Arshak.
Բարև Ձեզ։ Ինձ հարկավոր է իմանալ՝ ինչպե՞ս է հաշվարկվում աշխատողի աշխատանքից ազատվելու ժամանակ վերջնահաշվարկի հաշվարկումը, ի՞նչ բանաձևով։
Accountant.am
Կայք հաշվապահների համար և ոչ միայն
Accountant.am
Կայք հաշվապահների համար և ոչ միայն
Բանաձև այդպիսին գոյություն չունի։ Վերջնահաշվարկը պայամանագիրը լուծելու դեպքում գործատուի կողմից աշխատողին վճարվող աշխատավարձն է, չօգտագործված արձակուրդների դիմաց դրամական փոխհատուցումն է, և նայած ինչ հոդվածով է լուծվում պայմանագիրը կարող է աշխատողին վճարման ենթակա լինի արձակման նպաստ, կամ, եթե աշխատողի կողմից վնաս է պատճառվել գործատուին, ապա վնասի փոխհատուցում լինի։ Այս ամբողջ համակարգը կոչվում է վերջնահաշվարկ։
Կոնկրետ բանաձևով չի հաշվարկվում, այն բաղկացած է լինում հիմնականում ընթացիկ աշխատավարձից, արձակուրդային գումարից, արձակման նպաստից, եթե հասնում է:
Վերջնահաշվարկը աշխատողին աշխատած օրերի դիմաց աշխատավարձի և չօգտագործած արձակուրդի դիմաց հաշվարկած դրամական փոխհատուցումն է։ Իսկ, եթե տեղի է ունեցել հաստիքի կրճատում` նաև արձակման նպաստ։
Վերջնահաշվարկը տրվում է աշխատողին իր աշխատած տարիներին վաստակած, բայց չօգտագործած արձակուրդային օրերի համար: Նախ հաշվարկում եք չօգտագործած արձակուրդի օրերի թիվը և բազմապատկում եք միջին օրական աշխատավարձի թվով:
Միջին օրական աշխատավարձը հաշվարկում ենք ՀՀ աշխատանքային օրենսգրքի 195-րդ հոդվածի դրույթների համաձայն:
Վերջնահաշվարկ կատարելու համար կարող եք օգտվել http://impress.am/hy/tools հղումից:
Հատուցման չափը որոշվում է տվյալ ժամանակահատվածի համար տրամադրման ենթակա ամենամյա արձակուրդի չօգտագործված օրերի քանակը բազմապատկելով միջին օրական աշխատավարձով: Հնգօրյա աշխատանքային շաբաթվա դեպքում միջին օրական աշխատավարձի չափը որոշվում է` միջին ամսական աշխատավարձը բաժանելով 21-ի: Վեցօրյա աշխատանքային շաբաթվա դեպքում միջին օրական աշխատավարձի չափը որոշվում է` միջին ամսական աշխատավարձը բաժանելով 25-ի: