Author: Accountant.am

Նիկ․

Բարև ձեզ, ԱՁ-ի գործունեությունը անժամկետ դադարեցվել է 2023 թվականին, 2024-ին հանձնվել է 2023-ի հաշվետվությունները, 2024-ին ողջ տարի դադարեցված է եղել։ Արդյո՞ք 2025-ին պետք է 2024-ի համար որևից է հաշվետվություն տրվի, թեկուզև դադարեցված է եղել ողջ տարին։ Շնորհակալությու՛ն։

Միլենա․

Բարև Ձեզ։

Արդյո՞ք այն անձը, ով հանդիսանում է ՍՊԸ-ի 50%-ի բաժնետեր, կարող է հետագայում բացել ԱՁ իր անունով։

Գայանե․

Բարև Ձեզ, հարգելի հաշվապահներ։ Հարցս մսի խանութի հետ է կապված, մարզում է, արդեն աշխատում է շրջհարկով։ Խնդրում եմ օգնեք հասկանալ՝ ճի՞շտ եմ կատարում գործողությունները, թե՞ ոչ։

Հարց 1․ ԱՁ-ն գյուղացուց կով է գնում, գնման ակտով և գյուղապետարանի տեղեկանքով, որ տվյալ գյուղացին ունի կով, բայց գյուղապետարանի տեղեկանքում չի նշվում՝ գյուղացին կովը ում է վաճառում, դա սխալ չէ՞։

Հարց 2․ ԱՁ-ն կովը գնում է այդ տեղեկանքի և գնման ակտի հիման վրա և տանում է սպանդանոց, վաճառում է տվյալ ԱՁ -ին՝ հաշիվ եմ դուրս գրում տվյալ ԱՁ-ի անունով

Հարգելիներս, այս գործողություններից հետո 10 % հարկ չի առաջանում չէ՞։ Կանխավ շնորհակալ եմ։

Նոնա․

Բարև Ձեզ: Եթե ամերիկյան կազմակերպությունը ՀՀ-ում գտնվող ՀՀ քաղաքացի ֆիզանձին ամսական գումար է փոխանցում որպես նվիրատվություն անձնական կարիքները հոգալու (կազմակերպության հիմնադիր տնօրենը կազմակերպության միջոցներից որպես նվիրատություն գումար է ուղարկում իր` ՀՀ քաղաքացի ծնողին), որը գերազանցում է 300 000 դրամը, այդ գումարը եկամտային հարկով հարկվո՞ղ է, թե՞ ոչ, և հայտարարագրում ո՞ր տողում է անհրաժեշտ հայտարարագրել։

Վաղարշակ․

Բարև ձեզ։ Եթե ֆիզ անձը մեկ մեքենա (ֆուռ) ալյուր ներկրի ՌԴ-ից, ի՞նչ հարկեր պետք է վճարի։

Վահագն․

Բարև ձեզ, հարգելի՛ հաշվապահներ։ Այսպիսի մի հարց ունեմ։ Կարո՞ղ եմ ես ՍՊԸ-ով ոչ նոտարական վարձակալության պայմանագրի գումարը վճարել իմ (հիմնադիրն եմ) անձնական հաշվից և ձևակերպումներ չտալ, քանի որ առհաշիվ չեմ ուզում անել։ Էդ գումարի վերադարձը չեմ ուզում իրականացնել։ Նախապես՝ շնորհակալ եմ։

ՀԲ․

Կօգնե՞ք լուծել այս խնդիրը։ Ըստ Ստորև բերված տվյալների` որոշել վաճառքների գծով դեբիտորական պարտքերի մնացորդը հաշվետու ժամանակաշրջանի ավարտին:

Տվյալներ․ կազմակերպության վաճառքների գծով դեբիտորական պարտքի մնացորդը 20X1 թ. մարտի 31-ի դրությամբ կազմել է. «Ա» գնորդինը` 50 000 դրամ, «Բ» գնորդինը` 160 000 դրամ, «Գ» գնորդինը` 180 000 դրամ։ Հաշվետու եռամսյակի ընթաց-քում առաքվել է արտադրանք «Ա» գնորդին` 72 000 դրամ, «Բ» գնորդին` 108 000 դրամ, իսկ «Գ» գնորդին՝ 60 000 դրամ արժողությամբ։ «Բ» գնորդի կողմից արտադրանքի մի մասը` 36000 դրամ արժողությամբ, որակի անհամապատասխանության պատճառով վերադարձվել է կազմակերպությանը։ «Գ» գնորդին հաշվետու եռամսյակում առաքված արտադրանքի համար պայմանագրով սահմանված պայմաններով տասնօրյա ժամկետում վճարում կատարելու համար տրվել է գների իջեցման 20% զեղչ: Հաշվետու եռամսյակի ընթացքում գնորդների կողմից կատարվել է վճարում առաքված արտադրանքի դիմաց` «Ա» գնորդի կողմից՝ 80 000 դրամ, «Բ» գնորդի կողմից` 140 000 դրամ, «Գ» գնորդի կողմից` 160 000 դրամ: Բոլոր գումարները ներկայացված են վաճառքի գներով (ներառյալ՝ ԱԱՀ-ն):

Այլ հաշվապահական խնդիրներ

Արաքսյա․

Բարև ձեզ, կարո՞ղ եք, խնդրում եմ, պատասխանել իմ մեկ հարցին։ Քաղաքացիաիրավական պայմանագրով աշխատելիս ի՞նչ հարկեր պետք է վճարի աշխատողը, արդյոք նո՞ւյն չափով, ինչ որ գրանցված աշխատողը։

Աննա․

Հարգելի հաշվապահներ, ձեր խորհրդի կարիքը ունեմ հետևյալ գործունեության համար․

Քաղաքացին փաստաթղթով գնում է վնասված ավտոմեքենա, խոտանում և իր անունով բացված ԱՁ-ով վաճառում որպես ավտոպահեստամասեր։

Հարց 1․ գործունեությունը ԱՁ-ի համար կարո՞ղ է համարվել արտադրություն, քանի որ կատարում է որոշակի գործողություններ՝ քանդում, մասերի լվացում, թարմացում և այլն, և աշխատել միկրոյի դաշտում։

Հարց 2․ Կհաշվարկվի 20 % եկամտային հարկ․ ա) 2024թ․ և առաջ ձեռք բերված՝ վնասված և խոտանված ավտոներից առաջացած ավտոպահեստամասերի վաճառքի նկատմամբ բ) 2025թ․ ձեռք բերված՝ վնասված և խոտանված ավտոներից առաջացած ավտոպահեստամասերի վաճառքի նկատմամբ

Մայիս․

Հաստիքի կրճատում է տեղի ունեցել, բայց աշխատակիցը շարունակում է աշխատել և այլ աշխատանք կատարել։ Նրան կրճատված հաստիքի մասով արձակման նպաստ հասնու՞մ է արդյոք։

Սեդա․

Բարև ձեզ, ԱՁ-ն բացել եմ միայն տոնավաճառներին մասնակցելու համար, փաստացի աշխատել եմ տարվա մեջ 18 օր, իսկ տարեկան եկամուտը չի գերազանցել 1.5մլն-ը։ Իրենից ներկայացնում է ձեռագործ կախազարդերի ու այլ աքսեսուարների արտադրություն և վաճառք։ Այս տարի դեռ գործունեություն չեմ վարել։ Արդյո՞ք նոր օրենքով կշարունակեմ աշխատել որպես միկրո, թե՞ պետք է վճարեմ շրջհարկ։

Zara.

Բարև ձեզ։ Ունեմ մի քանի հարց ԱՁ-ի 2025թ․ հարկերի և դրանց վճարման վերաբերյալ։ ԱՁ-ն գործելու է շրջանառության հարկի դաշտում, աշխատողներ չի ունենալու։

Հարց 1 - Ճի՞շտ եմ հասկանում, որ վճարելու եմ հետևյալ հարկերը՝ - 5 000 դրամ ամսական շահութահարկ - 5 000 դրամ ամսական սոց․ վճար - 10% եռամսյակային շրջանառության հարկ - դրոշմանիշային վճար՝ տարեկան կտրվածքով: Կա՞ն այլ վճարներ, որոնք մոռացել եմ հաշվի առնել։ Եկամտային հարկը վճարվում է միայն աշխատող ունենալու դեպքում, ճի՞շտ է։

Հարց 2 - հնարավո՞ր է արդյոք ամսական վճարները կուտակել և վճարել միանգամից՝ տարվա վերջում, կամ օրինակ եռամսյակը մեկ։ Եվ եթե այո, դա ինչ-որ հատուկ քայլերո՞վ է արվում, թե պարզապես վճարումը կատարում եմ այդ ժամանակ և վերջ։

Հարց 3 - Ինչպե՞ս եմ կատարում վճարումները։ Արդյո՞ք բոլորը կարող եմ անել պետական վճարումների էլեկտրոնային համակարգով՝ https://www.e-payments.am/hy/ թե՞ պարտադիր է բանկով կատարել։

Հարց 4 - Ո՞ր վճարների համար պետք է հաշվետվություն ներկայացնեմ հարկային ծառայության էլեկտրոնային համակարգում։ Շրջանառության հարկ, շահութահարկ, այսքա՞նը, թե սոց վճարների և դրոշմանիշների համար էլ է պետք հաշվետվություն

Հարց 5 - արդյո՞ք դրոշմանիշային վճարի հաշվարկի սանդղակը այստեղ նշվածն է՝ https://www.arlis.am/documentview.aspx?docid=175713 "հաշվարկման բազա" ասելով հասկանում ենք տարեկան եկամուտների գումա՞րը, թե՞ սա այլ եզր է։

Անչափ շնորհակալ կլինեմ պատասխանների համար։

Լևոն․

Բարև ձեզ, հարգելի հաշվապահներ: Հարցս ՍՊԸ-ի հիմնադրին շահաբաժին տալն է: Աշխատում է միկրոձեռնարկատիրության համակարգով: Առաջին անգամ եմ անելու և խնդրում եմ ներողամտաբար մի քիչ ավելի մանրամասն բացատրեք անհրաժեշտ գործողությունների հերթականությունը, և ի՞նչ հաշվետվություններ և ե՞րբ լրացնեմ: (Եթե կարելի է նաև հաշվետվությունների լրացման ձևը մի փոքր մանրամասնեք): Կանխավ Շաաատ շնորհակալ եմ:

Սերգեյ․

Բարև Ձեզ: Հարգելի հաշվապահներ, անվտանգության տեսախցիկները ինչպե՞ս ձևակերպել ՀԾ-ով, եթե չի գերազանցում 50 000 դրամը: Իսկ եթե գերազանցում է, որպես ի՞նչ ակտիվ եմ դիտարկելու և որքա՞ն մաշվածության ժամկետով։

Նարա․

Բարև Ձեզ, հարգելի հաշվապահներ, խնդրում եմ օգնել հետևյալ հարցում։ Աուդիտի ենթակա կազմակերպությունները և խմբերը (խմբի մայր կազմակերպությունը) պարտավոր են տարեկան ֆինանսական հաշվետվությունները հրապարակել միայն աուդիտի ենթարկվելուց հետո։ Ո՞ր դեպքում կարող է կազմակերպությունը աուդիտի չենթարկվել։

Լևոն․

Բարև Ձեզ, հարգելի մասնագետներ: Հիմնականում՝ 90% դեպքում աշխատում ենք պատվերով, իսկ մնացած ժամանակ աշխատանքի չենք հաճախում (ընդամենը երկու հոգով ենք և գործ լինելուց` հեռախոսով պայմանավորվում ենք աշխատանքի գնալու մասին): Ստացվում է, որ շաբաթվա կամ ամսվա ընթացքում կարող ենք գործի գնալ մի քանի օր միայն և գնացած օրերին էլ աշխատում ենք 3-4 ժամ և հազվադեպ առավելագույնը՝ 5-6 ժամ, կախված պատվերի քանակից և կատարման ժամկետից: Տարվա ընթացքում կարող ենք նաև 1-2 ամսով մի քանի անգամ չաշխատել:

Այս դեպքում ինչպե՞ս լրացնեմ աշխատանքային պայմանագիրը և առավել ևս կետ-79. Գրանցման հայտը, որը այսպիսի անորոշ աշխատանքային ռեժիմ արտացոլելու հնարավորություն չի տալիս այլ 4.1.7 կետը ոչ լրիվ աշխատաժամանակի դեպքում շաբաթական կոնկրետ տևողություն է պահանջում: Արդյոք ինչ որ ձև կա՞ արտացոլելու իրական վիճակը:

Հարգանքներով Լևոն։

Լևոն․

Բարև ձեզ, սիրելի հաշվապահներ։ ՍՊԸ-ն կատարում է տպագրական աշխատանքներ (օֆսեթ տպարան է): 4 տարի գործունեության ժամանակավոր դադարից հետո ուզում եմ վերսկսել աշխատանքը: Կատարում եմ ա) գրքերի, բուկլետների, պլակատների և այլն օֆսեթ տպագրական աշխատանքներ պատվիրատուների պատվերով բ) և մեր նախաձեռնությամբ տպագրած նյութերի (գրքեր, օրացույցներ, բուլկլետներ) վաճառք հուշանվերների խանութներին և այլ կազմակերպությունների (տուրիստական և այլն): Վաճառքը կատարում եմ անմիջապես և ոչ թե գործակալական պայմանագրով:

Հարց 1. Կարո՞ղ եմ արդյոք աշխատել միկրոձեռնարկատիրական համակարգում:

Հարց 2. Պատվերով արտադրած տպագիր ապրանքը գնորդին առաքելուց պե՞տք է ԱՊՐԱՆՔՆԵՐԻ ՄԱՏԱԿԱՐԱՐՄԱՆ ՀԱՇԻՎ ՎԱՎԵՐԱԳԻՐ դուրս գրեմ, թե՞ ԱՇԽԱՏԱՆՔՆԵՐԻ ԿԱՏԱՐՄԱՆ ՎԱՎԵՐԱԳԻՐ, արդյոք տարբերություն կա՞: Երկրորդ դեպքում քանի որ առաքման նշանակման վայրը չեմ կարող նշել (այդպիսի տեղ չկա ԱՇԽԱՏԱՆՔՆԵՐԻ ԿԱՏԱՐՄԱՆ ՎԱՎԵՐԱԳՐՈՒՄ) երևի պետք է նաև ԱՊՐԱՆՔԻ ՏԵՂԱՓՈԽՈՒԹՅԱՆ ԲԵՌՆԱԳԻՐ գրե՞լ:

Հարգանքներով Լևոն:

Մարգարիտա․

Բարև Ձեզ։ Անհատ ձեռնարկատիրոջ տարեկան սոցիալական վճարը շահութահարկով ծա՞խս է համարվում։

Հասմիկ․

Ա Ձ - ի գործունեությունը հրշեջ ծառայություն է, դասակարգիչը O 84 25 1, կարո՞ղ է համարվել միկրոձեռնարկատիրական սուբեկտ։ Շնորհակալություն։

Նարինե․

Բարև Ձեզ։ Կասե՞ք՝ էլեկտրիկի աշխատանքը համարվու՞մ է վնասակար։

Տաթևիկ․

Բարև Ձեզ, կօգնե՞ք հասկանալ՝ դոմենային անվան ձեռքբերումն իրենից ի՞նչ է ներկայացնում: Դոմենն ձեռք է բերվել փորձնական միայն մեկ տարի ժամկետով, եկամուտ չի գեներացրել: Հիմա սա արտոնագրի տրամադրման բաժանորդագրային ծառայությու՞ն է, ոչ նյութական ակտիվի վարձակալությու՞ն, թե՞ այլ բան: Իսկ եթե երկարաժամկետ լիներ, ի՞նչ կհամարվեր:

Ռոզա․

Բարև Ձեզ, բազմաչարչար կոլեգաներ։

Հարց հետևյալն է՝ Եկամտային հարկի այլ եկամուտներ բաժնում 010 կոդի տակ գրանցված շահաբաժիններից պահված եկամտային հարկը ծախս դիտվու՞մ է, թե՞ ոչ, շրջ հարկի հաշվետվության ծախսային բաժնում:

Հասմիկ․

Բարև Ձեզ։ ՍՊԸ-ն ձեռք է բերել երրորդ երկրից էլեկտրամոբիլ։ Ձեռք բերման գինը կազմել է 19 900 000 ՀՀ դրամ (հաշիվ արանքագիր, տրանսպորտի տեղափոխման ծախս, բնապահպանական հարկ, մաքատուրք, բրոքերի գումար), հիմա ուզում ենք վաճառել ՌԴ ֆիզ.անձի: Մեքենան գրանցված է, ձևակերպվել է որպես հիմնական միջոց: Ի՞նչ ձևակերպումներ պետք է տամ, ինչպե՞ս պետք է ԱԱՀ-ի հաշվետվությունը ներկայացնեմ (արտահանում ու քանի %)։

Գոհարիկ․

Բարև Ձեզ, խնդրում եմ Ձեր օգնությունը՝ աշխատողը աշխատել է 1997թ. մինչև 2025թ. փետրվարի 1-ը: Արձակուրդ է գնացել 2023թ. և 2024թ համար: Որոշ տարիներից աշխատավարձի հիմքերը (աշխատավարձի հաշվարկային և վճարային թերթիկնեը, աշխատավարձի գիրքը, աշխատավարձային քարտերը) բացակայում են, այսինքն՝ կան տարիներ 12 ամսվա փոխարեն կա 6 ամսվա, 8 ամսվա կամ 11 ամսվա հիմքերը: Ի՞նչ կարգով պետք է հաշվարկվի 20 տարվա վերջնահաշվարկը և բացակա փաստաթղթերի ամիսների հաշվարկը:

Լիլի․

Բարև Ձեզ։ Խնդում եմ օգնել հետևյալ հարցում՝ միկրոձեռնարկատիրության համակարգում աշխատող Ա/Ձ, որը զբաղվում է Ինտերնետ հասանելիության ծառայություն լարային կապի միջոցով (դասակարգիչը՝ J61.10.3), կարո՞ղ է 2025-ին աշխատել միկրո համակարգում։ Շնորհակալություն։

Ռուբեն․

Ողջույն բոլորին, ՀՀ ՍՊԸ-ն աշխատուժի ապահովման ծառայություն է մատուցում բացառապես Եվրոպական ընկերությունների։ Ավելի մանրամասն՝ այն իրականացնում է բարձր որակավորման կադրերի փնտրում և տվյալ աշխատանքի համար գործի ընդունում, բայց պատասխանատու չէ գործի կատարման համար։ Կարո՞ղ եմ ընկերության գործունեությունը հարկեր ԱԱՀ 0% դրույքաչափով։

Մարիա․

Հայաստանի Հանրապետության ռեզիդենտ համարվելու համար Դուք պետք է հարկային տարվա ընթացքում 183 օր և ավելի փաստացի գտնվեք Հայաստանում և (կամ) Ձեր կենսական շահերի կենտրոնը գտնվի Հայաստանում, այսինքն, Ձեր ընտանիքը, տունը կամ բնակարանը, անձնական կամ ընտանիքի հիմնական գույքը, մասնագիտական կամ այլ գործունեության վայրը պետք է գտնվի Հայաստանում։

Ինձ մոտ շփոթմունք է առաջացնում "և/կամ կենսական շահերի կենտրոնը գտնվում է Հայաստանում" հատվածը։

Եթե ես և ամուսինս արդեն 5 տարի է չենք եղել ՀՀ-ում, սակայն ունենք ավանդ, և բնակարան ՀՀ-ում, մեր ծնողները ևս բնակվում են ՀՀ-ում, մենք համարվու՞մ ենք ռեզիդենտ, թե՞ ոչ։

Սիրելի հաշվապահներ, խնդրում եմ օգնեք հասկանալ այս սահմանումը։

Շնորհակալություն,

Մարիա

Գրիգոր․

Բարև Ձեզ։ Չէի՞ք հուշի՝ ՀԿ գործունեությունը դադարեցնելու քայլերի հաջորդականությունը որն է, ու ժողովի որոշման օրինակ կարո՞ղ եք տրամադրել, որով լուծարվում է կառույցը։

Արևիկ․

Բարև Ձեզ։ Եթե քաղաքացիաիրավական պայմանագիրը կնքվել է 1 տարով, սակայն երկրորդ ամսից պատվիրատուի ցանկությամբ գումարի չափի ավելացում պետք է կատարվի, կարելի՞ է արդյոք համաձայնագրով պայմանագրի տվյալ ենթակետում փոփոխություն կատարել։

Արման․

Նորաբաց ԱՁ եմ, աշխատողներ չունեմ, զբաղվում եմ ԲՏ ոլորտի պետական աջակցության ենթակա գործունեությամբ (ցանկը դեռ վերջնական հաստատված չէ), շրջանառության հարկի դաշտում, ֆրիլանս տարբերակով։

Շատ քիչ տեղեկություն կա ընդհանրապես, բայց որքանով հասկացա ներկայացնում եմ հետևյալ հաշվետվությունները․

- 201 ձև - ամեն տարի մինչև փետրվարի 20-ը
- 240 ձև - ամեն տարի մինչև ապրիլի 20-ը (լրացվում է միայն 107 կետը, տարվա համար վճարվում է 12 * 5 000 = 60 000 դրամ)
- 244 ձև - ամեն տարի մինչև ապրիլի 20-ը (լրացվում է միայն 8-րդ կետը, տարվա համար վճարվում է 12 * 5 000 = 60 000 դրամ)
- 286 ձև - եռամսյակը մեկ, մինչև հաջորդ ամսվա 20-ը (վճարվում է շրջանառության 1%-ը)
- Ըստ տարեկան շրջանառության ամեն տարի մինչև ապրիլի 20-ը վճարվում է դրոշմանիշային վճար (ըստ ամենայնի 24 000 դրամ (2 400 001-ից մինչև 6 000 000 դրամ հաշվարկման բազայի դեպքում))

Բոլոր հարկատեսակները վճարվում են պետական գանձապետարանի միասնական հաշվեհամարին՝ 900008000490 Դրոշմանիշային վճարը վճարվում է 900005001186 հաշվեհամարին Կարելի է վճարել ԱՁ հաշվեհամարից, իսկ դրա բացակայության դեպքում ցանկացած հաշվեհամարից նշելով ՀՎՀՀ-ն։ Խնդրում եմ ասեք, արդյո՞ք ամեն ինչ ճիշտ եմ հասկացել, կա՞ն այլ հաշվետվություններ կամ վճարումներ։

Ալինա․

Բարև Ձեզ, խնդրում եմ շատ օգնել առաջին քայլերը ճիշտ կատարել, որ խնդիրներ չառաջանան:
Այսօր, մոտենալով հարմար Հայփոստ, բացել եմ ԱՁ (07/02/2025), որից հետո գնացել եմ հարկային և գրանցվել որպես հարկատու։ Ձեռնարկատիրական գործունեության տեսակը՝ 62.01.0: Աշխատելու եմ որպես ՏՏ ռեկրուտեր (IT recruiter) տանից, իմ համակարգչով, Եվրոպական կազմակերպությունում: Այս քայլերից հետո ուրիշ ի՞նչ է պետք անել, ինչպե՞ս է հարկայինը իմանում, որ ես իրականում ՏՏ ոլորտում եմ, որպեսզի հարկվեմ 1% կամ 5%: Նախապես շնորհակալություն:

Անտոն․

Բարև Ձեզ։ Խնդրում եմ պարզաբանեք․

1. ԱՁ չհանդիսացող ֆիզիկական անձն իր սեփական բնակարանում կարո՞ղ է որպես զբոսաշրջային տուն մատուցել հյուրանոցային ծառայություն՝ անցնելով միկրոձեռնարկատիրության դաշտ։

2. Արդյո՞ք այդ ծառայության համար նա տրամադրելո՞ւ է ՀԴՄ կտրոն։ Ինչպե՞ս են հաշվառվում ստացվող եկամուտները։

3. Նախաճաշի տրամադրումը և այդ բնակարանում մնալը պարտադի՞ր պայման է։

Իրինա․

Բարև ձեզ։ Նկարչություն դասավանդող ֆիզիկական անձը կարո՞ղ է միկրոձեռնարկատեր համարվել։

Նարե․

Բարև Ձեզ։ Խնդրում եմ օգնել ձևակերպումների հարցում` ստացվել է դրամաշնորհ, տրվել է դտ 253 կտ541 ձևակերպումը, գումարի փոխարկումը դտ 252 կտ 253, փոխարժեքի տարբերությունը դտ725 կտ 253։ Գիտեմ, որ դրամաշնորհի գումարը ծախսելիս պետք է տրվի դտ 541 կտ 628 ձևակերպումը, իսկ դրամաշնորհից առաջացած ԱԱՀ-ն ինչպե՞ս պետք է ձևակերպել։

Մադլենա․

Բարի օր, հարգելի հաշվապաhներ: Խնդրում եմ տալ օրենքից հղումներ: ՍՊԸ-ն չի գործում 2017թ-ից, ազատվել են բոլոր աշխատակիցները: Իսկ 2018թ 4-րդ և 2019թ 1-ին եռամսյակներում մաս-մաս վաճառվել է ՍՊԸ-ին պատկանող տարածքը (անշարժ գույքը), վճարելով 10% հարկ գույքի օտարման համար: 2024թ․ դեկտեմբերին դիմել ենք լուծարման: Բացվել է ստուգում, և հիմա ասում են, որ օտարումից պիտի բաշխվի շահաբաժին և վճարվի 5% հարկ: Ասեմ, որ հիմնարկը աշխատել է շրջանառության հարկով և ժամանակավոր դադարի ժամանակ էլ ամեն տարի տրվել է հայտարարություն շրջանառության հարկով աշխատելու համար: ՍՊԸ-ի աշխատելու ընթացքում տնօրենը տվել է փոխառություն: Քանի որ խանութը աշխատում էր վնասով՝ փակվեց: Գույքի օտարման գումարով մարվել է փոխառության տրված գումարի մի մասը: 5 տարի պահելուց հետո հիմնարկի փաստաթղթերը վերացվել են: Խնդրում եմ ասեք. արդյոք կարո՞ղ են 6-7 տարվա փաստաթղթեր պահանջել, և ինչպե՞ս ապացուցել, որ անշարժ գույքի վաճառքի գումարով մարվել է փոխառություն: Ասեմ նաև, որ պահանջել են 5 տարվա բանկային քաղվածք 01.01.20-21.01.25թ: Կանխավ՝ շնորհակալ եմ:

Անահիտ․

Բարև Ձեզ։ Հարցս հետևյալն է՝ մենք աշխատում ենք ԱԱՀ-ով։ Պայմանագրում նշված է, որ պետք է անհատույց ավտոպահեստամասերը տրամադրենք, քանի որ ա/մեքենա ենք վաճառել։ Ես պե՞տք հարկային հաշիվ գրեմ ինքնարժեքի 80% -ը և 20% ԱԱՀ։ Ենթադրենք 10 000 դրամ է, գրեմ 8000*20%=1600 և նշեմ անհատույց հարկային հաշվում։

ՀՕ62 ՝ 7. Հայաստանի Հանրապետության կառավարության որոշումների հիման վրա ԱԱՀ վճարողների կողմից ապրանքի մատակարարման, աշխատանքի կատարման կամ ծառայության մատուցման անհատույց գործարքների դեպքում ԱԱՀ-ով հարկման բազան համարվում է 0 դրամ, իսկ իրական արժեքից էական ցածր արժեքով հատուցմամբ գործարքների դեպքում ԱԱՀ-ով հարկման բազա է համարվում ստացման ենթակա հատուցման գումարը` առանց ԱԱՀ-ի: Այս հոդվածը շփոթեցնում է։ Խնդրում եմ ինձ ճիշտ կողմնորոշեք, շատ շնորհակալ եմ։

Ռոզա․

Բարև Ձեզ, սիրելի հաշվապահներ։

Հարցս հետևյալն է՝ Ա/Ձ, որը 2025թ-ից աշխատում է շրջհարկի դաշտում և բանջարեղենի խանութ է, գյուղացուց ձեռք է բերել բանջարանա-բոստանային գյուղմթերք, ունի երկկողմանի գնման ակտ և համայնքապետարանի տեղեկանքը, որ իրոք տվյալ գյուղացին ունի հող և աճեցնում է գյուղմթերք: Արդյո՞ք գ/ա կդիտվի որպես ծախս:

Քրիստինա․

Բարև Ձեզ։

Անհատ Ձեռնարկատեր եմ, պայմանագիր ունեմ Եվրոպայի որևէ երկրի գործընկերոջ հետ, ծառայություններ եմ մատուցում, ՏՏ ոլորտ է, շրջանառության հարկ որքան պետք է վճարեմ, նոր օրենք կա՞ պետք է խնդրեմ լինկ ուղարկեք, կարդամ, շնորհակալություն:

Տաթև․

Բարև ձեզ, հարգելիներս։ Եթե շրջ. հարկով աշխատող Ա/Ձ-ն (աշխատող չունի, ծառայությունների մատուցում է կատարում) 2 ամիս շրջանառություն չունի, ապա անհրաժե՞շտ է ամսական շահութահարկի և սոց․ վճարի 5000-ական վճարումները կատարել: