Մարիետտա.
Եթե աշխատողը երկու տարբեր գործատուների մոտ է աշխատում, մի գործատուի մոտ՝ մեկ դրույք, մյուսի մոտ՝ կես դրույք, այս դեպքում ինչպե՞ս է հաշվարկվում մայրության նպաստը:
Կայք հաշվապահների համար և ոչ միայն…
on Ավտոտեխսպասարկման գործունեություն: “Իսկ ներողություն բացի 10% շրջհարկից ել ինչ հարկեր պետք է վճարի եթե չունի աշխատող ,աշխատողն աձի տնօրենն է” Dec 18, 01:55
on Գործունեության դադարեցման հետ կապված: “փակելուց հետո չեն հատուցի, ուրեմն պիտի ազատեք աշխատողին, որ որպես չաշխատող մայրության նպաստ ստանա, եթե չեք կարող վճարել աշխատողին, ազատեք,…” Dec 17, 20:55on Գործունեության դադարեցման հետ կապված: “Isk vorqan jamanak heto kpoxancen .Pakeluc heto kpoxhatucvi” Dec 17, 20:16
- on Գործունեության դադարեցման հետ կապված: “մինրև լուծարումը պետք է փոխհատուցման դիմում ներկայացնեք,” Dec 17, 20:00
on Ի՞նչ վաճառքի գին սահմանել: “Հստակ սահմանված տոկոսադրույք չկա: Ինքնուրույն որոշեք ձեր վաճառքի գինը:” Dec 17, 16:09- on Դադարեցված ՍՊԸ հաշվետվություններ: “Հարց 1․որ սուբյեկտով հարմար է նրանով էլ գործեք 2025-ին, Կարող եք ՍՊԸ-ի գործունեությունը դադարեցնել,լուծարել, վաճառել, Հարց 2․ Այո ՍՊԸ-ի համար…” Dec 17, 14:02
- on Ի՞նչ վաճառքի գին սահմանել: “դա հաշվարկելու հարց է , հստակ տոկոսով չի, տարբեր գործոնների հաշվարկով պիտի գին որոշել” Dec 17, 13:57
- on ՏՏ ոլորտի արտոնություններ 2025թ․: “օրենքների փաթեթում սենց է գրված, մի նախագծում 1 են գրել ,մյուսում 2, «8)Կառավարության սահմանածբարձր տեխնոլոգիական ոլորտի գործունեության տեսակների ցանկում ներառված՝…” Dec 17, 13:55
Համատեղությամբ աշխատելու դեպքում մայրության նպաստը հաշվարկվում և վճարվում է հիմնական գործատուի կողմից:
Համատեղությամբ աշխատող վարձու աշխատողի մայրության նպաստը հաշվարկում, նշանակում և վճարում է հիմնական աշխատավայրի գործատուն: Համատեղությամբ աշխատող վարձու աշխատողի դեպքում հղիության և ծննդաբերության արձակուրդ տալու մասին անհատական իրավական ակտ ընդունելու համար հիմնական աշխատավայրի գործատուի համար հիմք է համարվում անաշխատունակության թերթիկը, իսկ այլ գործատուների համար` անաշխատունակության թերթիկի լուսապատճենը:
Համատեղությամբ աշխատելու դեպքում վարձու աշխատողի մայրության նպաստը հաշվարկվում, նշանակվում և վճարվում է հղիության և ծննդաբերության արձակուրդի իրավունք ունենալու ժամանակահատվածի այն օրվանից, երբ վարձու աշխատողը բոլոր գործատուների մոտ գտնվում է հղիության և ծննդաբերության արձակուրդում:
Մայրության նպաստի չափը հաշվարկելու համար միջին ամսական աշխատավարձը հաշվարկելիս գործատուն հաշվառում է հաշվարկային ժամանակահատվածի համար (անկախ այդ ժամանակահատվածում իր և վարձու աշխատողի աշխատանքային հարաբերությունների անընդհատությունից) միայն իր կողմից վարձու աշխատողին վճարած (հաշվարկած) եկամուտը:
ԱՕ հոդված 22. Նպաստները և միջին ամսական աշխատավարձը (եկամուտը) հաշվարկելու կարգը
1. Նպաստները հաշվարկվում են վարձու աշխատողի հաշվարկված միջին ամսական աշխատավարձից (եկամտից):
