Գայանե.
Բարի օր: Ասացեք խնդրեմ՝ գեղեցկության սրահում ՀԴՄ-ով ինչքա՞ն գումար կարող են ցույց տալ մեկ անգամով՝ օրական, և ամսական:
Accountant.am
Կայք հաշվապահների համար և ոչ միայն
Accountant.am
Կայք հաշվապահների համար և ոչ միայն
Հոդված 386.Կանխիկ դրամով վճարումների նկատմամբ սահմանափակումները
1. Ապրանքների մատակարարման, աշխատանքների կատարման կամ ծառայությունների մատուցման գործարքների դիմաց Հայաստանի Հանրապետության տարածքում կանխիկ դրամով վճարումների նկատմամբ կիրառվում են հետևյալ սահմանափակումները.
2) ապրանքների մատակարարման, աշխատանքների կատարման կամ ծառայությունների մատուցման յուրաքանչյուր գործարքի դիմաց կանխիկ դրամով գումարի ընդունման առավելագույն չափը սահմանվում է 300 հազար դրամ (ներառյալ ԱԱՀ-ի գումարը), իսկ մեկ ամսվա ընթացքում այդպիսի գործարքների հանրագումարի մասով 3 միլիոն դրամ (ներառյալ ԱԱՀ-ի գումարը), բացառությամբ սույն մասի 3-րդ կետով սահմանված դեպքերի.
3) մանրածախ առևտրում ապրանքների մատակարարման, աշխատանքների կատարման կամ ծառայությունների մատուցման յուրաքանչյուր գործարքի դիմաց անհատ ձեռնարկատեր չհանդիսացող ֆիզիկական անձից կանխիկ դրամով գումարի ընդունման առավելագույն չափը սահմանվում է 3 միլիոն դրամ (ներառյալ ԱԱՀ-ի գումարը):
Մեկ անգամով օրական հասույց ցույց տալը կասկածի տեղիք կտա մուտքերի արժանահավատության առումով:
Օրական` որքան փաստացի մատուցում եք ծառայություն, ամսականի կարիք չի լինի:
Հարկային օրենսգրքով գումար ցույց տալ հասկացողություն չկա, պիտի յուրաքանչյուր հաճախորդից գումարը վերցնելու պահին ՀԴՄ կտրոն խփել, հակառակ դեպքում կենթարկվեք հարկային օրենսգրքով ևվարչական իրավախախտումների մասին օրենսգրքով սահմանված պատասխանատվության: