Կայք հաշվապահների համար և ոչ միայն…
Արտավազդ․
Բարև Ձեզ։ Խնդրում եմ օգնել հաշվել ինքնարժեքը․
ԵԱՏՄ-ից ներմուծել եմ ապրանք, ինոյսով վճարել եմ 10 000 ռուբլի 6.65 կուրսով 66 500֏ + 4 000 բանկային միջնորդավճար։ Սահմանը հատելիս կուրսը բարձրացել է՝ դառնալով 6.85։ վճարել եմ 68 500-ի 20% ը։ Բեռնափոխադրումը կազմել է 10 000֏։
on Եկամտային հարկ 20 % շրջանառության հարկ վճարող հարկային գործակալների համար: “20 տոկոս եկամտային հարկի վճարման գործակալի պարտականությունից ազատված են,եթե այս գնումներին են վերաբերում «2) գյուղատնտեսական արտադրանքի և Կառավարության սահմանած ցանկում…” Nov 19, 21:05 on Հացի և խմորեղենի արտադրություն: “կարող եք ,եթե 2024 հարկային տարվա կամ ընթացիկ հարկային տարվա ընթացքում գործունեության բոլոր տեսակների մասով իրացման շրջանառությունների հանրագումարը չի գերազանցի…” Nov 19, 20:59 on Միջին աշխատավարձի հաշվարկ: “Մայրության նպաստի միջինի հաշվարկի մեջ պարգևատրումները մտնում են լրիվությամբ” Nov 19, 20:47 on Փոխառություն 0 տոկոս տոկոսադրույքով: “հղման համար պիտի քաղ.օրենսգրքի դրույթներով առաջնորդվեք,” Nov 19, 20:44 on Բլոգերների հաշվապահություն: “հարկումը կախված է կարգավիճակից՝ֆիզ.անձ,ԱՁ,ՍՊԸ, շրջհարկ վճարողները ունեննաև այլ հաշվետվություններ, վճարումներ” Nov 19, 20:42
on Գումարի փոխանցում հիմնադրի հաշվին: “Հիմա, եթե այդ տրամաբանությամբ առաջնորդվենք, որ շրջանառության հարկի հաշվարկներ չներկայացնեք, ՊԵԿ-ը չի՞ կարողանալու Ձեր փոխարեն շրջանառության հարկ հաշվարկել հարկ եղած…” Nov 19, 18:13 on Գումարի փոխանցում հիմնադրի հաշվին: “հարկայինը կարող է շրջանառության հարկ վճարողի մոտ շահույթ հաշվել` ուսումնասիրության կամ ստուգման ժամանակ” Nov 19, 11:14
Ինքնարժեքի հաշվարկման համար բոլոր ծախսերը /բանկային և բեռնափոխադրման/ գումարում եք ինվոյսային գնին /66 500 դրամ/, եթե ԱԱՀ վճարող չեք, ապա ԱԱՀ պետք է գումարեք ինքնարժեքին։
Բեռնափոխադրման ապրանքագիրը մաքսային ներկայացվել է նոր սրա նկատմամբ 20 տոկոս ԱԱՀ, եթե չի ներկայացվել, ապա 68 500 – ի նկատմամբ ԱԱՀ + պետ․ տուրք, օրինակ՝ 11 000 բանկային միջնորդավճարը, եթե ռուբլիով է, ապա դա մաքսային արժեքի մեջ չի մտնում, դա ձեր ծախսն է: 68 500 + 13 700 + 11 000 + 4 000 * 6,65 կամ 26 600, կլինի 119 800: Այլ հարկեր չկան՝ կախված է ապրանքից:
Հարգելի՛ Տիգրան, խնդրում եմ Ձեր հաշվարկի մեջ 6,65 – ով բազմապատկելը մեկնաբանեք։
Հարկվում եմ շրջանառության հարկով, ներմուծած ապրանքի համար վճարել եմ միայն ԱԱՀ։
Ես հասկացել եմ, որ 4 000 ռուբլու չափով 6.65 կուրսով բանկային միջնորդավճար եք վճարել, քանի որ 4 000-ի մասով արժույթը չեք նշել: Եթե այդ 4000-ը դրամ է, ապա կլինի 10000 + 4000 + 68 500 + 13 700 կամ 96 200 + 3 500 պետ․ տուրք։ Պետ․ տուրք պետք է վճարեիք մաքսայինին՝ 3 500 դրամ կամ այլ գումար:
Այսինքն` Ձեր ասածից հասկանում եմ, որ մաքսային արժեքը պետք է հիմք վերցնել, այլ ոչ թե ինվոյսը + ԱԱՀ (մաքսային արժեքի) + բանկային միջնորդավճար + բեռնափոխադրում։
Նայեք՝ եթե Ձեր գրածով ապրանքը որ եկել է, վճարել եք ԱԱՀ 68 500-ի նկատմամբ կամ 13 700, 4 000 բանկին, փոխադրում 10 000, եղավ 96 200: Սակայն Դուք ապրանքի համար վճարել եք բանկի ռուբլու վաճառքի կուրսով 6.65-ը, մաքսայինը մաքսազերծման համար հիմք է վերցրել բնականաբար ՀՀ ԿԲ տվյալ օրվա կուրսը, 6.85 կուրս մայիս հունիս ամիսներին չի սահմանվել, եղել է 6.84 15.06-ի համար, գումարած որ պետք է վճարեիք նաև առնվազն 3 500 դրամ պետ. տուրք մաքսայինին ապրանքների մաքսային ձևակերպումների իրականացման համար: Փաստացի Ձեզ համար ինքարժեքը կազմում է 96 200 + 3 500, հնարավոր է՝ չեք վճարել 3 500-ը Դուք, կամ փոխադրման 10 000-ի մեջ են հաշվել:
Հ. 16 1. Արտարժույթով արտահայտված գործարքների ու գործառնությունների շրջանակներում՝
1) ապրանքների ներմուծման կամ արտահանման գործառնությունների մասով ձևավորվող հարկման բազաները և ապրանքների սկզբնական արժեքները որոշվում են՝
ԵՏՄ անդամ պետությունից ապրանքի ներմուծման գործառնությունների դեպքում՝ ապրանքը Հայաստանի Հանրապետության տարածք ներմուծելու (Հայաստանի Հանրապետության պետական սահմանը հատելու) ամսաթվի դրությամբ՝ ելնելով այդ օրը Հայաստանի Հանրապետության կենտրոնական բանկի հրապարակած` արժութային շուկաներում ձևավորված միջին փոխարժեքից: Այն դեպքում, երբ ապրանքը Հայաստանի Հանրապետության սահմանը հատում է օդային տրանսպորտով կամ փոստային օպերատորի կողմից մատուցվող փոստային ծառայության միջոցով, ԵՏՄ անդամ պետությունից ապրանքի ներմուծման կամ ԵՏՄ անդամ պետություն ապրանքի արտահանման գործառնությունների դեպքում ապրանքի հարկման բազան և սկզբնական արժեքը որոշվում են տրանսպորտային (փոխադրման) փաստաթղթերի՝ կոնոսամենտում, բեռնագրում կամ այլ փաստաթղթերում նշված ամսաթվի դրությամբ՝ ելնելով այդ օրը Հայաստանի Հանրապետության կենտրոնական բանկի հրապարակած` արժութային շուկաներում ձևավորված միջին փոխարժեքից.
Հ 61.3 ԵՏՄ անդամ պետություններից Հայաստանի Հանրապետություն ԵՏՄ ապրանքի կարգավիճակ ունեցող ապրանքի ներմուծման դեպքում, ԱԱՀ-ով հարկման բազա է համարվում ներմուծվող ապրանքի ձեռքբերման արժեքը:
Լրացման կարգով ասեմ, որ եթե որպես շրջ. հարկ վճարող զբաղվում եք առևտրով, ապա 82 200-ի կամ 68 500 + 13 700, դրա 4 տոկոսի չափով՝ 3 848 դրամ, կարող եք նվազեցնել Ձեր վճարելիք շրջ. հարկի գումարը, եթե այլ գործոււնեություն է՝ չեք կարող:
Հարգելի Տիգրան, ինչպե՞ս կարող եմ կապվել Ձեզ հետ: Սա իմ mail-ն է julielina.sv շնիկ mail.ru
Ինքնարժեքը կարելի է հաշվել հետևյալ կերպ՝
66 500 + 4 000 + 13 700 + 10 000 = 94200։
Շնորհակալ եմ արձագանքելու համար, բայց երկու տարբերակ առաջարկվեց, ո՞րն է ճիշտ։
Իմ և Էդգարի ասածը նույնն է, դա ճիշտ տարբերակն է, քանի որ ԵԱՏՄ-ից ներմուծելու դեպքում ԱԱՀ հաշվարկման համար բեռնափոխադրման արժեքը չի գումարվում և պետ․ տուրք չկա, այսինքն՝ ինքնարժեքի հաշվարկը ստացվում է ԱԱՀ՝ 10 000 * 6, 85 * 20% = 13 700, որը պետք է գումարեք ինվոյսային գնին, 66 500 + 4 000 + 13 700 + 10 000 = 94 200։
Շնորհակալություն Ալլա ջան։
Բարև Ձեզ: Քանի որ նշում եք, որ տարբերակն է ճիշտ երկու տարբերակներից, ապա պատասխանեմ այսպես, որ Ալլայի և Էդգարի տեսակետը համընկնում է իմ կարծիքի հետ:
Համաձայն ՀՀ ՀՕ-ի 16-րդ հոդվածի ապրանքների ներմուծման գործառնությունների մասով ձևավորվող ՀԱՐԿՄԱՆ ԲԱԶԱՆԵՐԸ և ԱՊՐԱՆՔՆԵՐԻ ՍԿԶԲՆԱԿԱՆ ԱՐԺԵՔՆԵՐԸ որոշվում են ապրանքը ՀՀ տարածք ներմուծելու (ՀՀ պետական սահմանը հատելու) ամսաթվի դրությամբ՝ ելնելով այդ օրը ՀՀ ԿԲ-ի հրապարակած` արժութային շուկաներում ձևավորված միջին փոխարժեքից:
ԱԱՀ-ն կլինի 10 000* 6.85 * 20% = 13 700
Ինքնարժեքը կկազմի. 10 000 * 6,85 + 13 700 + 4 000 + 10 000 = 96 200