2. Վարձու աշխատողի միջին ամսական աշխատավարձը հաշվարկվում է ժամանակավոր անաշխատունակությունը առաջանալու ամսվան նախորդող տասներկու հերթական օրացուցային ամիսների (այսուհետ` հաշվարկային ժամանակահատված) համար տվյալ գործատուի կողմից վարձու աշխատողին վճարված եկամուտը տասներկուսի բաժանելու միջոցով: Սույն մասի իմաստով եկամուտ են համարվում սոցիալական վճարների հաշվարկման օբյեկտ համարվող աշխատավարձը և դրան հավասարեցված եկամուտները, ինչպես նաև սույն օրենքով սահմանված նպաստը:Ժամանակավոր անաշխատունակությունը առաջանալու օրվա դրությամբ վարձու աշխատողի` տվյալ գործատուի մոտ աշխատելու ժամանակահատվածը տասներկու ամսից պակաս լինելու դեպքում վարձու աշխատողի միջին ամսական աշխատավարձը հաշվարկելիս հաշվի է առնվում նաև հաշվարկային ժամանակահատվածում այլ գործատուի` մինչև տվյալ գործատուի մոտ աշխատանքի անցնելը վճարված եկամուտը, եթե վարձու աշխատողը ժամանակավոր անաշխատունակությունը առաջանալու օրվա դրությամբ այդ գործատուի հետ աշխատանքային հարաբերությունների մեջ չէ: Ընդ որում, հաշվարկային ժամանակահատվածի մեկ ամսվա համար կարող է հաշվառվել մեկ գործատուի կողմից վարձու աշխատողին վճարված եկամուտը:
Համատեղությամբ աշխատելու դեպքում վարձու աշխատողին նպաստ նշանակելու համար հիմնական աշխատավայրի գործատուի համար հիմք է համարվում ժամանակավոր անաշխատունակության թերթիկը, իսկ մյուս գործատուի համար` հիմնական աշխատավայրի գործատուի կողմից վավերացված ժամանակավոր անաշխատունակության թերթիկի լուսապատճենը:
Համատեղությամբ աշխատելու դեպքում վարձու աշխատողի մայրության նպաստը հաշվարկվում, նշանակվում և վճարվում է հղիության և ծննդաբերության արձակուրդի իրավունք ունենալու ժամանակահատվածի այն օրվանից, երբ վարձու աշխատողը բոլոր գործատուների մոտ գտնվում է հղիության և ծննդաբերության արձակուրդում:
Համատեղությամբ աշխատելու դեպքում մայրության նպաստը հաշվարկելու, նշանակելու և վճարելու համար հիմնական աշխատավայրի գործատուին ներկայացնում է այլ գործատուի տված փաստաթուղթը (տեղեկանքը կամ հղիության և ծննդաբերության արձակուրդ տրամադրելու հրամանի քաղվածքը) հղիության և ծննդաբերության արձակուրդի ժամանակահատվածի մասին (գործատուի տված փաստաթղթում ներառվում են աշխատանքային պայմանագրի տեսակը (որոշակի կամ անորոշ ժամկետով կնքված), պայմանագիրը կնքելու օրը, ամիսը, տարեթիվը, իսկ եթե աշխատանքային պայմանագիրը կնքվել է որոշակի ժամկետով, նաև պայմանագրի ժամկետի ավարտը՝ անկախ լուծվելու հանգամանքից), ինչպես նաև տարածքային բաժնի տված այլ գործատուի վճարած եկամտի մասին տեղեկանքը։
Համատեղությամբ աշխատող վարձու աշխատողի մայրության նպաստը հաշվարկելու համար միջին ամսական աշխատավարձը հաշվարկելիս հիմնական գործատուն եկամտում հաշվառում է նաև հաշվարկային ժամանակահատվածի համար այլ գործատուի կողմից հաշվարկած եկամուտը, եթե մայրության նպաստը հաշվարկող գործատուի մոտ հղիության և ծննդաբերության արձակուրդի մեջ գտնվելու առաջին օրվա դրությամբ վարձու աշխատողն այլ գործատուի մոտ ևս գտնվում է հղիության և ծննդաբերության արձակուրդում: