Անուշիկ.
Կարող է կազմակերպությունը օտարերկրացի քաղաքացուն տրամադրել անգլերեն լեզվով հաշիվ ապրանքագիր, որտեղ գնանշումը կատարված է դոլարով:
Շնորակալություն
Accountant.am
Կայք հաշվապահների համար և ոչ միայն
Accountant.am
Կայք հաշվապահների համար և ոչ միայն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
25 օգոստոսի 1998 թվականի N 525
IV. ԾԱԽՍԵՐԸ ՀԻՄՆԱՎՈՐՈՂ ՀԱՇՎԱՐԿԱՅԻՆ ՓԱՍՏԱԹՂԹԵՐԸ ԿԱԶՄԵԼԸ (ԼՐԱՑՆԵԼԸ)
8. Հայաստանի Հանրապետությունում հարկ վճարող հանդիսացող անձանց միջև ծախսերը հիմնավորող հաշվարկային փաստաթղթերը լրացվում են հայերեն: Գնորդի (ծառայությունից օգտվողի) համաձայնությամբ (պահանջով) նրանց կարող է տրվել այդ փաստաթղթի օտար լեզվով լրացված օրինակ:
գնանշման մասին, իմ կարծիքով ….. օտարերկյա քաղաքացուն չէ, բայց ոչ ռեզիդենտին տրամադրված հաշիվ ապրանքագրում կարելի է / նորից նշեմ, որ սա իմ կարծիքով/
Ոչ ռեզիդենտ – նկատի ունեի օտարերկրյա պետություններում ստեղծված կազմակերպությունները, ինչպես նաև միջազգային կազմակերպությունները և դրանց կողմից Հայաստանի Հանրապետությունից դուրս ստեղծված կազմակերպությունները:
Հարգելի Անուշիկ.
Ձեր գործընկերը ոչ ռեզիդենտ իրավաբանական անձ կամ անհատ ձեռնարկատեր չի հանդիսանում, բացի այդ եթե գործարքը չի կատարվել ՀՀ տարածքից դուրս, ապա դուք հաշիվ-ապրանքագրում իրավունք չունեք գնանշումը կատարել արտարժույթով: Դուք պետք է գնանշումը կատարեք ՀՀ դրամով, բայց կարող եք հաշիվ-ապրանքագրում նաև նշել գործարքի օրվա դրությամբ ԿԲ-ի կողմից սահմանված փոխարժեքի կուրսը:
Ձեր հարցի պատասխանը կգտնեք Արժութային կարգավորման և արժութային վերահսկողության մասին ՀՀ օրենքի 6-րդ հոդվածում որտեղ ասվում է.”Հայաստանի Հանրապետության տարածքում ապրանքների (գույքի) իրացման, ծառայությունների մատուցման, աշխատավարձի և դրան հավասարեցված այլ վճարների վճարումների, գույքի գնահատման և աշխատանքների կատարման, գույքի օգտագործման դրամական (փողային) գնանշումներն իրականացվում են Հայաստանի Հանրապետության դրամով, բացառությամբ սույն օրենքով նախատեսված դեպքերի:”….. “Անկանխիկ վճարումներ նախատեսող և գրավոր ձևով կնքված պայմանագրերում գնանշումները կարող են կատարվել արտարժույթով, եթե այդ պայմանագրերը կնքվել են իրավաբանական անձ կամ անհատ ձեռնարկատեր հանդիսացող ռեզիդենտի և իրավաբանական անձ կամ անհատ ձեռնարկատեր հանդիսացող ոչ ռեզիդենտի միջև:” Ձեր դեպքում, կարծում եմ, վերոհիշյալ բացառությունը չի գործում:
Հաշիվ ապրանքագիրը պետք է լրացվի այն արտարժույթով,որով կազմված է պայմանագիրը:Լեզվի դեպքում`այո,չի խախտվի լեզվի մասին օրենքի պահանջները: