N.
Բարև հարգելիներս: Ես սկսնակ հաշվապահ եմ: Խնդրում եմ օգնել: 2010թ. կազմակերպության շահութահարկը կազմել է զրո դրամ: Ըստ օրենքի կանխավճարներ ու եռամսյակային վճարներ չպետք է կատարվեն: Սակայն եթե որևէ ամսում թեկուզ 1000 դրամի եկամուտ ես ունեցել, պետք է նվազացնես մաքսիմում 50 տոկոս ամորտիզացիա, ու վճարես 1 տոկոս: 1 տոկոս վճարելիս ես փոխանցել եմ ընդհանուր շահութահարկի հաշվին, և դիտվել է որպես կանխավճար, ես ավելի ուշ պարզեցի, որ կա առանձին 1 տոկոսի համար հաշիվ: Արդյո՞ք ինչ որ խնդիրներ կառաջանան: Եվ մի հարց էլ: Իմ մուծած 1 տոկոսների ընդհանուր գումարը ավելին է, քան հաշվարկված շահութահարկը: Երևի դա էլ կմնա որպես գերավճար ապրիլի 15-ից հետո, այնպես չէ՞: Ու ես կարո՞ղ եմ արդյոք այս 1-ին եռամսյակում ստացված եկամտից դեռ 1 տոկոս չվճարել այդ գերավճարի հաշվին: Նախօրոք շնորհակալություն:
Մաշվածության 50 % նվազեցումը ԱԱՀ վճարող չհամարվող կազմակերպություններին չի վերաբերում: Հաշվեհամարի շփոթման հետ կապված` այս մասով համոզված չեմ, բայց պետք է որ այդ գումարը նստի կազմակերպության քարտին ու մարի 1 տոկոսի պարտավորությունը, երբ որ հանձնեք տարեկան հաշվարկը: Իսկ փաստացի շահութահարկը գերազանցող նվազագույն շահութահարկի գումարը կարող է հաշվանցվել միայն հետագա տարիներին փաստացի շահութահարկ առաջանալու դեպքում: Դրա հաշվին չեք կարող մարել այս տարվա նվազագույն շահութահարկի պարտավորությունը:
Շահութահարկի մասին օրենքի հոդված 47-1 6-րդ կետ.
Նվազագույն շահութահարկի տարեկան հանրագումարի և հաշվետու տարվա փաստացի շահութահարկի դրական տարբերությունը նվազեցվում է հետագա տարիների շահութահարկից:
Շնորհակալություն, Արման: 2011թ տարվա շահութահարկս դեռ չեմ հանձնել, բայց 2011 վճարում էի միայն նվազագույն շահութահարկի 1 տոկոս, 2012 փետրվարին ապրանք վաճառելուց պետք է նախորդ 2011 վերջի նվազագույնի չափով վճարում անեմ, թե՞ սովորական դեռ 1 տոկոս հաշվարկեմ: Ասեմ, որ ես 2011 դեկտեմբերին վճարել էի 1 տոկոսից ավելի գումար: