Հայկ.
Բարև Ձեզ, հարգելի հաշվապահներ: Ի՞նչ թղթեր են անհրաժեշտ բիստրո բացելու համար /կրպակ/, լինելու է նաև առաքում։
Accountant.am
Կայք հաշվապահների համար և ոչ միայն
Accountant.am
Կայք հաշվապահների համար և ոչ միայն
Նախ պետք է գրանցել պետ ռեգիստրում կա՛մ ԱՁ, կա՛մ ՍՊԸ, հետո հարկայինով հաստատել էլեկտրոնային ստորագրությունը, հետո տալ շրջհարկով աշխատելու հայտարարությունը, քանի որ հանրային սնունդ է Ձեր գործունեության տեսակը:
Նախ գրանցվեք պետռեգիստրում որպես Ա/Ձ: Այնուհետև պետեկամուտների կոմիտեի էջում առցանց գրանցվեք: Պետք է աշխատեք շրջհարկով։ Պարտադիր ՀԴՄ է պետք։ Եթե աշխատողներ եք ունենալու, ապա գրանցեք և համապատասխան հաշվետվություններ շրջհարկի՝ եռամսյակային, եկամտահարկի՝ ամսական։ Հարցերի դեպքում զանգեք 077102252։
Գրանցում պետռեգիստրում, հարկային հաշվետվությունների համակարգում առցանց գրանցում ու դրա հետ կապված շրջհարկի հարցերի ապահովում, ՀԴՄ-ի առկայություն, հաշվառում սննդի անվտանգության տեսչությունում: Կարող եք զանգել 099455932:
1. Անձնագրով և սոց. քարտով մոտենալ պետ. ռեգիստր, կատարել պետական տուրքի վճարում 3 000 դրամ, գրանցել ԱՁ-ն:
2. Եթե ԱՁ-ն նույնականացման քարտ չունի, հնարավորինս շուտ դիմել նույնականացման քարտ ստանալու համար:
3. Քարտը ունենալուց հետո կատարել 3 000 դրամ քարտի տարեկան սպասարկման վճարումը /վճարումը կարելի է կատարել հենց ԹելՍել ապարատների միջոցով՝ Պետական վճարումներ ➡ EKENG, անմիջապես գումարը մուտքագվում է հաշվին:
4. Այս հղումով գրանցվել և անձնական էջ ստեղծել՝ հաշվետվությունների ներկայացման համար:
5. Գրանցել առկա բոլոր աշխատակիցներին, այդ թվում՝ ընտանիքի անդամներին:
6. Գրանցման օրվան հաջորդող 20 օրացուցային օրվա ընթացքում ներկայացնել հարկման ռեժիմի վերաբերյալ հայտարարություն:
7. ՀԴՄ ապարատ ձեռք բերել և գրանցել ԱՁ-ի անունով
8. Գործունեության վայրում փակցնել հարկ վճարողի վերաբերյալ հայտարարության օրինակելի ձևը /հաշվի առնել, որ դրա բացակայության դեպքում նախատեսվում է 50 000 դրամ տուգանք/:
9. Պատասխանատու վաճառողների համար անվանաքարտեր պատրաստել: