Կայք հաշվապահների համար և ոչ միայն…
Սամվել.
Բարև Ձեզ, խնդրում եմ օգնեք հասկանալ իմ իրավունքները:
Աշխատում եմ ԱՁ մոտ, ունեմ ամսական գրանցված աշխատավարձ, և վճարվում են բոլոր հարկերը: Սակայն արդեն 6-րդ տարին է, ինչ արձակուրդ չեմ կարողանում գնալ, քանի որ ասում են` միայն իմ հաշվին կարող եմ վերցնել: Արդյո՞ք ԱՁ մոտ աշխատողներին չի հասնում հերթական վճարովի արձակուրդ ըստ օրենքի: Իրավունք ունե՞մ պահանջել նախորդ տարիների համար փոխհատուցում:
on Շրջանառության հարկի փոփոխություններ 2025թ․: “փաստորեն, կտեսնենք իրազեկում կլինի թե չէ, իսկ ներմուծման մաքսային հայտարարագրերի մասը հանել են,” Nov 22, 10:35
on Շրջանառության հարկի փոփոխություններ 2025թ․: “1) Ձեր մեկնաբանությամբ եթե ծախսերը համապատասխանում է Օրենսգրքի 55-րդ հոդվածի 2-րդ մասի 1-5-րդ կետերին, ինչպես նաև նույն հոդվածի 12-րդ և…” Nov 22, 10:23
on Արդյո՞ք անհրաժեշտ է ինքնահաշիվ գրել: “Այո նախատեսված է վարչական պատասխանատվություն, եթե չեմ սխալվում 10,000-20,000 դրամ: Բացի դա ամեն ուշացրած 15 օրվա համար հարկի գումարի 5…” Nov 22, 09:09 on QR կոդով վաճառվող ապրանքներ: “փորձնական ծրագիրն ու դրոշմապիտակները իրար չեն խանգարում, վաճառեք քանի ժամկետի մեջ են, ” Nov 21, 19:36
on Սարքավորման ներմուծում ԵԱՏՄ-ից: “Բայց սարքավորումը գործնեության հետ է կապված ոչ թե վաճառքի” Nov 21, 18:49
on QR կոդով վաճառվող ապրանքներ: “Հիմա օրինակ եթե ավտոյուղը մտնում է փորձնական ծրագրի մեջ, բայց իմ մոտի յուղերը հին նմուշի դրոշմապիտակներով են, դրանք չեն վաճառվելու…” Nov 21, 17:21
Հարգելի Սամվել, նման բան չկա: ԱՁ մոտ աշխատողներին ևս հասնում է հերթական վճարովի արձակուրդ: Ծանոթացեք Ձեր աշխատանքային պայմանագրին:
Հարգելի Սամվել,
ՀՀ Սահմանադրության 33-րդ հոդվածը սահմանում է՝ “Յուրաքանչյուր ոք ունի հանգստի իրավունք: Առավելագույն աշխատաժամանակը, հանգստյան օրերը և ամենամյա վճարովի արձակուրդի նվազագույն տևողությունը սահմանվում են օրենքով:”
Հայաստանի Հանրապետության աշխատանքային օրենսդրության և աշխատանքային իրավունքի նորմեր պարունակող այլ նորմատիվ իրավական ակտերի դրույթները ենթակա են պարտադիր կատարման բոլոր գործատուների (անհատ ձեռնարկատերեր կամ կազմակերպություններ) համար` անկախ նրանց կազմակերպական-իրավական և սեփականության ձևից: Այսինքն, ինչպես մյուս բոլոր աշխատողները, Դուք ևս ունեք ամենամյա արձակուրդի իրավունք:
Աշխատելու ժամանակահատվածում ամենամյա արձակուրդի փոխարինումը դրամական հատուցմամբ չի թույլատրվում: Ամենամյա արձակուրդը չօգտագործելու համար դրամական հատուցումը վճարվում է աշխատանքային պայմանագիրը լուծելիս: Հատուցման չափը որոշվում է տվյալ ժամանակահատվածի համար տրամադրման ենթակա ամենամյա արձակուրդի չօգտագործված օրերի քանակով: Եթե աշխատողին ամենամյա արձակուրդը չի տրամադրվել մեկ տարուց ավելի ժամանակահատվածով, ապա հատուցումը վճարվում է չօգտագործված բոլոր արձակուրդների համար: