Ավտոլվացման կետ բացելու համար

Բարև Ձեզ, Արփինե։ Ավտոլվացման կետը եկամտահարկ չի վճարում, այլ վճարում է Հաստատագրված վճար, որնել տվյալ դեպքում փոխարինոիմ է Եկամտահարկին։ Իսկ հաստատագրված վճարի չափը որոշելու համար, կարդացեք Հաստատագրված վճարների մասին օրենքը։

Հարգելի Արփինե այդ մասին կարող եք կարդալ Հաստատագրված վճարների մասին ՀՀ օրենքի 52 հոդվածում, ավտոլվացման կետերի գործունեությունը համարվում է ավտոտեխսպասարկման գործունեություն: Այդ հոդվածում սահմանվում են մասնավորապես`
1.Սահմանային չափը` 800 հազ. հհ դրամ:
2. Ելակետային տվյալը` ավտոտրանսպորտային միջոցների տեխնիկական սպասարկման աշխատատեղերի քանակը.
3. Հաստատագրված վճարների հաշվարկման ուղղիչ գործակիցներն են`
Երևան քաղաքի համար` 1.0,
այլ վայրերի համար` 0.8:
Հաստատագրված վճարի չափը հաշվարկվում է Ելակետային տվյալի և ուղղիչ գործակիցների արտադրյալի 15,000-ապատիկի չափով
Օրինակ, եթե Երևան քաղաքում ունեք ավտոլվացման կետ 3 աշխատատեղով, ապա հաստատագրված վճարը կկազմի` 1*3*15000=45000 ՀՀ դրամ:
Եթե այդ գործունեության մասով շրջանառությունը մեկ աշխատատեղի հաշվով գերազանցում է 800 հազար դրամը, ապա գերազանցելու պահից հաստատագրված վճար վճարող չեք համարվում, հարկվում եք ընդհանուր կարգով /այս մասին մանրամասն կարող եք կարդալ օրենքում/:
Նաև պետք է ուղարկեք հայտարարություններ` յուրաքանչյուր ամիս /մինչև հաշվետու ամսվան հաջորդող ամսի 15-ը/ տվյալ ամսվա արդյունքներով Սահմանային չափերի ցուցանիշների մասին, նաև տարին երկու անգամ` հունիս և դեկտեմբեր ամինսերին` Հայտարարություն ելակետային տվյալների մասին: