Արտակ.
Ես ունեմ երկու բնակարան: 1 տարվա ընթացքում երկու բնակարանը վաճառելու կամ նվիրատվության դեպքում արդյո՞ք ես պետք է եկամտահարկ վճարեմ:
Accountant.am
Կայք հաշվապահների համար և ոչ միայն
Accountant.am
Կայք հաշվապահների համար և ոչ միայն
Հարգելի Արտակ,եկամտահարկի խնդիր կառաջանար, եթե դուք լինեիք բազմաբնակարան շենքի կառուցապատող, վաճառքից եկամուտը կհամարվեր այդ բնակարանների կադաստրային արժեքից ոչ փոքր մեծությունը, Ձեր նշած պարագայում եկամատահարկի խնդիր չի առաջանում:
Մեկ տարվա ընթացքում 2-րդ և ավելի թվով բնակարան վաճառելիս ֆիզ. անձը դառնում է ԱԱՀ վճարող, եթե վաճառքը իրականցվել է այն ձեռք բերելու մեկ տարին չլրանալու դեպքում, և վաճառվածի գինը գերազանցում է 58.35 մլն դրամը (ի դեպ անհատույց կամ ցածր գնով իրացնելիս ԱԱՀ-ի օրենքը թույլ է տալիս կիրառել սովորաբար կիրառվող գներ):
Արման ջան, շնորհակալություն հարցիս անդրադառնալու համար:
Ես ոնց հասկացա, եթե իմ 1-ին բնակարանի գինը համաձայն պայմանագրի կազմում է 22376800 դրամ, 2-ինը 19849300 դրամ, ես կարող եմ երկու բնակարանները վաճառել (երկու բնակարանների նախնական պայմանագիրները 2009թ.-ից է,բայց վկայականները ստացել եմ 2011թ.-ին):
Եկամտահարկ չի առաջանում, եթե ձեռնարկատիրական գործունեության արդյունք չէ, ասենք եթե ֆիզ. անձը կառուցի տուն վաճառելու նպատակով կամ սիստեմատիկ զբաղվի նշված գործունեությամբ, դա արդեն կարող են դիտել ձեռնարկատիրական գործունեության:
Հարգելի Արման, իսկ ի՞նչ կասեք ԱԱՀ-ի մասին օրենքի 3րդ հոդվածի է) կետի մասին:
Հարգելի Արտակ, փաստորեն 58.35 մլն դրամի շեմը տվյալ դեպքում չի կիրառվում:
Հարգելի Աննա, շնորհակալություն տեղին մեջբերում անելու համար: Փաստորեն 2-րդ բնակարանի վաճառքի գումարը պետք է հարկվի ԱԱՀ-ով (ի դեպ, եթե վաճառքի գինը ավելի ցածր է տվյալ բնակարանի կադաստրային արժեքից, ապա ԱԱՀ հաշվարկվում է կադաստրային արժեքից):
Բարև Ձեզ, Հարգելի Արման ես 2020 թ.-ին բաժնեմասով գնել եմ սեփական տուն, 2022թ.-ին մյուս համասեփականատերը ինձ նվիրատվություն է կատարել իր բաժնեմասը։ 2022 թ.-ի աշնանը նոր վկայականով միակ սեփականատերը ես եմ դարձել։ 2023թ.-ի դեկտեմբերի 19-ին վաճառել եմ այդ տունը 5,8 մլն դրամով։ 2024 թ.-ի հուլիսի 28-ին նոտարի միջոցով տան առուվաճառքի կանխավճար եմ տվել` բեհ եմ տվել, առքուվաճառքը իրականացնելու եմ սեպտեմբերի 2-ին։ Հարց։ 2-րդ տունը եթե 2024 թ.-ի աշնանը վաճառեմ մոտավոր 11-12 մլն դրամով, պե՞տք է արդյոք եկամտահարկ վճարել։
(Հարկային օրենսգրքի 147-րդ հոդվածի 16 կետի ա) ենթակետով չի դիտարկում որպես նվազեցվող եկամուտ)
Կանխավ շնորհակալություն։