Սաթենիկ.
Բարև Ձեզ: Նպատակային արձակուրդ ինչպե՞ս ենք տրամադրում աշխատողին։
Կայք հաշվապահների համար և ոչ միայն…
on Ստացված հաշիվ Wildberries ընկերությունից: “Բայց շատ մեծ թվերով են հաշիվ դուրսգրում։ Ես ոչ մի ընթացիկ ամսում փաստացի այդքան վաճառք չեմ անում, ուր մնաց լոգիստիկ…” Nov 24, 00:04
on Սարքավորման ներմուծում ԵԱՏՄ-ից: “Բարև Ձեզ։ Ներմուծվող սարքավորումը գործունեության հետ կապված լինելը կապ չունի ԱԱՀ վճարել չվճարելու հետ: Եթե այդ սարքավորումն ընդգրկված չէ «ԿԱԶՄԱԿԵՐՊՈՒԹՅՈՒՆՆԵՐԻ…” Nov 23, 16:17on Արդյո՞ք անհրաժեշտ է ինքնահաշիվ գրել: “Շատ շնորհակալ եմ Արմեն ջան մանրակրկիտ բացատրելու համար։” Nov 23, 16:15
- on Արդյո՞ք անհրաժեշտ է ինքնահաշիվ գրել: “Գոռ ջան ֆեյսբուքը հաստատ չես լրացնում: Մենք Իռլանդիայի հետ ունենք կրկնակի հարկումը վերացնելու համաձայնագիր, և այդ եկամուտները, ռեզիդենտության տեղեկանքի առկայության…” Nov 23, 16:05
on Շրջանառության հարկի փոփոխություններ 2025թ․: “թեժ գիծը նման հարցերին նորմալ պատասխան չի կարող տալ, իրենք էդքան խորացած չեն, ավելի լավ է գրավոր հարցնեք,” Nov 22, 22:15- on Վառելիքի ծախսագրում: “2.5 տոկոսը վերաբերում է շինություններին, իսկ պայմանագրում գրեք որ մեքենայի պահպանման որ ծախսերն է կազմակերպության վրա, սակայն մյուս կողմից կա…” Nov 22, 22:14
- on Արդյո՞ք անհրաժեշտ է ինքնահաշիվ գրել: “Գոռ ջան վերևում խոսքը գնում էր ոչ ռեզիդենտի շահութահարկի մասին, իսկ դա եթե հասնում է վճարել ուրեմն վճարման ենթակա գումար…” Nov 22, 12:06
on Վառելիքի ծախսագրում: “Եթե պայմանագիրը առկա է անհատույց վարձակալության պայմանագիր որպես, շահութահարկի մասով լրացուցիչ պարտավորություն չի առաջանա չէ շուկայական գնի 2,5% տոկոսի չափով…” Nov 22, 12:04
on Հացի և խմորեղենի արտադրություն: “ՀԴՄ-ն վերաբերվում էր որ տեղում արտադրես և տեղում հդմ-ով վաճառես ոչ թե խանութներիս տաս , խանութներին բնականաբար հաշիվ վավերագիր պետք…” Nov 22, 11:16
Բարև Ձեզ, Սաթենիկ։
Նպատակային են համարվում`
1) հղիության և ծննդաբերության արձակուրդը.
2) մինչև երեք տարեկան երեխայի խնամքի համար տրամադրվող արձակուրդը.
3) ուսումնական արձակուրդը.
4) պետական կամ հասարակական պարտականությունների կատարման համար տրամադրվող արձակուրդը.
5) չվճարվող արձակուրդը.
6) հայրության արձակուրդը:
Ո՞ր արձակուրդի մասին է խոսքը։
Հրամանի հիման վրա, որում գրվում է նպատակային արձակուրդի տեսակը ու ժամկետը:
Եթե նշեք նպատակային արձակուրդի տեսակը, կարող եմ պատասխանել։
Պետական կամ հասարակական պարտականությունների կատարման համար տրամադրվող արձակուրդը:
Պետական կամ հասարակական պարտականությունների կատարման համար արձակուրդ տրամադրելու հարաբերությունները կարգավորվում են ՀՀ Աշխատանքային օրենսգրքի 175-րդ հոդվածով.
1. Աշխատողն ազատվում է աշխատանքային պարտականությունների կատարումից` պահպանելով աշխատատեղը (պաշտոնը)`
1) ընտրական իրավունքն իրականացնելիս.
2) հետաքննության, նախաքննության մարմինների, դատախազի և դատարանի կանչով որպես վկա, տուժող, փորձագետ, մասնագետ, թարգմանիչ, ընթերակա ներկայանալիս.
3) որպես աշխատողների ներկայացուցիչ` դատական նիստերին մասնակցելիս.
4) դոնորի պարտականություններ կատարելիս.
5) Հայաստանի Հանրապետության օրենսդրությամբ նախատեսված այլ դեպքերում:
2. Սույն հոդվածի 1-ին մասով սահմանված` պետական կամ հասարակական պարտականությունների կատարման համար աշխատանքային պարտականությունների կատարումից ազատված աշխատողի միջին աշխատավարձը վճարում կամ հատուցում է այն կազմակերպությունը (մարմինը), որի առաջադրած պարտականությունները կատարում է աշխատողը, իսկ պետական կամ տեղական ինքնակառավարման մարմինների աշխատողների միջին աշխատավարձը վճարվում է աշխատողի հիմնական աշխատատեղից, եթե օրենքով այլ բան նախատեսված չէ: Վճարվող միջին աշխատավարձը հաշվարկվում է` հիմք ընդունելով`
1) միջին ժամային աշխատավարձը, եթե աշխատանքային պարտականությունների կատարումից ազատված ժամանակահատվածը չի գերազանցում մեկ շաբաթը.
2) միջին օրական աշխատավարձը, եթե աշխատանքային պարտականությունների կատարումից ազատված ժամանակահատվածը գերազանցում է մեկ շաբաթը:
3. Կազմակերպությունում գործող աշխատողների ներկայացուցչական մարմիններում ընտրված աշխատողները տարվա ընթացքում ազատվում են աշխատանքային պարտականությունների կատարումից մինչև վեց աշխատանքային օր ժամկետով` աշխատողների ներկայացուցչական մարմինների միջոցառումներին մասնակցելու կամ որպես աշխատողների ներկայացուցչական մարմնի անդամ` որակավորումը բարձրացնելու համար: Աշխատանքային պարտականությունների կատարումից ազատման և այդ օրերի համար վճարման կարգը սահմանվում է կոլեկտիվ պայմանագրով կամ աշխատողների ժողովի (համաժողովի) որոշմամբ:
Տրվում է հրաման՝ պետական կամ հասարակական պարտականությունների կատարման համար արձակուրդ տրամադրելու վերաբերյալ:
Կազմվում է դիմում, հրաման, որտեղ նշվում է նպատակային արձակուրդի հիմքը:
Աշխատողի դիմումի հիման վրա հրամանագրում եք, նշելով ամիս ամսաթիվը և հիմքը։