Armin.
Բարև Ձեզ: Կարո՞ղ եք թվարկել շահութահարկից նվազեցվող ծախսերը /ընկերությունը ապրանքներ ներմուծող ՍՊԸ է/, և դրանք ի՞նչ կապ ունեն ինքնարժեքի մեջ ներառվող ծախսերի հետ: Շնորհակալություն:
Կայք հաշվապահների համար և ոչ միայն…
on Շրջանառության հարկի փոփոխություններ 2025թ․: “թեժ գիծը նման հարցերին նորմալ պատասխան չի կարող տալ, իրենք էդքան խորացած չեն, ավելի լավ է գրավոր հարցնեք,” Nov 22, 22:15- on Վառելիքի ծախսագրում: “2.5 տոկոսը վերաբերում է շինություններին, իսկ պայմանագրում գրեք որ մեքենայի պահպանման որ ծախսերն է կազմակերպության վրա, սակայն մյուս կողմից կա…” Nov 22, 22:14
on Արդյո՞ք անհրաժեշտ է ինքնահաշիվ գրել: “Արմեն ջան կոնկրետ օրինակով ասեմ ,Facebook ի միջոցով գովազդի համար պետք է լռացնել ոչ ռեզիդենտի շահութահարկի հաշվետվությունը՞ և Expedia ն…” Nov 22, 17:49
on Արդյո՞ք անհրաժեշտ է ինքնահաշիվ գրել: “Գոռ ջան վերևում խոսքը գնում էր ոչ ռեզիդենտի շահութահարկի մասին, իսկ դա եթե հասնում է վճարել ուրեմն վճարման ենթակա գումար…” Nov 22, 12:06on Վառելիքի ծախսագրում: “Եթե պայմանագիրը առկա է անհատույց վարձակալության պայմանագիր որպես, շահութահարկի մասով լրացուցիչ պարտավորություն չի առաջանա չէ շուկայական գնի 2,5% տոկոսի չափով…” Nov 22, 12:04
on Հացի և խմորեղենի արտադրություն: “ՀԴՄ-ն վերաբերվում էր որ տեղում արտադրես և տեղում հդմ-ով վաճառես ոչ թե խանութներիս տաս , խանութներին բնականաբար հաշիվ վավերագիր պետք…” Nov 22, 11:16on Շրջանառության հարկի փոփոխություններ 2025թ․: “Փորցեցի նաև ճշտել հարկայինից, թեժ գիծ զանգահարեցի և ինձ պատասխանեցին որ վարձակալության վճարը չի նվազեցվում, պարզաբանելով որ ուղիղ չի նշված տարածքի…” Nov 22, 11:09
- on Շրջանառության հարկի փոփոխություններ 2025թ․: “փաստորեն, կտեսնենք իրազեկում կլինի թե չէ, իսկ ներմուծման մաքսային հայտարարագրերի մասը հանել են,” Nov 22, 10:35
Եթե ներմուծող ընկերություն եք ու գործում եք շահութահարկի դաշտում, ապա հստակ ասել թե որոնք են նվազեցվող ծախսերը, կարող ենք նշել միայն հիմնականները՝ ապրանքների ձեռք բերման փոխադրաման,աշխատավարձեր, վառելիք,մաքսային և այլն, մնացածը ելնելու է ներմուծվող ապրանքների բնույթից, ակցիզային հարկի կան բնապահպանականի հարցեր կան թե ոչ և այլն: Նաև ԱԱՀ-ի մասով էլ պետք է հաշվի առնեք դրանից ելնող հարցերը:Իսկ ներմուծման ինքնարժեքի հետ դրանք կապ ունեն, դրա համար էլ պետք է հնարավորինս հստակ հաշվել ապրանքի ներմուծման ինքնարժեքը ու դրանից հետո հաշվարկել վերադիրի չափը:
Ապրանքների ինքնարժեքի մեջ ներառվող ծախսերի թվին են դասվում գնման գինը, ներմուծման տուրքերը և հարկերը, փոխադրման (տրանսպորտային, բեռնման, բեռնաթափման) ծախսումները և այլ ծախսումները, որոնք ուղղակիորեն կապված են ապրանքների ձեռք բերման հետ։
Իսկ շահութահարկից նվազեցվող ծախսերի վերաբերյալ կարող եք նայել ՀՕ Շահութահարկ բաժինը։
Դրանք են․
– վարչական ծախսեր են համարվում, մասնավորապես, կառավարման անձնակազմի աշխատանքի վարձատրության ծախսերը, գործատուի կողմից այդ անձնակազմի համար Հայաստանի Հանրապետության օրենսդրությամբ սահմանված կարգով կամավոր կուտակային կենսաթոշակային սխեմայի շրջանակներում կատարվող կուտակային վճարները, գործուղումների, նյութական և տրանսպորտային սպասարկման, կառավարման տեխնիկական միջոցների և ոչ արտադրական (ընդհանուր տնտեսական) նշանակության հիմնական միջոցների ամորտիզացիոն մասհանումները, այդ հիմնական միջոցների վրա կատարվող ծախսերը, ներկայացուցչական ծախսերը, դատական ծախսերը, աուդիտորական, հաշվապահական, խորհրդատվական և տեղեկատվական ծառայությունների ստացման ծախսերը, կադրերի պատրաստման և վերապատրաստման ծախսերը, աշխատուժի հավաքագրման ծախսերը, գրասենյակային, փոստային, հեռախոսային, հեռագրային և նմանատիպ այլ ծառայությունների ստացման ծախսերը.
– իրացման ծախսեր են համարվում, մասնավորապես, ապրանքների մատակարարման, աշխատանքների կատարման և (կամ) ծառայությունների մատուցման հետ կապված՝ ապրանքների փաթեթավորման, պահպանման, բեռնման, տեղափոխման, բեռնաթափման, ուղեկցման, գովազդի և մարկետինգի ծախսերը.
– ոչ արտադրական բնույթի այլ ծախսեր են համարվում, մասնավորապես, գյուտարարական, ռացիոնալիզատորական, գիտահետազոտական, նախագծային և փորձակոնստրուկտորական աշխատանքների ընդունման և (կամ) ծառայությունների ստացման ծախսերը, շահագործման մեջ չգտնվող արտադրական նշանակության հիմնական միջոցների և շահագործման մեջ չգտնվող ոչ նյութական ակտիվների ամորտիզացիոն մասհանումները, ինչպես նաև այդ հիմնական միջոցների և ոչ նյութական ակտիվների վրա կատարվող ծախսերը.
– ֆինանսական ծախսեր են համարվում, մասնավորապես, վարկերի և փոխառությունների գծով հաշվարկվող տոկոսները (այդ թվում՝ լիզինգի (տարատեսակների) պայմանագրերի շրջանակներում հաշվարկվող տոկոսները), վարկերի և փոխառությունների ստացման հետ կապված ծախսերը (այդ թվում՝ լիզինգի (տարատեսակների) պայմանագրերի կնքման հետ կապված ծախսերը, արժեթղթերի թողարկման և տեղաբաշխման հետ կապված ծախսերը:
Կարող եք ուսումնասիրել ՀՀ ՀՕ-ի 110-ից 123 հոդվածները: Պետք է ուշադիր լինեք ինքնարժեքի մեջ մտնող ծախսերին, քանի որ ապրանքների արտադրության, աշխատանքների կատարման և (կամ) ծառայությունների մատուցման հետ անմիջականորեն կապված ծախսերը համախառն եկամտից նվազեցվում են այդ ապրանքների մատակարարմանը, աշխատանքների կատարմանը և (կամ) ծառայությունների մատուցմանը համամասնորեն.
Ռեզիդենտ շահութահարկ վճարողի հարկման բազան որոշելիս Օրենսգրքի 104-րդ հոդվածի 1-ին մասի՝ համապատասխանաբար 1-ին և 3-րդ կետերով սահմանված համախառն եկամտից նվազեցվում են շահութահարկ վճարողի կատարած՝ Օրենսգրքի 55-րդ հոդվածի 2-րդ մասի 1-5-րդ կետերով, ինչպես նաև նույն հոդվածի 11-13-րդ մասերով սահմանված փաստաթղթերով հիմնավորված ծախսերը, եթե սույն հոդվածի 2-րդ մասով և Օրենսգրքի 113-րդ հոդվածով այլ բան սահմանված չէ:
Ինքնարժեքի մեջ ներառվող ծախսերը նվազեցվում են ապրանքների իրացմանը համամասնորեն։
Բեռնափոխադրման ծախսեր, աշխատավարձ, վարձակալություն, գրասենյակային, իրացման այլ ծախսումներ։
Շնորհակալություն բոլորիդ: