Կայք հաշվապահների համար և ոչ միայն…
Անի.
Բարև ձեզ, հարգելի կոլեգաներ: Ձեր խորհրդի կարիքն ունեմ: Սկսել եմ աշխատել մի կազմակերպությունում, որը 2019թ. ապրիլից աշխատում է, բայց դրամարկղի գիրք չի ունեցել: Գրանցեցի օգոստոսին և ուզում եմ հասկանալ՝ ի՞նչ տուգանք է նախատեսվում դրա համար, և արդյո՞ք հարկավոր է հետին թվով լրացնել այն: Նշեմ, որ 4 ամսվա ընթացքում ամիսը 2-3 գործառնություն է եղել: Խնդրում եմ, օգնեք:
Կանխավ շնորհակալ եմ:
on Գումարի փոխանցում հիմնադրի հաշվին: “հարկայինը կարող է շրջանառության հարկ վճարողի մոտ շահույթ հաշվել` ուսումնասիրության կամ ստուգման ժամանակ” Nov 19, 11:14
on Զբոսաշրջության գործունեություն: “ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ Օ Ր Ե Ն Ք Ը Ընդունված է 2015 թվականի նոյեմբերի 13-ին ԳՈՐԾՈՒՆԵՈՒԹՅԱՆ ԻՐԱԿԱՆԱՑՄԱՆ ԾԱՆՈՒՑՄԱՆ ՄԱՍԻՆ Հոդված 10.Ծանուցման ձևերը, ծանուցման…” Nov 18, 16:55
on Գումարի փոխանցում հիմնադրի հաշվին: “հարկային մարմինը ստուգում է իրականացնում Ձեր կողմից ներկայացված հաշվետվությունների հիման վրա,կասեք ինչ հաշվետվություն եք ներկայացնում,որ շահույթը ֆիքսվի,որ շահաբաժին տաք?” Nov 18, 15:39 on Գումարի փոխանցում հիմնադրի հաշվին: “որ պետք է շահույթ հաշվի,էլ ինչովա տարբերվում հատուկ հարկման համակարգը՝ընդհանուր հարկման համակարգից” Nov 18, 15:32 on Գումարի փոխանցում հիմնադրի հաշվին: “Շրջանառության հարկը պետական բյուջե վճարվող` ԱԱՀ-ին և (կամ) շահութահարկին փոխարինող պետական հարկ է,դուք ոնց եք կարծում հարկայինը կարող է շրջանառության…” Nov 18, 15:30
Կարդացեք այս որոշումը: Պետք է գրանցեք, որ վերջում հաշվարկները ճիշտ երևան: Գրանցեք հին տվյալները, թե ոչ, միևնույն է խախտումը կատարվել է, հայտնաբերվելու դեպքում կարող է վարչական տուգանք սահմանվել:
Հարկային օրենսգրքի հոդված 418. Դրամարկղային գործառնությունները դրամարկղային գրքում չգրանցելը, դրամարկղային գրքի վարման կանոնները խախտելը
1. Դրամարկղային գործառնությունները դրամարկղային գրքում չգրանցելու դեպքում հարկ վճարողից գանձվում է տուգանք՝ 50 հազար դրամի չափով:
2. Սույն հոդվածի 1-ին մասում նշված խախտումը համալիր հարկային ստուգման ակտով արձանագրելուն հաջորդող մեկ տարվա ընթացքում կրկին կատարելու դեպքում հարկ վճարողից գանձվում է տուգանք՝ 100 հազար դրամի չափով:
3. Դրամարկղային գրքի գրանցման կամ դրամարկղային գրքի վարման սահմանված կարգը խախտելու դեպքում հարկ վճարողից գանձվում է տուգանք՝ 20 հազար դրամի չափով:
4. Սույն հոդվածի 3-րդ մասում նշված խախտումը համալիր հարկային ստուգման ակտով արձանագրելուն հաջորդող մեկ տարվա ընթացքում կրկին կատարելու դեպքում՝ հարկ վճարողից գանձվում է տուգանք՝ 50 հազար դրամի չափով:
5. Սույն հոդվածի 2-րդ և 4-րդ մասերի կիրառության իմաստով՝ խախտումը կրկին կատարել է համարվում համալիր հարկային ստուգման ակտի ամսաթվից հետո՝ մեկ տարվա ընթացքում՝ մինչև հաջորդ համալիր հարկային ստուգման ակտի նախագծի ամսաթիվը, սույն հոդվածի՝ համապատասխանաբար 1-ին կամ 3-րդ մասով սահմանված խախտումը կատարելը:
Տվյալ դեպքում սահմանված է 50 000 դրամ տուգանք՝ համաձայն Հարկային օրենսգրքի 418-րդ հոդվածի: Եթե կարող եք հիմնավորել, որ աշխատել եք փոխանցումով, ապա կարող եք խուսափել տուգանքից: Այն հարցին, թե արդյոք կարող եք գրանցել հետին թվով, նշեմ, որ չեք կարող, քանի որ դրամարկղային գիրքը հարկային տեսչությունում հաստատելու ժամանակ ֆիքսվել է դրամարկղային գրքի տրման ամսաթիվը:
Տուգանք՝ 50 000 ՀՀ դրամ (ՀՀ հարկային օրենսգիրք, հոդված 418):
Կարող է գրանցել, ու տուգանքն այս դեպքում կկազմի 20 000 դրամ՝ ՀՕ 418-րդ հոդված, 3-րդ մաս: