Մարիամ.
Հարգելիներս,
27.02.2013թ.-ից ես գտնվում եմ մինչև երեք տարեկան երեխայի խնամքի արձակուրդում, այդ ընթացքում իմ գործատու ընկերությունը ժամանակավորապես դադարեցրել է գործունեությունը: Խնդրում եմ ասել` ի՞նչ կարգավիճակում եմ ես այժմ, արդյո՞ք ինձ հետ կնքված աշխատանքային պայմանագիրը ավտոմատ լուծվում է: Շնորհակալություն:
Հարգելի Մարիամ,
Մինչև երեխայի երեք տարեկան դառնալը Դուք գտնվելու եք նպատակային արձակուրդում, հետևաբար Ձեր հետ կնքված աշխատանքային պայմանագիրը Գործատուն՝ իր նախաձեռնությամբ կարող է լուծել միայն կազմակերպության լուծարման (անհատ ձեռնարկատիրոջ գործունեության դադարման) դեպքում: Անգամ նշված հիմքով աշխատանքային պայմանագիրը լուծելու դեպքում, գործատուն պարտավոր է աշխատողին գրավոր ծանուցել ոչ ուշ, քան երկու ամիս առաջ: