Մայրության նպաստ

Բարև Ձեզ, Լիլի: Գումարեք հղիության և ծննդաբերության արձակուրդ գնալու ամսվան նախորդող 12 ամսվա ընթացքում Ձեզ համար հաշվարկված բոլոր վճարները (կեղտոտ գումարների մասին է խոսքը)՝ աշխատավարձ, հավելավճար, հավելում, արձակուրդային վճար, անաշխատունակության նպաստ (եթե այդ ընթացքում ներկայացրել եք բյուլետեն), պարգևավճար (բայց 1/12 չափով), և բաժանեք 12-ի, կստանաք միջին ամսական աշխատավարձը, դա էլ բաժանեք 30.4-ի (մեկ ամսվա միջին օրերի)՝ միջին օրական աշխատավարձը ստանալու համար, և բազմապատկեք 140-ով: Ստացված գումարից հանեք 22 % եկամտային հարկը և կստանաք վճարման ենթակա մայրության նպաստի չափը: