Էմիլի.
Եթե մարդ համատեղելի աշխատող է, երկրորդ աշխատավայրից սոց. և դրոշմանիշային պահումները արվու՞մ է, թե ոչ:
Կայք հաշվապահների համար և ոչ միայն…
on Սարքավորման ներմուծում ԵԱՏՄ-ից: “Բարև Ձեզ։ Ներմուծվող սարքավորումը գործունեության հետ կապված լինելը կապ չունի ԱԱՀ վճարել չվճարելու հետ: Եթե այդ սարքավորումն ընդգրկված չէ «ԿԱԶՄԱԿԵՐՊՈՒԹՅՈՒՆՆԵՐԻ…” Nov 23, 16:17on Արդյո՞ք անհրաժեշտ է ինքնահաշիվ գրել: “Շատ շնորհակալ եմ Արմեն ջան մանրակրկիտ բացատրելու համար։” Nov 23, 16:15
- on Արդյո՞ք անհրաժեշտ է ինքնահաշիվ գրել: “Գոռ ջան ֆեյսբուքը հաստատ չես լրացնում: Մենք Իռլանդիայի հետ ունենք կրկնակի հարկումը վերացնելու համաձայնագիր, և այդ եկամուտները, ռեզիդենտության տեղեկանքի առկայության…” Nov 23, 16:05
on Շրջանառության հարկի փոփոխություններ 2025թ․: “թեժ գիծը նման հարցերին նորմալ պատասխան չի կարող տալ, իրենք էդքան խորացած չեն, ավելի լավ է գրավոր հարցնեք,” Nov 22, 22:15- on Վառելիքի ծախսագրում: “2.5 տոկոսը վերաբերում է շինություններին, իսկ պայմանագրում գրեք որ մեքենայի պահպանման որ ծախսերն է կազմակերպության վրա, սակայն մյուս կողմից կա…” Nov 22, 22:14
- on Արդյո՞ք անհրաժեշտ է ինքնահաշիվ գրել: “Գոռ ջան վերևում խոսքը գնում էր ոչ ռեզիդենտի շահութահարկի մասին, իսկ դա եթե հասնում է վճարել ուրեմն վճարման ենթակա գումար…” Nov 22, 12:06
on Վառելիքի ծախսագրում: “Եթե պայմանագիրը առկա է անհատույց վարձակալության պայմանագիր որպես, շահութահարկի մասով լրացուցիչ պարտավորություն չի առաջանա չէ շուկայական գնի 2,5% տոկոսի չափով…” Nov 22, 12:04
on Հացի և խմորեղենի արտադրություն: “ՀԴՄ-ն վերաբերվում էր որ տեղում արտադրես և տեղում հդմ-ով վաճառես ոչ թե խանութներիս տաս , խանութներին բնականաբար հաշիվ վավերագիր պետք…” Nov 22, 11:16on Շրջանառության հարկի փոփոխություններ 2025թ․: “Փորցեցի նաև ճշտել հարկայինից, թեժ գիծ զանգահարեցի և ինձ պատասխանեցին որ վարձակալության վճարը չի նվազեցվում, պարզաբանելով որ ուղիղ չի նշված տարածքի…” Nov 22, 11:09
Հարգելի Էմիլի, օրենքում հստակ նշված է, եթե անձը աշխատում է բացի հիմնականից այլ վայրում, ապա նրանից պահվում են օրենքով սահմանված հարկերը` եկամտային հարկ, սոց. և դրոշմանիշային վճար: Սակայն Դուք կարող եք 2-րդ աշխատավարում պահված դրոշմանիշային վճարը հետ ստանալ հաջորդող տարվա մինչև փետրվարի 28-ը, դիմում ներկայացնելով համապատասխան հիմնադրամին, ներկայացնելով 2 աշխատավայրերից տեղեկանքները ՊԵԿ: Այնտեղից Ձեզ կտան տեղեկանք, որը պետք է ներկայացնեք հիմնադրամ գումարը հետ ստանալու համար:
Սոց. վճարը՝ այո, իսկ դրոշմանիշայինը պահելու դեպքում կարող եք դիմել և երկրորդ տեղից պահված գումարները հիմնադրամից հետ ստանալ:
Համատեղությամբ աշխատելու դեպքում պահվում է և դրոշմանիշային վճար և սոց վճար։ Դրոշմանիշայինի դեպքում՝
Եթե նույն ֆիզիկական անձն աշխատանքային պայմանագրով աշխատում է մեկից ավելի գործատուի մոտ, ապա այդ ֆիզիկական անձն իրավունք ունի դիմելու Հիմնադրամ՝ սույն մասում նշված՝ մեկից ավելի հիմքով վճարված (իրենց եկամուտներից հարկային գործակալի կողմից պահված) դրոշմանիշային վճարը հետ ստանալու համար:
Սոց վճարի դեպքում՝
Եթե անձը եկամուտ է ստանում մի քանի աղբյուրից, ապա հաշվարկված և փոխանցված (գանձված) սոցիալական վճարների սահմանված չափը գերազանցող գումարները մասնակիցներին վերադարձնելու կարգը սահմանում են հարկային մարմինը և Հայաստանի Հանրապետության կառավարության ֆինանսական ոլորտի պետական լիազորված մարմինը համատեղ հրամանով:
Վճարման ենթակա սոցիալական վճարի գումարը չի կարող գերազանցել ամսական՝
ա. համախառն եկամտի 5 տոկոսը, եթե այդ եկամտի չափը չի գերազանցում 500 000 դրամը,
բ. համախառն եկամտի 10 տոկոսի և 25 000 դրամի տարբերությունը, եթե այդ եկամտի չափը գերազանցում է 500 000 դրամը,
գ. սոցիալական վճարի հաշվարկման օբյեկտի առավելագույն ամսական շեմի 10 տոկոսի և 25 000 դրամի տարբերությունը, եթե այդ եկամտի չափը գերազանցում է սոցիալական վճարի հաշվարկման օբյեկտի առավելագույն ամսական շեմը։
Իսկ որ խնդրեմ օրենքի այս հատվածի կետը կասե՞ք ուսումնասիրեմ: Նախախապես շնորհակալ եմ:
2 տարբեր օրենքներ են, մեկը կուտակային օրենքի հ. 6, հ. 81 մաս 8, մյուսը դրոշմանիշայինի օրենք հ. 12:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ԺԱՄԱՆԱԿ ԶԻՆԾԱՌԱՅՈՂՆԵՐԻ ԿՅԱՆՔԻՆ ԿԱՄ ԱՌՈՂՋՈՒԹՅԱՆԸ ՊԱՏՃԱՌՎԱԾ ՎՆԱՍՆԵՐԻ ՀԱՏՈՒՑՄԱՆ ՄԱՍԻՆ Օրենքի Հոդված 12. Դրոշմանիշային վճարների չափը
ԿՈՒՏԱԿԱՅԻՆ ԿԵՆՍԱԹՈՇԱԿՆԵՐԻ ՄԱՍԻՆ Օրենքի
Հոդված 6. Սոցիալական վճարի հաշվարկման օբյեկտը և դրույքաչափը
ՀՀ օրենսդրության համաձայն պահվում է սոց. վճար և դրոշմանիշային համատեղությամբ աշխատելու պայմաններում, սակայն Ձեր ցանկությամբ դիմումի հիման վրա կարող եք հետ ստանալ հիմնադրամից:
Ես ոչ ոքի միտում չունեմ վիրավորելու, բայց չեմ կարող չկիսվել: 2 տեղ եմ աշխատում, բայց ոչ մի դեպքում այդ գումարը հիմնադրամից hետ չեմ ուզի: Թող իմ կողմից լինի ներդրում մեր բանակին: Կարծում եմ տարվա մեջ 12 000 կամ 24 000 մեծ գումար չէ յուրաքանչյուրիս կողմից մեր բանակին, մեր զինվորների համար:
Ձեր իրավունքն է հետ չուզել 12 000-ը, սակայն որ հիմնադրամի հետ կապված հարցերի մեջ հետաքրքրվեիք անգամ հազարավոր դեպքեր կգտնեք, որ անգամ այդ 12 000-ը չեն վճարել, այնպես չի, որ պարտաճանաչ վճարում են, իսկ հարկայինի համար էլ պլանային գումարներ չեն դրա համար էլ թերանում է հսկելու հարցում ու գանձել նշյալ անձանցից: Այդ գումարները բանակի համար չեն նախատեսված, այլ զոհված և հաշմանդամ զինծառայողներին ու նրանց ընտանիքներին աջակցություն ցուցաբերելուն: Ուկրաինայում էլ 2014-ից սկսեցին կիրառել 1 տոկոս ռազմական հարկ աշխատավարձից, իսկ առաջնային գաղափարի հեղինակը Օտտո ֆոն Բիսմարկինն է, ով գերմանիայի միավորման ու վերելքի հիմնադիրն է եղել:
Համաձայն եմ, բայց ես իմ աշխատողի պահանջն էր դա և ես ոչ մի բան չեմ կարող անել:
Հարգելի Էմիլի, ես Գայանեի գրածին եմ պատասխան գրել, քո մասով մի ընդունիր:
Երկու վճարներն էլ կատարվում են պարտադիր, բայց տարվա վերջում տեղեկանք կարող եք ներկայացնել և մեկ աշխատավայրում ԱՎՈՒՄ դիմաց վճարված դրոշմանիշային վճարները հետ ստանալ:
Եթե անձը եկամուտ է ստանում մի քանի աղբյուրից (ստանում է ձեռնարկատիրական եկամուտ և աշխատավարձ), ապա հաշվարկված և փոխանցված (գանձված) սոցիալական վճարների` 6-րդ հոդվածի 7-րդ մասով սահմանված չափը գերազանցող գումարները (եթե այդպիսիք առկա են) մասնակիցներին վերադարձնելու կարգը սահմանում են հարկային մարմինը և Հայաստանի Հանրապետության կառավարության ֆինանսական ոլորտի պետական լիազորված մարմինը համատեղ հրամանով: Ամսական համախառն եկամուտը անձի կողմից ստացման ենթակա՝ հաշվետու ամսվա համար (բոլոր գործատուների հաշվարկած) աշխատավարձի և դրան հավասարեցված եկամուտների ու այդ հաշվետու ամսվա ընթացքում անձին վճարված պայմանագրային եկամտի հանրագումարն է: Տարեկան համախառն եկամուտը անձի կողմից ստացման ենթակա՝ հաշվետու տարվա ձեռնարկատիրական եկամտի, հաշվետու տարվա (ամիսների) համար հաշվարկված (բոլոր գործատուների հաշվարկած) աշխատավարձի և դրան հավասարեցված եկամուտների ու այդ հաշվետու տարվա՝ անձին վճարված պայմանագրային եկամտի հանրագումարն է: