթե շրջհարկով աշխատող կազմակերպությունը հավելված է ներբեռնում իր սարքավորումների մեջ, հավելվածի տելեգրամյան ալիքով կատարում է վճարում և հավելվածից ստանում որոշակի ծառայություն, արդյո՞ք դա համարվում է շուկայից ձեռք բերում, քանի որ ծախսը հիմնավորող փաստաթուղթ չկա։
Արման․
Հարգելի գործընկերներ, շրջանառության հարկ վճարողները 2025թ․ հունվարի 1-ից որպես հարկային գործակալ պետք է վճարեն 20% եկամտային հարկ առանց փաստաթղթերի` շուկայից ձեռքբերումների համար։ Հարցս հետևյալն է՝ ինչպե՞ս են հիմնավորվելու այն, որ տվյալ ձեռքբերումը կատարվել է մինչև 2025թ․ հունվարի 1-ը։ Երևի անհրաժեշտ է գույքագրում իրականացնե՞լ։ Իսկ անհրաժեշտություն կա՞ ինչ-որ տվյալներ ներկայացնել ՊԵԿ։ Շնորհակալություն նախապես։
Բարև ձեզ, 14 տարեկան անչափաս անձին հանրային սննդի ոլորտում կարո՞ղ ենք վերցնել աշխատանքի, և ի՞նչ պայմանագիր է անհրաժեշտ կազմել 14 տարեկանի ծնողների հետ։ Եթե դժվար չէ՝ խնդրում եմ, իմացողներ ջան, գրեք։ Կանխավ ՝ շնորհակալ եմ։
Վահե․
Բարև Ձեզ։ ԱՁ-ն բացվել է 01.01.2024-ին (Գործունեության ոլորտ – 62.01.0) : 17.05.2024-ին ուղարկվել է (207. Հայտարարություն` հարկ վճարողի գործունեությունը որևէ օրվանից անորոշ կամ որոշակի ժամկետով դադարեցնելու և գործունեությունը վերսկսելու մասին) դիմում, որի համաձայն, անորոշ ժամանակով դադարեցվել է գործունեությունը: 1-ին և 2-րդ եռամսյակների (232 Շրջանառության հարկի) – հաշվետվությունները տրված են:
Հարց 1. Կհուշե՞ք տարեկան հաշվետվության որ ձևը կամ ձևերը պետք է լրացնեմ հիմա (ի՞նչ լրացնեմ, երբևիցե չեմ արել)
Հարց 2. Եթե կա ակնկալիք, 2025-ի ընթացում վերսկսել գործունեությունը, Շրջհարկով հարկվելու մասին դիմում պետք է հիմա՞ լրացնեմ (անկախ նրանից, որ ԱՁ-ն կասեցված է տվյալ պահին) , թե՞ ԱՁ գործունեությունը վերսկսելուց հետո պետք է ուղարկել Շրջհարկով հարկվելու (201 դիմումը):
Հարց 3. Եթե իրավաբանական բանկային հաշիվը փակված է և այլևս գոյություն չունի, որպեսզի փոխանցում անեմ միասնական հաշվին – կարո՞ղ եմ ուղակի ՀՎՀՀ-ով ցանկացած անձնական հաշվից փոխանցել միասնականին, կամ ինչպե՞ս վարվել նման դեպքում, որպեսզի տարեկան հաշվետվության ներկայացումից հետո ձևավորված պարտքը (սոց , դրոշմանիշ) մարվի միասնական հաշվից:
Կանխավ շնորհակալ եմ բոլորից, հստակ խատասխանների համար:
Տաթևիկ․
Բարև Ձեզ։ Երկու ընկերներ որոշել են բացել զարգացման կենտրոն, որտեղ կգործի լոգոպեդի, հոգեբանի ծառայություններ, և կդասավանդվի մենթալ մաթեմաթիկա։ Հարցս հետևյալն է՝ կարո՞ղ են աշխատել որպես միկռոձեռնարկատեր, եթե այո, կարո՞ղ են ունենալ մոտ 4 աշխատողներ։ Շնորհակալություն։
Գրիգոր․
Բարև Ձեզ։ 2025թ․ հունվար 01-ից հետո գնման ակտով (միակողմանի) ձեռքբերումները շրջ. հարկ վճարողների համար, համաձայն ՀՕ-ի 150 հոդվածի 13-րդ մասի, հարկվում է 20 տոկոսով։ Հարցս այսպիսին է՝ նախկին թղթային գնման ակտի փոխարեն ի՞նչ էլեկտրոնային փաստաթուղթ ենք գրում, որտեղ երևում է ձեռք բերված ապրանքների ցանկը, ձեռք բերման գինը, գումարը։
Անի․
Բարև Ձեզ։ Չհաշվանցվող ԱԱՀ-ն համարվու՞մ է արդյոք նվազեցվող ծախս, եթե գործունեությունը ազատված է ԱԱՀ-ից, ստացած հաշիվերի ԱԱՀ-ն ներառու՞մ են ծախսերի մեջ և նվազեցնում շահութահարկի հաշվարկի դեպքում։
Արմեն․
Բարև ձեզ։ Աշխատողին պետք է աշխատանքից ազատել Աշխատանքային օրենսգրքի 113 հոդվածի 1-ին մասի 2-րդ կետի հիմքով։ Աշխատողին պետք է տրամադրել ծանուցում, հետո ազատել աշխատանքից հրամանի համաձայն։ Խնդիրը կայանում է նրանում, որ աշխատողը գտնվում է արտերկրում, և պետք է նրան ծանուցել տեսազանգի և մեյլի միջոցով։ Ինչպե՞ս ստեղծել իրավական ճիշտ հիմքեր։ Արդյո՞ք խնդիր կառաջանա, եթե աշխատողը հրաժարվի ստորագրել աշխատանքից ազատման հրամանը։
Հռիփսիմե․
Բարև Ձեզ։ ԱՁ -ն աշխատում է 11.12.2024թ-ից ԱԱՀ-ով: Մինչ այդ աշխատում էր շրջ. հարկով: իրականացնում է բեռնափոխադրում: ՌԴ-ի որևէ կազմակերպության հետ պայմանագիր է կապել և ապրանք է տեղափոխել: Մենք իրենց հաշիվ ենք դուրս գրել, ստորագրել ոչ էլեկտրոնային, և կնքել ենք ուղարկել էլ. հասցեին: Հիմա ՀՀ-ի ՊԵԿ-ի հետ կապված մենք ի՞նչ քայլեր ունենք անելու: Այդ ստացված գումարից հարկ վճարելու՞ ենք։ Խնդրում եմ, եթե հնարավոր է, գրեք մատչելի:
Կարինե․
Բարի օր, խնդրում եմ, կասե՞ք՝ ի՞նչ հաշվետվություն պիտի ներկայացնի ֆիզիկական անձը, ով 2024թ-ից սկսած վարձակալության է տվել բնակարանը, ստացել է ՀՎՀՀ, վճարում է եկամտային հարկը միասնական հաշվին, և նրան տեղեկացրել են, որ պիտի հաշվետվություն ներկայացնի 2024թ-ի համար։ Արդյոք խոսքը https://self-portal.taxservice.am/sign-in/ -ի հայտարարագրին է վերաբերում, թե՞ այլի մասին է խոսքը։
Վերջին մեկնաբանություններ