Անի.
Շրջանառության հարկի հաշվարկում ներմուծման դեպքում ի՞նչ սկզբունքով ենք որոշում հարկման բազան ԵՏՄ անդամ և 3-րդ երկրների դեպքում /մաքսային արժեք, պայմանագրային արժեք/: Խնդրում եմ տրամադրեք հղում հարկային օրենսգրքից։ Կանխավ շնորհակալ եմ։
Կայք հաշվապահների համար և ոչ միայն…
on Եռակողմ համաձայնագրի ձևակերպումներ: “224 հաշիվը ինչպե՞ս կրեդիտ անեմ եթե դեբետային մնացորդ չունեմ։” Dec 25, 10:35
on Կազմակերպությունը լիզինգով ձեռք է բերել ապրանք: “հարկային հաշիվը դուրս է գրվելու ամեն ամիս ժամանակացույցին համապատասխան, հարցն այլ էր” Dec 24, 19:28
on Կազմակերպությունը լիզինգով ձեռք է բերել ապրանք: “հարկային հաշվի ստացումը հաշվանցման համար, անպայման է,լիզինգի հանձնման-ընդունման ակտի գումարների հաշվով հարկային հաշիվն էլ ուզեք, , ՀՕ հ, 71 1.…” Dec 24, 18:46- on Եռակողմ համաձայնագրի ձևակերպումներ: “դտ 521 կտ 224, բայց ավելի ճիշտ կլիներ նման գրոծարքները 531 ի ենթահաշիվ բացելով արվեն, քանի որ 3-րդ ու 2-րդ…” Dec 24, 14:33
- on Շրջանառության հարկով աշխատող ԱՁ չունի ձեռքբերման փաստաթղթեր: “եթե ինվոյսներ չկան,ապա մաքսային հայտարարագիրը հիմք է 2024-ի գնումների համար,” Dec 24, 14:24
- on Հաշիվների դուրսգրում Wildberries հարթակում վաճառելու դեպքում: “հաշիվները դուրս գրեք շաբաթական վաճառքների տվյալներով,” Dec 24, 14:22
- on Կազմակերպությունը լիզինգով ձեռք է բերել ապրանք: “ակտից բացի նաև հարկային հաշիվ.պետք է ստանաք, որ հաշվարցում կարողանաք կատարել,” Dec 24, 14:20
on Կազմակերպությունը լիզինգով ձեռք է բերել ապրանք: “Միայն ակտի առկայության դեպքում այդ գումարները ԱԱՀ հաշվարկում չեն արտացոլվում։ Եթե ունենաք ստացված հարկային հաշիվներ, դրանցում արտացոլված գումարները կգրանցեք հաշվարկի…” Dec 24, 13:24
Եթե Ձեզ կոնկրետ շրջ հարկի հաշվարկի լրացման կարգն է հետաքրքրում, ապա նայեք ՀՕ-ի 258 հոդվածի 2-րդ կետը.
2. Հաշվետու ժամանակաշրջանի համար առևտրական (առք ու վաճառքի) գործունեությունից ձևավորվող հարկման բազայի մասով (բացառությամբ Կառավարության սահմանած ցանկում ներառված երկրորդային հումքի առևտրական (առք ու վաճառքի) գործունեությունից ձևավորվող հարկման բազայի) սույն հոդվածի 1-ին մասով սահմանված դրույքաչափով հաշվարկված շրջանառության հարկի գումարը նվազեցվում է տվյալ հաշվետու ժամանակաշրջանում անմիջական վաճառքի նպատակով ձեռք բերված ապրանքների գծով կատարված Օրենսգրքի 55-րդ հոդվածի 2-րդ մասի 1-5-րդ կետերով, ինչպես նաև նույն հոդվածի 11-րդ և 13-րդ մասերով սահմանված փաստաթղթերով հիմնավորված ծախսերի (ներառյալ ԱԱՀ-ի, ակցիզային հարկի և (կամ) բնապահպանական հարկի գումարները), ինչպես նաև Հայաստանի Հանրապետություն ներմուծված ապրանքների մասով ներմուծման մաքսային հայտարարագրերում արտացոլված մաքսային արժեքի, հաշվարկված մաքսատուրքի, ԱԱՀ-ի, ակցիզային հարկի և (կամ) բնապահպանական հարկերի հանրագումարի կամ ներմուծման հարկային հայտարարագրերում արտացոլված ԱԱՀ-ով հարկման բազայի, հաշվարկված ԱԱՀ-ի, ակցիզային հարկի և (կամ) բնապահպանական հարկի հանրագումարի (այսուհետ սույն գլխում ապրանքներ ձեռք բերելու ծախսեր) չորս տոկոսը կազմող գումարի չափով:
Քանի որ շրջհարկ վճարողը ներմուծման դեպքում ԱԱՀ վճարումից չի ազատվում,ապա նայեք ՀՕ հ.61-ը ու 62-ը:
Համաձայն ՀՀ հարկային օրենսգրքի հոդված 61․
3-րդ երկրներից ներմուծման դեպքում – «Բաց թողնում՝ ներքին սպառման համար» մաքսային ընթացակարգով Հայաստանի Հանրապետություն ապրանքի ներմուծման դեպքում, եթե Օրենսգրքի 62-րդ հոդվածով այլ բան սահմանված չէ, ապա ԱԱՀ-ով հարկման բազա է համարվում ԵՏՄ միասնական մաքսային օրենսդրությամբ սահմանված կարգով որոշվող մաքսային արժեքի, մաքսատուրքի, իսկ Օրենսգրքի 5-րդ բաժնի համաձայն՝ ակցիզային հարկով հարկման ենթակա ապրանքի ներմուծման դեպքում՝ նաև Օրենսգրքով սահմանված կարգով հաշվարկված ակցիզային հարկի հանրագումարը:
ԵՏՄ-ից ներմուծման դեպքում – ԵՏՄ անդամ պետություններից Հայաստանի Հանրապետություն ԵՏՄ ապրանքի կարգավիճակ ունեցող ապրանքի ներմուծման դեպքում, եթե Օրենսգրքի 62-րդ հոդվածով այլ բան սահմանված չէ, ապա ԱԱՀ-ով հարկման բազա է համարվում ներմուծվող ապրանքի ձեռքբերման արժեքը, իսկ Օրենսգրքի 5-րդ բաժնի համաձայն՝ ակցիզային հարկով հարկման ենթակա ապրանքի ներմուծման դեպքում՝ ներմուծվող ապրանքի ձեռքբերման արժեքի և Օրենսգրքով սահմանված կարգով հաշվարկված ակցիզային հարկի հանրագումարը:
Ձեռք բերման արժեքը դա զուտ ինվոյսի գումարն է՞, բեռնափոխադրման ծախսերը չեն ներառվու՞մ հարկման բազայի մեջ։